सुहाग की साड़ी -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

yah kahana bhool hai ki dampaty-sukh ke lie stri-purush ke svabhav men mel hona avashyak hai. shrimati gaura aur shrimanh kunvar ratanasinh men koee bat n milati thi. gaura udar thi, ratanasinh kaudi-kaudi ko danton se pakadate the. vah hnsamukh thi, ratanasinh chintashil the. vah kul-maryada par jan deti thi, ratanasinh ise adambar samajhate the. unake samajik vyavahar aur vichar men bhi ghor antar tha. yahan udarata ki bazi ratanasinh ke hath thi. gaura ko sahabhoj se apatti thi, vidhava-vivah se ghrina aur achhooton ke prashn se virodh. ratanasinh in sabhi vyavasthaon ke anumodak the. rajanitik vishayon men yah vibhinnata aur bhi jatil thi ! gaura vartaman sthiti ko atal, amar, aparihary samajhati thi, isalie vah naram-garam, kangres, svarajy, homarool sabhi se virakt thi. kahati-‘‘ye mutthi bhar padhe-likhe adami kya bana lenge, chane kahin bhad phod sakate hain?’’ ratanasinh pakke ashavadi the, rajanitik sabha ki pahali pnktiyon men baithanevale, karmakshetr men sabase pahale qadam uthanevale, svadeshavratadhari aur bahishkar ke poore anuyayi. itani vishamataon par bhi unaka dampaty-jivan sukhamay tha. kabhi-kabhi unamen matabhed avashy ho jata tha, par ve samir ke ve jhonke the, jo sthir jal ko halaki-halaki laharon se abhooshit kar dete hain; ve prachnd jhonke nahin jinase sagar viplavakshetr ban jata hai. thodi-si sadichchha sari vishamataon aur matabhedon ka pratikar kar deti thi.

2

videshi kapadon ki holiyan jalayi ja rahi thin. svaynsevakon ke jatthe bhikhariyon ki bhanti dvaron par khade ho-ho kar vilayati kapadon ki bhiksha mangate the aur aisa kadachith hi koee dvar tha jahan unhen nirash hona padata ho. khaddar aur gadhe ke din phir gaye the. nayanasukh, nayanadukh, malamal aur tanajeb tanabedh ho gaye the. ratanasinh ne akar gaura se kaha-lao, ab sab videshi kapade़ sndook se nikal do, de doon.

gaura-are to isi ghadi koee sait nikali jati hai, phir kabhi de dena.

ratan-vah, log dvar par khade kolahal macha rahe hain aur tum kahati ho, phir kabhi de dena.

gaura-to yah kunji lo, nikal kar de do. magar yah sab hai ladakon ka khel. ghar phoonkane se svarajy n kabhi mila hai aur n milega.

ratan-mainne kal hi to is vishay par tumase ghnton sirapachchi ki thi aur us samay tum mujhase sahamat ho gayi thin, aj tum phir vahi shnkaen karane lagin?

gaura-main tumhare aprasann ho jane ke dar se chup ho gayi thi.

ratan-achchha, shnkaen phir kar lena, is samay jo karana hai vah karo.

gaura-lekin mere kapade to n loge n?

ratan-sab dene padenge, vilayat ka ek soot bhi ghar men rakhana mere pran ko bhng kar dega.

itane men ramatahal saees ne bahar se pukara-sarakar, log jaldi macha rahe hain, kahate hain, abhi kee muhallon ka chakkar lagana hai. koee gadhe ka tukada ho to mujhe bhi mil jay, mainne bhi apane kapade de diye.

kesar mahari kapadon ki ek gathari lekar bahar jati huee dikhayi di. ratanasinh ne poochha-kya tum bhi apane kapade dene jati ho?

kesar ne lajate hue kaha-han sarakar, jab desh chhod raha hai to main kaise pahanoon?

ratanasinh ne gaura ki or adeshapoorn netron se dekha. ab vah vilamb n kar saki. lajja se sir jhukaye sndook kholakar kapade nikalane lagi. ek sndook khali ho gaya to usane doosara sndook khola. sabase oopar ek snudar reshami soot rakha hua tha jo kunvar sahab ne kisi angareji karakhane men silaya tha.

gaura ne poochha-kya soot bhi nikal doon?

ratan-han-han, ise kis din ke lie rakhogi?

gaura-yadi main yah janati ki itani jaldi hava badalegi to kabhi yah soot n banavane deti. sare rupaye khoon ho gaye.

ratanasinh ne kuchh uttar n diya. tab gaura ne apana sndook khola aur jalan ke mare svadeshi-videshi sabhi kapade nikal-nikal kar phenkane lagi. vah avesh-pravah men a gayi. unamen kitani hi bahumooly phainsi jaket aur sadiyan thin jinhen kisi samay pahan kar vah phooli n samati thi. baj-baj sadiyon ke lie to use ratanasinh se bar-bar takaje karane pade the. par is samay sab ki sab ankhon men khatak rahi thin. ratanasinh usake bhavon ko tad rahe the. svadeshi kapadon ka nikala jana unhen akhar raha tha, par is samay chup rahane hi men kushal samajhate the. tis par bhi do-ek bar vad-vivad ki naubat a hi gayi. ek banarasi sadi ke lie to vah jhagad baithe, use gaura ke hathon se chhin lena chaha, par gaura ne ek n mani, nikal hi phenka. sahasa sndook men se ek kesariya rng ki tanajeb ki sadi nikal ayi jis par pakke anchal aur palle tnke hue the. gaura ne use jaldi se lekar apani god men chhipa liya.

ratanasinh ne poochha-kaisi sadi hai.

gaura-kuchh nahin, tanajeb ki sadi hai. anchal pakka hai.

ratan-tanajeb ki hai tab to zaroor hi vilayati hogi. use alag kyon rakh liya? kya vah banarasi sadiyon se achchhi hai?

gaura-achchhi to nahin nhai, par main ise n doongi.

ratan-vah, vilayati chiz ko main n rakhane doonga. lao idhar.

gaura-nahin, meri khatir se ise rahane do.

ratan-tumane meri khatir se ek bhi chiz n rakhi, main kyon tumhari khatir karoon.

gaura-pairon padati hoon, zid n karo.

ratan-svadeshi sadiyon men se jo chaho rakh lo, lekin is vilayati chiz ko main n rakhane doonga. isi kapade ki badaulat ham gulam bane, yah gulami ka dag main ab nahin rakh sakata. lao idhar.

gaura-main ise n doongi, ek bar nahin hazar bar kahati hoon ki n doongi.

ratan-main ise lekar chhodoo़nga, is gulami ke patake ko, is dasatv ke bndhan ko kisi tarah n rakhoonga.

gaura-nahak zid karate ho.

ratan-akhir tumako isase kyon itana prem hai?

gaura-tum to bal ki khal nikalane lagate ho. itane kapade thode hain? ek sadi rakh hi li to kya?

ratan-tumane abhi tak in holiyon ka ashay hi nahin samajha.

gaura-khoob samajhati hoon. sab dhong hai. char din men josh thnda pad jayega.

ratan-tum keval itana batala do ki yah sadi tumhen kyon itani pyari hai, to shayad main man jaoon.

gaura-yah meri suhag ki sadi hai.

ratan-(jara der soch kar) tab to main ise kabhi n rakhoonga. main videshi vastr ko yah shubhasthan nahin de sakata. is pavitr snskar ka yah apavitr smriti-chihn ghar men nahin rakh sakata. main ise sabase pahale holi ki bhent karoonga. log kitane hatabuddhi ho gaye the ki aise shubh karyon men bhi videshi vastuon ka vyavahar karane men snkoch n karate the. main ise avashy holi men doonga.

gaura-kaisa asagun munh se nikalate ho.

ratan-aisi suhag ki sadi ka ghar men rakhana hi ashakun, amngal, anisht aur anarth hai.

gaura-yon chahe jabaradasti chhin le jao, par khushi se n doongi.

ratan-to phir main jabaradasti hi karoonga. majaboori hai.

yah kah kar vah lapake ki gaura ke hathon se sadi chhin loon. gaura ne use mazabooti se pakad liya aur ratan ki or katar netron se dekhakar kaha-tumhen mere sir ki kasam.

kesar mahari boli-bahoo ji ki ichchha hai to rahane dijie.

ratanasinh ke badhe hue hath ruk gaye, mukh malin ho gaya. udas ho kar bole-mujhe apana vrat todana padega. pratigya-patr par jhoothe hastakshar karane padenge. khair, yahi sahi.

3

sham ho gayi thi. dvar par svaynsevakagan shor macha rahe the, kunvar sahab jaldi aie, shrimati ji se bhi kah dijie, hamari prarthana svikar karen. bahut der ho rahi hai. udhar ratanasinh asamnjas men pade hue the ki pratigya-patr par kaise hastakshar karoon. videshi vastr ghar men rakh kar svadeshi vrat ka palan kyonkar hoga? age qadam badha chuka hoon, pichhe nahin hat sakata. lekin pratigya ka aksharashah palan karana abhisht bhi to nahin, keval usake ashay par lakshy rahana chahie. is vichar se mujhe pratigya-patr par hastakshar karane ka poora adhikar hai. triya-hath ke samane kisi ki nahin chalati. yon chahoon to ek tane men kam nikal sakata hai, par use bahut duahkh hoga, badi bhavuk hai, usake bhavon ka adar karana mera kartavy hai.

gaura bhi chinta men doobi huee thi. suhag ki sadi suhag ka chihn hai, use ag ... kitane ashakun ki bat hai. ye kabhi-kabhi balakon ki bhanti zid karane lagate hain, apani dhun men kisi ki sunate nahin. bigadate hain to mano munh hi nahin sidha hota.

lekin ve bechare bhi to apane siddhanton se majaboor hain. jhooth se unhen ghrina hai. pratigya-patr par jhoothi svikriti likhani padegi, unaki atma ko bada duahkh hoga, ghor dharmasnkat men pade honge, yah bhi to nahin ho sakata ki sare shahar men svadeshanuragiyon ke siramaur ban kar us pratigya-patr par hastakshar karane se anakani karen. kahin munh dikhane ko jagah n rahegi, log samajhenge, bana hua hai. par shakun ki chiz kaise doon?

itane men usane ramatahal saees ko sir par kapadon ka gatthar liye bahar jate dekha. kesar mahari bhi ek gatthar sir par rakhe hue thi. pichhe-pichhe ratanasinh hath men pratigya-patr liye ja rahe the. unake chehare par glani ki jhalak thi jaise koee sachcha adami jhoothi gavahi dene ja raha ho. gaura ko dekhakar unhonne ankhen pher lin aur chaha ki usaki nigah bachakar nikal jaoon. gaura ko aisa jan pada ki unaki ankhen dabadabayi huee hain. vah rah rokakar boli-jara sunate jao.

ratan-jane do, dik n karo; log bahar khade hain.

unhonne chaha ki patr ko chhipa loon; par gaura ne use unake hath se chhin liya, use gaur se padha aur ek kshan chintamagn rahane ke bad boli-vah sadi bhi lete jao.

ratan-rahane do, ab to mainne jhooth likh hi diya.

gaura-main kya janati thi ki tum aisi kadi pratigya kar rahe ho.

ratan-yah to main tumase pahale kah chuka tha.

gaura-meri bhool thi, kshama kar do aur ise lete jao.

ratan-jab tum ise dena ashakun samajhati ho to rahane do. tumhari khatir thoda-sa jhooth bolane men mujhe koee apatti nahin hai.

gaura-nahin, lete jao. amngal ke bhay se tumhari atma ka hanan nahin karana chahati.

yah kahakar usane apani suhag ki sadi uthakar pati ke hathon men rakh di. ratan ne dekha, gaura ke chehare par ek rng ata hai, ek rng jata hai, jaise koee rogi antarasth visham vedana ko dabane ki cheshta kar raha ho. unhen apani ahridayata par lajja ayi. ha ! keval apane siddhant ki raksha ke lie, apani atma ke samman ke lie, main is devi ke bhavon ka vadh kar raha hoon ! yah atyachar hai. sadi gaura ko de kar bole-tum ise rakh lo, main pratigya-patr ko phade dalata hoon.

gaura ne dridhata se kaha-tum n le jaoge to main khud ja kar de aoongi.

ratanasinh vivash ho gaye. sadi li aur bahar chale aye.

4

usi din se gaura ke hriday par ek bojh-sa rahane laga. vah dil bahalane ke lie nana upay karati; jalason men bhag leti, sair karane jati, manornjak pustaken padhati, yahan tak ki kee bar niyam ke viruddh thiyetaron men bhi gayi, kisi prakar amngal kalpana ko shant karana chahati thi, par yah ashnka ek meghamndal ki bhanti usake hriday par chhayi rahati thi.

jab ek poora mahina gujar gaya aur usaki manasik vedana dinondin badhati hi gayi to kunvar sahab ne use kuchh dinon ke lie apane ilake par le jane ka nishchay kiya. usaka man unhen unake adarsh-prem ka nity tiraskar kiya karata tha. vah aksar dehaton men prachar ka kam karane jaya karate the ! par ab apane ganvon se bahar n jate, ya jate to sndhya tak zaroor laut ate. unaki ek din ki der, unaka sadharan sir dard aur jukam use avyavasthit kar dete the. vah bahudha bure svapn dekha karati. kisi anisht ke kalpanik astitv ki chhaya use apane charon or mndarati huee pratit hoti thi.

vah to dehat men padi huee ashnkaon ki kathaputali bani huee thi. idhar usaki suhag ki sadi svadesh-prem ki vedi par bhasm hokar riddhi-pradayini bhabhoot bani huee thi.

doosare mahine ke ant men ratanasinh use le kar laut aye.

5

gaura ko vapas aye tin-char din ho chuke the, par asabab ke snbhalane aur niyat sthan par rakhane men vah itani vyast rahi ki ghar se bahar n nikal saki thi. karan yah tha ki kesar mahari usake jane ke doosare hi din chhodakar chali gayi thi aur abhi utani chatur doosari mahari mili n thi. kunvar sahab ka saees ramatahal bhi chhod gaya tha. bechare kochavan ko saees ka bhi kam karana padata tha.

sndhya ka samay tha. gaura baramade men baithi akash ki or ekatak hokar tak rahi thi. chintagrast praniyon ka ekamatr yahi avalamb hai ! sahasa ratanasinh ne akar kaha-chalo, aj tumhen svadeshi bazar ki sair kara laven. yah mera hi prastav tha, par char din yahan aye ho gaye, udhar jane ka avakash hi n mila.

gaura-mera to jane ko ji nahin chahata. yahin baithakar kuchh baten karo.

ratan-nahin, chalo dekh aven. ek ghnte men laut avenge.

ant men gaura raji ho gayi. idhar mahinon se bahar n nikali thi. aj use charon taraph ek vichitr shobha dikhayi di. bazar kabhi itani raunak par n tha. vah svadeshi bazar men pahunchi to julahon aur koriyon ko apani-apani dukanen sajaye baithe dekha. sahasa ek vriddh kori ne akar ratanasinh ko salam kiya. ratanasinh chaunkakar bole-ramatahal, tum ab kahan ho?

ramatahal ka chehara shrisampann tha. usake ang-ang se atm-samman ki abha jhalak rahi thi. ankhon men gaurav-jyoti thi. ratanasinh ko kabhi anuman n hua tha ki astabal saf karane vala buddha ramatahal itana saumy, itana bhadr purush hai. vah bola-sarakar, ab to apana karabar karata hoon. jab se apaki gulami chhodi tab se apane kam men lag gaya. ap logon ki nigah ham garibon par ho gayi hamara bhi gujar ho raha hai, nahin to ap janate hi hain, ki kis halat men pada hua tha. jat ka kori hoon, par papi pet ke lie chamar ban gaya tha.

ratan-to bhaee, ab munh mitha karao. yah bazar lagane ki meri hi salah thi, bikri to achchhi hoti hai.

ramatahal-han sarakar ! ajakal khoob bikri ho rahi hai. mal hatho-hath ud jata hai. yahan baithate hue ek mahina ho gaya hai, par apaki kripa se logon ke char paise the ve bebak ho gaye. bhagavanh ki daya se rookha-sookha bhojan bhi donon samay mil jata hai aur kya chahie. malakin ki suhag ki sadi ka holi men ana kahie aur bazar ka chamakana kahie. logon ne kaha, jab itane bade adami ho kar aise shakun ki chiz ki paravah nahin karate to phir ham videshi kapade kyon rakhen. jis din holi jali hai usake do-tin din pahale hi sarakar ilake par chale gaye the. usake pahale bhi sarakar kee dinon tak ghar se bahut kam nikalate the. main to yahi kahoonga ki yah sari maya usi suhag ki sadi ki hai.

itane men ek adhed stri gaura ke samane a kar boli-bahoo ji, mujhe bhool to nahin gayin?

gaura ne sir uthaya to samane kesar mahari khadi thi. vah sundar sadi pahane hue thi, hath-panv men mamooli gahane bhi the, chehara khila hua tha. svadhin jivan ka gaurav ek-ek bhav se prasphutit ho raha tha.

gaura ne kaha-itani jaldi bhool jaoongi? ab kahan ho? hamen lautane bhi n diya, bich men hi ud bhagi.

kesar-kya karoon sarakar, apana kam chalate dekh kar sabar n ho saka. jab tak rozagar n chalata tha tab tak lachari thi. pet ke lie seva-tahal, karam-kukaram sabhi karana padata tha. ab ap logon ki daya se hamare bhi din laute hain, ab doosara kam nahin kiya jata. agar bazar ka yahi rng raha to apani kamaee khaye n chukegi. yah sab apaki sadi ki mahima hai. usaki badaulat ham garibon ke kitane hi ghar bas gaye. ek mahina pahale in dookanavalon men se kisi ko rotiyon ka thikana n tha. koee saeesi karata tha, koee tase bajata tha, yahan tak ki kee adami mehatar ka kam karate the. kitane hi bhikh mangate the. ab sab apane dhndhe men lag gaye hain. sach poochho to tumhari suhag ki sadi ne hamen suhagin bana diya, nahin to ham suhagin hote hue bhi vidhavaen thin. sach kahati hoon, saikadon jabanon se nity yahi dua nikalati hai ki apaka suhag amar ho, jisane hamari rand jat ko suhag dan diya.

ratanasinh ek dookan par baithakar kuchh kapade dekhane lage. gaura ka bhavuk hriday annd se pulakit ho raha tha. usaki sari amngal kalpanaen svapnavath vichchhinn hoti jati thin. ankhen sajal ho gayi thin aur suhag ki devi ashrusnchit netron ke samane khadi anchal phaila kar use ashirvad de rahi thi.

usane ratanasinh ko bhaktipoorn ankhon se dekh kar kaha-mere lie bhi ek sadi le lo.

6

jab gaura yahan se chali to sadak ki bijaliyan jal chuki thin. sadakon par khoob prakash tha. usaka hriday bhi annd ke prakash se jagamaga raha tha.

ratanasinh ne poochha-sidhe ghar chaloon?

gaura-nahin, chhavani ki taraph hote chalo.

ratan-bazar khoob saja hua tha.

gaura-yah zamin le kar ek sthayi bazar banava do. svadeshi kapadon ki dookanen hon aur kisi se kiraya n liya jay.

ratan-bahut kharch padega.

gaura-makan bech do, rupaye hi rupaye ho jayenge.

ratan-aur rahen, ped tale?

gaura-nahin, ganvavale makan men.

ratan-sochoonga.

gaura-(jara der men) ilake-bhar men khoob kapas ki kheti karao, jo kapas boye usaki begar maph kar do.

ratan-han, tadabir achchhi hai, dooni upaj ho jayegi.

gaura-(kuchh der sochane ke bad) lakadi bina dam do to kaisa ho? jo chahe, charakhe banavane ke lie kat le jaye.

ratan-loot mach jayegi.

gaura-aisi beeemani koee n karega.

jab usane gadi se utar kar ghar men qadam rakha to chitt shubh-kalpanaon se praphullit ho raha tha. mano koee bachhada khoonte se chhootakar kilolen kar raha ho.


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah