शतरंज के खिलाड़ी -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

vajidali shah ka samay tha. lakhanoo vilasita ke rng men dooba hua tha. chhote-bade, garib-amir sabhi vilasita men doobe hue the. koee nrity aur gan ki majalis sajata tha, to koee aphim ki pinak hi men maje leta tha. jivan ke pratyek vibhag men amod-pramod ka pradhany tha. shasan-vibhag men, sahity-kshetr men, samajik avastha men, kala-kaushal men, udyog-dhndhon men, ahar-vyavahar men sarvatr vilasita vyapt ho rahi thi. rajakarmachari vishay-vasana men, kavigan prem aur virah ke varnan men, karigar kalabattoo aur chikan banane men, vyavasayi surame, itr , missi aur ubatan ka rozagar karane men lipt the. sabhi ki ankhon men vilasita ka mad chhaya hua tha. snsar men kya ho raha hai, isaki kisi ko khabar n thi. bater lad rahe hain. titaron ki ladaee ke lie pali badi ja rahi hai. kahin chausar bichhi huee hai; pau-barah ka shor macha hua hai. kahi shatarnj ka ghor sngram chhida hua hai. raja se lekar rnk tak isi dhun men mast the. yahan tak ki fakiron ko paise milate to ve rotiyan n lekar aphim khate ya madak pite. shatarnj, tash, gnjifa khelane se buddhi tivr hoti hai, vichar-shakti ka vikas hota hai, penchida masalon ko sulajhane ki adat padati hai. ye dalilen joron ke sath pesh ki jati thin (is sampraday ke logon se duniya ab bhi khali nahin hai). isalie agar miraza sajjadali aur mir raushanali apana adhikansh samay buddhi tivr karane men vyatit karate the, to kisi vicharashil purush ko kya apatti ho sakati thi? donon ke pas mauroosi jagiren thin; jivika ki koee chinta n thi; ki ghar men baithe chakhautiyan karate the. akhir aur karate hi kya? pratahkal donon mitr nashta karake bisat bichha kar baith jate, muhare saj jate, aur ladaee ke dav-pench hone lagate. phir khabar n hoti thi ki kab dopahar huee, kab tisara pahar, kab sham ! ghar ke bhitar se bar-bar bulava ata ki khana taiyar hai. yahan se javab milata- chalo, ate hain, dastarakhvan bichhao. yahan tak ki bavarachi vivash ho ki kamare hi men khana rakh jata tha, aur donon mitr donon kam sath-sath karate the. miraza sajjad ali ke ghar men koee bada-boodha n tha, isalie unhin ke divanakhane men bajiyan hoti thin. magar yah bat n thi miraza ke ghar ke aur log unase is vyavahar se khush hon. gharavalon ka to kahana hi kya, muhallevale, ghar ke naukar-chakar tak nity dveshapoorn tippaniyan kiya karate the- bada manahoos khel hai. ghar ko tabah kar deta hai. khuda n kare, kisi ko isaki chat pade, adami din-duniya kisi ke kam ka nahin rahata, n ghar ka, n ghat ka. bura rog hai. yahan tak ki miraza ki begam sahaba ko isase itana dvesh tha ki avasar khoj-khojakar pati ko latadati thin. par unhen isaka avasar mushkil se milata tha. vah soti rahati thin, tab tak bazi bichh jati thi. aur rat ko jab so jati thin, tab kahi mirazaji ghar men ate the. han, naukaron par vah apana gussa utarati rahati thin- kya pan mange hain? kah do, akar le jayn. khane ki phurasat nahin hai? le jakar khana sir par patak do, khayn chahe kutte ko khilayen. par roobaroo vah bhi kuchh n kah sakati thin. unako apane pati se utana malal n tha, jitana mir sahab se. unhonne unaka, nam mir bigadoo rakh chhoda tha. shayad mirazaji apani saphaee dene ke lie sara ilajam mir sahab hi ke sar thop dete the.

ek din begam sahaba ke sir men dard hone laga. unhonne laundi se kaha- jakar miraza sahab ko bula lo. kisi hakim ke yahan se dava layen. daud, jaldi kar. laundi gayi to mirazaji ne kaha- chal, abhi ate hain. begam sahaba ka mizaj garam tha. itani tab kahan ki unake sir men dard ho aur pati shatarnj khelata rahe. chehara surkh ho gaya. laundi se kaha- jakar kah, abhi chalie, nahin to vah ap hi hakim ke yahan chali jayengi. mirazaji badi dilachasp bazi khel rahe the, do hi kiston men mir sahab ki mat huee jati thi. jhunjhalakar bole- kya aisa dam labon par hai? jara sabr nahin hota?

mir- are, to jakar sun hi aie n. auraten najuk-mizaj hoti hi hain.

miraza- ji han, chala kyon n jaoon ! do kiston men apaki mat hoti hai.

mir- janab, is bharose n rahiega. vah chal sochi hai ki apake muhare dhare rahen aur mat ho jay. par jaie, sun aie. kyon khamakhvah unaka dil dukhaiega?

miraza- isi bat par mat hi karake jaoonga.

mir- main kheloonga hi nahin. ap jakar sun aie.

miraza- are yar, jana padega hakim ke yahan. sir-dard khak nahin hai, mujhe pareshan karane ka bahana hai.

mir- kuchh bhi ho, unaki khatir to karani hi padegi.

miraza- achchha, ek chal aur chal loon.

mir- haragiz nahin, jab tak ap sun n ayenge, main muhare men hath hi n lagaoonga.

miraza sahab majaboor hokar andar gaye to begam sahaba ne tyoriyan badalakar, lekin karahate hue kaha- tumhen nigodi shatarnj itani pyari hai ! chahe koee mar hi jay, par uthane ka nam nahin lete ! nauj, koee tum-jaisa adami ho !

miraza- kya kahoon, mir sahaba manate hi n the. badi mushkil se pichha chhudakar aya hoon.

begam- kya jaise vah khud nikhattoo hain, vaise hi sabako samajhate hain. unake bhi to bal-bachche hain; ya sabaka saphaya kar dala?

miraza- bada lati adami hai. jab a jata hai, tab majaboor hokar mujhe bhi khelana padata hai.

begam- dutkar kyon nahin dete?

miraza- barabar ke adami hain; umr men, darje men mujhase do angul oonche. mulahiza karana hi padata hai.

begam- to main hi dutkare deti hoon. naraz ho jaynge, ho jayn. kaun kisi ki rotiyan chala deta hai. rani roothengi, apana suhag lengi. hariya; ja bahar se shatarnj utha la. mir sahab se kahana, miyan ab n khelenge; ap tashariph le jaie.

miraza- han-han, kahin aisa gajab bhi n karana ! jalil karana chahati ho kya? thahar hariya, kahan jati hai.

begam- jane kyon nahin dete? mera hi khoon piye, jo use roke. achchha, use roka, mujhe roko, to janoon?

yah kahakar begam sahaba jhallaee huee divanakhane ki taraph chalin. miraza bechare ka rng ud gaya. bibi ki minnaten karane lage- khuda ke lie, tumhen hajarat husen ki kasam hai. meri hi maiyat dekhe, jo udhar jay. lekin begam ne ek n mani. divanakhane ke dvar tak gayin, par ekaek par-purush ke samane jate hue panv bndh-se gaye. bhitar jhanka, snyog se kamara khali tha. mir sahab ne do-ek muhare idhar-udhar kar diye the, aur apani saphaee jatane ke lie bahar tahal rahe the. phir kya tha, begam ne andar pahunchakar bazi ulat di, muhare kuchh takht ke niche phenk diye, kuchh bahar aur kivad andar se bnd karake kundi laga di. mir sahab daravaze par to the hi, muhare bahar phenke jate dekhe, choodiyon ki jhanak bhi kan men padi. phir daravaza bnd hua, to samajh gaye, begam sahaba bigad gayin. chupake se ghar ki rah li.

miraza ne kaha- tumane gajab kiya.

begam- ab mir sahab idhar aye, to khade-khade nikalava doongi. itani lau khuda se lagate, to vali ho jate ! ap to shatarnj khelen, aur main yahan choolhe-chakki ki fikr men sir khapaoon ! jate ho hakim sahab ke yahan ki ab bhi tammul hai.

miraza ghar se nikale, to hakim ke ghar jane ke badale mir sahab ke ghar pahunche aur sara vrittant kaha. mir sahab bole- mainne to jab muhare bahar ate dekhe, tabhi tad gaya. phauran bhaga. badi gussevar maloom hoti hain. magar apane unhen yon sir chadha rakha hai, yah munasib nahin. unhen isase kya matalab ki ap bahar kya karate hain. ghar ka intajam karana unaka kam hai; doosari baton se unhen kya sarokar?

miraza- khair, yah to bataie, ab kahan jamav hoga?

mir- isaka kya gam hai. itana bada ghar pada hua hai. bas yahin jamen.

miraza- lekin begam sahaba ko kaise manaoonga? ghar par baitha rahata tha, tab to vah itana bigadati thin; yahan baithak hogi, to shayad jinda n chhodengi.

mir- aji bakane bhi dijie, do-char roj men ap hi thik ho jayengi. han, ap itana kijie ki aj se jara tan jaie.

2

mir sahab ki begam kisi agyat karan se mir sahab ka ghar se door rahana hi upayukt samajhati thin. isalie vah unake shatarnj-prem ki kabhi alochana n karati thin; balki kabhi-kabhi mir sahab ko der ho jati, to yad dila deti thin. in karanon se mir sahab ko bhram ho gaya tha ki meri stri atyant vinayashil aur gnbhir hai. lekin jab divanakhane men bisat bichhane lagi, aur mir sahab din-bhar ghar men rahane lage, to begam sahaba ko bada kasht hone laga. unaki svadhinata men badha pad gayi. din-bhar daravaze par jhankane ko taras jatin.

udhar naukaron men bhi kanaphoosi hone lagi. ab tak din-bhar pade-pade makkhiyan mara karate the. ghar men koee aye, koee jaye, unase kuchh matalab n tha. ab athon pahar ki dhauns ho gayi. pan lane ka hukm hota, kabhi mithaee ka. aur huqqa to kisi premi ke hriday ki bhanti nity jalata hi rahata tha. ve begam sahaba se ja-jakar kahate- huzoor, miyan ki shatarnj to hamare ji ka jnjal ho gayi. din-bhar daudate-daudate pairon men chhale pad gaye. yah bhi koee khel ki subah ko baithe to sham kar di. ghadi adh ghadi dil-bahalav ke lie khel khelana bahut hai. khair, hamen to koee shikayat nahin; huzoor ke gulam hain, jo hukm hoga, baja hi layenge; magar yah khel manahoos hai. isaka khelanevala kabhi panapata nahin; ghar par koee n koee aphat zaroor ati hai. yahan tak ki ek ke pichhe mahalle-ke-mahalle tabah hote dekhe gaye hain. sare muhalle men yahi characha rahati hai. huzoor ka namak khate hain, apane aqa ki buraee sun-sunakar rnj hota hai? magar kya karen? is par begam sahaba kahati hain- main to khud isako pasnd nahin karati. par vah kisi ki sunate hi nahin, kya kiya jay.

muhalle men bhi jo do-char purane jamane ke log the, apas men bhanti-bhanti ki amngal kalpanaen karane lage- ab khairiyat nahin. jab hamare reeson ka yah hal hai, to mulk ka khuda hi hafij hai. yah badashahat shatarnj ke hathon tabah hogi. asar bure hain.

rajy men hahakar macha hua tha. praja din-dahade looti jati thi. koee phariyad sunanevala n tha. dehaton ki sari daulat lakhanoo men khinchi ati thi aur vah veshyaon men, bhandon men aur vilasita ke any angon ki poorti men ud jati thi. angrez kampani ka rin din-din badhata jata tha. kamali din-din bhigakar bhari hoti jati thi. desh men suvyavastha n hone ke karan varshik kar bhi vasool n hota tha. rejident bar-bar chetavani deta tha, par yahan to log vilasita ke nashe men choor the, kisi ke kanon par joon n rengati thi.

khair, mir sahab ke divanakhane men shatarnj hote kee mahine gujar gaye. naye-naye nakshe hal kiye jate; naye-naye kile banaye jate; nity nayi vyooh-rachana hoti; kabhi-kabhi khelate-khelate jhaud ho jati; too-too main-main tak ki naubat a jati; par shighr hi donon mitron men mel ho jata. kabhi-kabhi aisa bhi hota ki bazi utha di jati; mirazaji roothakar apane ghar chale jate. mir sahab apane ghar men ja baithate. par rat bhar ki nidra ke sath sara manomaliny shant ho jata tha. pratahkal donon mitr divanakhane men a pahunchate the.

ek din donon mitr baithe hue shatarnj ki daladal men gote kha rahe the ki itane men ghode par savar ek badashahi fauj ka aphasar mir sahab ka nam poochhata hua a pahuncha. mir sahab ke hosh ud gaye. yah kya bala sir par ayi ! yah talabi kis lie huee hai? ab khairiyat nahin najar ati. ghar ke daravaze bnd kar liye. naukaron se bole- kah do, ghar men nahin hain.

savar- ghar men nahin, to kahan hain?

naukar- yah main nahin janata. kya kam hai?

savar- kam tujhe kya bataoonga? huzoor men talabi hai. shayad fauj ke lie kuchh sipahi mange gaye hain. jagiradar hain ki dillagi ! morache par jana padega, to ate-dal ka bhav maloom ho jayaga !

naukar- achchha, to jaie, kah diya jayaga?

savar- kahane ki bat nahin hai. main kal khud aoonga, sath le jane ka hukm hua hai.

savar chala gaya. mir sahab ki atma kanp uthi. mirazaji se bole- kahie janab, ab kya hoga?

miraza- badi musibat hai. kahin meri talabi bhi n ho.

mir- kambakht kal phir ane ko kah gaya hai.

miraza- aphat hai, aur kya. kahin morache par jana pada, to bemaut mare.

mir- bas, yahi ek tadabir hai ki ghar par milo hi nahin. kal se gomati par kahin virane men nakhsha jame. vahan kise khabar hogi. hajarat akar ap laut jaynge.

miraza- vallah, apako khoob soojhi ! isake sivay aur koee tadabir hi nahin hai.

idhar mir sahab ki begam us savar se kah rahi thi, tumane khoob dhata bataya.

usane javab diya- aise gavadiyon ko to chutakiyon par nachata hoon. inaki sari akl aur himmat to shatarnj ne char li. ab bhool kar bhi ghar par n rahenge.

3

doosare din se donon mitr munh andhere ghar se nikal khade hote. bagal men ek chhoti-si dari dabaye, dibbe men gilauriyan bhare, gomati par ki ek purani viran masajid men chale jate, jise shayad navab asafuddaula ne banavaya tha. raste men tambakoo, chilam aur madariya le lete, aur masajid men pahunch, dari bichha, huqqa bharakar shatarnj khelane baith jate the. phir unhen din-duniya ki fikr n rahati thi. kisht, shah adi do-ek shabdon ke siva unake munh se aur koee vaky nahin nikalata tha. koee yogi bhi samadhi men itana ekagr n hota hoga. dopahar ko jab bhookh maloom hoti to donon mitr kisi nanabaee ki dookan par jakar khana khate, aur ek chilam huqqa pikar phir sngram-kshetr men dat jate. kabhi-kabhi to unhen bhojan ka bhi khyal n rahata tha.

idhar desh ki rajanitik dasha bhaynkar hoti ja rahi thi. kampani ki faujen lakhanoo ki taraph badhi chali ati thin. shahar men halachal machi huee thi. log bal-bachchon ko lekar dehaton men bhag rahe the. par hamare donon khiladiyon ko inaki zara bhi fikr n thi. ve ghar se ate to galiyon men hokar. dar tha ki kahin kisi badashahi mulajim ki nigah n pad jay, jo bekar men pakad jayn. hajaron rupaye salana ki jagir muft hi hajam karana chahate the.

ek din donon mitr masajid ke khndahar men baithe hue shatarnj khel rahe the. miraza ki bazi kuchh kamazor thi. mir sahab unhen kisht-par-kisht de rahe the. itane men kampani ke sainik ate hue dikhayi diye. vah goron ki fauj thi, jo lakhanoo par adhikar jamane ke lie a rahi thi.

mir sahab bole- angreji fauj a rahi hai; khuda khair kare.

miraza- ane dijie, kisht bachaie. yah kisht.

mir- jara dekhana chahie, yahin ad men khade ho jayn !

miraza- dekh lijiega, jaldi kya hai, phir kisht !

mir- topakhana bhi hai. koee panch hazar adami honge kaise-kaise javan hain. lal bandaron ke-se munh. soorat dekhakar khauph maloom hota hai.

miraza- janab, hile n kijie. ye chakame kisi aur ko dijiega. yah kisht !

mir- ap bhi ajib adami hain. yahan to shahar par aphat ayi huee hai aur apako kisht ki soojhi hai ! kuchh isaki bhi khabar hai ki shahar ghir gaya, to ghar kaise chalenge?

miraza- jab ghar chalane ka vakt ayega, to dekha jayaga- yah kisht ! bas, abaki shah men mat hai.

fauj nikal gayi. das baje ka samay tha. phir bazi bichh gayi.

miraza- aj khane ki kaise thaharegi?

mir- aji, aj to roza hai. kya apako zyada bhookh maloom hoti hai?

miraza- ji nahin. shahar men n jane kya ho raha hai !

mir- shahar men kuchh n ho raha hoga. log khana kha-khakar aram se so rahe honge. huzoor navab sahab bhi aishagah men honge.

donon sajjan phir jo khelane baithe, to tin baj gaye. abaki miraza ji ki bazi kamazor thi. char ka gajar baj hi raha tha ki fauj ki vapasi ki ahat mili. navab vajidali pakad liye gaye the, aur sena unhen kisi agyat sthan ko liye ja rahi thi. shahar men n koee halachal thi, n mar-kat. ek boond bhi khoon nahin gira tha. aj tak kisi svadhin desh ke raja ki parajay itani shanti se, is tarah khoon bahe bina n huee hogi. yah vah ahinsa n thi, jis par devagan prasann hote hain. yah vah kayarapan tha, jis par bade-bade kayar bhi ansoo bahate hain. avadh ke vishal desh ka navab bandi chala jata tha, aur lakhanoo aish ki nind men mast tha. yah rajanitik adhahpatan ki charam sima thi.

miraza ne kaha- huzoor navab sahab ko jalimon ne kaid kar liya hai.

mir- hoga, yah lijie shah.

miraza- janab jara thaharie. is vakt idhar tabiyat nahin lagati. bechare navab sahab is vakt khoon ke ansoo ro rahe honge.

mir- roya hi chahen. yah aish vahan kahan nasib hoga. yah kisht !

miraza- kisi ke din barabar nahin jate. kitani dardanak halat hai.

mir- han, so to hai hi- yah lo, phir kisht ! bas, abaki kisht men mat hai, bach nahin sakate.

miraza- khuda ki kasam, ap bade bedard hain. itana bada hadasa dekhakar bhi apako duahkh nahin hota. hay, garib vajidali shah !

mir- pahale apane badashah ko to bachaie phir navab sahab ka matam kijiega. yah kisht aur yah mat ! lana hath !

badashah ko liye hue sena samane se nikal gayi. unake jate hi miraza ne phir bazi bichha di. har ki chot buri hoti hai. mir ne kaha- aie, navab sahab ke matam men ek marasiya kah dalen. lekin miraza ki rajabhakti apani har ke sath lupt ho chuki thi. vah har ka badala chukane ke lie adhir ho rahe the.

4

sham ho gayi. khndahar men chamagadadon ne chikhana shuroo kiya. ababilen a-akar apane-apane ghosalon men chimatin. par donon khiladi date hue the, mano do khoon ke pyase soorama apas men lad rahe hon. mirazaji tin bajiyan lagatar har chuke the; is chauthi bazi ka rng bhi achchha n tha. vah bar-bar jitane ka dridh nishchay karake snbhalakar khelate the lekin ek-n-ek chal aisi bedhab a padati thi, jisase bazi kharab ho jati thi. har bar har ke sath pratikar ki bhavana aur bhi ugr hoti thi. udhar mir sahab mare umng ke gajalen gate the, chutakiyan lete the, mano koee gupt dhan pa gaye hon. mirazaji sun-sunakar jhunjhalate aur har ki jhenp ko mitane ke lie unaki dad dete the. par jyon-jyon bazi kamazor padati thi, dhairy hath se nikala jata tha. yahan tak ki vah bat-bat par jhunjhalane lage- janab, ap chal badala n kijie. yah kya ki ek chal chale, aur phir use badal diya. jo kuchh chalana ho ek bar chal dijie; yah ap muhare par hath kyon rakhate hain? muhare ko chhod dijie. jab tak apako chal n soojhe, muhara chhuiye hi nahin. ap ek-ek chal adh ghnte men chalate hain. isaki sanad nahin. jise ek chal chalane men panch minat se zyada lage, usaki mat samajhi jay. phir apane chal badali ! chupake se muhara vahin rakh dijie.

mir sahab ka pharaji pitata tha. bole- mainne chal chali hi kab thi?

miraza- ap chal chal chuke hain. muhara vahin rakh dijie- usi ghar men !

mir- us ghar men kyon rakhoon? mainne hath se muhara chhoda hi kab tha?

miraza- muhara ap kayamat tak n chhoden, to kya chal hi n hogi? pharaji pitate dekha to dhandhali karane lage.

mir- dhandhali ap karate hain. har-jit takadir se hoti hai, dhandhali karane se koee nahin jitata?

miraza- to is bazi men to apaki mat ho gayi.

mir- mujhe kyon mat hone lagi?

miraza- to ap muhara usi ghar men rakh dijie, jahan pahale rakkha tha.

mir- vahan kyon rakhoon? nahin rakhata.

miraza- kyon n rakhiega? apako rakhana hoga.

takarar badhane lagi. donon apani-apani tek par ade the. n yah dabata tha n vah. aprasngik baten hoene lagin, miraza bole- kisi ne khanadan men shatarnj kheli hoti, tab to isake kayade janate. ve to hamesha, ghas chhila karate, ap shatarnj kya kheliega. riyasat aur hi chiz hai. jagir mil jane se hi koee rees nahin ho jata.

mir- kya? ghas apake abbajan chhilate honge. yahan to pidhiyon se shatarnj khelate chale a rahe hain.

miraza- aji, jaie bhi, gajiuddin haidar ke yahan bavarachi ka kam karate-karate umr gujar gayi aj rees banane chale hain. rees banana kuchh dillagi nahin hai.

mir- kyon apane bujurgon ke munh men kalikh lagate ho- ve hi bavarachi ka kam karate honge. yahan to hamesha badashah ke dastarakhvan par khana khate chale aye hain.

miraza- are chal charakate, bahut badh-badhakar baten n kar.

mir- jaban snbhaliye, varana bura hoga. main aisi baten sunane ka adi nahin hoon. yahan to kisi ne ankhen dikhayin ki usaki ankhen nikalin. hai hausala?

miraza- ap mera hausala dekhana chahate hain, to phir, aie. aj do-do hath ho jayn, idhar ya udhar.

mir- to yahan tumase dabanevala kaun?

donon doston ne kamar se talavaren nikal lin. navabi jamana tha; sabhi talavar, peshakabj, katar vagairah bandhate the. donon vilasi the, par kayar n the. unamen rajanitik bhavon ka adhahpatan ho gaya tha- badashah ke lie, badashahat ke lie kyon maren; par vyaktigat virata ka abhav n tha. donon jakhm khakar gire, aur donon ne vahin tadap-tadapakar janen de din. apane badashah ke lie jinaki ankhon se ek boond ansoo n nikala, unhin donon praniyon ne shatarnj ke vajir ki raksha men pran de diye.

andhera ho chala tha. bazi bichhi huee thi. donon badashah apane-apane sinhasanon par baithe hue mano in donon viron ki mrityu par ro rahe the !

charon taraph sannata chhaya hua tha. khndahar ki tooti huee meharaben, giri huee divaren aur dhool-dhoosarit minaren in lashon ko dekhatin aur sir dhunati thin.


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah