सवा सेर गेहूँ -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

kisi ganv men shnkar nam ka ek kurami kisan rahata tha. sidha-sada garib adami tha, apane kam-se-kam, n kisi ke lene men, n kisi ke dene men. chhakka-pnja n janata tha, chhal-prapnch ki use chhoot bhi n lagi thi, thage jane ki chinta n thi, thagavidya n janata tha, bhojan mila, kha liya, n mila, chabene par kat di, chabaina bhi n mila, to pani pi liya aur ram ka nam lekar so raha. kintu jab koee atithi dvar par a jata tha to use is nivrittimarg ka tyag karana padata tha. visheshakar jab sadhu-mahatma padarpan karate the, to use anivaryat: sansarikata ki sharan leni padati thi. khud bhookha so sakata tha, par sadhu ko kaise bhookha sulata, bhagavanh ke bhakt jo thahare !

ek din sndhya samay ek mahatma ne akar usake dvar par dera jamaya. tejasvi moorti thi, pitambar gale men, jata sir par, pital ka kamndal hath men, khadaoon pair men, ainak ankhon par, sampoorn vesh un mahatmaon ka-sa tha jo reeson ke prasadon men tapasya, havagadiyon par devasthanon ki parikrama aur yog-sidhdi prapt karane ke lie ruchikar bhojan karate hain. ghar men jau ka ata tha, vah unhen kaise khilata. prachinakal men jau ka chahe jo kuchh mahattv raha ho, par vartaman yug men jau ka bhojan siddh purushon ke lie dushpachy hota hai. badi chinta huee, mahatmaji ko kya khilaoon. akhir nishchay kiya ki kahin se gehoon ka ata udhar laoon, par ganv-bhar men gehoon ka ata n mila. ganv men sab manushy-hi-manushy the, devata ek bhi n tha, atev devataon ka khady padarth kaise milata. saubhagy se ganv ke vipr maharaj ke yahan se thoda-sa mil ge. unase sava ser gehoon udhar liya aur stri se kaha, ki pis de. mahatma ne bhojan kiya, lambi tanakar soye. prat:kal ashirvad dekar apani

rah li.

vipr maharaj sal men do bar khalihani liya karate the. shnkar ne dil men kaha,sava ser gehoon inhen kya lautaoon, pnseri badale kuchh zyada khalihani de doonga, yah bhi samajh jaynge, main bhi samajh jaoonga. chait men jab vipraji

pahunche to unhen dedh pnseri ke lagabhag gehoon de diya aur apane ko urin samajhakar usaki koee characha n ki. vipraji ne phir kabhi n manga. saral shnkar ko kya maloom tha ki yah sava ser gehoon chukane ke lie mujhe doosara janm lena padega.

sat sal gujar gaye. vipraji vipr se mahajan hue, shnkar kisan se majoor ho gaya. usaka chhota bhaee mngal usase alag ho gaya tha. ek sath rahakar donon kisan the, alag hokar majoor ho gaye the. shnkar ne chaha ki dvesh ki ag bhadakane n paye, kintu paristhiti ne use vivash kar diya. jis din alag-alag choolhe jale, vah phoot-phootakar roya. aj se bhaee-bhaee shatru ho jaynge, ek royega, doosara hnsega, ek ke ghar matam hoga to doosare ke ghar gulagule pakenge, prem ka bndhan, khoon ka bndhan, doodh ka bndhan aj toota jata hai. usane bhagirath parishram se kul-maryada ka vriksh lagaya tha, use apane rakt se sincha tha, usako jad se ukhadata dekhakar usake hriday ke tukade hue jate the. sat dinon tak usane dane ki soorat tak n dekhi. din-bhar jeth ki dhoop men kam karata aur rat ko munh lapetakar so rahata. is bhishan vedana aur dussah kasht ne rakt ko jala diya, mans aur majja ko ghula diya. bimar pada to mahinon khat se n utha. ab gujar-basar kaise ho ?


panch bighe ke adhe rah gaye, ek bail rah gaya, kheti kya khak hoti ! ant ko yahan tak naubat pahunchi ki kheti keval maryada-raksha ka sadhan-matr rah gayi, jivika ka bhar majoori par a pada. sat varsh bit gaye, ek din shnkar majoori karake lauta, to rah men vipraji ne tokakar kaha, ' shnkar, kal akar ke apane bij-beng ka hisab kar le. tere yahan sadhe panch man gehoon kabake baki pade hue hain aur too dene ka nam nahin leta, hajam karane ka man hai kya ? '

shnkar ne chakit hokar kaha, mainne tumase kab gehoon lie the jo sadhe panch man ho gaye ? tum bhoolate ho, mere yahan kisi ka chhatank-bhar n anaj hai,n ek paisa udhar. '

vipr –‘isi niyat ka to yah phal bhog rahe ho ki khane ko nahin judata. '

yah kahakar vipraji ne us sava ser gehoon ka zikr kiya, jo aj ke sat varsh pahale shnkar ko diye the. shnkar sunakar avakh rah gaya. eeshvar mainne inhen kitani bar khalihani di, inhonne mera kaun-sa kam kiya ? jab

pothi-patr dekhane, sait-sagun vicharane dvar par ate the, kuchh-n-kuchh 'dakshina' le hi jate the. itana svarth ! sava ser anaj ko ande ki bhanti sekar aj yah pishach khada kar diya, jo mujhe nigal jayaga. itane dinon men ek bar bhi kah dete to main gehoon taulakar de deta, kya isi niyat se chup sadh baithe rahe ? bola, ' maharaj, nam lekar to mainne utana anaj nahin diya, par kee bar khalihanon men ser-ser, do-do ser diya hai. ab ap aj sadhe panch man mangate hain, main kahan se doonga ? '

vipr –‘lekha jau-jau, bakhasis sau-sau, tumane jo kuchh diya hoga, usaka koee hisab nahin, chahe ek ki jagah char paseri de do. tumhare nam bahi men sadhe panch man likha hua hai; jisase chahe hisab lagava lo. de do to

tumhara nam chhek doon, nahin to aur bhi badhata rahega. '

shnkar –‘pande, kyon ek garib ko satate ho, mere khane ka thikana nahin, itana gehoon kisake ghar se laoonga ? '

vipr –‘zisake ghar se chahe lao, main chhatank-bhar bhi n chhodoonga, yahan n doge, bhagavanh ke ghar to doge. '

shnkar kanp utha. ham padhe-likhe adami hote to kah dete, ‘achchhi bat hai, eeshvar ke ghar hi denge; vahan ki taul yahan se kuchh badi to n hogi. kam-se-kam isaka koee praman hamare pas nahin, phir usaki kya chinta. kintu shnkar itana tarkik, itana vyavahar-chatur n tha. ek to rin vah bhi brahman ka bahi men nam rah gaya to sidhe narak men jaoonga, is khayal hi se use romanch ho gaya. bola, ' maharaj, tumhara jitana hoga yahin doonga, eeshvar ke yahan kyon doon, is janam men to thokar kha hi raha hoon, us janam ke lie kyon kante booon ? magar yah koee niyav nahin hai. tumane raee ka parvat bana diya, brahman ho ke tumhen aisa nahin karana chahie tha. usi ghadi tagada karake le liya hota, to aj mere sir par itana bada bojh kyon padata. main to de

doonga, lekin tumhen bhagavanh ke yahan javab dena padega. '

vipr –‘vahan ka dar tumhen hoga, mujhe kyon hone laga. vahan to sab apane hi bhaee-bandhu hain. rishi-muni, sab to brahman hi hain; devata brahman hain, jo kuchh bane-bigadegi, snbhal lenge. to kab dete ho ? '

shnkar –‘mere pas rakkha to hai nahin, kisi se mang-jaauchakar laoonga tabhi n doonga ! '

vipr –‘main yah n manoonga. sat sal ho gaye, ab ek din ka bhi mulahija n karoonga. gehoon nahin de sakate, to dastavej likh do. '

shnkar -- ' mujhe to dena hai, chahe gehoon lo chahe dastavej likhao; kis hisab se dam rakkhoge ? '

vipr –‘bazar-bhav panch ser ka hai, tumhen sava panch ser ka kat doonga.‘

shnkar—‘ zab de hi raha hoon to bazar-bhav katoonga, pav-bhar chhudakar kyon doshi banoon. '

hisab lagaya to gehoon ke dam 60) hue. 60) ka dastavej likha gaya, 3) saikade sood. sal-bhar men n dene par sood ki dar dhaee rupaye) saikade. ath ane) ka stamp, char ane) dastavej ki taharir shnkar ko oopar se deni

padi.

ganv bhar ne vipraji ki ninda ki, lekin munh par nahin. mahajan se sabhi ka kam padata hai, usake munh kaun aye. shnkar ne sal bhar tak kathin tapasya ki. miyad ke pahale rupaye ada karane ka usane vrat-sa kar liya. dopahar ko pahale bhi choolha n jalata tha, chabaine par basar hoti thi, ab vah bhi bnd hua. keval ladake ke lie rat ko rotiyan rakh di jatin ! paise roj ka tnbakoo pi jata tha, yahi ek vyasan tha jisaka vah kabhi n tyag kar saka tha. ab vah vyasan bhi is kathin vrat ki bhent ho gaya. usane chilam patak di, huqqa tod diya aur tamakhoo ki handi choor-choor kar dali. kapade pahale bhi tyag ki charam sima tak pahunch

chuke the, ab vah prakriti ki nyoonatam rekhaon men abaddh ho gaye. shishir ki asthibedhak shit ko usane ag tapakar kat diya. is snkalp ka phal asha se badhakar nikala. sal ke ant men usake pas 60) ru.

jama ho gaye. usane samajha pnditaji ko itane rupaye de doonga aur kahoonga maharaj, baki rupaye bhi jald hi apake samane hajir karoonga. 15) ru. ki to aur bat hai, kya pnditaji itana bhi n manenge ! usane rupaye liye aur le jakar pnditaji ke charan-kamalon par arpan kar diye. pnditaji ne vismit hokar

poochha, ' qisi se udhar liye kya ? '

shnkar –‘nahin maharaj, ' apake asis se abaki majoori achchhi mili. '

vipr –‘lekin yah to 60) ru. hi hain ! '

shnkar -- ' han maharaj, itane abhi le lijie, baki main do-tin mahine men de doonga, mujhe urin kar dijie. '

vipr –‘urin to jabhi hoge jabaki meri kaudi-kaudi chuka doge. jakar mere 15) ru. aur lao. '

shnkar –‘maharaj, itani daya karo; ab sanjh ki rotiyon ka bhi thikana nahin hai, ganv men hoon to kabhi-n-kabhi de hi doonga. '

vipr –‘main yah rog nahin palata, n bahut baten karana janata hoon. agar mere poore rupaye n milenge to aj se 3) ru. saikade ka byaj lagega. apane rupaye chahe apane ghar men rakkho, chahe mere yahan chhod jao.

shnkar –‘achchha jitana laya hoon utana rakh lijie. main jata hoon, kahin se 15) ru. aur lane ki fikr karata hoon.

shnkar ne sara ganv chhan mara, magar kisi ne rupaye n diye, isalie nahin ki usaka vishvas n tha, ya kisi ke pas rupaye n the, balki isalie ki pnditaji ke shikar ko chhedane ki kisi ki himmat n thi.

kriya ke pashchath pratikriya naisargik niyam hai. shnkar sal-bhar tak tapasya karane par bhi jab rin se mukt hone men saphal n ho saka to usaka snyam nirasha ke roop men parinat ho gaya. usane samajh liya ki jab itana kasht sahane par bhi sal-bhar men 60) ru. se adhik n jama kar saka, to ab aur kaun sa upay hai jisake dvara isake doone rupaye jama hon. jab sir par rin ka bojh hi ladana hai to kya man-bhar ka aur kya sava man ka. usaka utsah kshin ho gaya, mihanat se ghrina ho gayi. asha utsah ki janani hai, asha men tej hai, bal hai, jivan hai. asha hi snsar ki snchalak shakti hai. shnkar ashahin hokar udasin ho gaya. vah zarooraten jinako usane sal-bhar tak tal rakha tha, ab dvar par khadi hone vali bhikharini n thin, balki chhati par savar hone vali pishachaniyan thin, jo apani bhent liye bina jan nahin chhodatin. kapadon men chakattiyon ke lagane ki bhi ek sima hoti hai. ab shnkar ko chittha milata to vah rupaye jama n karata, kabhi kapade lata,

kabhi khane ki koee vastu. jahan pahale tamakhoo hi piya karata tha, vahan ab ganje aur charas ka chaska bhi laga. use ab rupaye ada karane ki koee chinta n thi mano usake oopar kisi ka ek paisa bhi nahin ata. pahale joodi chadhi hoti thi, par vah kam karane avashy jata tha, ab kam par n jane ke lie bahana khoja karata.

is bhanti tin varsh nikal gaye. vipraji maharaj ne ek bar bhi takaja n kiya. vah chatur shikari ki bhanti achook nishana lagana chahate the. pahale se shikar ko chaunkana unaki niti ke viruddh tha. ek din pnditaji ne shnkar ko bulakar hisab dikhaya. 60) ru. jo jama the vah minaha karane par ab bhi shnkar ke jimme 120) ru. nikale. shnkar –‘itane rupaye to usi janm men doonga, is janm men nahin ho sakate. '

vipr –‘main isi janm men loonga. mool n sahi, sood to dena hi padega. '

shnkar -- ' ek bail hai, vah le lijie aur mere pas rakkha kya hai. '

vipr –‘mujhe bail-badhiya lekar kya karana hai. mujhe dene ko tumhare pas bahut kuchh hai. '

shnkar –‘aur kya hai maharaj ? '

vipr –‘quchh hai, tum to ho. akhir tum bhi kahin majoori karane jate hi ho, mujhe bhi kheti ke lie majoor rakhana hi padata hai. sood men tum hamare yahan kam kiya karo, jab subhita ho mool ko de dena. sach to yon hai ki ab

tum kisi doosari jagah kam karane nahin ja sakate jab tak mere rupaye nahin chuka do. tumhare pas koee jayadad nahin hai, itani badi gathari main kis etabar par chhod doon. kaun isaka jimma lega ki tum mujhe mahine-mahine sood dete jaoge. aur kahin kamakar jab tum mujhe sood bhi nahin de sakate, to mool ki kaun kahe ?’

shnkar –‘maharaj, sood men to kam karoonga aur khaoonga kya ? '

vipr –‘tumhari gharavali hai, ladake hain, kya ve hath-panv katake baithenge. raha main, tumhen adha ser jau roj kaleva ke lie de diya karoonga. odhane ko sal men ek kambal pa jaoge, ek mirajee bhi banava diya karoonga, aur

kya chahie. yah sach hai ki aur log tumhen chh: ane dete hain lekin mujhe aisi garaj nahin hai, main to tumhen rupaye bharane ke lie rakhata hoon. '

shnkar ne kuchh der tak gahari chinta men pade rahane ke bad kaha, ' maharaj yah to janm-bhar ki gulami huee. '

vipr –‘gulami samajho, chahe majoori samajho. main apane rupaye bharaye bina tumako kabhi n chhodoonga. tum bhagoge to tumhara ladaka bharega. han, jab koee n rahega tab ki bat doosari hai. '

is nirnay ki kahin apil n thi. majoor ki jamanat kaun karata, kahin sharan n thi, bhagakar kahan jata, doosare din se usane vipraji ke yahan kam karana shuroo kar diya. sava ser gehoon ki badaulat umr-bhar ke lie gulami

ki bedi pairon men dalani padi. us abhage ko ab agar kisi vichar se sntosh hota tha to yah tha ki vah mere poorv-janm ka snskar hai. stri ko ve kam karane padate the, jo usane kabhi n kiye the, bachche danon ko tarasate

the, lekin shnkar chupachap dekhane ke siva aur kuchh n kar sakata tha. vah gehoon ke dane kisi devata ke shap ki bhanti yavajjivan usake sir se n utare.

shnkar ne vipraji ke yahan 20 varsh tak gulami karane ke bad is dussar snsar se prasthan kiya. 120) abhi tak usake sir par savar the. pnditaji ne us garib ko eeshvar ke darabar men kasht dena uchit n samajha, itane anyayi, itane nirdayi n the. usake javan bete ki garadan pakadi. aj tak vah vipraji ke yahan kam karata hai. usaka uddhar kab hoga; hoga bhi ya nahin, eeshvar hi jane.

pathak ! is vrittant ko kapol-kalpit n samajhie. yah saty ghatana hai. aise shnkaron aur aise vipron se duniya khali nahin hai.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah