कानूनी कुमार -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

mi. kanooni kumar, em.el.e. apane anphis men samacharapatron, patrikaon aur riporton ka ek dher lie baithe hain. desh ki chintaon se unaki deh sthool ho gayi hai; sadaiv deshoddhar ki fikr men pade rahate hain. samane park hai. usamen kee ladake khel rahe hain. kuchh paradevali striyan bhi hain, phensing ke samane bahut-se bhikhamnge baithe hain, ek chayavala ek vriksh ke niche chay bech raha hai. kanooni kumar (ap-hi-ap) desh ki dasha kitani kharab hoti chali jati hai. gavarnament kuchh nahin karati. bas davaten khana aur mauj udana usaka kam hai. (park ki or dekhakar) ‘ah ! yah komal kumar sigaret pi rahe hain. shok ! mahashok ! koee kuchh nahin kahata, koee isako rokane ki koshish bhi nahin karata. tambakoo kitani zaharili chiz hai, balakon ko isase kitani hani hoti hai, yah koee nahin janata. (tambakoo ki riport dekhakar) oph ! rongate khade ho jate hain. jitane balak aparadhi hote hain, unamen 75 prati saikade sigaretabaj hote hain. badi bhaynkar dasha hai. ham kya karen ! lakh spichen do, koee sunata hi nahin. isako kanoon se rokana chahie, nahin to anarth ho jayaga. (kagaz par not karata hai) tambakoo-bahishkar-bil pesh karoonga. kaunsil khulate hi yah bil pesh kar dena chahie. (ek kshan ke bad phir park ki or takata hai, aur paharedar mahilaon ko ghas par baithe dekhakar lambi sans leta hai.) ‘gajab hai, gajab hai; kitana ghor anyay ! kitana pashavik vyavahar !! yah komalangi sundariyan chadar men lipati huee kitani bhaddi, kitani phoohad maloom hoti hain. abhi to desh ka yah hal ho raha hai. (riport dekhakar) striyon ki mrityu-snkhya badh rahi hai. tapedik uchhalata chala ata hai, prasoot ki bimari andhi ki tarah chadhi ati hai aur ham hain ki ankhen band kiye pade hain. bahut jaldi rishiyon ki yah bhoomi, yah vir-prasavini janani rasatal ko chali jayagi, isaka kahin nishan bhi n rahega. gavarnament ko kya fikr ! log kitane pashan ho gaye hain. ankhon ke samane yah atyachar dekhate hain aur jara bhi nahin chaunkate. yah mrityu ka shaithily hai. yahan bhi kanooni zaroorat hai. ek aisa kanoon banana chahie, jisase koee stri parade men n rah sake. ab samay a gaya hai ki is vishay men sarakar qadam badhave. kanoon ki madad ke bagair koee sudhar nahin ho sakata aur yahan kanooni madad ki jitani zaroorat hai, utani aur kahan ho sakati hai. mataon par desh ka bhavishy avalambit hai. parada-hatav-bil pesh hona chahie. janata hoon bada virodh hoga; lekin gavarnament ko sahas se kam lena chahie, aise napunsak virodh ke bhay se uddhar ke kary men badha nahin padani chahie. (kagaz par not karata hai) yah bil bhi asenbali ke khulate hi pesh kar dena hoga. bahut vilamb ho chuka, ab vilamb ki gunjaish nahin hai. varana mariz ka ant ho jayaga. (masauda banane lagata hai hetu aur uddeshy )   sahasa ek bhikshuk samane akar pukarata hai – ‘zay ho sarakar ki, lakshmi phoolen-phalen. kanooni hat jao, yoo suar koee kam kyon nahin karata?’ bhikshuk—‘bada dharm hoga sarakar, mare bhookh ke ankhon-tale andhera ... kanooni –‘chup raho suar; hat jao samane se, abhi nikal jao, bahut door nikal jao. (masauda chhodakar phir ap-hi-ap),’yah rishiyon ki bhoomi aj bhikshukon ki bhoomi ho rahi hai. jahan dekhie, vahan revad-ke-revad aur dal-ke-dal bhikhari ! yah gavarnament ki laparavahi ki barakat hai. ingalaind men koee bhikshuk bhikh nahin mang sakata. pulis pakadakar kal-kothari men band kar de. kisi sabhy desh men itane bhikhamnge nahin hain. yah paradhin gulam bharat hai, jahan aisi baten is bisavin sadi men bhi sambhav hain. uph ! kitani shakti ka apavyay ho raha hai. (riport nikalakar) oh ! 50 lakh ! 50 lakh adami keval bhiksha mangakar gujar karate hain aur kya thik hai ki snkhya isaki dugani n ho. yah pesha likhana kaun pasand karata hai. ek karod se kam bhikhari is desh men nahin hain. yah to bhikhariyon ki bat huee, jo dvar-dvar jholi liye ghoomate hain. isake uparant tikadhari, kopinadhari aur jatadhari samuday bhi to hain, jinaki snkhya kam-se-kam do karod hogi. jis desh men itane haramakhor, muft ka mal udanevale, doosaron ki kamaee par mote hone vale prani hon, usaki dasha kyon n itani hin ho. ashchary yahi hai ki ab tak yah desh jivit kaise hai ? hnot karata hai) ek bil ki sakht zaroorat hai, use pesh karana hi chahie nam ho 'bhikhamnga-bahishkar-bil.' khoob jootiyan chalengi, dharm ke sootradhar khoob nachenge, khoob galiyan denge, gavarnament bhi kanni kategi; magar sudhar ka marg to kntakakirn hai hi. tinon bil mere hi nam se hon, phir dekhie, kaisi khalabali machati hai. (avaz ati hai chay garam ! chay garam !! magar grahakon ki snkhya bahut kam hai. kanooni kumar ka dhyan chayavale ki or akarshit ho jata hai.) kanooni (ap-hi-ap) ‘chayavale ki dookan par ek bhi grahak nahin, kaisa moorkh desh hai ! itani balavardhakak vastu aur grahak koee nahin ! sabhy deshon men pani ki jagah chay pi jati hai. (riport dekhakar) inglaind men panch karod paund ki chay jati hai. inglaind vale moorkh nahin hain. unaka aj snsar par adhipaty hai, isamen chay ka kitana bada bhag hai, kaun isaka anuman kar sakata hai ? yahan bechara chayavala khada hai aur koee usake pas nahin phatakata. chinavale chay pi-pikar svadhin ho gaye; magar ham chay n piyenge. kya akal hai. gavarnament ka sara dosh hai. kiton se bhare hue doodh ke lie itana shor machata hai; magar chay ko koee nahin poochhata, jo kiton se khali, uttejak aur pushtikarak hai ! sare desh ki mati mari gayi hai. (not karata hai) gavarnament se prashn karana chahie. asenbali khulate hi prashnon ka tanta bandh doonga. prashn kya gavarnament batayegi ki gat pans salon men bharatavarsh men chay ki khapat kitani badhi hai aur usaka sarvasadharan men prachar karane ke lie gavarnament ne kya qadam lie hain ? (ek ramani ka pravesh. kate hue kesh, adi mang, parasi reshami sadi, kalaee par ghadi, ankhon par ainak, panv men oonchi edi ka ledi shoo, hath men ek batua latakaye hue, sadi men brooch hai, gale men motiyon ka har. kanooni – ‘hallo misej bos ! ap khoob ayin, kahie, kidhar ki sair ho rahi hai ? abaki to 'alok' men apaki kavita badi sundar thi. main to padhakar mast ho gaya. is nanhe-se hriday men itane bhav kahan se a jate hain, mujhe ashchary hota hai. shabd-vinyas ki to ap rani hain. aise-aise chot karane vale bhav apako kaise soojh jate hain.‘ misej bos—‘dil jalata hai, to usamen ap-se-ap dhuen ke badal nikalate hain. jab tak stri-samaj par purushon ka atyachar rahega, aise bhavon  ki kami n rahegi.‘ kanooni –‘kya idhar koee nayi bat ho gayi ?’ bos –‘roj hi to hoti rahati hai. mere lie daktar bos ki agya nahin ki kisi se milane jao, ya kahin sair karane jao. abaki kaisi garami padi hai ki sara rakt jal gaya, par main pahadon par n ja saki. mujhase yah atyachar, yah gulami nahin sahi jati.‘ kanooni –‘daktar bos khud bhi to pahadon par nahin gaye.‘ bos –‘vah n jayn, unhen dhan ki hay-hay padi hai. mujhe kyon apane sath liye marate hain ? vah klab men nahin jana chahate, unaka samay rupaye ugalata hai, mujhe kyon rokate hain ! vah khaddar pahanen, mujhe kyon apani pasand ke kapade pahanane se rokate hain ! vah apani mata aur bhaiyon ke gulam bane rahen, mujhe kyon unake sath ro-rokar din katane par majaboor karate hain ! mujhase yah bardasht nahin ho sakata. amerika men ek katuvachan kahane par sambandh-vichchhed ho jata hai. purush jara der men ghar aya aur stri ne talak diya. vah svadhinata ka desh hai, vahan logon ke vichar svadhin hain. yah gulamon ka desh hai, yahan har ek bat men usi gulami ki chhap hai. main ab daktar bos ke sath nahin rah sakati. nakon dam a gaya. isaka uttaradayitv unhin logon par hai jo samaj ke neta aur vyavasthapak banate hain. agar ap chahate hain ki striyon ko gulam banakar svadhin ho jayn, to yah anahoni bat hai. jab tak talak ka kanoon n jari hoga, apaka svarajy akash-kusum hi rahega. daktar bos ko ap janate hain, dharm men unaki kitani shraddha hai ! khabt kahie. mujhe dharm ke nam se ghrina hai. isi dharm ne stri-jati ko purush ki dasi bana diya hai. mera bas chale, to main sare dharm ki pothiyon ko uthakar paranale men phenk doon.‘ (misez aiyar ka pravesh. gora rng, ooncha kad, ooncha gaun, gol handi ki-si topi, ankhon par ainak, chehare par paudar, galon aur onthon par surkh pent, reshami jurraben aur oonchi edi ke joote.) kanooni (hath badhakar) ‘hallo misez aiyar ! ap khoob ayin. kahie, kidhar ki sair ho rahi hai. 'alok' men abaki apaka lekh atyant sundar tha, main to padhakar dng rah gaya.‘ misez aiyar –‘(misez bos ki or muskarakar) dng hi to rah gaye ya kuchh kiya bhi. ham striyan apana kaleja nikalakar rakh den; lekin purushon ka dil n pasijega.‘ bos –‘saty ! bilakul saty.‘ aiyar –‘magar is purush-raj ka bahut jald ant hua jata hai. striyan ab kaid men nahin rah sakatin. mi. aiyar ki soorat main nahin dekhana chahati. (misez bos munh pher leti hain) kanooni (musqarakar) –‘ mi. aiyar to khoobasoorat adami hain.‘ ledi aiyar –‘unaki soorat unhen mubarak rahe. main khoobasoorat paradhinata nahin chahati, badasoorat svadhinata chahati hoon. vah mujhe abaki jabaradasti pahad par le gaye. vahan ki shit mujhase nahin sahi jati, kitana kaha, ki mujhe mat le jao; magar kisi tarah n mane. main kisi ke pichhe-pichhe kutiya ki tarah nahin chalana chahati.  (misez bos uthakar khidaki ke pas chali jati hain) kanooni –‘ab mujhe maloom ho gaya ki talak ka bil asembali men pesh karana padega !’ aiyar –‘khair, apako maloom to hua; magar shayad kayamat men.‘ kanooni –‘nahin misez aiyar, abaki chhuttiyon ke bad hi yah bil pesh hoga aur dhoomadham ke sath pesh hoga. beshak purushon ka atyachar badh raha hai. jis pratha ka virodh ap donon mahilaen kar rahi hain, vah avashy hindoo samaj ke lie ghatak hai. agar hamen sabhy banana hai, to sabhy deshon ke padachihnon par chalana padega. dharm ke thikedar chill-pon machayenge, koee paravah nahin. unaki khabar lena ap donon mahilaon ka kam hoga. aisa banana ki munh n dikha saken.‘ ledi aiyar –‘peshagi dhanyavad deti hoon. (hath milakar chali jati hai.) misez bos –‘(khidaki ke pas se akar) aj isake ghar men ghi ka chirag jalega. yahan se sidhe bos ke pas gayi hogi ! main bhi jati hoon. (chali jati hai) kanooni kumar ek kanoon ki kitab uthakar usamen talak ki vyavastha dekhane lagata hai ki mi. achary ate hain. munh saph, ek ankh par ainak, khali adhe banh ka shart, nikar, ooni moje, lambe boot. pichhe ek teriyar kutta bhi hai. kanooni –‘hallo mi. achary ! ap khoob aye, aj kidhar ki sair ho rahi hai ? hotal ka kya hal hai ? achary –‘qutte ki maut mar raha hoon. itana badhiya bhojan, itana saph-suthara makan, aisi roshani, itana aram phir bhi mehamanon ka durbhiksh. samajh men nahin ata, ab kitana kharch ghataoon. in damon alag ghar men mota khana bhi nasib nahin ho sakata. us par sare jamane ki jhnjhat, kabhi naukar ka rona, kabhi doodhavale ka rona, kabhi dhobi ka rona, kabhi mehatar ka rona; yahan sare jnjal se mukti ho jati hai. phir bhi adhe kamare khali pade hain.’ kanooni –‘yah to apane buri khabar sunayi.‘ achary –‘ pachchhim men kyon itana sukh aur shanti hai, kyon itana prakash aur dhan hai, kyon itani svadhinata aur bal hai. inhin hotalon ke prasad se. hotal pashchimi gaurav ka mukhy ang hai, pashchimi sabhyata ka pran hai. agar ap bharat ko unnati ke shikhar par dekhana chahate hain, to hotal-jivan ka prachar kijie. isake siva doosara upay nahin hai. jab tak chhoti-chhoti ghareloo chintaon se mukt n ho jaynge, ap unnati kar hi nahin sakate. rajon, reeson ko alag gharon men rahane dijie, vah ek ki jagah das kharch kar sakate hain. madhyam shrenivalon ke lie hotal ke prachar men hi sabakuchh hai. ham apane sare mehamanon ki fikr apane sir lene ko taiyar hain, phir bhi janata ki ankhen nahin khulatin. in moorkhon ki ankhen us vakt tak n khulengi, jab tak kanoon n ban jay.’ kanooni –‘(gambhir bhav se) han, main soch raha hoon. zaroor kanoon se madad leni chahie. ek aisa kanoon ban jay, ki jin logon ki ay 500) se kam ho, hotalon men rahen. kyon ?’ achary –‘ap agar yah kanoon banava den, to anevali sntan apako apana muktidata samajhegi. ap ek qadam men desh ko 500 varsh ki mnzil tay kara denge.‘ kanooni –‘to lo, abaki yah kanoon bhi asenbali khulate hi pesh kar doonga. bada shor machega. log deshadrohi aur jane kya-kya kahenge, par isake lie taiyar hoon. kitana du:kh hota hai, jab logon ko ahir ke dvar par lutiya liye khada dekhata hoon. striyon ka jivan to narak-tuly ho raha hai. subah se das-barah baje rat tak ghar ke dhandhon se phurasat nahin. kabhi baratan manjo, kabhi bhojan banao, kabhi jhadoo lagao. phir svasthy kaise bane, jivan kaise sukhi ho, sair kaise karen, jivan ke amod-pramod ka anand kaise uthaven, adhyayan kaise karen ? apane khoob kaha,ek qadam men 500 salon ki mnzil poori huee jati hai.‘ achary –‘to abaki bil pesh kar dijiega ?’ kanooni –‘avashy !’ (achary hath milakar chala jata hai) kanooni kumar khidaki ke samane khada hokar 'hotal-prachar-bil' ka masavida soch raha hai. sahasa park men ek stri samane se gujarati hai. usaki god men ek bachcha hai, do bachche pichhe-pichhe chal rahe hain aur udar ke ubhar se maloom hota hai ki garbhavati bhi hai. usaka krish sharir, pila mukh aur mand gati dekhakar anuman hota ki usaka svasthy bigada hua hai aur is bhar ka vahan karana use kashtaprad hai. kanooni kumar –‘(ap-hi-ap) is samaj ka, is desh ka aur is jivan ka satyanash ho, jahan ramaniyon ko keval bachcha janane ki mashin samajha jata hai. is bechari ko jivan ka kya sukh ! kitani hi aisi bahanen isi jnjal men phnsakar 32, 35 ki avastha men jabaki vastav men jivan ko sukhi hona chahie, rugn hokar snsar-yatra samapt kar deti hain. ha bharat ! yah vipatti tere sir se kab talegi ? snsar men aise-aise pashan-hriday manushy pade hue hain, jinhen is dukhiyariyon par jara bhi daya nahin ati. aise andhe, aise pashan, aise pakhndi samaj ko, jo stri ko apani vasanaon ki vedi par balidan karata hai, kanoon ke siva aur kis vidhi se sachet kiya jay ? aur koee upay hi nahin hai. nar-hatya ka jo dnd hai, vahi dand aise manushyon ko milana chahie. mubarak hoga vah din, jab bharat men is nashini pratha ka ant ho jayaga stri ka maran, bachchon ka maran aur jis samaj ka jivan aisi santanon par adharit ho, usaka maran ! aise badamashon ko kyon n dand diya jay ? kitane andhe log hain. bekari ka yah hal ki bharapet kisi ko rotiyan nahin milatin, bachchon ko doodh svapn men bhi nahin milata aur ye andhe hain ki bachche-par-bachche paida karate jate hain. 'santan-nigrah-bil' ki jitani zaroorat hai. is desh ko, utani aur kisi kanoon ki nahin. asenbali khulate hi yah bil pesh karoonga. pralay ho jayaga, yah janata hoon, par aur upay hi kya hai ? do bachchon se zyada jisake hon, use kam-se-kam panch varsh ki kaid, usamen panch mahine se kam kal-kothari n ho. jisaki amadani sau rupaye se kam ho, use sntanotpatti ka adhikar hi n ho. hman men bil ke bad ki avastha ka anand lekar) kitana sukhamay jivan ho jayega. han, ek dapha yah bhi rahe ki ek sntan ke bad kam-se-kam sat varsh tak doosari santan n ane pave. tab is desh men sukh aur santosh ka samrajy hoga, tab striyon aur bachchon ke munh par khoon ki surkhi najar ayegi, tab mazaboot hath-panv aur mazaboot dil aur jigar ke purush utpann honge.‘ (misez kanooni kumar ka pravesh) kanooni kumar jaldi se riporton aur patron ko samet leta hai aur ek upanyas kholakar baith jata hai. misez –‘kya kar rahe ho ? vahi dhun !’ kanooni –‘upanyas padh raha hoon.’ misez –‘tum sari duniya ke lie kanoon banate ho, ek kanoon mere lie bhi bana do. isase desh ka jitana bada upakar hoga, utana aur kisi kanoon se n hoga. tumhara nam amar ho jayaga aur ghar-ghar tumhari pooja hogi !’ kanooni –‘agar tumhara khayal hai ki main nam aur yash ke lie desh ki seva kar raha hoon, to mujhe yahi kahana padega ki tumane mujhe ratti-bhar bhi nahin samajha.’ miesez –‘nam ke lie kam koee bura kam nahin hai, tumhen yash ki akanksha ho, to main usaki ninda n karoongi, bhoolakar bhi nahin. main tumhen ek aisi hi tadabir bata doongi, jisase tumhen itana yash milega ki tum oob jaoge. phoolon ki itani varsha hogi ki tum usake niche dab jaoge. gale men itane har padenge ki tum garadan sidhi n kar sakoge.‘ kanooni (utsukata ko chhipakar) –‘qoee majak ki bat hogi. dekha minni, kam karanevale adami ke lie isase badi doosari badha nahin hai ki usake gharavale usake kam ki ninda karate hon. main tumhare is vyavahar se nirash ho jata hoon.‘ misez –‘talak ka kanoon to banane ja rahe ho, ab kya dar hai.‘ kanooni –‘fir vahi majak ! main chahata hoon tum in prashnon par gambhir vichar karo.‘ misez –‘main bahut gambhir vichar karati hoon ! sach mano. mujhe isaka du:kh hai ki tum mere bhavon ko nahin samajhate. main is vakt tumase jo bat karane ja rahi hoon, use main desh ki unnati ke lie avashyak hi nahin, paramavashyak samajhati hoon. mujhe isaka pakka vishvas hai. kanooni –‘ poochhane ki himmat to nahin padati. (apani jhenp mitane ke lie hnsata hai.) misez –‘main khud hi kahane ayi hoon. hamara vaivahik jivan kitana lajjaspad hai; tum khoob janate ho. rat-din ragada-jhagada macha rahata hai. kahin purush stri par hath saf kar leta hai, kahin stri purush ki moonchhon ke bal nochati hai. hamesha ek-n-ek gul khila hi karata hai. kahin ek munh phulaye baitha hai, kahin doosara ghar chhodakar bhag jane ki dhamaki de raha hai. karan janate ho kya hai ? kabhi socha hai ? purushon ki rasikata aur kripanata ! yahi donon aib manushyon ke jivan ko narak-tuly banaye hue hain. jidhar dekho, ashanti hai, vidroh hai, badha hai. sal men lakhon hatyaen inhin buraiyon ke karan ho jati hain, lakhon striyan patit ho jati hain, purush mady-sevan karane lagate hain, yah bat hai ya nahin ?’ kanooni –‘bahut-si buraiyan aisi hain, jinhen kanoon nahin rok sakata.‘ misez –‘(kahakaha, marakar) achchha, kya ap bhi kanoon ki akshamata svikar karate hain ? main yah nahin samajhati thi. main to kanoon ko eeshvar se zyada sarvavyapi, sarvashaktimanh samajhati hoon.‘ kanooni –‘fir tumane majak shuroo kiya.‘ misez –‘achchha, lo kan pakadati hoon. ab n hnsoongi. mainne un buraiyon ko rokane ka ek kanoon socha hai. usaka nam hoga 'dampati-sukh-shanti bil'. usaki do mukhy dharaen hongi aur kanooni barikiyan tum thik kar lena. ek dhara hogi ki purush apani amadani ka adha bina kan-poonchh hilaye stri ko de de; agar n de, to panch sal kathin karavas aur panch mahine kal-kothari. doosari dhara hogi, pandrah se pachas tak ke purush ghar se bahar n nikalane paven, agar koee nikale, to das sal karavas aur das mahine kal-kothari. bolo mnjoor hai ?’ kanooni –‘(gambhir hokar) ‘asambhav, tum prakriti ko palat dena chahati ho. koee purush ghar men kaidi banakar rahana svikar n karega.‘ misez –‘vah karega aur usaka bap karega ! pulis dnde ke zor se karayegi. n karega, to chakki pisani padegi. karega kaise nahin. apani stri ko ghar ki murgi samajhana aur doosari striyon ke pichhe daudana, kya khalaji ka ghar hai ? tum abhi is kanoon ko asvabhavik samajhate ho. mat ghabadao. striyon ka adhikar hone do. yah pahala kanoon n ban jave, to kahana ki koee kahata tha. stri ek-ek paise ke lie tarase aur ap gulachharre udayen. dillagi hai ! adhi amadani stri ko de deni padegi, jisaka usase koee hisab n poochha, ja sakega.‘ kanooni –‘tum manav-samaj ko mitti ka khilauna samajhati ho.‘ misez –‘qadapi nahin. main yahi samajhati hoon ki kanoon sabakuchh kar sakata hai. manushy ka svabhav bhi badal sakata hai.’ kanooni –‘qanoon yah nahin kar sakata.‘ misez –‘qar sakata hai.’ kanooni –‘nahin kar sakata.’ misez –‘qar sakata hai; agar vah jabaradasti ladakon ko skool bhej sakata hai; agar vah jabaradasti vivah ki umr niyat kar sakata hai; agar vah jabaradasti bachchon ko tika lagava sakata hai, to vah jabaradasti purushon ko ghar men bnd bhi kar sakata hai, usaki amadani ka adha striyon ko bhi dila sakata hai. tum kahoge, purush ko kasht hoga. jabaradasti jo kam karaya jata hai, usamen karane vale ko kasht hota hai. tum us kasht ka anubhav nahin karate; isilie vah tumhen nahin akharata. main yah nahin kahati ki sudhar zaroori nahin hai. main bhi shiksha ka prachar chahati hoon, main bhi bal-vivah bnd karana chahati hoon, main bhi chahati hoon ki bimariyan n phailen, lekin kanoon banakar jabaradasti yah sudhar nahin karana chahati. logon men shiksha aur jagriti phailao, jisamen kanooni bhay ke bagair vah sudhar ho jay. apase kursi to chhodi jati nahin, ghar se nikala jata nahin, shaharon ki vilasita ko ek din ke lie bhi nahin tyag sakate aur sudhar karane chale hain ap desh ka ! is tarah sudhar n hoga. han, paradhinata ki bedi aur bhi kathor ho jayagi.‘ (misez kumar chali jati hain, aur kanooni kumar avyavasthit-chitt-sa kamare men tahalane lagata hai.)

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah