होली का उपहार- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

maikoolal amarakant ke ghar shatarnj khelane aye, to dekha, vah kahin bahar jane ki taiyari kar rahe hain. poochha-kahin bahar ki taiyari kar rahe ho kya bhaee? phurasat ho, to ao, aj do-char bajiyan ho jaen.

amarakant ne sandook men aeena-knghi rakhate hue kaha-nahin bhaee, aj to bilakul phurasat nahin hai. kal jara sasural ja raha hoon. saman-aman thik kar raha hoon.

maikoo-to aj hi se kya taiyari karane lage? char qadam to hain. shayad pahali bar ja rahe ho?

‘amar-han yar, abhi ek bar bhi nahin gaya. meri ichchha to abhi jane ko n thi; par sasuraji agrah kar rahe hain.

maikoo-to kal sham ko uthana aur chal dena. adh ghante men to pahunch jaoge.

amar-mere hriday men to abhi se jane kaisi dhadaqan ho rahi hai. abhi tak to kalpana men patni-milan ka anand leta tha. ab vah kalpana pratyaksh huee jati hai. kalpana sundar hoti hai, pratyaksh kya hoga, kaun jane.

maikoo-to koee saugat le li hai? khali hath n jana, nahin munh hi sidha n hoga. amarakant ne koee saugat n liya tha. is kala men abhi abhyast n hue the.

maikoo bola-to ab le lo, bhale adami! pahali bar ja rahe ho, bhala vah dil men kya kahengi?

amar-to kya chiz le jaoon? mujhe to isaka khyal hi nahin aya. koee aisi chiz batao, jo kam kharch aur balanashin ho; kyonki ghar bhi rupaye bhejane hain, dada ne rupaye mange hain.

maikoo man-bap se alag rahata tha. vyngy karake bola-jab dada ne rupaye mange hain, to bhala kaise tal sakate ho! dada ka rupaye mangana koee mamooli bat to hai nahin?

amarakant ne vyngy n samajhakar kaha-han isi vajah se to mainne holi ke lie kapade bhi nahin banavaye. magar jab koee saugat le jana bhi zaroori hai, to kuchh-n-kuchh lena hi padega. halake damon ki koee chiz batalao.

donon mitron men vichar-vinimay hone laga. vishay bade hi mahatv ka tha. usi adhar par bhavi dampaty-jivan sukhamay ya isake pratikool ho sakata tha. pahale din billi ko marana agar jivan par sthayi prabhav dal sakata hai, to pahala upahar kya kam mahatv ka vishay hai? der tak bahas hoti rahi; par koee nishchay n ho saka.

usi vakt ek parasi mahila ek naye phaishan ki sadi pahane hue motar par nikal gayi. maikoolal ne kaha-agar aisi ek sadi le lo to vah zaroor khush ho jaen. kitana soophiyana rng hai. aur vaza kitani nirali! meri ankhon men to jaise bas gayi. hashim ki dookan se le lo. 25) men a jaegi.

amarakant bhi us sadi par mugdh ho raha tha. vadhoo yah sadi dekhakar kitani prasann hogi aur usake gore rng yah par kitani khilegi, vah isi kalpana men magn tha. bola-han yar, pasand to mujhe bhi hai; lekin hashim ki dookan par to piketing ho rahi hai.

‘to hone do. kharidane vale kharidate hi hain, apani ichchha hai, jo chiz chahate hain, kharidate hain, kisi ke baba ka sajha hai.’

amarakant ne kshama-prarthana ke bhav se kaha-yah to saty hai; lekin mere lie svaynsevakon ke bich se dookan men jana sambhav nahin hai. phir tamashaiyon ki haradam bhid bhi to lagi rahati hai.

maikoo ne manon usaki kayarata par daya karake kaha-to pichhe ke dvar se chale jana. vahan piketing nahin hoti.

‘kisi deshi dookan par n mil jaegi?’

‘hashim ki dookan ke siva aur kahin n milegi.’

2

sandhya ho gayi thi. aminabad men akarshan ka uday ho gaya tha. soory ki pratibha vidyut-prakash ke bulabulon men apani smriti chhod gayi thi.

amarakant dabe panv hashim ki dookan ke samane pahuncha. svaynsevakon ka dharana bhi tha aur tamashaiyon ki bhid bhi. usane do-tin bar andar jane ke lie kaleja mazaboot kiya, par phutapath tak jate-jate himmat ne javab de diya.

magar sadi lena zaroori tha. vah usaki ankhon men khub gayi thi. vah usake lie pagal ho raha tha.

akhir usane pichhavade ke dvar se jane ka nishchay kiya. jakar dekha, abhi tak vahan koee valantiyar n tha. jaldi se ek sapate men bhitar chala gaya aur bis-pachis minat men usi namoone ki ek sadi lekar phir usi dvar par aya; par itani hi der men paristhiti badal chuki thi. tin svaynsevak a pahunche the. amarakant ek minat tak dvar par duvidhe men khada raha. phir tir ki tarah nikal bhaga aur andhadhundh bhagata chala gaya. durbhagy ki bat! ek budhiy़a lathi tekati huee chali a rahi thi. amarakant usase takara gaya. budhiy़a gir padi aur lagi galiyan dene-ankhon men charbi chha gayi hai kya? dekhakar nahin chalate? yah javani dhai jaegi ek din.

amarakant ke panv age n ja sake. budhiy़a ko uthaya aur usase kshama mang rahe the ki tinon svaynsevakon ne pichhe se akar unhen gher liya. ek svaynsevak ne sadi ke paiket par hath rakhate hue kaha-billati kapada le jae ka hukm nahin na. bulait hai, to sunat nahin hau.

doosara bola-ap to aise bhage, jaise koee chor bhage?

tisara-hajjaran manee pakar-pakari ke jehal men bhara jat ahain, desh men ag lagi hai, aur inaka man billati mal se nahin bhara.

amarakant ne paiket ko donon hathon se mazaboot karake kaha-tum log mujhe jane doge ya nahin.

pahale svaynsevak ne paiket par hath badhate hue kaha-jae kasan deee. billati kapada leke tum yahan se kabaun nahin jay sakat hau.

amarakant ne paiket ko ek jhatake se chhudakar kaha-tum mujhe hargij nahin rok sakate.

unhonne qadam age badhaya, magar do svaynsevak turant usake samane let gaye. ab bechare badi mushkil men phnse. jis vipatti se bachana chahate the, vah jabaradasti gale pad gayi. ek minat men bison adami jama ho gaye. charon taraph se un tippaniyan hone lagin.

‘koee jantulamain maloom hote hain.’

‘yah log apane ko shikshit kahate hain. chhi:! is dookan par se roj das-panch adami giraphtar hote hain; par apako isaki kya paravah!’

‘kapada chhin lo aur kah do, jakar pulis men rapat karen.’

‘bechare bediy़an-si pahane khade the. kaise gala chhoote, isaka koee upay n soojhata tha. maikoolal par krodh a raha tha ki usi ne yah rog unake sir madha. unhen to kisi saugat ki fikr n thi. aye vahan se ki koee saugat le lo.

kuchh der tak log tippaniyan hi karate rahe, phir chhin-jhapat shuroo huee. kisi ne sir se topi uda di. usaki taraph lapake, to ek ne sadi ka paiket hath se chhin liya. phir vah hathon-hath gayab ho gayi.

amarakant ne bigadaqar kaha-main pulis men riport karata hoon.

ek adami ne kaha-han-han, zaroor jao aur ham sabhi ko phansi chadhava do!

sahasa ek yuvati khaddar ki sadi pahane, ek thaila lie a nikali. yahan yah hudadng dekhakar boli-kya muamala hai? tum log kyon is bhale adami ko dik kar rahe ho?

amarakant ki jan men jan ayi. usake pas jakar phariyad karane lage-ye log mere kapade chhinakar bhag gaye hain aur unhen gayab kar diya. main ise daka kahata hoon, yah chori hai. ise main n satyagrah kahata hoon, n desh prem.

yuvati ne dilasa diya-ghabadaie nahin! apake kapade mil jaenge honge to inhin logon ke pas! kaise kapade the?

ek svaynsevak bola-bahanaji, inhonne hashim ki dookan se kapade liye hain.

yuvati-kisi ki dookan se liye hon, tumhen unake hath se kapada chhinane ka koee adhikar nahin hai. apake kapade vapas la do. kisake pas hain?

ek kshan men amarakant ki sadi jaise hathonhath gayi thi, vaise hi hathonhath vapas a gayi. jara der men bhid bhi gayab ho gayi. svaynsevak bhi chale gaye. amarakant ne yuvati ko dhanyavad dete hue kaha-ap is samay n ayi hotin to in logon ne dhoti to gayab kar hi di thi, shayad meri khabar bhi lete.

yuvati ne saral bhatrsana ke bhav se kaha-jan sampatti ka lihaz sabhi ko karana padata hai; magar apane is dookan se kapade liye hi kyon? jab ap dekh rahe hain ki vahan hamare oopar kitana atyachar ho raha hai, phir bhi ap n mane. jo log samajhakar bhi nahin samajhate, unhen kaise koee samajhaye!

amarakant is samay lajjit ho gaye aur apane mitron men baithakar ve jo svechchha ke rag alapa karate the, vah bhool gaye. bole-mainne apane lie nahin kharide hain, ek mahila ki faramaish thi; isalie majaboor tha.

‘un mahila ko apane samajhaya nahin?’

‘ap samajhatin, to shayad samajh patin, mere samajhane se to n samajhin.’

‘kabhi avasar mila, to zaroor samajhane ki cheshta karoongi. purushon ki nakel mahilaon ke hath men hai! ap kis muhalle men rahate hain?

‘sadagnj men.’

‘shubhanam?’

‘amarakant.’

yuvati ne turant jara-sa ghoonghat khinch liya aur sir jhukakar snkoch aur sneh se sane svar men boli-apaki patni to apake ghar men nahin hai, usane faramaish kaise ki?

amarakant ne chakit hokar poochha-ap kis muhalle men rahati hain?

‘ghasiyari mandi.’

‘apaka nam sukhadadevi to nahin hai?’

‘ho sakata hai, is nam ki kee striyan hain.’

‘apake pita ka nam jvaladattaji hai?’

‘us nam ke bhi kee adami ho sakate hain.’

amarakant ne jeb se diyasalaee nikali aur vahin sukhada ke samane us sadi ko jala diya.

sukhada ne kaha-ap kal aenge?

amarakant ne avaruddh kanth se kaha-nahin sukhada, jab tak isaka prayashchit n kar loonga, n aoonga.

sukhada kuchh aur kahane ja rahi thi ki amarakant teji se qadam badhakar doosari taraph chale gaye.

3

aj holi hai; magar azadi ke matavalon ke lie n holi hai n basant. hashim ki dookan par aj bhi piketing ho rahi hai, aur tamashaee aj bhi jama hain. aj ke svaynsevakon men amarakant bhi khade piketing kar rahe hain. unaki deh par khaddar ka kurata hai aur khaddar ki dhoti. hath men tirnga jhanda liye hain.

ek svaynsevak ne kaha-panidaron ko yon bat lagati hai. kal tum kya the, aj kya ho! sukhada devi n a jatin, to badi mushkil hoti.

amar ne kaha-main unake lie tum logon ko dhanyavad deta hoon. nahin main aj yahan n hota.

‘aj tumhen n ana chahie tha. sukhada bahan to kahati thin, main aj unhen n jane doongi.’

‘kal ke apaman ke bad ab main unhen munh dikhane yogy nahin hoon. jab vah ramani hokar itana kar sakati hain, to ham to har tarah ke kasht uthane ke lie bane hi hain. khasakar jab bal-bachchon ka bhar sir par nahin hai.’

usi vakt pulis ki lari ayi, ek sab inspektar utara aur svaynsevakon ke pas akar bola-main tum logon ko giraphtar karata hoon.

‘vande mataramh ’ ki dhvani huee. tamashaiyon men kuchh halachal huee. log do-do qadam aur age badh aye. svaynsevakon ne darshakon ko pranam kiya aur muskarate hue lari men ja baithe. amarakant sabase age the. lari chalana hi chahati thi, ki sukhada kisi taraph se daudi huee a gayi. usake hath men ek pushpamala thi, lari ka dvar khula tha. usane oopar chadhaqar vah amarakant ke gale men dal di. ankhon se sneh aur garv ki do boonden tapak padin. lari chali gayi. yahi holi thi, yahi holi ka anand-milan tha.

usi vakt sukhada dookan par khadi hokar boli-vilayati kapade kharidana aur pahanana deshadroh hai!

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah