लॉटरी -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

jaldi se maladar ho jane ki havas kise nahin hoti ? un dinon jab laautari ke tikat aye, to mere dost, vikram ke pita, chacha, amma, aur bhaee, sabhi ne ek-ek tikat kharid liya. kaun jane, kisaki takadir zor kare ? kisi ke nam aye, rupaya rahega to ghar men hi. magar vikram ko sabr n hua. auron ke nam rupaye ayenge, phir use kaun poochhata hai ? bahut hoga, das-panch hazar use de denge. itane rupayon men usaka kya hoga ? usaki zindagi men bade-bade mnsoobe the. pahale to use sampoorn jagat ki yatra karani thi, ek-ek kone ki. piroo aur brajil aur timbakatoo aur honolooloo, ye sab usake program men the. vah andhi ki tarah mahine-do-mahine udakar laut anevalon men n tha. vah ek-ek sthan men kee-kee din thaharakar vahan ke rahan-sahan, riti-rivaj adi ka adhyayan karana aur snsar-yatra ka ek vrihadh grnth likhana chahata tha. phir use ek bahut bada pustakalay banavana tha, jisamen duniya-bhar ki uttam rachanaen jama ki jayn. pustakalay ke lie vah do lakh tak kharch karane ko taiyar tha, bngala, kar aur pharnichar to mamooli baten thin. pita ya chacha ke nam rupaye aye, to panch hazar se zyada ka daul nahin, amman ke nam aye, to bis hazar mil jaynge; lekin bhaee sahab ke nam a gaye, to usake hath dhola bhi n lagega. vah atmabhimani tha. ghar valon se khairat ya puraskar ke roop men kuchh lene ki bat use apaman-si lagati thi. kaha, karata tha bhaee, kisi ke samane hath phailane se to kisi gandhe men doob marana achchha hai. jab adami apane lie snsar men koee sthan n nikal sake, to yahan se prasthan kar jay ? vah bahut bekarar tha. ghar men laautari-tikat ke lie use kaun rupe dega aur vah mangega bhi to kaise ? usane bahut soch-vichar kar kaha, kyon n ham-tum sajhe men ek tikat le len ? tajavij mujhe bhi pasnd ayi. main un dinon skool-mastar tha. bis rupaye milate the. usamen badi mushkil se gujar hoti thi. das rupaye ka tikat kharidana mere lie suphed hathi kharidana tha. han, ek mahina doodh, ghi, jalapan aur oopar ke sare kharch todakar panch rupaye ki gunjaish nikal sakati thi. phir bhi ji darata tha. kahin se koee balaee rakam mil jay, to kuchh himmat badhe.   vikram ne kaha, ‘qaho to apani angoothi bech daloon ? kah doonga, ungali se phisal padi.‘ angoothi das rupaye se kam ki n thi. usamen poora tikat a sakata tha; agar kuchh kharch kiye bina hi tikat men adha-sajha hua jata hai, to kya bura hai ? sahasa vikram phir bola, lekin bhee, tumhen nakad dene padenge. main panch rupaye nakad liye bagair sajha n karoonga. ab mujhe auchity ka dhyan a gaya. bola, nahin dost, yah buri bat hai, chori khul jayegi, to sharminda hona padega aur tumhare sath mujh par bhi dant padegi. akhir yah tay hua ki purani kitaben kisi sekend haind kitabon ki dookan par bech dali jayn aur us rupaye se tikat liya jay. kitabon se zyada bezaroorat hamare pas aur koee chiz n thi. ham donon sath hi maitrik pas hue the aur yah dekhakar ki jinhonne digriyan lin, apani ankhen phodin aur ghar ke rupaye barabad kiye, vah bhi jootiyan chataka rahe the, hamane vahin halt kar diya. main skool-mastar ho gaya aur vikram mataragashti karane laga ? hamari purani pustaken ab dimakon ke siva hamare kisi kam ki n thin. hamase jitana chatate bana chata; unaka satt nikal liya. ab choohe chaten ya dimak, hamen paravah n thi. aj ham donon ne unhen koodekhane se nikala aur jhad-ponchh kar ek bada-sa gatthar bandh. mastar tha, kisi bukaselar ki dookan par kitab bechate hue jhenpata tha. mujhe sabhi pahachanate the; isalie yah khidamat vikram ke supurd huee aur vah adha ghnte men das rupaye ka ek not liye uchhalata-koodata a pahuncha. mainne use itana prasann kabhi n dekha tha. kitaben chalis rupaye se kam ki n thin; par yah das rupaye us vakt hamen jaise pade hue mile. ab tikat men adha sajha hoga. das lakh ki rakam milegi. panch lakh mere hisse men ayenge, panch vikram ke. ham apane isi men magan the.   mainne sntosh ka bhav dikhakar kaha, ‘panch lakh bhi kuchh kam nahin hote ji !’ vikram itana sntoshi n tha. bola, ‘panch lakh kya, hamare lie to is vakt panch sau bhi bahut hai bhaee, magar zindagi ka program to badalana pad gaya. meri yatravali skim to tal nahin sakati. han, pustakalay gayab ho gaya. mainne apatti ki akhir yatra men tum do lakh se zyada to n kharch karoge ?’ 'ji nahin, usaka bajat hai sadhe tin lakh ka. sat varsh ka programahai. pachas hazar rupaye sal hi to hue ?' 'char hazar mahina kaho. main samajhata hoon, do hazar men tum bade aram se rah sakate ho.' vikram ne garm hokar kaha, ‘main shan se rahana chahata hoon; bhikhariyon ki tarah nahin.‘ 'do hazar men bhi tum shan se rah sakate ho.' 'jab tak ap apane hisse men se do lakh mujhe n de denge, pustakalay n ban sakega.' 'koee zaroori nahin ki tumhara pustakalay shahar men bejod ho ?' 'main to bejod hi banavaoonga.' 'isaka tumhen akhtiyar hai, lekin mere rupaye men se tumhen kuchh n mil sakega. meri zarooraten dekho. tumhare ghar men kafi jayadad hai. tumhare sir koee bojh nahin, mere sir to sari grihasthi ka bojh hai. do bahanon ka vivah hai, do bhaiyon ki shiksha hai, naya makan banavana hai. mainne to nishchay kar liya hai ki sab rupaye sidhe baink men jama kar doonga. unake sood se kam chalaoonga. kuchh aisi sharten laga doonga, ki mere bad bhi koee is rakam men hath n laga sake.' vikram ne sahanubhooti ke bhav se kaha, ‘han, aisi dasha men tumase kuchh mangana anyay hai. khair, main hi takaliph utha loonga; lekin baink ke sood ki dar to bahut gir gayi hai. hamane kee bainkon men sood ki dar dekhi, asthayi kosh ki bhi; seving baink ki bhi. beshak dar bahut kam thi. do-dhaee rupaye saikade byaj par jama karana vyarth hai. kyon n len-den ka karobar shuroo kiya jay ? vikram bhi abhi yatra par n jayaga. donon ke sajhe men kothi chalegi, jab kuchh dhan jama ho jayaga, tab vah yatra karega. len-den men sood bhi achchha milega aur apana rob-dab bhi rahega. han, jab tak achchhi jamanat n ho, kisi ko rupaya n dena chahie; chahe asami kitana hi matabar kyon n ho. aur jamanat par rupaye de hi kyon ? jayadad rehan likhakar rupaye denge. phir to koee khataka n rahega. yah mnzil bhi tay huee.   ab yah prashn utha ki tikat par kisaka nam rahe. vikram ne apana nam rakhane ke lie bada agrah kiya. agar usaka nam n raha, to vah tikat hi n lega ! mainne koee upay n dekhakar mnjoor kar liya aur bina kisi likha-padhi ke, jisase age chalakar mujhe badi pareshani huee ! ek-ek karake intajar ke din katane lage. bhor hote hi hamari ankhen kailendar par jatin. mera makan vikram ke makan se mila hua tha. skool jane ke pahale aur skool se ane ke bad ham donon sath baithakar apane-apane mnsoobe bandh karate aur is tarah sayn-sayn ki koee sun n le. ham apane tikat kharidane ka rahasy chhipaye rakhana chahate the. yah rahasy jab saty ka roop dharan kar lega, us vakt logon ko kitana vismay hoga ! us drishy ka natakiy anand ham nahin chhodana chahate the. ek din baton-baton men vivah ka zikr a gaya. vikram ne darshanik gambhirata se kaha, bhee, shadi-vadi ka jnjal to main nahin palana chahata. vyarth ki chinta aur hay-hay. patni ki naj baradari men hi bahut-se rupaye ud jaynge. mainne isaka virodh kiya ‘han, yah to thik hai; lekin jab tak jivan ke sukh-du:kh ka koee sathi n ho; jivan ka anand hi kya ? main to vivahit jivan se itana virakt nahin hoon. han, sathi aisa chahata hoon jo ant tak sath rahe aur aisa sathi patni ke siva doosara nahin ho sakata.‘

  vikram zaroorat se zyada tunukamizaji se bola, ‘khair, apana-apana drishtikon hai. apako bivi mubarak aur kutton ki tarah usake pichhe-pichhe chalana tatha bachchon ko snsar ki sabase badi vibhooti aur eeshvar ki sabase badi daya samajhana mubarak. banda to azad rahega, apane maje se chaha aur jab chaha ud gaye aur jab chaha ghar a gaye. yah nahin ki har vakt ek chaukidar apake sir par savar ho. jara-si der huee ghar ane men aur phauran javab talab hua qahan the ab tak ? ap kahin bahar nikale aur phauran saval hua qahan jate ho ? aur jo kahin durbhagy se patniji bhi sath ho gayin, tab to doob marane ke siva apake lie koee marg hi nahin rah jata. n bhaiya, mujhe apase jara bhi sahanubhooti nahin. bachche ko jara-sa jukam hua aur ap betahasha daude chale ja rahe hain homiyopaithik daktar ke pas. jara umr khisaki aur launde manane lage ki kab ap prasthan karen aur vah gulachharre udayen. mauqa mila to apako zahar khila diya aur mashahoor kiya ki apako kalara ho gaya tha. main is jnjal men nahin padata. ‘ kunti a gayi. vah vikram ki chhoti bahan thi, koee gyarah sal ki. chhathe men padhati thi aur barabar phel hoti thi. badi chibilli, badi shokh. itane dhamake se dvar khola ki ham donon chaunkakar uth khade hue. vikram ne bigadakar kaha, ‘too badi shaitan hai kunti, kisane tujhe bulaya yahan ?’ kunti ne khuphiya pulis ki tarah kamare men najar daudakar kaha, ‘tum log haradam yahan kivad band kiye baithe kya baten kiya karate ho ? jab dekho, yahin baithe ho. n kahin ghoomane jate ho, n tamasha dekhane; koee jadoo-mantar jagate honge !’ vikram ne usaki garadan pakadakar hilate hue kaha, ‘han ek mantar jaga rahe hain, jisamen tujhe aisa doolha mile, jo roj ginakar panch hazar hantar jamaye sadasad.‘ kunti usaki pith par baithakar boli, ‘main aise doolhe se byah karoongi, jo mere samane khada poonchh hilata rahega. main mithaee ke done phenk doongi aur vah chatega. jara bhi chin-chapad karega, to kan garm kar doongi. amman ko laautari ke rupaye milenge, to pachas hazar mujhe de den. bas, chain karoongi. main donon vakt thakuraji se amman ke lie prarthana karati hoon. amman kahati hain, kunvari ladakiyon ki dua kabhi nishphal nahin hoti. mera man to kahata hai, amman ko zaroor rupaye milenge.‘ mujhe yad aya, ek bar main apane nanihal dehat men gaya tha, to sookha pada hua tha. bhadon ka mahina a gaya tha; magar pani ki boond nahin. sab logon ne chanda karake ganv ki sab kunvari ladakiyon ki davat ki thi. aur usake tisare hi din moosaladhar varsha huee thi. avashy hi kunvariyon ki dua men asar hota hai. mainne vikram ko arthapoorn ankhon se dekha, vikram ne mujhe. ankhon hi men hamane salah kar li aur nishchay bhi kar liya.   vikram ne kunti se kaha, ‘achchha, tujhase ek bat kahen kisi se kahogi to nahin ? nahin, too to badi achchhi ladaki hai, kisi se n kahegi. main abaki tujhe khoob padhaoonga aur pas kara doonga. bat yah hai ki ham donon ne bhi laautari ka tikat liya hai. ham logon ke lie bhi eeshvar se prarthana kiya kar. agar hamen rupaye mile, to tere lie achchhe-achchhe gahane banava denge. sach !’ kunti ko vishvas n aya. hamane kasamen khayin. vah nakhare karane lagi. jab hamane use sir se panv tak sone aur hire se madh dene ki pratigya ki, tab vah hamare lie dua karane par raji huee.  lekin usake pet men manon mithaee pach sakati thi; vah jara-si bat n pachi. sidhe andar bhagi aur ek kshan men sare ghar men vah khabar phail gayi. ab jise dekhie, vikram ko dant raha hai, amman bhi, chacha bhi, pita bhi qeval vikram ki shubh-kamana se ya aur kisi bhav se, ‘kaun jane baithe-baithe tumhen himakat hi soojhati hai. rupaye lekar pani men phenk diye. ghar men itane adamiyon ne to tikat liya hi tha, tumhen lene ki kya zaroorat thi ? kya tumhen usamen se kuchh n milate ? aur tum bhi mastar sahab, bilakul ghongha ho. ladake ko achchhi baten kya sikhaoge, use aur chaupat kiye dalate ho.‘ vikram to ladala beta tha. use aur kya kahate. kahin roothakar ek-do joon khana n khaye, to aphat hi a jay. mujh par sara gussa utara. isaki sohabat men ladaka bigada jata hai.   'par upadesh kushal bahutere' vali kahavat meri ankhon ke samane thi. mujhe apane bachapan ki ek ghatana yad ayi. holi ka din tha. sharab ki ek botal mngavayi gayi thi. mere mamoon sahab un dinon aye hue the. mainne chupake se kothari men jakar gilas men ek ghoont sharab dali aur pi gaya. abhi gala jal hi raha tha aur ankhen lal hi thin, ki mamoon sahab kothari men a gaye aur mujhe mano sendha men giraphtar kar liya aur itana bigade itana bigade ki mera kaleja sookhakar chhuhara ho gaya. amman ne bhi danta, pitaji ne bhi danta, mujhe ansuon se unaki krodhagni shant karani padi; aur dopahar hi ko mamoon sahab nashe men pagal hokar gane lage, phir roye, phir amman ko galiyan din, dada ke mana karane par bhi marane daude aur akhir men kai karake zamin par besudh pade najar aye.   vikram ke pita bade thakur sahab aur taoo chhote thakur sahab donon jadavadi the, pooja-path ki hnsi udane vale, poore nastik; magar ab donon bade nishthavanh aur eeshvar bhakt ho gaye the. bade thakur sahab prat:kal gnga-snan karane jate aur mandiron ke chakkar lagate hue dopahar ko sari deh men chandan lapete ghar lautate. chhote thakur sahab ghar par hi garm pani se snan karate aur gathiya se grast hone par bhi ram-nam likhana shuroo kar dete. dhoop nikal ane par park ki or nikal jate aur chintiyon ko ata khilate. sham hote hi donon bhaee apane thakuradvare men ja baithate aur adhi rat tak bhagavat ki katha tanmay hokar sunate. vikram ke bade bhaee prakash ko sadhu-mahatmaon par adhik vishvas tha. vah mathon aur sadhuon ke akhadon tatha kutiyon ki khak chhanate aur mataji ko to bhor se adhi rat tak snan, pooja aur vrat ke siva doosara kam hi n tha. is umr men bhi unhen singar ka shauq tha; par ajakal poori tapasvini bani huee thin. log nahak lalasa ko bura kahate hain. main to samajhata hoon, hamamen jo yah bhakti-nishtha aur dharm-prem hai, vah keval hamari lalasa, hamari havas ke karan. hamara dharm hamare svarth ke bal par tika hua hai. havas manushy ke man aur buddhi ka itana snskar kar sakati hai, yah mere lie bilakul naya anubhav tha. ham donon bhi jyotishiyon aur panditon se prashn karake apane ko kabhi dukhi kar liya karate the.   jyon-jyon laautari ka divas samip ata jata tha, hamare chitt ki shanti udati jati thi. hamesha usi or man tnga rahata. mujhe ap-hi-ap akaran sandeh hone laga ki kahin vikram mujhe hissa dene se inkar kar de, to main kya karoonga. saf inkar kar jay ki tumane tikat men sajha kiya hi nahin. n koee taharir hai, n koee doosara saboot. sabakuchh vikram ki niyat par hai. usaki niyat jara bhi davandol huee ki kam-tamam. kahin phariyad nahin kar sakata, munh tak nahin khol sakata. ab agar kuchh kahoon bhi to kuchh labh nahin. agar usaki niyat men phitoor a gaya hai tab to vah abhi se inkar kar dega; agar nahin aya hai, to is sandeh se use marmantak vedana hogi. adami aisa to nahin hai; magar bhaee, daulat pakar eeman salamat rakhana kathin hai. abhi to rupaye nahin mile hain. is vakt eemanadar banane men kya kharch hota hai ? pariksha ka samay to tab ayega, jab das lakh rupaye hath men honge. mainne apane ant:karan ko tatola agar tikat mere nam ka hota aur mujhe das lakh mil jate, to kya main adhe rupaye bina kan-poonchh hilaye vikram ke havale kar deta ? kaun kah sakata hai; magar adhik sambhav yahi tha ki main hile-havale karata, kahata tumane mujhe panch rupaye udhar diye the. usake  das le lo, sau le lo aur kya karoge; magar nahin, mujhase itani bad-niyati n hoti.   doosare din ham donon akhabar dekh rahe the ki sahasa vikram ne kaha, qahin hamara tikat nikal aye, to mujhe afasos hoga ki nahak tumase sajha kiya ! vah saral bhav se muskaraya, magar yah thi usake atma ki jhalak jise vah vinod ki ad men chhipana chahata tha. mainne chaunkakar kaha, ‘sach ! lekin isi tarah mujhe bhi to afasos ho sakata hai ?’ 'lekin tikat to mere nam ka hai ?' 'isase kya.' 'achchha, man lo, main tumhare sajhe se inkar kar jaoon ?' mera khoon sard ho gaya. ankhon ke samane andhera chha gaya. 'main tumhen itana badaniyat nahin samajhata tha.' 'magar hai bahut snbhav. panch lakh. socho ! dimag chakara jata hai !' 'to bhaee, abhi se kushal hai, likha-padhi kar lo ! yah snshay rahe hi kyon ?' vikram ne hnsakar kaha, ‘tum bade shakki ho yar ! main tumhari pariksha le raha tha. bhala, aisa kahin ho sakata hai ? panch lakh kya, panch karod bhi hon, tab bhi eeshvar chahega, to niyat men khalal n ane doonga.‘  kintu mujhe usake is ashvasan par bilakul vishvas n aya. man men ek snshay baith gaya. mainne kaha, ‘yah to main janata hoon, tumhari niyat kabhi vichalit nahin ho sakati, lekin likha-padhi kar lene men kya haraj hai ?’ 'phajool hai.' 'phajool hi sahi.' 'to pakke kagaz par likhana padega. das lakh ki kort-phis hi sadhe sat hazar ho jayagi. kis bhram men hain ap ?' mainne socha, ‘bala se sadi likha-padhi ke bal par koee qanooni karravaee n kar sakoonga. par inhen lajjit karane ka, inhen jalil karane ka, inhen sabake samane beeeman siddh karane ka avasar to mere hath ayega aur duniya men badanami ka bhay n ho, to adami n jane kya kare. apaman ka bhay qanoon ke bhay se kisi tarah kam kriyashil nahin hota. bola, ‘mujhe sade kagaz par hi vishvas a jayaga.‘ vikram ne laparavahi se kaha, ‘zis kagaz ka koee qanooni mahattv nahin, use likhakar kya samay nasht karen ?’   mujhe nishchay ho gaya ki vikram ki niyat men abhi se phitoor a gaya. nahin to sada kagaz likhane men kya badha ho sakati hai ? bigadakar kaha, ‘tumhari niyat to abhi se kharab ho gayi. usane nirlajjata se kaha, to kya tum sabit karana chahate ho ki aisi dasha men tumhari niyat n badalati ?’ 'meri niyat itani kamazor nahin hai ?' 'rahane bhi do. badi niyatavale ! achchhe-achchhe ko dekha hai !' 'tumhen isi vakt lekhabaddh hona padega. mujhe tumhare oopar vishvas nahin raha.' 'agar tumhen mere oopar vishvas nahin hai, to main bhi nahin likhata.' 'to kya tum samajhate ho, tum mere rupaye hajam kar jaoge ?' 'kisake rupaye aur kaise rupaye ?' 'main kahe deta hoon vikram, hamari dosti ka hi ant n ho jayaga, balki isase kahin bhaynkar parinam hoga.' hinsa ki ek jvala-si mere andar dahak uthi. sahasa divanakhane men jhadap ki avaz sunakar mera dhyan udhar chala gaya. yahan donon thakur baitha karate the. unamen aisi maitri thi, jo adarsh bhaiyon men ho sakati hai. ram aur lakshman men bhi itani hi rahi hogi. jhadap ki to bat hi kya, mainne unamen kabhi vivad hote bhi n suna tha. bade thakur jo kah den, vah chhote thakur ke lie qanoon tha aur chhote thakur ki ichchha dekhakar hi bade thakur koee bat kahate the. ham donon ko ashchary hua divanakhane ke dvar par jakar khade ho gaye. donon bhaee apani-apani kursiyon se uthakar khade ho gaye the, ek-ek qadam age bhi badh aye the, ankhen lal, mukh vikrit, tyoriyan chadhi hueen, mutthiyan bndhi hueen. maloom hota tha, bas hathapaee huee hi chahati hai. chhote thakur ne hamen dekhakar pichhe hatate hue kaha, sammilit parivar men jo kuchh bhi aur kahin se bhi aur kisi ke nam bhi aye, vah sabaka hai, barabar. bade thakur ne vikram ko dekhakar ek qadam aur age badhaya –‘haragij  nahin, agar main koee jurm karoon, to main pakada jaoonga, sammilit parivar nahin. mujhe saza milegi, sammilit parivar ko nahin. yah vaiyaktik prashn hai.‘ 'isaka phaisala adalat se hoga.' 'shauq se adalat jaie. agar mere ladake, meri bivi ya mere nam laautari nikali, to apaka usase koee sambandh n hoga, usi tarah jaise apake nam laautari nikale, to mujhase, meri bivi se ya mere ladake se usase koee sambandh n hoga.' 'agar main janata ki apaki aisi niyat hai, to main bhi bivi-bachchon ke nam se tikat le sakata tha.' 'yah apaki galati hai.' 'isilie ki mujhe vishvas tha, ap bhaee hain.' 'yah jua hai, apako samajh lena chahie tha. jue ki har-jit ka khanadan par koee asar nahin pad sakata. agar ap kal ko das-panch hazar res men har ayen, to khanadan usaka zimmedar n hoga.' 'magar bhaee ka hak dabakar ap sukhi nahin rah sakate.' 'ap n brahma hain, n eeshvar aur n koee mahatma.' vikram ki mata ne suna ki donon bhaiyon men thani huee hai aur mallayuddh hua chahata hai, to daudi huee bahar ayin aur donon ko samajhane lagin. chhote thakur ne bigadakar kaha, ‘ap mujhe kya samajhati hain, unhen samajhaie, jo char-char tikat liye hue baithe hain. mere pas kya hai, ek tikat. usaka kya bharosa. meri apeksha jinhen rupaye milane ka chauguna chans hai, unaki niyat bigad jay, to lajja aur du:kh ki bat hai.‘ thakurain ne devar ko dilasa dete hue kaha, ‘achchha, mere rupaye men se adhe tumhare. ab to khush ho.‘ bade thakur ne bivi ki jaban pakadi --‘kyon adhe le lenge ? main ek dhola bhi n doonga. ham murauvat aur sahridayata se kam len, phir bhi unhen panchaven hisse se zyada kisi tarah n milega. adhe ka dava kis niyam se ho sakata hai ? n bauddhik, n dharmik, n naitik. chhote thakur ne khisiyakar kaha, sari duniya ka qanoon ap hi to janate hain.‘ 'janate hi hain, tis sal tak vakalat nahin ki hai ?' 'yah vakalat nikal jayagi, jab samane kalakatte ka bairistar khada kar doonga.' 'bairistar ki aisi-taisi, chahe vah kalakatte ka ho ya landan ka !' 'main adha loonga, usi tarah jaise ghar ki jayadad men mera adha hai.'   itane men vikram ke bade bhaee sahab sir aur hath men patti bandhe, lagadate hue, kapadon par taja khoon ke dag lagaye, prasann-mukh akar ek aramakursi par gir pade. bade thakur ne ghabadakar poochha, ‘yah tumhari kya halat hai ji ? ain, yah chot kaise lagi ? kisi se mar-pit to nahin ho gayi ?’ prakash ne kursi par letakar ek bar karaha, phir muskarakar bole, ‘zi, koee bat nahin, aisi kuchh bahut chot nahin lagi.‘ 'kaise kahate ho ki chot nahin lagi ? sara hath aur sir sooj gaya hai. kapade khoon se tar. yah muamala kya hai ? koee motar durghatana to nahin ho gayi ?' 'bahut mamooli chot hai sahab, do-char din men achchhi ho jayagi. ghabarane ki koee bat nahin.' prakash ke mukh par ashapoorn, shant muskan thi. krodh, lajja ya pratishodh ki bhavana ka nam bhi n tha. bade thakur ne aur vyagr hokar poochha, ‘lekin hua kya, yah kyon nahin batalate ? kisi se mar-pit huee ho to thane men rapat karava doon.‘ prakash ne halake man se kaha, ‘mar-pit kisi se nahin huee sahab. bat yah hai ki main jara jhakkad baba ke pas chala gaya tha. ap to janate hain, vah adamiyon ki soorat se bhagate hain aur patthar lekar marane daudate hain. jo darakar bhaga, vah gaya. jo patthar ki choten khakar bhi unake pichhe laga raha, vah paras ho gaya. vah yahi pariksha lete hain. aj main vahan pahuncha, to koee pachas adami jama the, koee mithaee liye, koee bahumooly bhent liye, koee kapadon ke than liye. jhakkad baba dhyanavastha men baithe hue the. ekaek unhonne ankhen kholin aur yah jan-samooh dekha, to kee patthar chunakar unake pichhe daude. phir kya tha, bhagadad mach gayi. log girate-padate bhage. hurr ho gaye. ek bhi n tika. akela main ghnteghar ki tarah vahin data raha. bas unhonne patthar chala hi to diya. pahala nishana sir men laga. unaka nishana achook padata hai. khopadi bhanna gayi, khoon ki dhara bah chali; lekin main hila nahin. phir babaji ne doosara patthar phenka. vah hath men laga. main gir pada aur behosh ho gaya. jab hosh aya, to vahan sannata tha. babaji bhi gayab ho gaye the. antardhan ho jaya karate hain. kise pukaroon, kisase savari lane ko kahoon ? mare dard ke hath phata padata tha aur sir se abhi tak khoon jari tha. kisi tarah utha aur sidha daktar ke pas gaya. unhonne dekhakar kaha, haddi toot gayi hai aur patti bandh di; garm pani se senkane ko kaha, hai. sham ko phir ayenge, magar chot lagi to lagi; ab latari mere nam ayi dhari hai. yah nishchay hai. aisa kabhi hua hi nahin ki jhakkad baba ki mar khakar koee namurad rah gaya ho. main to sabase pahale baba ki kuti banava doonga.‘   bade thakur sahab ke mukh par sntosh ki jhalak dikhayi di. phauran palng bichh gaya. prakash us par lete. thakurain pnkha jhalane lagin, unaka bhi mukh prasann tha. itani chot khakar das lakh pa jana koee bura sauda n tha. chhote thakur sahab ke pet men choohe daud rahe the. jyon hi bade thakur bhojan karane gaye aur thakurain bhi prakash ke lie bhojan ka prabandh karane gayin, tyon hi chhote thakur ne prakash se poochha, ‘kya bahut zor se patthar marate hain ?’ ‘jor se to kya marate honge !’ prakash ne unaka ashay samajhakar kaha, ‘are sahab, patthar nahin marate, bamagole marate hain. dev-sa to dil-daul hai aur balavanh itane hain ki ek ghoonse men sheron ka kam tamam kar dete hain. koee aisa-vaisa adami ho, to ek hi patthar men ten ho jay. kitane hi to mar gaye; magar aj tak jhakkad baba par mukadama nahin chala. aur do-char patthar marakar hi nahin rah jate, jab tak ap gir n paden aur behosh n ho jayn, vah marate hi jaynge; magar rahasy yahi hai ki ap jitani zyada choten khayenge, utane hi apane uddeshy ke nikat pahunchenge. ..’ prakash ne aisa roen khade kar dene vala chitr khincha ki chhote thakur sahab tharra uthe. patthar khane ki himmat n padi.   akhir bhagy ke nipatare ka din aya zulaee ki bisavin tarikh katl ki rat ! ham prat:kal uthe, to jaise ek nasha chadha hua tha, asha aur bhay ke dvandv ka. donon thakuron ne ghadi rat rahe gnga-snan kiya tha aur mandir men baithe poojan kar rahe the. aj mere man men shraddha jagi. mandir men jakar man-hi-man thakuraji ki stuti karane laga anathon ke nath, tumhari kripadrishti kya hamare oopar n hogi ? tumhen kya maloom nahin, hamase zyada tumhari daya kaun dizarv ;kamematamaddh karata hai ? vikram soot-boot pahane mandir ke dvar par aya, mujhe ishare se bulakar itana kaha, main dakakhane jata hoon aur hava ho gaya. jara der men prakash mithaee ke thal lie hue ghar men se nikale aur mandir ke dvar par khade hokar kngalon ko bantane lage, jinaki ek bhid jama ho gayi thi. aur donon thakur bhagavanh ke charanon men lau lagaye hue the, sir jhukaye, ankhen band kiye hue, anurag men doobe hue. bade thakur ne sir uthakar pujari ki or dekha aur bole, “bhagavanh to bade bhakt-vatsal hain, kyon pujariji ?” pujariji ne samarthan kiya, ‘han sarakar, bhakton ki raksha ke lie to bhagavanh kshirasagar se daude aur gaj ko grah ke munh se bachaya.‘ ek kshan ke bad chhote thakur sahab ne sir uthaya aur pujariji se bole kyon, ‘pujariji, bhagavanh to sarvashaktimanh hain, antaryami, sabake dil ka hal janate hain.‘ pujari ne samarthan kiya—‘han sarakar, antaryami n hote to sabake man ki bat kaise jan jate ? shabari ka prem dekhakar svayn usaki manokamana poori ki.‘ poojan samapt hua. arati huee. donon bhaiyon ne aj oonche svar se arati gayi aur bade thakur ne do rupaye thal men dale. chhote thakur ne char rupaye dale. bade thakur ne ek bar kop-drishti se dekha aur munh pher liya. sahasa bade thakur ne pujari se poochha,  ‘tumhara man kya kahata hai pujariji ?’ pujari bola, ‘sarakar ki phate hai.‘ chhote thakur ne poochha, ‘aur meri ?’ pujari ne usi mustaidi se kaha, ‘apaki bhi phate hai.‘ bade thakur shraddha se doobe bhajan gate hue mandir se nikale -- 'prabhuji, main to ayo saran tihare, han prabhuji !' ek minat men chhote thakur sahab bhi mandir se gate hue nikale -- 'ab pat rakho more dayanidhan tori gati lakhi na pare !' main bhi pichhe nikala aur jakar mithaee bantane men prakash baboo ki madad karana chaha; unhonne thal hatakar kaha, ap rahane dijie, main abhi bante dalata hoon. ab rah hi kitani gayi hai ? main khisiyakar dakakhane ki taraph chala ki vikram muskarata hua saikil par a pahuncha. use dekhate hi sabhi jaise pagal ho gaye. donon thakur samane hi khade the. donon baj ki tarah jhapate. prakash ke thal men thodi-si mithaee bach rahi thi. usane thal zamin par pataka aur dauda. aur mainne to us unmad men vikram ko god men utha liya; magar koee usase kuchh poochhata nahin, sabhi jay-jayakar ki hank laga rahe hain. bade thakur ne akash ki or dekha, ‘bolo raja ramachandr ki jay !’ chhote thakur ne chhalang mari, ‘bolo hanumanaji ki jay !’ prakash taliyan bajata hua chikha, ‘duhaee jhakkad baba ki !’

vikram ne aur zor se kahakaha, mara aur phir alag khada hokar bola,’jisaka nam aya hai, usase ek lakh loonga ! bolo, hai mnjoor ?’ bade thakur ne usaka hath pakada-- ‘pahale bata to !’ 'na ! yon nahin batata.' 'chhote thakur bigade ... mahaj batane ke lie ek lakh ? shabash !’ prakash ne bhi tyori chadhayi, ‘kya dakakhana hamane dekha nahin hai ?’ 'achchha, to apana-apana nam sunane ke lie taiyar ho jao.' sabhi log fauji-atenshan ki dasha men nishchal khade ho gaye. 'hosh-havash thik rakhana !' sabhi poorn sachet ho gaye. 'achchha, to sunie kan kholakar is shahar ka saphaya hai. is shahar ka hi nahin, sampoorn bharat ka saphaya hai. amerika ke ek habshi ka nam a gaya.' bade thakur jhallaye, ‘jhooth-jhooth, bilakul jhooth !’ chhote thakur ne paintara badala qabhi nahin. tin mahine ki tapasya yon hi rahi ? vah ?’ prakash ne chhati thonkakar kaha, ‘yahan sir mudavaye aur hath tudavaye baithe hain, dillagi hai !’   itane men aur pachason adami udhar se roni soorat liye nikale. ye bechare bhi dakakhane se apani kismat ko rote chale a rahe the. mar le gaya, amerika ka habshi ! abhaga ! pishach ! dusht ! ab kaise kisi ko vishvas n ata ? bade thakur jhallaye hue mandir men gaye aur pujari ko disamis kar diya isilie tumhen itane dinon se pal rakha hai. haram ka mal khate ho aur chain karate ho. chhote thakur sahab ki to jaise kamar toot gayi. do-tin bar sir pita aur vahin baith gaye; magar prakash ke krodh ka paravar n tha. usane apana mota sota liya aur jhakkad baba ki marammat karane chala. mataji ne keval itana kaha, ‘sabhi ne beeemani ki hai. main kabhi manane ki nahin. hamare devata kya karen ? kisi ke hath se thode hi chhin layenge ?’ rat ko kisi ne khana nahin khaya. main bhi udas baitha hua tha ki vikram akar bola, ‘chalo, hotal se kuchh kha ayen. ghar men to choolha nahin jala.‘ mainne poochha, tum dakakhane se aye, ‘to bahut prasann kyon the.‘ usane kaha, zab mainne dakakhane ke samane hajaron ki bhid dekhi, to mujhe apane logon ke gadhepan par hnsi ayi. ek shahar men jab itane adami hain, to sare hindustan men isake hazar gune se kam n honge. aur duniya men to lakh gune se bhi zyada ho jaynge. mainne asha ka jo ek parvat-sa khada kar rakha tha, vah jaise ekabaragi itana chhota hua ki raee ban gaya, aur mujhe hnsi ayi. jaise koee dani purush chhatank-bhar ann hath men lekar ek lakh adamiyon ko nevata de baithe aur yahan hamare ghar ka ek-ek adami samajh raha hai ki ... main bhi hnsa ‘han, bat to yatharth men yahi hai aur ham donon likha-padhi ke lie lade marate the; magar sach batana, tumhari niyat kharab huee thi ki nahin ?’ vikram muskarakar bola, ‘ab kya karoge poochhakar ? parada dhnka rahane do.'

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah