प्रेम की होली- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

gngi ka satrahavan sal tha, par vah tin sal se vidhava thi, aur janati thi ki main vidhava hoon, mere lie snsar ke sukhon ke dvar band hain. phir vah kyon roye aur kalape? mele se sabhi to mithaee ke done aur phoolon ke har lekar nahin lautate? kitanon hi ka to mele ki saji dookanen aur un par khade nar-nari dekhakar hi manornjan ho jata hai. gngi khati-piti thi, hnsati-bolati thi, kisi ne use munh latakaye, apane bhagy ko rote nahin dekha. ghadi rat ko uthakar gobar nikalakar, gay-bailon ko sani dena, phir upale pathana, usaka nity ka niyam tha. tab vah apane bhaiya ko gay duhane ke lie jagati thi. phir kuen se pani lati, chauke ka dhandha shuroo ho jata. ganv ki bhavajen usase hnsi karatin, par ek vishesh prakar ki hnsi chhodaqar saheliyan sasural se akar usase sari katha kahatin, par ek vishesh prasng bachakar. sabhi usake vaidhavy ka adar karate the. jis chhote se aparadh ke lie, usaki bhavaj par ghudakiyan padatin, usaki man ko galiyan milatin, usake bhaee par mar padati, vah usake lie kshamy tha. jise eeshvar ne mara hai, use kya koee mare! jo baten usake lie varjit thin unaki or usaka man hi n jata tha. usake lie usaka astitv hi n tha. javani ke is umade hue sagar men matavali laharen n thin, daravani garaj n thi, achal shanti ka samrajy tha.

2

holi ayi, sabane gulabi sadiy़an pahanin, gngi ki sadi n rngi gayi. man ne poochha-beti, teri sadi bhi rng doon. gngi ne kaha-nahin amman, yon hi rahane do. bhavaj ne phag gaya. vah pakavan banati rahi. use isi men anand tha.

tisare pahar doosare ganv ke log holi khelane aye. yah log bhi holi lautane jaenge. ganvon men yahi paraspar vyavahar hai. maikoo mahato ne bhng banava rakhi thi, charas-ganja, majoom sab kuchh laye the. gngi ne hi bhng pisi thi, mithi alag banayi thi, namakin alag. usaka bhaee pilata tha, vah hath dhulati thi. javan sir nicha kiye pikar chale jate, boodhe, gngi se poochh lete-achchhi tarah ho n beti, ya chuhal karate-kyon ri gngiya bhavaj tujhe khana nahin deti kya, jo itani dubali ho gayi hai! gngiya hnsakar rah jati.. deh kya usake bas ki thi. n jane kyon vah moti huee thi.

bhng pine ke bad log phag gane lage. gngiya apani chaukhat par khadi sun rahi thi. ek javan thakur ga raha tha. kitana achchha svar tha, kaisa mitha. gngiya ko bada anand a raha tha. man ne kee bar pukara-sun ja. vah n gayi. ek bar gayi bhi to jaldi se laut ayi. usaka dhyan usi gane par tha. n jane kya bat use khinche leti thi, bandhe leti thi. javan thakur bhi bar-bar gngiya ki or dekhata aur mast ho-hokar gata. usake sath valon ko ashchary ho raha tha. thakur ko yah siddhi kahan mil gayi! vah log vida hue to gngiya chaukhate par khadi thi. javan thakur ne bhi usaki or dekha aur chala gaya.

gngiya ne apane bap se poochha-kaun gata tha dada?

maikoo ne kaha-kothar ke buddhoosinh ka ladaqa hai, garibasinh. buddhoo riti vyavahar men ate-jate the. unake marane ke bad ab vahi ladaqa ane-jane laga.

gngi-yahan to pahale pahal aya hai?

maikoo-han, aur to kabhi nahin dekha. mizaj bilakul bap ka-sa hai aur vaisi hi mithi boli hai. ghamand to chhoo nahin gaya. buddhoo ke bakhar men anaj rakhane ko jagah n thi, par chamar ko bhi dekhate to pahale hath uthate. vahi isaka svabhav hai. goroo a rahe the. gngi pagahiya lene bhitar chali gayi. vahi svar usake kanon men goonj raha tha.

kee mahine gujar gaye. ek din gngi gobar path rahi thi. sahasa usane dekha, vahi thakur sir jhukaye dvar par se chala ja raha hai. vah gobar chhodaqar uth khadi huee. ghar men koee mard n tha. sab bahar chale gaye the. yah kahana chahati thi-thakur! baitho, pani pite jav. par usake munh se bat n nikali. usaki chhati kitane zor se dhadaq rahi thi. use ek vichitr ghabarahat hone lagi-kya kare, kaise use rok le. garibasinh ne ek bar usaki or taka aur phir ankhen nichi kar lin. us drishti men kya bat thi ki gngi ke roen khade ho gaye. vah daudi ghar men gayi aur man se boli-amman, vah thakur ja rahe hain, garibasinh. man ne kaha-kisi kam se aye honge. gngi bahar gayi to thakur chala gaya tha. vah phir gobar pathane lagi, par upale toot-toot jate the, ap hi ap hath band ho jate, magar phir chaunkakar pathane lagati, jaise kahin door se usake kanon men avaz a rahi ho. vahi drishti ankhon ke samane thi. usamen kya jadoo tha? kya mohini thi? usane apani mook bhasha men kuchh kaha. gngi ne bhi kuchh suna. kya kaha? yah vah nahin janati, par vah drishti usaki ankhon men basi huee thi.

rat ko leti tab bhi vahi drishti samane thi. svapn men bhi vahi drishti dikhaee di.

phir kee mahine gujar gaye. ek din sandhya samay maikoo dvar par baithe san kat rahe the aur gngi bailon ko sani chala rahi thi ki sahasa chilla uthi-dada, dada, thakur.

maikoo ne sir uthaya to dvar par garibasinh chala a raha tha. ram-ram hua.

maikoo ne poochha-kahan garibasinh! pani to pite jav.

garib akar ek machi par baith gaya. usaka chehara utara hua tha. kuchh vah bimar-sa jan padata tha. maikoo ne kaha-kuchh bimar the kya?

garib-nahin to dada!

maikoo-kuchh munh utara hua hai, kya sood-byaj ki chinta men pad gaye?

garib-tumhare jite mujhe kya chinta hai dada!

maikoo-baki de di n?

garib-han dada, sab bebak kar diya.

maikoo ne gngi se kaha-beti ja, kuchh thakur ko pani pine ko la. bhaiya ho to kah dena chilam de jae.

garib ne kaha-chilam rahane do dada! main nahin pita.

maikoo-abaki ghar hi tamakoo bani hai, savad to dekho. pite to ho?

garib-itana beadab n banao dada. kaka ke samane chilam nahin chhuee. main tumako unhin ki jagah deta hoon.

yah kahate-kahate usaki ankhen bhar ayin. maikoo ka hriday bhi gadgad ho utha. gngi hath ki tokari liye moorti ke saman khadi thi. usaki sari chetana, sari bhavana, garibasinh ki baton ki or khinchi huee thi! usamen aur kuchh sochane ki, aur kuchh karane ki shakti n thi. oh! kitani namrata hai, kitani sajjanata, kitana adab.

maikoo ne phir kaha-suna nahin beti, jakar kuchh pani pine ko lav! gngi chaunk padi. daudi huee ghar men gayi. katora manja, usamen thodi-si rab nikali. phir lota-gilas manjakar sharbat banaya.

man ne poochha-kaun aya hai gngiya?

gngi-vah hain thakur garibasinh. doodh to nahin hai amman, ras men mila deti?

man-hai kyon nahin, hadi men dekh.

gngi ne sari malaee utarakar ras men mila di aur lota-gilas liye bahar nikali. thakur ne usaki or dekha. gngi ne sir jhuka liya! yah snkoch usamen kahan se a gaya?

thakur ne ras liya aur ram-ram karake chala gaya.

maikoo bola-kitana dubala ho gaya hai.

gngi-bimar hain kya?

maikoo-chinta hai aur kya? akela adami hai, itani badi girasti; kya kare.

gngi ko rat-bhar nind nahin ayi. unhen kaun-si chinta hai. dada se kuchh kaha bhi to nahin. kyon itane sakuchate hain. chehara kaisa pila pad gaya hai.

sabere gngi ne man se kaha-garibasinh abaki bahut dubale ho gaye hain amman!

man-ab vah bephikri kahan hai beti. bap ke jamane men khate the aur khelate the. ab to girasti ka jnjal sir par hai.

gngi ko is javab se santosh n hua. bahar jakar maikoo se boli-dada, tumane garibasinh ko samajha nahin diya-kyon itani chinta karate ho?

maikoo ne ankhen phadaqar dekha aur kaha-ja, apana kam kar.

gngi par mano bajrapat ho gaya. vah kathor uttar aur dada ke munh se. hay! dada ko bhi unaka dhyan nahin. koee usaka mitr nahin. unhen kaun samajhae! abaki vah aenge to main khud unhen samajhaoongi.

gngi roj sochati-vah ate honge, par thakur n aye. phir holi ayi. phir ganv men phag hone laga. ramaniyon ne phir gulabi sadiy़an pahanin. phir rng ghola gaya. maikoo ne bhng, charas, ganja mngavaya. gngi ne phir mithi aur namakin bhng banaee! dvar par tat bichh gaya. vyavahari log ane lage. magar kothar se koee nahin aya. sham ho gayi. kisi ka pata nahin! gngi bekarar thi. kabhi bhitar jati, kabhi bahar ati. bhaee se poochhati-kya kothar vale nahin aye? bhaee kahata-nahin. dada se poochhati-bhng to nahin bachi, kothar vale avenge to kya piyenge? dada kahate-ab kya rat ko avenge, samane to ganv hai. ate hote to dikhaee dete.

rat ho gayi, par gngi ko abhi tak asha lagi huee thi. vah mandir ke oopar chadh gayi aur kothar ki or nigah daudaee. koee n ata tha.

sahasa use usi sivane ki or ag dahakati huee dikhaee di. dekhate-dekhate jvala prachand ho gayi. yah kya! vahan aj holi jal rahi hai. holi to kal hi jal gayi. kaun jane vahan panditon ne aj holi jalane ki sayat batayi ho. tabhi ve log aj nahin aye. kal aenge.

usane ghar akar maikoo se kaha-dada, kothar men to aj holi jali hai.

maikoo-duth pagali! holi sab jagah kal jal gayi.

gngi-tum manate nahin ho, main mandir par se dekh ayi hoon. holi jal rahi hai. n patiyate ho to chalo, main dikha doon.

maikoo-achchha chal dekhoon.

maikoo ne gngi ke sath mandir ki chhat par akar dekha. ek minat tak dekhate rahe. phir bina kuchh bole niche utar aye.

gngi ne kaha-hai holi ki nahin, tum n manate the?

maikoo-holi nahin hai pagali-chita hai. koee mar gaya hai. tabhi aj kothar vale nahin aye.

gngi ka kaleja dhakh-se ho gaya. itane men kisi ne niche se pukara-maikoo mahato, kothar ke garibasinh gujar gaye.

maikoo niche chale gaye, par gngi vahin stambhit khadi rahi. kuchh khabar n rahi-main kaun hoon, kahan hoon, maloom hua jaise garibasinh us sudoor chita se nikalakar usaki or dekh raha hai-vahi drishti thi, vahi chehara, kya use vah bhool sakati thi? us divas se phir kabhi holi dekhane nahin gayi. holi har sal ati thi, har sal usi tarah bhng banati thi, har sal usi tarah phag hota tha; har sal abir-gulal udati thi, par gngi ke lie holi sada ke lie chali gayi.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah