बोध -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

pndit chndradhar ne apar praimari men mudarrisi to kar li thi, kintu sada pachhataya karate the ki kahan se is jnjal men a phnse. yadi kisi any vibhag men naukar hote, to ab tak hath men char paise hote, aram se jivan vyatit hota. yahan to mahine bhar pratiksha karane ke pichhe kahin pndrah rupaye dekhane ko milate hain. vah bhi idhar aye, udhar gayab. n khane ka sukh, pahanane ka aram. hamase to majoor hi bhale.

pnditaji ke pados men do mahashay aur rahate the. ek thakur atibalasinh, vah thane men hed kansatebal the. doosare munshi baijanath, vah tahasil men siyahe-navis the. in donon adamiyon ka vetan pnditaji se kuchh adhik n tha, tab bhi unaki chain se gujarati thi. sndhya ko vah kachahari se ate, bachchon ko paise aur mithaiyan dete. donon adamiyon ke pas tahaluve the. ghar men kursiyan, mejen, pharsh adi samagriyan maujood thin. thakur sahab sham ko aram-kursi par let jate aur khushaboodar khamira pite. munshiji ko sharab-kavab ka vyasan tha. apane susajjit kamare men baithe hue botal-ki-botal saf kar dete. jab kuchh nasha hota to haramoniyam bajate, sare muhalle men robadab tha. un donon mahashayon ko ata dekhakar baniye uthakar salam karate. unake lie bazar men alag bhav tha. char paise ser ki chiz take men late. lakadi-eedhan muft men milata.

pnditaji unake is that-bat dekhakar kudhate aur apane bhagy kosate. vah log itana bhi n janate the ki prithvi soory ka chakkar lagati hai athava soory prithvi ka sadharan pahadon ka bhi gyan n tha, tis par bhi eeshnavar ne unhen itani prabhuta de rakhi thi. yah log pnditaji par badi kripa rakhate the. kabhi ser adh ser doodh bhej dete aur kabhi thodi si tarakariyan kintu inake badale men pnditaji ko thakur sahab ke do aur munshiji ke tin ladakon ki nigarani karani padati. thakur sahab kahate pnditaji ! yah ladake har ghadi khela karate hain, jara inaki khabar lete rahie. munshiji kahate- yah ladake avara hue jate hain. jara inaka khayal rakhie. yah baten badi anugrahapoorn riti se kahi jati thin, mano pnditaji unake gulam hain. pnditaji ko yah vyavahar asahy lagata tha, kintu in logon ko naraz karane ka sahas n kar sakate the, unaki badaulat kabhi-kabhi doodh-dahi ke darshan ho jate, kabhi achar-chatani chakh lete. keval itana hi nahin, bazar se chizen bhi sasti late. isalie bechare is aniti ko vish ki ghoont ke saman pite.

is duravastha se nikalane ke lie unhonne bade-bade yatn kie the. prarthanapatr likhe, aphasaron ki khushamaden kin, par asha n poori huee. ant men harakar baith rahe. han, itana tha ki apane kam men truti n hone dete. thik samay par jate, der kar ke ate, man lagakar padhate. isase unake aphasar log khush the. sal men kuchh inam dete aur vetan-vriddhi ka jab kabhi avasar ata, unaka vishesh dhyan rakhate. parantu is vibhag ki vetan-vriddhi oosar ki kheti hai. bade bhagy se hath lagati hai. basti ke log unase sntusht the, ladakon ki snkhya badh gee thi aur pathashala ke ladake to un par jan dete the. koee unake ghar akar pani bhar deta,koee unaki bakari ke lie patti tod lata. pnditaji isi ko bahut samajhate the.

ek bar savan ke mahine men munshi baijanath aur thakur atibalasinh ne shriayodhyaji ki yatra ki salah ki. door ki yatra thi. haphton pahale se taiyariyan hone lagin. barasat ke din, saparivar jane men adachan thi. kintu striyan kisi bhanti n manati thin. ant men vivash hokar donon mahashayon ne ek-ek saptah ki chhutti li aur ayodhyaji chale. pnditaji ko bhi sath chalane ke lie badhy kiya. mele thele men ek falatoo adami se bade kam nikalate hain. pnditaji asamnjas men pade, parantu jab un logon ne unaka vyay dena svikar kiya to inakar n kar sake aur ayodhyaji ki yatra ka aisa suavasar pa kar n ruk sake.

bilhaur se ek baje rat ko gadi chhootati thi. yah log kha-pikar steshan par a baithe. jis samay gadi ayi, charon aur bhagadad-si pad gee. hajaron yatri ja rahe the. us utavali men munshiji pahale nikal gaye. pnditaji aur thakur sahab sath the. ek kamare men baithe. is aphat men kaun kisaka rasta dekhata hai.

gadiyon men jagah ki badi kami thi, parantu jis kamare men thakur sahab the, usamen keval char manushy the. vah sab lete hue the. thakur sahab chahate the ki vah uth jayn to jagah nikal aye. unhonne ek manushy se dantakar kaha-uth baitho ji dekhate nahin, ham log khade hain.

musaphir lete-lete bola- kyon uth baithe ji ? kuchh tumhare baithane ka theka liya hai?

thakur- kya hamane kiraya nahin diya hai ?

musaphir- jise kiraya diya ho, use jakar jagah mango.

thakur- jara hosh ki baten karo. is dabbe men das yatriyon ki agya hai.

musaphir- yah thana nahin hai, jara jaban snbhalakar baten kijie.

thakur- tum kaun ho ji ?

musaphir- ham vahi hain, jis par apane khuphiya-pharoshi ka aparadh lagaya tha jisake dvar se ap nakad 25 ru. lekar tale the.

thakur- aha ! ab pahachana. parantu mainne to tumhare sath riayat ki thi. chalan kar deta to tum saza pa jate.

musaphir- aur mainne bhi to tumhare sath riayat ki gadi men khada rahane diya. dhakel deta to tum niche chale jate aur tumhari haddi-pasali ka pata n lagata.

itane men doosara leta hua yatri zor se thatta marakar hnsa aur bola- kyon daroga sahab, mujhe kyon nahin uthate ?

thakur sahab krodh se lal ho rahe the. sochate the, agar thane men hota ho inaki jaban khinch leta, par is samay bure phnse the. vah balavan manushy the, par yah donon manushy bhi hatte-katte padate the.

thakur- sndook niche rakh do, bas jagah ho jay.

doosara musaphir bola- aur ap hi kyon n niche baith jaen. isamen kaun-si hethi huee jati hai. yah thana thode hi hai ki apake rob men farq pad jaega.

thakur sahab ne usaki or bhi dhyan se dekhakar poochha- kya tumhen bhi mujhase koee bair hai?

‘ji han, main to apake khoon ka pyasa hoon.’

‘mainne tumhara kya bigada hai, tumhari to soorat bhi nahin dekhi.’

doosara musaphir- apane meri soorat n dekhi hogi, par apaki mainne dekhi hai. isi kal ke mele men apane mujhe kee dnde lagae, main chupachap tamasha dekhata tha, par apane akar mera kachoomar nikal liya. main chupachap rah gaya, par ghav dil par laga hua hai ! aj usaki dava milegi.

yah kahakar usane aur bhi panv phaila diye aur krodhapoorn netron se dekhane laga. pnditaji ab tak chupachap khade the. darate the ki kahin marapit n ho jay. avasar pakar thakur sahab ko samajhaya. jyonhi tisara steshan aya, thakur sahab ne bal-bachchon ko vahan se nikalakar doosare kamare men baithaya. in donon dushton ne unaka asabab utha-uthakar zamin par phenk diya. jab thakur sahab gadi se utarane lage, to unhonne unako aisa dhakka diya ki bechare pletapharm par gir pade. gard se kahane daude the ki injan ne siti di. jakar gadi men baith ge.

udhar munshi baijanath ki aur bhi buri dasha thi. sari rat jagate gujari. jara pair phailane ki jagah n thi. aj unhonne jeb men botal bharakar rakh li thi ! pratyek steshan par koyala-pani le lete the. phal yah hua ki pachan-kriya men vighn pad gaya. ek bar ulti huee aur pet men marod hone lagi. bechare bade mushkil men pade. chahate the ki kisi bhanti let jayn, par vahan pair hilane ko bhi jagah n thi. lakhanoo tak to unhonne kisi prakar jabt kiya. age chalakar vivash ho ge. ek steshan par utar pade. khade n ho sakate the. pletapharm par let ge. patni bhi ghabarayi. bachchon ko lekar utar padi. asabab utara, par jaldi men trnk utarana bhool gee. gadi chal di. daroga ji ne apane mitr ko is dasha men dekha to vah bhi utar pade. samajh ge ki hajarat aj zyada chadha ge. dekha to munshi ji ki dasha bigad gee thi. jvar, pet men dard, nason men tanav, kai aur dast. bada khataka hua. steshan mastar ne yah dasha dekhi to samajha, haija ho gaya hai. hukm diya ki rogi ko abhi bahar le jao. vivash hokar munshiji ko log ek ped ke niche utha laye. unaki patni rone lagin. hakim daktar ki talash huee. pata laga ki distrikt bord ki taraph se vahan ek chhota-sa aspatal hai. logon ki jan men jan ayi. kisi se yah bhi maloom hua ki daktar sahab bilhaur ke rahane vale hain. dhandhas bndha. darogaji aspatal daude. daktar sahab se sara samachar kah sunaya aur kaha- ap chalakar jara unhen dekh to lijie.

daauktar ka nam tha chokhelal. kampaundar the, log adar se daktar kaha karate the. sab vrittant sunakar rukhaee se bole- sabere ke samay mujhe bahar jane ki agya nahin hai.

daroga- to kya munshiji ko yahin layen ?

chokhelal- han, apaka ji chahe laie.

darogaji ne daud-dhoopakar ek doli ka prabndh kiya. munshiji ko ladakar aspatal laye. jyon hi baramade men pair rakha, chokhelal ne dantakar kaha- haije (visoochika) ko rogi ko oopar lane ki agya nahin hai.

baijanath achet to the nahin, avaz suni, pahachana. dhire se bole- are, yah to bilhaur ke hi hain; bhala-sa nam hai tahasil men aya-jaya karate hain. kyon mahashay ! mujhe pahachanate hain ?

chokhelal- ji han, khoob pahachanata hoon.

baijanath- pahachanakar bhi itani nithurata. meri jan nikal rahi hai. jara dekhie, mujhe kya ho gaya ?

chokhelal-han, yah sab kar doonga aur mera kam hi kya hai ! phis ?

darogaji- aspatal men kaisi phis janabaman ?

chokhelal- vaisi hi jaisi in munshiji ne vasool ki thi janabaman.

daroga- ap kya kahate hain, meri samajh men nahin ata.

chokhelal- mera ghar bilhaur men hai. vahan meri thodi-si zamin hai. sal men do bar usaki dekh-bhal ke lie jana padata hai. jab tahasil men lagan dakhil karane jata hoon, to munshiji dantakar apana hak vasool lete hain. n doon to sham tak khada rahana pade. syaha n ho. phir janab, kabhi gadi nav par, kabhi nav gadi par. meri phis das rupaye nikalie. dekhoon, dava doon, nahin to apani rah lijie.

daroga- das rupaye !!

chokhelal-ji han, aur yahan thaharana chahen to das rupaye roj.

darogaji vivash ho ge. baijanath ki stri se das rupaye mange. tab use apane baks ki yad ayi. chhati pit li. darogaji ke pas bhi adhik rupaye nahin the, kisi tarah das rupaye nikalakar chokhelal ko diye. unhonne dava di. din-bhar kuchh fayada n hua. rat ko dasha snbhali. doosare din phir dava ki avashyakata huee. munshiyain ka ek gahana jo 20 ru. se kam ka n tha, bazar men becha gaya, tab kam chala. chokhelal ko dil men khoob galiyan din.

shri ayodhyaji men pahunchakar sthan ki khoj huee. pndon ke ghar jagah n thi. ghar-ghar men adami bhare hue the. sari basti chhan mari, par kahin thikana n mila. ant men yah nishchay hua ki kisi ped ke niche dera jamana chahie. kintu jis ped ke niche jate the, vahin yatri pade milate. sivay khule maidan men ret par pade rahane ke aur koee upay n tha. ek svachchh sthan dekhakar bistare bichhae aur lete. itane men badal ghir aye. boonden ghirane lagin. bijali chamakane lagi. garaj se kan ke parade phate jate the. ladake rote the, striyon ke kaleje kanp rahe the. ab yahan thaharana dussah tha, par jay kahan ?

akasmath ek manushy nadi ki taraph se lalaten liye ata dikhaee diya. vah nikat pahuncha to pnditaji ne use dekha. akriti kuchh pahachani huee maloom huee, kintu yah vichar n aya ki kahan dekha hai. pas jakar bole- kyon bhaee sahab ! yahan yatriyon ke rahane ki jagah n milegi ? vah manushy ruk gaya. pnditaji ki or dhyan se dekhakar bola- ap pndit chandradhar to nahin hai ?

pndit prasann hokar bole- ji han. ap mujhe kaise janate hain ?

us manushy ne sadar pnditaji ke charan chhue aur bola- main apaka purana shishy hoon. mera nam kripashnkar hai. mere pita kuchh dinon bilehaur men dak munshi rahe the. unhin dinon main apaki seva men padhata tha.

pnditaji ki smriti jagi : bole- o ho, tumhin ho kripashnkar. tab to tum dubale-patale ladake the, koee ath nau sal hue hoge.

kripashnkar- ji han, navan sal hai. mainne vahan se akar intrens pas kiya. ab yahan myunisipailiti men naukar hoon. kahie ap to achchhi tarah rahe ? saubhagy tha ki apake darshan ho ge.

pnditaji- mujhe bhi tumase milakar bada anand hua. tumhare pita ab kahan hain?

kripashnkar- unaka to dehant ho gaya. mataji hai. ap yahan kab aye ?

pnditaji- aj hi aya hoon. pndon ke ghar jagah n mili ! vivash ho yahi rat katane ki thahari.

kripashnkar- bal-bachche bhi sath hain ?

pnditaji- nahin, main to akela hi aya hoon, par mere sath darogaji aur siyahenavil sahab hain- unake bal-bachche bhi sath hain.

kripashnkar- kul kitane manushy honge ?

pnditaji- hain to das, kintu thodi si jagah men nirvah kar lenge.

kripashnkar- nahin sahab, bahut-si jagah lijie. mera bada makan khali pada hai. chalie, aram se ek, do, tin din rahie. mera param saubhagy hai ki apaki kuchh seva karane ka avasar mila.

kripashnkar ne kuli bulae. asabab uthavaya aur sabako apane makan par le gaya. saph-suthara ghar tha. naukar ne chatapat charapaiyan bichha din. ghar men pooriyan pakane lagin. kripashnkar hath bandhe sevak ki bhanti daudata tha. hridayollas se usaka mukh-kamal chamak raha tha. usaki vinay aur namrata se sabako mugdh kar liya.

aur sab log to kha-pikar soe, kintu pndit chndradhar ko nind nahin aee. unaki vichar-shakti is yatra ki ghatanaon ka ullekh kar rahi thi. relagadi ki ragad-jhagad aur chikitsalay ki noch-khasot ke sammukh kripashnkar ki sahridayata aur shalinata prakashamay dikhayi deti thi. pnditaji ne aj shikshak ka gaurav samajha. unhen aj is pad ki mahanata gyat huee.

yah log tin din ayodhya rahe. kisi bat ka kasht n hua kripashnkar ne unake sath dham ka darshan karaya.

tisare din jab log chalane lage, to vah steshan tak pahunchane aya. jab gadi ne siti di, to usane sajal netron se pnditaji ke charan chhue aur aur bola- kabhi-kabhi is sevak ko yad karate rahiega.

pnditaji ghar pahunche to unake svabhav men bada parivartan ho gaya tha. unhonne phir kisi doosare vibhag men jane ki cheshta nahin ki.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah