ज्वालामुखी -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

digri lene ke bad main nity laibreri jaya karata. patron ya kitabon ka avalokan karane ke lie nahin. kitabon ko to mainne n chhoone ki kasam kha li thi. jis din gajat men apana nam dekha, usi din mil aur kaint ko uthakar tak par rakh diya. main keval angreji patron ke ‘vanted’ kalamon ko dekha karata. jivan yatra ki fikr savar thi. mere dada ya paradada ne kisi angrez ko gadar ke dinon men bachaya hota athava kisi ilake ka zamindar hota, to kahin ‘namineshan’ ke lie udyog karata. par mere pas koee sipharish n thi. shok ! kutte, billiyon aur motaron ki mang sabako thi. par bi.e. pas ka koee purasanhal n tha. mahinon isi tarah daudate gujar gaye, par apani ruchi ke anusar koee jagah najar n ayi. mujhe aksar apane bi.e. hone par krodh ata tha. draivar, phayaramain, mistri, khanasama ya bavarchi hota, to mujhe itane dinon bekar n baithana padata.

ek din main charapaee par leta hua ek patr padh raha tha ki mujhe ek mang apani ichchha ke anusar dikhaee di. kisi rees ko ek aise praivet sekretari ki zaroorat thi, jo vidvanh, rasik, sahriday aur roopavan ho. vetan ek hazar masik ! main uchhal pada. kahin mera bhagy uday ho jata aur yah pad mujhe mil jata, to zindagi chain se kat jati. usi din mainne apana vinay-patr apane photo se sath ravana kar diya, par apane atmiy-ganon men kisi se isaka zikr n kiya ki kahin log meri hnsi n udaen. mere lie 30 ru. masik bhi bahut the. ek hazar kaun dega ? par dil se yah khayal door n hota ! baithe-baithe shekhachilli ke mansoobe bandha karata. phir hosh men akar apane ko samajhata ki mujhamen aise oonche pad ke lie kaun si yogyata hai. main abhi kalej se nikala hua pustakon ka putala hoon. duniya se bekhabar ! us pad ke lie ek-se ek vidvan, anubhavi purush munh phailae baithe honge. mere lie koee asha nahin. main roopavan sahi, sajila sahi, magar aise padon ke lie keval roopavan hona kafi nahin hota. vigyapan men isaki charcha karane se keval itana abhipray hoga ki kuroop adami ki zaroorat nahin, aur uchit bhi hai. balki bahut sajilapan to oonche padon ke lie kuchh shobha nahin deta madhyam shreni, tond bhara hua sharir, phoole hue gal aur gaurav-yukt vaky-shaili yah uchch padadhikariyon ke lakshan hain aur mujhe inamen se ek bhi mayassar nahin. isi asha aur bhay men ek saptah gujar gaya aur ab nirash ho gaya. main bhi kaisa ochha hoon ki ek be sir-pair ki bat ke pichhe aisa phool utha, isi ko ladakapan kahate hain. jahan tak mera khayal hai, kisi dillagibaj ne ajakal ke shikshit samaj ki moorkhata ki pariksha karane ke lie yah svang racha hai. mujhe itana bhi n soojha. magar athaven din pratahkal tar ke chaparasi ne mujhe avaz di. mere hriday men gudagudi-si hone lagi. lapaka hua aya. tar kholakar dekha, likha—svikar hai, shighr ao. aishagadh.

magar yah sukh-samvad pakar mujhe vah annd n hua, jisaki asha thi. main kuchh der tak khada sochata raha, kisi tarah vishvas n ata tha. zaroor kisi dillagibaj ki shararat hai. magar koee mujayaka nahin, mujhe bhi isaka munhatod javab dena chahie. tar de doon ki ek mahine ki tanakhvah bhej do. ap hi sari kalee khul jaegi. magar phir vichar kiya, kahin vastav men nasib jaga ho, to is udndata se bana-banaya khel bigad jayaga chalo, dillagi hi sahi. jivan men yah ghatana bhi smaraniy rahegi. tilasm ko khol hi daloon. yah nishchay karake tar dvara apane ane ki soochana de di aur sidhe relave steshan par pahuncha. poochhane par maloom hua ki yah sthan dakkhin ki or hai.

taimatebul men usaka vrittant vistar ke sath likha tha. sthan atiramaniy hai, par jalavayu svasthyakar nahin. han, hrisht-pusht navayuvakon par usaka asar shighr nahin hota. drishy bahut manoram hai, par zaharile janavar bahut milate hain. yathasadhy andheri ghatiyon men n jana chahie. yah vrittant padhakar utsukta aur bhi badhi zaharile janavar hain to hua karen., kahan nahin hain. main andheri ghatiyon ke pas bhoolakar bhi n jaoonga. akar saphar ka saman thik kiya aur eeshvar ka nam lekar niyat samay par steshan ki taraph chala, par apane alapi mitron se isaka kuchh zikr n kiya, kyonki mujhe poora vishvas tha ki do-hi-char din men phir apana-sa munh lekar lautana padega.

2

gadi par baitha to sham ho gee thi. kuchh der tak sigar aur patron se dil bahalata raha. phir maloom nahin kab nind a gee. ankhen khulin aur khidaki se bahar taraph jhanka to ushakal ka manohar drishy dikhaee diya. donon or hare vrikshon se dhaki huee parvat-ksheniyan, un par charati huee ujali-ujali gayen aur bhende soory ki sunahari kiranon men rngi huee bahut sundar maloom hoti thin. ji chahata tha ki kahin meri kutiya bhi inhin sukhad pahadiyon men hoti, jngalon ke phal khata, jharanon ka taja pani pita aur annd ke git gata. yakayak drishy badala kahin ujale-ujale pakshi tairate the aur kahin chhoti-chhoti dongiyan nirbal atmaon ke sadrishy dagamagati huee chali jati thin. yah drishy bhi badala. pahadiyon ke daman men ek ganv najar aya, jhadiyon aur vrikshon se dhaka hua, mano shanti aur sntosh ne yahan apana nivas-sthan banaya ho. kahin bachche khelate the, kahin gay ke bachhade kilole karate the. phir ek ghana jngal mila. jhund-ke-jhund hiran dikhaee diye, jo gadi ki hahakar sunate hi chaukadiyan bharate door bhag jate the. yah sab drishy svapn ke chitron ke saman ankhon ke samane ate the aur ek kshan men gayab ho jate the. unamen ek avarnaniy shantidayini shobha thi, jisase hriday men akankshaon ke aveg uthane lagate the.

akhir aishagadh nikat aya. mainne bistar snbhala. jara der men siganal dikhaee diya. meri chhati dhadakane lagi. gadi ruki. mainne utarakar idhar-udhar dekha, kuliyon ko pukarane laga ki itane men do varadi pahane hue adamiyon ne akar mujhe sadar salam kiya aur poochha—‘ap....se a rahe hain n, chaliye motar taiyar hai.’ meri banchhe khil geen. ab tak kabhi motar par baithane ka saubhagy n hua tha. shan ke sat ja baitha. man men bahut lajjit tha ki aise phate hal kyon aya ? agar janata ki sachamuch saubhagy-soory chamaka hai, to that-bat se ata khair, motar chali, donon taraph maulasari ke saghan vriksh the. sadak par lal vajari bichhi huee thi. sadak hare-bhare maidan men kisi suramy jaladhar ke sadrish bal khati chali gee thi. das minat bhi n gujare honge ki samane ek shantimay sagar dikhaee diya. sagar ke us par pahadi par ek vishal bhavan bana hua tha. bhavan abhiman se sir uthae hue tha, sagar sntosh se niche leta hua, sara drishy kavy, shrringar aur amod se bhara hua tha.

ham sadar daravaze par pahunche, kee adamiyon ne daudakar mera svagat kiya. inamen ek shaukin munshiji the jo bal snvare ankhon men surma lagae hue the. mere lie jo kamara sajaya gaya tha, usake dvar par mujhe pahunchakar bole—sarakar ne pharamaya hai, is samay ap aram karen, sndhya samay mulakat kijiega.

mujhe ab tak isaki kuchh khabar n thi ki yah ‘sarakar’ kaun hai, n mujhe kisi se poochhane ka sahas hua kyonki apane svami ke nam tak se anabhigy hone ka parichay nahin dena chahata tha. magar isamen koee sndeh nahin ki mera svami bada sajjan manushy tha. mujhe itane adar-satkar ki kadapi asha n thi. apane susajjit kamare men jakar jab mainne ek aram-kursi par baitha, to harsh se vihval ho gaya. pahadiyon ki taraph se shital vayu ke mnd-mnd jhonke a rahe the. samane chhajja tha. niche jhil thi. sanp ke kenchul ke sadrish prakash se poorn, aur main, jise bhagy devi ne sadaiv apana sautela ladaka samajha tha, is samay jivan men pahali bar nirvighn annd ka sukh utha raha tha.

tisare pahar shaukin munshiji ne akar ittala di ki sarakar ne yad kiya hai. mainne is bich men bal bana lie the. turant apana sarvottam soot pahana aur munshiji ke sath sarakar ki seva men chala. is, samay mere man men yah shnka uth rahi thi ki meri batachit se svami asntusht n ho jayn aur unhonne mere vishay men jo vichar sthir kiya ho, usamen koee antar n pad jay, tathapi main apani yogyata ka parichay dene ke lie khoob taiyar tha. ham kee baramadon se hote ant men sarakar ke kamare ke daravaze par pahunche. reshami parada pada hua tha. munshiji ne parda uthakar mujhe ishare se bulaya. mainne kanpate hue hriday se kamare men qadam rakha aur ashchary se chakit rah gaya ! mere samane saundary ki ek jvala diptiman thi.

phool bhi sundar hai aur dipak bhi sundar hai. phool men thndak aur sugndhi hai, dipak men prakash aur uddipan. phool par bhramar ud-udakar usaka ras leta hai, dipak men patng jalakar rakh ho jata hai. mere samane karachobi manasad par jo sundari virajaman thi, vah saundary ki ek prakashamay jvala thi. phool ki pnkhudiyan ho sakati hain jvala ko vibhakt karana asambhav hai. usake ek-ek ang ki prashnsa karana jvala ko katana hai. vah nakh-shikh ek jvala thi, vahi dipak, vahi chamak vahi lalima, vahi prabha, koee chitrakar saundary pratima ka isase ichchha chitr nahin khinch sakata tha. ramani ne meri taraph vatsaly drishti se dekhakar kaha—apako saphar men koee vishesh kasht to nahin hua ?

mainne snbhalakar uttar diya—ji nahin, koee kasht nahin hua.

ramani— yah sthan pasnd aya ?

mainne sahasapoorn utsah ke sath javab diya—aisa sundar sthan prithvi par n hoga. han gaid-buk dekhane se vidit hua ki yahan ka jalavayu jaisa sukhadaprakat hota hai, yatharth men vaisa nahin, vishaile pashuon ki bhi shikayat hai.

yah sunate hi ramani ka mukh-soory kantihin ho gaya. mainne to charcha isalie kar di thi, jisase prakat ho jay ki yahan ane men mujhe bhi kuchh tyag karana pada hai, par mujhe aisa maloom hua ki is charcha se use koee vishesh duahkh hua. par kshan-bhar men soory-mndal se bahar nikal aya, boli—yah sthan apani ramaniyata ke karan bahudha logon ki ankhon men khatakata hai. gun ka niradar karanevale sabhi jagah hote hain aur yadi jalavayu kuchh hanikar ho bhi, to ap jaise balavan manushy ko isaki kya chinta ho sakati hai. rahe vishaile jiv-jntu, vah apane netron ke samane vichar rahe hain. agar mor, hiran aur hns vishaile jiv hain, jo nissndeh yahan vishaile jiv bahut hain.

mujhe snshay hua kahin mere kathan se usaka chitt khinn n ho gaya ho. garv se bola—in gaid-bukon par vishvas karana sarvatha bhool hai.

is vaky se sundari ka hriday khil gaya, boli—ap spashtavadi maloom hote hain aur yah manushy ka ek uchch gun hai. main apaka chitr dekhate hi itana samajh gee thi. apako yah sunakar ashchary hoga ki is pad ke lie mere pas ek lakh se adhik prarthanapatr aye the. kitane em.e.the, koee di.es-si. tha, koee jarmani se pi-ech.di. upadhi kie hue tha, mano yahan mujhe kisi darshanik vishay ki janch karavani thi mujhe abaki hi yah anubhav hua ki desh men uchch-shikshit manushyon ki itani bharamar hai. kee mahashayon ne svarachit grnthon ki namavali likhi thi, mano desh men lekhakon aur pnditon hi ki avashkata hai. unhen kalagati ka leshamatr bhi parichay nahin hai. prachin dharm-kathaen ab keval andhabhakton ke rasasvadan ke lie hi hain, unase aur koee labh nahin hai. yah bhautik unnati ka samay hai. ajakal log bhautik sukh par apane pran arpan kar dete hain. kitane hi logon ne apane chitr bhi bheje the. kaisi-kaisi vichitr moortiyan thin, jinhen dekh kar ghnton hnsie. mainne un sabhi ko ek alabam men laga liya hai aur avakash milane par jab hnsane ki ichchha hoti hai, to unhen dekha karati hoon. main us vidya ko rog samajhati hoon, jo manushy ko banamanush bana de. apaka chitr dekhate hi ankhen mugdh ho geen. tatkshan apako bulane ko tar de diya.

maloom nahin kyon, apane gun-svabhav ki prashnsa ki apeksha ham apane bahy gunon ki prashnsa se adhik sntusht hote hain aur ek sundari ke mukh se to vah chalate hue jadoo ke saman hai. bola—yathasadhy apako mujhase asntusht hone ka avasar n milega.

sundari ne meri or prashnsapoorn netron se dekhakar kaha—isaka mujhe pahale hi se vishvas hai. aie, ab kuchh kam ki baten ho jayn. is ghar ko ap apana hi samajhie aur snkoch chhodakar anand se rahie. mere bhakton ki snkhya bahut hai. vah snsar ke pratyek bhag men upasthit hain aur bahudha mujhase anek prakar ki jigyasa kiya karate hain. un sabakon main apake supurd karati hoon. apako unamen bhinn-bhinn svabhav ke manushy milenge. koee mujhase sahayata mangata hai, koee meri ninda karata hai, koee sarahata hai, koee galiyan deta hai. in sab praniyon ko sntusht karana apaka kam hai. dekhie, aj ke patron ka dher hai. ek mahashay kahate hain—‘bahut din hue apaki prerana se main apane bade bhaee ki mrityu ke bad unaki sampatti ka adhikari ban baitha tha. ab unaka putr vayas prapt kar chuka hai aur mujhase apane pita ki jayadad lautana chahata hai. itane dinon tak us sampatti ka upabhog karane ke pashchath ab usaka hath se nikalana akhar raha hai, apaki is vishay men kya sahamati hai ?’ inako uttar dijie ki is samay kootaniti se kam lo, apane bhatije ko kapat prem se mila lo. aur jab vah niahshnk ho jae to usase ek sade stamp par hastakshar kara lo. isake pichhe patavari aur any karmachariyon ki madad se isi stamp par jayadad ka bainama likha lo. yadi ek lagakar do milate hon, to aga-pichha mat karo.

yah uttar sunakar mujhe bada kautoohal hua. niti-gyan ko dhakka–sa laga. sochane laga, yah ramani kaun hai aur kyon aise anarth ka paramarsh deti hai. aise khulamkhulla to koee vakil bhi kisi ko yah ray n dega. usaki or sndehatmak bhav se dekhakar bola—yah to sarvatha nyayaviruddh pratit hota hai.

kamini khilakhilakar hns padi aur boli —nyay ki apane bhali kahi. yah keval dharmandh manushyon ke man ka samajhauta hai, snsar men isaka astitv nahin. bap rin le kar mar jae, ladaka kaudi-kaudi bhare. vidvanh log ise nyay kahate hain, main ise ghor atyachar samajhati hoon. is nyay ke parade men ganth ke poore mahajan ki hekadi saf jhalak rahi hai . ek dakoo kisi bhadr purush ke ghar men daka marata hai, log use pakadakar kaid kar dete hain, dharmatma log ise bhi nyay kahate hain, kintu yahan bhi vahi dhan aur adhikar ki prachndata hai. bhadr purush ne kitane hi gharon ko loota, kitanon hi ka gala dabaya aur is prakar dhan-snchay kiya, kisi ko bhi unhen ankh dikhane ka sahas n hua. dakoo ne jab unaka gala dabaya, to vah apane dhan aur prabhutv ke bas se us par vajraprahar kar baithe. ise nyay nahin kahate. snsar men dhan, chhal, kapat dhoortata ka rajy hai yahi jivan-sngram hai. yahan pratyek sadhan, jisase hamara kam nikale, jisase ham apane shatruon par vijay pa saken nyayanukool aur uchit hai. dharm-yuddh ke din ab nahin rahe. yah dekhie, yah ek doosare sajjan ka patr hai. vah kahate hain—‘mainne pratham shreni men em.e. pas kiya, pratham shreni men qanoon ki pariksha pas ki, par ab koee meri bat bhi nahin poochhata.

ab tak yah asha thi ki yogyata aur parishram ka avashy hi kuchh phal milega, par tin sal ke anubhav se gyat hua ki yah keval dharmik niyam hai. tin sal se ghar ki poonji kha chuka. ab vivash hokar apaki sharan leta hoon. mujh hatabhagy manushy par daya kijie aur mera beda par lagaie.’ inako uttar dijie ki jali dastavej banaie aur jhoothe dave chalakar unaki digari kara lijie. thode hi dinon men apaka klesh nivaran ho jaega. yah dekhie, ek sajjan aur kahate hain—‘ladaki sayani ho gee hai, jahan jata hoon, log dayaj ki gathari mangate hain, yahan pet ki rotiyon ka thikana nahin, kisi tarah bhalamanasi nibha raha hoon, charon aur ninda ho rahi hai, jo agya ho, usaka palan karoon.’ inhen likhie, kanya ka vivah kisi buddhe khurrat seth se kar dijie. vah dayaj lene ki jagah kuchh ulate aur de jaega. ab ap samajh ge honge ki aise jigyasuon ko kis dhng se uttar dene ki avashyakata hai. uttar snkshipt hona chahie, bahut tika-tippani vyarth hoti hai. abhi kuchh dinon tak apako yah kam kathin jan padega; par ap chatur manushy hain, shighr apako is kam ka abhyas ho jaega. tab apako maloom hoga ki isase sahaj aur koee upay nahin hai. apake dvara saikadon darun duahkh bhogane valon ka kalyan hoga aur vah ajanm apaka yash gaenge.

mujhe yahan rahate ek mahine se adhik ho gaya, par ab tak mujh par yah rahasy n khula ki yah sundari kaun hai ? main kisaka sevak hoon ? isake pas itana atul dhan, aisi-aisi vilas ki samagriyan kahan se ati hain ? jidhar dekhata tha, aishvary hi ka adambar dikhaee deta tha. mere ashchary ki sima n thi, mano kisi tilism men phnsa hoon. in jigyasaon ka is ramani se kya sambandh hai yah bhed bhi n khulata tha. mujhe nity usase sakshath hota tha, usake sammukh ate hi main achet-sa ho jata tha, usaki chitavanon men ek akarshan tha, jo mere pranon ko khinch liya karata tha. main vaky-shoony ho jata, keval chhipi huee ankhon se use dekha karata tha. par mujhe usaki mridul muskan aur rasamayi alochanaon tatha madhur, kavyamay bhavon men premannd ki jagah ek prabal manasik ashanti ka anubhav hota tha. usaki chitavanen keval hriday ko banon ke saman chhedati thin, usake kataksh chitt ko vyast karate the. shikari apane shikar ko khilane men jo annd pata hai, vahi us param sundari ko meri prematurata men prapt hota tha. vah ek saundary jvala thi jalane ke sivay aur kya kar sakati hai ? tis, par main patng ki bhanti us jvala par apane ko samarpan karana chahata tha. yahi akanksha hoti ki un padakamalon par sir rakhakar pran de doon. yah keval upasak ki bhakti thi, kam aur vasanaon se shoony.

kabhi-kabhi vah sndhya ke samay apane motar-vot par baithakar sagar ki sair karati to aisa jan padata, mano chndrama akash-lalima men tair raha hai. mujhe is drishy men sukh prapt hota tha.

mujhe ab apane niyat karyon men khoob abhyas ho gaya tha mere pas pratidin patron ka potha pahunch jata tha. maloom nahin, kis dak se ata tha. liphaphon par koee mohar n hoti thi. mujhe in jigyasuon men bahudha vah log milate the, jinaka meri drishti men bada adar tha; kitane hi aise mahatma the, jinamen mujhe shraddha thi. bade-bade vidvanh lekhak aur adhyapak, bade-bade aishvaryavan rees, yahan tak ki kitane hi dharm ke achary, nity apani ramakahani sunate the.

unaki dasha atynt karunajanak thi. vah sabake-sab mujhe rnge hue siyar dikhaee dete the. jin lekhakon ko main apani bhasha ka stambh samajhata tha, unase ghrina hone lagi. vah keval uchakke the, jinaki sari kirti chori, anuvad aur katar-byaunt par nirbhar thi. jin dharm ke acharyon ko main poojy samajhata tha, vah svarth, trishna aur ghor nichata ke daladal men phnse hue dikhaee dete the. mujhe dhire-dhire yah anubhav ho raha tha ki snsar ki utpatti se ab tak, lakhon shatabdiyan bit jane par bhi manushy vaisa hi kroor, vaisa hi vasanaon ka gulam bana hua hai. balki us samay ke log saral prakritti ke karan itane kutil, duragrahon men itane chalak n hote the.

ek din sndhya samay us ramani ne mujhe bulaya. main apane ghamnd men yah samajhata tha ki mere bankapan ka kuchh-n-kuchh asar us par bhi hota hai. apana sarvottam soot pahana, balasnvare aur virakt bhav se jakar baith gaya. yadi vah mujhe apana shikar banakar khelati thi, to main bhi shikar banakar use khilana chahata tha.

jyon hi main pahuncha, us lavanyamayi ne muskarakar mera svagat kiya, par mukh-chndr kuchh malin tha. mainne adhir hokar poochha—sarakar ka ji to achchha hai ?

usane nirash bhav se uttar diya —ji han, ek mahine se ek kathin rog men phns gee hoon. ab tak kisi bhanti apane ko snbhal saki hoon, par ab rog asadhy hota jata hai. usaki aushadhi nirday manushy ke pas hai. vah mujhe pratidin tadapate dekhata hai, par usaka pashan-hriday jara bhi nahin pasijata.

main ishara samajh gaya. sare sharir men ek bijali-si daud gee. sans bade veg se chalane lagi. ek unmattata ka anubhav hone laga. nirbhay hokar bola—sambhav hai, jise apane nirday samajh rakha ho vah bhi apako aisa hi samajhata ho aur bhay se munh kholane ka sahas n kar sakata ho.

sundari ne kaha—to koee aisa upay bataie, jisase donon or ki ag bujhe. priyatam! ab main apane hriday ki dahakati huee virahagni ko nahin chhipa sakati. mera sarvasv apako bhent hai. mere pas vah khazane hain, jo kabhi khali n honge, mere pas vah sadhan hain, jo apako kirti ke shikhar par pahuncha denge. main samast snsar ko apake pairon par jhuka sakati hoon. bade-bade samrat bhi meri agya ko nahin tal sakate. mere pas vah mntr hai, jisase main manushy ke manovegon ko kshan-matr men palat sakati hoon, aie, mere hriday se lipatakar is dah-kranti ko shant kijie.

ramani ke chehare par jalati huee ag ki-si kanti thi. vah donon hath phailae kamonmatt hokar meri or badhi. usaki ankhon se ag ki chinagariyan nikal rahi thin. parntu jis prakar agni se para door bhagata hai usi prakar main bhi usake samane se ek qadam pichhe hat gaya. usaki prematurata se main bhayabhit ho gaya, jaise koee nirdhan manushy kisi ke hathon se sone ki eent lete hue bhayabhit ho jae. mera chitt ek agyat ashnka se kanp utha. ramani ne meri or agnimay netron se dekha, mano kisi sinhani ke munh se usaka ahar chhin jae aur sarosh hokar boli— yah bhiruta kyon ?

main— main apaka tuchchh sevak hoon, is mahanh adar ka patr nahin.

ramani— ap mujhase ghrina karate hain ?

main— yah apaka mere sath anyay hai. main is yogy bhi to nahin ki apake taluon ko ankhon se lagaoon. ap dipak hain, main patng hoon, mere lie itana hi bahut hai.

ramani nairashyapoorn krodh ke sath baith gee aur boli—vastav ap nirdayi hain, main aisa n samajhati thi. apamen abhi tak apani shiksha ke kusnskar lipate hue hain, pustakon aur sadachar ki bedi apake pairon se nahin nikalin.

main shighr hi apane kamare men chala aya aur chitt ke sthir hone par jab main is ghatana par vichar karane laga, to mujhe aisa maloom hua ki agnikund men girate girate bacha. koee gupt shakti meri sahayak ho gee. yah gupt shakti kya thi ?

main jis kamare men thahara hua tha, usake samane jhil ke doosari taraph chhota—sa jhopada tha. usamen ek vriddh purush raha karate the. unaki kamar to jhuk gee thi; par chehara tejamay tha. vah kabhi-kabhi is mahal men aya karate the. ramani n jane kyon unase ghrina karati thi, man men unase darati thi. unhen dekhate hi ghabara jati mano kisi asamnjas men padi huee hai. usaka mukh phika pad jata, jakar apane kisi gupt sthan men munh chhipa leti. mujhe usaki yah dasha dekhakar kautoohal hota tha. kee bar usane mujhase bhi unaki charcha ki thi, par atynt apaman ke bhav se. vah mujhe unase door-door rahane ka upadesh diya karati thi, aur yadi kabhi mujhe unase baten karate dekh leti, to usake mathe par bal pad jate the. kee dinon tak mujhase khulakar n bolati thi.

us rat ko mujhe der tak nind nahin ayi. udhedabun men pada hua tha. kabhiji chahata, ao ankh bnd karake prem-ras ka pan karen, snsar ke padarthon ka sukh bhogen, jo kuchh hoga, dekha jaega.

jivan men aise divy avasar kahan milate hain ? phir ap-hi-ap man khinch jata tha, ghrina utpann ho jati thi.

rat ke das baje honge ki hathath mere kamare ka dvar ap-hi-ap khul gaya aur vahi tejasvi purush andar aye. yadyapi main apani svamini ke bhay se unase bahut kam milata tha, par unake mukh par aisi shanti thi aur unake bhav aise pavitr tatha komal the ki hriday men unake satsng ki utkntha hoti thi. mainne unaka svagat kiya aur lakar ek kurasi par baitha diya. unhonne meri or dayapoorn bhav se dekhakar kaha—mere ane se tumhen kasht to nahin hua ?

mainne sir jhukakar uttar diya-ap-jaise mahatmaon ka darshan mere saubhagy ki bat hai.

mahatmaji nishchint hokar bole—achchha, to suno aur sachet ho jao, main tumhen yah chetavani dene ke lie aya hoon. tumhare oopar ek ghor vipatti ane vali hai. tumhare lie is samay isake sivay aur koee upay nahin hai ki yahan se chale jao. yadi meri bat n manoge to jivan paryant kasht bhogoge aur is mayajal se kabhi mukt n ho sakoge. mera jhopada tumhare samane tha, main bhi kabhi-kabhi yahan aya karata tha, par tumane mujhase milane ki avashyakata n samajhi. yadi pahale hi din tum mujhase milate, to sahasron manushyon ka sarvanash karane ke aparadh se bach jate. nissndeh tumhare karmon ka phal hai, jisane aj tumhari raksha ki. agar yah pishachini ek bar tumase premalingan kar leti, to phir tum kahin ke nahin rahate. tum usi dam usake ajayabakhane men bhej diye jate. vah jis par rijhati hai, usaki yahi gat banati hai. yahi usaka prem hai. chalo, is ajayab ghar ki sair karo, tab tum samajhoge ki aj kis aphat se bache.

yah kahakar mahatmaji ne divar men ek batan dabaya. turnt ek daravaza nikal aya. yah niche utarane ki sidhi thi. mahatma usamen ghuse aur mujhe bhi bulaya. ghor andhakar men kee qadam utarane ke bad ek bada kamara najar aya. usamen ek dipak timatima raha tha. vahan mainne jo ghor, vibhats aur hridayavidarak drishy dekhe, usaka smaran karake aj bhi rongate khade ho jate hain. itali ke amar kavi ‘dainti’ ne narak ka jo drishy dikhaya hai, usase kahin bhayavah, romanchakari tatha narakiy drishy meri ankhon ke samane upasthit tha; saikadon vichitr dehadhari nana prakar ki ashuddhiyon men lipate hue, bhoomi par pade karah rahe the. unake sharir manushyon ke se the, lekin cheharon ka rupantar ho gaya tha. koee kutte se milata tha, koee gidad se, koee banabilav se, koee sanp se. ek sthan par ek mota, sthool manushy ek durbal, shaktihin manushy ke gale men munh lagae usaka rakt choos raha tha. ek or do giddh ki sooratavale manushy ek sadi huee lash par baithe usaka mans noch rahe the. ek jagah ek ajagar ki soorat ka manushy ek balak ko nigalana chahata tha, par balak usake gale men lataka hua tha. donon hi zamin par pade chhatapata rahe the. ek jagah mainne atynt paishachik ghatana dekhi. do nagin ki soorat vali striyan ek bhediye ki sooratavale manushy ke gale men lipati huee use kat rahi thin. vah manushy ghor vedana se chilla raha tha. mujhase ab aur n dekha gaya. turnt vahan se bhaga aur girata-padata apane kamare men akar dam liya.

mahatmaji bhi mere sath chale aye. jab mera chitt shant hua to unhonne kaha—tum itani jaldi ghabara ge, abhi to is rahasy ka ek bhag bhi nahin dekha. yah tumhari svamini ke bihar ka sthan hai aur yahi usake palatoo jiv hain. in jivon ke pishachabhinay dekhane men usaka vishesh manornjan hota hai. yah sabhi manushy kisi samay tumhare hi saman prem aur pramod ke patr the, par unaki yah durgati ho rahi hai. ab tumhen main yahi salah deta hoon ki isi dam yahan se bhagon, nahin to ramani ke doosare var se kadapi n bachoge.

yah kahakar mahatma adrishy ho ge. mainne bhi apani gathari bandhi aur ardharatri ke sannate men choron ki bhanti kamare se bahar nikala. shital anndamay samir chal raha tha, samane ke sagar men tare chhitak rahe the, mehndi ki sugndhi ud rahi thi. main chalane ko to chala, par snsar-sukh-bhog ka aisa suavasar chhodate hue duahkh hota tha. itana dekhane aur mahatma ke upadesh sunane par bhi chitt us ramani ki or khinchata tha. main kee bar chala, kee bar lauta, par ant men atma ne indriyon par vijay payi. mainne sidha marg chhod diya aur jhil kinare-kinare girata-pada, kichad men phnsata hua sadak tak a pahuncha. yahan akar mujhe ek vichitr ullas hua, mano koee chidiya baj ke chngul se chhoot gee ho.

yadyapi main ek mas ke bad lauta tha, par ab jo dekha, to apani charapaee par pada hua tha. kamare men jara bhi gard ya dhool n thi. mainne logon se is ghatana ki charcha ki, to log khoob hnse aur mitragan to abhi tak mujhe ‘praivet sekretari’ kahakar banaya karate hain. sabhi kahate hain ki main ek minat ke lie bhi kamare se bahar nahin nikala, mahine-bhar gayab rahane ki to bat hi kya? isalie ab mujhe bhi vivash hokar yahi kahana padata hai ki shayad mainne koee svapn dekha hai. kuchh-bhi ho, paramatma ko koti-koti dhanyavad deta hoon ki main us papakund se bachakar nikal aya. vah chahe svapn hi ho, par main use apane jivan ka ek vastavik anubhav samajhata hoon, kyonki usane sadaiv ke lie meri ankhen khol din.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah