हिंसा परम धर्म -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

duniya men kuchh aise log hote hain, jo kisi ke naukar n hote hue sabake naukar hote hain, jinhen kuchh apana kam n hone par bhi sir uthane ki fursat nahin hoti. jamid isi shreni ke manushyon men tha. bilkul befikr, n kisi se dosti, n kisi se dushmani. jo zara hnsakar bola, usaka bedam ka gulam ho gaya. bekam ka kam karane men use maza ata tha. ganv men koee bimar pade, vah rogi ki seva-sushrusha ke lie hazir hai. kahie to adhi rat hakim ke ghar chala jae, kisi jadi-booti ki talash men jngalon ki khak chhan ae. mumakin n tha ki kisi garib par atyachar hote dekhe aur chup rah jae. phir chahe koee use mar hi dale, vah himayat karane se baj n ata tha. aise saikadon hi mauke usake samane a chuke the. kanstebal se ae din hi usaki chhed-chhad hoti rahati thi. isalie log use baudam samajhate the. aur bat bhi yahi thi. jo adami kisi ka bojh bhari dekhakar usase chhin kar, apane sir le le, kisi ka chhappar uthane ya ag bujhane ke lie koson dauda chala jae , use samajhadar kaun kahega. saransh yah hai ki usaki jat se doosaron ko chahe kitana hi fayada pahunche, apana koee upakar n hota tha, yahan tak ki vah rotiyon tak ke lie bhi doosaron ka muhataj tha. divana to vah tha aur usaka gam doosare khate the.  akhir jab logon ne bahut dhikkara-- ’kyon apana jivan nasht kar rahe ho, tum doosaron ke lie marate ho, koee tumhara bhi poochhane vala hai? agar ek din bimar pad jao, to koee chulloo bhar pani n de, jab tak doosaron ki seva karate ho, log khairat samajhakar khane ko de dete hain, jis din a padegi, koee sidhe mnh bat bhi n karega, tab jamid ki ankhen khulin. baratan-bhanda kuchh tha hi nahin. ek din utha aur ek taraf ki rah li. do din ke bad shahar men pahuncha. shahar bahut bada tha. mahal asaman se baten karane vale. sadakenn chaudi aur saf, bazar gulazar, masajidon aur mandiron ki snkhya agar makanon se adhik n thi, to kam bhi nahin. dehat men n to koee masjid thi, n koee mandir. musalaman log ek chabootare par namaz padh lete the. hindoo ek vriksh ke niche pani chadha diya karate the. nagar men dharm ka yah mahatmy dekhakar dekhakar jamid ko bada kutuhal aur anand hua. usaki drishti men mazahab ka jitana samman tha utana aur kisi sansarik vastu ka nahin. vah sochane laga---ye log kitane eeman ke pakke, kitane satyavadi hain. inamen kitani daya, kitana vivek , kitani sahanubhooti hogi, tabhi to khuda ne itana inhen mana hai. vah har ane-jane vale ko shraddha ki drishti se dekhata aur usake samane vinay se sir jhukata tha. yahan ke sabhi prani use devata-tuly maloom hote the. ghoomate-ghoomate sanjh ho gee. vah thakakar mndir ke chabootare par ja baitha. mndir bahut bada tha, oopar sunahala kalash chamak raha tha. jagamohan par sngamaramar ke chauke jade hue the, magar angan men jagah-jagah gobar aur kooda pada tha. jamid ko gndagi se chidh thi, devalay ki yah dasha dekhakar usase n raha gaya, idhar-udhar nigah daudaee ki kahin jhadoo mil jae, to saf kar de, par jhadoo kahin najar n aee. vivash hokar usane daman se chabootare ko saf karana shuroo kar diya. zara der men bhakton ka jamav hone laga. unhonne jamid ko chabootara saf karate dekha , to apas men baten karane lage--- -- hai to musalaman -- mehatar hoga. -- nahin, mehatar apane daman se safaee nahin karata. koee pagal maloom hota hai. -- udhar ka bhediya n ho. -- nahin, chehare se bada garib maloom hota hai. -- hasan nizami ka koee murid hoga. -- aji gobar ke lalach se safaee kar raha hai. koee bhatiyara hoga. (jamid se) gobar n le jana be, samajha? kahan rahata hai? -- paradeshi musafir hoon, sahab, mujhe gobar lekar kya karana hai? thakur ji ka mandir dekha to akar baith gaya. kooda pada hua tha. maine socha---dharmatma log ate honge, safaee karane laga. -- tum to musalaman ho n? -- thakur ji to sabake thakur hain...kya hindu, kya musalaman. -- tum thakur ji ko manate ho? -- thakur ji ko kaun n manega sahab? jisane paida kiya, use n manoonga to kise manoonga. bhakton men yah salah hone lagi-- -- dehati hai. -- phans lena chahie, jane n pae. jamid phans liya gaya. usaka adar-satkar hone laga. ek havadar makan rahane ko mila. donon vakt uttam padarth khane ko milane lage. do char adami haradam use ghere rahate. jamid ko bhajan khoob yad the. gala bhi achchha tha. vah roz mandir men jakar kirtan karata. bhakti ke sath svar lality bhi ho, to phir kya poochhana. logon par usake kirtan ka bada asar padata. kitane hi log sngit ke lobh se hi mndir men ane lage. sabako vishvas ho gaya ki bhagavan ne yah shikar chunakar bheja hai. ek din mndir men bahut-se adami jama hue. angan men farsh bichhaya gaya. jamid ka sar muda diya gaya. ne kapade pahanae. havan hua. jamid ke hathon se mithaee banti gee. vah apane ashrayadataon ki udarata aur dharmanishtha ka aur bhi kayal ho gaya. ye log kitane sajjan hain, mujh jaise phatehal paradeshi ki itani khatir. isi ko sachcha dharm kahate hain. jamid ko jivan men kabhi itana samman n mila tha. yahan vahi sailani yuvak jise log baudam kahate the, bhakton ka siramaur bana hua tha. saikadon hi adami keval usake darshanon ko ate the. usaki prakand vidvata ki kitani hi kathaen prachilit ho geen. patron men yah samachar nikala ki ek bade alim maulavi sahab ki shuddhi huee hai. sidha-sada jamid is samman ka rahasy kuchh n samajhata tha. aise dharmaparayan sahriday praniyon ke lie vah kya kuchh n karata? vah nity pooja karata, bhajan gata tha. usake lie yah koee nee bat n thi. apane ganv men bhi vah barabar satyanarayan ki katha men baitha karata tha. bhajan kirtan kiya karata tha. antar yahi tha ki dehat men usaki qadar n thi. yahan sab usake bhakt the. ek din jamid kee bhakton ke sath baitha hua koee puran padh raha tha to kya dekhata hai ki samane sadak par ek balishth yuvak, mathe par tilak lagae, janeoo pahane, ek boodhe, durbal manushy ko mar raha hai. budhdha rota hai, gidagidata hai aur pairon pad-pad ke kahata hai ki maharaj, mera kasoor maf karo, kintu tilakadhari yuvak ko us par zara bhi daya nahin ati. jamid ka rakt khaul utha. aise drishy dekhakar vah shant n baith sakata tha. turnt koodakar bahar nikala aur yuvak ke samane akar bola---buddhe ko kyon marate ho, bhaee? tumhen is par zara bhi daya nahin ati? yuvak-- main marate-marate isaki haddiyan tod doonga. jamid-- akhir isane kya kasoor kiya hai? kuchh maloom bhi to ho. yuvak-- isaki murgi hamare ghar men ghus gee thi aur sara ghar gnda kar aee. jamid-- to kya isane murgi ko sikha diya tha ki tumhara ghar gnda kar ae? buddha-- khudabnd main use barabar khanche men dhanke rahata hoon. aj gafalat ho gee. kahata hoon, maharaj, kusoor maf karo, magar nahin manate. huzoor, marate-marate adhamara kar diya. yuvak-- abhi nahin mara hai, ab maroonga, khod kar gad doonga. jamid-- khod kar gad doge, bhaee sahab, to tum bhi yon khade n rahoge. samajh ge? agar phir hath uthaya, to achchha n hoga. zavan ko apani takat ka nasha tha. usane phir buddhe ko chanta lagaya, par chanta padane ke pahale hi jamid ne usaki garadan pakad li. donon men mall-yuddh hone laga. jamid karara javan tha. yuvak ko patakani di, to vah charon khane chitt gir gaya. usaka girana tha ki bhakton ka samuday, jo ab tak mndir men baitha tamasha dekh raha tha, lapak pada aur jamid par charon taraph se choten padane lagin. jamid ki samajh men n ata tha ki log mujhe kyon mar rahe hain. koee kuchh n poochhata. tilakadhari javan ko koee kuchh nahin kahata. bas, jo ata hai, mujh hi par hath saf karata hai. akhir vah bedam hokar gir pada. tab logon men baten hone lagin. -- daga de gaya. -- dhath teri jat ki! kabhi mlechchhon se bhalaee ki asha n rakhani chahie. kaua kauon ke sath milega. kamina jab karega kaminapan, ise koee poochhata n tha, mndir men jhadoo laga raha tha. deh par kapade ka tar bhi n tha, hamane isaka samman kiya, pashu se adami bana diya, phir bhi apana n hua. -- inake dharm ka to mool hi yahi hai. jamid rat bhar sadak ke kinare pada dard se karahata raha, use mar khane ka du:kh n tha. aisi yatanaen vah kitani bar bhog chuka tha. use du:kh aur ashchary keval is bat ka tha ki in logon ne kyon ek din mera itana samman kiya aur kyon aj akaran hi meri itani durgati ki? inaki vah sajjanata aj kahan gee? main to vahi hoon. maine koee kasoor bhi nahin kiya. maine to vahi kiya, jo aisi dasha men sabhi ko karana chahie, phir in logon ne mujh par kyon itana atyachar kiya? devata kyon rakshas ban ge? vah rat bhar isi ulajhan men pada raha. pratahkal uth kar ek taraf ki rah li. jamid abhi thodi hi door gaya tha ki vah buddha use mila. use dekhate hi bola-- kasam khuda ki, tumane kal meri jan bacha di. suna, jalimon ne tumhen buri tarah pita. main to mauqa pate hi nikal bhaga. ab tak kahan the. yahan log rat hi se tumase milane ke lie beqarar ho rahe hain. qazi sahab rat hi se tumhari talash men nikale the, magar tum n mile. kal ham donon akele pad ge the. dushmanon ne hamen pit liya. namaz ka vakt tha, jahan sab log masjid men the, agar zara bhi khabar ho jati, to ek hazar lathait pahunch jate. tab ate-dal ka bhav maloom hota. kasam khuda ki, aj se maine tin kodi murgiyan pali hain. dekhoon, pndit ji maharaj ab kya karate hain. kasam khuda ki, qazi sahab ne kaha hai, agar yah launda zara bhi ankh dikhae, to tum akar mujh se kahana. ya to bachcha ghar chhodakar bhagenge ya haddi-pasali todakar rakh di jaegi. jamid ko lie vah buddha qazi joravar husain ke daravaze par pahuncha. qazi sahab vajoo kar rahe the. jamid ko dekhate hi daudakar gale laga liya aur bole-- vallah! tumhen ankhen dhoondh rahi thin. tumane akele itane kafiron ke dant khatte kar die. kyon n ho, momin ka khoon hai. kafiron ki haqikat kya? suna, sab-ke-sab tumhari shuddhi karane ja rahe the, magar tumane unake sare manasoobe palat die. islam ko aise hi khadimon ki zaroorat hai. tum jaise dinadaron se islam ka nam raushan hai. galati yahi huee ki tumane ek mahine tak sabr nahin kiya. shadi ho jane dete, tab maza ata. ek najanin sath late aur daulat muft. vallah! tumane ujalat kar di. din bhar bhakton ka tanta laga raha. jamid ko ek nazar dekhane ka sabako shauq tha. sabhi usaki himmat, zor aur mazahabi josh ki prashnsa karate the. pahar rat bit chuki thi. musafiron ki amadaraft kam ho chali thi. jamid ne qazi samaj se dharm-granth padhana shuroo kiya tha. unhonne usake lie apane bagal ka kamara khali kar diya tha. vah qazi sahab se sabak lekar aya aur sone ja raha tha ki sahasa use daravaze par ek tange ke rukane ki avaz sunaee di. qazi sahab ke murid aksar aya karate the. jamid ne socha, koee murid aya hoga. niche aya to dekha,ek stri tange se utar kar baramade men khadi hai aur tange vala usaka asabab utar raha hai. mahila ne makan ko idhar-udhar dekhakar kaha-- nahin ji, mujhe achchhi tarah khyal hai, yah unaka makan nahin hai. shayad tum bhool ge ho. tange vala-- huzoor to manati hi nahin. kah diya ki baboo sahab ne makan tabdil kar diya hai. oopar chalie. stri ne kuchh jhijhakate hue kaha-- bulate kyon nahin? avaz do! tange vala-- o sahab, avaz kya doon, jab janata hoon ki sahab ka makan yahi hai to nahak chillane se kya fayada? bechare aram kar rahe honge. aram men khalal padega. ap nisakhatir rahie. chalie, oopar chalie. aurat oopar chali. pichhe-pichhe tange vala asabab lie hue chala. jamid gumasum niche khada raha. yah rahasy usaki samajh men n aya. tange vale ki avaz sunate hi qazi sahab chhat par nikal ae aur ek aurat ko ate dekh kamare ki khidakiyan charon taraf se bnd karake khoonti par latakati talavar utar li aur daravaze par akar khade ho ge. aurat ne jina tay karake jyon hi chhat par pair rakha ki qazi sahab ko dekhakar jhijhaki. vah turnt pichhe ki taraf mudana chahati thi ki qazi sahab ne lapakakar usaka hath pakad liya aur kamare men ghasit lae. isi bich men jamid aur tangevala ye donon bhi oopar a ge the. jamid yah drishy dekhakar vismit ho gaya tha. yah rahasy aur bhi rahasyamay ho gaya tha. yah vidya ka sagar, yah nyay ka bhndar, yah niti, dharm aur darshan ka agar is samay ek aparichit mahila ke oopar yah ghor atyachar kar raha hai. tange vale ke sath vah bhi qazi sahab ke kamare men chala gaya. qazi sahab ne stri ke donon hath pakade hue the. tange vale ne daravaza band kar diya. mahila ne tange vale ki or khoonabhari ankhon se dekhakar kaha-- too mujhe yahan kyon laya? qazi sahab ne talavar chamaka kar kaha-- pahale aram se baith jao, sab kuchh maloom ho jaega. aurat-- tum to mujhe koee maulavi maloom hote ho? kya tumhen khuda ne yahi sikhaya hai ki paraee bahoo-betiyon ko zabardasti ghar men band karake unaki abaroo bigado? kazi-- han khuda ka yahi hukm hai ki kafiron ko jis tarah mumakin ho, islam ke raste par laya jae. agar khushi se n aen, to jabr se. aurat-- isi tarah agar koee tumhari bahoo-beti ko pakadakar be-abaroo kare, to ? kazi-- ho raha hai. jaisa tum hamare sath karoge vaisa hi ham tumhare sath karenge. phir ham to be-abaroo nahin karate, sirph apane mazahab men shamil karate hai. islam kabool karane se abaroo badhati hai, ghatati nahin. hindoo kaum ne to hamen mita dene ka bida uthaya hai. vah is mulk se hamara nishan mita dena chahati hai. dhokhe se, lalach se, jabr se, musalamanon ko be-din banaya ja raha hai, to musalaman baithe munh takenge ? aurat-- hindoo kabhi aisa atyachar nahin kar sakata. sambhav hai, tum logon ki shararaton se tng akar niche darze ke log is tarah se badala lene lage hon, magar ab bhi koee sachcha hindoo ise pasnd nahin karata. qazi sahab ne kuchh sochakar kaha-- beshak, pahale is tarah ki shararat musalaman shohade kiya karate the. magar sharif in harakaton ko bura samajhate the aur apane imakan bhar rokane ki koshish karate the. talim aur tahazib ki taraqqi ke sath kuchh dinon men yah gundapan zaroor gayab ho jata, magar ab to sari hindoo kaum hamen nigalane ke lie taiyar baithi huee hai. phir hamare lie aur rasta hi kaun-sa hai. ham kamazor hain, isalie hamen majaboor hokar apane ko qayam rakhane ke lie daga se kam lena padata hai, magar tum itana ghabarati kyon ho? tumhen yahan kisi bat ki takalif n hogi. islam auraton ke haq ka jitana lihaz karata hai, utana aur koee mazahab nahin karata. aur musalaman mard to apani aurat par jan deta hai. mere yah naujavan dost (jamid) tumhare samane khade hain, inhin ke sath tumhara nikah kara diya jaega. bas, aram se zindagi ke din basar karana. aurat-- main tumhen aur tumhare dharm ko ghrinit samajhati hoon, tum kutte ho . isake siva tumhare lie koee doosara nam nahin. khairiyat isi men hai ki mujhe jane do, nahin to main abhi shor macha doongi aur tumhara sara maulavipan nikal jaega. kazi-- agar tumane zaban kholi, to tumhe jan se hath dhona padega. bas, itana samajh lo. aurat-- abaroo ke samane jan ki koee haqiqat nahin. tum meri jan le sakate ho, magar abaroo nahin le sakate. kazi-- kyon nahak zid karati ho? aurat ne daravaze ke pas jakar kaha-- kahati hoon, daravaza khol do. jamid ab tak chupachap khada tha. jyon hi stri daravaze ki taraph chali aur qazi sahab ne usaka hath pakadakar khincha, jamid ne turnt daravaza khol diya aur qazi sahab se bola-- inhen chhod dijie. kazi-- kya bakata hai ? jamid-- kuchh nahin. khairiyat isi men hai inhen chhod dijie. lekin jab qazi sahab ne us mahila ka hath n chhoda aur tange vala bhi use pakadane ke lie badha, to jamid ne ek dhakka dekar qazi sahab ko dhakel diya aur us stri ka hath pakade hue kamare se bahar nikal gaya. tange vala pichhe lapaka, magar jamid ne use itani zor se dhakka diya ki vah aundhe munh ja gira. ek kshan men jamid aur stri donon sadak par the. jamid-- apaka ghar kis mohalle men hai? aurat-- adhiyagnj men. jamid-- chalie, main apako pahuncha aoon. aurat-- isase badi aur kya meharabani hogi. main apaki is neki ko kabhi n bhooloongi. apane aj meri abaroo bacha li, nahin to main kahin ki n rahati. mujhe ab maloom hua ki achchhe aur bure sab jagah hote hain. mere shauhar ka nam pndit rajakumar hai. usi vakt ek tanga sadak par ata dikhaee diya. jamid ne stri ko us par bitha diya aur khud baithana hi chahata tha ki oopar se qazi sahab ne jamid par lathth chalaya aur dnda tange se takaraya. jamid tange men a baitha aur tanga chal diya. ahiyagnj men pndit rajakumar ka pata lagane men kathinaee n padi. jamid ne jyon hi avaz di, vah ghabarae hue bahar nikal ae aur stri ko dekhakar bole-- tum kahan rah gee thin, indira? mainne to tumhe steshan par kahin n dekha, mujhe pahunchane men der ho gee thi. tumhen itani der kahan lagi? indira ne ghar ke andar qadam rakhate hi kaha-- badi lambi katha hai, zara dam lene do to batati hoon. bas, itana hi samajh lo ki aj is musalaman ne meri madad n ki hoti to abaroo chali gee thi. pndit ji poori katha sunane ke lie aur bhi vyakul ho uthe. indira ke sath vah bhi ghar men chale ge, par ek hi minat bad bahar akar jamid se bole-- bhaeesahab, shayad ap banavat samajhen, par mujhe apake roop men is samay ishtadev ke darshan ho rahe hain. meri jaban men itani takat nahin ki apaka shukriya ada kar sakoon. aie, baith jaie. jamid-- ji nahin, ab mujhe ijazat dijie. pndit-- main apaki is neki ka kya badala chuka sakata hoon? jamid-- isaka badala yahi hai ki is shararat ka badala kisi garib musalaman se n lijiega, meri apase yahi darakhvast hai. yah kahakar jamid uth khada hua aur us andheri rat ke sannate men shahar se bahar nikal gaya. us shahar ki vishakt vayu men sans lete hue usaka dam ghutata tha. vah jald-se-jald shahar se bhagakar apane ganv men pahunchana chahata tha, jahan mazahab ka nam sahanubhooti, prem aur sauhadr tha. dharm aur dharmik logon se use ghrina ho gee thi.

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah