ईश्वरीय न्याय -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

kanapur zile men pndit bhrigudatt namak ek bade zamindar the. munshi satyanarayan unake karinda the. vah bade svamibhakt aur sachcharitr manushy the. lakhon rupaye ki tahasil aur hajaron man anaj ka len-den unake hath men tha; par kabhi unaki niyat davaaundol n hoti. unake suprabndh se riyasat dinondin unnati karati jati thi. aise kattarvyaparayan sevak ka jitana samman hona chahie, usase adhik hi hota tha. du:kh-sukh ke pratyek avasar par pndit ji unake sath badi udarata se pesh ate. dhire-dhire munshi ji ka vishvas itana badha ki pndit ji ne hisab-kitab ka samajhana bhi chhod diya. sambhav hai, unase ajivan isi tarah nibh jati, par bhavi prabal hai. prayag men kumbh laga, to pndit ji bhi snan karane gaye. vahan se lautakar phir ve ghar n aye. maloom nahin, kisi gadhe men phisal pade ya koee jal-jntu unhen khinch le gaya, unaka phir kuchh pata hi n chala. ab munshi satyanaran ke adhikar aur bhi badhe. ek hatabhagini vidhava aur do chhote-chhote bachchon ke siva pndit ji ke ghar men aur koee n tha. antyeshti-kriya se nivritt hokar ek din shokatur pnditain ne unhen bulaya aur rokar kaha—lala, pndit ji hamen mnjhadhar men chhodakar surapur ko sidhar gaye, ab yah naiya tumhi par lagaoge to lag sakati hai. yah sab kheti tumhari lagayi huee hai, ise tumhare hi oopar chhodati hoon. ye tumhare bachche hain, inhen apanao. jab tak malik jiye, tumhen apana bhaee samajhate rahe. mujhe vishvas hai ki tum usi tarah is bhar ko snbhale rahoge.

satyanaran ne rote hue javab diya—bhabhi, bhaiya kya uth gaye, mere to bhagy hi phoot gaye, nahin to mujhe adami bana dete. main unhin ka namak khakar jiya hoon aur unhin ki chakari men marunga bhi. ap dhiraj rakhen. kisi prakar ki chinta n karen. main jite-ji apaki seva se munh n modoonga. ap keval itana kijiega ki main jis kisi ki shikayat karun, use daaunt dijiega; nahin to ye log sir chadh jaeenge.

2

is ghatana ke bad kee varsho tak munshiji ne riyasat ko snbhala. vah apane kam men bade kushal the. kabhi ek kaudi ka bhi bal nahin pada. sare zile men unaka samman hone laga. log pndit ji ko bhool- sa gaye. darabaron aur kametiyon men ve sammilit hote, zile ke adhikari unhin ko zamindar samajhate. any reeson men unaka adar tha; par man-vridvi ki mahngi vastu hai. aur bhanukunvari, any striyon ke sadrish paise ko khoob pakadati. vah manushy ki manovrittiyon se parichit n thi. pndit ji hamesha lala ji ko inam ikaram dete rahate the. ve janate the ki gyan ke bad eeman ka doosara stambh apani sudasha hai. isake siva ve khud bhi kabhi kagajon ki jaaunch kar liya karate the. namamatr hi ko sahi, par is nigarani ka dar jarur bana rahata tha; kyonki eeman ka sabase bada shatru avasar hai. bhanukunvari in baton ko janati n thi. atev avasar tatha dhanabhav-jaise prabal shatruon ke pnje men pad kar munshiji ka eeman kaise bedag bachata?

kanapur shahar se mila hua, thik gnga ke kinare, ek bahut azad aur upajaoo gaaunv tha. pndit ji is gaaunv ko lekar nadi-kinare pakka ghat, mndir, bag, makan adi banavana chahate the; par unaki yah kamana saphal n ho saki. snyog se ab yah gaaunv bikane laga. unake zamindar ek thakur sahab the. kisi faujadari ke mamale men phnse hue the. mukadama ladane ke lie rupaye ki chah thi. munshiji ne kachahari men yah samachar suna. chatapat mol-tol hua. donon taraph garaj thi. sauda patane men der n lagi, bainama likha gaya. rajistri huee. rupaye maujood n the, par shahar men sakh thi. ek mahajan ke yahan se tis hazar rupaye mngavaye gaye aur thakur sahab ko najar kiye gaye. han, kam-kaj ki asani ke khayal se yah sab likha-padhi munshiji ne apane hi nam ki; kyonki malik ke ladake abhi nabalig the. unake nam se lene men bahut jhnjhat hoti aur vilamb hone se shikar hath se nikal jata. munshiji bainama liye asim annd men magn

bhanukunvari ke pas aye. parda karaya aur yah shubh-samachar sunaya. bhanukunvari ne sajal netron se unako dhanyavad diya. pndit ji ke nam par mandir aur ghat banavane ka irada pakka ho gaya.

munshi ji doosare hi din us gaaunv men aye. asami najarane lekar naye svami ke svagat ko hajir hue. shahar ke reeson ki davat huee. logon ke navon par baith kar gnga ki khoob sair ki. mandir adi banavane ke lie abadi se hat kar ramanik sthan chuna gaya.

3

yadyapi is gaaunv ko apane nam lete samay munshi ji ke man men kapat ka bhav n tha, tathapi do-char din men hi unaka ankur jam gaya aur dhire-dhire badhane laga. munshi ji is gaaunv ke ay-vyay ka hisab alag rakhate aur apane svaminon ko usaka byoro samajhane ki jarurat n samajhate. bhanukunvari in baton men dakhal dena uchit n samajhati thi; par doosare karindon se baten sun-sun kar use shnka hoti thi ki kahin munshi ji daga to n denge. apane man ka bhav munshi se chhipati thi, is khayal se ki kahin karindon ne unhen hani pahunchane ke lie yah shadayntr n racha ho.

is tarah kee sal gujar gaye. ab us kapat ke ankur ne vriksh ka rup dharan kiya. bhanukunvari ko munshi ji ke us marg ke lakshan dikhayi dene lage. udhar munshi ji ke man ne qanoon se niti par vijay payi, unhonne apane man men phaisala kiya ki gaaunv mera hai. han, main bhanukunvari ka tis hazar ka rini avashy hoon. ve bahut karengi to apane rupaye le lengi aur kya kar sakati hain? magar donon taraph yah ag andar hi andar sulagati rahi. munshi ji astrasajjit hokar akraman ke intazar men the aur bhanukunvari isake lie avasar dhoondh rahi thi. ek din usane sahas karake munshi ji ko andar bulaya aur kaha—lala ji ‘baragada’ ke mandir ka kam kab se lagavaiega? use liye ath sal ho gaye, ab kam lag jae to achchha ho. zindagi ka kaun thikana hai, jo kam karana hai; use kar hi dalana chahie.

is dhng se is vishay ko utha kar bhanukunvari ne apani chaturaee ka achchha parichay diya. munshi ji bhi dil men isake kayal ho gaye. jara soch kar bole—irada to mera kee bar hua, par mauke ki zamin nahin milati. gngatat ki zamin asamiyon ke jot men hai aur ve kisi tarah chhodane par raji nahin.

bhanukunvari—yah bat to aj mujhe maloom huee. ath sal hue, is gaaunv ke vishay men apane kabhi bhool kar bhi di to charcha nahin ki. maloom nahin, kitani tahasil hai, kya munapha hai, kaisa gaaunv hai, kuchh sir hoti hai ya nahin. jo kuchh karate hain, ap hi karate hain aur karenge. par mujhe bhi to maloom hona chahie?

munshi ji snbhal uthe. unhen maloom ho gaya ki is chatur stri se bazi le jana mushkil hai. gaaunv lena hi hai to ab kya dar. khul kar bole—apako isase koee sarokar n tha, isalie mainne vyarth kasht dena munasib n samajha.

bhanukunvari ke hriday men kuthar-sa laga. parde se nikal ayi aur munshi ji ki taraph tej ankhon se dekh kar boli—ap kya kahate hain! apane gaaunv mere liye liya tha ya apane lie! rupaye mainne diye ya apane? us par jo kharch pada, vah mera tha ya apaka? meri samajh men nahin ata ki ap kaisi baten karate hain.

munshi ji ne savadhani se javab diya—yah to ap janati hain ki gaaunv hamare nam se basa hua hai. rupaya jarur apaka laga, par main usaka denadar hoon. raha tahasil-vasool ka kharch, yah sab mainne apane pas se diya hai. usaka hisab-kitab, ay-vyay sab rakhata gaya hoon.

bhanukunvari ne krodh se kaaunpate hue kaha—is kapat ka phal apako avashy milega. ap is nirdayata se mere bachchon ka gala nahin kat sakate. mujhe nahin maloom tha ki apane hriday men chhuri chhipa rakhi hai, nahin to yah naubat hi kyon ati. khair, ab se meri rokad aur bahi khata ap kuchh n chhuऍn. mera jo kuchh hoga, le loongi. jaie, ekant men baith kar sochie. pap se kisi ka bhala nahin hota. tum samajhate hoge ki balak anath hain, inaki sampatti hajam kar loonga. is bhool men n rahana, main tumhare ghar ki eet tak bikava loongi.

yah kahakar bhanukunvari phir parde ki ad men a baithi aur rone lagi. striyaaun krodh ke bad kisi n kisi bahane roya karati hain. lala sahab ko koee javab n soojha. yahan se uth aye aur daftar jakar kagaz ulat-palat karane lage, par bhanukunvari bhi unake pichhe-pichhe daftar men pahunchi aur daaunt kar boli—mera koee kagaz mat chhoona. nahin to bura hoga. tum vishaile sanp ho, main tumhara munh nahin dekhana chahati.

munshi ji kagajon men kuchh kat-chhaaunt karana chahate the, par vivash ho gaye. khazane ki kunji nikal kar phenk di, bahi-khate patak diye, kivad dhadake-se bnd kiye aur hava ki tarah sann-se nikal gaye. kapat men hath to dala, par kapat mantr n jana.

doosaren karindon ne yah kaiphiyat suni, to phoole n samaye. munshi ji ke samane unaki dal n galane pati. bhanukunvari ke pas akar ve ag par tel chhidakane lage. sab log is vishay men sahamat the ki munshi satyanarayan ne vishvasaghat kiya hai. malik ka namak unaki haddiyon se phoot-phoot kar nikalega.

donon or se mukadamebaji ki taiyariyaaun hone lagin! ek taraph nyay ka sharir tha, doosari or nyay ki atma. prakriti ka purush se ladane ka sahas hua.

bhanakunvari ne lala chhakkan lal se poochha—hamara vakil kaun hai? chhakkan lal ne idhar-udhar jhaaunk kar kaha—vakil to seth ji hain, par satyanarayan ne unhen pahale gaaunth rakha hoga. is mukadamen ke lie bade hoshiyar vakil ki jarurat hai. mehara baboo ki ajakal khoob chal rahi hai. hakim ki kalam pakad lete hain. bolate hain to jaise motarakar chhoot jati hai sarakar! aur kya kahen, kee adamiyon ko phaaunsi se utar liya hai, unake samane koee vakil jaban to khol nahin sakata. sarakar kahen to vahi kar liye jaen.

chhakkan lal ki atyukti se sndeh paida kar liya. bhanukunvari ne kaha—nahin, pahale seth ji se poochh liya jae. usake bad dekha jayaga. ap jaie, unhen bula laie.

chhakkanalal apani takadir ko thonkate hue seth ji ke pas gaye. seth ji pndit bhrigudatt ke jivan- kal se hi unaka qanoon-sambandhi sab kam kiya karate the. mukadame ka hal suna to sannate men a gaye. satyanaran ko yah bada nekaniyat adami samajhate the. unake patan se bada khed hua. usi vakt aye. bhanukunvari ne ro-ro kar unase apani vipatti ki katha kahi aur apane donon ladakon ko unake samane khada karake boli—ap in anathon ki raksha kijie. inhen main apako saunpati hoon.

seth ji ne samajhaute ki bat chhedi. bole—apas ki ladaee achchhi nahin.

bhanukunvari—anyayi ke sath ladana hi achchha hai.

seth ji—par hamara paksh nirbal hai.

bhanukunvari phir parde se nikal ayi aur vismit hokar boli—kya hamara paksh nirbal hai? duniya janati hai ki gaaunv hamara hai. use hamase kaun le sakata hai? nahin, main sulah kabhi n karungi, ap kagajon ko dekhen. mere bachchon ki khatir yah kasht uthayen. apaka parishram nishphal n jayaga. satyanarayan ki niyat pahale kharab n thi. dekhie jis miti men gaaunv liya gaya hai, us miti men tis hazar ka kya kharch dikhaya gaya hai. agar usane apane nam udhar likha ho, to dekhie, varshik sood chukaya gaya ya nahin. aise narapishach se main kabhi sulah n karungi.

seth ji ne samajh liya ki is samay samajhane-bujhane se kuchh kam n chalega. kagajat dekhen, abhiyog chalane ki taiyariyaaun hone lagin.

4

munshi satyanarayanalal khisiyaye hue makan pahunche. ladake ne mithaee maaungi. use pita. stri par isalie baras pade ki usane kyon ladake ko unake pas jane diya. apani vriddha mata ko daaunt kar kaha—tumase itana bhi nahin ho sakata ki jara ladake ko bahalao? ek to main din-bhar ka thaka-maaunda ghar aoon aur phir ladake ko khelaoon? mujhe duniya men n aur koee kam hai, n dhndha. is tarah ghar men bavaila macha kar bahar aye, sochane lage—mujhase badi bhool huee. main kaisa moorkh hoon. aur itane din tak sare kagaj-patr apane hath men the. chahata, kar sakata tha, par hath par hath dhare baithe raha. aj sir par a padi, to soojhi. main chahata to bahi-khate sab naye bana sakata tha, jisamen is gaaunv ka aur rupaye ka zikr hi n hota, par meri moorkhata ke karan ghar men ayi huee lakshmi ruthi jati hain. mujhe kya maloom tha ki vah chudail mujhase is tarah pesh ayegi, kagajon men hath tak n lagane degi.

isi udhedabun men munshi ji ekaek uchhal pade. ek upay soojh gaya—kyon n karyakarttaon ko mila loon? yadyapi meri sakhti ke karan ve sab mujhase naraz the aur is samay sidhe bat bhi n karenge, tathapi unamen aisa koee bhi nahin, jo pralobhan se muththi men n a jae. han, isamen rupaye pani ki tarah bahana padega, par itana rupaya ayega kahan se? hay durbhagy? do-char din pahale chet gaya hota, to koee kathinaee n padati. kya janata tha ki vah dain is tarah vajr-prahar karegi. bas, ab ek hi upay hai. kisi tarah kagajat gum kar doon. badi jokhim ka kam hai, par karana hi padega.

dushkamanaon ke samane ek bar sir jhukane par phir snbhalana kathin ho jata hai. pap ke athah daladal men jahan ek bar pade ki phir pratikshan niche hi chale jate hain. munshi satyanarayan-sa vicharashil manushy is samay is fikr men tha ki kaise sendh laga paoon!

munshi ji ne socha—kya sendh lagana asan hai? isake vaste kitani chaturata, kitana sahab, kitani buddhi, kitani virata chahie! kaun kahata hai ki chori karana asan kam hai? main jo kahin pakada gaya, to marane ke siva aur koee marg n rahega.

bahut sochane-vicharane par bhi munshi ji ko apane oopar aisa dussahas kar sakane ka vishvas n ho saka. han, isamen sugam ek doosari tadabir najar ayi—kyon n daftar men ag laga doon? ek botal mitti ka tel aur diyasalaee ki jarurat hain kisi badamash ko mila loon, magar yah kya maloom ki vahi usi kamare men rakhi hai ya nahin. chudail ne use jarur apane pas rakh liya hoga. nahin; ag lagana gunah belajjat hoga.

bahut der munshi ji karavaten badalate rahe. naye-naye manasoobe sochate; par phir apane hi tarko se kat dete. varshakal men badalon ki nayi-nayi sooraten banati aur phir hava ke veg se bigad jati hain; vahi dasha is samay unake manasoobon ki ho rahi thi.

par is manasik ashanti men bhi ek vichar poornarup se sthir tha—kisi tarah in kagajat ko apane hath men lana chahie. kam kathin hai—mana! par himmat n thi, to rar kyon mol li? kya tis hazar ki jayadad dal-bhat ka kaur hai?—chahe jis tarah ho, chor bane bina kam nahin chal sakata. akhir jo log choriyaaun karate hain, ve bhi to manushy hi hote hain. bas, ek chhalaaung ka kam hai. agar par ho gaye, to raj karenge, gir pade, to jan se hath dhoyenge.

5

rat ke das baj gaye. munshi satyanaran kunjiyon ka ek guchchha kamar men dabaye ghar se bahar nikale. dvar par thoda-sa pual rakha hua tha. use dekhate hi ve chaunk pade. mare dar ke chhati dhadakane lagi. jan pada ki koee chhipa baitha hai. qadam ruk gaye. pual ki taraph dhyan se dekha. usamen bilakul harakat n huee! tab himmat baaundhi, age bade aur man ko samajhane lage—main kaisa baukhal hoon

apane dvar par kisaka dar aur sadak par bhi mujhe kisaka dar hai? main apani rah jata hoon. koee meri taraph tirachhi ankh se nahin dekh sakata. han, jab mujhe sendh lagate dekh le—nahin, pakad le tab alabatte darane ki bat hai. tis par bhi bachav ki yukti nikal sakati hai.

akasmat unhonne bhanukunvari ke ek chaparasi ko ate hue dekha. kaleja dhadak utha. lapak kar ek andheri gali men ghus gaye. badi der tak vahan khade rahe. jab vah sipahi ankhon se ojhal ho gaya, tab phir sadak par aye. vah sipahi aj subah tak inaka gulam tha, use unhonne kitani hi bar galiyaaun di thin, laten mari thin, par aj use dekhakar unake pran sookh gaye.

unhonne phir tark ki sharan li. main manon bhng khakar aya hoon. is chaparasi se itana dara mano ki vah mujhe dekh leta, par mera kar kya sakata tha? hajaron adami rasta chal rahe hain. unhin men main bhi ek hoon. kya vah antaryami hai? sabake hriday ka hal janata hai? mujhe dekhakar vah adab se salam karata aur vahan ka kuchh hal bhi kahata; par main usase aisa dara ki soorat tak n dikhayi. is tarah man ko samajha kar ve age badhe. sach hai, pap ke pnjon men phnsa hua man patajhad ka patta hai, jo hava ke jara-se jhonke se gir padata hai.

munshi ji bazar pahunche. adhikatar dookanen bnd ho chuki thin. unamen saaund aur gayen baithi huee jugali kar rahi thi. keval halavaiyon ki dookanen khuli thi aur kahin-kahin gajarevale har ki hank lagate phirate the. sab halavaee munshi ji ko pahachanate the, atev munshi ji ne sir jhuka liya. kuchh chal badali aur lapakate hue chale. ekaek unhen ek bagghi ati dikhayi di. yah seth ballabhadas savakil ki bagghi thi. isamen baithakar hajaron bar seth ji ke sath kachahari gaye the, par aj vah bagghi kaladev ke saman bhaynkar maloom huee. phauran ek khali dookan par chadh gaye. vahan vishram karane vale saaund ne samajha, ve mujhe padachyut karane aye hain! matha jhukaye phunkarata hua uth baitha; par isi bich men bagghi nikal gayi aur munshi ji ki jan men jan ayi. abaki unhonne tark ka ashray n liya. samajh gaye ki is samay isase koee labh nahin, khairiyat yah huee ki vakil ne dekha nahin. yah ek ghagh hain. mere chehare se tad jata.

kuchh vidvanon ka kathan hai ki manushy ki svabhavik pravritti pap ki or hoti hai, par yah kora anuman hi anuman hai, anubhav-siddh bat nahin. sach bat to yah hai ki manushy svabhavat: pap-bhiru hota hai aur ham pratyaksh dekh rahe hain ki pap se use kaisi ghrina hoti hai.

ek pharlang age chal kar munshi ji ko ek gali mili. vah bhanukunvari ke ghar ka ek rasta tha. dhundhali-si lalaten jal rahi thi. jaisa munshi ji ne anuman kiya tha, paharedar ka pata n tha. astabal men chamaron ke yahan nach ho raha tha. kee chamarinen banav-singar karake nach rahi thin. chamar mridng baja-baja kar gate the—

‘nahin ghare shyam, gheri aye badara.

sovat raheun, sapan ek dekheun, rama.

khuli gayi nind, dharak gaye kajara.

nahin ghare shyam, gheri aye badara.’

donon paharedar vahi tamasha dekh rahe the. munshi ji dabe-paaunv lalaten ke pas ge aur jis tarah billi choohe par jhapatati hai, usi tarah unhonne jhapat kar lalaten ko bujha diya. ek padav poora ho gaya, par ve us kary ko jitana dushkar samajhate the, utana n jan pada. hriday kuchh mazaboot hua. daftar ke baramade men pahunche aur khoob kan lagakar ahat li. charon or sannata chhaya hua tha. keval chamaron ka kolahal sunayi deta tha. is samay munshi ji ke dil men dhadakan thi, par sir dhamadham kar raha tha; hath-paaunv kaaunp rahe the, saauns bade veg se chal rahi thi. sharir ka ek-ek rom ankh aur kan bana hua tha. ve sajivata ki moorti ho rahe the. unamen jitana paurush, jitani chapalata, jitana-sahas, jitani chetana, jitani buddhi, jitana ausan tha, ve sab is vakt sajag aur sachet hokar ichchha-shakti ki sahayata kar rahe the.

daftar ke daravaze par vahi purana tala laga hua tha. isaki kunji aj bahut talash karake ve bazar se laye the. tala khul gaya, kivado ne bahut dabi jaban se pratirodh kiya. is par kisi ne dhyan n diya. munshi ji daftar men dakhil hue. bhitar chirag jal raha tha. munshi ji ko dekh kar usane ek daphe sir hilaya, mano unhen bhitar ane se roka.

munshi ji ke pair thar-thar kaaunp rahe the. ediyaaun zamin se uchhali padati thin. pap ka bojh unhen asahy tha.

pal-bhar men munshi ji ne bahiyon ko ulata-palata. likhavat unaki ankhon men tair rahi thi. itana avakash kahan tha ki zaroori kagajat chhaaunt lete. unhonnen sari bahiyon ko samet kar ek gatthar banaya aur sir par rakh kar tir ke saman kamare ke bahar nikal aye. us pap ki gathari ko lade hue vah andheri gali se gayab ho ge.

tng, andheri, durgandhapoorn kichad se bhari huee galiyon men ve nnge paaunv, svarth, lobh aur kapat ka bojh lie chale jate the. mano papamay atma narak ki naliyon men bahi chali jati thi.

bahut door tak bhatakane ke bad ve gnga kinare pahunche. jis tarah kalushit hridayon men kahin-kahin dharm ka dhundhala prakash rahata hai, usi tarah nadi ki kali satah par tare jhilamila rahe the. tat par kee sadhu dhooni jamaye pade the. gyan ki jvala man ki jagah bahar dahak rahi thi. munshi ji ne apana gatthar utara aur chadar se khoob mazaboot baaundh kar balapoorvak nadi men phenk diya. soti huee laharon men kuchh halachal huee aur phir sannata ho gaya.

munshi satayanaranalal ke ghar men do striyaaun thin—mata aur patni. ve donon ashikshita thin. tis par bhi munshi ji ko gnga men doob marane ya kahin bhag jane ki jarurat n hoti thi ! n ve baaudi pahanati thi, n moje-joote, n haramoniyam par ga sakati thi. yahan tak ki unhen sabun lagana bhi n ata tha. heyarapin, bruchej, jaket adi paramavashyak chijon ka to nam hi nahin suna tha. bahoo men atm- samman jara bhi nahin tha; n sas men atm-gaurav ka josh. bahoo ab tak sas ki ghudakiyaaun bhigi billi ki tarah sah leti thi—ha moorkhe ! sas ko bachche ke nahalane-dhulane, yahan tak ki ghar men jhadoo dene se bhi ghrina n thi, ha gyanandhe! bahoo stri kya thi, mitti ka londa thi. ek paise ki jarurat hoti to sas se maaungati. saransh yah ki donon striyaaun apane adhikaron se bekhabar, andhakar men padi huee pashuvath jivan vyatit karati thin. aisi phoohad thi ki rotiyan bhi apane hathon se bana leti thi. knjoosi ke mare dalamot, samose kabhi bazar se n mngatin. agare vale ki dookan ki chizen khayi hoti to unaka maja janatin. budhiya khoosat dava-darapan bhi janati thi. baithi-baithi ghas- pat koota karati.

munshi ji ne maaun ke pas jakar kaha—ammaaun ! ab kya hoga? bhanukunvari ne mujhe javab de diya.

mata ne ghabara kar poochha—javab de diya?

munshi—han, bilakul bekasoor!

mata—kya bat huee? bhanukunvari ka mizaj to aisa n tha.

munshi—bat kuchh n thi. mainne apane nam se jo gaaunv liya tha, use mainne apane adhikar men kar liya. kal mujhase aur unase saph-saph baten huee. mainne kah diya ki gaaunv mera hai. mainne apane nam se liya hai, usamen tumhara koee ijara nahin. bas, bigad gayin, jo munh men aya, bakati rahin. usi vakt mujhe nikal diya aur dhamaka kar kaha—main tumase lad kar apana gaaunv le loongi. ab aj hi unaki taraph se mere oopar mukadama dayar hoga; magar isase hota kya hai? gaaunv mera hai. us par mera qabza hai. ek nahin, hazar mukadamen chalaen, digari meri hogi?

mata ne bahoo ki taraph marmantak drishti se dekha aur boli—kyon bhaiya? vah gaaunv liya to tha tumane unhin ke rupaye se aur unhin ke vaste?

munshi—liya tha, tab liya tha. ab mujhase aisa abad aur maladar gaaunv nahin chhoda jata. vah mera kuchh nahin kar sakati. mujhase apana rupaya bhi nahin le sakati. dedh sau gaaunv to hain. tab bhi havas nahin manati.

mana—beta, kisi ke dhan zyada hota hai, to vah use phenk thode hi deta hai? tumane apani niyat bigadi, yah achchha kam nahin kiya. duniya tumhen kya kahegi? aur duniya chahe kahe ya n kahe, tumako bhala aisa karana chahie ki jisaki god men itane din pale, jisaka itane dinon tak namak khaya, ab usi se daga karo? narayan ne tumhen kya nahin diya? maje se khate ho, pahanate ho, ghar men narayan ka diya char paisa hai, bal-bachche hain, aur kya chahie? mera kahana mano, is kalnk ka tika apane mathe n lagao. yah apajas mat lo. barakkat apani kamaee men hoti hai; haram ki kaudi kabhi nahin phalati.

munshi—oonh! aisi baten bahut sun chuka hoon. duniya un par chalane lage, to sare kam band ho jaen. mainne itane dinon inaki seva ki, meri hi badaulat aise-aise char-paaunch gaaunv badh ge. jab tak pndit ji the, meri niyat ka man tha. mujhe ankh men dhool dalane ki jarurat n thi, ve ap hi meri khatir kar diya karate the. unhen mare ath sal ho ge; magar musammat ke ek bide pan ki kasam khata hoon; meri jat se unako hajaron rupaye-masik ki bachat hoti thi. kya unako itani bhi samajh n thi ki yah bechara, jo itani eemanadari se mera kam karata hai, is naphe men kuchh use bhi milana chahie? yah kah kar n do, inam kah kar do, kisi tarah do to, magar ve to samajhati thi ki mainne ise bis rupaye mahine par mol le liya hai. mainne ath sal tak sab kiya, ab kya isi bis rupaye men gulami karata rahoon aur apane bachchon ko doosaron ka munh takane ke lie chhod jaoon? ab mujhe yah avasar mila hai. ise kyon chhodoon? jamindari ki lalasa liye hue kyon marun? jab tak jioonga, khud khaoonga. mere pichhe mere bachche chain udayenge.

mata ki ankhon men ansoo bhar aye. boli—beta, mainne tumhare munh se aisi baten kabhi nahin suni thin, tumhen kya ho gaya hai? tumhare age bal-bachche hain. ag men hath n dalo.

bahoo ne sas ki or dekh kar kaha—hamako aisa dhan n chahie, ham apani dal-roti men magan hain.

munshi—achchhi bat hai, tum log roti-dal khana, gadha pahanana, mujhe ab halve-poori ki ichchha hai.

mata—yah adharm mujhase n dekha jayaga. main gnga men doob marungi.

patni—tumhen yah sab kaaunta bona hai, to mujhe mayake pahuncha do, main apane bachchon ko lekar is ghar men n rahoongi!

munshi ne jhunjhala kar kaha—tum logon ki buddhi to bhaaung kha gayi hai. lakhon sarakari naukar rat-din doosaron ka gala daba-daba kar rishvaten lete hain aur chain karate hain. n unake bal-bachchon hi ko kuchh hota hai, n unhin ko haija pakadata hai. adharm unako kyon nahin kha jata, jo mujhi ko kha jayaga. mainne to satyavadiyon ko sada du:kh jhelate hi dekha hai. mainne jo kuchh kiya hai, sukh lootoonga. tumhare man men jo aye, karo.

prat:kal daftar khula to kagajat sab gayab the. munshi chhakkanalal baukhalaye se ghar men gaye aur malakin se poochha—kagajat apane uthava lie hain.

bhanukunvari ne kaha—mujhe kya khabar, jahan apane rakhe honge, vahin honge.

phir sare ghar men khalabali pad gayi. paharedaron par mar padane lagi. bhanukunvari ko turant munshi satyanarayan par sndeh hua, magar unaki samajh men chhakkanalal ki sahayata ke bina yah kam hona asambhav tha. pulis men rapat huee. ek ojha nam nikalane ke lie bulaya gaya. maulavi sahab ne kurra phenka. ojha ne bataya, yah kisi purane bairi ka kam hai. maulavi sahab ne pharamaya, kisi ghar ke bhediye ne yah harakat ki hai. sham tak yah daud-dhoop rahi. phir yah salah hone lagi ki in kagajaton ke bagair mukadama kaise chale. paksh to pahale se hi nirbal tha. jo kuchh bal tha, vah isi bahi-khate ka tha. ab to saboot bhi hath se gaye. dave men kuchh jan hi n rahi, magar bhanakunvari ne kaha—bala se har jaऍnge. hamari chiz koee chhin le, to hamara dharm hai ki usase yathashakti laden, har kar baithana kayaron ka kam hai. seth ji (vakil) ko is durghatana ka samachar mila to unhonne bhi yahi kaha ki ab dave men jara bhi jan nahin hai. keval anuman aur tark ka bharosa hai. adalat ne mana to mana, nahin to har manani padegi. par bhanukunvari ne ek n mani. lakhanoo aur ilahabad se do hoshiyar bairistir bulaye. mukadama shuroo ho gaya.

sare shahar men is mukadamen ki dhoom thi. kitane hi reeson ko bhanukunvari ne sathi banaya tha. mukadama shuroo hone ke samay hajaron adamiyon ki bhid ho jati thi. logon ke is khinchav ka mukhy karan yah tha ki bhanukunvari ek parde ki ad men baithi huee adalat ki karavaee dekha karati thi, kyonki use ab apane naukaron par jara bhi vishvas n tha.

vadi bairistar ne ek badi marmik vaktrita di. usane satyanaran ki poorvavastha ka khoob achchha chitr khincha. usane dikhalaya ki ve kaise svamibhakt, kaise kary-kushal, kaise karm-shil the; aur svargavasi pndit bhrigudatt ka us par poorn vishvas ho jana, kis tarah svabhavik tha. isake bad usane siddh kiya ki munshi satyanarayan ki arthik vyavastha kabhi aisi n thi ki ve itana dhan-snchay karate. ant men usane munshi ji ki svarthaparata, kootaniti, nirdayata aur vishvas-ghatakata ka aisa ghrinotpadak chitr khincha ki log munshi ji ko goliyaaun dene lage. isake sath hi usane pndit ji ke anath balakon ki dasha ka bada karoonotpadak varnan kiya—kaise shok aur lajja ki bat hai ki aisa charitravan, aisa niti-kushal manushy itana gir jae ki apane svami ke anath balakon ki gardan par chhuri chalane par snkoch n kare. manav-patan ka aisa karun, aisa hriday-vidarak udaharan milana kathin hai. is kutil kary ke parinam ki drishti se is manushy ke poorv parichit sadagunon ka gaurav lupt ho jata hai. kyonki ve asali moti nahin, nakali kaaunch ke dane the, jo keval vishvas jamane ke nimitt darshaye gaye the. vah keval sundar jal tha, jo ek saral hriday aur chhal- chhnd se door rahane vale rees ko phnsane ke lie phailaya gaya tha. is nar-pashu ka ant:karan kitana andhakaramay, kitana kapatapoorn, kitana kathor hai; aur isaki dushtata kitani ghor, kitani apavan hai. apane shatru ke sath daya karana ek bar to kshamy hai, magar is malin hriday manushy ne un bekason ke sath daga diya hai, jin par manav-svabhav ke anusar daya karana uchit hai! yadi aj hamare pas bahi-khate maujood hote, adalat par satyanarayan ki satyata spasht rup se prakat ho jati, par munshi ji ke barakhast hote hi daftar se unaka lupt ho jana bhi adalat ke lie ek bada saboot hai.

shahar men kee reeson ne gavahi di, par suni-sunayi baten jirah men ukhad gayin. doosare din phir mukadama pesh hua.

prativadi ke vakil ne apani vaktrita shuroo ki. usamen gnbhir vicharon ki apeksha hasy ka adhiky tha—yah ek vilakshan nyay-siddhant hai ki kisi dhanadhay manushy ka naukar jo kuchh kharide, vah usake svami ki chiz samajhi jae. is siddhant ke anusar hamari gavarnament ko apane karmachariyon ki sari sampatti par qabza kar lena chahie. yah svikar karane men hamako koee apatti nahin ki ham itane rupayon ka prabndh n kar sakate the aur yah dhan hamane svami hi se rin liya; par hamase rin chukane ka koee takaja n karake vah jayadad hi maaungi jati hai. yadi hisab ke kagajat dikhalaye jaen, to ve saf bata denge ki main sara rin de chuka. hamare mitr ne kaha ki aisi avastha men bahiyon ka gum ho jana bhi adalat ke liye ek saboot hona chahie. main bhi unaki yukti ka samarthan karata hoon. yadi main apase rin le kar apana vivah karun to kya mujhase meri nav- vivahit vadhoo ko chhin lenge?

‘hamare suyog mitr ne hamare oopar anathon ke sath daga karane ka dosh lagaya hai. agar munshi satyanaran ki niyat kharab hoti, to unake lie sabase achchha avasar vah tha jab pndit bhrigudatt ka svargavas hua tha. itane vilamb ki kya jarurat thi? yadi ap sher ko phnsa kar usake bachche ko usi vakt nahin pakad lete, use badhane aur sabal hone ka avasar dete hain, to main apako buddhiman n kahoonga. yatharth bat yah hai ki munshi satyanaran ne namak ka jo kuchh hak tha, vah poora kar diya. ath varsh tak tan-man se svami ke sntan ki seva ki. aj unhen apani sadhuta ka jo phal mil raha hai, vah bahut hi du:khajanak aur hriday-vidarak hai. isamen bhanukunvari ka dosh nahin. ve ek gun-sampann mahila hain; magar apani jati ke avagun unamen bhi vidyaman hain! eemanadar manushy svabhavat: spashtabhashi hota hai; use apani baton men namak-mirch lagane ki jarurat nahin hoti. yahi karan hai ki munshi ji ke mridubhashi matahaton ko un par akshep karane ka mauqa mil gaya. is dave ki jad keval itani hi hai, aur kuchh nahin. bhanukunvari yahan upasthit hain. kya ve kah sakati hain ki is ath varsh ki muddat men kabhi is gaaunv ka zikr unake samane aya? kabhi usake hani-labh, ay-vyay, len-den ki charcha unase ki gayi? man lijie ki main gavarnament ka mulajim hoon. yadi main aj daftar men akar apani patni ke ay-vyay aur apane tahaluon ke taikson ka pachada gane lagoon, to shayad mujhe shighr hi apane pad se prithakh hona pade, aur sambhav hai, kuchh dinon tak bareli ki atithishala men bhi rakha jaoon. jis gaaunv se bhanukunvari ka sarovar n tha, usaki charcha unase kyon ki jati?’

isake bad bahut se gavah pesh hue; jinamen adhikansh as-pas ke dehaton ke zamindar the. unhonne bayan kiya ki hamane munshi satyanarayan asamiyon ko apani dastakhati rasiden aur apane nam se khazane men rupaya dakhil karate dekha hai.

itane men sndhya ho gayi. adalat ne ek saptah men phaisala sunane ka hukm diya.

6

satyanaran ko ab apani jit men koee sandeh n tha. vadi paksh ke gavah bhi ukhad gaye the aur bahas bhi saboot se khali thi. ab inaki ginati bhi jamindaron men hogi aur sambhav hai, yah kuchh dinon men rees kahalane lagenge. par kisi n kisi karan se ab shahar ke ganamany purushon se ankhen milate sharmate the. unhen dekhate hi unaka sir nicha ho jata tha. vah man men darate the ki ve log kahin is vishay par kuchh poochh-tachh n kar baithen. vah bazar men nikalate to dookanadaron men kuchh kanaphoosi hone lagati aur log unhen tirachhi drishti se dekhane lagate. ab tak log unhen vivekashil aur sachcharitr manushy samajhate, shahar ke dhani-mani unhen ijjat ki nigah se dekhate aur unaka bada adar karate the. yadyapi munshi ji ko ab tak inase tedhi-tirachhi sunane ka snyog n pada tha, tathapi unaka man kahata tha ki sachchi bat kisi se chhipi nahin hai. chahe adalat se unaki jit ho jae, par unaki sakh ab jati rahi. ab unhen log svarthi, kapati aur dagabaj samajhenge. doosaron ki bat to alag rahi, svayn unake gharavale unaki upeksha karate the. boodhi mata ne tin din se munh men pani nahin dala! stri bar-bar hath jod kar kahati thi ki apane pyare balakon par daya karo. bure kam ka phal kabhi achchha nahin hota! nahin to pahale mujhi ko vish khila do.

jis din phaisala sunaya janevala tha, prat:kal ek kunjadin tarakariyaaun lekar ayi aur munshiyain se boli—

‘bahoo ji! hamane bazar men ek bat suni hai. bura n manon to kahoon? jisako dekho, usake munh se yahi bat nikalati hai ki lala baboo ne jalasaji se pnditain ka koee halaka le liya. hamen to is par yakin nahin ata. lala baboo ne n snbhala hota, to ab tak pnditain ka kahin pata n lagata. ek angul zamin n bachati. inhin men ek saradar tha ki sabako snbhal liya. to kya ab unhin ke sath badi karenge? are bahoo! koee kuchh sath laya hai ki le jayaga? yahi nek-badi rah jati hai. bure ka phal bura hota hai. adami n dekhe, par allah sab kuchh dekhata hai.’

bahoo ji par ghadon pani pad gaya. ji chahata tha ki dharati phat jati, to usamen sama jati. striyaaun svabhavat: lajjavati hoti hain. unamen atmabhiman ki matra adhik hoti hai. ninda-apaman unase sahan nahin ho sakata hai. sir jhukaye hue boli—bua! main in baton ko kya janoon? mainne to aj hi tumhare munh se suni hai. kaun-si tarakariyaaun hain?

munshi satyanarayan apane kamare men lete hue kunjadin ki baten sun rahe the, usake chale jane ke bad akar stri se poochhane lage—yah shaitan ki khala kya kah rahi thi.

stri ne pati ki or se munh pher liya aur zamin ki or takate hue boli—kya tumane nahin suna? tumhara gun-gan kar rahi thi. tumhare pichhe dekho, kis-kisake munh se ye baten sunani padati hain aur kis-kisase munh chhipana padata hai.

munshi ji apane kamare men laut aye. stri ko kuchh uttar nahin diya. atma lajja se parast ho gayi. jo manushy sadaiv sarv-sammanit raha ho; jo sada atmabhiman se sir utha kar chalata raha ho, jisaki sukriti ki sare shahar men charcha hoti ho, vah kabhi sarvatha lajjashoony nahin ho sakata; lajja kupath ki sabase badi shatru hai. kuvasanaon ke bhram men pad kar munshi ji ne samajha tha, main is kam ko aisi gupt-riti se poora kar le jaoonga ki kisi ko kanon-kan khabar n hogi, par unaka yah manorath siddh n hua. badhaऍn a khadi huee. unake hatane men unhen bade dussahas se kam lena pada; par yah bhi unhonne lajja se bachane ke nimitt kiya. jisamen yah koee n kahe ki apani svamini ko dhokha diya. itana yatn karane par bhi ninda se n bach sake. bazar ka sauda bechanevaliyaaun bhi ab apaman karatin hain. kuvasanaon se dabi huee lajja-shakti is kadi chot ko sahan n kar saki. munshi ji sochane lage, ab mujhe dhan-sampatti mil jayagi, aishvaryavanh ho jaoonga, parantu ninda se mera pichha n chhootega. adalat ka phaisala mujhe lok-ninda se n bacha sakega. aishvary ka phal kya hai?—man aur maryada. usase hath dho baitha, to aishvary ko lekar kya karunga? chitt ki shakti khokar, lok-lajja sahakar, janasamuday men nich ban kar aur apane ghar men kalah ka bij bokar yah sampatti mere kis kam ayegi? aur yadi vastav men koee nyay-shakti ho aur vah mujhe is kukrity ka dnd de, to mere lie siva mukh men kalikh laga kar nikal jane ke aur koee marg n rahega. satyavadi manushy par koee vipatt padati hain, to log unake sath sahanubhooti karate hain. dushton ki vipatti logon ke lie vyngy ki samagri ban jati hai. us avastha men eeshvar anyayi thaharaya jata hai; magar dushton ki vipatti eeshvar ke nyay ko siddh karati hai. paramatman! is durdasha se kisi tarah mera uddhar karo! kyon n jakar main bhanukunvari ke pairon par gir padoon aur vinay karun ki yah mukadama utha lo? shok! pahale yah bat mujhe kyon n soojhi? agar kal tak men unake pas chala gaya hota, to bat ban jati; par ab kya ho sakata hai. aj to phaisala sunaya jayaga.

munshi ji der tak isi vichar men pade rahe, par kuchh nishchay n kar sake ki kya karen.

bhanukunvari ko bhi vishvas ho gaya ki ab gaaunv hath se gaya. bechari hath mal kar rah gayi. rat-bhar use nind n ayi, rah-rah kar munshi satyanarayan par krodh ata tha. hay papi! dhol baja kar mera pachas hazar ka mal lie jata hai aur main kuchh nahin kar sakati. ajakal ke nyay karane vale bilakul ankh ke andhe hain. jis bat ko sari duniya janati hai, usamen bhi unaki drishti nahin pahunchati. bas, doosaron ko ankhon se dekhate hain. kore kagajon ke gulam hain. nyay vah hai jo doodh ka doodh, pani ka pani kar de; yah nahin ki khud hi kagajon ke dhokhe men a jae, khud hi pakhndiyon ke jal men phns jae. isi se to aisi chhali, kapati, dagabaj, aur duratmaon ka sahas badh gaya hai. khair, gaaunv jata hai to jae; lekin satyanarayan, tum shahar men kahin munh dikhane ke layaq bhi n rahe.

is khayal se bhanukunvari ko kuchh shanti huee. shatru ki hani manushy ko apane labh se bhi adhik priy hoti hai, manav-svabhav hi kuchh aisa hai. tum hamara ek gaaunv le gaye, narayan chahenge to tum bhi isase sukh n paoge. tum ap narak ki ag men jaloge, tumhare ghar men koee diya jalane vala n rah jayaga.

phaisale ka din a gaya. aj ijalas men badi bhid thi. aise-aise mahanubhav upasthit the, jo bagulon ki tarah aphasaron ki badhaee aur bidaee ke avasaron hi men najar aya karate hain. vakilon aur mukhtaron ki palatan bhi jama thi. niyat samay par jaj sahab ne ijalas sushobhit kiya. vistrit nyay bhavan men sannata chha gaya. ahalamad ne sndook se tajabij nikali. log utsuk hokar ek-ek qadam aur age khisak ge.

jaj ne phaisala sunaya—muddee ka dava kharij. donon paksh apana-apana kharch sah len.

yadyapi phaisala logon ke anuman ke anusar hi tha, tathapi jaj ke munh se use sun kar logon men halachal-si mach gayi. udasin bhav se phaisale par alochanaऍn karate hue log dhire-dhire kamare se nikalane lage.

ekaek bhanukunvari ghoonghat nikale ijalas par a kar khadi ho gayi. janevale laut pade. jo bahar nikal gaye the, daud kar a gaye. aur kautoohalapoorvak bhanukunvari ki taraph takane lage.

bhanukunvari ne knpit svar men jaj se kaha—sarakar, yadi hukm den, to main munshi ji se kuchh poochhoon.

yadyapi yah bat niyam ke viruddh thi, tathapi jaj ne dayapoorvak agya de di.

tab bhanukunvari ne satyanarayan ki taraph dekh kar kaha—lala ji, sarakar ne tumhari digri to kar hi di. gaaunv tumhen mubarak rahe; magar eeman adami ka sab kuchh hai. eeman se kah do, gaaunv kisaka hai?

hajaron adami yah prashn sun kar kautoohal se satyanarayan ki taraph dekhane lage. munshi ji vichar-sagar men doob gaye. hriday men snkalp aur vikalp men ghor sngram hone laga. hajaron manushyon ki ankhen unaki taraph jami huee thin. yatharth bat ab kisi se chhipi n thi. itane adamiyon ke samane asaty bat munh se nikal n saki. lajja se jaban bnd kar li—‘mera’ kahane men kam banata tha. koee bat n thi; kintu ghoratam pap ka dnd samaj de sakata hai, usake milane ka poora bhay tha. ‘apaka’ kahane se kam bigadata tha. jiti-jitayi bazi hath se nikali jati thi, sarvotkrisht kam ke lie samaj se jo inam mil sakata hai, usake milane ki poori asha thi. asha ke bhay ko jit liya. unhen aisa pratit hua, jaise eeshvar ne mujhe apana mukh ujjval karane ka yah antim avasar diya hai. main ab bhi manav-samman ka patr ban sakata hoon. ab apani atma ki raksha kar sakata hoon. unhonne age badh kar bhanukunvari ko pranam kiya aur kaaunpate hue svar se bole—apaka!

hajaron manushyon ke munh se ek gaganasparshi dhvani nikali—saty ki jay!

jaj ne khade hokar kaha—yah qanoon ka nyay nahin, eeshvariy nyay hai! ise katha n samajhiega; yah sachchi ghatana hai. bhanukunvari aur saty narayan ab bhi jivit hain. munshi ji ke is naitik sahas par log mugadh ho ge. manaviy nyay par eeshvariy nyay ne jo vilakshan vijay payi, usaki charcha shahar bhar men mahinon rahi. bhanukunvari munshi ji ke ghar gayi, unhen mana kar layin. phir apana sara karobar unhen saunpa aur kuchh dinon uparant yah gaaunv unhin ke nam hibba kar diya. munshi ji ne bhi use apane adhikar men rakhana uchit n samajha, krishnarpan kar diya. ab isaki amadani din-dukhiyon aur vidyarthiyon ki sahayata men kharch hoti hai.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah