स्वामिनी -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

shivadas ne bhndare ki kunji apani bahoo ramapyari ke samane phenkakar apani boodhi ankhon men ansoo bharakar kaha- bahoo, aj se girasti ki dekhabhal tumhare oopar hai. mera sukh bhagavan se nahin dekha gaya, nahin to kya javan bete ko yon chhin lete! usaka kam karane vala to koee chahie. ek hal tod doon, to gujara n hoga. mere hi kukaram se bhagavan ka yah kop aya hai, aur main hi apane mathe par use loonga. birajoo ka hal ab main hi snbhaloonga. ab ghar ki dekh-rekh karane vala, dharane-uthane vala tumhare siva doosara kaun hai? roo mat beta, bhagavan ki jo ichchha thi, vah hua; aur jo ichchha hogi vah hoga. hamara-tumhara kya bas hai? mere jite-ji tumhen koee tedhi ankh se dekh bhi n sakega. tum kisi bat ka soch mat kiya karo. birajoo gaya, to abhi baitha hi hua hoon.

ramapyari aur ramadulari do sagi bahanen thin. donon ka vivah mathura aur birajoo do sage bhaiyon se hua. donon bahanen naihar ki tarah sasural men bhi prem aur annd se rahane lagin. shivadas ko penshan mili. din-bhar dva r par gap-shap karate. bhara-poora parivar dekhakar prasann hote aur adhikatar dharm-charcha men lage rahate the; lekin daivagati se bada ladaka birajoo bimar pada aur aj use mare hue pndrah din bit gaye. aj kriya-karm se phurasat mili aur shivadas ne sachche karmavir ki bhanti phir jivan sngram ke lie kamar kas li. man men use chahe kitana hi du:kh hua ho, use kisi ne rote nahin dekha. aj apani bahoo ko dekhakar ek kshan ke lie usaki ankhen sajal ho gayin; lekin usane man ko snbhala aur rooddh knth se use dilasa dene laga. kadachith usane, socha tha, ghar ki svamini banakar vidhava ke ansoo punchh jayenge, kam-se-kam use itana kathin parishram n karana padega, isalie usane bhndare ki kunji bahoo ke samane phenk di thi. vaidhavy ki vyatha ko svamitv ke garv se daba dena chahata tha.

ramapyari ne pulakit knth se kaha- yah kaise ho sakata hai dada, ki tum mehanat-mazadoori karo aur main malakin banakar baithoon? kam dhndhe men lagi rahoongi, to man badala rahega. baithe-baithe to rone ke siva aur kuchh n hoga.

shivadas ne samajhaya- beta, daivagati men to kisi ka bas nahin, rone-dhone se halakani ke siva aur kya hath ayega? ghar men bhi to bison kam hain. koee sadhu-snt a jayn, koee pahuna hi a pahunche, to unake seva-satkar ke lie kisi ko ghar par rahana hi padega.

bahoo ne bahut-se hile kiye, par shivadas ne ek n suni.

2

shivadas ke bahar chale jane par ramapyari ne kunji uthayi, to use man men apoorv gaurav aur uttaradayitv ka anubhav hua. jara der ke lie pati-viyog ka du:kh use bhool gaya. usaki chhoti bahan aur devar donon kam karane gaye hue the. shivadas bahar tha. ghar bilakul khali tha. is vakt vah nishchit hokar bhndare ko khol sakati hai. usamen kya-kya saman hai, kya-kya vibhooti hai, yah dekhane ke lie usaka man lalayit ho utha. is ghar men vah kabhi n ayi thi. jab kabhi kisi ko kuchh dena ya kisi se kuchh lena hota tha, tabhi shivadas akar is kothari ko khola karata tha. phir use bndakar vah tali apani kamar men rakh leta tha.

ramapyari kabhi-kabhi dvar ki dararon se bhitar jhankati thi, par andhere men kuchh n dikhaee deta. sare ghar ke lie vah kothari tilism ya rahasy tha, jisake vishay men bhanti-bhanti ki kalpanaen hoti rahati thin. aj ramapyari ko vah rahasy kholakar dekhane ka avasar mil gaya. usane bahar ka dvar bnd kar diya, ki koee use bhndar kholate n dekh le, nahin sochega, bezaroorat usane kyon khola, tab akar kanpate hue hathon se tala khola. usaki chhati dhadak rahi thi ki koee dvar n khatakhatane lage. andar panv rakha to use kuchh usi prakar ka, lekin usase kahin tivr annd hua, jo use apane gahane-kapade ki pitari kholane men hota tha. matakon men gud, shakkar, gehoon, jau adi chizen rakhi huee thin. ek kinare bade-bade baratan dhare the, jo shadi-byah ke avasar par nikale jate the, ya mange diye jate the. ek ale par malagujari ki rasiden aur len-den ke puraje bndhe hue rakhe the. kothari men ek vibhooti-si chhayi thi, mano lakshmi agyat roop se viraj rahi hon. us vibhooti ki chhaya men ramapyari adhe ghnte tak baithi apani atma ko tript karati rahi. pratikshan usake hriday par mamatv ka nasha-sa chhaya ja raha tha. jab vah us kothari se nikali, to usake man ke snskar badal gaye the, mano kisi ne us par mntr dal diya ho.

usi samay dvar par kisi ne avaz di. usane turnt bhndare ka dvar bnd kiya aur jakar sadar daravaza khol diya. dekha to padosin jhuniya khadi hai aur ek rupaya udhar mang rahi hai.

ramapyari ne rookhaee se kaha- abhi to ek paisa ghar men nahin hai jiji, kriya-karm men sab kharach ho gaya.

jhuniya chakara gayi. chaudhari ke ghar men is samay ek rupaya bhi nahin hai, yah vishvas karane ki bat n thi. jisake yahan saikadon ka len-den hai, vah sab kuchh kriya-karm men nahin kharch kar sakata. agar shivadas ne bahana kiya hota, to use ashchary n hota. pyari to apane saral svabhav ke lie ganv men mashahoor thi. akasar shivadas ki ankhen bachakar padosiyon ko ichchhit vastuen de diya karati thi. abhi kal hi usane janaki ko ser-bhar doodh diya. yahan tak ki apane gahane tak mange de deti thi. kripan shivadas ke ghar men aisi sakharaj bahoo ka ana ganv vale apane saubhagy ki bat samajhate the.

jhuniya ne chakit hokar kaha- aisa n kaho jiji, bade gadhe men padakar ayi hoon, nahin tum janati ho, meri adat aisi nahin hai. baki ka ek rupaya dena hai. pyada dvar par khada bakajhak kar raha hai. rupaya de do, to kisi tarah yah vipatti tale. main aj ke athaven din akar de jaoongi. ganv men aur kaun ghar hai, jahan mangane jaoon?

pyari tas se mas n huee.

usake jate hi pyari sanjh ke lie rasoee-pani ka intajam karane lagi. pahale chaval-dal binana apadh lagata tha aur rasoee men jana to sooli par chadhane se kam n tha. kuchh der bahanon men jhanv- jhanv hoti, tab shivadas akar kahate, kya aj rasoee n banegi, to do men se ek uthati aur mote- mote tikkad lagakar rakh deti, mano bailon ka ratib ho. aj pyari tan-man se rasoee ke prabndh men lagi huee hai. ab vah ghar ki svamini hai.

tab usane bahar nikalakar dekha, kitana kooda-karakat pada hua hai! budhoo din-bhar makkhi mara karate hain. itana bhi nahin hota ki jara jhadoo hi laga den. ab kya inase itana bhi n hoga? dvar chikana hona chahie ki dekhakar adami ka man prasann ho jay. yah nahin ki ubakaee ane lage. abhi kah doon, to tinak uthen. achchha, munni nand se alag kyon khadi hai?

usane munni ke pas jakar nand men jhanka. durgandh a rahi thi. thik! maloom hota hai, mahinon se pani hi nahin badala gaya. is tarah to gay rah chuki. apana pet bhar liya, chhutti huee, aur kisi se kya matalab? han,doodh sabako achchha lagata hai. dada dvar par baithe chilam pi rahe hain,magar itana nahin hota ki char ghada pani nand men dal den. majoor rakha hai vah bhi tin kaudi ka. khane ko dedh ser; kam karate nani marati hai. aj ata hai to poochhati hoon, nand men pani kyon nahin badala. rahana ho, rahe ya jay. adami bahut milenge. charon or to log mare-mare phir rahe hain.

akhir usase n raha gaya. ghada uthakar pani lane chali.

shivadas ne pukara- pani kya hoga bahoo? isamen pani bhara hua hai.

pyari ne kaha- nand ka pani sad gaya hai. munni bhoose men munh nahin dalati. dekhate nahin ho, kos-bhar par khadi hai.

shivadas marmik bhav se musakaraye aur akar bahoo ke hath se ghada le liya.

3

kee mahine bit gaye. pyari ke adhikar me ate hi us ghar me jaise vasnt a gaya. bhitar-bahar jahan dekhie, kisi nipun prabndhak ke hastakaushal, suvichar aur suruchi ke chihn dikhate the. pyari ne grihayntr ki aisi chabhi kas di thi ki sabhi puraje thik-thak chalane lage the. bhojan pahale se achchha milata hai aur samay par milata hai. doodh zyada hota hai, ghi zyada hota hai, aur kam zyada hota hai. pyari n khud vishram leti hai, n doosaron ko vishram lene deti hai. ghar men aisi barakat a gayi hai ki jo chiz mango, ghar hi men nikal ati hai. adami se lekar janavar tak sabhi svasth dikhaee dete hain. ab vah pahale ki-si dasha nahin hai ki koee chithade lapete ghoom raha hai, kisi ko gahane ki dhun savar hai. han agar koee roogn aur chintit tatha malin vesh men hai, to vah pyari hai; phir bhi sara ghar usase jalata hai. yahan tak ki boodhe shivadas bhi kabhi-kabhi usaki badagoee karate hain. kisi ko pahar rat rahe uthana achchha nahin lagata. mehanat se sabhi ji churate hain. phir bhi yah sab manate hain ki pyari n ho, to ghar ka kam n chale. aur to aur, donon bahanon men bhi ab utana apanapan nahin.

prat:kal ka samay tha. dulari ne hathon ke kade lakar pyari ke samane patak diye aur ghunnaee huee boli- lekar ise bhi bhndare men bnd kar de.

pyari ne kade utha liye aur komal svar se kaha- kah to diya, hath men rupaye ane de, banava doongi. abhi aisa ghis nahin gaya hai ki aj hi utarakar phenk diya jay.

dulari ladane ko taiyar hokar ayi thi. boli- tere hath men kahe ko kabhi rupaye ayenge aur kahe ko kade banenge. jod- jod rakhane men maja ata hai n?

pyari ne hansakar kaha- jod-jod rakhati hoon to tere hi lie ki mere koee aur baitha hua hai, ki main sabase zyada kha-pahan leti hoon. mera annt kab ka toota pada hai.

dulari- tum n khao-n pahano, jas to pati ho. yahan khane-pahanane ke siva aur kya hai? main tumhara hisab-kitab nahin janati, mere kade aj banane ko bhej do.

pyari ne saral vinod ke bhav se poochha- rupaye n hon, to kahan se laoon?

dulari ne uddndata ke sath kaha- mujhe isase koee matalab nahin. main to kade chahati hoon.

isi tarah ghar ke sab adami apane-apane avasar par pyari ko do-char khoti-khari suna jate the, aur vah garib sabaki dhauns hnsakar sahati thi. svamini ka yah dharm hai ki sabaki dhauns sun le aur kare vahi, jisamen ghar ka kalyan ho! svamitv ke kavach par dhauns, tane, dhamaki kisi ka asar n hota. usaki svamini ki kalpana in aghaton se aur bhi svasth hoti thi. vah grihasthi ki snchalika hai. sabhi apane-apane du:kh usi ke samane rote hain, par jo kuchh vah karati hai, vahi hota hai. itana use prasann karane ke lie kafi tha. ganv men pyari ki sarahana hoti thi. abhi umr hi kya hai, lekin sare ghar ko snbhale hue hai. chahati to sagaee karake chain se rahati. is ghar ke pichhe apane ko mitaye deti hai. kabhi kisi se hnsati-bolati bhi nahin, jaise kaya palat ho gayi.

kee din bad dulari ke kade banakar a gaye. pyari khud sunar ke ghar daud-daud gayi.

sndhya ho gayi thi. dulari aur mathura hat se laute. pyari ne naye kade dulari ko diye. dulari nihal ho gayi. chatapat kade pahane aur daudi huee barauthe men jakar mathura ko dikhane lagi. pyari barauthe ke dvar par chhipi khadi yah drishy dekhane lagi. usaki ankhen sajal ho gayin. dulari usase kul tin hi sal to chhoti hai! par donon men kitana antar hai. usaki ankhen manon us drishy par jam gayin, dampati ka vah saral annd, unaka premalingan, unaki mugdh mudra- pyari ki takataki-si bndh gayi, yahan tak ki dipak ke dhundhale prakash men ve donon usaki najaron se gayab ho gaye aur apane hi atit jivan ki ek lila ankhon ke samane bar-bar naye-naye roop men ane lagi.

sahasa shivadas ne pukara- badi bahoo! ek paisa do. tamakhoo mangavaoon.

pyari ki samadhi toot gayi. ansoo ponchhati huee bhndare men paisa lene chali gayi.

4

ek-ek karake pyari ke gahane usake hath se nikalate jate the. vah chahati thi, mera ghar ganv men sabase snpann samajha jay, aur is mahatvakanksha ka mooly dena padata tha. kabhi ghar ki marammat ke lie aur kabhi bailon ki nayi goee kharidane ke lie, kabhi natedaron ke vyavaharon ke lie, kabhi bimaron ki dava- daroo ke lie rupaye ki zaroorat padati rahati thi, aur jab bahut katarabyont karane par bhi kam n chalata to vah apani koee-n-koee chiz nikal deti. aur chiz ek bar hath se nikalakar phir n lautati thi. vah chahati, to inamen se kitane hi kharchon ko tal jati; par jahan ijjat ki bat a padati thi, vah dil kholakar kharch karati. agar ganv men hethi ho gayi, to kya bat rahi! log usi ka nam to dharenge. dulari ke pas bhi gahane the. do-ek chizen mathura ke pas bhi thin, lekin pyari unaki chizen n chhooti. unake khane-pahanane ke din hain. ve is jnjal men kyon phansen!

dulari ko ladaka hua, to pyari ne dhoom se janmotsav manane ka prastav kiya.

shivadas ne virodh kiya- kya fayada? jab bhagavan ki daya se sagaee-byah ke din ayenge, to dhoom-dham kar lena.

pyari ka hausalon se bhara dil bhala kyon manata! boli- kaisi bat kahate ho dada? pahalauthe ladake ke lie bhi dhoom-dham n huee to kab hogi? man to nahin manata. phir duniya kya kahegi? nam bade, darshan thode. main tumase kuchh nahin mangati. apana sara sarnjam kar loongi.

gahanon ke mathe jayagi, aur kya?- shivadas ne chintit hokar kaha- is tarah ek din dhaga bhi n bachega. kitana samajhaya, beta, bhaee-bhaujaee kisi ke nahin hote. apane pas do chizen rahengi, to sab munh johenge; nahin koee sidhe bat bhi n karega.

pyari ne aisa munh banaya, mano vah aisi boodhi baten bahut sun chuki hai, aur boli- jo apane hain, ve bhi n poochhen, to bhi apane hi rahate hain. mera dharam mere sath hai, unaka dharam unake sath hai. mar jaoongi to kya chhati par lad le jaoongi?

dhoom-dham se janmotsav manaya gaya. barahi ke din sari biradari ka bhoj hua. log kha-pikar chale gaye, pyari din-bhar ki thaki-mandi angan men ek tat ka tukada bichhakar kamar sidhi karane lagi. ankhen jhapak gayin. mathura usi vakt ghar men aya. navajat putr ko dekhane ke lie usaka chitt vyakul ho raha tha. dulari saur-grih se nikal chuki thi. garbhavastha men usaki deh kshin ho gayi thi, munh bhi utar gaya tha, par aj svasthata ki lalima mukh par chhayi huee thi. saur ke snyam aur paushtik bhojan ne deh ko chikana kar diya tha. mathura use angan men dekhate hi samip a gaya aur ek bar pyari ki or takakar usake nidramagn hone ka nishchay karake usane shishu ko god men le liya aur usaka munh choomane laga.

ahat pakar pyari ki ankhen khul gayin; par usane nind ka bahana kiya aur adhakhuli ankhon se yah annd-krida dekhane lagi. mata aur pita donon bari-bari se balak ko choomate, gale lagate aur usake mukh ko niharate the. kitana svargiy annd tha! pyari ki trishit lalasa ek kshan ke lie svamini ko bhool gayi. jaise lagam se mukhabaddh, bojh se lada hua, hankane vale ke chabuk se pidit, daudate-daudate bedam turng hinahinane ki avaz sunakar kanautiyan khadi kar leta hai aur paristhiti ko bhoolakar ek dabi huee hinahinahat se usaka javab deta hai, kuchh vahi dasha pyari ki huee. usaka matritv jo pinjare men bnd, mook, nishchesht pada hua tha, samip se anevali matritv ki chahakar sunakar jaise jag pada aur chintaon ke us pinjare se nikalane ke lie pnkh phadaphadane laga.

mathura ne kaha- yah mera ladaka hai.

dulari ne balak ko god men chipatakar kaha- han, kyon nahin. tumhin ne to nau mahine pet men rakha hai. sansat to meri huee, bap kahalane ke lie tum kood pade.

mathura- mera ladaka n hota, to meri soorat ka kyon hota. chehara-mohara, rng-roop sab mera hi-sa hai ki nahin?

dulari- isase kya hota hai. bij baniye ke ghar se ata hai. khet kisan ka hota hai. upaj baniye ki nahin hoti, kisan ki hoti hai.

mathura- baton men tumase koee n jitega. mera ladaka bada ho jayaga, to main dvar par baithakar maje se huqqa piya karoonga.

dulari- mera ladaka padhe-likhega, koee bada hudda paega. tumhari tarah din-bhar bail ke pichhe n chalega. malakin se kahana hai, kal ek palana banava den.

mathura- ab bahut sabere n utha karana aur chhati phadakar kam bhi n karana.

dulari- yah maharani jine dengi?

mathura- mujhe to bechari par daya ati hai. usake kaun baitha hua hai? hamin logon ke lie marati hai. bhaiya hote, to ab tak do-tin bachchon ki man ho gayi hoti.

pyari ke knth men ansuon ka aisa veg utha ki use rokane men sari deh kanp uthi. apana vnchit jivan use maroosthal-sa laga, jisaki sookhi ret par vah hara-bhara bag lagane ki nishphal cheshta kar rahi thi.

5

kuchh dinon ke bad shivadas bhi mar gaya. udhar dulari ke do bachche aur hue. vah bhi adhikatar bachchon ke lalan-palan men vyast rahane lagi. kheti ka kam mazadooron par a pada. mathura mazadoor to achchha tha, snchalak achchha n tha. use svatntr roop se kam lene ka kabhi avasar n mila. khud pahale bhaee ki nigarani men kam karata raha. bad ko bap ki nigarani men kam karane laga. kheti ka tar bhi n janata tha. vahi majoor usake yahan tikate the, jo mehanat nahin, khushamad karane men kushal hote the, isalie pyari ko ab din men do-char chakkar har ke bhi lagana padata. kahane ko vah ab bhi malakin thi, par vastav men ghar-bhar ki sevika thi. majoor bhi usase tyoriyan badalate, zamindar ka pyada bhi usi par dhauns jamata. bhojan men bhi kiphayat karani padati; ladakon ko to jitani bar mange, utani bar kuchh-n-kuchh chahie. dulari to ladakauri thi, use bharapoor bhojan chahie. mathura ghar ka saradar tha, usake is adhikar ko kaun chhin sakata tha? majoor bhala kyon riyayat karane lage the. sari kasar pyari par nikalati thi. vahi ek falatoo chiz thi; agar adha pet khay, to kisi ko hani n ho sakati thi. tis varsh ki avastha men usake bal pak gaye, kamar jhuk gayi, ankhon ki jot kam ho gayi; magar vah prasann thi. svamitv ka gaurav in sare jakhmon par maraham ka kam karata tha.

ek din mathura ne kaha- bhabhi, ab to kahin paradesh jane ka ji hota hai. yahan to kamaee men barakat nahin. kisi tarah pet ki roti chal jati hai. vah bhi ro-dhokar. kee adami poorab se aye hain. ve kahate hain, vahan do-tin rupaye roj ki mazadoori ho jati hai. char-panch sal bhi rah gaya, to malamal ho jaoonga. ab age ladake-bale hue, inake lie kuchh to karana hi chahie.

dulari ne samarthan kiya- hath men char paise honge, ladakon ko padhayenge-likhayenge. hamari to kisi tarah kat gayi, ladakon ko to adami banana hai.

pyari yah prastav sunakar avakh rah gayi. unaka munh takane lagi. isake pahale is tarah ki batachit kabhi n huee thi. yah dhun kaise savar ho gayi? use sndeh hua, shayad mere karan yah bhavana utpann huee. boli- main to jane ko n kahoongi, age jaisi ichchha ho. ladakon ko padhane-likhane ke lie yahan bhi to madarasa hai. phir kya nity yahi din bane rahenge. do-tin sal bhi kheti ban gayi, to sab kuchh ho jayaga.

mathura- itane din kheti karate ho gaye, jab ab tak n bani, to ab kya ban jayagi! is tarah ek din chal denge, man-ki-man men rah jayagi. phir ab paurookh bhi to thak raha hai. yah kheti kaun snbhalega. ladakon ko main chakki men jotakar unaki zindagi nahin kharab karana chahata.

pyari ne ankhon men ansoo lakar kaha- bhaiya, ghar par jab tak adhi mile, sari ke lie n dhavana chahie, agar meri or se koee bat ho, to apana ghar-bar apane hath men karo, mujhe ek tukada de dena, padi rahoongi.

mathura ardr knth hokar bola- bhabhi, yah tum kya kahati ho. tumhare hi sanbhale yah ghar ab tak chala hai, nahin rasatal men chala gaya hota. is girasti ke pichhe tumane apane ko mith‍ti men mila diya, apani deh ghula dali. main andha nahin hoon. sab kuchh samajhata hoon. ham logon ko jane do. bhagavan ne chaha, to ghar phir snbhal jayaga. tumhare lie ham barabar kharach-barach bhejate rahenge.

pyari ne kaha- jo aisa hi hai to tum chale jao, bal-bachchon ko kahan-kahan bandhe phiroge.

dulari boli- yah kaise ho sakata hai bahan, yahan dehat men ladake kya padhe-likhenge. bachchon ke bina inaka ji bhi vahan n lagega. daud-daudakar ghar ayenge aur sari kamaee rel kha jayagi. paradesh men akele jitana kharacha hoga, utane men sara ghar aram se rahega.

pyari boli- to main hi yahan rahakar kya karoongi? mujhe bhi lete chalo.

dulari use sath le chalane ko taiyar n thi. kuchh din jivan ka annd uthana chahati thi, agar paradesh men bhi yah bndhan raha, to jane se fayada hi kya. boli- bahan, tum chalatin to kya bat thi, lekin phir yahan ka karobar to chaupat ho jayaga. tum to kuchh-n-kuchh dekhabhal karati hi rahogi.

prasthan ki tithi ke ek din pahale hi ramapyari ne rat-bhar jagakar halua aur pooriyan pakayin. jab se is ghar men ayi, kabhi ek din ke lie akele rahane ka avasar nahin aya. donon bahanen sada sath rahin. aj us bhaynkar avasar ko samane ate dekhakar pyari ka dil baitha jata tha. vah dekhati thi, mathura prasann hai, bal-vrind yatra ke annd men khana-pina tak bhoole hue hain, to usake ji men ata, vah bhi isi bhanti nirdvndv rahe, moh aur mamata ko pairon se kuchal dale, kintu vah mamata jis khadyal ko kha-khakar pali thi, use apane samane se hataye jate dekhakar kshubdh hone se n rookati thi. dulari to is tarah nishchint hokar baithi thi, mano koee mela dekhane ja rahi hai. nayi- nayi chijon ko dekhane, nayi duniya men vicharane ki utsukata ne use kriyashoony-sa kar diya tha. pyari ke sire sare prabndh ka bhar tha. dhobi ke ghar se sab kapade aye hain, ya nahin, kaun-kaun-se baratan sath jayenge, saphar-kharch ke lie kitane rupaye ki zaroorat hogi. ek bachche ko khansi a rahi thi. doosare ko kee din se dast a rahe the, un donon ki aushadhiyon ko pisana-kootana adi saikadon hi kam vyast kie hue the. ladakori n hokar bhi vah bachchon ke lalan-poshan men dulari se kushal thi. dekho, bachchon ko bahut marana-pitana mat. marane se bachche jiddi ya behaya ho jate hain. bachchon ke sath adami ko bachcha ban jana padata hai. jo tum chaho ki ham aram se pade rahen aur bachche chupachap baithe rahen, hath-pair n hilayen, to yah ho nahin sakata. bachche to svabhav ke chnchal hote hain. unhen kisi-n-kisi kam men phansaye rakho. dhele ka khilauna hazar ghudakiyon se badhakar hota hai. dulari in upadeshon ko is tarah beman hokar sunati thi, manon koee sanakakar bak raha ho.

vidaee ka din pyari ke lie pariksha ka din tha. usake ji men ata tha kahin chali jay, jisamen vah drishy dekhana n pade. ha! ghadi-bhar men yah ghar soona ho jayaga. vah din-bhar ghar men akeli padi rahegi. kisase hansegi-bolegi. yah sochakar usaka hriday kanp jata tha. jyon-jyon samay nikat ata tha, usaki vrittiyan shithil hoti jatin thin.vah koee kam karate-karate jaise kho jati thi aur apalak netron se kisi vastu ko takane lagati. kabhi avasar pakar ekant men jakar thoda-sa ro ati thi. man ko samajha rahi thi, yah log apane hote to kya is tarah chale jate. yah to manane ka nata hai; kisi par koee jabaradasti hai? doosaron ke lie kitana hi maro, to bhi apane nahin hote. pani tel men kitana hi mile, pir bhi alag hi rahega.bachche naye-naye kurate pahane, navab bane ghoom rahe the. pyari unhen pyar karane ke lie god lena chahati, to rone ka-sa munh banakar chhudakar bhag jate. vah kya janati thi ki aise avasar par bahudha apane bachche bhi nishthur ho jate hain.

das bajate-bajate dvar par bailagadi a gayi. ladake pahale hi se us par ja baithe. ganv ke kitane stri-purush milane aye. pyari ko is samay unaka ana bura lag raha tha. vah dulari se thodi der ekant gale milakar rona chahati thi, mathura se hath jodakar kahana chahati thi, meri khoj-khabar lete rahana, tumhare siva mera snsar men kaun hai, lekin is bhambhad men usako in baton ka mauqa n mila. mathura aur dulari donon gadi men ja baithe aur pyari dvar par roti khadi rah gayi. vah itani vihrival thi ki ganv ke bahar tak pahunchane ki bhi use sudhi n rahi.

6

kee din tak pyari moorchhit-si padi rahi. n ghar se nikali, n choolha jalaya, n hath-munh dhoya. usaka halavaha jokhoo bar-bar akar kahata - ‘malakin, utho, munh-hath dhoo, kuchh khao-piyo. kab tak is tarah padi rahogi. is tarah ki tasalli ganv ki aur striyan bhi deti thin. par unaki tasalli men ek prakar ki eershya ka bhav chhipa hua jan padata tha.

jokhoo ke svar men sachchi sahanubhooti jhalakati thi. jokhoo kamachor, batooni aur nashebaj tha. pyari use barabar dantati rahati thi. do-ek bar use nikal bhi chuki thi. par mathura ke agrah se phir rakh liya tha. aj bhi jokhoo ki sahanubhooti-bhari baten sunakar pyari jhunjhalati, yah kam karane kyon nahin jata. yahan mere pichhe kyon pada hua hai, magar use jhidak dene ko ji n chahata tha. use us samay sahanubhooti ki bhookh thi. phal kantedar vriksh se bhi milen to kya unhen chhod diya jata hai?

dhire-dhire kshobh ka veg kam hua. jivan ke vyapar hone lage. ab kheti ka sara bhar pyari par tha. logon ne salah di, ek hal tod do aur kheton ko utha do, par pyari ka garv yon dhol bajakar apani parajay svikar n karana tha. sare kam poorvavath chalane lage. udhar mathura ke chitthi-patri n bhejane se usake abhiman ko aur bhi uttejana mili. vah samajhata hai, main usake asare baithi hoon, usake chitthi bhejane se mujhe koee nidhi n mil jati. use agar meri chinta nahin hai, to main kab usaki paravah karati hoon.

ghar men to ab vishesh kam raha nahin, pyari sare din kheti-bari ke kamon men lagi rahati. kharabooze boye the. vah khoob phale aur khoob bike. pahale sara doodh ghar men kharch ho jata tha, ab bikane laga. pyari ki manovrittiyon men bhi ek vichitr parivartan a gaya. vah ab saf kapade pahanati, mang-choti ki or se bhi utani udasin n thi. abhooshanon men bhi ruchi huee. rupaye hath men ate hi usane apane giravi gahane chhudae aur bhojan bhi snyam se karane lagi. sagar pahale kheton ko sinchakar khud khali ho jata tha. ab nikas ki naliyan bnd ho gayi thin. sagar men pani jama hone laga aur usamen halki-halki laharen bhi thin, khile hue kamal bhi the.

ek din jokhoo har se lauta, to andhera ho gaya tha. pyari ne poochha- ab tak vahan kya karata raha?

jokhoo ne kaha- char kyariyan bach rahi thi. mainne socha, das mot aur khinch doon. kal ka jhnjhat kaun rakhe?

jokhoo ab kuchh dinon se kam men man lagane laga tha. jab tak malik usake sir par savar rahate the, vah hile-bahane karata tha. ab sab-kuchh usake hath men tha. pyari sare din har men thodi hi rah sakati thi, isalie ab usamen zimmedari a gayi thi.

pyari ne lote ka pani rakhate hue kaha- achchha, hath munh dho dalo. adami jan rakhakar kam karata hai, hay-hay karane se kuchh nahin hota. khet aj n hote, kal hote, kya jaldi thi.

jokhoo ne samajha, pyari bigad rahi hai. usane to apani samajh men karagujari ki thi aur samajha tha, tariph hogi. yahan alochana huee. chidhakar bola- malakin, dahane-bayen dono or chalati ho. jo bat nahin samajhati ho, usamen kyon koodati ho? kal ke lie to unchava ke khet pade sookh rahe hain. aj badi mushkil se kuan khali hua tha. savere main pahunchata, to koee aur akar n chhenk leta? phir athavare tak rah dekhani padati. tak tak to sari ukh bida ho jati.

pyari usaki saralata par hansakar boli- are, to main tujhe kuchh kah thodi rahi hoon, pagal. main to kahati hoon ki jan rakhakar kam kar. kahin bimar pad gaya, to lene ke dene pad jayenge.

jokhoo- kaun bimar pad jayaga, main? bis sal men kabhi sir tak to dukha nahin, age ki nahin janata. kaho rat-bhar kam karata rahoon.

pyari- main kya janoon, tumhin antare din baithe rahate the, aur poochha jata tha to kahate the- jur a gaya tha, pet men darad tha.

jokhoo jhenpata hua bola- vah baten jab thin, jab malik log chahate the ki ise pis dalen. ab to janata hoon, mere hi mathe hain. main n karoonga to sab chaupat ho jayaga.

pyari- mai kya dekh-bhal nahin karati?

jokhoo- tum bahut karogi, do ber chali jaogi. sare din tum vahan baithi nahin rah sakatin.

pyari ko usake nishkapat vyavahar ne mugdh kar diya. boli- to itani rat gaye choolha jalaoge. koee sagaee kyon nahin kar lete?

jokhoo ne munh dhote hue kaha- tum bhi khoob kahati ho malakin! apane pet-bhar ko to hota nahin, sagaee kar loon! sava ser khata hoon ek joon poora sava ser! donon joon ke lie do ser chahie.

pyari- achchha, aj meri rasoee men khao, dekhoon kitana khate ho?

jokhoo ne pulakit hokar kaha- nahin malakin, tum banate-banate thak jaogi. han, adh-adh ser ke do rota banakar khila do, to kha loon. main to yahi karata hoon. bas, ata sanakar do lit banata hoon aur upale par senk leta hoon. kabhi mathe se, kabhi namak se, kabhi pyaj se kha leta hoon aur akar pad rahata hoon.

pyari- main tumhe aj phulake khilaoongi.

jokhoo- tab to sari rat khate hi bit jayagi.

pyari- bako mat, chatapat akar baith jao.

jokhoo-jara bailon ko sani-pani deta jaoon to baithoon.

7

jokhoo aur pyari men thani huee thi.

pyari ne kaha- main kahati hoon, dhan ropane ki koee zaroorat nahin. jhadi lag jay, to khet doob jay. barkha band ho jay, to khet sookh jay. juar, bajara, san, arahar sab to hain, dhan n sahi.

jokhoo ne apane vishal kndhe par phavada rakhate hue kaha- jab sabaka hoga, to mera bhi hoga. sabaka doob jayaga, to mera bhi doob jayaga. main kyon kisi se pichhe rahoon? baba ke jamane men panch bigha se kam nahin ropa jata tha, birajoo bhaiya ne usamen ek-do bighe aur badha diye. mathura ne bhi thoda-bahut har sal ropa, to main kya sabase gaya-bita hoon? main panch bighe se kam n lagaoonga.

‘tab ghar men do javan kam karane vale the.‘

‘mai akela un donon ke barabar khata hoon. donon ke barabar kam kyon n karoonga?

‘chal, jhootha kahin ka. kahate the, do ser khata hoon, char ser khata hoon. adh ser men rah gaye.‘

‘ek din taulo tab maloom ho.‘

‘taula hai. bade khanevale! mai kahe deti hoon dhan n ropo majoor milenge nahin, akele halakan hona padega.

‘tumhari bala se, main hi halakan hoonga n? yah deh kis din kam ayegi.‘

pyari ne usake kndhe par se phavada le liya aur boli- tum pahar rat se pahar rat tak tal men rahoge, akele mera ji oobega.

jokhoo ko oobane ka anubhav n tha. koee kam n ho, to adami pad kar so rahe. ji kyon oobe? bola- ji oobe to so rahana. main ghar rahoonga tab to aur ji oobega. main khali baithata hoon to bar- bar khane ki soojhati hai. baton men der ho rahi hai aur badal ghire ate hain.

pyari ne kaha- achchha, kal se jana, aj baitho.

jokhoo ne manon bndhan men padakar kaha- achchha, baith gaya, kaho kya kahati ho?

pyari ne vinod karate hue poochha- kahana kya he, main tumase poochhati hoon, apani sagaee kyon nahin kar lete? akele marati hoon. tab ek se do ho jaoongi.

jokhoo sharamata hua bola- tumane phir vahi bebat ki bat chhed di, malakin! kisase sagaee kar loon yahan? aisi mehariya lekar kya karoonga, jo gahanon ke lie meri jan khati rahe.

pyari- yah to tumane badi kadi shart lagayi. aisi aurat kahan milegi, jo gahane bhi n chahe?

jokhoo- yah main thode hi kahata hoon ki vah gahane n chahe;han, meri jan n khay. tumane to kabhi gahanon ke lie hath n kiya, balki apane sare gahane doosaron ke oopar laga diye.

pyari ke kapolon par halka-sa rng a gaya. boli- achchha, aur kya chahate ho?

jokhoo- main kahane lagoonga, to bigad jaogi.

pyari ki ankhon men lajja ki ek rekha najar ayi, boli- bigadane ki bat kahoge, to zaroor bigadoongi.

jokhoo- to main n kahoonga.

pyari ne use pichhe ki or thelate hue kaha- kahoge kaise nahin, main kahala ke chhodoongi.

jokhoo- main chahata hoon ki vah tumhari tarah ho, aisi gnbhir ho, aisi hi batachit men chatur ho, aisa hi achchha pakati ho, aisi hi kiphayati ho, aisi hi hnsamukh ho. bas, aisi aurat milegi, to karoonga, nahin isi tarah pada rahoonga.

pyari ka mukh lajja se arakt ho gaya. usane pichhe hatakar kaha- tum bade natakhat ho! hnsi- hnsi men sab kuchh kah gaye.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah