नमक का दारोगा -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

jab namak ka naya vibhag bana aur eeshvarapradatt vastu ke vyavahar karane ka nishedh ho gaya to log chori-chhipe isaka vyapar karane lage. anek prakar ke chhal-prapnchon ka sootrapat hua, koee ghoos se kam nikalata tha, koee chalaki se. adhikariyon ke pau-barah the. patavarigiri ka sarvasammanit pad chhod-chhodakar log is vibhag ki barakndaji karate the. isake daroga pad ke lie to vakilon ka bhi ji lalachata tha.

yah vah samay tha jab ऍngareji shiksha aur eesaee mat ko log ek hi vastu samajhate the. pharasi ka prabaly tha. prem ki kathaen aur shrringar ras ke kavy padhakar pharasidan log sarvochch padon par niyukt ho jaya karate the.

munshi vnshidhar bhi julekha ki virah-katha samapt karake siri aur pharahad ke prem-vrittant ko nal aur nil ki ladaee aur amerika ke avishkar se adhik mahatv ki baten samajhate hue rozagar ki khoj men nikale.

unake pita ek anubhavi purush the. samajhane lage, 'beta! ghar ki durdasha dekh rahe ho. rin ke bojh se dabe hue hain. ladakiyan hain, ve ghas-phoos ki tarah badhati chali jati hain. main kagare par ka vriksh ho raha hoon, n maloom kab gir padoon! ab tumhin ghar ke malik-mukhtar ho.

'naukari men ohade ki or dhyan mat dena, yah to pir ka majar hai. nigah chadhave aur chadar par rakhani chahie. aisa kam dhoondhana jahan kuchh oopari ay ho. masik vetan to poornamasi ka chand hai, jo ek din dikhaee deta hai aur ghatate-ghatate lupt ho jata hai. oopari ay bahata hua srot hai jisase sadaiv pyas bujhati hai. vetan manushy deta hai, isi se usamen vridhdi nahin hoti. oopari amadani eeshvar deta hai, isi se usaki barakat hoti hain, tum svayn vidvanh ho, tumhen kya samajhaoon.

'is vishay men vivek ki badi avashyakata hai. manushy ko dekho, usaki avashyakata ko dekho aur avasar ko dekho, usake uparant jo uchit samajho, karo. garajavale adami ke sath kathorata karane men labh hi labh hai. lekin begaraj ko danv par pana jara kathin hai. in baton ko nigah men bandh lo yah meri janm bhar ki kamaee hai.

is upadesh ke bad pitaji ne ashirvad diya. vnshidhar agyakari putr the. ye baten dhyan se sunin aur tab ghar se chal khade hue. is vistrit snsar men unake lie dhairy apana mitr, budhdi apani pathapradarshak aur atmavalamban hi apana sahayak tha. lekin achchhe shakun se chale the, jate hi jate namak vibhag ke daroga pad par pratishthit ho ge. vetan achchha aur oopari ay ka to thikana hi n tha. vridhd munshiji ko sukh-snvad mila to phoole n samae. mahajan kuchh naram pade, kalavar ki ashalata lahalahaee. padosiyon ke hriday men shool uthane lage.

jade ke din the aur rat ka samay. namak ke sipahi, chaukidar nashe men mast the. munshi vnshidhar ko yahan ae abhi chhah mahinon se adhik n hue the, lekin is thode samay men hi unhonne apani karyakushalata aur uttam achar se aphasaron ko mohit kar liya tha. aphasar log un par bahut vishvas karane lage.

namak ke daftar se ek mil poorv ki or jamuna bahati thi, us par navon ka ek pul bana hua tha. darogaji kivad bnd kie mithi nind so rahe the. achanak aaunkh khuli to nadi ke pravah ki jagah gadiyon ki gadagadahat tatha mallahon ka kolahal sunaee diya. uth baithe.

itani rat ge gadiyan kyon nadi ke par jati hain? avashy kuchh n kuchh golamal hai. tark ne bhram ko pusht kiya. varadi pahani, tamncha jeb men rakha aur bat ki bat men ghoda badhae hue pul par a pahunche. gadiyon ki ek lambi katar pul ke par jati dekhi. dantakar poochha, 'kisaki gadiyan hain.

thodi der tak sannata raha. adamiyon men kuchh kanaphoosi huee tab age vale ne kaha-'pndit alopidin ki.

'kaun pndit alopidin?

'datagnj ke.

munshi vnshidhar chaunke. pndit alopidin is ilake ke sabase pratishthit zamindar the. lakhon rupe ka len-den karate the, idhar chhote se bade kaun aise the jo unake rini n hon. vyapar bhi bada lamba-chauda tha. bade chalate-puraje adami the. ऍngarej aphasar unake ilake men shikar khelane ate aur unake mehaman hote. barahon mas sadavrat chalata tha.

munshi ne poochha, 'gadiyan kahan jaengi? uttar mila, 'kanapur . lekin is prashn par ki inamen kya hai, sannata chha gaya. daroga sahab ka sndeh aur bhi badha. kuchh der tak uttar ki bat dekhakar vah zor se bole, 'kya tum sab goonge ho ge ho? ham poochhate hain inamen kya lada hai?

jab is bar bhi koee uttar n mila to unhonne ghode ko ek gadi se milakar bore ko tatola. bhram door ho gaya. yah namak ke dele the.


pndit alopidin apane sajile rath par savar, kuchh sote, kuchh jagate chale ate the. achanak kee gadivanon ne ghabarae hue akar jagaya aur bole-'maharaj! daroga ne gadiyan rok di hain aur ghat par khade apako bulate hain.


pndit alopidin ka lakshmiji par akhnd vishvas tha. vah kaha karate the ki snsar ka to kahana hi kya, svarg men bhi lakshmi ka hi rajy hai. unaka yah kahana yatharth hi tha. nyay aur niti sab lakshmi ke hi khilaune hain, inhen vah jaise chahati hain nachati hain. lete hi lete garv se bole, chalo ham ate hain. yah kahakar pnditaji ne badi nishhnchitata se pan ke bide lagakar khae. phir lihaph odhe hue daroga ke pas akar bole, 'babooji ashirvad! kahie, hamase aisa kaun sa aparadh hua ki gadiyan rok di geen. ham brahmanon par to apaki kripa-drishti rahani chahie.

vnshidhar rukhaee se bole, 'sarakari hukm.

pn. alopidin ne hnsakar kaha, 'ham sarakari hukm ko nahin janate aur n sarakar ko. hamare sarakar to ap hi hain. hamara aur apaka to ghar ka mamala hai, ham kabhi apase bahar ho sakate hain? apane vyarth ka kasht uthaya. yah ho nahin sakata ki idhar se jaen aur is ghat ke devata ko bhent n chadhaven. main to apaki seva men svayn hi a raha tha. vnshidhar par aishvary ki mohini vnshi ka kuchh prabhav n pada. eemanadari ki nee umng thi. kadakakar bole, 'ham un namakaharamon men nahin hai jo kaudiyon par apana eeman bechate phirate hain. ap is samay hirasat men hain. apako kayade ke anusar chalan hoga. bas, mujhe adhik baton ki phursat nahin hai. jamadar badaloosinh! tum inhen hirasat men le chalo, main hukm deta hoon.

pn. alopidin stambhit ho ge. gadivanon men halachal mach gee. pnditaji ke jivan men kadachit yah pahala hi avasar tha ki pnditaji ko aisi kathor baten sunani padin. badaloosinh age badha, kintu rob ke mare yah sahas n hua ki unaka hath pakad sake. pnditaji ne dharm ko dhan ka aisa niradar karate kabhi n dekha tha. vichar kiya ki yah abhi uddnd ladaka hai. maya-moh ke jal men abhi nahin pada. alhad hai, jhijhakata hai. bahut dinabhav se bole, 'baboo sahab, aisa n kijie, ham mit jaenge. ijjat dhool men mil jaegi. hamara apaman karane se apake hath kya aega. ham kisi tarah apase bahar thode hi hain.

vnshidhar ne kathor svar men kaha, 'ham aisi baten nahin sunana chahate.

alopidin ne jis sahare ko chattan samajh rakha tha, vah pairon ke niche khisakata hua maloom hua. svabhiman aur dhan-aishvary ki kadi chot lagi. kintu abhi tak dhan ki sankhyik shakti ka poora bharosa tha. apane mukhtar se bole, 'lalaji, ek hazar ke not baboo sahab ki bhent karo, ap is samay bhookhe sinh ho rahe hain.

vnshidhar ne garam hokar kaha, 'ek hazar nahin, ek lakh bhi mujhe sachche marg se nahin hata sakate.

dharm ki is budhdihin dridhata aur dev-durlabh tyag par man bahut jhunjhalaya. ab donon shaktiyon men sngram hone laga. dhan ne uchhal-uchhalakar akraman karane shuroo kie. ek se panch, panch se das, das se pndrah aur pndrah se bis hazar tak naubat pahunchi, kintu dharm alaukik virata ke sath bahusnkhyak sena ke sammukh akela parvat ki bhanti atal, avichalit khada tha.

alopidin nirash hokar bole, 'ab isase adhik mera sahas nahin. age apako adhikar hai.

vnshidhar ne apane jamadar ko lalakara. badaloosinh man men darogaji ko galiyan deta hua pndit alopidin ki or badha. pnditaji ghabadakar do-tin qadam pichhe hat ge. atynt dinata se bole, 'baboo sahab, eeshvar ke lie mujh par daya kijie, main pachchis hazar par nipatara karane ka taiyar hoon.

'asambhav bat hai.

'tis hazar par?

'kisi tarah bhi sambhav nahin.

'kya chalis hazar par bhi nahin.

'chalis hazar nahin, chalis lakh par bhi asambhav hai.

'badaloosinh, is adami ko hirasat men le lo. ab main ek shabd bhi nahin sunana chahata.

dharm ne dhan ko pairon tale kuchal dala. alopidin ne ek hrisht-pusht manushy ko hathakadiyan lie hue apani taraph ate dekha. charon or nirash aur katar drishti se dekhane lage. isake bad moorchhit hokar gir pade.

duniya soti thi par duniya ki jibh jagati thi. savere dekhie to balak-vridhd sabake muhn se yahi bat sunaee deti thi. jise dekhie vahi pnditaji ke is vyavahar par tika-tippani kar raha tha, ninda ki bauchharen ho rahi thin, mano snsar se ab papi ka pap kat gaya.

pani ko doodh ke nam se bechane vala gvala, kalpit rojanamache bharane vale adhikari varg, rel men bina tikat saphar karane vale baboo log, jali dastavej banane vale seth aur sakar yah sab ke sab devataon ki bhanti gardanen chala rahe the.

jab doosare din pndit alopidin abhiyukt hokar kanstebalon ke sath, hathon men hathakadiyan, hriday men glani aur kshobh bhare, lajja se gardan jhukae adalat ki taraph chale to sare shahar men halachal mach gee. melon men kadachit aaunkhen itani vyagr n hoti hongi. bhid ke mare chhat aur divar men koee bhed n raha.

kintu adalat men pahunchane ki der thi. pn. alopidin is agadh van ke sinh the. adhikari varg unake bhakt, amale unake sevak, vakil-mukhtar unake agya palak aur aradali, chaparasi tatha chaukidar to unake bina mol ke gulam the.

unhen dekhate hi log charon taraph se daude. sabhi log vismit ho rahe the. isalie nahin ki alopidin ne yah karm kiya, balki isalie ki vah qanoon ke pnje men kaise ae? aisa manushy jisake pas asadhy sadhan karane vala dhan aur anany vachalata ho, vah kyon qanoon ke pnje men ae? pratyek manushy unase sahanubhooti prakat karata tha.

badi tatparata se is akraman ko rokane ke nimitt vakilon ki ek sena taiyar ki gee. nyay ke maidan men dharm aur dhan men yadhd than gaya. vnshidhar chupachap khade the. unake pas saty ke siva n koee bal tha, n spasht bhashan ke atirikt koee shastr. gavah the, kintu lobh se danvadol.

yahan tak ki munshiji ko nyay bhi apani or kuchh khincha hua dikh padata tha. vah nyay ka darabar tha, parntu usake karmachariyon par pakshapat ka nasha chhaya hua tha. kintu pakshapat aur nyay ka kya mel? jahan pakshapat ho, vahan nyay ki kalpana nahin ki ja sakati. mukadama shighr hi samapt ho gaya.

dipti majistret ne apani tajavij men likha, pn. alopidin ke virudhd die ge praman nirmool aur bhramatmak hain. vah ek bade bhari adami hain. yah bat kalpana ke bahar hai ki unhonne thode labh ke lie aisa dussahas kiya ho. yadyapi namak ke daroga munshi vnshidhar ka adhik dosh nahin hai, lekin yah bade khed ki bat hai ki usaki uddndata aur vicharahinata ke karan ek bhalemanus ko kasht jhelana pada. ham prasann hain ki vah apane kam men sajag aur sachet rahata hai, kintu namak ke mukadame ki badhi huee namak se halali ne usake vivek aur budhdi ko bhrasht kar diya. bhavishy men use hoshiyar rahana chahie.

vakilon ne yah phaisala suna aur uchhal pade. pn. alopidin muskurate hue bahar nikale. svajan bandhavon ne rupe ki loot ki. udarata ka sagar umad pada. usaki laharon ne adalat ki ninv tak hila di.

jab vnshidhar bahar nikale to charon or unake oopar vyngyabanon ki varsha hone lagi. chaparasiyon ne jhuk-jhukakar salam kie. kintu is samay ek katu vaky, ek-ek snket unaki garvagni ko prajjvalit kar raha tha.

kadachit is mukadame men saphal hokar vah is tarah akadate hue n chalate. aj unhen snsar ka ek khedajanak vichitr anubhav hua. nyay aur vidvatta, lnbi-chaudi upadhiyan, badi-badi dadhiyan, dhile choge ek bhi sachche adar ka patr nahin hai.

vnshidhar ne dhan se bair mol liya tha, usaka mooly chukana anivary tha. kathinata se ek saptah bita hoga ki muattali ka paravana a pahuncha. kary-parayanata ka dnd mila. bechare bhagn hriday, shok aur khed se vyathit ghar ko chale. boodhe munshiji to pahale hi se kudabuda rahe the ki chalate-chalate is ladake ko samajhaya tha, lekin isane ek n suni. sab manamani karata hai. ham to kalavar aur kasaee ke tagade sahen, budhape men bhagat banakar baithen aur vahan bas vahi sookhi tanakhvah! hamane bhi to naukari ki hai aur koee ohadedar nahin the. lekin kam kiya, dil kholakar kiya aur ap eemanadar banane chale hain. ghar men chahe ऍndhera ho, masjid men avashy diya jalaenge. khed aisi samajh par! padhana-likhana sab akarath gaya.

isake thode hi dinon bad, jab munshi vnshidhar is duravastha men ghar pahunche aur boodhe pitaji ne samachar suna to sir pit liya. bole- 'ji chahata hai ki tumhara aur apana sir phod loon. bahut der tak pachhata-pachhatakar hath malate rahe. krodh men kuchh kathor baten bhi kahin aur yadi vnshidhar vahan se tal n jata to avashy hi yah krodh vikat roop dharan karata. vridhd mata ko bhi du:kh hua. jagannath aur rameshvar yatra ki kamanaen mitti men mil geen. patni ne kee dinon tak sidhe munh bat tak nahin ki.

isi prakar ek saptah bit gaya. sandhy ka samay tha. boodhe munshiji baithe-baithe ram nam ki mala jap rahe the. isi samay unake dvar par saja hua rath akar ruka. hare aur gulabi parade, pachhahie bailon ki jodi, unaki gardan men nile dhage, sing pital se jade hue. kee naukar lathiyan kndhon par rakhe sath the.

munshiji agavani ko daude dekha to pndit alopidin hain. jhukakar dndavath ki aur lallo-chappo ki baten karane lage- 'hamara bhagy uday hua, jo apake charan is dvar par ae. ap hamare poojy devata hain, apako kaun sa munh dikhaven, munh men to kalikh lagi huee hai. kintu kya karen, ladaka abhaga kapoot hai, nahin to apase kya munh chhipana padata? eeshvar nissntan chahe rakkhe par aisi sntan n de.

alopidin ne kaha- 'nahin bhaee sahab, aisa n kahie.

munshiji ne chakit hokar kaha- 'aisi sntan ko aur kya kn?

alopidin ne vatsalyapoorn svar men kaha- 'kulatilak aur purukhon ki kirti ujjval karane vale snsar men aise kitane dharmaparayan manushy hain jo dharm par apana sab kuchh arpan kar saken!

pn. alopidin ne vnshidhar se kaha- 'darogaji, ise khushamad n samajhie, khushamad karane ke lie mujhe itana kasht uthane ki zaroorat n thi. us rat ko apane apane adhikar-bal se apani hirasat men liya tha, kintu aj main svechchha se apaki hirasat men aya hoon. mainne hajaron rees aur amir dekhe, hajaron uchch padadhikariyon se kam pada kintu parast kiya to apane. mainne sabako apana aur apane dhan ka gulam banakar chhod diya. mujhe agya dijie ki apase kuchh vinay karoon.

vnshidhar ne alopidin ko ate dekha to uthakar satkar kiya, kintu svabhiman sahit. samajh ge ki yah mahashay mujhe lajjit karane aur jalane ae hain. kshama-prarthana ki cheshta nahin ki, varanh unhen apane pita ki yah thakurasuhati ki bat asahy si pratit huee. par pnditaji ki baten suni to man ki mail mit gee.

pnditaji ki or udati huee drishti se dekha. sadbhav jhalak raha tha. garv ne ab lajja ke samane sir jhuka diya. sharmate hue bole- 'yah apaki udarata hai jo aisa kahate hain. mujhase jo kuchh avinay huee hai, use kshama kijie. main dharm ki bedi men jakada hua tha, nahin to vaise main apaka das hoon. jo agya hogi vah mere sir-mathe par.

alopidin ne vinit bhav se kaha- 'nadi tat par apane meri prarthana nahin svikar ki thi, kintu aj svikar karani padegi.

vnshidhar bole- 'main kis yogy hoon, kintu jo kuchh seva mujhase ho sakati hai, usamen truti n hogi.

alopidin ne ek stamp laga hua patr nikala aur use vnshidhar ke samane rakhakar bole- 'is pad ko svikar kijie aur apane hastakshar kar dijie. main brahman hoon, jab tak yah saval poora n kijiega, dvar se n hatoonga.

munshi vnshidhar ne us kagaz ko padha to kritgyta se aaunkhon men aaunsoo bhar ae. pn. alopidin ne unako apani sari jayadad ka sthayi mainejar niyat kiya tha. chhah hazar vashak vetan ke atirikt rojana kharch alag, savari ke lie ghoda, rahane ko bngala, naukar-chakar muft. kampit svar men bole- 'pnditaji mujhamen itani samarthy nahin hai ki apaki udarata ki prashnsa kar sakoon! kintu aise uchch pad ke yogy nahin hoon.

alopidin hnsakar bole- 'mujhe is samay ek ayogy manushy ki hi zaroorat hai.

vnshidhar ne gnbhir bhav se kaha- 'yon main apaka das hoon. ap jaise kirtivan, sajjan purush ki seva karana mere lie saubhagy ki bat hai. kintu mujhamen n vidya hai, n budhdi, n vah svabhav jo in trutiyon ki poorti kar deta hai. aise mahanh kary ke lie ek bade marmgy anubhavi manushy ki zaroorat hai.

alopidin ne kalamadan se kalam nikali aur use vnshidhar ke hath men dekar bole- 'n mujhe vidvatta ki chah hai, n anubhav ki, n marmgyta ki, n karyakushalata ki. in gunon ke mahatv ko khoob pa chuka hoon. ab saubhagy aur suavasar ne mujhe vah moti de diya jisake samane yogyata aur vidvatta ki chamak phiki pad jati hai. yah kalam lijie, adhik soch-vichar n kijie, dastakhat kar dijie. paramatma se yahi prarthana hai ki vah apako sadaiv vahi nadi ke kinare vala, bemurauvat, uddnd, kathor parntu dharmanishth daroga banae rakhe.

vnshidhar ki aaunkhen dabadaba aeen. hriday ke snkuchit patr men itana ehasan n sama saka. ek bar phir pnditaji ki or bhakti aur shradhda ki drishti se dekha aur kanpate hue hath se mainejari ke kagaz par hastakshar kar die.

alopidin ne praphullit hokar unhen gale laga liya

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah