नैराश्य लीला -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

pndit hridayanath ayodhyay ke ek sammanit purush the. dhanavanh to nahin lekin khane-pine se khush the. kee makan the, unhin ke kiraye par gujar hota tha. idhar kiraye badh gaye the, unhonne apani savari bhi rakh li thi. bahut vicharashil adami the, achchhi shiksha payi thi. snsar ka kafi tajuraba tha, par kriyatmak shakti se vnchit the, sabakuchh n janate the. samaj unaki ankhon men ek bhaynkar bhoot tha jisase sadaiv darate rahana chahie. use jara bhi rusht kiya to phir jan ki khair nahin. unaki stri jageshvari unaka pratibimb thi, pati ke vichar usake vichar aur pati ki ichchha usaki ichchha thi, donon praniyon men kabhi matabhed n hota tha. jageshvari shiv ki upasak thi, hridayanath vaishnav the, par dan aur vrat men donon ko saman shradhda thi, donon dharmanishth the, usase kahin adhik, jitana samanyat: shikshit log hua karate hain. isaka kadachith yah karan tha ki ek kanya ke siva unake aur koee sntan n thi. usaka vivah terahaven varsh men ho gaya tha aur mata-pita ki ab yahi lalasa thi ki bhagavanh ise putravati karen to ham log navase ke nam apana sab-kuchh likh-likhakar nishchint ho jayen.

kintu vidhata ko kuchh aur hi mnjoor tha. kailasakumari ka abhi gauna bhi n hua tha, vah abhi tak yah bhi n janane payi thi ki vivah ka ashay kya hai, ki usaka sohag uth gaya. vaidhavy ne usake jivan ki abhilashaon ka dipak bujha diya.

mata aur pita vilap kar rahe the, ghar men kuharam macha hua tha, par kailasakumari bhaunchakki ho-hokar sabake munh ki or takati thi. usaki samajh hi men n ata tha ki yah log rote kyon hain? man-bap ki ikalauti beti thi. man-bap ke atirikt vah kisi tisare vyakti ko apane lie avashyak n samajhati thi. usaki sukh-kalpanaon men abhi tak pati ka pravesh n hua tha. vah samajhati thi, striyan pati ke marane par isalie roti hain ki vah unaka aur unake bachchon ka palan karata hai. mere ghar men kis bat ki kami hai? mujhe isaki kya chinta hai ki khayenge kya, pahanenge kya? mujhe jis chiz ki zaroorat hogi babooji turant la denge, amma se jo chiz mangoongi vah de dengi. phir rooon kyon? yah apani man ko rote dekhati to roti, pati ke shok se nahin, man ke prem se. kabhi sochati, shayad yah log isalie rote hain ki kahin main koee aisi chiz n mang baithoon jise vah de n saken. to main aisi chiz mangoongi hi kyon? main ab bhi to unase kuchh nahin mangati, vah ap hi mere lie ek n ek chiz nity late rahate hain. kya main ab kuchh aur ho jaoongi? idhar mata ka yah hal tha ki beti ki soorat dekhate hi ankhon se ansoo ki jhadi lag jati. bap ki dasha aur bhi karunajanak thi. ghar men ana-jana chhod diya. sir par hath dhare kamare men akele udas baithe rahate. use vishesh du:kh is bat ka tha ki saheliyan bhi ab usake sath khelane n atin. usane unake ghar jane ki mata se agya mangi to vah phoot-phoot kar rone lagin. mata-pita ki yah dasha dekhi to usane unake samane jana chhod diya, baithi kisse-kahaniyan padha karati. usaki ekantapriyata ka man-bap ne kuchh aur hi arth samajha. ladaki shok ke mare ghuli jati hai, is vajrapat ne usake hriday ko tukade-tukade kar dala hai.

ek din hridayanath ne jageshvari se kaha- ji chahata hai,ghar chhodakar kahin bhag jaoon. isaka kasht ab nahin dekha jata.

jageshvari- meri to bhagavanh se yahi prarthana hai ki mujhe snsar se utha len. kahan tak chhati par patthar ki sil rakhoon.

hridayanath- kisi bhanti isaka man bahalana chahie, jisamen shokamay vichar anehi n payen. ham logon ko du:khi aur rote dekhakar usaka du:kh aur bhi darun ho jatahai.

jageshvari- meri to budhdi kuchh kam nahin karati.

hridayanath- ham log yon hi matam karate rahe to ladaki ki jan par ban ayegi. ab kabhi-kabhi use lekar sair karane chali jaya karo. kabhi-kabhi thietar dikha diya, kabhi ghar men gana-bajana kara diya. in baton se usaka dil bahalata rahega.

jageshvari- main to use dekhate hi ro padati hoon. lekin ab zabt karoongi. tumhara vichar bahut achchha hai. bina dil-bahalav ke usaka shok n door hoga.

hridayanath- main bhi ab usase dil bahalanevali baten kiya karoonga. kal ek sairabin laoonga, achchhe-achchhe drishy jama karoonga. gramophon to aj hi mngavaye deta hoon. bas use har vakt kisi n kisi kam men lagaye rahana chahie. ekantavas shok-jvala ke lie samir ke saman hai.

us din se jageshvari ne kailasakumari ke lie vinod aur pramod ke saman jama karane shuroo kiye. kailasi man ke pas ati to usaki ankhon men ansoo ki boonden n dekhati, honthon par hnsi ki abha dikhaee deti. vah muskara kar kahati- beti, aj thietar men bahut achchha tamasha hone vala hai, chalo dekh ayen. kabhi gnga-snan ki thaharati, vahan man-beti kishti par baithakar nadi men jal-vihar karatin, kabhi donon sndhya -samay park ki or chali jatin. dhire-dhire saheliyan bhi ane lagin. kabhi sab-ki-sab baithakar tash khelatin, kabhi gati-bajatin. pandit hridayanath ne bhi vinod ki samagriyan jutayin. kailasi ko dekhate hi magn hokar bolate- beti ao, tumhen aj kashmir ke drishy dikhaoon; kabhi kahate, ao aj svitjaralaind ki anupam jhanki aur jharanon ki chhata dekhen; kabhi gramophon bajakar use sunate. kailasi in sair-sapaton ka khoob anand uthati. itane sukh se usake din kabhi n gujare the.

2

is bhanti do varsh bit gaye. kailasi sair-tamashe ki itani adi ho gayi ki ek din bhi thietar n jati to bekal-si hone lagati. manornjan navinata ka das hai aur samanata ka shatru. thietaron ke bad sinema ki sanak savar huee. sinema ke bad mismerijm aur hipnotijm ke tamashon ki! gramophon ke naye rikard ane lage. sngit ka chaska pad gaya. biradari men kahin utsav hota to man-beti avashy jatin. kailasi nity isi nashe men doobi rahati, chalati to kuchh gunagunati huee, kisi se baten karati to vahi thietar ki aur sinema ki. bhautik snsar se ab koee vasta n tha, ab usaka nivas kalpana-snsar men tha. doosare lok ki nivasini hokar use praniyon se koee sahanubhooti n rahi, kisi ke du:kh par jara daya n ati. svabhav men uchchhrinkhalata ka vikas hua, apani suruchi par garv karane lagi. saheliyon se dinge marati, yahan ke log moorkh hain, yah sinema ki kadr kya karenge. isaki kadr to pashchim ke log karate hain. vahan manornjan ki samagriyan utani hi avashyak hain jitani hava. jabhi to ve utane prasann-chitt rahate hain, mano kisi bat ki chinta hi nahin. yahan kisi ko isaka ras hi nahin. jinhen bhagavanh ne samarthy bhi diya hai vah bhi saresham se munh dhankakar pad rahate hain. saheliyan kailasi ki yah garvapoorn baten sunatin aur usaki aur bhi prashnsa karatin. vah unaka apaman karane ke aveg men ap hi hasyaspad ban jati thi.

padosiyon men in sair-sapaton ki charcha hone lagi. lok-sammati kisi ki riayat nahin karati. kisi ne sir par topi tedhi rakhi aur padosiyon ki ankhon men khuba, koee jara akadakar chala aur padosiyon ne avajen kasin. vidhava ke lie pooja-path hai, tirth-vrat hai, mota khana hai, mota pahanana hai; use vinod aur vilas, rag aur rng ki kya zaroorat? vidhata ne usake sukh ke dvar bnd kar diye hain. ladaki pyari sahi, lekin sharm aur haya bhi to koee chiz hai. jab man-bap hi use sir chadhaye hue hain to usaka kya dosh? magar ek din ankhen khulengi avashy. mahilaen kahatin, bap to mard hai, lekin man kaisi hai usako jara bhi vichar nahin ki duniya kya kahegi. kuchh unhin ki ek dulari beti thode hi hai, is bhanti man badhana achchha nahin.

kuchh dinon tak to yah khichadi apas men pakati rahi. ant ko ek din kee mahilaon ne jageshvari ke ghar padarpan kiya. jageshvari ne unaka bada adar-satkar kiya. kuchh der tak idhar-udhar ki baten karane ke bad ek mahila boli- mahilaen rahasy ki baten karane men bahut abhyast hoti hain- bahan, tumhin maje men ho ki hnsi-khushi men din kat deti ho. hamen to din pahad ho jata hai. n koee kam n dhndha, koee kahan tak baten kare?

doosari devi ne ankhen matakate hue kaha- are, to yah to bade ki bat hai. sabhi ke din hnsi-khushi se katen to roye kaun. yahan to subah se sham tak chakki-choolhe se chhutti nahin milati; kisi bachche ko dast a rahe hain; to kisi ko jvar chadha hua hai; koee mithaiyon ki rat raha hai; to koee paison ke lie mahanamath machaye hue hai. din bhar hay-hay karate bit jata hai. sare din kathaputaliyon ki bhanti nachati rahati hoon.

tisari ramani ne is kathan ka rahasyamay bhav se virodh kiya- bade ki bat nahin, vaisa dil chahie. tumhen to koee rajasinhasan par bitha de tab bhi taskin n hogi. tab aur bhi hay-hay karogi.

is par ek vridhda ne kaha- nauj aisa dil! yah bhi koee dil hai ki ghar men chahe ag lag jay, duniya men kitana hi upahas ho raha ho, lekin adami apane rag-rng men mast rahe. vah dil hai ki patthar! ham grihini kahalati hain, hamara kam hai apani grihasthi men rat rahana. amod-pramod men din katana hamara kam nahin.

aur mahilaon ne is nirday vyngy par lajjit hokar sir jhuka liya. ve jageshvari ki chutakiyan lena chahati thin, usake sath billi aur choohe ki nirdayi krida karana chahati thin. ahat ko tadapana unaka uddeshy tha. is khuli huee chot ne unake par-pidan prem ke lie koee gunjaish n chhodi; kintu jageshvari ko tadana mil gayi. striyon ke vida hone ke bad usane jakar pati se yah sari katha sunayi. hridayanath un purushon men n the jo pratyek avasar par apani atmik svadhinata ka svang bharate hain, hathadharmi ko atm-svatntry ke nam se chhipate hain. vah snchit bhav se bole- to ab kya hoga?

jageshvari- tumhin koee upay socho.

hridayanath- padosiyon ne jo akshep kiya hai vah sarvatha uchit hai. kailasakumari ke svabhav men mujhe ek vichitr antar dikhaee de raha hai. mujhe svayn gyat ho raha hai ki usake manabahalav ke lie ham logon ne jo upay nikala hai vah munasib nahin hai. unaka yah kathan saty hai ki vidhavaon ke lie yah amod-pramod varjit hai. ab hamen yah paripati chhodani padegi.

jageshvari- lekin kailasi to in khel-tamashon ke bina ek din bhi nahin rah sakati.

hridayanath- usaki manovrittiyon ko badalana padega.

3

shanai:-shanai: yah vilasonmad shant hone laga. vasana ka tiraskar kiya jane laga. pnditaji sndhyaai samay gramophon n bajakar koee dharm grnth padhakar sunate. svadhyay, snyam, upasana men man-beti rat rahane lagin. kailasi ko guru ji ne diksha di, muhalle aur biradari ki striyan ayin, utsav manaya gaya.

man-beti ab kishti par sair karane ke lie gnga n jatin, balki snan karane ke lie. mandiron men nity jatin. donon ekadashi ka nirjal vrat rakhane lagin. kailasi ko guruji nity sndhya -samay dharmopadesh karate. kuchh dinon tak to kailasi ko vah vichar-parivartan bahut kashtajanak maloom hua, par dharmanishtha nariyon ka svabhavik gun hai, thode hi dinon men use dharm se ruchi ho gayi. ab use apani avastha ka gyan hone laga tha. vishay-vasana se chitt ap hi ap khinchane laga. 'pati' ka yatharth ashay samajh men ane laga tha. pati hi stri ka sachcha mitr, sachcha path-pradarshak aur sachcha sahayak hai. pativihin hona kisi ghor pap ka prayashchitt hai. mainne poorvajanm men koee akarm kiya hoga. patidev jivit hote to main phir maya men phns jati. prayashchitt ka avasar kahan milata. guruji ka vachan saty hai ki paramatma ne tumhen poorvakarmon ke prayashchitt ka yah avasar diya hai. vaidhavy yatana nahin hai, jivodhdar ka sadhan hai. mera udhdar tyag, virag, bhakti aur upasana se hoga.

kuchh dinon ke bad usaki dharmik vritti itani prabal ho gayi, ki any praniyon se vah prithakh rahane lagi. kisi ko n chhooti, mahariyon se door rahati, saheliyon se gale tak n milati, din men do-do, tin-tin bar snan karati, hamesha koee n koee dharm-granth padha karati. sadhu-mahatmaon ke seva-satkar men use atmik sukh prapt hota. jahan kisi mahatma ke ane ki khabar pati, unake darshanon ke lie vikal ho jati. unaki amritavanhi sunane se ji n bharata. man snsar se virakt hone laga. tallinata ki avastha prapt ho gayi. ghnton dhyan aur chintan men magn rahati. samajik bndhanon se ghrina ho gayi. hriday svadhinata ke lie lalayit ho gaya; yahan tak ki tin hi barason men usane sannyas grahan karane ka nishchay kar liya.

man-bap ko yah samachar gyat hua to hosh ud gaye. man boli- beti, abhi tumhari umr hi kya hai ki tum aisi baten sochati ho.

kailasakumari- maya-moh se jitani jald nivritti ho jay utana hi achchha.

hridayanath- kya apane ghar men rahakar maya-moh se mukt nahin ho sakati ho? maya-moh ka sthan man hai, ghar nahin.

jageshvari- kitani badanami hogi.

kailasakumari- apane ko bhagavanh ke charanon par arpan kar chuki to badanami ki kya chinta?

jageshvari- beti, tumhen n ho, hamako to hai. hamen to tumhara hi sahara hai. tumane jo sannyas le liya to ham kis adhar par jiyenge?

kailasakumari- paramatma hi sabaka adhar hai. kisi doosare prani ka ashray lena bhool hai.

doosare din yah bat muhallevalon ke kanon men pahunch gayi. jab koee avastha asadhy ho jati hai to ham us par vyngy karane lagate hain. 'yah to hona hi tha, nayi bat kya huee, ladakiyon ko is tarah svachchhnd nahin kar diya jata, phoole n samate the ki ladaki ne kul ka nam ujjval kar diya. puran padhati hai, upanishadh aur vedant ka path karati hai, dharmik samasyaon par aisi-aisi dalilen karati hai ki bade-bade vidvanon ki jaban bnd ho jati hai, to ab kyon pachhatate hain?' bhadr purushon men kee dinon tak yahi alochana hoti rahi.lekin jaise apane bachche ke daudate-daudate dham se gir padane par ham pahale krodh ke avesh men use jhidakiyan sunate hain, isake bad god men bithakar ansoo ponchhane aur phusalane lagate hain; usi tarah in bhadr purushon ne vyngy ke bad is gutthi ke sulajhane ka upay sochana shuroo kiya. kee sajjan hridayanath ke pas aye aur sir jhukakar baith gaye. vishay ka arambh kaise ho?

kee minat ke bad ek sajjan ne kaha- suna hai daktar gaud ka prastav aj bahumat se svikrit ho gaya.

doosare mahashay bole- yah log hindoo-dharm ka sarvanash karake chhodenge.

tisare mahanubhav ne pharamaya- sarvanash to ho hi raha hai, ab aur koee kya karega! jab hamare sadhu-mahatma, jo hindoo-jati ke stambh hain, itane patit ho gaye hain ki bholi-bhali yuvatiyon ko bahakane men snkoch nahin karate to sarvanash hone men rah hi kya gaya.

hridayanath- yah vipatti to mere sir hi padi huee hai. ap logon ko to maloom hoga.

pahale mahashay- ap hi ke sir kyon, ham sabhi ke sir padi huee hai.

doosare mahashay- samast jati ke sir kahie.

hridayanath- udhdar ka koee upay sochie.

pahale mahashay- apane samajhaya nahin?

hridayanath- samajha ke har gaya. kuchh sunati hi nahin.

tisare mahashay- pahale hi bhool huee. use is raste par dalana hi n chahie tha.

pahale mahashay- us par pachhatane se kya hoga? sir par jo padi hai usaka upay sochana chahie. apane samachar-patron men dekha hoga, kuchh logon ki salah hai ki vidhavaon se adhyapakon ka kam lena chahie. yadyapi main ise bhi bahut achchha nahin samajhata, par sannyasini banane se to kahin achchha hai. ladaki apani ankhon ke samane to rahegi. abhipray keval yahi hai ki koee aisa kam hona chahie jisamen ladaki ka man lage. kisi avalamb ke bina manushy ko bhatak jane ki shnka sadaiv bani rahati hai. jis ghar men koee nahin rahata usamen chamagadad basera lete hain.

doosare mahashay- salah to achchhi hai. muhalle ki das-panch kanyaen padhane ke lie bula li jayen. unhen kitaben, gudiyan adi inam milata rahe to bade shauq se ayengi. ladaki ka man to lag jayaga.

hridayanath- dekhana chahie. bharasak samajhaoonga.

jyon hi yah log vida hue, hridayanath ne kailasakumari ke samane yah tajavij pesh ki. kailasi ko snnyast ke uchchapad ke samane adhyapika banana apamanajanak jan padata tha. kahan vah mahatmaon ka satsng, vah parvaton ki gupha, vah suramy prakritik drishy, vah himarashi ki gyanamay jyoti, vah manasarovar aur kailas ki shubh chhata, vah atmadarshan ki vishal kalpanaen, aur kahan balikaon ko chidiyon ki bhanti padhana. lekin hridayanath kee dinon tak lagatar sevadharm ka mahatmy usake hriday par ankit karate rahe. seva hi vastavik sannyas hai. snnyasi keval apani mukti ka ichchhuk hota hai, seva-vratadhari svayn ki paramarth ki vedi par bali de deta hai. isaka gaurav kahin adhik hai. dekho, rishiyon men dadhichi ka jo yash hai, harishchndr ki jo kirti hai, usaki tulana aur kahan ki ja sakati hai. sannyas svarth hai, seva tyag hai, adi. unhonne is kathan ki upanishadon aur vedamntron se pushti ki. yahan tak ki dhire-dhire kailasi ke vicharon men parivartan hone laga. pnditaji ne muhallevalon ki ladakiyon ko ekatr kiya, pathashala ka janm ho gaya. nana prakar ke chitr aur khilaune mngaye. pnditaji svayn kailasakumari ke sath ladakiyon ko padhate. kanyaen shauq se atin. unhen yahan ki padhaee khel maloom hoti. thode hi dinon men pathashala ki dhoom ho gayi, any muhallon ki kanyaen bhi ane lagin.

4

kailasakumari ki seva-pravritti dinondin tivr hone lagi. din-bhar ladakiyon ko liye rahati; kabhi padhati, kabhi unake sath khelati, kabhi sina-pirona sikhati. pathashala ne parivar ka roop dharan kar liya. koee ladaki bimar ho jati to turnt usake ghar jati, usaki seva-sushroosha karati, gakar ya kahaniyan sunakar usaka dil bahalati.

pathashala ko khule hue sal-bhar hua tha. ek ladaki ko, jisase vah bahut prem karati thi, chechak nikal ayi. kailasi use dekhane gayi. man-bap ne bahut mana kiya, par usane n mana. kaha- turnt laut aoongi. ladaki ki halat kharab thi. kahan to rote-rote taloo sookhata tha, kahan kailasi ko dekhate hi mano sare kasht bhag gaye. kailasi ek ghnte tak vahan rahi. ladaki barabar usase baten karati rahi. lekin jab vah chalane ko uthi to ladaki ne rona shuroo kiya. kailasi majaboor hokar baith gayi. thodi der ke bad jab vah phir uthi to phir ladaki ki yahi dasha ho gayi. ladaki use kisi tarah chhodati hi n thi. sara din gujar gaya. rat ko bhi ladaki ne n jane diya. hridayanath use bulane ko bar-bar adami bhejate, par vah ladaki ko chhodakar n ja sakati. use aisi shnka hoti thi ki main yahan se chali aur ladaki hath se gayi. usaki man vimata thi. isase kailasi ko usake mamatv par vishvas n hota tha. is prakar vah tin dinon tak vahan rahi. athon pahar balika ke sirahane baithi pnkha jhalati rahati. bahut thak jati to divar se pith tek leti! chauthe din ladaki ki halat kuchh snbhalati huee maloom huee to vah apane ghar ayi. magar abhi snan bhi n karane payi thi ki adami pahuncha- jald chalie, ladaki ro-rokar jan de rahi hai. hridayanath ne kaha- kah do, aspatal se koee nars bula len!

kailasakumari- dada, ap vyarth men jhunjhalate hain. us bechari ki jan bach jay, main tin din nahin, tin mahine usaki seva karane ko taiyar hoon. akhir yah deh kis din kam ayegi.

hridayanath- to kanyaen kaise padhengi?

kailasi- do-ek din men vah achchhi ho jayagi, dane murajhane lage hain, tab tak ap jara in ladakiyon ki dekhabhal karate rahiega.

hridayanath- yah bimari chhoot se phailati hai.

kailasi- (hnsakar) mar jaoongi to apake sir se ek vipatti tal jayagi. yah kahakar usane udhar ki rah li. bhojan ki thali parasi rah gayi.

tab hridayanath ne jageshvari se kaha- jan padata hai, bahut jald yah pathashala bhi bnd karani padegi.

jageshvari- bina manjhi ke nav par lagana bahut kathin hai. jidhar hava pati hai, udhar hi bah jati hai.

hridayanath- jo rasta nikalata hoon vahi kuchh dinon ke bad kisi daladal men phnsa deta hai. ab phir badanami ke saman hote najar a rahe hain. log kahenge, ladaki doosaron ke ghar jati hai aur kee-kee din padi rahati hai kya karoon, kah doon, ladakiyon ko n padhaya karo?

jageshvari- isake siva aur ho kya sakata hai.

kailasakumari do din bad lauti to hridayanath ne pathashala bnd kar dene ki samasya usake samane rakhi. kailasi ne tivr svar se kaha- agar apako badanami ka itana bhay hai to mujhe vish de dijie. isake siva badanami se bachane ka aur koee upay nahin hai.

hridayanath- beti, snsar men rahakar to snsar ki-si karani hi padegi.

kailasi- to kuchh maloom bhi to ho ki snsar mujhase kya chahata hai. mujhamen jiv hai, chetana hai, jad kyonkar ban jaoon! mujhase yah nahin ho sakata ki apane ko abhagini, dukhiya samajhoon aur ek tukada roti khakar padi rahoon. aisa kyon karoon? snsar mujhe jo chahe samajhe, main apane ko abhagini nahin samajhati. main apane atm-samman ki raksha ap kar sakati hoon. main ise apana ghor apaman samajhati hoon ki pag-pag par mujh par shnka ki jay, nity koee charavahon ki bhanti mere pichhe lathi lie ghoomata rahe ki kisi khet men n ja padoon. yah dasha mere lie asahy hai.

yah kahakar kailasakumari vahan se chali gayi ki kahin munh se anargal shabd n nikal pade. idhar kuchh dinon se use apani bekasi ka yatharth gyan hone laga tha. stri purush ki kitani adhin hai, mano stri ko vidhata ne isilie banaya hai ki purushon ke adhin rahe. yah sochakar vah samaj ke atyachar par dant pisane lagati thi.

pathashala to doosare hi din se bnd ho gayi, kintu usi din kailasakumari ko purushon se jalan hone lagi. jis sukh-bhog se prarabdh hamen vnchit kar deta hai usase hamen dvesh ho jata hai. garib adami isilie to amiron se jalata hai aur dhan ki ninda karata hai. kailasi bar-bar jhunjhalati ki stri kyon purush par itani avalambit hai? purush kyon stri ke bhagy ka vidhayak hai? stri kyon nity purushon ka ashray chahe, unaka munh take? isalie n ki striyon men abhiman nahin hai, atm-samman nahin hai. nari-hriday ke komal bhav, use kutto ka dum hilana maloom hone lage. prem kaisa? yah sab dhong hai, stri purush ke adhin hai, usaki khushamad n kare, seva n kare, to usaka nirvah kaise ho.

ek din usane apane bal goonthe aur joode men gulab ka phool laga liya. man ne dekha to onth se jibh daba li. mahariyon ne chhati par hath rakhe.

isi tarah usane ek din rngin reshami sadi pahan li. padosinon men is par khoob alochanaen hueen.

usane ekadashi ka vrat rakhana chhod diya jo pichhale ath barason se rakhati ayi thi. knghi aur aine ko vah ab tyajy n samajhati thi.

sahalag ke din aye. nity-prati usake dvar par se baraten nikalatin. muhalle ki striyan apani apani atariyon par khadi hokar dekhatin. var ke rng-roop, akar-prakar par tikaen hotin, jageshvari se bhi bina ek ankh dekhe n raha jata. lekin kailasakumari kabhi bhoolakar bhi in jalooson ko n dekhati. koee barat ya vivah ki bat chalata to vah munh pher leti. usaki drishti men vah vivah nahin, bholi-bhali kanyaon ka shikar tha. baton ko vah shikariyon ke kutto samajhati. yah vivah nahin hai, stri ka balidan hai.

5

tij ka vrat aya. gharon ki saphaee hone lagi. ramaniyan is vrat ko rakhane ki taiyariyan karane lagin. jageshvari ne bhi vrat ka saman kiya. nayi-nayi sadiyan mngavayin. kailasakumari ke sasural se is avasar par kapade, mithaiyan aur khilaune aya karate the. abaki bhi aye. yah vivahita striyon ka vrat hai. isaka phal hai pati ka kalyan. vidhavaen bhi is vrat ko yathochit riti se palan karati hain. pati se unaka sambandha sharirik nahin, varanh adhyatmik hota hai. usaka is jivan ke sath ant nahin hota, annt kal tak jivit rahata hai. kailasakumari ab tak yah vrat rahati ayi thi. abaki usane nishchay kiya, main vrat n rakhoongi. man ne to matha thok liya. boli- beti, yah vrat rakhana dharm hai.

kailasakumari- purush bhi striyon ke lie koee vrat rakhate hain?

jageshvari- mardon men isaki pratha nahin hai.

kailasakumari- isilie n ki purushon ko striyon ki jan utani pyari nahin hoti jitani striyon ko purushon ki jan.

jageshvari- striyan purushon ki barabari kaise kar sakati hain? unaka to dharm hai apane purush ki seva karana.

kailasakumari- main ise apana dharm nahin samajhati. mere lie apani atma ki raksha ke siva aur koee dharm nahin.

jageshvari- beti, gajab ho jayaga, duniya kya kahegi?

kailasakumari- phir vahi duniya? apani atma ke siva mujhe kisi ka bhay nahin.

hridayanath ne jageshvari se yah baten sunin to chinta-sagar men doob gaye. in baton ka kya ashay? kya atm-samman ka bhav jagrit hua hai ya nairashy ki kroor krida hai? dhanahin prani ko jab kasht-nivaran ka koee upay nahin rah jata to vah lajja ko tyag deta hai. nissndeh nairashy ne yah bhishan roop dharan kiya hai. samany dashaon men nairashy apane yatharth roop men ata hai, par garvashil praniyon men vah parimarjit roop grahan kar leta hai. yahan par hridayagat komal bhavon ka apaharan kar leta hai- charitr men asvabhavik vikas utpann kar deta hai- manushy lok-laj aur upahas ki or se udasin ho jata hai, naitik bndhan toot jate hain. yah nairashy ki antim avastha hai.

hridayanath inhin vicharon men magn the ki jageshvari ne kaha- ab kya karana hoga?

hridayanath- kya bataoon.

jageshvari- koee upay hai?

hridayanath- bas, ek hi upay hai, par use jaban par nahin la sakata.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah