रानी सारन्धा- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

andheri rat ke sannate men dhasan nadi chattanon se takarati huee aisi suhavani maloom hoti thi jaise ghumur-ghumur karati huee chakkiyan. nadi ke dahine tat par ek tila hai. us par ek purana durg bana hua hai jisako jngali vrikshon ne gher rakha hai. tile ke poorv ki or chhota-sa ganv hai. yah gadhi aur ganv donon ek bundela sarakar ke kirti-chihn hain. shatabdiyan vyatit ho gayin bundelakhnd men kitane hi rajyon ka uday aur ast hua musalaman aye aur bundela raja uthe aur gire-koee ganv koee ilaka aisa n tha jo in duravasthaon se pidit n ho magar is durg par kisi shatru ki vijay-pataka n laharayi aur is ganv men kisi vidroh ka bhi padarpan n hua. yah usaka saubhagy tha.

aniruddhasinh vir rajapoot tha. vah jamana hi aisa tha jab manushyamatr ko apane bahubal aur parakram hi ka bharosa tha. ek or musalaman senaen pair jamaye khadi rahati thin doosari or balavan raja apane nirbal bhaiyon ka gala ghontane par tatpar rahate the. aniruddhasinh ke pas savaron aur piyadon ka ek chhota-sa magar sajiv dal tha. isase vah apane kul aur maryada ki raksha kiya karata tha. use kabhi chain se baithana nasib n hota tha. tin varsh pahale usaka vivah shitala devi se hua tha magar aniruddh vihar ke din aur vilas ki raten pahadon men katata tha aur shitala usaki jan ki khair manane men. vah kitani bar pati se anurodh kar chuki thi kitani bar usake pairon par gir kar roee thi ki tum meri ankhon se door n ho mujhe haridvar le chalo mujhe tumhare sath vanavas achchha hai yah viyog ab nahin saha jata. usane pyar se kaha zid se kaha vinay ki magar aniruddh bundela tha. shitala apane kisi hathiyar se use parast n kar saki.

andheri rat thi. sari duniya soti thi tare akash men jagate the. shitala devi palng par padi karavaten badal rahi thin aur usaki nanad sarandha pharsh par baithi madhur svar se gati thi-

binu raghuvir katat nahin rain

shitala ne kaha-ji n jalao. kya tumhen bhi nind nahin ati

sarandha-tumhen lori suna rahi hoon.

shitala-meri ankhon se to nind lop ho gayi.

sarandha-kisi ko dhoondhane gayi hogi.

itane men dvar khula aur ek gathe hue badan ke roopavan purush ne bhitar pravesh kiya. vah aniruddh tha. usake kapade bhige hue the aur badan par koee hathiyar n tha. shitala charapaee se utar kar zamin par baith gayi.

sarandha ne poochha-bhaiya yah kapade bhige kyon hain

aniruddh-nadi tair kar aya hoon.

sarandha-hathiyar kya hue

aniruddh-chhin gaye.

sarandha-aur sath ke adami

aniruddh-sabane vir-gati payi.

shitala ne dabi jaban se kaha-eeshvar ne hi kushal kiya. magar sarandha ke tivaron par bal pad gaye aur mukhamandal garv se satej ho gaya. boli-bhaiya tumane kul ki maryada kho di. aisa kabhi n hua tha.

sarandha bhaee par jan deti thi. usake munh se yah dhikkar sunakar aniruddh lajja aur khed se vikal ho gaya. vah viragni jise kshan bhar ke lie anurag ne daba liya tha phir jvalnt ho gayi. vah ulate panv lauta aur yah kah kar bahar chala gaya ki sarndha tumane mujhe sadaiv ke lie sachet kar diya. yah bat mujhe kabhi n bhoolegi.

andheri rat thi. akash-mandal men taron ka prakash bahut dhundhala tha. aniruddh kile se bahar nikala. pal bhar men nadi ke us par ja pahuncha aur phir andhakar men lupt ho gaya. shitala usake pichhe-pichhe kile ki divaron tak ayi magar jab aniruddh chhalang mar kar bahar kood pada to vah virahini chattan par baith kar rone lagi.

itane men sarandha bhi vahin a pahunchi. shitala ne nagin ki tarah bal kha kar kaha-maryada itani pyari hai

sarandha-han.

shitala-apana pati hota to hriday men chhipa leti.

sarandha-na chhati men chhura chubha deti.

shitala ne ainthakar kaha-choli men chhipati phirogi meri bat girah men bandh lo.

sarandha-jis din aisa hoga main bhi apana vachan poora kar dikhaoongi.

is ghatana ke tin mahine pichhe aniruddh maharauni ko jit karake lauta aur sal bhar pichhe sarandha ka vivah orachha ke raja champataray se ho gaya magar us din ki baten donon mahilaon ke hriday-sthal men kante ki tarah khatakati rahin.

raja champataray bade pratibhashali purush the. sari bundela jati unake nam par jan deti thi aur unake prabhutv ko manati thi. gaddi par baithate hi unhonne mugal badashahon ko kar dena band kar diya aur ve apane bahubal se rajy-vistar karane lage. musalamanon ki senaen bar-bar un par hamale karati thin par har kar laut jati thin.

yahi samay tha ki jab aniruddh ne sarandha ka champataray se vivah kar diya. sarandha ne munhamangi murad payi. usaki yah abhilasha ki mera pati bundela jati ka kul-tilak ho poori huee. yadyapi raja ke ranivas men panch raniyan thin magar unhen shighr hi maloom ho gaya ki vah devi jo hriday men meri pooja karati hai sarandha hai.

parantu kuchh aisi ghatanaen hueen ki champataray ko mugal badashah ka ashrit hona pada. ve apana rajy apane bhaee pahadasinh ko saunpakar dehali chale gaye. yah shahajahan ke shasan-kal ka antim bhag tha. shahajada dara shikoh rajakiy karyon ko snbhalate the. yuvaraj ki ankhon men shil tha aur chitt men udarata. unhonne champataray ki virata ki kathaen suni thin isalie unaka bahut adar-samman kiya aur kalapi ki bahumooly jagir unako bhent ki jisaki amadani nau lakh thi. yah pahala avasar tha ki champataray ko aye-din ke ladaee-jhagade se nivritti mili aur usake sath hi bhog-vilas ka prabaly hua. rat-din amod-pramod ki charcha rahane lagi. raja vilas men doobe raniyan jadaoo gahanon par rijhin magar sarandha in dinon bahut udas aur snkuchit rahati-vah in rahasyon se door-door rahati ye nrity aur gan ki sabhaen use sooni pratit hotin.

ek din champataray ne sarandha se kaha-saran tum udas kyon rahati ho main tumhen kabhi hnsate nahin dekhata. kya mujhase naraz ho

sarandha ki ankhon men jal bhar aya. boli-svamiji ap kyon aisa vichar karate hain jahan ap prasann hain vahan main bhi khush hoon.

champataray-main jab se yahan aya hoon mainne tumhare mukh-kamal par kabhi manoharini muskarahat nahin dekhi. tumane kabhi apane hathon se mujhe bida nahin khilaya. kabhi meri pag nahin snvari. kabhi mere sharir par shastr n sajaye. kahin prem-lata murajhane to nahin lagi

sarandha-prananath ap mujhase aisi bat poochhate hain jisaka uttar mere pas nahin hai. yatharth men in dinon mera chitt udas rahata hai. main bahut chahati hoon ki khush rahoon magar bojh-sa hriday par dhara rahata hai.

champataray svayn anand men magn the. isalie unake vichar men sarandha ko asantusht rahane ka koee uchit karan nahin ho sakata tha. ve bhaunhen sikod kar bole-mujhe tumhare udas rahane ka koee vishesh karan nahin maloom hota. orachhe men kaun-sa sukh tha jo yahan nahin hai

sarandha ka chehara lal ho gaya. boli-main kuchh kahoon ap naraz to n honge

champataray-nahin shauq se kaho.

sarandha-orachhe men main ek raja ki rani thi. yahan main ek jagiradar ki cheri hoon. orachhe men vah thi jo avadh men kaushalya thin yahan main badashah ke ek sevak ki stri hoon. jis badashah ke samane aj ap adar se sir jhukate hain vah kal apake nam se kanpata tha. rani se cheri ho kar bhi prasannachitt hona mere vash men nahin hai. apane yah pad aur ye vilas ki samagriyan bade mahnge damon mol li hain.

champataray ke netron par se ek parda-sa hat gaya. ve ab tak sarandha ki atmik uchchata ko n janate the. jaise be-man-bap ka balak man ki charcha sun kar rone lagata hai usi tarah orachhe ki yad se champataray ki ankhen sajal ho gayin. unhonne adarayukt anurag ke sath sarandha ko hriday se laga liya.

aj se unhen phir usi ujadi basti ki fikr huee jahan se dhan aur kirti ki abhilashaen khinch laee thin.

man apane khoye hue balak ko pa kar nihal ho jati hai. champataray ke ane se bundelakhand nihal ho gaya. orachhe ke bhag jage. naubaten bajane lagin aur phir sarandha ke kamal-netron men jatiy abhiman ka abhas dikhaee dene laga !

yahan rahate-rahate mahinon bit gaye. is bich men shahajahan bimar pada. pahale se eershya ki agni dahak rahi thi. yah khabar sunate hi jvala prachand huee. sngram ki taiyariyan hone lagin. shahajade murad aur muhiuddin apane-apane dal sajakar dakkhin se chale. varsha ke din the. urvara bhoomi rng-birng ke roop bhar kar apane saundary ko dikhati thi.

murad aur muhiuddin umngon se bhare hue qadam badhate chale a rahe the. yahan tak ki dhaulapur ke nikat chambal ke tat par a pahunche parantu yahan unhonne badashahi sena ko apane shubhagaman ke nimitt taiyar paya.

shahajade ab badi chinta men pade. samane agamy nadi laharen mar rahi thi kisi yogi ke tyag ke sadrish. vivash ho kar champataray ke pas sndesh bheja ki khuda ke lie a kar hamari doobati huee nav ko par lagaiye.

raja ne bhavan men ja kar sarandha se poochha-isaka kya uttar doon ?

sarandha-apako madad karani hogi.

champataray-unaki madad karana dara shikoh se vair lena hai.

sarandha-yah saty hai parantu hath phailane ki maryada bhi to nibhani chahie

champataray-priye tumane sochakar javab nahin diya.

sarandha-prananath main achchhi tarah janati hoon ki yah marg kathin hai. aur ab hamen apane yoddhaon ka rakt pani ke saman bahana padega parntu ham apana rakt bahayenge aur chambal ki laharon ko lal kar denge. vishvas rakhiye ki jab tak nadi ki dhara bahati rahegi vah hamare viron ki kirtigan karati rahegi. jab tak bundelon ka ek bhi namaleva rahega ye rakt-bindu usake mathe par keshar ka tilak ban kar chamakenge.

vayumandal men megharaj ki senaen umad rahi thin. orachhe ke kile se bundelon ki ek kali ghata uthi aur veg ke sath chambal ki taraph chali. pratyek sipahi vir-ras se jhoom raha tha. sarandha ne donon rajakumaron ko gale se laga liya aur raja ko pan ka bida de kar kaha-bundelon ki laj ab tumhare hath hai.

aj usaka ek-ek ang muskara raha hai aur hriday hulasit hai. bundelon ki yah sena dekh kar shahajade phoole n samaye. raja vahan ki angul-angul bhoomi se parichit the. unhonne bundelon ko to ek ad men chhipa diya aur ve shahajadon ki fauj ko saja kar nadi ke kinare-kinare pashchim ki or chale. dara shikoh ko bhram hua ki shatru kisi any ghat se nadi utarana chahata hai. unhonne ghat par se morche hata liye. ghat men baithe hue bundele usi tak men the. bahar nikal pade aur unhonne turant hi nadi men ghode dal diye. champataray ne shahajada dara shikoh ko bhulava dekar apani fauj ghuma di aur vah bundelon ke pichhe chalata hua use par utar laya. is kathin chal men sat ghanton ka vilamb hua parantu ja kar dekha to sat sau bundelon ki lashen tadap rahi thin.

raja ko dekhate hi bundelon ki himmat bndh gayi. shahajadon ki sena ne bhi allaho akabar ki dhvani ke sath dhava kiya. badashahi sena men halachal pad gayi. unaki pnktiyan chhinn-bhinn ho gayin hathonhath ladaee hone lagi yahan tak ki sham ho gayi. ranabhoomi rudhir se lal ho gayi aur akash men andhera ho gaya. ghamasan ki mar ho rahi thi. badashahi sena shahajadon ko dabaye ati thi. akasmath pashchim se phir bundelon ki ek lahar uthi aur is veg se badashahi sena ki pusht par takarayi ki usake qadam ukhad gaye. jita hua maidan hath se nikal gaya. logon ko kutoohal tha ki yah daivi sahayata kahan se ayi. saral svabhav ke logon ki dharana thi ki yah fatah ke pharishte hain shahajadon ki madad ke lie aye hain parantu jab raja champataray nikat gaye to sarandha ne ghode se utar kar unake pairon par sir jhuka diya. raja ko asim anand hua. yah sarandha thi.

samar-bhoomi ka drishy is samay atyant duahkhamay tha. thodi der pahale jahan saje hue viron ke dal the vahan ab bejan lashen tadap rahi thin. manushy ne apane svarth ke lie anadi kal se hi bhaiyon ki hatya ki hai.

ab vijayi sena loot par toot padi. pahale mard mardon se ladate the. vah virata aur parakram ka chitr tha yah nichata aur durbalata ki glaniprad tasavir thi. us samay manushy pashu bana hua tha ab vah pashu se bhi badh gaya tha.

is noch-khasot men logon ko badashahi sena ke senapati vali bahadur khan ki lash dikhayi di. usake nikat usaka ghoda khada hua apani dum se makkhiyan uda raha tha. raja ko ghodon ka shauq tha. dekhate hi vah us par mohit ho gaya. yah iraki jati ka ati sundar ghoda tha. ek-ek ang sanche men dhala hua sinh ki-si chhati chite ki-si kamar usaka yah prem aur svamibhakti dekhakar logon ko bada kutoohal hua. raja ne hukm diya-khabaradar ! is premi par koee hathiyar n chalaye ise jita pakad lo yah mere astabal ki shobha badhayega. jo ise mere pas le ayega use dhan se nihal kar doonga.

yoddhagan charon or se lapake parantu kisi ko sahas n hota tha ki usake nikat ja sake. koee chumakar raha tha koee phande men phnsane ki fikr men tha par koee upay saphal n hota tha. vahan sipahiyon ka mela-sa laga hua tha.

tab sarandha apane kheme se nikali aur nirbhay hokar ghode ke pas chali gayi. usaki ankhon men prem ka prakash tha chhal ka nahin. ghode ne sir jhuka diya. rani ne usaki gardan par hath rakha aur vah usaki pith sahalane lagi. ghode ne usake anchal men munh chhipa liya. rani usaki ras pakad kar kheme ki or chali. ghoda is tarah chupachap usake pichhe chala mano sadaiv se usaka sevak hai.

par bahut achchha hota ki ghode ne sarandha se bhi nishthurata ki hoti. yah sundar ghoda age chal kar is raj-parivar ke nimitt svarnajatit mrig sabit hua.

snsar ek ran-kshetr hai. is maidan men usi senapati ko vijayalabh hota hai jo avasar ko pahachanata hai. vah avasar par jitane utsah se age badhata hai utane hi utsah se apatti ke samay pichhe hat jata hai. vah vir purush rashtr ka nirmata hota hai aur itihas usake nam par yash ke phoolon ki varsha karata hai.

par is maidan men kabhi-kabhi aise sipahi bhi jate hain jo avasar par qadam badhana janate hain lekin snkat men pichhe hatana nahin janate. ye ranavir purush vijay ko niti ki bhent kar dete hain. ve apani sena ka nam mita denge kintu jahan ek bar pahunch gaye hain vahan se qadam pichhe n hatayenge. unamen koee virala hi snsar-kshetr men vijay prapt karata hai kintu prayah usaki har vijay se bhi adhik gauravatmak hoti hai. agar anubhavashil senapati rashtron ki ninv dalata hai to an par jan denevala munh n modanevala sipahi rashtr ke bhavon ko uchch karata hai aur usake hriday par naitik gaurav ko ankit kar deta hai. use is karyakshetr men chahe saphalata n ho kintu jab kisi vaky ya sabha men usaka nam jaban par a jata hai shrotagan ek svar se usake kirti-gaurav ko pratidhvanit kar dete hain. sarandha an par jan denevalon men thi.

shahajada muhiuddin chambal ke kinare se agare ki or chala to saubhagy usake sir par morchhal hilata tha. jab vah agare pahuncha to vijayadevi ne usake lie sinhasan saja diya !

aurngajeb gungy tha. usane badashahi aphasaron ke aparadh kshama kar diye unake rajy-pad lauta diye aur raja champataray ko usake bahumooly krityon ke upalakshy men barah hajari manasab pradan kiya. oraksha se banaras aur banaras se jamuna tak usaki jagir niyat ki gayi. bundela raja phir raj-sevak bana vah phir sukh-vilas men dooba aur rani sarandha phir paradhinata ke shok se ghulane lagi.

vali bahadur khan bada vaky-chatur manushy tha. usaki mriduta ne shighr hi use badashah alamagir ka vishvasapatr bana diya. us par rajasabha men samman ki drishti padane lagi.

khan sahab ke man men apane ghode ke hath se nikal jane ka bada shauq tha. ek din kunvar chhatrasal usi ghode par savar hokar sair ko gaya tha. vah khan sahab ke mahal ki taraph ja nikala. vali bahadur aise hi avasar ki tak men tha. usane turant apane sevakon ko ishara kiya. rajakumar akela kya karata panv-panv ghar aya aur usane sarandha se sab samachar bayan kiya. rani ka chehara tamatama gaya. boli mujhe isaka shok nahin ki ghoda hath se gaya shok isaka hai ki too use kho kar jita kyon lauta kya tere sharir men bundelon ka rakt nahin hai ghoda n milata n sahi kintu tujhe dikha dena chahie tha ki ek bundela balak se usaka ghoda chhin lena hnsi nahin hai.

yah kah kar usane apane pachchis yoddhaon ko taiyar hone ki agya di. svayn astra dharan kiye aur yoddhaon ke sath vali bahadur khan ke nivas-sthan par ja pahunchi. khan sahab usi ghode par savar ho kar darabar chale gaye the sarandha darabar ki taraph chali aur ek kshan men kisi vegavati nadi ke sadrish badashahi darabar ke samane ja pahunchi yah kaiphiyat dekhate hi darabar men halachal mach gayi. adhikari varg idhar-udhar se a kar jama ho gaye. alamagir bhi sahan men nikal aye. log apani-apani talavaren snbhalane lage aur charon taraph shor mach gaya. kitane hi netron ne isi darabar men amarasinh ki talavar ki chamak dekhi thi. unhen vahi ghatana phir yad a gayi.

sarandha ne uchch svar se kaha-khan sahab badi lajja ki bat hai apane vahi virata jo chambal ke tat par dikhani chahie thi aj ek abodh balak ke sammukh dikhayi hai. kya yah uchit tha ki ap usase ghoda chhin lete

vali bahadur khan ki ankhon se agni-jvala nikal rahi thi. ve kadi avaz se bole-kisi gair ko kya majal hai ki meri chiz apane kam men laye

rani-vah apaki chiz nahin meri hai. mainne use ranabhoomi men paya hai aur us par mera adhikar hai. kya rananiti ki itani moti bat bhi ap nahin janate

khan sahab-vah ghoda main nahin de sakata usake badale men sara astabal apaki najar hai.

rani-main apana ghoda loongi.

khan sahab-main usake barabar javaharat de sakata hoon parantu ghoda nahin de sakata !

rani-to phir isaka nishchay talavar se hoga bundela yoddhaon ne talavaren saunt lin aur nikat tha ki darabar ki bhoomi rakt se plavit ho jay badashah alamagir ne bich men a kar kaha-rani sahaba ap sipahiyon ko roken. ghoda apako mil jayaga parantu isaka mooly bahut dena padega.

rani-main usake lie apana sarvasv khone ko taiyar hoon.

badashah-jagir aur manasab bhi !

rani-jagir aur manasab koee chiz nahin.

badashah-apana rajy bhi

rani-han rajy bhi.

badashah-ek ghode ke lie

rani-nahin us padarth ke lie jo snsar men sabase adhik moolyavan hai.

badashah-vah kya hai

rani-apani an.

is bhanti rani ne apane ghode ke lie apani vistrit jagir uchch raj aur raj-samman sab hath se khoya aur keval itana hi nahin bhavishy ke lie kante boye is ghadi se ant dasha tak champataray ko shanti n mili.

raja champataray ne phir orachhe ke kile men padarpan kiya. unhen manasab aur jagir ke hath se nikal jane ka atyant shok hua kintu unhonne apane munh se shikayat ka ek shabd bhi nahin nikala ve sarandha ke svabhav ko bhali-bhanti janate the. shikayat is samay usake atm-gaurav par kuthar ka kam karati.

kuchh din yahan shantipoorvak vyatit hue lekin badashah sarandha ki kathor bat bhoola n tha. vah kshama karana janata hi n tha. jyon hi bhaiyon ki or se nishchint hua usane ek badi sena champataray ka garv choorn karane ke lie bheji aur baees anubhavashil saradar is muhim par niyukt kiye. shubhakaran bundela badashah ka soobedar tha. vah champataray ka bachapan ka mitr aur sahapathi tha. usane champataray ko parast karane ka bida uthaya. aur bhi kitane hi bundela saradar raja se vimukh ho kar badashahi soobedar se a mile. ek ghor sngram hua. bhaiyon ki talavaren rakt se lal hueen. yadyapi is samar men raja ko vijay prapt huee lekin usaki shakti sada ke lie kshin ho gayi. nikatavarti bundela raja jo champataray ke bahubal the badashah ke kripakankshi ban baithe. sathiyon men kuchh to kam aye kuchh daga kar gaye. yahan tak ki nij sambandhiyon ne bhi ankhen chura lin parantu in kathinaiyon men bhi champataray ne himmat nahin hari dhiraj ko n chhoda. unhonne orachha chhod diya aur vah tin varsh tak bundelakhnd ke saghan parvaton par chhipe phirate rahe. badashahi senaen shikari janavaron ki bhanti sare desh men mndara rahi thin. aye-din raja ka kisi n kisi se samana ho jata tha. sarandha sadaiv unake sath rahati aur unaka sahas badhaya karati. badi-badi apattiyon men jab ki dhairy lupt ho jata aur asha sath chhod deti-atmaraksha ka dharm use snbhale rahata hai. tin sal ke bad ant men badashah ke soobedaron ne alamagir ko soochana di ki is sher ka shikar apake sivay aur kisi se n hoga. uttar aya ki sena ko hata lo aur ghera utha lo. raja ne samajha snkat se nivritti huee par vah bat shighr hi bhramatmak siddh ho gayi.

tin saptah se badashahi sena ne orachha gher rakha hai. jis tarah kathor vachan hriday ko chhed dalate hain usi tarah topon ke golon ne divaron ko chhed dala hai. kile men 20 hazar adami ghire hue hain lekin unamen adhe se adhik striyan aur unase kuchh hi kam balak hain. mardon ki snkhya dinondin nyoon hoti jati hai. ane-jane ke marg charon taraph se bnd hain. hava ka bhi gujar nahin. rasad ka saman bahut kam rah gaya hai. striyan purushon aur balakon ko jivit rakhane ke lie ap upavas karati hain. log bahut hatash ho rahe hain. auraten soory narayan ki or hath utha-utha kar shatru ko kosati hain. balakavrind mare krodh ke divar ki ad se un par patthar phenkate hain jo mushkil se divar ke us par ja pate hain. raja champataray svayn jvar se pidit hain. unhonne kee din se charapaee nahin chhodi. unhen dekhakar logon ko kuchh dhadhas hota tha lekin unaki bimari se sare kile men nairashy chhaya hua hai.

raja ne sarandha se kaha-aj shatru zaroor kile men ghus ayenge.

sarandha-eeshvar n kare ki in ankhon se vah din dekhana pade.

raja-mujhe badi chinta in anath striyon aur balakon ki hai. gehoon ke sath yah ghun bhi pis jayenge.

sarandha-ham log yahan se nikal jayn to kaisa

raja-in anathon ko chhod kar

sarandha-is samay inhen chhod dene men hi kushal hai. ham n honge to shatru in par kuchh daya hi karenge.

raja-nahin yah log mujhase n chhode jaynge. mardon ne apani jan hamari seva men arpan kar di hai unaki striyon aur bachchon ko main kadapi nahin chhod sakata.

sarandha-lekin yahan rah kar ham unaki kuchh madad bhi to nahin kar sakate

raja-unake sath pran to de sakate hain. main unaki raksha men apani jan lada doonga. unake lie badashahi sena ki khushamad karoonga karavas ki kathinaiyan sahoonga kintu is snkat men unhen chhod nahin sakata.

sarandha ne lajjit ho kar sir jhuka liya aur sochane lagi nissndeh priy sathiyon ko ag ki anch men chhod kar apani jan bachana ghor nichata hai ! main aisi svarthandh kyon ho gayi hoon lekin ekaek vichar utpann hua. boli-yadi apako vishvas ho jay ki in adamiyon ke sath koee anyay n kiya jayaga tab to apako chalane men koee badha n hogi

raja-(soch kar) kaun vishvas dilayega

sarandha-badashah ke senapati ka pratigya-patr.

raja-han tab main sanand chaloonga.

sarandha vichar-sagar men doobi. badashah ke senapati se kyonkar yah pratigya karaoon kaun yah prastav le kar vahan jayaga aur nirdayi aisi pratigya karane hi kyon lage unhen to apani vijay ki poori asha hai. mere yahan aisa niti-kushal vakpatu chatur kaun hai jo is dustar kary ko siddh kare chhatrasal chahe to kar sakata hai. usamen ye sab gun maujood hain.

is tarah man men nishchay karake rani ne chhatrasal ko bulaya. yah usake charon putron men buddhiman aur sahasi tha. rani usase sabase adhik pyar karati thin. jab chhatrasal ne a kar rani ko pranam kiya to unake kamal-netr sajal ho gaye aur hriday se dirgh niahshvas nikal gaya.

chhatrasal-mata mere lie kya agya hai

rani-aj ladaee ka kya dhng hai

chhatrasal-hamare pachas yoddha ab tak kam a chuke hain.

rani-bundelon ki laj ab eeshvar ke hath hai.

chhatrasal-ham aj rat ko chhapa marenge.

rani ne snkshep men apana prastav chhatrasal ke samane upasthit kiya aur kaha-yah kam kise saunpa jay

chhatrasal-mujhako.

tum ise poora kar dikhaoge

han mujhe poorn vishvas hai

achchha jao paramatma tumhara manorath poora kare.

chhatrasal jab chala to rani ne use hriday se laga liya aur tab akash ki or donon hath utha kar kaha-dayanidhi mainne apana tarun aur honahar putr bundelon ki an ke age bhent kar diya. ab is an ko nibhana tumhara kam hai. mainne badi moolyavanh vastu arpit ki hai ise svikar karo.

doosare din pratahkal sarandha snan karake thal men pooja ki samagri liye mandir ko chali. usaka chehara pila pad gaya tha aur ankhon tale andhera chhaya jata tha. vah mndir ke dvar par pahunchi thi ki usake thal men bahar se a kar ek tir gira. tir ki nok par ek kagaz ka puraja lipata hua tha. sarandha ne thal mndir ke chabootare par rakh diya aur purje ko kholakar dekha to anand se chehara khil gaya lekin yah anand kshan-bhar ka tha. hay ! is purje ke lie mainne apana priy putr hath se kho diya hai. kagaz ke tukade ko itane mahnge damon kisane liya hoga

mandir se lautakar sarandha raja champataray ke pas gayi aur boli- prananath apane jo vachan diya tha use poora kijiye. raja ne chaunk kar poochha tumane apana vada poora kar diya rani ne vah pratigya-patr raja ko de diya. champataray ne use gaur se dekha phir bole-ab main chaloonga aur eeshvar ne chaha to ek bar phir shatruon ki khabar loonga. lekin saran sach batao is patr ke lie kya dena pada hai

rani ne kunthit svar se kaha-bahut kuchh.

raja-sunoon

rani-ek javan putr.

raja ko ban-sa lag gaya. poochha-kaun angadaray

rani-nahin.

raja-ratanasah

rani-nahin.

raja-chhatrasal

rani-han.

jaise koee pakshi goli khakar paron ko phadaphadata hai aur tab bedam ho kar gir padata hai usi bhanti champataray palng se uchhale aur phir achet hokar gir pade. chhatrasal unaka param priy putr tha. unake bhavishy ki sari kamanaen usi par avalambit thin. jab chet hua tab bole saran tumane bura kiya.

andheri rat thi. rani sarandha ghode par savar champataray ko palaki men baithaye kile ke gupt marg se nikali jati thi. aj se bahut kal pahale ek din aisi hi andheri duahkhamayi ratri thi. tab sarandha ne shitaladevi ko kuchh kathor vachan kahe the. shitaladevi ne us samay jo bhavishyavani ki thi vah aj poori huee. kya sarandha ne usaka jo uttar diya tha vah bhi poora hokar rahega

madhyahn tha. sooryanarayan sir par akar agni ki varsha kar rahe the. sharir ko jhulasane vali prachand prakhar vayu van aur parvat men ag lagati phirati thi. aisa vidit hota tha mano agnidev ki samast sena garajati huee chali a rahi hai. gaganamandal is bhay se kanp raha tha. rani sarandha ghode par savar champataray ko liye pashchim ki taraph chali jati thi. orachha das kos pichhe chhoot chuka tha aur pratikshan yah anuman sthir hota jata tha ki ab ham bhay ke kshetr se bahar nikal aye. raja palaki men achet pade hue the aur kahar pasine men sarabor the. palaki ke pichhe panch savar ghoda badhaye chale ate the pyas ke mare sabaka bura hal tha. taloo sookha jata tha. kisi vriksh ki chhanh aur kuen ki talash men ankhen charon or daud rahi thin.

achanak sarandha ne pichhe ki taraph phir kar dekha to use savaron ka ek dal ata hua dikhayi diya. usaka matha thanaka ki ab kushal nahin hai. yah log avashy hamare shatru hain. phir vichar hua ki shayad mere rajakumar apane adamiyon ko liye hamari sahayata ko a rahe hain. nairashy men bhi asha sath nahin chhodati. kee minat tak vah isi asha aur bhay ki avastha men rahi. yahan tak ki vah dal nikat a gaya aur sipahiyon ke vastr saf najar ane lage. rani ne ek thandi sans li usaka sharir trinavath kanpane laga. yah badashahi sena ke log the.

sarandha ne kaharon se kaha-doli rok lo. bundela sipahiyon ne bhi talavaren khinch lin. raja ki avastha bahut shochaniy thi kintu jaise dabi huee ag hava lagate hi pradipt ho jati hai usi prakar is snkat ka gyan hote hi unake jarjar sharir men viratma chamak uthi. ve palaki ka parda utha kar bahar nikal aye. dhanush-ban hath men le liya kintu vah dhanush jo unake hath men indr ka vajr ban jata tha is samay jara bhi n jhuka. sir men chakkar aya pair tharraye aur ve dharati par gir pade. bhavi amngal ki soochana mil gayi. us pnkharahit pakshi ke sadrish jo sanp ko apani taraph ate dekh kar oopar ko uchakata aur phir gir padata hai raja champataray phir snbhal uthe aur phir gir pade. sarandha ne unhen snbhalakar baithaya aur ro kar bolane ki cheshta ki parantu munh se keval itana nikala-prananath ! isake age munh se ek shabd bhi n nikal saka. an par marane vali sarandha is samay sadharan striyon ki bhanti shaktihin ho gayi lekin ek ansh tak yah nirbalata strijati ki shobha hai.

champataray bole-saran dekho hamara ek vir zamin par gira. shok ! jis apatti se yavajjivan darata raha usane is antim samay men a ghera. meri ankhon ke samane shatru tumhare komal sharir men hath lagayenge aur main jagah se hil bhi n sakoonga. hay ! mrityu too kab ayegi ! yah kahate-kahate unhen ek vichar aya. talavar ki taraph hath badhaya magar hathon men dam n tha. tab sarandha se bole-priye tumane kitane hi avasaron par meri an nibhayi hai.

itana sunate hi sarandha ke murajhaye hue mukh par lali daud gayi. ansoo sookh gaye. is asha men ki main pati ke kuchh kam a sakati hoon usake hriday men bal ka snchar kar diya. vah raja ki or vishvasotpadak bhav se dekh kar boli-eeshvar ne chaha to marate dam tak nibhaoongi.

rani ne samajha raja mujhe pran dene ka snket kar rahe hain.

champataray-tumane meri bat kabhi nahin tali.

sarandha-marate dam tak n taloongi.

raja-yah meri antim yachana hai. ise asvikar n karana.

sarandha ne talavar ko nikal kar apane vakshasthal par rakh liya aur kaha-yah apaki agya nahin hai. meri hardik abhilasha hai ki maroon to yah mastak apake pad-kamalon par ho.

champataray-tumane mera matalab nahin samajha. kya tum mujhe isalie shatruon ke hath men chhod jaogi ki main bediyan pahane hue dilli ki galiyon men ninda ka patr banoon

rani ne jigyasa ki drishti se raja ko dekha. vah unaka matalab n samajhi.

raja-main tumase ek varadan mangata hoon.

rani-saharsh mangie.

raja-yah meri antim prarthana hai. jo kuchh kahoonga karogi

rani-sir ke bal karoongi.

raja-dekho tumane vachan diya hai. inakar n karana.

rani-(kanp kar) apake kahane ki der hai.

raja-apani talavar meri chhati men chubha do.

rani ke hriday par vajrapat-sa ho gaya. boli-jivananath ! isake age vah aur kuchh n bol saki. ankhon men nairashy chha gaya.

raja-main bediyan pahanane ke lie jivit rahana nahin chahata.

rani-mujhase yah kaise hoga

panchavan aur antim sipahi dharati par gira. raja ne jhunjhala kar kaha-isi jivan par an nibhane ka garv tha

badashah ke sipahi raja ki taraph lapake. raja ne nairashyapoorn bhav se rani ki or dekha. rani kshan bhar anishchit roop se khadi rahi lekin snkat men hamari nishchayatmak shakti balavan ho jati hai. nikat tha ki sipahi log raja ko pakad len ki sarandha ne damini ki bhanti lapak kar talavar raja ke hriday men chubha di.

prem ki nav prem ke sagar men doob gayi. raja ke hriday se rudhir ki dhara nikal rahi thi par chehare par shanti chhaee huee thi.

kaisa hriday hai ! vah stri jo apane pati par pran deti thi aj usaki pranaghatika hai ! jis hriday se alingit hokar usane yauvanasukh loota jo hriday usaki abhilashaon ka kendr tha jo hriday usake abhiman ka poshak tha usi hriday ko sarandha ki talavar chhed rahi hai. kisi stri ki talavar se aisa kam hua hai

ah ! atmabhiman ka kaisa vishadamay ant hai. udayapur aur maravad ke itihas men bhi atm-gaurav ki aisi ghatanaen nahin milatin.

badashahi sipahi sarandha ka yah sahas aur dhairy dekhakar dng rah gaye.

saradar ne age badhakar kaha rani sahiba khuda gavah hai ham sab apake gulam hain. apaka jo hukm ho use b-saro-chashm baja layenge.

sarandha ne kaha-agar hamare putron men se koee jivit ho to ye donon lashen use saunp dena.

yah kah kar usane vahi talavar apane hriday men chubha li. jab vah achet ho kar dharati par giri to usaka sir raja champataray ki chhati par tha.

tika tippani aur sndarbh


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah