डिमॉन्सट्रेशन -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

mahashay guruprasadaji rasik jiv hain, gane-bajane ka shauq hai, khane-khilane ka shauq hai aur sair-tamashe ka shauq hai; par usi matr men dravyoparjan ka shauq nahin hai. yon vah kisi ke munhataj nahin hain, bhale adamiyon ki tarah hain aur hain bhi bhale adami; magar kisi kam men chimat nahin sakate. gud hokar bhi unamen las nahin hai. vah koee aisa kam uthana chahate hain, jisamen chatapat karoon ka khazana mil jay aur hamesha ke lie bephikr ho jayn. baink se chhamahi sood chala aye, khayen aur maje se pade rahen. kisi ne salah di natak-kampani kholo. unake dil men bhi bat jam gee. mitron ko likha main drametik knpani kholane ja raha hoon, ap log drame likhana shuroo kijie. knpani ka prasapektas bana, kee mahine usaki khoob charcha rahi, kee bade-bade adamiyon ne hisse kharidane ke vade kiye. lekin n hisse bike, n knpani khadi huee. han, isi dhun men guruprasadaji ne ek natak ki rachana kar dali aur yah fikr huee ki ise kisi knpani ko diya jay. lekin yah to maloom hi tha, ki knpanivale ek hi ghagh hote hain. phir harek knpani men usaka ek natakakar bhi hota hai. vah kab chahega ki usaki knpani men kisi bahari adami ka pravesh ho. vah is rachana men tarah-tarah ke aib nikalega aur knpani ke malik ko bhadaka dega. isalie prabandh kiya gaya, ki malikon par natak ka kuchh aisa prabhav jama diya jay ki natakakar mahoday ki kuchh dal n gal sake. panch sajjanon ki ek kameti banaee gee, usamen sara program vistar ke sath tay kiya gaya aur doosare din panch sajjan guruprasadaji ke sath natak dikhane chale. tange a gaye. haramoniyam, tabala adi sab us par rakh diye gaye; kyonki natak ka dimaaunsatreshan karana nishchit hua tha. sahasa vinodabihari ne kaha, ‘yar, tange par jane men to kuchh badarobi hogi. malik sochega, yah mahashay yon hi hain. is samay das-panch rupaye ka munh n dekhana chahie. main to angrejon ki vigyapanabaji ka kayal hoon ki rupaye men pndrah ane usamen lagakar shesh ek ane men rozagar karate hain. kahin se do motaren mngani chahie.

rasikalal bole, ‘lekin kiraye ki motaron se vah bat n paida hogi, jo ap chahate hain. kisi rees se do motaren mangani chahie, maris ho ya naye chal ki astin.‘

bat sachchi thi. bhesh se bhikh milati hai. vichar hone laga ki kis rees se yachana ki jay. aji, vah maha khoosat hai. sabere usaka nam le lo to din bhar pani n mile. achchha sethaji ke pas chalen to kaisa ? munh dho rakhie, usaki motaren aphasaron ke lie rijarv hain, apane ladake tak ko kabhi baithane nahin deta, apako diye deta hai. to phir kapoor sahab ke pas chalen. abhi unhonne nee motar li hai. aji, usaka nam n lo. koee-n-koee bahana karega, draivar nahin hai, marammat men hai.

guruprasad ne adhir hokar kaha, ‘tum logon ne to vyarth ka bakheda kar diya. tangon par chalane men kya haraj tha ?’

vinodabihari ne kaha, ‘ap to ghas kha gaye hain. natak likh lena doosari bat hai aur muamale ko patana doosari bat hai. rupaye prishth suna dega, apana-sa munh lekar rah jaoge.‘

amaranath ne kaha, ‘main to samajhata hoon, motar ke lie kisi raja-rees ki khushamad karana bekar hai. tariph to jab hai ki panv-panv chalen aur vahan aisa-aisa rng jamayen ki motar se bhi zyada shan rahe.‘

vinodabihari uchhal pade. sab log panv-panv chalen. vahan pahunchakar kis tarah baten shuroo hongi, kis tarah tariphon ke pul bandho jaenge, kis tarah drametist sahab ko khush kiya jayaga, is par bahas hoti jati thi. ham log kampani ke kainp men koee do baje pahunche. vahan malik sahab, unake aiktar, natakakar sab pahale hi se hamara intajar kar rahe the. pan, ilayachi, sigaret mnga lie the.

oopar jate hi rasikalal ne malik se kaha, ‘kshama kijiega, hamen ane men der huee. ham motar se nahin, panv-panv aye hain. aj yahi salah huee ki prakriti ki chhata ka anand uthate chalen; guruprasadaji to prakriti ke

upasak hain. inaka bas hota, to aj chimata liye ya to kahin bhikh mangate hote, ya kisi pahadi ganv men vatavriksh ke niche baithe pakshiyon ka chahakana sunate hote.‘

vinod ne radda jamaya –‘aur aye bhi to sidhe raste se nahin, jane kahan-kahan ka chakkar lagate, khak chhanate. pairon men jaise sanichar hai.

amar ne aur rng jamaya, ‘poore satajugi adami hain. naukar-chakar to motaron par savar hote hain aur ap gali-gali mare-mare phirate hain. jab aur rees mithi nind ke maje lete hote hain, to ap nadi ke kinare usha ka shrringar dekhate hain. mastaram ne pharamaya qavi hona, mano din-duniya se mukt ho jana hai. gulab ki ek pnkhadi lekar usamen n jane kya ghnton dekha karate hain. prakriti ki upasana ne hi yoorop ke bade-bade kaviyon ko asaman par pahuncha diya hai. yoorop men hote to aj inake dvar par hathi jhoomata hota. ek din ek balak ko rote dekhakar ap rone lage. poochhata hoon bhaee kyon rote ho, to aur rote hain. munh se avaz nahin nikalati. badi mushkil se avaz nikali.

vinod –‘zanab ! kavi ka hriday komal bhavon ka ऱet hai, madhur sngit ka bhandar hai, anant ka aeena hai.

rasik –‘kya bat kahi hai apane, anant ka aeena hai ! vah ! kavi ki sohabat men ap bhi kuchh kavi hue ja rahe hain.‘

guruprasad ne namrata se kaha, ‘main kavi nahin hoon aur n mujhe kavi hone ka dava hai. ap log mujhe jabaradasti kavi banaye dete hain. kavi strashta ki vah adbhut rachana hai jo pnchabhooton ki jagah nau rason se banati hai.‘

mastaram—‘ apaka yahi ek vaky hai, jis par saikadon kavitaennyochhavar hain. suni apane rasikalalaji, kavi ki mahima. yad kar lijie, rat dalie.‘

rasikalal –‘qahan tak yad karen, bhaiya, yah to sooktiyon men baten karate hain. aur namrata ka yah hal hai ki apane ko kuchh samajhate hi nahin. mahanata ka yahi lakshan hai. jisane apane ko kuchh samajha, vah gaya. (kampani ke

svami se) ap to ab khud hi sunenge, is drame men apana hriday nikalakar rakh diya hai. kaviyon men jo ek prakar ka alhadapan hota hai, usaki ap men kahin gandh bhi nahin. is drame ki samagri jama karane ke lie apane kuchh nahin to ek hazar bade-bade pothon ka adhyayan kiya hoga. vajidali shah ko svarthi itihas-lekhakon ne kitana kalnkit kiya hai, ap log janate hi hain. us lekh-rashi ko chhantakar usamen se saty ke tattv khoj nikalana ap hi ka kam tha !

vinod –‘isilie ham aur ap donon kalakatta gaye aur vahan koee chh: mahine matiyaburj ki khak chhanate rahe. vajidali shah ki hastalikhit ek pustak ki talash ki. usamen unhonne khud apani jivan-charcha likhi hai. ek budhiya ki pooja ki gee, tab kahin jake chh: mahine men kitab mili.

amaranath –‘pustak nahin ratn hai. mastaram us vakt to usaki dasha koyale ki thi, guruprasadaji ne us par mohar lagakar asharphi bana diya. drama aisa chahie ki jo sune, dil hathon se tham le. ek-ek vaky dil men chubh jay. amaranath snsar-sahity ke sabhi natakon ko apane chat dala aur natay-rachana par saikadon kitaben padh dalin. vinod zabhi to chiz bhi lasani huee hai. amaranath lahaur drametik klab ka malik haphte bhar yahan pada raha, pairon pada ki mujhe yah natak de dijie, lekin apane n diya. jab aiktar hi achchhe nahin, to unase apana drama khelavana usaki mitti kharab karana tha. is kampani ke aiktar mashaallah apana javab nahin rakhate aur isake natakakar ki sare jamane men dhoom hai. ap logon ke hathon men padakar yah drama dhoom macha dega. vinod ek to lekhak sahab khud shaitan se zyada mashahoor hain, us par yahan ke aiktaron ka natay-kaushal ! shahar lut jayaga.

mastaram --'roj hi to kisi-n-kisi kampani ka adami sir par savar rahata hai, magar baboo sahab kisi se sidhe munh bat nahin karate. vinod bas ek yah kampani hai, jisake tamashe ke lie dil bekarar rahata hai, nahin to aur jitane drame khele jate hain do kaudi ke. mainne tamasha dekhana hi chhod diya.'

guruprasad --' natak likhana bachchon ka khel nahin hai; khoone-jigar pina padata hai. mere khayal men ek natak likhane ke lie panch sal ka samay bhi kafi nahin. balki achchha drama zindagi men ek hi likha ja sakata hai. yon kalam ghisana doosari bat hai. bade-bade dhurndhar alochakon ka yahi nirnay hai ki adami zindagi men ek hi natak likh sakata hai. roos, phrans, jarmani sabhi deshon ke drame padhe; par koee-n-koee dosh sabhi men maujood, kisi men bhav hai to bhasha nahin, bhasha hai to bhav nahin. hasy hai to gana nahin, gana hai to hasy nahin. jab tak bhav, bhasha, hasy aur gana yah charon ang poore n hon, use drama kahana hi n chahie. main to bahut hi tuchchh adami hoon, kuchh ap logon ki sohabat men shudabud a gaya. meri rachana ki hasti hi kya. lekin eeshvar ne chaha, to aise dosh apako n milenge.'

vinod –‘zab ap us vishay ke marmgy hain, to dosh rah hi kaise sakate hain.‘

rasikalal –‘das sal tak to apane keval sngit-kala ka abhyas kiya hai. ghar ke hajaron rupaye ustadon ko bhent kar diye, phir bhi dosh rah jay, to durbhagy hai.‘

riharsal

riharsal shuroo aur vah ! vah ! hay ! hay ! ka tar bndha. koras sunate hi aiktar aur propraitar aur natakakar sabhi mano jag pade. bhoomika ne unhen vishesh prabhavit kiya tha, par asali chiz samane ate hi ankhen khulin. saman bndh gaya. pahala sin aya. ankhon ke samane vajidali shah ke darabar ki tasavir khinch gee. darabariyon ki hajir-javabi aur phadakate hue latiphe ! vah ! vah ! kya kahana hai ! kya vaky rachana thi, kya shabd yojana thi, rason ka kitana suruchi se bhara hua samavesh tha ! tisara drishy hasyamay tha. hnsate-hnsate logon ki pasaliyan dukhane lagin, sthoolakay svami ki snyat avichalata bhi asan se dig gee. chautha sin karunajanak tha. hasy ke bad karuna, andhi ke bad anevali shanti thi. vinod ankhon par hath

rakhe, sir jhukaye jaise ro rahe the. mastaram bar-bar thndi ahen khinch rahe the aur amaranath bar-bar sisakiyan bhar rahe the. isi tarah sin-par-sin aur ank-par-ank samapt hote gaye, yahan tak ki jab riharsal samapt hua, to dipak jal chuke the.

sethaji ab tak sonth bane hue baithe the. drama samapt ho gaya, par unake mukharavind par unake manovichar ka leshamatr bhi abhas n tha. jad bharat ki tarah baithe hue the, n muskarahat thi, n kutoohal, n harsh; n kuchh. vinodabihari ne muamale ki bat poochhi to is drama ke bare men shrimanh ki kya ray hai ? sethaji ne usi virakt bhav se uttar diya, ‘main isake vishay men kal nivedan karoonga. kal yahin bhojan bhi kijiega. ap logon ke layaq bhojan to kya hoga, use keval vidur ka sag samajhakar svikar kijie.‘

pnch pandav bahar nikale, to mare khushi ke sabaki bachhen khili jati thin.

vinod –‘panch hazar ki thaili hai. nak-nak bad sakata hoon. amaranath panch hazar hai ki das, yah to nahin kah sakata, par rng khoob jam gaya.‘

rasik –‘mera anuman to char hazar ka hai.‘

mastaram –‘aur mera vishvas hai ki das hazar se kam vah kahega hi nahin. main to seth ke chehare ki taraph dhyan se dekh raha tha. aj hi kah deta; par darata tha, kahin ye log asvikar n kar den. usake honthon par to hnsi n thi; par magan ho raha tha.

guruprasad –‘mainne padha bhi to ji todakar.‘

vinod –‘aisa jan padata tha tumhari vani par sarasvati baith gee hain.‘

sabhi ki ankhen khul geen.

rasik –‘mujhe usaki chuppi se jara sndeh hota hai.‘

amar –‘apake sndeh ka kya kahana. apako eeshvar par bhi sndeh hai.‘

mastaram –‘drametist bhi bahut khush ho raha tha. das-barah hazar ka vara-nyara hai. bhee, aj is khushi men ek davat honi chahie.t

guruprasad –‘are, to kuchh bohani-batta to ho jay.‘

mast –‘zi nahin, tab to jalasa hoga. aj davat hogi.‘

vinod –‘bhagy ke bali ho tum guruprasad.‘

rasik –‘meri ray hai, jara us drametist ko ganth liya jay. usaka maun mujhe bhayabhit kar raha hai.

mast –‘ap to vahi hue hain. vah nak ragadakar rah jay, tab bhi yah sauda hokar rahega. sethaji ab bachakar nikal nahin sakate.‘

vinod –‘ham logon ki bhoomika bhi to joradar thi.‘

amar –‘usi ne to rng jama diya. ab koee chhoti rakam kahane ka use sahas n hoga.‘

abhinay

rat ko guruprasad ke ghar mitron ki davat huee. doosare din koee 6 baje panchon adami sethaji ke pas ja pahunche. sndhya ka samay havakhori ka hai. aj motar par n ane ke lie bana-banaya bahana tha. sethaji aj behad khush najar ate the. kal ki vah muharrami soorat antadhardhan ho gayi thi. bat-bat par chahakate the, hnsate the, jaise lakhanoo ka koee rees ho. davat ka saman taiyar tha. mejon par bhojan chuna jane laga. angoor, sntare, kele, sookhe meve, kee kism ki mithaiyan, kee tarah ke murabbe, sharab adi saja diye gaye aur yaron ne khoob maje se davat khaee. sethaji mehamananavaji ke putale bane hue harek mehaman ke pas a-akar poochhate quchh aur mngavaoon ? kuchh to aur lijie. ap logon ke layaq bhojan yahan kahan ban sakata hai. bhojan ke uparant log baithe, to muamale ki batachit hone lagi. guruprasad ka hriday asha aur bhay se kanpane laga.

sethaji –‘huzoor ne bahut hi sundar natak likha hai. kya bat hai !’

drametist –‘yahan janata achchhe dramon ki kadr nahin karati, nahin to yah drama lajavab hota.‘

sethaji –‘zanata kadr nahin karati n kare, hamen janata ki bilakul paravah nahin hai, ratti barabar paravah nahin hai. main isaki taiyari men 40 hazar keval baboo sahab ki khatir se kharch kar doonga. apane itani mehanat se ek chiz likhi hai, to main usaka prachar bhi utane hi hausale se karoonga. hamare sahity ke lie kya yah kuchh kam saubhagy ki bat hai ki ap-jaise mahanh purush is kshetr men a gaye. yah kirti huzoor ko amar bana degi.‘

drametist –‘mainne to aisa drama aj tak nahin dekha. likhata main bhi hoon aur log bhi likhate hain. lekin apaki udan ko koee kya pahunchega ! kahin-kahin to apane sheksapiyar ko bhi mat kar diya hai.‘

sethaji –‘to janab, jo chiz dil ki umng se likhi jati hai, vah aisi hi advitiy hoti hai. sheksapiyar ne jo kuchh likha, rupaye ke lobh se likha. hamare doosare natakakar bhi dhan hi ke lie likhate hain. unamen vah bat kahan paida ho sakati hai. gosaeenji ki ramayan kyon amar hai, isilie ki vah bhakti aur prem se prerit hokar likhi gee hai. sadi ki gulistaau aur bostaau, homar ki rachanaen, isilie sthayi hain ki un kaviyon ne dil ki

umng se likha. jo umng se likhata hai, vah ek-ek shabd, ek-ek vaky, ek-ek ukti par mahinon kharch kar deta hai. dhanechchhu ko to ek kam jaldi se samapt karake doosara kam shuroo karane ki fikr hoti hai.‘

drametist –‘ap bilakul saty kah rahe hain. hamare sahity ki avanati keval isalie ho rahi hai ki ham sab dhan ke lie ya nam ke lie likhate hain.‘

sethaji –‘sochie, apane das sal keval sngit-kala men kharch kar diye. lakhon rupaye kalavnton aur gayakon ko de dale honge. kahan-kahan se aur kitane parishram aur khoj se is natak ki samagri ekatr ki. n jane kitane rajon-maharajon ko sunaya. is parishram aur lagan ka puraskar kaun de sakata hai.‘

drametist –‘mumakin hi nahin. aisi rachanaon ke puraskar ki kalpana karana hi unaka anadar karana hai. inaka puraskar yadi kuchh hai, to vah apani atma ka sntosh hai, vah sntosh apake ek-ek shabd se prakat hota hai.‘

sethaji –‘apane bilakul saty kaha, ki aisi rachanaon ka puraskar apani atma ka sntosh hai. yash to bahudha aisi rachanaon ko mil jata hai, jo sahity ke kalnk hain. apase drama le lijie aur aj hi part bhi takasim kar dijie. tin mahine ke andar ise khel dalana hoga.‘

mej par drame ki hastalipi padi huee thi. drametist ne use utha liya. guruprasad ne din netron se vinod ki or dekha, vinod ne amar ki or, amar ne rasik ki or, par shabd kisi ke munh se n nikala. sethaji ne mano, sabhi ke munh-si diye hon. drametist sahab kitab lekar chal diye.

sethaji ne muskarakar kaha, ‘huzoor ko thodi-si takaliph aur karani hogi. drama ka rirhasal shuroo ho jayaga, to apako thode dinon knpani ke sath rahane ka kasht uthana padega. hamare aiktar adhikansh gujarati hain. vah hindi bhasha ke shabdon ka shuddh uchcharan nahin kar sakate. kahin-kahin shabdon par anavashyak zor dete hain. apaki nigarani se yah sari buraiyan door ho jayngi. aiktaron ne yadi part achchha n kiya, to apake sare parishram par pani pad jayaga.‘ yah kahate hue unhonne ladake ko avaz di, ‘baauy ! ap logon ke lie sigar lao.‘ sigar a gaya. sethaji uth khade hue. yah mitr-mndali ke lie vidaee ki soochana thi. panchon sajjan bhi uthe. sethaji age-age dvar tak aye.

phir sabase hath milate hue kaha, ‘aj is garib kampani ka tamasha dekh lijie. phir yah snyog n jane kab prapt ho.‘

guruprasad ne mano kisi qabr ke niche se kaha, ‘ho saka to a jaoonga.‘

sadak par akar panchon mitr khade hokar ek-doosare ka munh takane lage. tab panchon hi zor se kahakaha, marakar hns pade.

vinod ne kaha, ‘yah ham sabaka gurughntal nikala.‘

amar –‘saph ankhon men dhool jhonk di.‘

rasik –‘main usaki chuppi dekhakar pahale hi dar raha tha ki yah koee palle sire ka ghagh hai.

mast –‘man gaya isaki khopadi ko. yah chapat umr bhar n bhoolegi.‘

guruprasad is alochana men sharik n hue. vah is tarah sir jhukaye chale ja rahe the, mano abhi tak vah sthiti ko samajh hi n paye hon.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah