दण्ड -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

sndhya ka samay tha. kachahari uth gayi thi. ahalakar aur chaparasi jeben khanakhanate ghar ja rahe the. mehatar koode tatol raha tha ki shayad kahin paise-vaise mil jayn. kachahari ke baramadon men sandon ne vakilon ki jagah le li thi. pedon ke niche muharriron ki jagah kutte baithe najar ate the. isi samay ek boodha adami, phate-purane kapade pahane, lathi tekata hua, jnt sahab ke bngale par pahuncha aur sayaban men khada ho gaya. jnt sahab ka nam tha mistar ji. sinha. aradali ne door hi se lalakara- kaun sayaban men khada hai ? kya chahata hai.

boodha- garib bamhan hoon bhaiya, sahab se bhent hogi ?

aradali- sahab tum-jaison se nahin mila karate.

boodhe ne lathi par akadakar kaha- kyon bhaee, ham khade hain ya dakoo-chor hain ki hamare munh men kuchh laga hua hai ?

aradali- bhikh mangakar mukadama ladane aye hoge ?

boodha- to koee pap kiya ? agar ghar bechakar mukadama nahin ladate to kuchh bura karate hain ? yahan to mukadama ladate-ladate umar bit gayi; lekin ghar ka paisa nahin kharacha. miyan ki jooti miyan ka sir karate hain. das bhalemanason se mangakar ek ko de diya. chalo chhutti huee. ganv-bhar nam se kanpata hai. kisi ne jara bhi tir-pir ki aur mainne adalat men dava dayar kiya.

aradali- kisi bade adami se pala nahin pada abhi ?

boodha- aji, kitane hi badon ko bade ghar bhijava diya, tum ho kis pher men. haee-kort tak jata hoon sidha. koee mere munh kya ayega bechara ! ganth se to kaudi jati nahin, phir daren kyon ? jisaki chiz par dant lagaye, apana karake chhoda. sidhe n diya to adalat men ghasit laye aur raged-raged kar mara, apana kya bigadata hai ? to sahab se ittala karate ho ki main hi pukaroon ?

aradali ne dekha; yah adami yon talanevala nahin to jakar sahab se usaki ittala ki. sahab ne huliya poochha aur khush ho kar kaha- phauran bula lo.

aradali- hajoor, bilakul phatehal hai.

sahab- gudadi hi men lal hote hain. jakar bhej do.

mistar sinha adhed adami the, bahut hi shant, bahut hi vicharashil. baten bahut kam karate the. kathorata aur asabhyata, jo shasan ka ang samajhi jati hai, unako chhoo bhi nahin gayi thi. nyay aur daya ke devata maloom hote the. nigah aisi barik payi thi ki soorat dekhate hi adami pahachan jate the. dil-daul devon ka-sa tha aur rng abanoos ka-sa. aramakursi par lete hue pechavan pi rahe the. boodhe ne jakar salam kiya.

sinaha- tum ho jagath pande ! ao baitho. tumhara mukadama to bahut hi kamazor hai. bhale adami, jal bhi n karate bana ?

jagat- aisa n kahen hajoor, garib adami hoon, mar jaoonga.

sinaha- kisi vakil-mukhtar se salah bhi n le li ?

jagat- ab to sarakar ki saran men aya hoon.

sinaha- sarakar kya misil badal denge; ya naya qanoon gadhenge ? tum gachcha kha gaye. main kabhi qanoon ke bahar nahin jata. janate ho n apil se kabhi meri tajavij radd nahin hoti ?

jagat- bada dharam ho sarakar ! (sinha ke pairon par ginniyon ki ek potali rakhakar) bada dukhi hoon sarakar !

sinaha- (muskarakar) yahan bhi apani chalabaji se nahin chookate ? nikalo abhi aur os se pyas nahin bujhati. bhala dahaee to tum poora karo.

jagat- bahut tng hoon dinabndhu !

sinaha- dalo-dalo kamar men hath. bhala kuchh mere nam ki laj to rakho.

jagat- lut jaoonga sarakar !

sinaha- luten tumhare dushman, jo ilaka bechakar ladate hain. tumhare jajamanon ka bhagavanh bhala karen, tumhen kis bat ki kami hai.

mistar sinaha is mamale men jara bhi riayat n karate the. jagath ne dekha ki yahan kaiyanpan se kam n chalega to chupake se 5 ginniyan aur nikalin. lekin unhen mistar sinaha ke pairon par rakhate samay usaki ankhon se khoon nikal aya. yah usaki barason ki kamaee thi. barason pet katakar, tan jalakar, man bandhakar, jhoothi gavahiyan dekar usane yah thati snchay kar payi thi. usaka hathon se nikalana pran nikalane se kam dukhadayi n tha.

jagat pande ke chale jane ke bad, koee 9 baje rat ko, jnt sahab ke bngale par ek tanga akar ruka aur us par se pndit satyadev utare jo raja sahab shivapur ke mukhtar the.

mistar sinaha ne muskarakar kaha- ap shayad apane ilake men garibon ko n rahane denge. itana julm !

satyadev- garibaparavar, yah kahie ki garibon ke mare ab ilake men hamara rahana mushkil ho raha hai. ap janate hain, sidhi ungali ghi nahin nikalata. zamindar ko kuchh-n-kuchh sakhti karani hi padati hai, magar ab yah hal hai ki hamane jara choon bhi ki to unhin garibon ki tyoriyan badal jati hain. sab muft men zamin jotana chahate hain. lagan mangiye to faujadari ka dava karane ko taiyar ! ab isi jagath pande ko dekhie. gnga kasam hai huzoor, sarasar jhootha dava hai. huzoor se koee bat chhipi to rah nahin sakati. agar jagath pande yah mukadama jit gaya to hamen boriya-bndhana chhodakar bhagana padega. ab huzoor hi basaen to bas sakate hain. raja sahab ne huzoor ko salam kaha hai aur arj ki hai ki is mamale men jagath pande ki aisi khabar len ki vah bhi yad kare.

mistar sinaha ne bhnven sikodakar kaha- qanoon mere ghar to nahin banata ?

satyadev- huzoor apake hath men sabakuchh hai.

yah kahakar ginniyon ki ek gaddi nikalakar mej par rakh di. mistar sinaha ne gaddi ko ankhon se ginakar kaha- inhen meri taraph se raja sahab ki najar kar dijiega. akhir ap koee vakil to karenge hi. use kya dijiega ?

satyadev- yah to huzoor ke hath men hai. jitani hi peshiyan hongi utana hi kharch bhi badhega.

sinaha- main chahoon to mahinon lataka sakata hoon.

satyadev- han, isase kaun inakar kar sakata hai.

sinaha- panch peshiyan bhi hueen to apake kam se kam ek hazar ud jayenge. ap yahan usaka adha poora kar dijie to ek hi peshi men vara-nyara ho jay. adhi rakam bach jay.

satyadev ne 10 ginniyan aur nikalakar mej par rakh din aur ghamnd ke sath bole- hukm ho to raja sahab se kah doon, ap itminan rakhen sahab ki kripadrishti ho gayi hai.

mistar sinaha ne tivr svar men kaha- ji nahin, yah kahane ki zaroorat nahin. main kisi shart par yah rakam nahin le raha hoon. main karoonga vahi jo qanoon ki mnsha hogi. qanoon ke khilaf jau-bhar bhi nahin ja sakata. yahi mera usool hai. ap log meri khatir karate hain, yah apaki sharaphat hai. main use apana dushman samajhoonga jo mera eeman kharidana chahe. main jo kuchh leta hoon, sachchaee ka inam samajhakar leta hoon.

2

jagat pande ko poora vishvas tha ki meri jit hogi; lekin tajabij suni to hosh ud gaye ! dava kharij ho gaya ! us par kharch ki chapat alag. mere sath yah chal ! agar lala sahab ko isaka maja n chakha diya to bamhan nahin. hain kis pher men ? sara rob bhula doonga. yahan gadhi kamaee ke rupaye hain. kaun pacha sakata hai ? had phod-phodakar nikalenge. dvar par sir patak-patak kar mar jaoonga.

usi din sndhya ko jagath pande ne mistar sinaha ke bngale ke samane asan jama diya. vahan baragad ka ghana vriksh tha. mukadamevale vahin sattoo, chabaina khate aur dopahari usi ki chhanh men katate the. jagath pande unase mistar sinaha ki dil kholakar ninda karata. n kuchh khata n pita, bas logon ko apani ramakahani sunaya karata. jo sunata vah jnt sahab ko char khoti-khari kahata- adami nahin pishach hai, ise to aisi jagah mare jahan pani n mile. rupaye ke rupaye liye, oopar se kharache samet digri kar di ! yahi karana tha to rupaye kahe ko nigale the ? yah hai hamare bhaee-bndon ka hal. yah apane kahalate hain! inase to angrez hi achchhe. is tarah ki alochanaen din-bhar hua karatin. jagath pande ke as-pas athon pahar jamaghat laga rahata.

is tarah char din bit gaye aur mistar sinaha ke kanon men bhi bat pahunchi. any rishvati karmachariyon ki tarah vah bhi hekad adami the. aise nirdvndv rahate mano unhen yah bimari chhoo tak nahin gayi hai. jab vah qanoon se jau-bhar bhi n talate the to un par rishvat ka sndeh ho hi kyonkar sakata tha, aur koee karata bhi to usaki manata kaun ? aise chatur khiladi ke viruddh koee jabte ki karravaee kaise hoti ? mistar sinaha apane aphasaron se bhi khushamad ka vyavahar n karate. isase hukkam bhi unaka bahut adar karate the. magar jagath pande ne vah mntr mara tha jisaka unake pas koee uttar n tha. aise bangad adami se aj tak unhen sabika n pada tha. apane naukaron se poochhate- buddha kya kar raha hai ! naukar log apanapan jatane ke lie jhooth ke pul bandh dete- huzoor, kahata tha bhoot banakar lagoonga, meri vedi bane to sahi, jis din maroonga, us din ke sau jagath pande honge. mistar sinaha pakke nastik the; lekin ye baten sun-sunakar sashnk ho jate aur unaki patni to thar-thar kanpane lagatin. vah naukaron se bar-bar kahatin usase jakar poochha, kya chahata hai. jitana rupaya chahe le le, hamase jo mange vah denge, bas yahan se chala jay. lekin mistar sinaha adamiyon ko ishare se mana kar dete the. unhen abhi tak asha thi ki bhookh-pyas se vyakul hokar buddha chala jayaga. isase adhik bhay yah tha ki jara bhi naram pada aur naukaron ne mujhe ulloo banaya.

chhathe din maloom hua ki jagath pande abol ho gaya hai, usase hila tak nahin jata, chupachap pada akash ki or dekh raha hai. shayad aj rat ko dam nikal jay. mistar sinaha ne lnbi sans li aur gahari chinta men doob gaye. patni ne ankhon men ansoo bharakar agrahapoorvak kaha- tumhen mere sir ki kasam, jakar kisi tarah is bala ko talo. buddha mar gaya to ham kahin ke n rahenge. ab rupaye ka munh mat dekho. do-char hazar bhi dene paden to dekar use manao. tumako jate sharm ati ho to main chali jaoon.

sinaha- jane ka irada to main kee din se kar raha hoon; lekin jab dekhata hoon vahan bhid lagi rahati hai, isase himmat nahin padati. sab adamiyon ke samane to mujhase n jaya jayaga, chahe kitani hi badi aphat kyon n a pade. tum do-char hazar ki kahati hon, main das-panch hazar dene ko taiyar hoon. lekin vahan nahin ja sakata. n jane kis buri sait se mainne isake rupaye liye. janata ki yah itana phisad khada karega to phatak men ghusane hi n deta. dekhane se to aisa sidha maloom hota tha ki goo hai. mainne pahali bar adami pahachanane men dhokha khaya.

patni- to main hi chali jaoon ? shahar ki taraph se aoongi aur sab adamiyon ko hatakar akele men bat karoongi. kisi ko khabar n hogi ki kaun hai. isamen to koee haraj nahin ?

mistar sinaha ne sndigdh bhav se kaha- tadanevale tad hi jayenge, chahe tum kitana hi chhipao.

patni- tad jaynge tad jayn, ab kisase kahan tak daroon. badanami abhi kya kam ho rahi hai, jo aur ho jayagi. sari duniya janati hai ki tumane rupaye liye. yon hi koee kisi par pran nahin deta. phir ab vyarth ki ainth kyon karo ?

mistar sinaha ab marmavedana ko n daba sake. bole- priye, yah vyarth ki ainth nahin hai. chor ko adalat men bent khane se utani lajja nahin ati, stri ko kalnk se utani lajja nahin ati, jitani kisi hakim ko apani rishvat ka parada khulane se ati hai. vah zahar khakar mar jayaga; par snsar ke samane apana parada n kholega. apana sarvanash dekh sakata hai; par yah apaman nahin sah sakata, jinda khal khinchane, ya kolhoo men pere jane ke siva aur koee sthiti nahin hai jo use apana aparadh svikar kara sake. isaka to mujhe jara bhi bhay nahin hai ki brahman bhoot banakar hamako satayega, ya hamen usaki vedi banakar poojani padegi, yah bhi janata hoon ki pap ka dnd bhi bahudha nahin milata; lekin hindoo hone ke karan snskaron ki shnka kuchh-kuchh bani huee hai. brahmahatya ka kalnk sir par lete hue atma kanpati hai. bas, itani bat hai. main aj rat ko mauqa dekhakar jaoonga aur is snkat ko katane ke lie jo kuchh ho sakega, karoonga. khatir jama rakho.

3

adhi rat bit chuki thi. mistar sinaha ghar se nikale aur akele jagath pande ko manane chale. baragad ke niche bilakul sannata tha. andhakar aisa tha mano nishadevi yahin shayan kar rahi hon. jagath pande ki sans jor-jor se chal rahi thi mano maut jabaradasti ghasite liye jati ho. mistar sinaha ke royen khade ho gaye. buddha kahin mar to nahin raha hai ? jebi lalaten nikali aur jagath ke samip ja kar bole- pande ji kaho kya hal hai ?

jagat pande ne ankhen khol kar dekha aur uthane ki asaphal cheshta karake bola- mera hal poochhate ho ? dekhate nahin ho, mar raha hoon ?

sinaha- to is tarah kyon pran dete ho ?

jagat- tumhari yahi ichchha hai to main kya karoon ?

sinaha- meri to yahi ichchha nahin. han, alabatta mera sarvanash karane par tum tule hue ho. akhir mainne tumhare dedh sau rupaye hi to liye hain. itane hi rupaye ke lie tum itana bada anushthan kar rahe ho !

jagat- dedh sau rupaye ki bat nahin hai. jo tumane mujhe mitti men mila diya. meri digri ho gayi hoti to mujhe das bighe zamin mil jati aur sare ilake men nam ho jata. tumane mere dedh sau nahin liye, mere panch hazar bigad diye. poore panch hajar; lekin yah ghamnd n rahega, yad rakhana. kahe deta hoon, satyanash ho jayaga. is adalat men tumhara rajy hai; lekin bhagavanh ke darabar men vipron hi ka rajy hai. vipr ka dhan lekar koee sukhi nahin rah sakata.

mistar sinaha ne bahut khed aur lajja prakat ki, bahut anunay-vinay se kam liya aur ant men poochha- sach batalao pande, kitane rupaye pa jao to yah anushthan chhod do.

jagat pande zor lagakar uth baithe aur badi utsukata se bole- panch hazar se kaudi kam n loonga.

sinaha- panch hazar to bahut hote hain. itana julm n karo.

jagat- nahin, isase kam n loonga.

yah kahakar jagath pande phir let gaya. usane ye shabd itane nishchayatmak bhav se kahe the ki mistar sinaha ko aur kuchh kahane ka sahas n hua. rupaye lane ghar chale; lekin ghar pahunchate-pahunchate niyat badal gayi. dedh sau ke badale panch hazar dete kalak hua. man men kaha- marata hai mar jane do, kahan ki brahmahatya aur kaisa pap ! yah sab pakhnd hai. badanami n hogi ? sarakari mulajim to yon hi badanam hote hain, yah koee nayi bat thode hi hai. bacha kaise uth baithe the. samajha hoga, ulloo phnsa. agar 6 din ke upavas karane se panch hazar milen to main mahine men kam-se-kam panch marataba yah anushthan karoon. panch hazar nahin, koee mujhe ek hi hazar de de. yahan to mahine bhar nak ragadata hoon tab jake 600 rupaye ke darshan hote hain. noch-khasot se bhi shayad hi kisi mahine men isase zyada milata ho. baitha meri rah dekh raha hoga. lega rupaye, munh mitha ho jayaga.

vah charapaee par letana chahate the ki unaki patniji akar khadi ho gayin. unake sir ke bal khule hue the, ankhen sahami hueen, rah-rahakar kanp uthati thin. munh se shabd n nikalata tha. badi mushkil se bolin- adhi rat to ho gayi hogi ? tum jagath pande ke pas chale jao. mainne abhi aisa bura sapana dekha hai ki abhi tak kaleja dhadak raha hai, jan snkat men padi huee hai. jake kisi tarah use talo.

mistar sinaha- vahin se to chala a raha hoon. mujhe tumase zyada fikr hai. abhi akar khada hi hua tha ki tum ayin.

patni- achchha ! to tum gaye the ! kya baten hueen, raji hua ?

sinaha- panch hazar rupaye mangata hai !

patni- panch hazar !

sinaha- kaudi kam nahin kar sakata aur mere pas is vakt ek hazar se zyada n honge.

patni ne ek kshan sochakar kaha- jitana mangata hai utana hi de do, kisi tarah gala to chhoote. tumhare pas rupaye n hon to main de doongi. abhi se sapane dikhaee dene lage hain. mara to pran kaise bachenge. bolata-chalata hai n ?

mistar sinaha agar abanoos the to unaki patni chndan. sinaha unake gulam the, unake isharon par chalate the. patniji bhi pati-shasan men kushal thin. saundary aur agyan men apavad hai. sundari kabhi bholi nahin hoti. vah purush ke marmasthal par asan jamana janati hai !

sinaha- to lao deta aoon; lekin adami bada chagghad hai, kahin rupaye lekar sabako dikhata phire to ?

patni- isako yahan se isi vakt bhagana hoga.

sinaha- to nikalo, de hi doon. zindagi men yah bat bhi yad rahegi.

patni ne avishvas bhav se kaha- chalo, main bhi chalati hoon. is vakt kaun dekhata hai ?

patni se adhik purush ke charitr ka gyan aur kisi ko nahin hota. mistar sinaha ki manovrittiyon ko unaki patniji khoob janati thin. kaun jane raste men rupaye kahin chhipa den, aur kah den, de aye. ya kahane lagen, rupaye le kar bhi nahin talata to main kya karoon. jakar sndook se noton ke pulinde nikale aur unhen chadar men chhipakar mistar sinaha ke sath chalin. sinha ke munh par jhadoo-si phiri huee thi. lalaten liye pachhatate chale jate the. 5000 ru. nikale jate hain. phir itane rupaye kab milenge; kaun janata hai ? isase to kahin achchha tha ki dusht mar hi jata. bala se badanami hoti, koee mere jeb se rupaye to n chhin leta. eeshvar kare mar gaya ho !

abhi tak donon adami phatak hi tak aye the ki dekha, jagath pande lathi tekata chala ata hai. usaka svaroop itana daravana tha mano shmashan se koee murada bhaga ata ho.

inako dekhate hi jagath pande baith gaya aur hanphata hua bola- badi der huee, laye ?

patniji bolin- maharaj, ham to a hi rahe the, tumane kyon kasht kiya ? rupaye lekar sidhe ghar chale jaoge n ?

jagat- han-han, sidha ghar jaoonga. kahan hain rupaye dekhoon !

patniji ne noton ka pulinda bahar nikala aur lalaten dikhakar bolin- gin lo. poore 5000 rupaye hain !

pande ne pulinda liya aur baithakar use ulat-pulatakar dekhane laga. usaki ankhen ek naye prakash se chamakane lagin. hathon men noton ko taulata hua bola- poore panch hazar hain ?

patni- poore gin lo !

jagat- panch hazar men do tokari bhar jayagi ! (hathon se batakar) itane sare hue panch hazar !

sinaha- kya ab bhi tumhen vishvas nahin ata ?

jagat- hain-hain, poore hain, poore panch hazar ! to ab jaoon, bhag jaoon ?

yah kahakar vah pulinda lie kee qadam ladakhadata hua chala, jaise koee sharabi, aur tab dham se zamin par gir pada. mistar sinaha lapakakar use uthane daude to dekha usaki ankhen pathara gayi hain aur mukh pila pad gaya hai. bolon- pande-pande, kya kahin chot a gayi ?

pande ne ek bar munh khola jaise marati huee chidiya sir latakakar chonch khol deti hai. jivan ka antim dhaga bhi toot gaya. onth khule hue the aur noton ka pulinda chhati par rakha hua tha. itane men patniji bhi a pahunchin aur shav ko dekhakar chaunk padin !

patni- ise kya ho gaya ?

sinaha- mar gaya aur kya ho gaya ?

patni- (sir pitakar) mar gaya ! hay bhagavan ! ab kahan jaoon ?

yah kahakar vah bngale ki or badi teji se chalin. mistar sinaha ne bhi noton ka pulinda shav ki chhati par se utha liya aur chale.

patni- ye rupaye ab kya honge ?

sinaha- kisi dharm-kary men de doonga.

patni- ghar men mat rakhana, khabaradar ! hay bhagavanh !

4

doosare din sare shahar men khabahar mashahoor ho gayi- jagath pande ne jnt sahab par jan de di. usaka shav utha to hajaron adami sath the. mistar sinaha ko khullam-khulla galiyan di ja rahi thin.

sndhya samay mistar sinaha kachahari se akar man mare baithe the ki naukaron ne akar kaha- sarakar, hamako chhutti di jay ! hamara hisab kar dijie. hamari biradari ke log dhamakate hain ki tum jnt sahab ki naukari karoge to hukka-pani band ho jayaga.

sinaha ne jhallakar kaha- kaun dhamakata hai ?

kahar- kisaka nam batayen sarakar ! sabhi to kah rahe hain.

rasoiya- huzoor, mujhe to log dhamakate hain ki mandir men n ghusane paoge.

sinaha- ek mahine ki notis diye bagair tum nahin ja sakate.

saees- huzoor, biradari se bigad karake ham log kahan jaynge ? hamara aj se istipha hai. hisab jab chahe kar dijiega.

mistar sinaha ne bahut dhamakaya, phir dilasa dene lage; lekin naukaron ne ek n suni. adh ghante ke andar sabon ne apana-apana rasta liya. mistar sinaha dant pisakar rah gaye; lekin hakimon ka kam kab rukata hai ? unhonne usi vakt kotaval ko khabar di ki kee adami begar men pakad aye. kam chal nikala.

usi din se mistar sinaha aur hindoo samaj men khinchatan shuroo huee. dhobi ne kapade dhona band kar diya. gvale ne doodh lane men anakani ki. naee ne hajamat banani chhodi. in vipattiyon par patniji ka rona-dhona aur bhi gajab tha. inhen roj bhaynkar svapn dikhaee dete. rat ko ek kamare se doosare men jate pran nikalate the. kisi ka jara sir bhi dukhata to nahon men jan sama jati. sabase badi musibat yah thi ki apane sambandhiyon ne bhi ana-jana chhod diya. ek din sale aye, magar bina pani pieye chale gaye. isi tarah ek bahanoee ka agaman hua. unhonne pan tak n khaya. mistar sinaha bade dhairy se yah sara tiraskar sahate jate the. ab tak unaki arthik hani n huee thi. garaj ke bavale jhak marakar ate hi the aur najar-najarana milata hi tha. phir vishesh chinta ka koee karan n tha.

lekin biradari se bair karana pani men rahakar magar se bair karana hai. koee-n-koee aisa avasar a hi jata hai, jab hamako biradari ke samane sir jhukana padata hai. mistar sinaha ko bhi sal ke andar hi aisa avasar a pada. yah unaki putri ka vivah tha. yahi vah samasya hai jo bade-bade hekadon ka ghamnd choor-choor kar deti hai. ap kisi ke ane-jane ki parava n karen, hukka-pani, bhoj-bhat, mel-jol kisi bat ki parava n karen, magar ladaki ka vivah to n talanevali bala hai. usase bachakar ap kahan jayenge ! mistar sinaha ko is bat ka dagadaga to pahile hi tha ki triveni ke vivah men badhaen padengi; lekin unhen vishvas tha ki dravy ki apar shakti is mushkil ko hal kar degi. kuchh dinon tak unhonne jan-boojhakar tala ki shayad is andhi ka zor kuchh kam ho jay; lekin jab triveni ka solahavan sal samapt ho gaya to tal-matol ki gunjaish n rahi. sndeshe bhejane lage; lekin jahan sndeshiya jata vahin javab milata- hamen mnjoor nahin. jin gharon men sal-bhar pahale unaka sndesha pakar log apane bhagy ko sarahate, vahan se ab sookha javab milata tha- hamen mnjoor nahin. mistar sinaha dhan ka lobh dete, zamin najar karane ko kahate, ladake ko vilayat bhejakar oonchi shiksha dilane ka prastav karate kintu unaki sari ayojanaon ka ek hi javab milata tha- hamen mnjoor nahin. oonche gharane ka yah hal dekhakar mistar sinaha un gharanon men sndesh bhejane lage, jinake sath pahale baithakar bhojan karane men bhi unhen snkoch hota tha; lekin vahan bhi vahi javab mila- hamen mnjoor nahin. yahan tak ki kee jagah vah khud daud-daudakar gaye. logon ki minnaten kin, par yahi javab mila- sahab, hamen mnjoor nahin. shayad bahishkrit gharanon men unaka sndesh svikar kar liya jata; par mistar sinaha janaboojhakar makkhi n nigalana chahate the. aise logon se sambandh n karana chahate the jinaka biradari men koee sthan n tha. is tarah ek varsh bit gaya.

misez sinaha charapaee par padi karah rahi thin, triveni bhojan bana rahi thi aur mistar sinaha patni ke pas chinta men doobe baithe hue the. unake hath men ek khat tha, bar-bar use dekhate aur kuchh sochane lagate the. badi der ke bad rogini ne ankhen kholin aur boli- ab n bachoongi. pande meri jan le kar chhodega. hath men kaisa kagaz hai ?

sinaha- yashodanndan ke pas se khat aya hai. paji ko yah khat likhate hue sharm nahin ati, mainne isaki naukari lagayi. isaki shadi karavayi aur aj usaka mizaj itana badh gaya hai ki apane chhote bhaee ki shadi meri ladaki se karana pasnd nahin karata. abhage ke bhagy khul jate !

patni- bhagavanh, ab le chalo. yah durdasha nahin dekhi jati. angoor khane ka ji chahata hai, mngavaye hain ki nahin ?

sinaha- main jakar khud leta aya tha.

yah kahakar unhonne tashtari men angoor bharakar patni ke pas rakh diye. vah utha-uthakar khane lagin. jab tashtari khali ho gayi to bolin- ab kisake yahan sndesha bhejoge ?

sinaha- kisake yahan bataoon ! meri samajh men to ab koee aisa adami nahin rah gaya. aisi biradari men rahane se to yah hazar daraja achchha hai ki biradari ke bahar rahoon. mainne ek brahman se rishvat li. isase mujhe inakar nahin. lekin kaun rishvat nahin leta ? apane gaun par koee nahin chookata. brahman nahin khud eeshvar hi kyon n hon, rishvat khanevale unhen bhi choos lenge. rishvat denevala agar nirash hokar apane pran de deta hai to mera kya aparadh ! agar koee mere phaisale se naraz hokar zahar kha le to main kya kar sakata hoon. is par bhi main prayashchitt karane ko taiyar hoon. biradari jo dnd de, use svikar karane ko taiyar hoon. sabase kah chuka hoon mujhase jo prayashchitt chaho kara lo par koee nahin sunata. dnd aparadh ke anukool hona chahie, nahin to yah anyay hai. agar kisi musalaman ka chhua bhojan khane ke lie biradari mujhe kalepani bhejana chahe to main use kabhi n manoonga. phir aparadh agar hai to mera hai. meri ladaki ne kya aparadh kiya hai. mere aparadh ke lie ladaki ko dnd dena sarasar nyay-viruddh hai.

patni- magar karoge kya ? koee pnchayat kyon nahin karate ?

sinaha- pnchayat men bhi to vahi biradari ke mukhiya log hi honge, unase mujhe nyay ki asha nahin. vastav men is tiraskar ka karan eershya hai. mujhe dekhakar sab jalate hain aur isi bahane se mujhe nicha dikhana chahate hain. main in logon ko khoob samajhata hoon.

patni- man ki lalasa man hi men rah gayi. yah araman liye snsar se jana padega. bhagavanh ki jaisi ichchha. tumhari baton se mujhe dar lagata hai ki meri bachchi ki n-jane kya dasha hogi. magar tumase meri antim vinay yahi hai ki biradari se bahar n jana, nahin to paralok men bhi meri atma ko shanti n milegi. yah shok meri jan le raha hai. hay, bachchi par n-jane kya vipatti anevali hai.

yah kahate misez sinaha ki ankhon se ansoo bahane lage. mistar sinaha ne unako dilasa dete hue kaha- isaki chinta mat karo priye, mera ashay keval yah tha ki aise bhav mere man men aya karate hain. tumase sach kahata hoon biradari ke anyay se kaleja chalani ho gaya hai.

patni- biradari ko bura mat kaho. biradari ka dar n ho to adami n-jane kya-kya utpat kare. biradari ko bura n kaho. (kaleje par hath rakhakar) yahan bada dard ho raha hai. yashodanndan ne bhi kora javab de diya. kisi karavat chain nahin ata. kya karoon bhagavanh.

sinaha- daktar ko bulaoon ?

patni- tumhara ji chahe bula lo, lekin main bachoongi nahin. jara tibbo ko bula lo, pyar kar loon. ji dooba jata hai. meri bachchi ! hay meri bachchi !!


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah