रसिक सम्पादक -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

'navaras' ke snpadak pn. chokhelal sharma ki dharmapatni ka jab se dehant hua hai, apako striyon se vishesh anurag ho gaya hai aur rasikata ki matra bhi kuchh badh gayi hai. purushon ke achchhe-achchhe lekh raddi men dal diye jate hain; par deviyon ke lekh kaise bhi hon, turnt svikar kar liye jate hain aur bahudha lekh ki rasid ke sath lekh ki prashnsa kuchh in shabdon men ki jati hai- apaka lekh padhakar dil thamakar rah gaya, atit jivan ankho ke samane moortiman ho gaya, athava apake bhav sahity-sagar ke ujjval ratn hain, jinaki chamak kabhi kam n hogi. aur kavitaen to hriday ki hiloren, vishv-vina ki amar tan, annt ki madhur vedana, nisha ka nirav gan hoti thin. prashnsa ke sath darshan ki utkat abhilasha bhi prakat ki jati thi. yadi ap kabhi idhar se gujaren to mujhe n bhooliega. jisane aisi kavita ki srishti ki hai, usake darshan ka saubhagy mujhe mila, to apane ko dhany manoonga.

lekhikaen anuragamay protsahan se bhare hue patr pakar phooli n samatin. jo lekh abhage bhikshuk ki bhanti kitane hi patr-patrikaon ke dvar se nirash laut aye the, unaka yahan itana adar ! pahali bar hi aisa snpadak janma hai, jo gunon ka parakhi hai. aur sabhi snpadak ahnmany hain, apane age kisi ko samajhate hi nahin hain. jara-si snpadaki kya mil gayi mano koee rajy mil gaya. snpadakon ko kahin sarakari pad mil jay to andher macha den. vah to kaho ki sarakar inhen poochhati nahin. usane bahut achchha kiya jo ardinens pas kar diye. aur striyon se dvesh karo. yah usi ka dnd hai. yah bhi snpadak hi hain, koee ghas nahin chhilate aur snpadak bhi ek jagath-vikhyat patr ke. 'navaras' sab patron men raja hai.

chokhelalaji ke patr ki grahak-snkhya bade veg se badhane lagi. har dak se dhanyavadon ki ek badh-si a jati, aur lekhikaon men unaki pooja hone lagi. byah, gauna, mundan, chhedan, janm, maran ke samachar ane lage. koee ashirvad mangati, koee unake mukh se santvana ke do shabd sunane ki abhilasha karati, koee unase ghareloo snkaton men paramarsh poochhati. aur mahine men das-panch mahilaen unhen darshan bhi de jatin. sharmaji unaki avaee ka tar ya patr pate hi steshan par jakar unaka svagat karate, bade agrah se unhen ekadh din thaharate, unaki khoob khatir karate. sinema ke phri pas mile hue the hi, khoob sinema dikhate. mahilaen unake sadbhatav se mugdh hokar vida hotin. mashahoor to yahan tak ki sharmaji ka kee lekhikaon se bahut hi ghanishth snbndh ho gaya hai; lekin is vishay men ham nishchayapoorvak kuchh nahin kah sakate. ham to itana hi janate hain ki jo deviyan ekabar yahan a jatin, vah sharmaji ki anany bhakt ho jatin. bechara sahity ki kutiya ka tapasvi hai. apane vidhur jivan ki nirashaon ko apane antahstal men snchit rakhakar mook vedana men prem-madhury ka rasapan kar raha hai. snpadakaji ke jivan men jo kami a gayi thi, usaki kuchh poorti karana mahilaon ne apana dharm-sa man liya. unake bhare hue bhndar men se agar ek kshudhit prani ko thodi-si mithaee di ja sake, to usase bhndar ki shobha hi hai. koee devi parasal se achar bhej deti, koee laddoo; ek ne pooja ka ooni asan apane hathon banakar bhej diya. ek devi mahine men ek bar akar unake kapadon ki marammat kar deti thin. doosari devi mahine men do-tin bar akar unhen achchhi-achchhi chizen banakar khila jati thin. ab vah kisi ek ke n hokar sabake ho gaye the. striyon ke adhikaron ka unase bada rakshak shayad hi koee mile. purushon se to sharmaji ko hamesha tivr alochana hi milati thi. shraddhamay sahanubhooti ka annd to unhonne striyon hi men paya.

ek din snpadakaji ko ek aisi kavita mili, jisamen lekhika ne apane ugr prem ka roop dikhaya tha. any snpadak use ashlil kahate, lekin chokhelal idhar bahut udar ho gaye the. kavita itane sundar aksharon men likhi thi, lekhika ka nam itana mohak tha ki snpadakaji ke samane usaka ek kalpana-chitr sa akar khada ho gaya. bhavuk prakriti, komal gat, yachana-bhare netr, binb-adhar, chnpee rng, ang-ang men chapalata bhari huee, pahale gond ki tarah shushk aur kathor, ardr hote hi chipak jane vali. unhonne kavita ko do-tin bar padha aur har bar unake man men sanasani daudi-

kya tum samajhate ho mujhe chhodakar bhag jaoge ?

bhag sakoge ?

main tumhare gale men hath dal doongi;

main tumhari kamar men kar-pash kas doongi;

main tumhara panv pakadakar rok loongi;

tab us par sir rakh doongi.

kya tum samajhate ho, mujhe chhodakar bhag jaoge ?

chhod sakoge ?

main tumhare adharon par apane kapol chipaka doongi;

us pyale men jo madak sudha hai-

use pikar tum mast ho jaoge.

aur mere pairon par sir rakh doge.

kya tum samajhate ho mujhe chhodakar bhag jaoge.

-'kamakshi'

sharmaji ko har bar is kavita men ek naya ras milata tha. unhonne usi kshan kamakshi devi ke nam yah patr likha-

'apaki kavita padhakar main nahin kah sakata, mere chitt ki kya dasha huee. hriday men ek aisi trishna jag uthi hai, jo mujhe bhasm kiye dalati hai. nahin janata, ise kaise shant karoon ? bas, yahi asha hai ki isako shital karane vali sudha bhi vahin milegi, jahan se yah trishna mili hai. man matng ki bhanti jnjir tudakar bhag jana chahata hai. jis hriday se yah bhav nikale hain, usamen prem ka kitana akshay bhndar hai, us prem ka, jo apane ko samarpit kar dene men hi annd pata hai. main apase saty kahata hoon, aisi kavita mainne aj tak nahin padhi thi aur isane mere andar jo toofan utha diya hai, vah meri vidhur shanti ko chhinn-bhinn kiye dalata hai. apane ek garib ki phoos ki jhopadi men ag laga di hai; lekin man yah svikar nahin karata ki yah keval vinod-krida hai. in shabdon men mujhe ek aisa hriday chhipa hua gyat hota hai, jisane prem ki vedana sahi hai, jo lalasa ki ag men tapa hai. main ise apana param saubhagy samajhoonga, yadi apake darshanon ka saubhagy pa saka. yah kutiya anurag ki bhent liye apaka svagat karane ko tadap rahi hai.’

‘saprem’

tisare hi din uttar a gaya. kamakshi ne bade bhavukatapoorn shabdon men kritgyta prakat ki thi aur apane ane ki tithi bataee thi.

2

aj kamakshi ka shubhagaman hai.

sharmaji ne prat:kal hajamat banavayi, sabun aur besan se snan kiya, mahin khaddar ki dhoti, kokati ka dhila chunnatadar kurata, malaee ke rng ki reshami chadar. is thath se akar karyalay men baithe, to sara daftar gamak utha. daftar ki bhi khoob saphaee kara di gayi thi. baramade men gamale rakhava diye gaye the. mej par guladaste saja diye gaye the. gadi nau baje ati hai, abhi sadhe ath hain, sadhe nau baje tak yahan a jayegi. is pareshani men koee kam nahin ho raha hai. bar-bar ghadi ki or takate hain, phir aine men apani soorat dekhakar kamare men tahalane lagate hain. moonchhon men do-char bal pake hue najar a rahe hain, unhen ukhad phenkane ka is samay koee sadhan nahin hai. koee haraj nahin. isase rng kuchh aur zyada jamega. prem jab shraddha ke sath ata hai tab vah aisa mehaman ho jata hai, jo upahar lekar ata ho. yuvakon ka prem kharchili vastu hai, lekin mahatmaon ya mahatmapan ke samip pahunche hue logon ko prem- ulate aur kuchh le ata hai. yuvak, jo rng bahumooly upaharon se jamata hai, yah mahatma ya ardhd-mahatma log keval ashirvad se jama lete hain.

thik sadhe nau baje chaparasi ne akar ek kard diya. likha tha- 'kamakshi.'

sharmaji ne use deviji ko lane ki anumati dekar ek bar phir aine men apani soorat dekhi aur ek moti-si pustak padhane lage, mano svadhyay men tanmay ho gaye hain. ek kshan men deviji ne kamare men qadam rakha. sharmaji ko unake ane ki khabar n huee.

deviji darate-darate samip a gayin, tab sharmaji ne chaunkakar sir uthaya, mano samadhi se jag pade hon, aur khade hokar deviji ka svagat kiya; magar yah vah moorti n thi, jisaki unhonne kalpana kar rakhi thi.

ek kali, moti, adhed, chnchal aurat thi, jo sharmaji ko is tarah ghoor rahi thi, mano unhen pi jayagi, sharmaji ka sara utsah, sara anurag thnda pad gaya. vah sari man ki mithaiyan, jo vah mahinon se kha rahe the, pet men shool ki bhanti chubhane lagin. kuchh kahate-sunate n bana. keval itana bole- snpadakon ka jivan bilakul pashuon ka jivan hai. sir uthane ka samay nahin milata. us par karyadhiky se idhar mera svasthy bhi bigad raha hai. rat hi se sir-dard se bechain hoon. apaki kya khatir karoon ?

kamakshi devi ke hath men ek bada-sa pulinda tha. use mej par patakakar, roomal se munh ponchhakar mridu-svar men bolin- yah apane to badi buri khabar sunaee. main to ek saheli se milane ja rahi thi. socha, raste men apake darshan karati chaloon; lekin jab apaka svasthy thik nahin hai, to mujhe yahan kuchh din rahakar apaka svasthy sudharana padega. main apake snpadan-kary men bhi apaki madad karoongi. apaka svasthy stri jati ke lie bade mahatv ki vastu hai. apako is dasha men chhodakar main ab ja nahin sakati.

sharmaji ko aisa jan pada, jaise unaka rakt-pravah ruk gaya hai; nadi chhooti ja rahi hai. us chudail ke sath rahakar to jivan hi narak ho jayega. chali hain kavita karane, aur kavita bhi kaisi ? ashlilata men doobi huee. ashlil to hai hi. bilakul sadi huee, gndi. ek sundari yuvati ki kalam se vah kavita kam-ban thi. is dain ki kalam se to vah paranale ka kichad hai. main kahata hoon, ise aisi kavita likhane ka adhikar hi kya hai ? yah kyon aisi kavita likhati hai ? kyon nahin kisi kone men baithakar ram-bhajan karati ? ap poochhati hain mujhe chhodakar bhag sakoge ? main kahata hoon, apake pas koee ayega hi kyon ? door se hi dekhakar n lnba ho jayega. kavita kya hai, jisaka n sir n pair, matraon tak ka ise gyan nahin hai ! aur kavita karati hai ! kavita agar is kaya men nivas kar sakati hai, to phir gadha bhi ga sakata hai. oont bhi nach sakata hai ! is rand ko itana bhi nahin maloom ki kavita karane ke lie roop aur yauvan chahie, najakat chahie, naphasat chahie. bhootani-si to apaki soorat hai, rat ko koee dekh le, to dar jay aur ap uttejak kavita likhati hain. koee kitana hi kshudhatur ho to kya gobar kha lega ? aur chudail itana bada potha leti ayi hai. isamen bhi vahi paranale ka gnda kichad hoga !

us moti pustak ki or dekhate hue bole- nahin-nahin, main apako kasht nahin dena chahata. vah aisi koee bat nahin hai. do-char din ke vishram se thik ho jayega ? apaki saheli apaki pratiksha karati hogi.

'ap to mahashayaji snkoch kar rahe hain. main das-panch din ke bad bhi chali jaoongi, to koee hani n hogi.'

'isaki koee avashyakata nahin hai deviji.'

'apake munh par to apaki prashnsa karana khushamad hogi, par jo sajjanata mainne ap men dekhi, vah kahin nahin payi. ap pahale mahanubhav hain, jinhonne meri rachana ka adar kiya, nahin to main nirash hi ho chuki thi. apake protsahan ka yah shubh phal hai ki mainne itani kavitaen rach dalin. ap inamen se jo chahen rakh len. mainne ek drama bhi likhana shuroo kar diya hai. use bhi shighr hi apaki seva men bhejoongi. kahie to do-char kavitaen sunaoon ? aisa avasar mujhe phir kab milega ! yah to nahin janati ki kavitaen kaisi hain, par ap sunakar prasann honge. bilakul usi rng ki hain.'

usane anumati ki pratiksha n ki. turnt potha kholakar ek kavita sunane lagi. sharmaji ko aisa maloom hone laga, jaise koee bhigo-bhigokar joote mar raha hai. kee bar unhen matali a gayi, jaise ek hazar gadhe kanon ke pas khade apana svar alap rahe hon. kamakshi ke svar men koyal ka madhury tha; par sharmaji ko is samay vah bhi apriy lag raha tha. sir men sachamuch dard hone laga. vah gadhi talegi bhi, ya yon hi baithi sir khati rahegi ? ise mere chehare se bhi mere manobhavon ka gyan nahin ho raha hai. us par ap kavita karane vali hain ! is munh se to mahadevi ya subhadrakumari ki kavitaen bhi ghrina hi utpann karengi.

akhir n raha gaya. bole- apaki rachanaon ka kya kahana, ap yah sngrah yahin chhod jayen. main avakash men padhoonga. is samay to bahut-sa kam hai.

kamakshi ne dayardr hokar kaha- ap itana durbal svasthy hone par bhi itane vyast rahate hain ? mujhe ap par daya ati hai.

'apaki kripa hai.'

'apako kal avakash rahega ? jara main apana drama sunana chahati thi ?'

'khed hai, kal mujhe jara prayag jana hai.'

'to main bhi apake sath chaloon ? gadi men sunati chaloongi.'

'kuchh nishchay nahin, kis gadi se jaoon.'

'ap lautenge kab tak ?'

'yah bhi nishchay nahin.'

aur teliphon par jakar bole- hallo, nn. 77.

kamakshi ne adha ghnte tak unaka intazar kiya; magar sharmaji ek sajjan se aisi mahatv ki baten kar rahe the, jisaka ant hi hone n pata tha.

nirash hokar kamakshi devi vida hueen aur shighr hi phir ane ka vada kar gayin. sharmaji ne aram ki sans li aur us pothe ko uthakar raddi men dal diya, aur jale hue dil se ap-hi-ap kaha- eeshvar n kare ki phir tumhare darshan hon. kitani besharm hai, kulata kahin ki. aj isane sara maja kirakira kar diya.

phir mainejar ko bulakar kaha- kamakshi ki kavita nahin jayagi.

mainejar ne stnbhit hokar kaha- pharm to mashin par hai.

'koee haraj nahin. pharm utar lijie.'

'badi der hogi.'

'hone dijie. vah kavita nahin jayagi.'

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah