अलंकार उपन्यास  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

un dinon nil nadi ke tat par bahut se tapasvi raha karate the. donon hi kinaron par kitani hi jhonpadiyan thodi thodi door par bani huee thin. tapasvi log inhin men ekantavas karate the aur zaroorat padane par ek doosare ki sahayata karate the. inhin jhonpadiyon ke bich men jahan-tahan giraje bane hue the. prayah sabhi girajagharon par salib ka akar dikhaee deta tha. dharmotsavon par sadhu-sant door door se vahan a jate the. nadi ke kinare jahan-tahan math bhi the. jahan tapasvi log akele chhoti chhoti guphaon men siddhi prapt karane ka yatn karate the.

yah sabhi tapasvi bade bade kathin vrat dharan karate the, keval sooryast ke bad ek bar sookshm ahar karate. roti aur namak ke sivay aur kisi vastu ka sevan n karate the. kitane hi to samadhiyon ya kandaraon men pade rahate the. sabhi brahmachari the, sabhi mitahari the. vah oon ka ek kurata aur kanatop pahanate the; rat ko bahut der tak jagate aur bhajan karane ke pichhe bhoomi par so jate the. apane poorvapurush ke papon ka prayashchit karane ke lie vah apani deh ko bhogavilas hi se door nahin rakhate the, varanh usaki itani raksha bhi n karate the jo vartamanakal men anivary samajhi jati hai. unaka vishvas tha ki deh ko jitana kasht diya jae, vah jitani rugnavastha men ho, utani hi atma pavitr hoti hai. unake lie kodh aur phodon se uttam shrringar ki koee vastu n thi.

is tapobhoomi men kuchh log to dhyan aur tap men jivan ko saphal karate the, par kuchh aise log bhi the jo tad ki jataon ko batakar kisanon ke lie rassiyan banate ya phal ke dinon men krishakon ki sahayata karate the. shahar ke rahane vale samajhate the ki yah choron aur dakuon ka giroh hai, yah sab arab ke luteron se milakar qaphilon ko loot lete hain. kintu yah bharam tha. tapasvi dhan ko tuchchh samajhate the, atmodghar hi unake jivan ka ekamatr uddeshy tha. unake tej ki jyoti akash ko bhi alokit kar deti thi.

svarg ke doot, yuvakon ya yatriyon ka vesh rakhakar in mathon men ate the. isi prakar rakshas aur daity habshiyon ya pashuon ka roop dharakar is dharmashram men tapasviyon ke bahakane ke lie vichara karate the. jab ye bhakt gan apane apane ghade lekar pratahkal sagar ki or pani bharane jate the to unhen rakshason aur daityon ke padachihn dikhaee dete the. yah dharmashram vastav men ek samarakshetr tha jahan nity aur visheshatah rat ko svarg aur narak, dharm aur adharm men bhishan sngram hota rahata tha. tapasvi log svargadooton tatha eeshvar ki sahayata se vrat, dhyan aur tap se in pishach senaon ke aghaton ka nivaran karate the. kabhi indriyajanit vasanaen unake marmasthal par aisa ankush lagati thin ki ve pida se vikal hokar chikhane lagate the aur unaki artadhvani van pashuon ki garaj ke sath milakar taron se bhooshit akash tak goonjane lagati thi. tab vahi rakshas aur daity manohar vesh dharan kar lete the, kyonki yadyapi unaki soorat bahut bhaynkar hoti hai par vah kabhi kabhi sundar roop dhar liya karate hain jisamen unaki pahachan n ho sake. tapasviyon ko apani kutiyon men vasanaon ke aise drishy dekhakar vismay hota tha jin par us samay dhurandhar vilasiyon ka chitt mugdh ho jata. lekin salib ki sharan men baithe hue tapasviyon par unake pralobhanon ka kuchh asar n hota tha, aur yah dushtatmaen sooryoday hote hi apana yatharth roop dharan karake bhag jati thin. koee unase poochhata to kahate 'ham isalie ro rahe hain ki tapasviyon ne hamako marakar bhaga diya hai.'

dharmashram ke siddhapurushon ka samast desh ke durjanon aur nastikon par atnk sa chhaya hua tha. kabhi kabhi unaki dharmaparayanata bada vikaral roop dharan kar leti thi. unhen dharmasmritiyon ne eeshvaravimukh praniyon ko dand dene ka adhikar pradan kar diya tha aur jo koee unake kop ka bhagi hota tha use snsar ki koee shakti bacha n sakati thi. nagaron men, yahan tak ki iskandriya men bhi, in bhishan yantranaon ki adbhut dantakathaen phaili huee thin. ek mahatma ne kee dushton ko apane sote se mara, zamin phat gayi aur vah usamen sama gaye. atah dushtajan, visheshakar madari, vivahit padari aur veshyaen, in tapasviyon se tharathar kanpate the.

in siddhapurushon ke yogabal ke samane vanajantu bhi shish jhukate the. jab koee yogi maranasann hota to ek sinh akar pnjon se usaki qabr khodata tha. isase yogi ko maloom hota tha ki bhagavan use bula rahe hain. vah turant jakar apane sahayogiyon ke mukh choomata tha. tab qabr men akar samadhisth ho jata tha.

ab tak is tapashram ka pradhan entoni tha. par ab usaki avastha sau varsh ki ho chuki thi. isilie vah is sthan ko tyag kar apane do shishyon ke sath jinake nam makar aur amaty the, ek pahadi men vishram karane chala gaya tha. ab is ashram men papanashi nam ke ek sadhu se bada aur koee mahatma n tha. usake satkarmon ki kirti dooradoor phaili huee thi aur kee tapasvi the jinake anuyayiyon ki snkhya adhik thi aur jo apane ashramon ke shasan men adhik kushal the. lekin papanashi vrat aur tap men sabase badha hua tha, yahan tak ki vah tin tin din anashan vrat rakhata tha rat ko aur pratahkal apane sharir ko banon se chhedata tha aur vah ghanton bhoomi par mastak navaye pada rahata tha.

usake chaubis shishyon ne apani apani kutiya usaki kuti ke asapas bana li thin aur yogakriyaon men usi ke anugami the. in dharmaputron men aise aise manushy the jinhonne varshon dakaitiyan dali thin, jinake hath rakt se rnge hue the, par mahatma papanashi ke upadeshon ke vashibhoot hokar ab vah dharmik jivan vyatit karate the aur apane pavitr acharanon se apane sahavargiyon ko chakit kar dete the. ek shishy, jo pahale habsh desh ki rani ka bavarchi tha, nity rota rahata tha. ek aur shishy phalada nam ka tha jisane poori baibil knthasth kar li thi aur vani men bhi nipun tha. lekin jo shishy atmashuddhi men in sabase badhakar tha vah paaul nam ka ek kisan yuvak tha. use log moorkh paaul kaha karate the, kyonki vah atyant saral hriday tha. log usaki bholi bhali baton par hnsa karate the, lekin eeshvar ki us par vishesh kripadrishti thi. vah atmadarshi aur bhavishyavakta tha. use ilham hua karata tha.

papanashi ka janmasthan iskandriya tha. usake mata-pita ne use bhautik vidya ki oonchi shiksha dilaee thi. usane kaviyon ke shrringar ka asvadan kiya tha aur yauvanakal men eeshvar ke anaditv, balki astitv par bhi doosaron se vad-vivad kiya karata tha. isake pashchath kuchh din tak usane dhani purushon ke prathanusar aindriy sukhabhog men vyatit kiye, jise yad karake ab lajja aur glani se usako atyant pida hoti thi. vah apane sahacharon se kaha karata 'un dinon mujh par vasana ka bhoot savar tha.' isaka ashay yah kadapi n tha ki usane vyabhichar kiya tha; balki keval itana ki usane svadisht bhojan kiya tha aur nath‌yashalaon men tamasha dekhane jaya karata tha. vastav men bis varsh ki avastha, tab usane us kal ke sadharan manushyon ki bhanti jivan vyatit kiya tha. vahi bhogalipsa ab usake hriday men kante ke saman chubha karati thi. daivayog se unhin dinon use makar rishi ke sadupadeshon ko sunane ka saubhagy prapt hua. usaki kaya palat ho gayi. saty usake rom-rom men vyapt ho gaya, bhale ke saman usake hriday men chubh gaya. bapatisma lene ke bad vah sal bhar tak aur bhadr purushon men raha, purane snskaron se mukt n ho saka. lekin ek din vah girajaghar men gaya aur vahan upadeshak ko yah pad gate hue suna- 'yadi too eeshvarabhakti ka ichchhuk hai to ja, jo kuchh tere pas ho use bech dal aur garibon ko de de.' vah turant ghar gaya, apani sari sampatti bechakar garibon ko dan kar di aur dharmashram men pravisht ho gaya aur das sal tak snsar se virakt hokar vah apane papon ka prayashchit karata raha.

ek din vah apane niyamon ke anusar un dinon ka smaran kar raha tha, jab vah eeshvar vimukh tha aur apane dushkarmon par ekek karake vichar kar raha tha. sahasa yad aya ki mainne iskandriya ki ek nath‌yashala men thayas nam ki ek roopavati nati dekhi thi. vah ramani rngashalaon men nrity karate samay ang-pratyngon ki aisi manohar chhavi dikhati thi ki darshakon ke hriday men vasanaon ki tarngen uthane lagati thin. vah aisa thirakati thi, aise bhav batati thi, lalasaon ka aisa nagn chitr khinchati thi ki sajile yuvak aur dhani vriddh kamatur hokar usake grihadvar par phoolon ki malaen bhent karane ke lie ate. thayas usaka saharsh svagat karati aur unhen apani ankasthali men ashray deti. is prakar vah keval apani hi atma ka sarvanash n karati thi, varanh doosaron ki atmaon ka bhi khoon karati thi.

papanashi svayn usake mayapash men phnsate phnsate rah gaya tha. vah kamatrishna se unmatt hokar ek bar usake dvar tak chala gaya tha. lekin varangana ke chaukhat par vah thithak gaya, kuchh to uthati huee javani ki svabhavik katarata ke karan aur kuchh is karan ki usaki jeb men rupaye n the, kyonki usaki mata isaka sadaiv dhyan rakhati thi ki vah dhan ka apavyay n kar sake. eeshvar ne inhin do sadhanon dvara use pap ke agnikund men girane se bacha liya. kintu papanashi ne is asim daya ke lie eeshvar ko dhanyavad diya; kyonki us samay usake gyanachakshu band the. vah n janata tha ki main mithya anandabhog ki dhun men pada hoon. ab apani ekant kuti men usane pavitr salib ke samane mastak jhuka diya aur yog ke niyamon ke anusar bahut der tak thayas ka smaran karata raha kyonki usane moorkhata aur andhakar ke dinon men usake chitt ko indriy sukh-bhog ki ichchhaon se andolit kiya tha. kee ghante dhyan men doobe rahane ke bad thayas ki spasht aur sajiv moorti usake hriday netron ke age a khadi huee. ab bhi usaki roop shobha utani hi anupam thi jitani us samay jab usane usaki kuvasanaon ko uttejit kiya tha. vah badi komalata se gulab ki sej par sir jhukaye leti huee thi. usake kamal netron men ek vichitr ardrata, ek vilakshan jyoti thi. usake nathune phadak rahe the, adhar kali ki bhanti adhe khule hue the aur usaki banhen do jaladharaon ke sadrish nirmal aur ujjval thin. yah moorti dekhakar papanashi ne apani chhati pitakar kaha-"bhagavan too sakshi hai ki main papon ko kitana ghor aur ghatak samajh raha hoon."

dhire dhire is moorti ka mukh vikrit hone laga, usake honth ke donon kone niche ko jhukakar usaki antarvedana ko prakat karane lage. usaki badi badi ankhen sajal ho gayin. usaka vaksh uchchhvason se andolit hone laga manon toofan ke poorv hava sanasana rahi ho! yah kutoohal dekhakar papanashi ko marmavedana hone lagi. bhoomi par sir navakar usane yon prarthana ki- 'karunamay ! toone hamare antahkaran ko daya se paripoorit kar diya hai, usi bhanti prabhat ke samay khet himakanon se paripoorit hote hain. main tujhe namaskar karata hoon! too dhany hai. mujhe shakti de ki tere jivon ko teri daya ki jyoti samajhakar prem karun, kyonki snsar men sab kuchh anity hai, ek too hi nity, amar hai. yadi is abhagini stri ke prati mujhe chinta hai to isaka karan hai ki vah teri hi rachana hai. svarg ke doot bhi us par dayabhav rakhate hain. bhagavan, kya yah teri hi jyoti ka prakash nahin hai ? use itani shakti de ki vah is kumari ko tyag de. too dayasagar hai, usake pap mahaghor, ghrinit hain aur unake kalpanamatr hi se mujhe romanch ho jata hai. lekin vah jitani papishtha hai, utana hi mera chitt usake lie vyathit ho raha hai. main yah vichar karake vyagr ho jata hoon ki narak ke doot antakal tak use jalate rahenge.'

vah yahi prarthana kar raha tha ki usane apane pairon ke pas ek gidad ko pade hue dekha. use bada ashchary hua, kyonki usaki kuti ka dvar band tha. aisa jan padata tha ki vah pashu usake manogat vicharon ko bhanp raha hai, vah kutte ki bhanti poonchh hila raha tha. papanashi ne turant salib ka akar banaya aur pashu lupt ho gaya. use tab gyat hua ki aj pahali bar rakshas ne meri kuti men pravesh kiya. usane chitt shanti ke lie chhoti si prarthana ki aur phir thayas ka dhyan karane laga.

usane apane man men nishchay kiya ? 'harichchha se main avashy usaka udghar karunga.' tab usane vishram kiya.

doosare din oosha ke sath usaki nidra bhi khuli. usane turant eesh vndana ki aur palam sant se milane gaya, jinaka ashram vahan se kuchh door tha. usane sant mahatma ko apane svabhav ke anusar praphull chitt se bhoomi khodate paya. palam bahut vriddh the. unhonne ek chhoti si phulavadi laga rakhi thi. van jantu akar unake hathon ko chatate the aur pishachadi kabhi unhen kasht n dete the.

unhonne papanashi ko dekhakar namaskar kiya.

papanashi ne uttar dete hue kaha- 'bhagavan tumhen shanti de.'

palam- 'tumhen bhi bhagavan shanti de.' yah kahakar unhonne mathe ka pasina apane kurate ki astin se paunchha.

papanashi- 'bandhuvar, jahan bhagavan ki charcha hoti hai vahan bhagavan avashy vartaman rahate hain. hamara dharm hai ki apane sambhashanon men bhi eeshvar ki stuti hi kiya karen. main is samay eeshvar ki kirti prasarit karane ke lie ek prastav lekar apaki seva men upasthiti hua hoon.'

palam- 'bandhu papanashi, bhagavan tumhare prastav ko mere kolhoo ke bailon ki bhanti saphal kare. vah nity prabhat ko meri vatika par os binduon ke sath apani daya ki varsha karata hai aur usake pradan kie hue khoron aur kharaboozon ka asvadan karake, main usake asim vatsaly ki jay jayakar manata hoon. usase yahi yachana karani chahie ki hamen apani shanti ki chhaya men rakhe kyonki man ko udvign karane vale bhishan duravegon se adhik bhaynkar aur koee vastu nahin hai. jab yah manoveg jagrit ho jate hain to hamari dasha matavalon ki si ho jati hai, hamare pair ladakhadane lagate hain aur aisa jan padata hai ki ab aundhe munh gire ! kabhi kabhi in manovegon ke vashibhoot hokar ham ghatak sukhabhog men magn ho jate hain. lekin kabhi kabhi aisa bhi hota hai ki atmavedana aur indriyon ki ashanti hamen nairashyanad men duba deti hain, jo sukh bhog se kahin sarvanashak hai. bandhuvar, main ek mahanh papi prani hoon, lekin mujhe apane dirgh jivanakal men yah anubhav hua hai ki yogi ke lie is malinata se bada aur koee shatru nahin hai. isase mera abhipray us asadhy udasinata aur kshobh se hai jo kuhare ki bhanti atma par parada dale rahati hai aur eeshvar ki jyoti ko atma tak nahin pahunchane deti. muktimarg men isase badi aur koee badha nahin hai, aur asuraraj ki sabase badi jit yahi hai ki vah ek sadhu purush ke hriday men kshubdh aur malin vichar ankurit kar de. yadi vah hamare oopar manohar pralobhanon hi se akraman karata to bahut bhay ki bat n thi. par shok ! vah hamen kshubdh karake bazi mar le jata hai. pita entoni ko kabhi kisi ne udas ya duahkhi nahin dekha. unaka mukhada nity phool ke saman khila rahata tha. unake madhur musakan hi se bhakton ke chitt ko shanti milati thi. apane shishyon men kitane prasann muskan chitt rahate the. unaki mukhakanti kabhi manomaliny se dhundhali nahin huee. lekin han, tum kisi prastav ki charcha kar rahe the ?'

papanashi- 'bandhu palam, mere prastav ka uddeshy keval eeshvar ke mahatmy ko ujjval karana hai. mujhe apane sadparamarsh se anugrihit kijie, kyonki ap sarvgy hai aur pap ki vayu ne kabhi apako sparsh nahin kiya.'

palam- 'bandhu papanashi, main is yogy bhi nahin hoon ki tumhare charanon ki raj bhi mathe par lagaoon aur mere papon ki ganana marusthal ke baloo kanon se bhi adhik hai. lekin main vriddh hoon aur mujhe jo anubhav hai, usase tumhari saharsh seva karunga.'

papanashi- 'to phir apase spasht kah dene men koee snkoch nahin hai ki main iskandriy men rahane vali thayas nam ki ek pavitr stri ki adhogati se bahut duahkhi hoon. vah samast nagar ke lie kalnk hai aur apane sath kitani hi atmaon ka sarvanash kar rahi hai.'

palam- 'bandhu papanashi, yah aisi vyavastha hai jis par ham jitane ansoo bahayen, kam hain. bhadr shreni men kitani hi ramaniyon ka jivan aisa hi papamay hai. lekin is duravastha ke lie tumane koee nivaran vidhi sochi hai ?'

papanashi- 'bandhu palam, main iskandriya jaoonga, is veshya ki talash karunga aur eeshvar ki sahayata se usaka udghar karunga. yahi mera snkalp hai. ap ise uchit samajhate hain ?'

palam- 'priy bandhu, main ek adham prani hoon kintu hamare poojy guru entoni ka kathan tha ki manushy ko apana sthan chhodakar kahin aur jane ke lie utavali n karani chahie.'

papanashi- 'poojy bandhu, kya apako mera prastav pasand nahin hai ?'

palam- 'priy papanashi, eeshvar n kare ki main apane bandhu ke vishuddh bhavon par shnka karun, lekin hamare shraddhey guru entoni ka yah bhi kathan tha ki jaise machhaliyan sookhi bhoomi par mar jati hain, vahi dasha un sadhuon ki hoti hai jo apani kuti chhodakar snsar ke praniyon se milate julate hain. vahan bhalaee ki koee asha nahin.'

yah kahakar snt palam ne phir kudal hath men li aur dharati godane lage. vah phal se lade hue ek anjir ke vriksh ki jadon par mitti chadha rahe the. vah kudal chala hi rahe the ki jhadiyon men sanasanahat huee aur ek hiran bag ke bade ke oopar se koodakar andar a gaya. vah sahama hua tha, usaki komal tangen kanp rahi thin. vah sant palam ke pas aya aur apana mastak unaki chhati par rakh diya.

palam ne kaha- 'eeshvar dhany hai jisane is sundar vanajantu ki srishti ki.'

isake pashchath palam sant apane jhonpade men chale gaye. hiran bhi unake pichhe pichhe chala. sant ne tab jvar ki roti nikali aur hiran ko apane hathon se khilayi.

papanashi kuchh der tak vichar men magn khada raha. usaki ankhen apane pairon ke pas pade hue pattharon par jami huee thin. tab vah palam sant ki baton par vichar karata hua dhire dhire apani kuti ki or chala. usake man men is samay bhishan sngram ho raha tha.

usane socha-sant palam ki salah achchhi maloom hoti hai. vah dooradarshi purush hain. unhen mere prastav ke auchity par sndeh hai, tathapi thayas ko ghat pishachon ke hathon men chhod dena ghor nirdayata hogi. eeshvar mujhe prakash aur buddhi de.

chalate-chalate usane ek titar ko jal men phnse hue dekha jo kisi shikari ne bichha rakha tha. yah titari maloom hoti thi, kyonki usane ek kshan men nar ko jal ke pas udakar aur jal ke phande ko chonch se katate dekha, yahan tak ki jal men titari ke nikalane bhar ka chhidr ho gaya. yogi ne ghatana ko vicharapoorn netron se dekha aur apani gyanashakti se sahaj men isaka adhyatmik ashay samajh liya. titari ke roop men thamas thi, jo papajal men phnsi huee thi, aur jaise titar ne rassi ka jal katakar use mukt kar diya tha, vah bhi apane yogabal aur sadupadesh se un adrishy bndhanon ko kat sakata tha jinamen thamas phnsi huee thi. use nishchay ho gaya ki eeshvar ne is riti se mujhe paramarsh diya hai. usane eeshvar ko dhanyavad diya. usaka poorv snkalp dri़dh ho gaya; lekin phir jo dekha, nar ki tang usi jal men phnsi huee thi jise katakar usane mada ko nivritt kiya tha to vah phir bhram men pad gaya.

vah sari rat karavaten badalata raha. ushakal ke samay usane ek svapn dekha, thayas ki moorti phir usake sammukh upasthit huee. usake mukhachandr par kalushit vilas ki abha n thi, n vah apane svabhav ke anusar ratnajatit vastr pahane hue thi. usaka sharir ek lambi chaudi chadar se dhaka hua tha, jisase usaka munh bhi chhip gaya tha keval do ankhen dikhaee de rahi thin, jinamen se ansoo bah rahe the.

yah svapnadrishy dekhakar papanashi shok se vihval ho rone laga aur yah vishvas karake ki yah daivi adesh hai, usaka vikalp shant ho gaya. vah turant uth baitha, jarib hath men li jo eesaee dharm ka ek chihn tha. kuti ke bahar nikala, savadhani se dvar band kiya, jisamen vanajantu aur pakshi andar jakar eeshvar granth ko ganda n kar den jo usake sirahane rakha hua tha. tab usane apane pradhan shishy phalada ko bulaya aur use shesh teees shishyon ke nirikshan men chhodakar, keval ek dhila dhala choga pahane hue nil nadi ki or prasthan kiya. usaka vichar tha ki laibiya hota hua makadooniya naresh (sikandar) ke basaye hue nagar men pahunch jaoon. vah bhookh, pyas aur thakan ki kuchh paravah n karate hue pratahkal se sooryast tak chalata raha. jab vah nadi ke samip pahuncha to soory kshitij ki god men ashray le chuka tha aur nadi ka raktajal knchan aur agni ke pahadon ke bich men laharen mar raha tha.

vah nadi ke tatavarti marg se hota hua chala. jab bhookh lagati kisi jhonpadi ke dvar par khada hokar eeshvar ke nam par kuchh mang leta. tiraskaron, upekshaon aur katuvachanon ko prasannata se shirodhary karata tha. sadhu ko kisi se amarsh nahin hota. use n dakuon ka bhay tha, n van ke jantuon ka, lekin jab kisi ganv ya nagar ke samip pahunchata to katarakar nikal jata. vah darata tha ki kahin balavrind use ankh-michauli khelate hue n mil jaain athava kisi kuen par pani bharane vali ramaniyon se samana n ho jae jo ghadon ko utarakar usase has-parihas kar baithen. yogi ke lie yah sabhi shnka ki baten hain, n jane kab bhoot-pishach usake kary men vighn dal den. use dharmagranthon men yah padhakar bhi shnka hoti hai ki bhagavan nagaron ki yatra karate the aur apane shishyon ke sath bhojan karate the. yogiyon ki ashramavatika ke pushp jitane sundar hain, utane hi komal bhi hote hain, yahan tak ki sansarik vyavahar ka ek jhonka bhi unhen jhulasa sakata hai, unaki manoram shobha ko nasht kar sakata hai. inhin karanon se papanashi nagaron aur bastiyon se alag alag rahata tha ki apane svajatiy bhaeeyon ko dekhakar usaka chitt unaki or akarshit n ho jae.

vah nirjan margon par chalata tha. sndhya samay jab pakshiyon ka madhur kalarav sunaee deta aur samir ke mand jhonke ane lagate to apane kanatop ko ankhon par khinch leta ki us par prakriti saundary ka jadoo n chal jae. isake pratikool bharatiy rishi mahatma prakriti saundary ke rasik hote the. ek saptah ki yatra ke bad vah silasil nam ke sthan par pahuncha. vahan nil nadi ek snkari ghati men hokar bahati hai aur usake tat par parvat shreni ki duhari mend si bani huee hai. isi sthan par mistr nivasi apane pishach pooja ke dinon men moortiyan ankit karate the. papanashi ko ek brihadakar 'sphitik'* thos patthar ka bana hua dikhaee diya. is bhay se ki is pratima men ab bhi paishachik vibhootiyan snchit n hon, papanashi ne salib ka chihn banaya aur prabhu masih ka smaran kiya. tatkshan usane pratima ke ek kan men se ek chamagadad ko udakar bhagate dekha. papanashi ko vishvas ho gaya ki mainne us pishach ko bhaga diya jo shatabdiyon se in pratima men adda jamaye hue tha. usaka dharmotsah badha, usane ek patthar uthakar pratima ke mukh par mara. chot lagate hi pratima ka mukh itana udas ho gaya ki papanashi ko us par daya a gayi. usane use sambodhit karake kaha- 'he pret, too bhi un preton ki bhanti prabhu par eeman la jinhen pratah smaraniy entoni ne van men dekha tha, aur main eeshvar, usake putr aur alakh jyoti ke nam par tere udghar karunga.'

yah vaky samapt hote hi sinphaks ke netron men agnijyoti parasphutit huee, usaki palaken kanpane lagin aur usake pashanamukh se 'masih' ki dhvani nikali; mano papanashi ke shabd pratidhvanit ho gaye hon. atev papanashi ne dahina hath uthakar us moorti ko ashirvad diya.

is prakar pashan hriday men bhakti ka bij aropit karake papanashi ne apani rah li. thodi der ke bad ghati chaudi ho gayi. vahan kisi bade nagar ke avashisht chihn dikhaee diye. bache hue mandir jin khambhon par avalambit the, vastav ke un badi badi pashan moortiyon ne eeshvariy prerana se papanashi par ek lambi nigah dali. vah bhay se kanp utha. is parakar vah satrah din tak chalata raha, kshudha se vyakul hota to vanaspatiyan ukhadakar kha leta aur rat ko kisi bhavan ke khndahar men, jngali billiyon aur choohon ke bich men so rahata. rat ko aisi striyan bhi dikhayi deti thin jinake pairon ki jagah kantedar poonchh thi. papanashi ko maloom tha ki yah narakiy striyan hain aur vah salib ke chihn banakar unhen bhaga deta tha.

atharahaven din papanashi ko basti se bahut door ek daridr jhonpadi dikhaee di. vah khajoor ke pattiyon ki thi aur usaka adha bhag baloo ke niche daba hua tha. use asha huee ki inamen avashy koee sant rahata hoga. usane nikat akar ek bil ke raste andar jhanka (usamen dvar n the) to ek ghada, pyaj ka ek gattha aur sookhi pattiyon ka bichhavan dikhaee diya. usane vichar kiya, yah avashy kisi tapasvi ki kutiya hai, aur unake shighr hi darshan honge, ham donon ek doosare ke prati shubhakamanasoochak pavitr shabdon ka uchcharan karenge. kadachit eeshvar apane kisi kaue dvara roti ka ek tukada hamare pas bhej dega aur ham donon milakar bhojan karenge.

man men yah baten sochata hua usane sant ko khojane ke lie kutiya ki parikrama ki. ek sau pag bhi n chala hoga ki use nadi ke tat par ek manushy palthi mare baitha dikhaee diya. vah nagn tha. usake sir aur dadhi ke bal san ho gaye the aur sharir eent se bhi zyada lal tha. papanashi ne sadhuon ke prachalit shabdon men usaka abhivadan kiya- 'bandhu, bhagavan tumhen shanti de, tum ek din svarg ke anand labh karo.'

par us vriddh purush ne isaka kuchh uttar n diya, achal baitha raha. usane mano kuchh suna hi nahin. papanashi ne samajha ki vah dhyan men magn hai. vah hath bandhakar ukadoon baith gaya aur sooryast tak eesh prarthana karata raha. jab ab bhi vah vriddh purush moortivat baitha raha to usane kaha- 'poojy pita, agar apaki samadhi toot gayi hai to mujhe prabhu masih ke nam par ashirvad dijie.'

vriddh purush ne usaki or bina take hi uttar diya-

'pathik, main tumhari bat nahin samajha aur n prabhu masih ko hi janata hoon.'

papanashi ne vismit hokar kaha- 'are jisake prati rishiyon ne bhavishyavani ki, jisake nam par lakhon atmaen balidan ho gayin, jisaki sizar ne bhi pooja ki, aur jisaka jayaghosh silasili ki pratima ne abhi abhi kiya hai, kya us prabhu masih ke nam se bhi tum parichit nahin ho ? kya yah sambhav hai ?'

vriddh- 'han mitravar, yah sambhav hai, aur yadi snsar men koee vastu nishchit hoti to nishchit bhi hota !'

papanashi us purush ki agyanavastha par bahut vismit aur dukhi hua. bola- 'yadi tum prabhu masih ko nahin janate to tumhara dharm karm sab vyarth hai, tum kabhi anantapad nahin prapt kar sakate.'

vuddh- 'karm karana, ya karm se hatana donon hi vyarth hain. hamare jivan aur maran men koee bhed nahin.'

papanashi- 'kya, kya? kya tum anant jivan ke akankshi nahin ho ? lekin tum to tapasviyon ki bhanti vanyakuti men rahate ho ?'

'han, aisa jan padata hai.'

'kya main tumhen nagn aur virat nahin dekhata ?'

'han, aisa jan padata hai.'

'kya tum kandamool nahin khate aur ichchhaon ka daman nahin karate ?'

'han, aisa jan padata hai.'

'kya tumane snsar ke mayamoh ko nahin tyag diya hai ?'

'han, aisa jan padata hai. mainne un mithya vastuon ko tyag diya hai, jin par snsar ke prani jan dete hain.'

'tum meri bhanti ekantasevi, tyagi aur shudghacharan ho. kintu meri bhanti eeshvar ki bhakti aur anant sukh ki abhilasha se yah vrat nahin dharan kiya hai. agar tumhen prabhu masih par vishvas nahin hai to tum kyon satvik bane hue ho ? agar tumhen svarg ke anant sukh ki abhilasha nahin hai to snsar ke padarthon ko kyon nahin bhogate ?'

vuddh purush ne gambhir bhav se javab diya- 'mitr, mainne snsar ki uttam vastuon ka tyag nahin kiya hai aur mujhe isaka garv hai ki mainne jo jivan path grahan kiya hai vah samantayah santoshajanak hai, yadyapi yatharth to yah hai ki snsar ki uttam ya nikrisht, bhale ya bure jivan ka bhed hi mithya hai. koee vastu svatah bhali ya buri, saty ya asaty, hanikar ya labhakar, sukhamay ya dukhamay nahin hoti. hamara vichar hi vastuon ko in gunon men abhooshit karata hai, usi bhanti jaise namak bhojan ko svad pradan karata hai.'

papanashi ne apavad kiya- 'to tumhare matanusar snsar men koee vastu sthayi nahin hai ? tum us thake hue kutte ki bhanti ho, jo kichad men pada so raha hai- agyan ke andhakar men apana jivan nasht kar rahe ho. tum pratimavadiyon se bhi gaye gujare ho.'

'mitr, kutton aur rishiyon ka apaman karana saman hi vyarth hai. kutte kya hain, ham yah nahin janate. hamako kisi vastu ka leshamatr bhi gyan nahin.'

'to kya tum bhrantivadiyon men ho ? kya tum us nibuddhi, karmahin sampraday men ho, jo soory ke prakash men aur ratri ke andhakar men koee bhed nahin kar sakate ?'

'han mitr, main vastav men bhramavadi hoon. mujhe is sampraday men shanti milati hai, chahe tumhen hasyaspad jan padata ho. kyonki ek hi vastu bhinn bhinn avasthaon men bhinn bhinn roop dharan kar leti hai. is vishal minaron hi ko dekho. prabhat ke prakash men yah keshar ke kngooron se dekh padate hain. sandhya samay soory ki jyoti doosari or padati hai aur kale kale tribhujon ke sadrish dikhaee dete hain. yatharth men kis rng ke hain, isaka nishchay kaun karega ? badalon hi ko dekho. vah kabhi apani damak se kundan ko jalate hain, kabhi apani kalima se andhakar ko mat karate hain. vishv ke sivay aur kaun aisa nipun hai jo unake vividh avaranon ki chhaya utar sake ? kaun kah sakata hai ki vastav men is meghasamooh ka kya rng hai ? soory mujhe jyotirmay dikhata hai, kintu main usake tattv ko nahin janata. main ag ko jalate hue dekhata hoon, par nahin janata ki kaise jalati hai aur kyon jalati hai ? mitravar, tum vyarth meri upeksha karate ho. lekin mujhe isaki bhi chinta nahin ki koee mujhe kya samajhata hai, mera man karata hai ya ninda.'

papanashi ne phir shnka ki- 'achchha ek bat aur bata do. tum is nirjan van men pyaj aur chhuhare khakar jivan vyatit karate ho ? tum itana kasht kyon bhogate ho. tumhare hi saman main bhi indriyon ka daman karata hoon aur ekant men rahata hoon. lekin main yah sab kuchh eeshvar ko prasann karane ke lie, svargiy anand bhogane ke lie karata hoon. yah ek marjaniy uddeshy hai, paralok sukh ke lie hi is lok men kasht uthana buddhisngat hai. isake pratikool vyarth bina kisi uddeshy ke snyam aur vrat ka palan karana, tapasya se sharir aur rakt ko ghulana niri moorkhata hai. agar mujhe vishvas n hota- he anadi jyoti, is durvachan ke lie kshama kar- agar mujhe us saty par vishvas hai, jisaka eeshvar ne rishiyon dvara upadesh kiya hai, jisaka usake paramapriy putr ne svayn acharan kiya hai, jisaki dharm sabhaon ne aur atmasamarpan karane vale mahanh purushon ne sakshi di hai- agar mujhe poorn vishvas n hota ki atma ki mukti ke lie sharirik snyam aur nigrah paramavashyak hai; yadi main bhi tumhari hi tarah agyey vishayon se anabhigy hota, to main turant sansarik manushyon men akar mil jata, dhanoparjan karata, snsar ke sukhi purushon ki bhanti sukhabhog karata aur vilasadevi ke pujariyon se kahata- ao mere mitro, mad ke pyale bhar bhar pilao, phoolon ke sej bichhao, itr aur phulel ki nadiyan baha do. lekin tum kitane bade moorkh ho ki vyarth hi in sukhon ko tyag rahe ho, tum bina kisi labh ki asha ke yah sab kasht uthate ho. dete ho, magar pane ki asha nahin rakhate. aur nakal karate ho ham tapasviyon ki, jaise abodh bandar divar par rng potakar apane man men samajhata hai ki main chitrakar ho gaya. isaka tumhare pas kya javab hai ?'

vriddh ne sahishnuta se uttar diya- 'mitr, kichad men sone vale kutte aur abodh bandar ka javab hi kya ?'

papanashi ka uddeshy keval is vriddh purush ko eeshvar ka bhakt banana tha. usaki shantivritti par vah lajjit ho gaya. usaka krodh ud gaya. badi namrata se kshama prarthana ki- 'mitravar, agar mera dharmotsah auchity ki sima se bahar ho gaya hai to mujhe kshama karo. eeshvar sakshi hai ki mujhe tumase nahin, keval tumhari bhranti se ghrina hai ! tumako is andhakar men dekhakar mujhe hardik vedana hoti hai, aur tumhare udghar ki chinta mere rom-rom men vyapt ho rahi hai. tum mere prashnon ka uttar do, main tumhari uktiyon ka khandan karane ke lie utsuk hoon.'

vriddh purush ne shantipoorvak kaha- 'mere lie bolana ya chup rahana ek hi bat hai. tum poochhate ho, isalie suno- jin karanon se mainne vah satvik jivan grahan kiya hai. lekin main tumase inaka prativad nahin sunana chahata. mujhe tumhari vedana, shanti ki koee paravah nahin, aur n isaki paravah hai ki tum mujhe kya samajhate ho. mujhe n prem hai n ghrina. buddhiman purush ko kisi ke prati mamatv ya dvesh n hona chahie. lekin tumane jigyasa ki hai, uttar dena mera kartavy hai. suno, mera nam timaklij hai. mere mata-pita dhani saudagar the. hamare yahan naukaon ka vyapar hota tha. mera pita sikandar ke saman chatur aur karyakushal tha; par vah utana lobhi n tha. mere do bhaee the. vah bhi jahajon hi ka vyapar karate the. mujhe vidya ka vyasan tha. mere bade bhaee ko pitaji ne ek dhanavan yuvati se vivah karane par badhy kiya, lekin mere bhaee shighr hi usase asantusht ho gaye. unaka chitt asthir ho gaya. isi bich men mere chhote bhaee ka us stri se kulashit sambandh ho gaya. lekin vah stri donon bhaiyon men kisi ko bhi n chahati thi. use ek gavaiye se prem tha. ek din bhed khul gaya. donon bhaiyon ne gavaiye ka vadh kar dala. meri bhavaj shok se avyavasthit chitt ho gayi. yah tinon abhage prani buddhi ko vasanaon ki balidevi par chadhakar shahar ki galiyon men phirane lage. nnge, sir ke bal baye, munh se phichakur bahate, kutte ki bhanti chillate rahate the. ladake un par patthar phenkate aur un par kutte daudate. ant men tinon mar gaye aur mere pita ne apane hi hathon se un tinon ko qabr men sulaya. pitaji ko bhi itana shok hua ki unaka dana-pani chhoot gaya aur vah aparimit dhan rahate hue bhi bhookh se tadap tadapakar paralok sidhare. main ek vipul sampati ka varis ho gaya. lekin ghar valon ki dasha dekhakar mera chitt snsar se virakt ho gaya tha. mainne us sampatti ko deshatan men vyay karane ka nishyach kiya. itali, yoonan, aphrika adi deshon ki yatra ki; par ek prani bhi aisa n mila jo sukhi ya gyani ho. mainne iskandriya aur ethens men darshan ka adhyayan kiya aur usake apavadon ko sunate mere kan bahare ho gaye. nidan desh-videsh ghoomata hua main bharatavarsh men ja pahuncha aur vahan gngatat par mujhe ek nagn purush ke darshan hue jo vahin tis varshon se moorti ki bhanti nishchal padmasan lagaye baitha hua tha. usake trinavat sharir par lataen chadh gayi thin aur usaki jataon men chidiyon ne ghonsale bana liye the, phir bhi vah jivit tha. use dekhakar mujhe apane donon bhaiyon ki, bhavaj ki, gavaiye ki, pita ki yad ayi aur tab mujhe gyat hua ki yahi ek gyani purush hai. mere man men vichar utha ki manushyon ke duahkh ke tin karan hote hain. ya to vah vastu nahin milati jisaki unhen abhilasha hoti hai athava use pakar unhen usake hath se nikal jane ka bhay hota hai athava jis chiz ko vah bura samajhate hain usaka unhen sahan karana padata hai. in vicharon ko chitt se nikal do aur sare duahkh ap-hi-ap shant ho jaegen. snsar ke shreshth padarthon ka parityag kar doonga aur usi bharatiy yogi ki bhanti maun aur nishchal rahoonga.'

papanashi ne is kathan ko dhyan se suna aur tab bola- 'timo, main svikar karata hoon ki tumhara kathan bilkul arthashoony nahin hai. snsar ki dhanasampatti ko tuchchh samajhana buddhimanon ka kam hai. lekin apane anant sukh ki upeksha karana parale sire ki nadani hai. isase eeshvar ke krodh ki ashnka hai. mujhe tumhare agyan par bada duahkh hai aur main saty ka upadesh karunga jisamen tumako usake astitv ka vishvas ho jae aur tum agyakari balak ke saman usaki agya palan karo.'

timaklij ne bat katakar kaha- 'nahin nahin, mere sir apane dharm sidghanton ka bojh mat lado. is bhool men n pado ki tum mujhe apane vicharon ke anukool bana sakoge. yah tark vitark sab mithya hai. koee mat n rakhana hi mera mat hai. kisi sampraday men n hona hi mera sampraday hai. mujhe koee duahkh nahin, isalie ki mujhe kisi vastu ki mamata nahin. apani rah jao, aur mujhe is udasinavastha se nikalane ki cheshta n karo. mainne bahut kasht jhele hain aur yah dasha thande jal se snan karane ki bhanti sukhakar pratit ho rahi hai.'

papanashi ko manav charitr ka poora gyan tha. vah samajh gaya ki is manushy par eeshvar ki kripadrishti nahin huee hai aur usaki atma ke udghar ka samay abhi door hai. usane timaklij ka khandan n kiya ki kahin usaki udgharak shakti ghatak n ban jae kyonki vidharmiyon se shastrarth karane men kabhi kabhi aisa ho jata hai ki unake udghar ke sadhan unake apakar ke yantr ban jate hain. atev jinhen sadhgyan prapt hai. unhen badi chaturaee se usaka prachar karana chahie. usane timaklij ko namaskar kiya aur ek lambi sans khinchakar rat hi ko phir yatra par chal pada.

sooryoday hua to usane jalapakshiyon ko nadi ke kinare ek pair par khade dekha. unaki pili aur gulabi gardanon ko pratibimb jal men dikhaee deta tha. komal bent vriksh apani hari-hari pattiyon ko jal par phailae hue the. svachchh akash men sarason ka samooh tribhuj ke akar men ud raha tha aur jhadiyon men chhipe hue bugalon ki avaz sunaee deti thi. jahan tak nigah jati thi nadi ka hara jal hilakore mar raha tha. ujale pal vali naukaen chidiyon ki bhanti tair rahi thin, aur kinaron par jahan-tahan shvet bhavan jagamaga rahe the. taton par halka kuhara chhaya hua tha aur dvipon ke ad se jo, khajoor, phool aur phal ke vrikshon se ke hue the; ye battakh, lalasar, haril adi ye chidiyan kalarav karati huee nikal rahi thi. baeen or marusthal tak hare-bhare kheton aur vrikshapunjon ki shobha ankhon ko mugdh kar deti thi. pake hue gehoon ke kheton par soory ki kiranen chamak rahi thin aur bhoomi se bhini-bhini sugandh ke jhonke ate the. yah prakriti shobha dekhakar papanashi ne ghutanon par girakar eeshvar ki vandana ki- 'bhagavanh, meri yatra samapt huee. tujhe dhanyavad deta hoon. dayanidhi, jis prakar toone in anjir ke paudhon par os ki boondon ki varsha ki hai, usi prakar thayas par, jise toone apane prem se racha hai, apani daya ki drishti kar. meri hardik ichchha hai ki vah teri premamayi raksha ke adhin ek navavikasit pushp ki bhanti svargatuly jerushalam men apane yash aur kirti ka parasar kare.'

aur taduparant use jab koee vriksh phoolon se sushobhit athava koee chamakile paron vala pakshi dikhaee deta to use thayas ki yad ati. kee din tak nadi ke bayen kinare par, ek urvar aur abad prant men chalane ke bad, vah iskandriya nagar men pahuncha, jise yoonaniyon ne 'ramanik' aur 'svarnamayi' ki upadhi de rakhi thi. sooryoday ki ek ghadi bit chuki thi, jab use ek pahadi ke shikhar par vah vistrit nagar najar aya, jisaki chhaten knchanamayi prakash men chamak rahi thin. vah thahar gaya aur man men vichar karane laga- 'yahi vah manoram bhoomi hai jahan mainne mrityulok men pardapan kiya, yahin mere papamay jivan ki utpatti huee, yahin mainne vishakt vayu ka alingan kiya, isi vinashakari raktasagar men mainne jalavihar kiye ! vah mera palana hai jisake ghatak god men mainne kam ki madhur loriyan sunin. sadharan bolachal men kitana pratibhashali sthan hai, kitana gaurav se bhara hua. iskandriya ! meri vishal janmabhoomi ! tere balak tera putravat samman karate hain, yah svabhavik hai. lekin yogi prakriti ko avahelaniy samajhata hai, sadhu bahiroop ko tuchchh samajhata hai, parabhu masih ka das janmabhoomi ko videsh samajhata hai, aur tapasvi is prithvi ka prani hi nahin. mainne apane hriday ko teri or se pher liya hai. main tumase ghrina karata hoon. main teri sampatti ko, teri vidya ko, tere shastron ko, tere sukhavilas ko, aur teri shobha ko ghrinit samajhata hoon, too pishachon ka kridasthal hai, tujhe dhikkar hai ! arthaseviyon ki apavitr shaiyya nastikata ka vitanda kshetr, tujhe dhikkar hai ! aur jibaril, too apane pairon se us ashuddh vayu ko shuddh kar de jisamen main sans lene vala hoon, jisamen yahan ke vishaile kitanu meri atma ko bhrasht n kar den.'

is tarah apane vicharodgaron ko shant karake papanashi shahar men pravisht hua. yah dvar patthar ka ek vishal mandap tha. usake meharab ki chhanh men kee daridr bhikshuk baithai hue pathikon ke samane hath phaila phailakar khairat mang rahe the.

ek vridgha stri ne jo vahan ghutanon ke bal baithi thi, papanashi ki chadar pakad li aur use choomakar boli- 'eeshvar ke putr, mujhe ashirvad do ki paramatma mujhase santusht ho. mainne paralaukik sukh ke nimitt is jivan men anek kasht jhele. tum dev purush ho, eeshvar ne tumhen duahkhi praniyon ke kalyan ke lie bheja hai, atev tumhari charanaraj knchan se bhi bahumooly hai.'

papanashi ne vriddh ko hathon se sparsh karake ashirvad diya. lekin vah mushkil se bis qadam chala hoga ki ladakon ke ek gol ne usako munh chidhana aur us par patthar phenkana shuroo kiya aur taliyan bajakar kahane lage- 'jara apani vishalamoorti dekhie ! ap lngoor se bhi kale hain, aur apaki dadhi bakare ki dadhi se lambi hai. bilkul bhutana maloom hota hai. ise kisi bag men marakar lataka do, ki chidiyan hauva samajhakar uden. lekin nahin, bag men gaya to sent men sab phool nasht ho jaegen. usaki soorat hi manahoos hai. isaka mans kauon ko khila do.' yah kahakar unhonne patthar ki ek bauchhar chhod di.

lekin papanashi ne keval itana kaha- 'eeshvar, too is abodh balakon ko subuddhi de, vah nahin janate ki ve kya karate hain.'

vah age chala to sochane laga- us vridgha stri ne mera kitana samman kiya aur in ladakon ne kitana apaman kiya. is bhanti ek hi vastu ko bhram men pade hue prani bhinnabhinn bhavon se dekhate hain. yah svikar karana padega ki timaklij mithyavadi hote hue bhi bilkul nirbuddhi n tha. vah andha to itana janata tha ki main prakash se vnchit hoon. usaka vachan in duragrahiyon se kahin uttam tha jo ghane andhakar men baithe pukarate hain- 'vah soory hai !' vah nahin janate ki snsar men sab kuchh maya, mrigatrishna, udata hua baloo hai. keval eeshvar hi sthayi hai.

vah nagar men bade veg se panv uthata hua chala. das varsh ke bad dekhane par bhi use vahan ka ek-ek patthar parichit maloom hota tha, aur pratyek patthar usake man men kisi dushkarm ki yad dilata tha. isalie usane sadakon se jade hue pattharon par apane pairon ko patakana shuroo kiya aur jab pairon se rakt bahane laga to use anand sa hua. sadak ke donon kinaron par bade bade mahal bane hue the jo sugandh ki lapaton se alasit jan padate the. devadar, chhuhare adi ke vriksh sir uthaye hue in bhavanon ko mano balakon ki bhanti god men khila rahe the. adhakhule dvaron men se pital ki moortiyan sngamaramar ke gamalon men rakhi huee dikhaee de rahi thin aur svachchh jal ke hauz kunjon ki chhaya men laharen mar rahe the. poorn shanti chhaee thi. shoragul ka nam n tha. han, kabhi kabhi dvar se ane vali vina ki dhvani kan men a jati thi. papanashi ek bhavan ke dvar par ruka jisaki sayaban ke stambh yuvatiyon ki bhanti sundar the. divaron par yoonan ke sarvashreshth rishiyon ki pratimaen shobha de rahi thin. papanashi ne aphalatoonn, sukarat arastoo, epikyuras aur jinon ki pratimaen pahachanin aur man men kaha- in mithya bhram men padane vale manushyon ko kirtiyon ko moortiyon ko moortiman karana moorkhata hai. ab unake miyya vicharon ki kalee khul gayi. unaki atma ab narak men padi sad rahi hai, aur yahan tak ki aphalatoonn bhi, jisane snsar ko apani pragalbhata se gunjarit kar diya tha, ab pishachon ke sath too-too main-main kar raha hai. dvar par ek hathaudi rakhi huee thi. papanashi ne dvar khatakhataya. ek gulam ne turant dvar khol diya aur ek sadhu ko dvar par khade dekhakar karkash svar men bola- 'door ho yahan se, doosara dvar dekh, nahin to main dnde se khabar loonga.'

papanashi ne saral bhav se kaha- 'main kuchh bhiksha mangane nahin aya hoon. meri keval yahi ichchha hai ki mujhe apane svami nisiyas ke pas le chalo.'

gulam ne aur bhi bigadakar javab diya- 'mera svami tum jaise kutton se mulakat nahin karata !'

papanashi- 'putr, jo main kahata hoon vah karo, apane svami se itana hi kah do ki main usase milana chahata hoon.'

daraban ne krodh ke avesh men akar kaha- 'chala ja yahan se, bhikhamnga kahin ka !' aur apani chhadi uthakar usane papanashi ke munh par zor se lagaee. lekin yogi ne chhati par hath bandhe, bina zara bhi uttejit hue, shant bhav se yah chot sah li aur tab vinayapoorvak phir vahi bat kahi- 'putr, meri yachana svikar karo.'

daraban ne chakit hokar man men kaha- yah to vichitr adami hai jo mar se bhi nahin darata aur turant apane svami se papanashi ka sndesha kah sunaya.

nisiyas abhi snanagar se nikala tha. do yuvatiyan usaki deh par tel ki malish kar rahi thin. vah roopavan purush tha, bahut hi prasannachitt. usake mukh par komal vyng ki abha thi. yogi ko dekhate hi vah uth khada hua aur hath phailaye hue usaki or badha- 'ao mere mitr, mere bandhu, mere sahapathi, ao. main tumhen pahachan gaya, yadyapi tumhari soorat is samay adamiyon ki si nahin, pashuon ki si hai. ao, mere gale se lag jao. tumhen vah din yad hai jab ham vyakaran, alnkar aur darshan shastr padhate the ? tum us samay bhi tivar aur uddand prakriti ke manushy the, par poorn satyavadi tumhari tripti ek chutaki bhar namak men ho jati thi par tumhari danashilata ka varapar n tha. tum apane jivan ki bhanti apane dhan ki bhi kuchh paravah n karate the. tumamen us samay bhi thodi si jhak thi jo buddhi ki kushalata ka lakshan hai. tumhare charitr ki vichitrata mujhe bahut bhali maloom hoti thi. aj tumane us varshon ke bad darshan diye hain. hriday se main tumhara svagat karata hoon. tumane vanyajivan ko tyag diya aur eesaiyon ki durmati ko tilanjali dekar phir apane sanatan dharm par arudh ho gaye, isake lie tumhen badhaee deta hoon. main saphed patthar par is din ka smarak banaoonga.'

yah kahakar usane un donon yuvati sundariyon ko adesh diya- 'mere pyare mehaman se hathon pairon aur dadhi men sugandh lagao.'

yuvatiyan hnsin aur turant ek thal, sugandh ki shishi aur aeena layin. lekin papanashi ne kathor svar se unhen mana kiya aur ankhen nichi kar lin ki un par nigah n pad jae kyonki donon nagn thin. nisiyas ne tab usake lie gav takiye aur bistar mngaye aur nana prakar ke bhojan aur uttam sharab usake samane rakhi. par usane ghrina ke sath sab vastuon ko samane se hata diya. tab bola- 'nisiyas, mainne us satpath ka parityag nahin kiya jise tumane galati se 'eesaiyon ki durmati' kaha hai. vahi to saty ki atma aur gyan ka pran hai. adi men keval 'shabd' tha aur 'shabd' ke sath eeshvar tha, aur shabd hi eeshvar tha. usi ne samast brahmand ki rachana ki. vahi jivan ka strot hai aur jivan manavajati ka prakash hai.'

nisiyas ne uttar diya- 'priy papanashi, kya tumhen asha hai ki main arthahin shabdon ke jhnkar se chakit ho jaoonga ? kya tum bhool gaye ki main svayn chhota-mota darshanik hoon? kya tum samajhate ho ki meri shanti un chithadon se ho jaegi jo kuchh nirbuddhi manushyon ne imaliyas ke vastron se phad liya hai, jab isaliyas, phalatoon, aur any tattvgyaniyon se meri shanti n huee ? rishiyon ke nikale hue sidghant keval kalpit kathaen hain jo manav saral hridayata ke manornjan ke nimitt kahi gayi hai. unako padhakar hamara manornjan usi bhanti hota hai jaise any kathaon ko padhakar.'

isake bad apane mehaman ka hath pakadakar vah use ek kamare men le gaya jahan hajaron lapete hue bhojapatr tokaron men rakhe hue the. unhen dikhakar bola- 'yahi mera pustakalay hai. isamen un sidghanton men se kitanon hi ka sngrah hai jo gyaniyon ne srishti ke rahasy ki vyakhya karane ke lie avishkrit kiye hain. 'serapiyam' men bhi atul dhan ke hote hue; sab sidghanton ka sngrah nahin hai ! lekin shok ! yah sab keval rog pidit manushyon ke svapn hain !'

usane tab apane mehaman ko ek hathidant ki kurasi par zabaradasti baithaya aur khud bhi baith gaya. papanashi ne in pustakon ko dekhakar tyauriyan chadhayin aur bola-'in sabako agni ki bhent kar dena chahie.'

nisiyas bola- 'nahin priy mitr, yah ghor anarth hoga; kyonki rugn purushon ko mita den to snsar shushk aur niras ho jaega aur ham sab vicharashaithily men ja padenge.

papanashi ne usi dhvani men kaha- 'yah saty hai ki moortivadiyon ke sidghant mithya aur bhrantikarak hain. kintu eeshvar ne, jo saty ka roop hai, manavasharir dharan kiya aur alaukik vibhootiyon dvara apane ko prakat kiya aur hamare sath rahakar hamara kalyan karata raha.'

nisiyas ne uttar diya- 'priy papanashi, tumane yah bat achchhi kahi ki eeshvar ne manavasharir dharan kiya. tab to vah manushy hi ho gaya. lekin tum eeshvar aur usake roopantaron ka samarthan karane to nahin aye? batalao tumhen meri sahayata to n chahie? main tumhari kya madad kar sakata hoon?'

papanashi bola- 'bahut kuchh! mujhe aisa hi sugandhit ek vastr de do jaisa tum pahane hue ho. isake sath sunahare khadaoon aur ek pyala tel bhi de do ki main apani da़dhi aur balon men chupad loon. mujhe ek hazar svarn mudraon ki ek thaili bhi chahie nisiyas! main eeshvar ke nam par aur purani mitrata ke nate tumase sahayata mangane aya hoon.'

nisiyas ne apana sarvottm vastr mngava diya. us par kimakhvab ke booton men phoolon aur pashuon ke chitr bane hue the. donon yuvatiyon ne use kholakar usaka bhadakila rng dikhaya aur pratiksha karane lagi ki papanashi apana ooni labada utare to pahanayen, lekin papanashi ne zor dekar kaha ki yah kadapi nahin ho sakata. meri khal chahe utar jae par yah ooni labada nahin utar sakata. vivash hokar unhonne us bahumooly vastr ko labade ke oopar hi pahana diya. donon yuvatiyan sundari thin, aur vah purushon se sharamati n thin. vah papanashi ko is durnge bhesh men dekhakar khoob hnsi. ek ne use apana pyara samant kaha, doosari ne usaki da़dhi khinch li. lekin papanashi ne un par drishtipat tak n kiya. sunahari khadaoon pairon men pahanakar aur thaili kamare men bandhakar usane nisiyas se kaha, jo vinod bhav se usaki or dekh raha tha- 'nisiyas, in vastuon ke vishay men kuchh sandeh mat karana, kyonki main inaka sadupayog karunga.'

nisiyas bola- 'priy mitr, mujhe koee sandeh nahin hain kyonki mera vishvas hai ki manushy men n bhale kam karane ki kshamata hai n bure. bhalaee v buraee ka adhar keval pratha par hai. main un sab kutsit vyavaharon ka palan karata hoon jo is nagar men prachalit hain. isalie meri ganana sajjan purushon men hai. achchha mitr, ab jao aur chain karo.'

lekin papanashi ne usase apana uddeshy prakat karana avashyak samajha. bola- 'tum thayas ko janate ho jo yahan ki rngashalaon ka shrringar hai?' nisiyas ne kaha- 'vah param sundari hai aur kisi samay main usake premiyon men tha. usaki khatir mainne ek karakhana aur do anaj ke khet bech dale aur usake virah varnan men nikrisht kavitaon se bhare hue tin granth likh dale. yah nirvivad hai ki roopalality snsar ki sabase prabal shakti hai, aur yadi hamare sharir ki rachana aisi hoti ki ham ajivan us par adhikrit rah sakate to ham darshanikon ke jivan aur bhram, maya aur moh, purush aur prakriti ki jara bhi paravah n karate. lekin mitr, mujhe yah dekhakar ashchary hota hai ki tum apani kuti chhodakar keval thayas ki charcha karane ke lie aye ho.'

yah kahakar nisiyas ne ek thndi sans khinchi. papanashi ne use bhitar netron se dekha. usaki yah kalpana hi asambhav maloom hoti thi ki koee manushy itani savadhani se apane papon ko prakat kar sakata hai. use jara bhi ashchary n hota, agar zamin phat jati aur usamen se agnijvala nikalakar use nigal jati. lekin zamin sthir bani rahi, aur nisiyas hath par mastak rakhe chupachap baitha hua apane poorv jivan ki smritiyon par mlanamukh se muskarata raha. yogi tab utha aur gambhir svar men bola- 'nahin nisiyas, main apana ekantavas chhodakar is pishach nagari men thayas ki charcha karane nahin aya hoon. balki, eeshvar ki sahayata se main is ramani ko apavitr vilas ke bandhanon se mukt kar doonga aur use prabhu masih ki sevarth bhent karunga. agar nirakar jyoti ne mera sath n chhoda to thayas avashy is nagar ko tyagakar kisi vanita dhamarshram men pravesh karegi.'

nisiyas ne uttar diya- 'madhur kalaon aur lality ki devi vinas ko rusht karate ho to savadhan rahana. usaki shakti apar hai aur yadi tum usaki pradhan upasika ko le jaoge to vah tumhare oopar vajraghat karegi.'

papanashi bola- 'prabhu masih meri raksha karenge. meri unase yah bhi prarthana hai ki vah tumhare hriday men dharm ki jyoti prakashit karen aur tum us andhakaramay koop men se nikal ao jisamen pade hue ediyan ragad rahe ho.'

yah kahakar vah garv se mastak uthaye bahar nikala. lekin nisiyas bhi usake pichhe chala. dvar par ate ate use pa liya aur tab apana hath usake kandhe par rakhakar usake kan men bola- 'dekho vinas ko kruddh mat karana. usaka pratyaghat atyant bhishan hota hai.'

kintu papanashi ne is chetavani ko tuchchh samajha, sir pherakar bhi n dekha. vah nisiyas ko patit samajhata tha, lekin jis bat se use jalan hoti thi vah yah thi ki mera purana mitr thayas ka premamatr rah chuka hai. use aisa anubhav hota tha ki isase ghor aparadh ho hi nahin sakata. ab se vah nisiyas ko snsar ka sabase adham, sabase ghrinit prani samajhane laga. usane bhrashtachar se sadaiv napharat ki thi, lekin aj ke pahale yah pap use itana narakiy kabhi n pratit hua tha. usaki samajh men prabhu masih ke krodh aur svarg dooton ke tiraskar ka isase nindy aur koee vishay hi n tha.

usake man men thayas ko in vilasiyon se bachane ke lie aur bhi tivr akanksha jagrit huee. ab bina ek kshan vilamb kiye mujhe thamas se bhent karani chahie. lekin abhi madhyahn kal tha aur jab tak dopahar ki garami shant n ho jae, thayas ke ghar jana uchit n tha. papanashi shahar ki sadakon par ghoomata raha. aj usane kuchh bhojan n kiya tha jisamen us par eeshvar ki daya drishti rahe. kabhi vah dinata se ankhen zamin ki or jhuka leta tha, aur kabhi anurakt hokar akash ki or takane lagata tha. kuchh der idhar udhar nishprayojan ghoomane ke bad vah bandaragah par ja pahuncha. samane vistrit bandaragah tha, jisamen asnkhy jalayan aur naukaen lngar dale padi huee thin, aur unake age nila samudr, shvet chadar o़edhe hns raha tha. ek nauka ne, jisaki patavar par ek apsara ka chitr bana hua tha, abhi lngar khola tha. danden pani men chalane lage, manjhiyon ne gana arambh kiya aur dekhate dekhate vah shvet vastradharini jalakanya yogi ki drishti men keval ek svapnachitr ki bhanti rah gayi. bandaragah se nikalakar, vah apane pichhe jagamagata hua jalamarg chhodati khule samudr men pahunch gayi.

papanashi ne socha- 'main bhi kisi samay snsar sagar par gote hue yatra karane ko utsuk tha lekin mujhe shighr hi apani bhool maloom ho gayi. mujh par apsara ka jadoo n chala.'


inhin vicharon men magn vah rassiyon ki genduli par baith gaya. nidra se usaki ankhen band ho gayin. nind men use ek svapn dikhaee diya. use maloom hua ki kahin se turahiyon ki avaz kan men a rahi hai, akash raktavarn ho gaya hai. use gyat hua ki dhamardharm ke vichar ka din a pahuncha. vah badi tanmayata se eeshavandana karane laga. isi bich men usane ek atyant bhaynkar jntu ko apani or ate dekha, jisake mathe par parakash ka ek saliv laga hua tha. papanashi ne use pahachan liya-silasili ki pishachamoorti thi. us jantu ne use danton ke niche daba liya aur use lekar chala, jaise billi apane bachche ko lekar chalati hai. is bhanti vah jantu papanashi ko kitane hi dvipon se hota, nadiyon ko par karata, pahadon ko phandata ant men ek nirjan sthan men pahuncha, jahan dahakate hue pahad aur jhulasate rakh ke eron ke sivay aur kuchh najar n ata tha. bhoomi kitane hi sthalon par phat gayi thi aur usamen se ag ki lapat nikal rahi thi. jantu ne papanashi ko dhire se utar diya aur kaha-'dekho !'

papanashi ne ek khoh ke kinare jhukakar niche dekha. ek ag ki nadi prithvi ke antasthal men do kalekale parvaton ke bich se bah rahi thi. vahan dhundhale parakash men narak ke doot papatmaon ko kasht de rahe the. in atmaon par unake mrit sharir ka halaka avaran tha, yahan tak ki vah kuchh vastr bhi pahane hue thi. aise darun kashton men bhi yah atmaen bahut duahkhi n jan padati thin. unamen se ek jo lambi, gauravarn, ankhen band kiye hue thi, hath men ek talavar liye ja rahi thi. usake madhur svaron se samast marubhoomi goonj rahi thi. vah devataon aur shooraviron ki virudavali ga rahi thi. chhotechhote hare rng ke daity unake honth aur knth ko lal lohe ki salakhon se chhed rahe the. yah amar kavi homar ki paratichchhaya thi. vah itana kasht jhelakar bhi gane se baj n ati thi. usake samip hi anakagoras, jisake sir ke bal gir gaye the, dhool men parakal se shaklen bana raha tha. ek daity usake kanon men khaulata hua tel dal raha tha; par usaki ekagarata ko bhng n kar sakata tha. isake atirikt papanashi ko aur kitani hi atmaen dikhaee din jo jalati huee nadi ke kinare baithi huee usi bhanti pathanapathan, vadaparativad, upasanadhyan men magn thin jaise yoonan ke gurukulon men gurushishy kisi vriksh ki chhaya men baithakar kiya karate the, vriddh timaklij hi sabase alag tha aur bharantivadiyon ki bhanti sir hila raha tha. ek daity usaki ankhon ke samane ek mashal hila raha tha, kintu timaklij ankhen hi n kholata tha.

is drishy se chakit hokar papanashi ne us bhaynkar jantu ki or dekha jo use yahan laya tha. kadachit usase poochhana chahata tha ki yah kya rahasy hai ? par vah jantu adrishy ho gaya tha aur usaki jagah ek stri munh par nakab dale khadi thi. vah boli-'yogi, khoob ankhen kholakar dekh ! in bharasht atmaon ka duragarah itana jatil hai ki narak men bhi unaki bharanti shant nahin huee. yahan bhi vah usi maya ke khilaune bane hue hain. mrityu ne unake bharamajal ko nahin toda kyonki paratyaksh hi, keval mar jane se hi eeshvar ke darshan nahin hote. jo log jivanabhar agyanandhakar men pade hue the, vah marane par bhi moorkh hi bane rahenge. yah daityagan eeshvariy nyay ke yntr hi to hain. yahi karan hai ki atmaen unhen n dekhati hain n unas bhayabhit hoti hain. vah saty ke gyan se shoony the, atev unhen apane akarmon ka bhi gyan n tha. unhonne jo kuchh kiya agyan ki avastha men kiya. un par vah dosharopan nahin kar sakata phir vah unhen dand bhogane par kaise majaboor kar sakata hai ?'

papanashi ne uttejit hokar kaha-'eeshvar sarvashaktiman hai, vah sab kuchh kar sakata hai.

nakabaposh stri ne uttar diya-'nahin, vah asaty ko saty nahin kar sakata. usako dnd bhog ke yogy banane ke lie pahale unako agyan se mukt karana hoga, aur jab vah agyan se mukt ho jaeenge to vah dhamartmaon ki shreni men a jaeenge !'

papanashi udvign aur mamarhat hokar phir khoh ke kinaron par jhuka. usane nisiyas ki chhaya ko ek pushpamala sir par dale, aur ek jhulase hue menhadi ke vriksh ke niche baithe dekha. usaki bagal men ek ati roopavati veshya baithi huee thi aur aisa vidit hota tha ki vah parem ki vyakhya kar rahe hain. veshya ki mukhashri manohar aur apiratam thi. un par jo agni ki varsha ho rahi thi vah os ki boondon ke saman sukhad aur shital thi, aur vah jhulasati huee bhoomi unake pairon se komal trin ke saman dab jati thi. yah dekhakar papanashi ki krodhagni zor se bhadak uthi. usane chillakar kaha-eeshvar, is durachari par vajaraghat kar ! yah nisiyas hai. use aisa kuchal ki vah roye, karahe aur krodh se dant pise. usane thayas ko bharasht kiya hai.

sahasa papanashi ki ankhnen khul geen. vah ek balishth manjhi ki god men tha. manjhi bola-'bas mitr, shant ho jao. jal devata sakshi hai ki tum nind men buri tarah chaunk padate ho. agar mainne tumhen samhal n liya hota to tum ab tak pani men dubakiyan khate hote. aj mainne tumhari jan bachaee.'

papanashi bola-'eeshvar ki daya hai.'

vah turant uth khada hua aur is svapn par vichar karata hua age b़a. avashy hi yah dusvapn hai. narak ko mithya samajhana eeshvariy nyay ka apaman karana hai. is svapn ko pareshak koee pishach hai.

eesaee tapasviyon ke man men nity yah shnka uthati rahati ki is svapn ka hetu eeshvar hai ya pishach. pishachadi unhen nity ghere rahate the. manushyon se jo munh modata hai, usaka gala pishachon se nahin chhoot sakata. marubhoomi pishachon ka kridakshetr hai. vahan nity unaka shor sunaee deta hai. tapasviyon ko parayah anubhav se, svapn ki vyavastha se gyan ho jata hai ki yah mard eeshvariy parerana hai ya pishachik paralobhan. par kabhikabhi bahut yatn karane par bhi unhen bharam ho jata tha. tapasviyon aur pishachon men nirantar aur mahaghor sngaram hota rahata tha. pishachon ko sadaiv yah dhun rahati thi ki yogiyon ko kisi tarah dhokhe men dalen aur unase apani agya manava len. sant jaaun ek parasiddh purush the. pishachon ke raja ne sath varsh tak lagatar unhen dhokha dene ki cheshta ki, par sant jaaun usaki chalon ko tad liya karate the. ek din pishacharaja ne ek vairagi ka roop dharan kiya aur jaaun ki kuti men akar bola-'jaaun, kal sham tak tumhen anashan (varat) rakhana hoga.' jaaun ne samajha, vah eeshvar ka doot hai aur do din tak nirjal raha. pishach ne un par keval yahi ek vijay parapt ki, yadyapi isase pishacharaj ka koee kutsit uddeshy n poora hua, par sant jaaun ko apani parajay ka bahut shok hua. kintu papanashi ne jo svapn dekha tha usaka vishay hi kahe deta tha ki isaka karta pishach hai.

vah eeshvar se din shabdon men kah raha tha-'mujhase aisa kaunasa aparadh hua jisake dandasvaroop toone mujhe pishach ke phande men dal diya.' sahasa use maloom hua ki main manushyon ke ek bade samooh men idharudhar dhakke kha raha hoon. kabhi idhar ja padata hoon, kabhi udhar. use nagaron ki bhidabhad men chalane ka abhyas n tha. vah ek jad vastu ki bhanti idhar udhar thokaren khata phirata tha, aur apane kamakhvab ke kurate ke daman se ulajhakar vah kee bar girategirate bacha. ant men usane ek manushy se poochha-'tum log sabake-sab ek hi disha men itani hadabadi ke sath kahan daude ja rahe ho ? kya kisi sant ka upadesh ho raha hai ?'

us manushy ne uttar diya-'yatri, kya tumhen maloom nahin ki shighar hi tamasha shuroo hoga aur thayas rngamnch par upasthit hogi. ham sab usi thiyetar men ja rahe hain. tumhari ichchha ho to tum bhi hamare sath chalo. is apsara ke darshan matr hi se ham kritarth ho jaeenge.'

papanashi ne socha ki thayas ko rngashala men dekhana mere uddeshy ke anukool hoga. vah us manushy ke sath ho liya. unake samane thodi door par rngashala sthit thi. usake mukhy dvar par chamakate hue parade pade the aur usaki vistrit vrittakar divaren anek paratimaon se saji huee thin. any manushyon ke sath yah donon purush bhi tng gali men dakhil hue. gali ke doosare sire par arddhachandr ke akar ka rngamnch bana hua tha jo is samay parakash se jagamaga raha tha. ve darshakon ke sath ek jagah par baithe. vahan niche ki or kisi talab ke ghat ki bhanti siyion ki katar rngashala tak chali gayi thi. rngashala men abhi koee n tha, par vah khoob saji huee thi. bich men koee parada n tha. rngashala ke madhy men kabar ki bhanti ek chabootarasa bana hua tha. chabootare ke charon taraph ravatiyan thin. ravatiyon ke samane bhale rakhe hue the aur lambilambi khoontiyon par sunahari alen latak rahi thin. stej par sannata chhaya hua tha. jab darshakon ka ardhavritt thasathas bhar gaya to madhumakkhiyon ki bhinabhinahatasi dabi huee avaz ane lagi. darshakon ki ankhen anurag se bhari huee, vrihad nistabdh rngamnch ki or lagi huee thin. striyan hnsati thin aur ninboo khati thin aur nityaparati natak dekhane vale purush apani jagahon se doosaron ko hnsahns pukarate the.

papanashi man men eeshvar ki pararthana kar raha tha aur munh se ek bhi mithya shabd nahin nikalata tha, lekin usaka sathi natyakal ki avanati ki chachar karane laga-'bhaee, hamari is kala ka ghor patan ho gaya hai. parachin samay men abhineta chehare pahanakar kaviyon ki rachanaen uchch svar se gaya karate the. ab to vah goongon ki bhanti abhinay karate hain. vah purane saman bhi gayab ho gaye. n to vah chehare rahe jinamen avaz ko phailane ke lie dhatu ki jibh bani rahati thi, n vah oonche khadaoon hi rah gaye jinhen pahanakar abhinetagan devataon ki tarah lambe ho jate the, n vah ojasvini kavitaen rahin aur n vah marmasparshi abhinayachatury. ab to purushon ki jagah rngamnch par striyon ka dauradaura hai, jo bina snkoch ke khule munh mnch par ati hain. us samay ke yoonananivasi striyon ko stej par dekhakar n jane dil men kya kahate. striyon ke lie janata ke sammukh mnch par ana ghor lajja ki bat hai. hamane is kuparatha ko svikar karake apane madhyatmik patan ka parichay diya hai. yah nirvivad hai ki stri purush ka shatru aur manavajati ka kalnk hai.

papanashi ne isaka samarthan kiya-'bahut saty kahate ho, stri hamari paranaghatika hai. usase hamen kuchh anand parapt hota hai aur isalie usase sadaiv darana chahie.'

usake sathi ne jisaka nam doriyan tha, kaha-'svarg ke devataon ki shapath khata hoon; stri se purush ko anand nahin parapt hota, balki chinta, duahkh aur ashanti. parem hi hamare darunatam kashton ka karan hai. suno mitr, jab meri tarunavastha thi to main ek dvip ki sair karane gaya tha aur vahan mujhe ek bahut bada menhadi ka vriksh dikhaee diya jisake vishay men yah dantakatha parachalit hai ki phidara jin dinon himolait par ashik thi to vah virahadasha men isi vriksh ke niche baithi rahati thi aur dil bahalane ke lie apane balon ki suiyan nikalakar in pattiyon men chubhaya karati thi. sab pattiyan chhid gayin. phidara ki paremakatha to tum janate hi hoge. apane paremi ka sarvanash karane ke pashchath vah svayn gale men phansi dal, ek hathidant ki khoonti se latakar mar gayi. devataon ki aisi ichchha huee ki phidara ki asahy virahavedana ke chihnasvaroop is vriksh ki pattiyon men nity chhed hote rahe. mainne ek patti tod li aur lakar use apane palng ke sirahane lataka diya ki vah mujhe parem ki kutilata ki yad dilati rahe aur mere guru, amar epikyuras ke sidghanton par atal rakhe, jisaka uddeshy tha ki kuvasana se darana chahie. lekin yatharth men parem jigar ka ek rog hai aur koee yah nahin kah sakata ki yah rog mujhe nahin lag sakata.'

papanashi ne parashn kiya-'doriyan, tumhare anand ke vishay kya hain ?'

doriyan ne khed se kaha-'mere anand ka keval ek vishay hai, aur vah bhi bahut akarshak nahin. vah dhyan hai jisaki pachanashakti dooshit ho gayi ho usake lie anand ka aur kya vishay ho sakata hai ?'

papanashi ko avasar mila ki vah is anandavadi ko adhyatmik sukh ki diksha de jo eeshvaradhana se parapt hota hai. bola-'mitr doriyan; saty par kan dharo, aur parakash garahan karo.'

lekin sahasa usane dekha ki sabaki ankhen meri taraph uthi hain aur mujhe chup rahane ka snket kar rahe hain. natyashala men poorn shanti sthapit ho gayi aur ek kshan men viragan ki dhvani sunaee di.

khel shuroo hua. homar ki iliyad ka ek duahkhant drishy tha. trojan yuddh samapt ho chuka tha. yoonan ke vijayi soorama apani chholadariyon se nikalakar kooch ki taiyari kar rahe the ki ek adbhut ghatana huee. rngabhoomi ke madhyasthit samadhi par badalon ka ek tukada chha gaya. ek kshan ke bad badal hat gaya aur eshilis ka paret sone ke shastron se saja hua parakat hua. vah yodghaon ki or hath phailaye mano kah raha hai, helas ke sapooto, kya tum yahan se parasthan karane ko taiyar ho ? tum us desh ko jate ho jahan jana mujhe phir nasib n hoga aur meri samadhi ko bina kuchh bhent kiye hi chhode jate ho.

yoonan ke vir samant, jinamen vriddh nestar, agamemanan, ulaises adi the, samadhi ke samip akar is ghatana ko dekhane lage. pirras ne jo eshilis ka yuvak putr tha, bhoomi par mastak jhuka diya. ulis ne aisa snket kiya jisase vidit hota tha vah mritatma ki ichchha se sahamat hai. usane agamemanan se anurodh kiya-ham sabon ko eshilis ka yash manana chahie, kyonki helas hi ki manaraksha men usane viragati payi hai. usaka adesh hai ki parayam ki putri, kumari paauliksena meri samadhi par samarpit ki jae. yoonanaviron, apane nayak ka adesh svikar karo !

kintu samarat agamemanan ne apatti ki-'trojan ki kumariyon ki raksha karo. parayam ka yashasvi parivar bahut duahkh bhog chuka hai.'

usaki apatti ka karan yah tha ki vah ulaises ke anurodh se sahamat hai. nishchay ho gaya ki paauliksena eshilis ko bali di jae. mrit atma is bhanti shant hokar yamalok ko chali gayi. charitron ke varttalap ke bad kabhi uttejak aur kabhi karun svaron men gana hota tha. abhinay ka ek bhag samapt hote hi darshakon ne taliyan bajayin.

papanashi jo paratyek vishay men dharmasidghanton ka vyavahar kiya karata tha, bola-'abhinay se siddh hota hai ki sattahin devataon ka upasak kitane nirdayi hote hain.

doriyan ne uttar diya-'yah dosh parayah sabhi matavadon men paya jata hai. saubhagy se mahatma epikyu ras ne, jinhen eeshvariy gyan parapt tha, mujhe adrishy ki mithya shnkaon se mukt kar diya.'

itane men abhinay phir shuroo hua. hekyuba, jo paauliksena ki mata thi, us chholadari se bahar nikali jisamen vah kaid thi. usake shvet kesh bikhare hue the, kapade phatakar taratar ho gaye the. usaki shokamoorti dekhate hi darshakon ne vedanapoorn ah bhari. hekyuba ko apani kanya ke vishadamay ant ka ek svapn dvara gyan ho gaya tha. apane aur apani putri ke durbhagy par vah sir pitane lagi. ulaises ne usake samip jakar kaha-'paauliksena par se apana matrisneh ab utha lo. vridgha stri ne apane bal noch liye, munh ka nakhon se khasota aur nirdayi yodgha ulaises ke hathon ko chooma, jo ab bhi dayashoony shanti se kahata jan padata tha-'hekyuba, dhairy se kam lo. jis vipatti ka nivaran nahin ho sakata, usake samane sir jhukao. hamare desh men bhi kitani hi mataen apane putron ke lie roti rahi hain jo aj yahan vrikshon ke niche mohanidra men magn hain. aur hekyuba ne, jo pahale eshiya ke sabase samriddhishali rajy ki svamini thi aur is samay gulami ki bediyon men jakadi huee thi, nairashy se dharati par sir patak diya.'

tab chholadariyon men se ek ke samane ka parada utha aur kumari paauliksena parakat huee. darshakon men ek sanasanisi daud gayi. unhonne thayas ko pahachan liya. papanashi ne us veshya ko phir dekha jisaki khoj men vah aya tha. vah apane gore hath se bhari parade ko oopar uthaye hue thi. vah ek vishal paratima ki bhanti sthir khadi thi. usake apoorv lochanon se garv aur atmotsarg jhalak raha tha aur usake paradipt saundary se samast darshakavrind ek nirupay lalasa ke aveg se tharra uthe !

papanashi ka chitt vyagar ho utha. chhati ko donon hathon se dabakar usane ek thandi sans li aur bola-'eeshvar ! toone ek parani ko kyonkar itani shakti paradan ki hai?

kintu doriyan jara bhi ashanti n hua. bola-'vastav men jin paramanuon ke ekatr ho jane se is stri ki rachana huee hai usaka snyog bahut hi nayanabhiram hai. lekin yah keval parakriti ki ek krida hai, aur paramanu jadavastu hai. kisi din vah svabhavik riti se vichchhinn ho jaenge. jin paramanuon se laila aur kliyopetra ki rachana huee thi vah ab kahan hain ? main manata hoon ki striyan kabhikabhi bahut roopavati hoti hain, lekin vah bhi to vipatti aur ghrinotpadak avasthaon ke vashibhoot ho jati hain. buddhimanon ko yah bat maloom hai, yadyapi moorkh log is par dhyan nahin dete.'

yogi ne bhi thayas ko dekha. darshanik ne bhi. donon ke man men bhinnabhinn vichar utpann hue. ek ne eeshvar se phariyad ki, doosare ne udasinata se tattv ka niroopan kiya.

itane men rani hekyuba ne apani kanya ko isharon se samajhaya, mano kah rahi hai-is hridayahin ulaises par apana jadoo dal ! apane roopalavany, apane yauvan aur apane ashruparavah ka ashray le.

thayas, ya kumari paauliksena ne chholadari ka parada gira diya. tab usane ek qadam age b़aya, logon ke dil hath se nikal gaye. aur jab vah garv se talon par qadam uthati huee ulaises ki or chali to darshakon ko aisa maloom hua mano vah saundary ka kendr hai. koee ape men n raha. sabaki ankhen usi or lagi huee thin. any sabhi ka rng usake samane phika pad gaya. koee unhen dekhata bhi n tha.

ulaises ne munh pher liya aur munh chadar men chhipa liya ki is daya bhikharini ke netrakataksh aur paremalingan ka jadoo us par n chale. paauliksena ne usase isharon se kaha-'mujhase kyon darate ho ? main tumhen paremapash men phnsane nahin ayi hoon. jo anivary hai, vah hoga. usake samane sir jhukati hoon. mrityu ka mujhe bhay nahin hai. parayam ki ladaki aur vir hektar ki bahan, itani gayigujari nahin hai ki usaki shayya, jisake lie badebade samarat lalayit rahate the, kisi videshi purush ka svagat kare. main kisi ki sharanagat nahin hona chahati.'

hekyuba jo abhi tak bhoomi par achetasi padi thi sahasa uthi aur apani piray putri ko chhati se laga liya. yah usaka antim nairashyapoorn alingan tha. pativnchit matrihriday ke lie snsar men koee avalamb n tha. paauliksena ne dhirese mata ke hathon se apane ko chhuda liya, mano usase kah rahi thi- 'mata, dhairy se kam lo ! apane svami ki atma ko dukhi mat karo. aisa kyon karati ho ki yah log nidaryata se zamin par girakar mujhe alag kar len ?'

thayas ka mukhachandr is shokavastha men aur bhi madhur ho gaya tha, jaise megh ke halake avaran se chandrama. darshakavrind ko usane jivan ke aveshon aur bhavon ka kitana apoorv chitr dikhaya ! isase sabhi mugdh the ! atmasamman, dhairy, sahas adi bhavon ka aisa alaukik, aisa mugdhakar digdarshan karana thayas ka hi kam tha. yahan tak ki papanashi ko bhi us par daya a gayi. usane socha, yah chamakadamak ab thode hi dinon ke aur mehaman hain, phir to yah kisi dhamarshram men tapasya karake apane papon ka parayashchit karegi.

abhinay ka ant nikat a gaya. hekyuba moorchhit hokar gir padi, aur paauliksena ulaises ke sath samadhi par ayi. yodghagan use charon or se ghere hue the. jab vah balivedi par ch़i to eshilij ke putr ne ek sone ke pyale men sharab lekar samadhi par gira di. matami git gaye ja rahe the. jab bali dene vale pujariyon ne use pakadane ko hath phailaya to usane snket dvara batalaya ki main svachchhand rahakar marana chahati hoon, jaisaki rajakanyaon ka dharm hai. tab apane vastron ko utarakar vah vajar ko hridayasthal men rakhane ko taiyar ho gayi. pirras ne sir pherakar apani talavar usake vakshasthal men bhonk di. rudhir ki dhara bah nikali. koee lag rakhi gayi thi. thayas ka sir pichhe ko latak gaya, usaki ankhen tilamilane lagin aur ek kshan men vah gir padi.

yodghagan to bali ko kafan pahana rahe the. pushpavarsha ki ja rahi thi. darshakon ki artadhvani se hava goonj rahi thi. papanashi uth khada hua aur uchchasvar se usane yah bhavishyavani ki-'mithyavadiyon, aur pareton ke poojane valon ! yah kya bharam ho gaya hai ! tumane abhi jo drishy dekha hai vah keval ek roopak hai. us katha ka adhyatmik arth kuchh aur hai, aur yah stri thode hi dinon men apani ichchha aur anurag se, eeshvar ke charanon men samarpit ho jaegi.

isake ek ghante bad papanashi ne thayas ke dvar par jnjir khatakhatayi.

thayas us samay reeson ke muhalle men, sikandar ki samadhi ke nikat rahati thi. usake vishal bhavan ke charon or sayedar vriksh the, jinamen se ek jaladhara kritrim chattanon ke bich se hokar bahati thi. ek buyi habshin dasi ne jo mundariyon se ladi huee thi, akar dvar khol diya aur poochha-'kya agya hai ?'

papanashi ne kaha-'main thamas se bhent karana chahata hoon. eeshvar sakshi hai ki main yahan isi kam ke lie aya hoon.'

vah amiron kese vastr pahane hue tha aur usaki baton se rob patakata tha. atev dasi use andar le gayi. aur boli-'thayas pariyon ke kunj men virajaman hai.'

alnkar upanyas

bhag-1 | bhag-2 | bhag-3 | bhag-4 | bhag-5

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah