महातीर्थ -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

munshi indramani ki amadani kam thi aur kharch zyada. apane bachche ke lie daee ka kharch n utha sakate the. lekin ek to bachche ki seva-shushroosha ki fikr aur doosare apane barabaravalon se hethe ban kar rahane ka apaman is kharch ko sahane par majaboor karata tha. bachcha daee ko bahut chahata tha, haradam usake gale ka har bana rahata tha. isalie daee aur bhi zaroori maloom hoti thi, par shayad sabase bada karan yah tha ki vah murauvat ke vash daee ko javab dene ka sahas nahin kar sakate the. budhiya unake yahan tin sal se naukar thi. usane unake ikalaute ladake ka lalan-palan kiya tha. apana kam badi mustaidi aur parishram se karati thi. use nikalane ka koee bahana nahin tha aur vyarth khuchad nikalana indramani jaise bhale adami ke svabhav ke viruddh tha, par sukhada is snbndh men apane pati se sahamat n thi. use sndeh tha ki daee hamen loote leti hai. jab daee bazar se lautati to vah dalan men chhipi rahati ki dekhoon ata kahin chhipa kar to nahin rakh deti; lakadi to nahin chhipa deti. usaki layi huee chijon ko ghnton dekhati, poochhatachh karati. bar-bar poochhati, itana hi kyon ? kya bhav hai. kya itana mahnga ho gaya ? daee kabhi to in sndehatmak prashnon ka uttar namratapoorvak deti, kintu jab kabhi bahoo ji zyada tej ho jatin to vah bhi kadi pad jati thi. shapathen khati. saphaee ki shahadaten pesh karati. vad-vivad men ghnton lag jate the. prayah nity yahi dasha rahati thi aur pratidin yah natak daee ke ashrupat ke sath samapt hota tha. daee ka itani sakhtiyan jhel kar pade rahana sukhada ke sndeh ko aur bhi pusht karata tha. use kabhi vishvas nahin hota tha ki yah budhiya keval bachche ke premavash padi huee hai. vah budhiya ko itani bal-prem-shila nahin samajhati thi.

2

snyog se ek din daee ko bazar se lautane men jara der ho gayi. vahan do kunjadinon men devasur sngram macha tha. unaka chitramay hav-bhav, unaka agney tark-vitark, unake kataksh, aur vyngy sab anupam the. vish ke do nad the ya jvala ke do parvat, jo donno taraph se umad kar apas men takara gaye the. kya vakh-pravah tha, kaisi vichitr vivechana ! unaka shabd-bahuly, unaki marmik vicharashilata, unake alnkrit shabd-vinyas aur unaki upamaon ki navinata par aisa kaun-sa kavi hai jo mugdh n ho jata. unaka dhairy, unaki shanti vismayajanak thi. darshakon ki ek khasi bhid bhi thi. vah laj ko bhi lajjit karanevale ishare, vah ashlil shabd jinase malinata ke bhi kan khade hote, sahastron rasikajanon ke lie manornjan ki samagri bane hue the.

daee bhi khadi ho gayi ki dekhoon kya mamala hai. tamasha itana manornjak tha ki use samay ka bilakul dhyan n raha. yakayak jab nau ke ghnte ki avaz kan men ayi to chaunk padi aur lapaki huee ghar ki or chali.

sukhada bhari baithi thi. daee ko dekhate hi tyori badal kar boli-kya bazar men kho gayi thi ?

daee vinayapoorn bhav se boli-ek jan-pahachan ki mahari se bhent ho gayi. vah baten karane lagi.

sukhada is javab se aur bhi chidh kar boli-yahan daftar jane ko der ho rahi hai aur tumhen sair-sapate ki soojhati hai.

parntu daee ne is samay dabane men hi kushal samajhi, bachche ko god men lene chali, par sukhada ne jhidak kar kaha-rahane do, tumhare bina vah vyakul nahin hua jata.

daee ne is agya ko manana avashyak nahin samajha. bahoo ji ka krodh thnda karane ke lie isase upayogi aur koee upay n soojha. usane rudramani ko ishare se apane pas bulaya. vah donon hath phailaye ladakhadata hua usaki or chala. daee ne use god men utha liya aur daravaze ki taraph chali. lekin sukhada baj ki tarah jhapati aur rudr ko usaki god se chhin kar boli-tumhari yah dhoortata bahut dinon se dekh rahi hoon. yah tamashe kisi aur ko dikhaiyo. yahan ji bhar gaya.

daee rudr par jan deti thi aur samajhati thi ki sukhada is bat ko janati hai. usaki samajh men sukhada aur usake bich yah aisa mazaboot snbndh tha, jise sadharan jhatake tod n sakate the. yahi karan tha ki sukhada ke katu vachanon ko sun kar bhi use yah vishvas n hota tha ki mujhe nikalane par prastut hai. sukhada ne yah baten kuchh aisi kathorata se kahin aur rudr ko aisi nirdayata se chhin liya ki daee se sahy n ho saka. boli-bahoo ji ! mujhase koee bada aparadh to nahin hua, bahut to pav ghnte ki der huee hogi. is par ap itana bigad rahi hain to saf kyon nahin kah detin ki doosara daravaza dekho. narayan ne paida kiya hai to khane ko bhi dega. mazadoori ka akal thode hi hai.

sukhada ne kaha-to yahan tumhari paravah hi kaun karata hai ? tumhari jaisi laundinen gali-gali thokaren khati phirati hain.

daee ne javab diya-han, narayan apako kushal se rakhen. laundinen aur daiyan apako bahut milengi. mujhase jo kuchh aparadh hua ho, kshama kijiega, main jati hoon.

sukhada-ja kar maradane men apana hisab kar lo.

daee-meri taraph se rudr baboo ko mithaiyan mngava dijiega.

itane men indramani bhi bahar se a gaye, poochha-kya hai kya ?

daee ne kaha-kuchh nahin. bahoo ji ne javab diya hai, ghar jati hoon.

indramani grihasthi ke jnjal se is tarah bachate the jaise koee nnge pairavala manushy kanton se bache. unhen sare din ek hi jagah khade rahana mnjoor tha, par kanton men pair rakhane ki himmat n thi. khinn ho kar bole-bat kya huee ?

sukhada ne kaha-kuchh nahin. apani ichchha. ji nahin chahata, nahin rakhate. kisi ke hathon bik to nahin gaye.

indramani ne jhunjhala kar kaha-tumhen baithe-baithe ek n ek khuchad soojhati rahati hai.

sukhada ne tinak kar kaha-han, mujhe to isaka rog hai. kya karoon svabhav hi aisa hai. tumhen yah bahut pyari hai to le jakar gale men bandh lo, mere yahan zaroorat nahin.

3

daee ghar se nikali to ankhen dabadabayi huee thin. hriday rudramani ke lie tadap raha tha. ji chahata tha ki ek bar balak ko lekar pyar kar loon; par yah abhilasha liye hue hi use ghar se bahar nikalana pada.

rudramani daee ke pichhe-pichhe daravaze tak aya, par daee ne jab daravaza bahar se bnd kar diya to vah machal kar zamin par let gaya aur anna-anna kah kar rone laga. sukhada ne chumakara, pyar kiya, god men lene ki koshish ki, mithaee dene ka lalach diya, mela dikhane ka vada kiya, isase jab kam n chala to bndar, sipahi, looloo aur haua ki dhamaki di par rudr ne vah raudr bhav dharan kiya, ki kisi tarah chup n hua. yahan tak ki sukhada ko krodh a gaya, bachche ko vahin chhod diya aur akar ghar ke dhndhe men lag gayi. rote-rote rudr ka munh aur gal lal ho gaye, ankhen sooj gayin. nidan vah vahin zamin par sisakate-sisakate so gaya.

sukhada ne samajha tha ki bachcha thodi der men ro-dho kar chup ho jayega. rudr ne jagate hi anna ki rat lagayi. tin baje indramani daftar se aye aur bachche ki yah dasha dekhi to stri ki taraph kupit netron se dekh kar use god men utha liya aur bahalane lage. jab ant men rudr ko yah vishvas ho gaya ki daee mithaee lene gayi hai to use sntosh hua.

parntu sham hote hi usane phir chikhana shuroo kiya-anna mithaee la.

is tarah do-tin din bit gaye. rudr ko anna ki rat lagane aur rone ke siva aur koee kam n tha. vah shant prakriti kutta, jo usaki god se ek kshan ke lie bhi n utarata tha; vah maun vratadhari billi, jise takh par dekh kar vah khushi se phoola n samata tha; vah pnkhahin chidiya, jis par vah jan deta tha, sab usake chitt se utar gaye. vah unaki taraph ankh utha kar bhi n dekhata. anna jaisi jiti-jagati, pyar karane vali, god men lekar ghumanevali, thapak-thapak kar sulanevali, ga-gakar khush karane vali chiz ka sthan un nirjiv chijon se poora n ho sakata tha. vah aksar sote-sote chaunk padata anna-anna pukar kar hathon se ishara karata, mano use bula raha hai. anna ki khali kothari men ghnton baitha rahata. use asha hoti ki anna yahan ati hogi. is kothari ka daravaza khulate sunata to anna-anna kah kar daudata. samajhata ki anna a gayi. usaka bhara hua sharir ghul gaya, gulab jaisa chehara sookh gaya, man aur bap usaki mohani hnsi ke lie taras kar rah jate the. yadi bahut gudagudane ya chhedane se hnsata bhi to aisa jan padata tha ki dil se nahin hnsata, keval dil rakh lene ke lie hns raha hai. use ab doodh se prem n tha, n mishri se, n meve se, n mithe biskut se, n taji imarati se. unamen maja tab tha jab anna apane hathon se khilati thi. ab unamen maja nahin tha. do sal ka lahalahata hua sundar paudha murajha gaya. vah balak jise god men uthate hi narami, garami aur bharipan ka anubhav hota tha, ab sookh kar kanta ho gaya. sukhada apane bachche ki yah dasha dekh kar bhitar hi bhitar kudhati, apani moorkhata par pachhatati. indramani, jo shantipriy adami the, ab balak ko god se alag n karate the, use roj sath hava khilane le jate the. nity naye khilaune late the, par murjhaya hua paudha kisi tarah bhi n panapata tha. daee usake lie snsar ki soory thi. us svabhavik garmi aur prakash se vnchit rahakar hariyari ko bahar kaise dikhata ? daee ke bina use ab charon or sannata dikhayi deta tha. doosari anna tisare hi din rakh li gayi thi. par rudr usaki soorat dekhate hi munh chhipa leta tha mano vah koee dain ya chudail ho.

pratyaksh roop men daee ko n dekh kar rudr ab usaki kalpana men magn rahata. vahan usaki anna chalati-phirati dikhayi deti thi. usaki vah god thi, vahi sneh; vahi pyari-pyari baten, vahi pyare gane, vahi majedar mithaiyan, vahi suhavana snsar, vahi anandamay jivan. akele baith kar kalpit anna se baten karata, anna, kutta bhooke. anna, gay doodh deti. anna; ujala-ujala ghoda daude. sabera hote hi lota lekar daee ki kothari men jata aur kahata-anna, pani. doodh ka gilas lekar usaki kothari men rakh ata aur kahata-anna, doodh pila. apani charapaee par takiya rakh kar chadar se dhank deta, aur kahata-anna soti hai. sukhada jab khane baithati to katore utha-utha kar anna ki kothari men le jata aur kahata-anna khana khayagi. anna ab usake lie ek svarg ki vastu thi, jisake lautane ki ab use bilakul asha n thi. rudr ke svabhav men dhire-dhire balakon ki chapalata aur sajivata ki jagah ek nirashajanak dhairy, ek anndavihin shithilata dikhayi dene lagi. is tarah tin haphte gujar gaye. barasat ka mausam tha. kabhi bechain karane vali garmi, kabhi hava ke thnde jhonke. bukhar aur jukam ka zor tha. rudr ki durbalata is ritu-parivartan ko bardasht n kar saki. sukhada use phalalain ka kurta pahanaye rakhati thi. use pani ke pas nahin jane deti. nnge pair ek qadam bhi nahin chalane deti. par sardi lag hi gayi. rudr ko khansi aur bukhar ane laga.

4

prabhat ka samay tha. rudr charapaee par ankh band kiye pada tha. daktaron ka ilaj nishphal hua. sukhada charapaee par baithi usaki chhati men tel ki malish kar rahi thi aur indramani vishad ki moorti bane hue karunapoorn ankhon se bachche ko dekh rahe the. idhar sukhada se bahut kam bolate the. unhen usase ek tarah ki ghrina-si ho gayi thi. vah rudr ki bimari ka ekamatr karan usi ko samajhate the. vah unaki drishti men bahut nich svabhav ki stri thi. sukhada ne darate-darate kaha-aj bade hakim sahab ko bula lete; shayad unaki dava se fayada ho.

indramani ne kali ghataon ki or dekh kar rukhaee se javab diya-bade hakim nahin, yadi dhanvantari bhi aven to bhi use koee fayada n hoga.

sukhada ne kaha-to kya ab kisi ki dava n hogi ?

indramani-bas, isaki ek hi dava hai aur alabhy hai.

sukhada-tumhen to bas vahi dhun savar hai. kya budhiya akar amrit pila degi.

indramani-vah tumhare lie chahe vish ho, par ladake ke lie amrit hi hogi.

sukhada-main nahin samajhati ki eeshvarechchha usake adhin hai.

indramani-yadi nahin samajhati ho aur ab tak nahin samajhi, to roogi. bachche se hath dhona padega.

sukhada-chup bhi raho, kya ashubh munh se nikalate ho. yadi aisi hi jali-kati sunani hai, to bahar chale jao.

indramani-to main jata hoon. par yad rakho, yah hatya tumhari hi gardan par hogi. yadi ladake ko tndurust dekhana chahati ho, to usi daee ke pas jao, usase vinati aur prarthana karo, kshama mango. tumhare bachche ki jan usi ki daya ke adhin hai.

sukhada ne kuchh uttar nahin diya. usaki ankhon se ansoo jari the.

indramani ne poochha-kya marji hai, jaoon use bula laoon ?

sukhada-tum kyon jaoge, main ap chali jaoongi.

indramani-nahin, kshama karo. mujhe tumhare oopar vishvas nahin hai. n jane tumhare jaban se kya nikal pade ki jo vah ati bhi to n ave.

sukhada ne pati ki or phir tiraskar ki drishti se dekha aur boli-han, aur kya, mujhe apane bachche ki bimari ka shok thode hi hai. mainne laj ke mare tumase kaha nahin, par mere hriday men yah bat bar-bar uthi hai. yadi mujhe daee ke makan ka pata maloom hota, to main kab ki use mana layi hoti. vah mujhase kitani hi naraz ho, par rudr se use prem tha. main aj hi usake pas jaoongi. tum vinati karane ko kahate ho, main usake pairon padane ke lie taiyar hoon. usake pairon ko ansuon se bhigooongi, aur jis tarah raji hogi, raji karoongi.

sukhada ne bahut dhairy dhar kar yah baten kahin, parntu umade hue ansoo n ruk sake. indramani ne stri ki or sahanubhootipoorvak dekha aur lajjit ho bole-main tumhara jana uchit nahin samajhata. main khud hi jata hoon.

5

kailasi snsar men akeli thi. kisi samay usaka parivar gulab ki tarah phoola hua tha; parntu dhire-dhire usaki sab pattiyan gir gayin. ab usaki sab hariyali nasht-bhrasht ho gayi, aur ab vahi ek sookhi huee tahani us hare-bhare ped ki chihn rah gayi thi.

parntu rudr ko pakar is sookhi huee tahani men jan pad gayi thi. isamen hari-bhari pattiyan nikal ayi thin. vah jivan, jo ab tak niras aur shushk tha; ab saras aur sajiv ho gaya tha. andhere jngal men bhatake hue pathik ko prakash ki jhalak ane lagi. ab usaka jivan nirarthak nahin balki sarthak ho gaya tha.

kailasi rudr ki bholi-bhali baton par nichhavar ho gayi; par vah apana sneh sukhada se chhipati thi, isalie ki man ke hriday men dvesh n ho. vah rudr ke lie man se chhip kar mithaiyan lati aur use khila kar prasann hoti. vah din men do-tin bar use ubatan malati ki bachcha khoob pusht ho. vah doosaron ke samane use koee chiz nahin khilati ki use najar lag jayegi. sada vah doosaron se bachche ke alpahar ka rona roya karati. use buri najar se bachane ke lie tabij aur gnde lati rahati. yah usaka vishuddh prem tha. usamen svarth ki gndh bhi n thi.

is ghar se nikal kar aj kailasi ki vah dasha thi, jo thiyetar men yakayak bijali laimpon ke bujh jane se darshakon ki hoti hai. usake samane vahi soorat nach rahi thi. kanon men vahi pyari-pyari baten goonj rahi thin. use apana ghar kate khata tha. us kalakothari men dam ghuta jata tha.

rat jyon-tyon kar kati. subah ko vah ghar men jhadoo laga rahi thi. bahar taje halave ki avaz sun kar badi phurti se ghar se bahar nikal ayi. tab yad a gaya, aj haluva kaun khayega ? aj god men baith kar kaun chahakega ? vah madhur gan sunane ke lie jo halava khate samay rudr ki ankhon se, honthon se, aur sharir ke ek-ek ang se barasata, kailasi ka hriday tadap gaya. vah vyakul hokar ghar se bahar nikali ki chaloon rudr ko dekh aoon. par adhe raste se laut gayi.

rudr kailasi ke dhyan se ek kshan bhar ke lie bhi nahin utarata tha. vah sote-sote chaunk padati, jan padata rudr dnde ka ghoda dabaye chala ata hai. padosiyon ke pas jati, to rudr hi ki charcha karati. rudr usake dil aur jan men basa hua tha. sukhada ke kathoratapoorn kuvyavahar ka usake hriday men dhyan nahin tha. vah roj irada karati thi ki aj rudr ko dekhane chaloongi. usake lie bazar se mithaiyan aur khilaune lati. ghar se chalati, par raste se laut ati. kabhi do-char qadam se age nahin badha jata. kaun munh lekar jaoon. jo prem ko dhoortata samajhata ho, use kaun-sa munh dikhaoon ? kabhi sochati yadi rudr mujhe n pahachane to ? bachchon ke prem ka thikana hi kya ? nayi daee se hil-mil gaya hoga. yah khayal usake pairon par jnjir ka kam kar jata tha.

is tarah do haphte bit gaye. kailasi ka ji uchata rahata, jaise use koee lambi yatra karani ho. ghar ki chizen jahan ki tahan padi rahatin, n khane ki sudhi thi, n kapade ki. rat-din rudr hi ke dhyan men doobi rahati thi. snyog se inhin dinon badrinath ki yatra ka samay a gaya. muhalle ke kuchh log yatra ki taiyariyan karane lage. kailasi ki dasha is samay us palatoo chidiya ki-si thi, jo pinjade se nikal kar phir kisi kone ki khoj men ho. use vismriti ka yah achchha avasar mil gaya. yatra ke lie taiyar ho gayi.

asaman par kali ghataen chhayi huee thin, aur halaki-halaki phuharen pad rahi thin. dehali steshan par yatriyon ki bhid thi. kuchh gadiyon par baithe the, kuchh apane gharavalon se vida ho rahe the. charon taraph ek halachal-si machi thi. snsar-maya aj bhi unhen jakade hue thi. koee stri ko savadhan kar raha tha ki dhan kat jave to talab vale khet men matar bo dena, aur bag ke pas gehoon. koee apane javan ladake ko samajha raha tha, asamiyon par bakaya lagan ki nalish men der n karana, aur do rupaye saikada sood zaroor kat lena. ek boodhe vyapari mahashay apane munim se kah rahe the ki mal ane men der ho to khud chale jaiega, aur chalatoo mal lijiega, nahin to rupaya phns jayega. par koee-koee aise shraddhalu manushy bhi the, jo dharm-magn dikhayi dete the. ve ya to chupachap asaman ki or nihar rahe the ya mala pherane men tallin the. kailasi bhi ek gadi men baithi soch rahi thi, in bhale adamiyon ko ab bhi snsar ki chinta nahin chhodati. vahi banij-vyapar, len-den ki charcha. rudr is samay yahan hota, to bahut rota, meri god se kabhi n utarata. laut kar use avashy dekhane jaoongi. ya eeshvar kisi tarah gadi chale; garmi ke mare ji vyakul ho raha hai. itani ghata umadi huee hai, kintu barasane ka nam nahin leti. maloom nahin, yah relavale kyon der kar rahe hain. jhoothamooth idhar-udhar daudate-phirate hain. yah nahin ki jhatapat gadi khol den. yatriyon ki jan men jan aye. ekaek usane indramani ko baisikil liye pletapharm par ate dekha. usaka chehara utara hua, aur kapade pasine se tar the. vah gadiyon men jhankane lage. kailasi keval yah jatane ke lie ki main bhi yatra karane ja rahi hoon; gadi se bahar nikal ayi. aur indramani use dekhate hi lapak kar qarib a gaye; aur bole-kyon kailasi, tum bhi yatra ko chalin ?

kailasi ne sagarv dinata se uttar diya-han, yahan kya karoon ? zindagi ka koee thikana nahin, maloom nahin kab ankhen bnd ho jayen, paramatma ke yahan munh dikhane ka bhi to koee upay hona chahie. rudr baboo achchhi tarah hain ?

indramani-ab to ja hi rahi ho. rudr ka hal poochh kar kya karogi ? use ashirvad deti rahana.

kailasi ki chhati dhadakane lagi. ghabara kar boli-unaka ji achchha nahin hai kya ?

indramani-vah to usi din se bimar hai jis din tum vahan se nikalin. do haphte tak usane anna-anna ki rat lagayi. ab ek haphte se khansi aur bukhar men pada hai. sari davaiyan karake har gaya, kuchh fayada n hua. mainne socha tha ki chal kar tumhari anunay-vinay karake liva laoonga. kya jane tumhen dekh kar usaki tabiyat snbhal jaye. par tumhare ghar par aya to maloom hua ki tum yatra karane ja rahi ho. ab kis munh se chalane ko kahoon. tumhare sath salook hi kaun-sa achchha kiya tha jo itana sahas karoon. phir puny-kary men vighn dalane ka bhi dar hai. jao, usaka eeshvar malik hai. ayu shesh hai to bach hi jayega. anyatha eeshvari gati men kisi ka kya vash.

kailasi ki ankhon ke samane andhera chha gaya. samane ki chizen tairati huee maloom hone lagin. hriday bhavi ashubh ki ashnka se dahal gaya. hriday se nikal pada-‘ya eeshvar, mere rudr ka bal banka n ho.’ prem se gala bhar aya. vichar kiya main kaisi kathorahridaya hoon. pyara bachcha ro-rokar halakan ho gaya, aur main use dekhane tak nahin gayi. sukhada ka svabhav achchha nahin, n sahi kintu rudr ne mera kya bigada tha ki mainne man ka badala bete se liya. eeshvar mera aparadh kshama karo. pyara rudr mere lie hudak raha hai. (is khayal se kailasi ka kaleja masos utha, aur ankhon se ansoo bah nikale.) mujhe kya maloom tha ki use mujhase itana prem hai. nahin maloom bachche ki kya dasha hai. bhayatur ho boli-doodh to pite hain n ?

indramani-tum doodh pine ko kahati ho ! usane do din se ankhen tak nahin kholin.

kailasi-ya mere paramatma ! are kuli ! kuli ! beta, akar mera saman gadi se utar de. ab mujhe tirath jana nahin soojhata. han beta, jaldi kar. baboo ji, dekho koee ekka ho to thik kar lo.

ekka ravana hua. samane sadak par bagghiyan khadi thin. ghoda dhire-dhire chal raha tha. kailasi bar-bar jhunjhalati thi aur ekkavan se kahati thi, beta jaldi kar. main tujhe kuchh jyade de doongi. raste men musaphiron ki bhid dekh kar use krodh ata tha. usaka ji chahata tha ki ghode ke par lag jate; lekin indramani ka makan qarib a gaya to kailasi ka hriday uchhalane laga. bar-bar hriday se rudr ke lie shubh ashirvad nikalane laga. eeshvar kare sab kushal-mngal ho. ekka indramani ki gali ki or muda. akasmath kailasi ke kan men rone ki dhvani padi. kaleja munh ko a gaya. sir men chakkar a gaya. maloom hua nadi men doobi jati hoon. ji chaha ki ekke par se kood padoon. par thodi hi der men maloom hua ki koee stri maike se vida ho rahi hai, sntosh hua. ant men indramani ka makan a pahuncha. kailasi ne darate-darate daravaze ki taraph taka. jaise koee ghar se bhaga hua anath ladaka sham ko bhookha-pyasa ghar aye, daravaze ki or sataki huee ankhon se dekhe ki koee baitha to nahin hai. daravaze par sannata chhaya hua tha. maharaj baitha surati mal raha tha. kailasi ko jara dhadhas hua. ghar men baithi to nayi daee pulatis paka rahi hai. hriday men bal ka snchar hua. sukhada ke kamare men gayi to usaka hriday garmi ke madhyahnakal ke sadrish kanp raha tha. sukhada rudr ko god men liye daravaze ki or ekatak tak rahi thi. shok aur karuna ki moorti bani thi.

kailasi ne sukhada se kuchh nahin poochha. rudr ko usaki god se liya aur usaki taraph sajal nayanon se dekh kar kaha-beta rudr, ankhen kholo.

rudr ne ankhen kholin, kshan bhar daee ko chupachap dekhata raha, tab yakayak daee ke gale se lipat kar bola-anna ayi ! anna ayi !

rudr ka pila murjhaya hua chehara khil utha, jaise bujhate hue dipak men tel pad jay. aisa maloom hua mano vah kuchh badh gaya hai.

ek haphta bit gaya. pratahkal ka samay tha. rudr angan men khel raha tha. indramani ne bahar se akar use god men utha liya, aur pyar se bole-tumhari anna ko mar kar bhaga den ?

rudr ne munh bana kar kaha-nahin, royegi.

kailasi boli-kyon beta, tumane to mujhe badrinath nahin jane diya. meri yatra ka puny-phal kaun dega?

indramani ne muskara kar kaha-tumhen usase kahin adhik puny ho gaya. yah tirth mahatirth hai.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah