बेटी का धन -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

betava nadi do oonche kagaron ke bich is tarah munh chhipaye hue thi jaise nirmal hridayon men sahas aur utsah ki maddham jyoti chhipi rahati hai. isake ek kagar par ek chhota-sa ganv basa hai jo apane bhagn jatiy chihnon ke lie bahut hi prasiddh hai. jatiy gathaon aur chihnon par mar mitanevale log is bhavanasthan par bade prem aur shraddha ke sath ate aur ganv ka boodha kevat sukkhoo chaudhari unhen usaki parikrama karata aur rani ke mahal, raja ka darabar aur kunvar ki baithak ke mite hue chiddon ko dikhata. vah ek uchchhvas lekar rundhe hue gale se kahata, mahashay ! ek vah samay tha ki kevaton ko machhaliyon ke inam men asharphiyan milati thin. kahar mahal men jhadoo dete hue asharphiyan bator le jate the. betava nadi roj chadh kar maharaj ke charan chhoone ati thi. yah pratap aur yah tej tha, parantu aj isaki yah dasha hai. in sundar uktiyon par kisi ka vishvas jamana chaudhari ke vash ki bat n thi, par sunanevale usaki sahridayata tatha anurag ke zaroor kayal ho jate the.

sukkhoo chaudhari udar purush the, parantu jitana bada munh tha, utana bada gras n tha. tin ladake, tin bahuen aur kee pautr-pautriyan thin. ladaki keval ek gngajali thi jisaka abhi tak gauna nahin hua tha. chaudhari ki yah sabase pichhali sntan thi. stri ke mar jane par usane isako bakari ka doodh pila-pila kar pala tha. parivar men khanevale to itane the, par kheti sirph ek hal ki hoti thi. jyon-tyon kar nirvah hota tha, parantu sukkhoo ki vriddhavastha aur puratattv gyan ne use ganv men vah man aur pratishtha pradan kar rakkhi thi, jise dekh kar jhagadoo sahu bhitar hi bhitar jalate the. sukkhoo jab ganvavalon ke samaksh, hakimon se hath phenk-phenk kar baten karane lagata aur khndaharon ko ghuma-phira kar dikhane lagata tha to jhagadoo sahu jo chaparasiyon ke dhakke khane ke dar se qarib nahin phatakate the tadap-tadap kar rah jate the. atah ve sada is shubh avasar ki pratiksha karate rahate the, jab sukkhoo par apane dhan dvara prabhutv jama saken.

is ganv ke zamindar thakur jitanasinh the, jinaki begar ke mare ganvavalon ka nakon dam tha. us sal jab zila majistret ka daura hua aur vah yahan ke puratan chihnon ki sair karane ke lie padhare, to sukkhoo chaudhari ne dabi jaban se apane ganvavalon ki duahkh-kahani unhen sunayi. hakimon se vartalap karane men use tanik bhi bhay n hota tha. sukkhoo chaudhari ko khoob maloom tha ki jitanasinh se rar machana sinh ke munh men sir dena hai. kintu jab ganvavale kahate the ki chaudhari tumhari aise-aise hakimon se mitaee hai aur ham logon ko rat-din rote katata hai to phir tumhari yah mitrata kis din kam avegi. paropakaray satamh vibhootayah. tab sukkhoo ka mizaj asaman par chadh jata tha. ghadi bhar ke lie vah jitanasinh ko bhool jata tha. majistret ne jitanasinh se isaka uttar manga. udhar jhagadoo sahu ne chaudhari ke is sahasapoorn svamidroh ki riport jitanasinh ko di. thakur sahab jal kar ag ho gaye. apane karinde se bakaya lagan ki bahi mangi. snyogavash chaudhari ke jimme is sal ka kuchh lagan baki tha. kuchh to paidavar kam huee, us par gngajali ka byah karana pada. chhoti bahoo nath ki rat lagaye hue thi; vah banavani padi. in sab kharchon ne hath bilakul khali kar diya tha. lagan ke lie kuchh adhik chinta nahin thi. vah is abhiman men bhoola hua tha ki jis jaban men hakimon ko prasann karane ki shakti hai, kya vah thakur sahab ko apana lakshy n bana sakegi ? boodhe chaudhari idhar to apane garv men nishchint the aur udhar un par bakaya lagan ki nalish thuk gayi. samman a pahuncha. doosare din peshi ki tarikh pad gayi. chaudhari ko apana jadoo chalane ka avasar n mila.

jin logon ke badhave men a kar sukkhoo ne thakur se chhedachhad ki thi, unaka darshan milana durlabh ho gaya. thakur sahab ke sahane aur pyade ganv men chil ki tarah mndarane lage. unake bhay se kisi ko chaudhari ki parachhaeen katane ka sahas n hota tha. kachahari vahan se tin mil par thi. barasat ke din, raste men thaur-thaur pani, umadi huee nadiyan, rasta kachcha, bailagadi ka nibah nahin, pairon men bal nahin, atah adamapairavi men mukadame ekatarapha phaisala ho gaya.

kurki ka notis pahuncha to chaudhari ke hath-panv phool gaye. sari chaturaee bhool gayi. chupachap apani khat par pada-pada nadi ki or takata aur apane man men kahata, kya mere jite ji ghar mitti men mil jayaga. mere in bailon ki sundar jodi ke gale men ah ! kya doosaron ka jua padega ? yah sochate-sochate usaki ankhen bhar atin. vah bailon se lipat kar rone laga, parntu bailon ki ankhon se kyon ansoo jari the ? ve nand men munh kyon nahin dalate the ? kya unake hriday par bhi apane svami ke duahkh ki chot pahunch rahi thi !

phir vah apane jhopade ko vikal nayanon se nihar kar dekhata. aur man men sochata, kya hamako is ghar se nikalana padega ? yah poorvajon ki nishani kya hamare jite ji chhin jayagi ?

kuchh log pariksha men dridh rahate hain aur kuchh log isaki halaki anch bhi nahin sah sakate. chaudhari apani khat par udas pade ghnton apane kuladev mahavir aur mahadev ko manaya karata aur unaka gun gaya karata. usaki chintadagdh atma ko aur koee sahara n tha.

isamen koee sndeh n tha ki chaudhari ki tinon bahuon ke pas gahane the, par stri ka gahana ookh ka ras hai, jo perane hi se nikalata hai. chaudhari jati ka ochha par svabhav ka ooncha tha. use aisi nich bat bahuon se kahate snkoch hota tha. kadachith yah nich vichar usake hriday men utpann hi nahin hua tha, kintu tinon bete yadi jara bhi buddhi se kam lete to boodhe ko devataon ki sharan lene ki avashyakata n hoti. parntu yahan to bat hi nirali thi. bade ladake ko ghat ke kam se phurasat n thi. baki do ladake is jatil prashn ko vichitr roop se hal karane ke mnsoobe bandh rahe the.

mnjhale jhingur ne munh bana kar kaha- unh ! is ganv men kya dhara hai. jahan hi kamaoonga, vahin khaoonga par jitanasinh ki moonchhen ek-ek karake chun loonga.

chhote phakkad ainth kar bole- moonchhen tum chun lena ! nak main uda doonga. nakata bana ghoomega.

is par donon khoob hnse aur machhali marane chal diye.

is ganv men ek boodhe brahman bhi rahate the. mndir men pooja karate aur nity apane yajamanon ko darshan dene nadi par jate, par kheve ke paise n dete. tisare din vah zamindar ke guptacharon ki ankh bachakar sukkhoo ke pas aye aur sahanubhooti ke svar men bole chaudhari ! kal hi tak miyad hai aur tum abhi tak pade-pade so rahe ho. kyon nahin ghar ki chiz dhoondh-dhandh kar kisi aur jagah bhej dete ? n ho samadhiyane pathava do. jo kuchh bach rahe, vahi sahi. ghar ki mitti khod kar thode hi koee le jayaga.

chaudhari leta tha, uth baitha aur akash ki or nihar kar bola- jo kuchh usaki ichchha hai, vah hoga. mujhase yah jal n hoga.

idhar kee din ki nirntar bhakti aur upasana ke karan chaudhari ka man shuddh aur pavitr ho gaya tha. use chhal-prapnch se ghrina ho gayi thi. pndit ji jo is kam men siddhahast the, lajjit ho gaye.

parntu chaudhari ke ghar ke any logon ko eeshvarechchha par itana bharosa n tha. dhire-dhire ghar ke bartan-bhande khisakaye jate the. anaj ka ek dana bhi ghar men n rahane paya. rat ko nav ladi huee jati aur udhar se khali lautati thi. tin din tak ghar men choolha n jala. boodhe chaudhari ke munh men ann ki kaun kahe pani ki ek boond bhi n padi. striayan bhad se chane bhuna kar chabatin, aur ladake machhaliyan bhoon-bhoon kar udate. parntu boodhe ki is ekadashi men yadi koee sharik tha to vah usaki beti gngajali thi. yah bechari apane boodhe bap ko charapaee par nirjal chhatapatate dekh bilakh-bilakh kar roti.

ladakon ko apane mata-pita se vah prem nahin hota jo ladakiyon ko hota hai. gngajali is soch-vichar men magn rahati thi ki dada ki kis bhanti sahayata karoon. yadi ham sab bhaee-bahan mil kar jitanasinh ke pas jakar daya-bhiksha ki prarthana karen to ve avashy man jaynge; parntu dada ko kab yah svikar hoga. vah yadi ek din bade sahab ke pas chale jayn to sab kuchh bat ki bat men ban jay. kintu unaki to jaise buddhi hi mari gayi hai. isi udhedabun men use ek upay soojh pada, kumhalaya hua mukharavind khil utha.

pujari ji sukkhoo chaudhari ke pas se uth kar chale gaye the aur chaudhari uchch svar se apane soye hue devataon ko pukar-pukar kar bula rahe the. nidan gngajali unake pas ja kar khadi ho gayi. chaudhari ne use dekh kar vismit svar men poochha kyon beti ? itani rat gaye kyon bahar ayi ?

gngajali ne kaha- bahar rahana to bhagy men likha hai, ghar men kaise rahoon.

sukkhoo ne zor se hank lagayi- kahan gaye tum krishnamurari, mere duahkh haro.

gngajali khadi thi, baith gayi aur dhire se boli- bhajan gate to aj tin din ho gaye. ghar bachane ka bhi kuchh upay socha ki ise yon hi mitti men mila doge ? ham logon ko kya ped tale rakhoge ?

chaudhari ne vyathit svar se kaha- beti, mujhe to koee upay nahin soojhata. bhagavanh jo chahenge, hoga. veg chalo giradhar gopal, kahe vilamb karo.

gngajali ne kaha- mainne ek upay socha hai, kaho to kahoon.

chaudhari uth kar baith gaye aur poochha- kaun upay hai beti ?

gngajali ne kaha- mere gahane jhagadoo sahu ke yahan giron rakh do. mainne jod liya hai. dene bhar ke rupaye ho jaynge.

chaudhari ne thndi sans le kar kaha- beti ! tumako mujhase yah bat kahate laj nahin ati. ved-shastra men mujhe tumhare ganv ke kuen ka pani pina bhi mana hai. tumhari dyodhi men bhi pair rakhane ka nishedh hai. kya tum mujhe narak men dhakelana chahati ho ?

gngajali uttar ke lie pahale hi se taiyar thi. boli- main apane gahane tumhen diye thode hi deti hoon. is samay le kar kam chalao, chait men chhuda dena. chaudhari ne kadak kar kaha yah mujhase n hoga.

gngajali uttejit ho kar boli- tumase yah n hoga to main ap hi jaoongi, mujhase ghar ki yah durdasha nahin dekhi jati.

chaudhari ne jhunjhala kar kaha- biradari men kaun munh dikhaoonga ?

gngajali ne chidh kar kaha- biradari men kaun dhindhora pitane jata hai.

chaudhari ne phaisala sunaya- jagahnsaee ke lie main apana dharm n bigadoonga.

gngajali bigadakar boli- meri bat nahin manoge to tumhare oopar meri hatya padegi. main aj hi is betava nadi men kood padoongi. tumase chahe ghar men ag lagate dekha jay, par mujhase to n dekha jayaga.

chaudhari ne thndi sans le kar katar svar men kaha- beti, mera dharm nash mat karo. yadi aisa hi hai to apani kisi bhavaj ke gahane mang kar lao.

gngajali ne gambhir svar men kaha- bhavajon se kaun apana munh nochavane jayaga. unako phikar hoti to kya munh men dahi jama tha, kahatin nahin.

chaudhari niruttar ho gaye. gngajali ghar men ja kar gahanon ki pitari layi aur ek-ek karake sab gahane chaudhari ke angochhe men bandh diye. chaudhari ne ankhon men ansoo bhar kar kaha- hay ram, is sharir ki kya gati likhi hai ! yah kah kar uthe. bahut samhalane par bhi ankhon men ansoo n chhipe.

rat ka samay tha. betava nadi ke kinare-kinare marg ko chhodakar sukkhoo chaudhari gahanon ki gathari kankh men dabaye is tarah chupake-chupake chal rahe the mano pap ki gathari liye jate hain. jab vah jhagadoo sahu ke makan ke pas pahunche to thahar gaye, ankhen khoob saf kin, jisase kisi ko yah n bodh ho ki chaudhari rota tha.

jhagadoo sahu dhage ki kamani ki ek moti ainak lagaye bahikhata phailaye huqqa pi rahe the, aur dipak ke dhundhale prakash men un aksharon ko padhane ki vyarth cheshta men lage the jinamen syahi ki kiphayat ki gayi thi. bar-bar ainak ko saf karate aur ankh malate, par chirag ki batti ukasana ya dohari batti lagana shayad isalie uchit nahin samajhate the ki tel ka apavyay hoga. isi samay sukkhoo chaudhari ne a kar kaha jayaram ji.

jhagadoo sahu ne dekha. pahachan kar bole- jayaram chaudhari ! kaho mukadame men kya hua ? yah len-den bade jhnjhat ka kam hai. din bhar sir uthane ki chhutti nahin milati.

chaudhari ne potali ko khoob savadhani se chhipa kar laparavahi ke sath kaha- abhi tak to kuchh nahin hua. kal ijarayadigari hone vali hai. thakur sahab ne n jane kab ka bair nikala hai. hamako do-tin din ki bhi muhalat hoti to digari n jari hone pati. chhote sahab aur bade sahab donon hamako achchhi tarah janate hain. abhi isi sal mainne unase nadi kinare ghnton baten kin, kintu ek to barasat ke din, doosare ek din ki bhi muhalat nahin, kya karata ! is samay mujhe rupayon ki chinta hai.

jhagadoo sahu ne vismit ho kar poochha- tumako rupayon ki chinta ! ghar men bhara hai, vah kis din kam avega. jhagadoo sahu ne yah vyngyaban nahin chhoda tha. vastav men unhen aur sare ganv ko vishvas tha ki chaudhari ke ghar men lakshmi maharani ka akhnd rajy hai.

chaudhari ka rng badalane laga. bole- sahu ji ! rupaya hota to kis bat ki chinta thi ? tumase kaun chhipav hai. aj tin din se ghar men choolha nahin jala, rona-pitana pada hai. ab to tumhare basaye basoonga. thakur sahab ne to ujadane men koee kasar n chhodi.

jhagadoo sahu jitanasinh ko khush rakhana zaroor chahate the, par sath hi chaudhari ko bhi nakhush karana mnjoor n tha. yadi sood-dar-sood chhod kar mool tatha byaj sahaj vasool ho jay to unhen chaudhari par muft ka ehasan ladane men koee apatti n thi. yadi chaudhari ke aphasaron ki jan-pahachan ke karan sahu ji ka taiks se gala chhoot jay, jo anek upay karane ahalakaron ki mutthi garam karane par bhi nity prati unaki tond ki tarah badhata hi ja raha tha to kya poochhana ! bole-

-kya kahen chaudhari ji, kharch ke mare ajakal ham bhi tabah hain. lahane vasool nahin hote. taiks ka rupaya dena pada. hath bilakul khali ho gaya. tumhen kitana rupaya chahie ?

chaudhari ne kaha- sau rupaye ki digari hai. kharch-barch mila kar do sau ke lagabhag samajho.

jhagadoo ab apane danv khelane lage. poochha- tumhare ladakon ne tumhari kuchh bhi madad n ki. vah sab bhi to kuchh n kuchh kamate hi hain.

sahu ji ka yah nishana thik pada ladakon ne laparavahi se chaudhari ke man men jo kutsit bhav bhare the vah sajiv ho gaye. bole- bhaee, ladake kisi kam ke hote to yah din kyon dekhana padata. unhen to apane bhog-vilas se matalab. ghar-grihasthi ka bojh to mere sir par hai. main ise jaise chahoon, snbhaloon unase kuchh sarokar nahin, marate dam bhi gala nahin chhootata. maroonga to sab khal men bhoosa bhara kar rakh chhodenge. ‘grih karaj nana jnjala.’

jhagadoo ne tisara tir mara- kya bahuon se bhi kuchh n ban pada.

chaudhari ne uttar diya- bahoo-bete sab apani-apani mauj men mast hain. main tin din tak dvar par bina ann-jal ke pada tha, kisi ne bat bhi nahin poochhi. kahan ki salah, kahan ki batachit. bahuon ke pas rupaye n hon, par gahane to hain aur ve bhi mere banaye hue. is durdin ke samay yadi do-do than utar detin to kya main chhuda n deta ? sada yahi din thode hi rahenge.

jhagadoo samajh gaye ki yah mahaj jaban ka sauda hai aur vah jaban ka sauda bhoolakar bhi n karate the. bole- tumhare ghar ke log bhi anoothe hain. kya itana bhi nahin janate ki boodha rupaye kahan se lavega ? ab samay badal gaya. ya to kuchh jayadad likho ya gahane giron rakho tab ja kar rupaya mile. isake bina rupaye kahan. isamen bhi jayadad men saikadon bakhede pade hain. subhita giron rakhane men hi hai. han, to jab gharavalon ko koee isaki fikr nahin to tum kyon vyarth jan dete ho. yahi n hoga ki log hnsenge so yah laj kahan tak nibahoge ?

chaudhari ne atyant vinit ho kar kaha- sahu ji, yah laj to mare dalati hai. tumase kya chhipa hai. ek vah din tha ki hamare dada-baba maharaj ki savari ke sath chalate the, ab ek din yah ki ghar-ghar ki divar tak bikane ki naubat a gayi hai. kahin munh dikhane ko bhi ji nahin chahata. yah lo gahanon ki potali. yadi lokalaj n hoti to ise lekar kabhi yahan n ata, parantu yah adharm isi laj nibahane ke karan karana pada hai.

jhagadoo sahu ne ashchary men ho kar poochha- yah gahane kisake hain ? chaudhari ne sir jhuka kar badi kathinata se kaha- meri beti gngajali ke. jhagadoo sahu stambhit ho gaye. bole- are ! ram-ram !

chaudhari ne katar svar men kaha- doob marane ko ji chahata hai.

jhagadoo ne badi dharmikata ke sath sthir ho kar kaha- shastra men beti ke ganv ka ped dekhana mana hai.

chaudhari ne dirgh niahshvas chhod kar karun svar men kaha- n jane narayan kab maut denge. bhaee ki tin ladakiyan byahin. kabhi bhool kar bhi unake dvar ka munh nahin dekha. paramatma ne ab tak to tek nibahi hai, par ab n jane mitti ki kya durdasha hone vali hai.

jhagadoo sahu ‘lekha jau-jau bakhashish sau-sau’ ke siddhant par chalate the. sood ki ek kaudi bhi chhodana unake lie haram tha. yadi ek mahine ka ek din bhi lag jata to poore mahine ka sood vasool kar lete. parantu navaratr men nity durga-path karavate the. pitripaksh men roj brahmanon ko sidha bantate the. baniyon ki dharm men badi nishtha hoti hai. yadi koee din brahman ladaki byahane ke lie unake samane hath pasarata to vah khali hath n lautata, bhikh mangane vale brahmanon ko chahe vah kitane hi snde-musnde hon, unake daravaze par phatakar nahin sunani padati thi. unake dharm-shastra men kanya ke ganv ke kuen ka pani pine se pyasa mar jana achchha hai. vah svayn is siddhant ke bhakt the aur is siddhant ke any pakshapati unake lie mahamany devata the. ve pighal gaye. man men socha, yah manushy to kabhi ochhe vicharon ko man men nahin laya.

nirday kal ki thokar se adharm marg par utar aya hai, to usake dharm ki raksha karana hamara kartavy-dharm hai. yah vichar man men ate hi jhagadoo sahu gaddi se masanad ke sahare uth baithe aur dridh svar se kaha vahi paramatma jisane ab tak tumhari tek nibahi hai, ab bhi nibahenge. ladaki ke gahane ladaki ko de do. ladaki jaisi tumhari hai vaisi meri bhi hai. yah lo rupaye. aj kam chalao. jab hath men rupaye a jayn, de dena.

chaudhari par is sahanubhooti ka gahara asar pada. vah jor-jor se rone laga. use apane bhavon ki dhun men krishn bhagavanh ki mohini moorti samane virajaman dikhayi di. vahi jhagadoo jo sare ganv men badanam tha, jisaki usane khud kee bar hakimon se shikayat ki thi, aj sakshath devata jan padata tha. rundhe hue knth se gadgad ho bola-

- jhagadoo, tumane is samay meri bat, meri laj, mera dharm, kahan tak kahoon, mera sab kuchh rakh liya. meri doobati nav par laga di. krishn murari tumhare is upakar ka phal denge aur main to tumhara gun jab tak jioonga, gata rahoonga.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah