माता का हृदय -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

madhavi ki ankhon men sara snsar andhera ho raha tha. koee apana madadagar n dikhayi deta tha. kahin asha ki jhalak n thi. us nirdhan ghar men vah akeli padi roti thi aur koee ansoo ponchhanevala n tha. usake pati ko mare hue 22 varsh ho gaye the. ghar men koee sampatti n thi. usane n-jane kin takaliphon se apane bachche ko pal-posakar bada kiya tha. vahi javan beta aj usaki god se chhin liya gaya tha aur chhinanevale kaun the ? agar mrityu ne chhina hota to vah sabr kar leti. maut se kisi ko dvesh nahin hota. magar svarthiyon ke hathon yah atyachar asahy ho raha tha. is ghor sntap ki dasha men usaka ji rah-rahakar itana vikal ho jata ki isi samay chaloon aur us atyachari se isaka badala loon jisane us par yah nishthur aghat kiya hai. maroon ya mar jaoonn. donon hi men sntosh ho jayaga. kitana sundar, kitana honahar balak tha ! yahi usake pati ki nishani, usake jivan ka adhar, usaki umr-bhar ki kamaee thi. vahi ladaka is vakt jel men pada n jane kya-kya takaliphen jhel raha hoga ! aur usaka aparadh kya tha ? kuchh nahin. sara muhalla us par jan deta tha. vidyalay ke adhyapak us par jan dete the. apane-begane sabhi to use pyar karate the. kabhi usaki koee shikayat sunane hi men nahin ayi. aise balak ki mata hone par any mataen use badhaee deti thin. kaisa sajjan, kaisa udar, kaisa paramarthi ! khud bhookhon so rahe magar kya majal ki dvar par anevale atithi ko rookha javab de. aisa balak kya is yogy tha ki jel men jata ! usaka aparadh yahi tha, vah kabhi-kabhi sunane valon ko apane dukhi bhaiyon ka dukhada sunaya karata tha, atyachar se pidit praniyon ki madad ke lie hamesha taiyar rahata tha. kya yahi usaka aparadh tha ? doosaron ki seva karana bhi aparadh hai ? kisi atithi ko ashray dena bhi aparadh hai ?

is yuvak ka nam atmannd tha. durbhagyavash usamen ve sabhi sadgun the jo jel ka dvar khol dete hain. vah nirbhik tha, spashtavadi tha, sahasi tha, svadeshapremi tha, niahsvarth tha, karttavyaparayan tha. jel jane ke lie inhin gunon ki zaroorat hai. svadhin praniyon ke lie ve gun svarg ka dvar khol dete hain, paradhinon ke lie narak ke ! atmannd ke seva-kary ne, usaki vaktritaon ne aur usake rajanitik lekhon ne use sarakari karmachariyon ki najaron men chadha diya tha. sara pulis-vibhag niche se oopar tak usase satark rahata tha, sabaki nigahen us par lagi rahati thin. akhir zile men ek bhaynkar dake ne unhen ichchhit avasar pradan kar diya. atmannd ke ghar ki talashi huee, kuchh patr aur lekh mile, jinhen pulis ne dake ka bijak siddh kiya. lagabhag 20 yuvakon ki ek toli phans li gayi. atmannd isaka mukhiya thaharaya gaya. shahadaten hueen. is bekari aur girani ke jamane men atma se zyada sasti aur kaun vastu ho sakati hai ! bechane ko aur kisi ke pas rah hi kya gaya hai ! namamatr ka pralobhan dekar achchhi-se-achchhi shahadaten mil sakati hain, aur pulis ke hath padakar to nikrisht-se-nikrisht gavahiyan bhi devavani ka mahattv prapt kar leti hain. shahadaten mil gayin, mahine-bhar tak mukadama chala, mukadama kya chala ek svang chalata raha aur sare abhiyukton ko sajaen de di gayin. atmannd ko sabase kathor dnd mila, 8 varsh ka kathin karavas ! madhavi roj kachahari jati; ek kone men baithi sari karravaee dekha karati. manaviy charitr kitana durbal, kitana nirday, kitana nich hai, isaka use tab tak anuman bhi n hua tha. jab atmannd ko saza suna di gayi aur vah mata ko pranam karake sipahiyon ke sath chala to madhavi moorchhit hokar zamin par gir padi. do-char dayalu sajjanon ne use ek tange par baithakar ghar tak pahunchaya. jab se vah hosh men ayi hai usake hriday men shool-sa uth raha hai. kisi tarah dhairy nahin hota. us ghor atm-vedana ki dasha men ab apane jivan ka keval ek lakshy dikhayi deta hai aur vah is atyachar ka badala hai.

ab tak putr usake jivan ka adhar tha. ab shatruon se badala lena hi usake jivan ka adhar hoga. jivan men ab usake lie koee asha n thi. is atyachar ka badala lekar vah apana janm saphal samajhegi. is abhage nar-pishach bagachi ne jis tarah use rakt ke ansoo rulaye hain usi bhanti yah bhi use rulayegi. nari-hriday komal hai, lekin keval anukool dasha men; jis dasha men purush doosaron ko dabata hai, stri shil aur vinay ki devi ho jati hai. lekin jisake hathon apana sarvanash ho gaya ho usake prati stri ko purush se kam ghrina aur krodh nahin hota. antar itana hi hai ki purush shastron se kam leta hai, stri kaushal se.

rat bhigati jati thi aur madhavi uthane ka nam n leti thi. usaka duahkh pratikar ke avesh men vilin hota jata tha. yahan tak ki isake siva use aur kisi bat ki yad hi n rahi. usane socha, kaise yah kam hoga ? kabhi ghar se nahin nikali. vaidhavy ke 22 sal isi ghar men kat gaye; lekin ab nikaloongi. jabaradasti nikaloongi, bhikharin banoongi, tahalani banoongi, jhooth boloongi, sab kukarm karoongi. satkarm ke lie snsar men sthan nahin. eeshvar ne nirash hokar kadachith isaki or se munh pher liya hai. jabhi to yahan aise-aise atyachar hote hain aur papiyon ko dnd nahin milata. ab inhin hathon se use dnd doongi.

2

sndhya ka samay tha. lakhanoo ke ek saje hue bngale men mitron ki mahaphil jami huee thi. gana-bajana ho raha tha. ek taraph atashabajiyan rakhi huee thin. doosare kamare men mejon par khana chuna ja raha tha. charon taraph pulis ke karmachari najar ate the. vah pulis ke suparintendent mistar bagachi ka bngala hai. kee din hue unhonne ek marke ka mukadama jita tha. aphasaron ne khush hokar unaki taraqqi kar di thi. aur usi ki khushi men yah utsav manaya ja raha tha. yahan aye din aise utsav hote rahate the. muft ke gavaiye mil jate the, muft ki atashabaji; phal aur meve aur mithaiyan adhe damon par bazar se a jati thin aur chat davat ho jati thi. doosaron ke jahan sau lagate, vahan inaka das se kam chal jata tha. daud-dhoop karane ko sipahiyon ki fauj thi hi. aur yah marke ka mukadama kya tha ? vah jisamen niraparadh yuvakon ko banavati shahadat se jel men thoons diya gaya tha.

gana samapt hone par log bhojan karane baithe. begar ke mazadoor aur palledar jo bazar se davat aur sajavat ke saman laye the, rote ya dil men galiyan dete chale gaye the; par ek budhiya abhi tak dvar par baithi huee thi. any mazadooron ki tarah vah bhunabhunakar kam n karati thi. hukm pate hi khush-dil mazadoor ki tarah daud-daudakar hukm baja lati thi. yah madhavi thi, jo is samay mazoorani ka vesh dharan karake apana ghatak snkalp poora karane ayi thi.

mehaman chale gaye. mahaphil uth gayi. davat ka saman samet diya gaya. charon or sannata chha gaya; lekin madhavi abhi tak yahin baithi thi.

sahasa mistar bagachi ne poochha- buddhi, too yahan kyon baithi hai ? tujhe kuchh khane ko mil gaya ?

madhavi- han huzoor, mil gaya.

bagachi- to jati kyon nahin ?

madhavi- kahan jaoon sarakar, mera koee ghar-dvar thode hi hai. hukum ho to yahin padi rahoon. pav-bhar ate ki paravasti ho jay huzoor.

bagachi- naukari karegi ?

madhavi- kyon n karoongi sarakar, yahi to chahati hoon.

bagachi- ladaka khela sakati hai ?

madhavi- han huzoor, vah mere man ka kam hai.

bagachi- achchhi bat hai. too aj hi se rah. ja, ghar men dekh, jo kam batayen, vah kar.

3

ek mahina gujar gaya. madhavi itana tan-man se kam karati hai ki sara ghar usase khush hai. bahooji ka mizaj bahut hi chidachida hai. vah din-bhar khat par padi rahati hain aur bat-bat par naukaron par jhallaya karati hain. lekin madhavi unaki ghudakiyon ko bhi saharsh sah leti hai. ab tak mushkil se koee daee ek saptah se adhik thahari thi. madhavi hi ka kaleja hai ki jali-kati sunakar bhi mukh par mail nahin ane deti.

mistar bagachi ke kee ladake ho chuke the, par yahi sabase chhota bachcha bach raha tha. bachche paida to hrisht-pusht hote, kintu janm lete hi unhen ek-n-ek rog lag jata tha aur koee do-char mahine, koee sal-bhar jikar chal dete the. man-bap donon is shishu par pran dete the. use jara jukam bhi ho to donon vikal ho jate. stri-purush donon shikshit the, par bachche ki raksha ke lie tona-totaka, dua-tabij, jntar-mntar ek se bhi unhen inakar n tha.

madhavi se yah balak itana hil gaya ki ek kshan ke lie bhi usaki god se n utarata. vah kahin ek kshan ke lie chali jati to ro-rokar duniya sir par utha leta. vah sulati to sota, vah doodh pilati to pita, vah khelati to khelata, usi ko vah apani mata samajhata. madhavi ke siva usake lie snsar men koee apana n tha. bap ko to vah din-bhar men keval do-char bar dekhata aur samajhata yah koee paradeshi adami hai. man alasy aur kamazori ke mare god men lekar tahal n sakati thi. use vah apani raksha ka bhar snbhalane ke yogy n samajhata tha, aur naukar-chakar use god men lete to itani bedardi se ki usake komal angon men pida hone lagati thi. koee use oopar uchhal deta tha, yahan tak ki abodh shishu ka kaleja munh ko a jata tha. un sabon se vah darata tha. keval madhavi thi jo usake svabhav ko samajhati thi. vah janati thi ki kab kya karane se balak prasann hoga. isilie balak ko bhi usase prem tha.

madhavi ne samajha tha, yahan knchan barasata hoga; lekin use dekhakar kitana vismay hua ki badi mushkil se mahine ka kharch poora padata hai. naukaron se ek-ek paise ka hisab liya jata tha aur bahudha avashyak vastuen bhi tal di jati thin. ek din madhavi ne kaha- bachche ke lie koee tej gadi kyon nahin mngava detin. god men usaki badh mari jati hai.

misez bagachi ne kunthit hokar kaha- kahan se mngava doon, kam-se-kam 50-60 rupaye men ayegi. itane rupaye kahan hain ?

madhavi- malakin, ap bhi aisa kahati hain !

misez bagachi- jhooth nahin kahati. babooji ki pahali stri se panch ladakiyan aur hain. sab is samay ilahabad ke ek skool men padh rahi hain. badi ki umr 15-16 varsh se kam n hogi. adha vetan to udhar hi chala jata hai. phir unaki shadi ki bhi to fikr hai. panchon ke vivah men kam-se-kam 25 hazar lagenge. itane rupaye kahan se ayenge. main chinta ke mare mari jati hoon. mujhe koee doosari bimari nahin hai, keval yahi chinta ka rog hai.

madhavi- ghoos bhi to milati hai.

misez bagachi- budhiya, aisi kamaee men barakat nahin hoti. yahi kyon, sach poochho to isi ghoos ne hamari yah durgati kar rakhi hai. kya janen auron ko kaise hajam hoti hai. yahan to jab aise rupaye ate hain to koee-n-koee nukasan bhi avashy ho jata hai. ek ata hai to do lekar jata hai. bar-bar mana karati hoon, haram ki kaudi ghar men n laya karo, lekin meri kaun sunata !

bat yah thi ki madhavi ko balak se sneh hota jata tha. usake amngal ki kalpana bhi vah n kar sakati thi. vah ab usi ki nind soti aur usi ki nind jagati thi. apane sarvanash ki bat yad karake ek kshan ke lie use bagachi par krodh to ho ata tha aur ghav phir hara ho jata tha; par man par kutsit bhavon ka adhipaty n tha. ghav bhar raha tha, keval thes lagane se dard ho jata tha. usamen svayn tis ya jalan n thi. is parivar par ab use daya ati thi. sochati, bechare yah chhin-jhapat n karen to kaise gujar ho. ladakiyon ka vivah kahan se karenge ! stri ko jab dekho bimar hi rahati hai. un par babooji ko ek botal sharab bhi roj chahie. yah log to svayn abhage hain. jisake ghar men 5-5 kvanri kanyaen hon, balak ho-hokar mar jate hon, gharani sada bimar rahati ho, svami sharab ka lati ho, us par to yon hi eeshvar ka kop hai. inase to main abhagini hi achchhi !

4

durbal balakon ke lie barasat buri bala hai. kabhi khansi hai, kabhi jvar, kabhi dast. jab hava men hi shit bhari ho to koee kahan tak bachaye. madhavi ek din apane ghar chali gayi thi. bachcha rone laga to man ne ek naukar ko diya, ise bahar se bahala la. naukar ne bahar le jakar hari-hari ghas par baitha diya. pani baras kar nikal gaya tha. bhoomi gili ho rahi thi. kahin-kahin pani bhi jama ho gaya tha. balak ko pani men chhapake lagane se zyada pyara aur kaun khel ho sakata hai. khoob prem se umag-umagakar pani men lotane laga. naukar baitha aur adamiyon ke sath gap-shap karata raha. is tarah ghnton gujar gaye. bachche ne khoob sardi khayi. ghar aya to usaki nak bah rahi thi. rat ko madhavi ne akar dekha to bachcha khans raha tha. adhi rat ke qarib usake gale se khurakhur ki avaz nikalane lagi. madhavi ka kaleja san se ho gaya. svamini ko jagakar boli- dekho to, bachche ko kya ho gaya hai. kya sardi-vardi to nahin lag gayi. han, sardi hi to maloom hoti hai.

svamini hakabaka kar uth baithi aur balak ki khurakhurahat suni to panv tale se zamin nikal gayi. yah bhaynkar avaz usane kee bar suni thi aur use khoob pahachanati thi. vyagr hokar boli- jara ag jalao. thoda-sa chokar lakar ek potali banao, senkane se labh hota hai. in naukaron se tng a gayi. aj kahar jara der ke lie bahar le gaya tha, usi ne sardi men chhod diya hoga.

sari rat donon balak ko senkati rahin. kisi tarah sabera hua. mistar bagachi ko khabar mili to sidhe daktar ke yahan daude. khairiyat itani thi ki jald ehatiyat ki gayi. tin din men bachcha achchha ho gaya; lekin itana durbal ho gaya tha ki use dekhakar dar lagata tha. sach poochho to madhavi ki tapasya ne balak ko bachaya. mata soti, pita so jata, kintu madhavi ki ankhon men nind n thi. khana-pina tak bhool gayi. devataon ki manautiyan karati thi, bachche ki balaen leti thi, bilakul pagal ho gayi thi. yah vahi madhavi hai jo apane sarvanash ka badala lene ayi thi. apakar ki jagah upakar kar rahi thi. vish pilane ayi thi, sudha pila rahi thi. manushy men devata kitana prabal hai !

pratahkal ka samay tha. mistar bagachi shishu ke jhoole ke pas baithe hue the. stri ke sir men pida ho rahi thi. vahin charapaee par leti huee thi aur madhavi samip baithi bachche ke lie doodh garam kar rahi thi. sahasa bagachi ne kaha- boodha, ham jab tak jiyenge tumhara yash gayenge. tumane bachche ko zila liya.

stri- yah devi banakar hamara kasht nivaran karane ke lie a gayi. yah n hoti to n-jane kya hota. boodha, tumase meri ek vinati hai. yon to marana-jina prarabdh ke hath hai, lekin apana-apana paura bhi badi chiz hai. main abhagini hoon. abaki tumhare hi puny-pratap se bachcha snbhal gaya. mujhe dar lag raha hai ki eeshvar ise hamare hath se chhin n len. sach kahati hoon boodha, mujhe isako god men lete dar lagata hai. ise tum aj se apana bachcha samajho. tumhara hokar shayad bach jay, ham abhage hain, hamara hokar is par koee-n-koee snkat ata rahega. aj se tum isaki mata ho jao. tum ise apane ghar le jao, jahan chahe le jao, tumhari god men dekar mujhe phir koee chinta n rahegi. vastav men tumhin isaki mata ho, main to rakshasi hoon.

madhavi- bahooji, bhagavanh sab kushal karenge, kyon ji itana chhota karati ho ?

mistar bagachi- nahin-nahin boodhi mata, isamen koee haraj nahin hai. main mastishk se to in baton ko dhakosala hi samajhata hoon; lekin hriday se inhen door nahin kar sakata. mujhe svayn meri mataji ne ek dhobin ke hath bech diya tha. mere tin bhaee mar chuke the. main jo bach gaya to man-bap ne samajha bechane se hi isaki jan bach gayi. tum is shishu ko palo-poso. ise apana putr samajho. kharch ham barabar dete rahenge. isaki koee chinta mat karana. kabhi-kabhi jab hamara ji chahega, akar dekh liya karenge. hamen vishvas hai ki tum isaki raksha ham logon se kahin achchhi tarah kar sakati ho. main kukarmi hoon. jis peshe men hoon, usamen kukarm kiye bagair kam nahin chal sakata. jhoothi shahadaten banani hi padati hain, niraparadhon ko phnsana hi padata hai. atma itani durbal ho gayi hai ki pralobhan men pad hi jata hoon. janata hoon ki buraee ka phal bura hi hota hai; par paristhiti se majaboor hoon. agar n karoon to aj nalayaq banakar nikal diya jaoon. angrej hajaron bhoolen karen, koee nahin poochhata. hindustani ek bhool bhi kar baithe to sare aphasar usake sir ho jate hain. hindustaniyon ko to koee bada pad n mile, vahi achchha. pad pakar to unaki atma ka patan ho jata hai. unako hindustaniyat ka dosh mitane ke lie kitani hi aisi baten karani padati hain jinaka angrez ke dil men kabhi khayal hi paida nahin ho sakata. to bolo, svikar karati ho ?

madhavi gadgad hokar boli- babooji, apaki ichchha hai to mujhase bhi jo kuchh ban padega, apaki seva kar doongi. bhagavanh balak ko amar karen, meri to unase yahi vinati hai.

madhavi ko aisa maloom ho raha tha ki svarg ke dvar samane khule hain aur svarg ki deviyan anchal phaila-phailakar ashirvad de rahi hain, mano usake antastal men prakash ki laharen-si uth rahi hain. is snehamay seva men kitani shanti thi.

balak abhi tak chadar odhe so raha tha. madhavi ne doodh garam ho jane par use jhoole par se uthaya, to chilla padi. balak ki deh thndi ho gayi thi aur munh par pilapan a gaya tha jise dekhakar kaleja hil jata hai, knth se ah nikal jati hai aur ankhon se ansoo bahane lagate hain. jisane use ek bar dekha hai phir kabhi nahin bhool sakata. madhavi ne shishu ko god se chipata liya, halanki niche utar dena chahie tha.

kuharam mach gaya. man bachche ko gale se lagaye roti thi; par use zamin par n sulati thi. kya baten ho rahi thin aur kya ho gaya. maut ko dhokha dene men annd ata hai. vah us vakt kabhi nahin ati jab log usaki rah dekhate hain. rogi jab snbhal jata hai, jab vah pathy lene lagata hai, uthane-baithane lagata hai, ghar-bhar khushiyan manane lagata hai, sabako vishvas ho jata hai ki snkat tal gaya, us vakt ghat men baithi huee maut sir par a jati hai. yahi usaki nithur lila hai.

ashaon ke bag lagane men ham kitane kushal hain. yahan ham rakt ke bij bokar sudha ke phal khate hain. agni se paudhon ko sinchakar shital chhanh men baithate hain. ha, mndabuddhi !

din-bhar matam hota raha; bap rota tha, man tadapati thi aur madhavi bari-bari se donon ko samajhati thi. yadi apane pran dekar vah balak ko zila sakati to is samay apana dhany bhag samajhati. vah ahit ka snkalp karake yahan ayi thi aur aj jab usaki manokamana poori ho gayi aur use khushi se phoola n samana chahie tha, use usase kahin ghor pida ho rahi thi jo apane putr ki jel-yatra se huee thi. rulane ayi thi aur khud roti ja rahi thi. mata ka hriday daya ka agar hai. use jalao to usamen daya ki hi sugndh nikalati hai, piso to daya ka hi ras nikalata hai. vah devi hai. vipatti ki kroor lilaen bhi us svachchh nirmal srot ko malin nahin kar sakatin.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah