खून सफेद -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

chait ka mahina tha, lekin ve khaliyan, jahan anaj ki dheriyan lagi rahati thin, pashuon ke sharanasthal bane hue the; jahan gharon se phag aur basant ka alap sunaee padata, vahan aj bhagy ka rona tha. sara chaumasa bit gaya, pani ki ek boond n giri. jeth men ek bar moosaladhar vrishti huee thi, kisan phoole n samae. khariph ki phasal bo di, lekin indradev ne apana sarvasv shayad ek hi bar luta diya tha. paudhe uge, badhe aur phir sookh ge. gochar bhoomi men ghas n jami. badal ate, ghataen umadatin, aisa maloom hota ki jal-thal ek ho jaega, parantu ve asha ki nahin, duahkh ki ghataen thin.

kisanon ne bahutere jap-tap kie, eent aur patthar devi-devataon ke nam se pujaen, balidan kie, pani ki abhilasha men rakt ke panale bah ge, lekin indradev kisi tarah n pasije. n kheton men paudhe the, n gocharon men ghas, n talabon men pani. badi musibat ka samana tha. jidhar dekhie, dhool ud rahi thi. daridrata aur kshudha-pida ke darun drishy dikhaee dete the. logon ne pahale to gahane aur baratan giravi rakhe aur ant men bech dale. phir janavaron ki bari ayi aur ab jivika ka any koee sahara n raha, tab janm bhoomi par jan dene vale kisan bal bachchon ko lekar mazadoori karane nikal pade. akal piditon ki sahayata ke lie kahin-kahin sarakar ki sahayata se kam khul gaya tha. bahutere vahin jakar jame. jahan jisako subhita hua, vah udhar hi ja nikala.

sndhya ka samay tha. jadoray thaka-manda akar baith gaya aur stri se udas hokar bola- darakhast namnjoor ho gee. yah kahate-kahate vah angan men zamin par let gaya. usaka mukh pila pad raha tha aur anten sikudi ja rahi thin. aj do din se usane dane ki soorat nahin dekhi. ghar men jo kuchh vibhooti thi, gahane kapade, baratan-bhande sab pet men sama ge. ganv ka sahookar bhi pativrata striyon ki bhanti ankhen churane laga. keval takabi ka sahara tha, usi ke lie darakhast di thi, lekin aj vah bhi namnjoor ho gee, asha ka jhilamilata hua dipak bujh gaya.

devaki ne pati ko karun drishti se dekha. usaki ankhon men ansoo umad aye. pati din bhar ka thaka-manda ghar aya hai. use kya khilae ? lajja ke mare vah hath-pair dhone ke lie pani bhi n layi. jab hath-pair dhokar asha-bhari chitavan se vah usaki or dekhega, tab vah use kya khane ko degi ? usane ap kee din se dane ki soorat nahin dekhi thi. lekin is samay use jo du:kh hua, vah kshudhaturata ke kasht se kee guna adhik tha. stri ghar ki lakshmi hai ghar ke praniyon ko khilana-pilana vah apana karttavy samajhati hai. aur chahe yah usaka anyay hi kyon n ho, lekin apani dinahin dasha par jo manasik vedana use hoti hai, vah purushon ko nahin ho sakati.

hathath usaka bachcha sadho nind se chaunka aur mithaee ke lalach men akar vah bap se lipat gaya. is bachche ne aj prayah kal chane ki roti ka ek tukada khaya tha. aur tab se kee bar utha aur kee bar rote-rote so gaya. char varsh ka nadan bachcha, use varsha aur mithaee men koee snbndh nahin dikhaee deta tha. jadoray ne use god men utha liya aur usaki or duahkh bhari drishti se dekha. gardan jhuk gee aur hriday-pida ankhon men n sama saki.

doosare din vah parivar bhi ghar se bahar nikala. jis tarah prirush ke chitt abhiman aur stri ki ankh se lajja nahin nikalati, usi tarah apani mehanat se roti kamane vala kisan bhi mazadoori ki khoj men ghar se bahar nahin nikalata. lekin ha papi pet! too sab kuchh kar sakata hai ! man aur abhiman, glani aur lajja ke sab chamakate hue tare teri kali ghataon ki ot men chhip jate hain.

prabhat ka samay tha. ye donon vipatti ke satae ghar se nikale. jadoray ne ladake ko pith par liya. devaki ne phate-purane kapadon ki vah gathari sir par rakhi, jis par vipatti ko bhi taras ata. donon ki ankhen ansuon se bhari thin. devaki roti rahi. jadoray chupachap tha. ganv ke do-char adamiyon se bhent bhi huee, kisi ne itana bhi nahin poochha ki kahan jate ho? kisi ke hriday men sahanubhooti ka vas n tha.

jab ye log lalagnj pahunche, us samay soory thik sir par tha. dekha, milon tak adami-hi-adami dikhaee dete the. lekin har chehare par dinata aur du:kh ke chihn jhalak rahe the.

baisakh ki jalati huee dhoop thi. ag ke jhonke jor-jor se haraharate hue chal rahe the. aise samay men haddiyon ke aganit dhanche, jinake sharir par kisi prakar ka kapada n tha, mitti khodane men lage hue the, manon vah maraghat bhoomi thi, jahan murde apane hathon apani kabar khod rahe the. boodhe aur javan, mard aur bachche, sabake-sab aise nirash aur vivash hokar kam men lage hue the, mano mrityu aur bhookh unake samane baithi ghoor rahi hai. is aphat men n koee kisi ka mitr tha n hitoo. daya, sahridayata aur prem ye sab manaviy bhav hain, jinaka karta manushy hai; prakriti ne hamako keval ek bhav pradan kiya hai aur vah svarth hai. manaviy bhav bahudha kapati mitron ki bhanti hamara sath chhod dete hain, par yah eeshvar-pradatt gun hamara gala nahin chhodata.

ath din bit ge the. sndhya samay kam samapt ho chuka tha. dere se kuchh door am ka ek bag tha. vahin ek ped ke niche jadoray aur devaki baithi huee thi. donon aise krish ho rahe the ki unaki soorat nahin pahachani jati thi. ab vah svadhin krishak nahin rahe. samay ke her-pher se aj donon mazadoor bane baithe hain.

jadoray ne bachche ko zamin par sula diya. use kee din se bukhar a raha hai. kamal-sa chehara murajha gaya hai. devaki ne dhire se hilakar kaha- beta ! ankhen kholo, dekho sanjh ho gee.

sadhon ne ankh khol din, bukhar utar gaya tha, bola- kya ham ghar a gaye man ?

ghar ki yad a gee, devaki ki ankhen dabadaba ayin. usane kaha- nahin, beta ! tum achchhe ho jaoge to ghar chalegen. uthakar dekho, kaisa achchha bag hai ?

sadho man ke hathon ke sahare utha aur bola- man, mujhe badi bhookh lagi hai; lekin tumhare pas to kuchh nahin hai. mujhe kya khane ko dogi ?

devaki ke hriday men chot lagi, par dhiraj dharake boli- nahin beta, tumhare khane ko mere pas sab kuchh- hai. tumhare dada pani late hain, to naram-naram rotiyan abhi banaen deti hoon.

sadhon ne man ki god men sir rakh liya aur bola- man main n hota to tumhen itana duahkh n hota. yah kahakar vah phoot-phootakar rone laga. yah vahi besamajh bachcha hai, jo do saptah pahale mithaiyon ke lie duniya sir par utha leta tha. du:kh aur chinta ne kaisa anarth kar diya hai. yah vipatti ka phal hai. kitana duahkhapoorn,kitana karunajanak vyapar hai !

isi bich men kee adami lalaten liye hue vahan aye. phir gadiyan ayin. un par dere aur kheme lade hue the. dam-ke-dam yahan kheme gad ge. sare bag men chahal-pahal najar ane lagi. devaki rotiyan senk rahi thi, sadho dhire-dhire utha aur ashchary se dekhata hua, ek dere ke najadik jakar khada ho gaya.

padari mohanadas kheme se bahar nikale, to sadho unhen khada dikhaee diya. usaki soorat par unhen taras a gaya. prem ki nadi umad ayi. bachche ko god men lekar kheme men ek gaddedar koch par bitha diya aur tab biskut aur kele khane ko diye. ladake ne apani zindagi men in svadisht chijon ko kabhi n dekha tha. bukhar ki bechain karane vali bhookh alag mar rahi thi. usane khoob man-bhar khaya aur tab kritgy netron se dekhate hue padari sahab ke pas jakar bola- tum hamako roj aisi chizen khilaoge ?

padari sahab in bholepan par musakara ke bole- mere pas isase bhi achchhi-achchhi chizen hain.

is par sadhoray ne kaha- ab main roj tumhare pas aoonga. man ke pas aisi achchhi chizen kahan? vah mujhe roj chane ki rotiyan khilati hai.

udhar devaki ne rotiyan banayin aur sadho ko pukarane lagi. sadho ne man ke pas jakar kaha–mujhe sahab ne achchhi-achchhi chizen khane ko di hain. sahab bade achchhe hain.

devaki ne kaha- mainne tumhare lie naram-naram rotiyan banayi hain ao tumhen khilaoon.

sadho bola- ab main n khaoonga. sahab kahate the ki main tumhen roj achchhi-achchhi chizen khilaoonga. main ab unake sath raha karoonga. man ne samajha ki ladaka hnsi kar raha hai. use chhati se lagakar boli kyon beta, hamako bhool jaoge ? dekho, main tumhen kitana pyar karati hoon !

sadho tutalakar bola tum to mujhe roj chane ki rotiyan diya karati ho, tumhare pas to kuchh nahin hai. sahab mujhe kele aur am khilaenge. yah kahakar vah phir kheme ki or bhaga aur rat ko vahi so raha.

padari mohanadas ka padav vahan tin din raha. sadho din-bhar unhin ke pas rahata. sahab ne use mithi davaiyan din. usaka bukhar jata raha. vah bhole-bhale kisan yah dekhakar sahab ko asharvad dene lage. ladaka chnga ho gaya aur aram se hai. sahab ko paramatma sukhi rakhe. unhonne bachche ki jan rakh li.

chauthe din rat ko hi vahan se padari sahab ne kooch kiya. subah ko jab devaki uthi, to sadho ka yahan pata n tha. usane samajha, kahin tapake dhoondhane gaya hoga; kintu thodi der dekhakar usane jadoray se kaha- lalloo yahan nahin hai.

usane bhi yahi kaha- kahin tapake dhoondhata hoga.

lekin jab sooraj nikal aya aur kam par chalane ka vakt hua, tab jadoray ko kuchh snshay hua. usane kaha- tum yahin baithi rahana, main abhi use liye ata hoon.

jado ne as-pas ke sab bagon ko chhan dala aur ant men jab das baj ge to nirash laut aya. sadho n mila, yah dekhakar devaki dhadhen marakar rone lagi.

phir donon apane lal ki talash men nikale. anek vichar chitt men ane-jane lage. devaki ko poora vishvas tha ki us sahab ne us par koee mantr dalakar vash men kar liya. lekin jado ko is kalpana ke man lene men kuchh sandeh tha. bachcha itani door anajan raste par akele nahin ja sakata. phir bhi donon gadi ke pahiyon aur ghode ke tapon ke nishan dekhate chale jate the. yahan tak ki ek sadak par a pahunche. vahan gadi ke bahut se nishan the. us vishesh lik ki pahachan n ho sakati thi. ghode ke tap bhi ek jhadi ki taraph jakar gayab ho ge. asha ka sahara toot gaya. dopahar ho gee thi. donon dhoop ke mare bechain aur nirasha se pagal ho rahe the. vahin ek vriksh ki chhaya men baith ge. devaki vilap karane lagi. jadoray ne use samajhana shuroo kiya.

jab jara dhoop ki teji kam huee, to donon phir age chale. kintu ab asha ki jagah nirasha sath thi, ghode ke tapon ke sath ummid ka dhundhala nishan gayab ho gaya tha.

sham ho gee. idhar-udhar gayon, bailon ke jhund nirjiv se pade dikhaee dete the. yah donon dukhiya himmat harakar ek ped ke niche tik rahe. usi vriksh par maine ka ek joda basera liye hue tha. unaka nanha-sa shavak aj hi ek shikari ke chngul men phns gaya tha. donon din-bhar use khojate phire. is samay nirash hokar baith rahe. devaki aur jado ko abhi tak asha ki jhalak dikhaee deti thi. isi lie ve bechain the.

tin din tak ye donon apane khoe hue lal ki talash karate rahe. dane se bhent nahin; pyas se bechain hote do-char ghoont pani gale ke niche utar lete.

asha ki jagah nirasha ka sahara tha. du:kh aur karuna ke sivay aur koee vastu nahin. kisi bachche ke pair ke nishan dekhate, to unake dilon men asha tatha bhay ki laharen uthane lagatin thi.

lekin pratyek pag unhen abhisht sthan se door liye jata tha.

is ghatana ko hue chaudah varsh bit ge. in chaudah varshon men sari kaya palat gee. charon or ramarajy dikhaee dene laga. indradev ne kabhi us tarah apani nirdayata n dikhaee aur n zamin ne hi. umadi huee nadiyon ki tarah anaj se dhekiyan bhari chalin. ujade hue ganv bas ge. mazadoor kisan ban baithe aur kisan jayadad ka talash men daudane lage. vahi chait ke din the. khaliyanon men anaj ke pahad khade the. bhat aur bhikhamnge kisanon ki badhati ke tarane ga rahe the. sunaron ke daravaze par sare din aur adhi rat tak gahakon ka jamaghat laga rahata tha. daraji ko sir uthane ki phurasat n thi. idhar-udhar daravajon par ghode hinahina rahe the. devi ke pujariyon ko ajirn ho raha tha.

jadoray ke din bhi phire. ghar par chhappar ki jagah khaparail ho gaya hai. daravaze par achchhe bailon ki jodi bndhi huee hai. vah ab apani bahali par savar hokar bazar jaya karata hai. usaka badan ab utana sudaul nahin hai. pet par is sudasha ka vishesh prabhav pada hai aur bal bhi saphed ho chale hain. devaki ki ginati bhi ganv ki boodhi auraton men hone lagi hai. vyavaharik baton men usaki badi poochh hua karati hai. jab vah kisi padosin ke ghar jati hai, to vahan ki bahuen bhay ke mare tharatharane lagati hain. usake katu vaky aur tivr alochana ki sare ganv men dhak bndhi huee hai. mahin kapade ab use achchhe nahin lagate lekin gahanon ke bare men vah utani udasin nahin hai.

unake lie jivan ka doosara bhag isase kam ujjval nahin hai. unaki do sntanen hain. ladaka madhosinh ab khetibari ke kam men bap ki madad karata hai. ladaki ka nam shivagauri hai. vah bhi man ko chakki pisane men sahayata diya karati hai aur khoob gati hai. bartan dhona use pasnd nahin lekin chauka lagane men nipun hai. gudiyon ke byah karane se usaka ji kabhi nahin bharata. aye din gudiyon ke vivah hote rahate hain. han, inamen kiphayat ka poora dhyan rahata hai. khoe hue sadho ki yad abhi baki hai. usaki charcha nity hua karati hai aur kabhi bina rulay nahin rahati. devaki kabhi-kabhi sare din us ladale bete ki sudh men adhir raha karati hai.

sanjh ho gee thi. bail din-bhar ke thake-mande sir jhukae chale ate the. pujari ne thakuradvare men ghnta bajana shuroo kiya.

ajakal phasal ke din hai. roj pooja hoti hai. jadoray khat par baithe nariyal pi rahe the. shivagauri raste men khadi un bailon ko kos rahi thi, jo usake bhoomisth vishal bhavan ka niradar karake use raundate chale jate the. ghadiyal aur ghnte ki avaz sunate hi jadoray bhagavan ka charanamrit lene ke lie uthe hi the ki unhen akasmath ek navayuvak dikhaee pada, jo bhoonkate hue kutton ko dutakarata, baeesikal ko age badhata hua chala a raha tha. usane unake charanon par apana sir rakh diya. jadoray ne gaur se dekha aur tab donon ek doosare se lipat ge. madho bhaunchak hokar baeesikal ko dekhane laga. shivagauri roti huee ghar men bhagi aur devaki se boli- dada ko sahab ne pakad liya hai. devaki ghabarayi huee bahar ayi. sadho use dekhate hi usake pairon par gir p़da. devaki se chhati se lagakar rone lagi. ganv ke mard, auraten aur bachche sab jama ho ge. mela-sa lag gaya.

sadho ne apane mata-pita se kaha- mujh abhage se jo kuchh aparadh hua ho, use kshama kijie. mainne apani nadani se svayn bahut kasht uthae aur ap logon ko bhi duahkh diya, lekin ab mujhe apani god men lijie.

devaki ne rokar kaha- jab hamako chhodakar bhage the, to ham log tumhen tin din tak be-dana-pani ke dhoondhate rahe, par jab nirash ho ge, tab apane bhagy ko rokar baith rahe. tab se aj tak koee aisa din n gaya ki tumhari sudhi n ayi ho. rote-rote ek yug bit gaya; ab tumane khabar li hai. batao beta ! us din tum kaise bhage aur kahan jakar rahe ?

sadho ne lajjit hokar uttar diya-mataji, apana hal kya kahoon ! main pahar rat rahe, apake pas se uthakar bhaga. padari sahab ke padav ka pata sham hi ko poochh liya tha. bas poochhata hua unake pas dopahar ko pahunch gaya. sahab ne mujhe pahale samajhaya ki apane ghar laut jao, lekin jab main kisi tarah raji n hua, to unhonne mujhe poona bhej diya. meri tarah vahan saikadon ladake the. vahan biskut aur narngiyon ka bhala kya zikr ! jab mujhe ap logon ki yad ati, main aksar roya karata. magar bachapan ki umr thi, dhire-dhire unhin logon se hil-mil gaya. han, jab se kuchh hosh hua hai aur apana-paraya samajhane laga hoon, tab se apani nadani par hath malata raha hoon. rat-din ap logon ki rat lagi huee thi. aj ap logon ke ashirvad se yah shubh din dekhane ko ko mila. doosaron men bahut din kate, bahut dinon tak anath raha. ab mujhe apani seva men rakhie. mujhe apani god men lijie. main prem ka bhookha hoon. barason se mujhe jo saubhagy nahin mila, vah ab dijie.

ganv ke bahut se budhdhe jama the. unamen se jagatasinh bole- to kyon beta ? tum itane dinon tak padariyon ke sath rahe ? unhonne tumako bhi padari bana liya hoga ?

sadho ne sir jhukakar kaha—ji han, yah to unaka dastoor hai. jagatasinh ne jadoray ki taraph dekhakar kaha yah badi kathin bat hai. sadho bola- biradari mujhe jo prayashchit batalaegi, main use karoonga. mujhase jo kuchh biradari ka aparadh hua hai, nadani se hua hai lekin main usaka dand bhogane ke lie taiyar hoon.

jagatasinh ne phir jadoray ki taraph kanakhiyon se dekha aur gnbhirata se bole- hindoo dharm men aisa kabhi nahin hua hai. yon tumhare man-bap tumhen apane ghar men rakh len, tum unake ladake ho, magar biradari kabhi is kam men sharik n hogi. bolo jadoray! kya kahate ho, kuchh tumhare man ki bhi to sun len ?

jadoray badi duvidha men tha. ek or to apane pyare bete ki priti thi, doosari or biradari ka bhay mare dalata tha. jis ladake ke lie rote-rote ankhen phoot geen, aj vahi samane khada ankhon men ansoo bhare kahata hai, pitaji ! mujhe apani god men lijie; aur main patthar ki tarah achal khada hoon. shok ! in nirdayi bhaiyon ko kis tarah samajhaoon, kya karoon, kya n karoon ?

lekin man ki mamata umad ayi. devaki se n raha gaya. usane adhir hokar kaha- main apane ghar men rakhoongi aur kaleje se lagaoongi. itane dinon ke bad mainne use paya hai, ab use nahin chhod sakati.

jagatasinh rusht hokar bole- chahe biradari chhoot hi kyon n jae ?

devaki ne bhi garam hokar javab diya- han chahe biradari chhoot jae. ladake–valon hi ke lie adami biradari ki ad pakadata hai. jab ladaka n raha, to bhala biradari kis kam aegi ?

is par kee thakur lal-lal ankhen nikalakar bole –thakurain ! thakurain biradari ki to khoob maryada karati ho. ladaka chahe kisi raste par jae, lekin biradari choon tak n kare ? aisi biradari kahin hogi ! ham saph-saph kahe dete hain ki agar yah ladaka tumhare ghar men raha, to biradari bhi bata degi ki vah kya kar sakati hai.

jagatasinh kabhi-kabhi jadoray se rupaye udhar liya karate the. madhur svar se bole- bhabhi ! biradari yah thode hi kahati hai ki tum ladake ko ghar se nikal do. ladaka itane dinon ke bad ghar aya hai to hamare sir ankhon par rahe bas, jara khane–pine aur chhoot-chhat ka bachav bana rahana chahie. bolo jado bhaee ! ab biradari ko kahan tak dabana chahate ho ?

jadoray ne sadho ki taraph karuna bhare netron se dekhakar kaha-beta, jahan tumane hamare sath itana salook kiya hai, vahan jagath bhaee ki itani kaha aur man lo !

sadho ne kuchh tikshn shabdon men kaha- kya man loon ? yah ki apanon men gair banakar rahoon, apaman sahoon; mitti ka ghada bhi mere chhoone se ashuddh ho jay ! n, yah mera kiya n hoga, itani nirlajj nahin !

jadoray ko putr ki yah kathorata apriy maloom huee. ve chahate the ki is vakt biradari ke log jama hain, unake samane kisi tarah samajhauta ho jay, phir kaun dekhata hai ki ham use kis tarah rakhate hain ? chidhakar bole- itani bat to tumhen manani hi padegi.

sadhoray is rahasy ko n samajh saka. bap ki is bat men use nishthurata ki jhalak dikhaee padi. bola- main apaka ladaka hoon. apake ladake ki tarah rahoonga. apake bhakti aur prem ki prerana mujhe yahan tak layi hai. main apane ghar men rahane aya hoon agar yah nahin hai to isake siva mere lie isake aur koee upay nahin hai ki jitani jaldi ho sake, yahan se bhag jaoon. jinaka khoon saphed hai, unake bich men rahana vyarth hai.

devaki ne rokar kaha- lalloo main ab tumhen n jane doongi.

sadho ki ankhen bhar ayin, par muskarakar bola- main to tumhari thali men khaoonga.

devaki ne use mamata aur prem ki drishti se dekhakar kaha- mainne to tujhe chhati se doodh pilaya hai, too meri thali men khayaga to kya ? mera beta hi to hai, koee aur to nahin ho gaya !

sadho in baton ko sunakar matavala ho gaya. inamen kitana sneh kitana apanapan tha. bola- man, aya to main isi irade se tha ki ab kahin n jaoonga, lekin biradari ne mere karan yadi tumhen jatichyut kar diya, to mujhase n saka jayaga. mujhase in gnvaron ka kora abhiman n dekha jaega. isalie. is vakt mujhe jane do. jab mujhe avasar mila karega to tumhen dekh jaya karoonga. tumhara prem mere chitt se nahin ja sakata. lekin yah asambhav hai ki main is ghar men rahoon aur alag khana khaoon, alag baithoon. isake lie mujhe kshama karana.

devaki ghar men se pani layi . sadho munh dhone laga. shivagauri ne man ka ishara paya, to darate-darate sadho ke pas gayi, sadho ko adarapoorvak dndavat ki. sadho ne pahale un donon ko ashchary se dekha, phir apani man ko muskarate dekh samajh gaya. donon ladako ko chhati se laga liya aur tinon bhaee-bahin prem se hnsane-khelane lage. man khadi yah drishy dekhati thi aur umng se phooli n samati thi.

jalapan karake sadho ne baeesikal snbhali aur man-bap ke samane sir jhukakar chal khada hua- vahin, jahan se tng hokar aya tha; usi kshetr men,jahan apana koee n tha.

devaki phoot-phootakar ro rahi thi aur jadoray ankhon men ansoo bhare, hriday men ek ainthan-si anubhav karata hua sochata tha, hay ! mere lal, too mujhase alag hua jata hai. aisa yogy aur honahar ladaka hath se nikala jata hai aur keval isalie ki ab hamara khoon saphed ho gaya

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah