कामना-तरु -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

raja indranath ka dehant ho jane ke bad kunvar rajanath ko shatruon ne charon or se aisa dabaya ki unhen apane pran le kar ek purane sevak ki sharan jana pada, jo ek chhote-se ganv ka jagiradar tha. kunvar svabhav se hi shantipriy, rasik, hns-khel kar samay katanevale yuvak the. ranakshetra ki apeksha kavitv ke kshetra men apana chamatkar dikhana unhen adhik priy tha. rasikajanon ke sath, kisi vriksh ke niche baithe hue, kavy-charcha karane men unhen jo anand milata tha, vah shikar ya raj-darabar men nahin. is parvatamalaon se ghire hue ganv men a kar unhen jis shanti aur anand ka anubhav hua, usake badale men vah aise-aise kee rajy-tyag kar sakate the. yah parvatamalaon ki manohar chhata, yah netrarnjak hariyali, yah jal-pravah ki madhur vina, yah pakshiyon ki mithi boliyan, yah mrig-shavakon ki chhalangen, yah bachhadon ki kulelen, yah gram-nivasiyon ki balochit saralata, yah ramaniyon ki snkochamay chapalata ! ye sabhi baten unake lie nayi thin, par in sabon se badh kar jo vastu unako akarshit karati thi, vah jagiradar ki yuvati kanya chnda thi. chnda ghar ka sara kam-kaj ap hi karati thi. usako mata ki god men khelana nasib hi n hua tha. pita ki seva hi men rat rahati thi. usaka vivah isi sal hone vala tha, ki isi bich men kunvar ji ne a kar usake jivan men navin bhavanaon aur ashaon ko ankurit kar diya. usane apane pati ka jo chitr man men khinch rakha tha, vahi mano roop dharan karake usake sammukh a gaya. kunvar ki adarsh ramani bhi chnda hi ke roop men avatarit ho gayi; lekin kunvar samajhate the , mere aise bhagy kahan ? chnda bhi samajhati thi , kahan yah aur kahan main ! dopahar ka samay tha aur jeth ka mahina. khaparail ka ghar bhatthi ki bhanti tapane laga. khas ki tattiyon aur tahakhanon men rahane vale rajakumar ka chitt garami se itana bechain hua ki vah bahar nikal aye aur samane ke bag men ja kar ek ghane vriksh ki chhanv men baith gaye. sahasa unhonne dekha , chnda nadi se jal ki gagar liye chali a rahi hai. niche jalati huee ret thi, oopar jalata hua soory. loo se deh jhulasi jati thi. kadachith is samay pyas se tadapate hue adami ki bhi nadi tak jane ki himmat n padati. chnda kyon pani lene gayi thi ? ghar men pani bhara hua hai. phir is samay vah kyon pani lene nikali ? kunvar daudakar usake pas pahunche aur usake hath se gagar chhin lene ki cheshta karate hue bole —  mujhe de do aur bhag kar chhanh men chali jao. is samay pani ka kya kam tha ? chnda ne gagar n chhodi. sir se khisaka hua anchal snbhalakar boli —  tum is samay kaise a gaye ? shayad mare garami ke andar n rah sake ? kunvar —mujhe de do, nahin to main chhin loonga. chnda ne muskara kar kaha — rajakumaron ko gagar le kar chalana shobha nahin deta. kunvar ne gagar ka munh pakad kar kaha —is aparadh ka bahut dnd sah chuka hoon. chnda, ab to apane ko rajakumar kahane men bhi lajja ati hai. chnda —dekho, dhoop men khud hairan hote ho aur mujhe bhi hairan karate ho. gagar chhod do. sach kahati hoon, pooja ka jal hai. kunvar —kya mere le jane se pooja ka jal apavitr ho jaeega ? chnda —achchha bhaee, nahin manate, to tumhin le chalo. han, nahin to. kunvar gagar le kar age-age chale. chnda pichhe ho li. bagiche men pahunche, to chnda ek chhote-se paudho ke pas ruk kar boli —  isi devata ki pooja karani hai, gagar rakh do. kunvar ne ashchary se poochha—yahan kaun devata hai, chnda ? mujhe to nahin najar ata. chnda ne paudho ko sinchate hue kaha —yahi to mera devata hai. pani pi kar paudho ki murajhayi huee pattiyan hari ho gayin, mano unaki ankhen khul gayi hon. kunvar ne poochha—yah paudha kya tumane lagaya hai, chnda ? chnda ne paudho ko ek sidhi lakadi se bandhate hue kaha —han, usi din to, jab tum yahan aye. yahan pahale meri gudiyon ka gharaunda tha. mainne gudiyon par chhanh karane ke lie amola laga diya tha. phir mujhe isaki yad nahin rahi. ghar ke kam-dhandho men bhool gayi. jis din tum yahan aye, mujhe n-jane kyon is paudho ki yad a gayi. mainne a kar dekha, to vah sookh gaya tha. mainne turant pani la kar ise sincha, to kuchh-kuchh taja hone laga. tab se ise sinchati hoon. dekho, kitana hara-bhara ho gaya hai. yah kahate-kahate usane sir utha kar kunvar ki or takate hue kaha —aur sab kam bhool jaoon; par is paudho ko pani dena nahin bhoolati. tumhin isake pranadata ho. tumhin ne a kar ise zila diya, nahin to bechara sookh gaya hota. yah tumhare shubhagaman ka smriti-chihn hai. jara ise dekho. maloom hota hai, hns raha hai. mujhe to jan padata hai ki yah mujhase bolata hai. sach kahati hoon, kabhi yah rota hai, kabhi hnsata hai, kabhi roothata hai; aj tumhara laya hua pani pa kar yah phoola nahin samata. ek-ek patta tumhen dhanyavad de raha hai. kunvar ko aisa jan pada, mano vah paudha koee nanha-sa kridashil balak hai. jaise chunban se prasann ho kar balak god men chadhane ke lie donon hath phaila deta hai, usi bhanti yah paudha bhi hath phailaye jan pada. usake ek-ek anu men chnda ka prem jhalak raha tha. chnda ke ghar men kheti ke sabhi aujar the. kunvar ek phavada utha laye aur paudho ka ek thala bana kar charon or oonchi mend utha di. phir khurapi lekar andar ki mitti ko gond diya. paudha aur bhi lahalaha utha. chnda boli —  kuchh sunate ho, kya kah raha hai ? kunvar ne muskara kar kaha —han, kahata hai , amman ki god men baithoonga. chnda —nahin, kah raha hai, itana prem karake phir bhool n jana. magar kunvar ko abhi raj-putr hone ka dnd bhogana baki tha. shatruon ko n-jane kaise unaki toh mil gayi. idhar to hitachintakon ke agrah se vivash ho kar boodha kuberasinh chnda aur kunvar ke vivah ki taiyariyan kar raha tha, udhar shatruon ka ek dal sir par a pahuncha. kunvar ne us paudho ke as-pas phool-patto laga kar ek phulavadi-si bana di thi ! paudho ko sinchana ab unaka kam tha. prat:kal vah kndho par kanvar rakhe nadi se pani la rahe the, ki das-barah adamiyon ne unhen raste men gher liya. kuberasinh talavar le kar dauda; lekin shatruon ne use mar giraya. akela astrahin kunvar kya karata ? kndho par kanvar rakhe hue bola —  ab kyon mere pichhe pade ho, bhaee ? mainne to sab-kuchh chhod diya. saradar bola —  hamen apako pakad le jane ka hukm hai. 'tumhara svami mujhe is dasha men bhi nahin dekh sakata ? khair, agar dharm samajho to kuverasinh ki talavar mujhe de do. apani svadhinata ke lie lad kar pran doon.' isaka uttar yahi mila ki sipahiyon ne kunvar ko pakad kar mushken kas din aur unhen ek ghode par bithakar ghode ko bhaga diya. kanvar vahin padi rah gayi. usi samay chnda ghar se nikali. dekha , kanvar padi huee hai aur kunvar ko log ghode par bithaye ja rahe hain. chot khaye hue pakshi ki bhanti vah kee qadam daudi, phir gir padi. usaki ankhon men andhera chha gaya. sahasa usaki drishti pita ki lash par padi. vah ghabara kar uthi aur lash ke pas ja pahunchi ! kuber abhi mara n tha. pran ankhon men atake hue the. chnda ko dekhate hi kshin svar men bola —  beti...kunvar ! isake age vah kuchh n kah saka. pran nikal gaye; par is shabd , 'kunvar' , ne usaka ashay prakat kar diya. bis varsh bit gaye ! kunvar kaid se n chhoot sake. yah ek pahadi kila tha. jahan tak nigah jati, pahadiyan hi najar atin. kile men unhen koee kasht n tha. naukar-chakar, bhojan-vastr, sair-shikar kisi bat ki kami n thi. par, us viyogagni ko kaun shant karata, jo nity kunvar ke hriday men jala karati thi. jivan men ab unake lie koee asha n thi, koee prakash n tha. agar koee ichchha thi, to yahi ki ek bar us prematirth ki yatra kar len, jahan unhen vah sab kuchh mila, jo manushy ko mil sakata hai. han, unake man men ekamatra yahi abhilasha thi ki un pavitr smritiyon se rnjit bhoomi ke darshan karake jivan ka usi nadi ke tat par ant kar den. vahi nadi ka kinara, vahi vriksh ka kunj, vahi chnda ka chhota-sa sundar ghar usaki ankhon men phira karata; aur vah paudha jise un donon ne mil kar sincha tha, usamen to mano usake pran hi basate the. kya vah din bhi ayega,jab vah us paudho ko hari-hari pattiyon se lada hua dekhega ? kaun jane, vah ab hai bhi ya sookh gaya ? kaun ab usako sinchata hoga ? chnda itane dinon avivahit thode hi baithi hogi ? aisa snbhav bhi to nahin. use ab meri sudh bhi n hogi. han, shayad kabhi apane ghar ki yad khinch lati ho, to paudho ko dekh kar use meri yad a jati ho. mujh-jaise abhage ke lie isase adhik vah aur kar hi kya sakati hai ! us bhoomi ko ek bar dekhane ke lie vah apana jivan de sakata tha; par yah abhilasha n poori hoti thi. ah ! ek yug bit gaya, shok aur nairashy ne uthati javani ko kuchal diya. n ankhon men jyoti rahi, n pairon men shakti. jivan kya tha, ek du:khadayi svapn tha. us saghan andhakar men use kuchh n soojhata tha. bas, jivan ka adhar ek abhilasha thi, ek sukhad svapn, jo jivan men n jane kab usane dekha tha. ek bar phir vahi svapn dekhana chahata tha. phir usaki abhilashaon ka ant ho jayaga, use koee ichchha n rahegi. sara annt bhavishy, sari annt chintaen isi ek svapn men lin ho jati thin. usake rakshakon ko ab usaki or se koee shnka n thi. unhen us par daya ati thi. rat ko pahare par keval koee ek adami rah jata tha aur log mithi nind sote the. kunvar bhag ja sakata hai, isaki koee sambhavana, koee shnka n thi. yahan tak ki ek din yah sipahi bhi nishshnk hokar bndook liye let raha. nidra kisi hinsak pashu ki bhanti tak lagaye baithi thi. letate hi toot padi. kunvar ne sipahi ki nak ki avaz suni. unaka hriday bade veg se uchhalane laga. yah avasar aj kitane dinon ke bad mila tha. vah uthe; magar panv thar-thar kanp rahe the. baramade ke niche utarane ka sahas n ho saka. kahin isaki nind khul gayi to ? hinsa unaki sahayata kar sakati thi. sipahi ki bagal men usaki talavar padi thi; par prem ka hinsa se bair hai. kunvar ne sipahi ko jaga diya. vah chaunk kar uth baitha. raha-saha snshay bhi usake dil se nikal gaya. doosari bar jo soya, to kharrate lene laga. prat:kal jab usaki nidra tooti, to usane lapak kar kunvar ke kamare men jhanka. kunvar ka pata n tha. kunvar is samay hava ke ghode par savar, kalpana ki drutagati se bhaga ja raha tha , us sthan ko, jahan usane sukh-svapn dekha tha. kile men charon or talash huee, nayak ne savar daudaye; par kahin pata n chala. pahadi raston ka katana kathin, us par agyatavas ki kaid, mrityu ke doot pichhe lage hue, jinase bachana mushkil. kunvar ko kamana-tirth men mahinon lag gaye. jab yatra poori huee, to kunvar men ek kamana ke siva aur kuchh shesh n tha. din bhar ki kathin yatra ke bad jab vah us sthan par pahunche, to sndhya ho gayi thi. vahan basti ka nam bhi n tha. do-char toote-phoote jhopade us basti ke chihn-svaroop shesh rah gaye the. vah jhopada, jisamen kabhi prem ka prakash tha, jisake niche unhonne jivan ke sukhamay din kate the, jo unaki kamanaon ka agar aur upasana ka mndir tha, ab unaki abhilashaon ki bhanti bhagn ho gaya tha. jhopade ki bhagnavastha mook bhasha men apani karun-katha suna rahi thi ! kunvar use dekhate hi 'chnda-chnda !' pukarate hue daude, unhonne us raj ko mathe par mala, mano kisi devata ki vibhooti ho, aur usaki tooti huee divaron se chimat kar badi der tak rote rahe. hay re abhilasha ! vah rone hi ke lie itani door se aye the ! rone ki abhilasha itane dinon se unhen vikal kar rahi thi. par is rudan men kitana svargiy anand tha ! kya samast snsar ka sukh in ansuon ki tulana kar sakata tha ? tab vah jhopade se nikale. samane maidan men ek vriksh hare-hare navin pallavon ko god men liye mano unaka svagat karane khada tha. yah vah paudha hai, jise aj se bis varsh pahale donon ne aropit kiya tha. kunvar unmatta ki bhanti daude aur jakar us vriksh se lipat gaye, mano koee pita apane matrihin putr ko chhati se lagaye hue ho. yah usi prem ki nishani hai, usi akshay prem ki jo itane dinon ke bad aj itana vishal ho gaya hai. kunvar ka hriday aisa ho utha, mano is vriksh ko apane andar rakh lega jisamen use hava ka jhonka bhi n lage. usake ek-ek pallav par chnda ki smriti baithi huee thi. pakshiyon ka itana ramy sngit kya kabhi unhonne suna tha ? unake hathon men dam n tha, sari deh bhookh-pyas aur thakan se shithil ho rahi thi. par, vah us vriksh par chadh gaye, itani phurti se chadhe ki bandar bhi n chadhata. sabase oonchi phunagi par baith kar unhonne charon or garvapoorn drishti dali. yahi unaki kamanaon ka svarg tha. sara drishy chndamay ho raha tha. door ki nili parvatashreniyon par chnda baithi ga rahi thi. akash men tairane vali lalimamayi naukaon par chnda hi udi jati thi. soory ki shvet-pit prakash ki rekhaon par chnda hi baithi hns rahi thi. kunvar ke man men aya, pakshi hota to inhin daliyon par baitha hua jivan ke din poore karata. jab andhera ho gaya, to kunvar niche utare aur usi vriksh ke niche thodi-si bhoomi jhad kar pattiyon ki shayya banayi aur lete. yahi unake jivan ka svarn-svapn tha ah ! yahi vairagy ! ab vah is vriksh ki sharan chhod kar kahin n jaenge, dilli ke takht ke lie bhi vah is ashram ko n chhodenge. usi snigdh, amal chandani men sahasa ek pakshi a kar us vriksh par baitha aur dard men doobe hue svaron men gane laga. aisa jan pada, mano vah vriksh sir dhun raha hai ! vah nirav ratri us vedanamay sngit se hil uthi. kunvar ka hriday is tarah ainthane laga, mano vah phat jayaga. svar men karuna aur viyog ke tir-se bhare hue the. ah pakshi ! tera bhi joda avashy bichhud gaya hai. nahin to tere rag men itani vyatha, itana vishad, itana rudan kahan se ata ! kunvar ke hriday ke tukade hue jate the, ek-ek svar tir ki bhanti dil ko chhede dalata tha. vah baithe n rah sake. uth kar atm-vismriti ki dasha men daude hue jhopade men gaye, vahan se phir vriksh ke niche aye. us pakshi ko kaise payen. kahin dikhayi nahin deta. pakshi ka gana band hua, to kunvar ko nind a gayi. unhen svapn men aisa jan pada ki vahi pakshi unake samip aya. kunvar ne dhyan se dekha, to vah pakshi n tha, chnda thi; han, pratyaksh chnda thi. kunvar ne poochha—chnda, yah pakshi yahan kahan ? chnda ne kaha —main hi to vah pakshi hoon. kunvar —tum pakshi ho ! kya tumhin ga rahi thin ? chnda —han priyatam, main hi ga rahi thi. isi tarah rote-rote ek yug bit gaya. kunvar —tumhara ghonsala kahan hai ? chnda —usi jhopade men, jahan tumhari khat thi. usi khat ke ban se mainne apana ghonsala banaya hai. kunvar —aur tumhara joda kahan hai ? chnda —main akeli hoon. chnda ko apane priyatam ke smaran karane men, usake lie rone men jo sukh hai, vah jode men nahin; main isi tarah akeli rahoongi aur akeli maroongi. kunvar —main kya pakshi nahin ho sakata ? chnda chali gayi. kunvar ki nind khul gayi. usha ki lalima akash par chhayi huee thi aur vah chidiya kunvar ki shayya ke samip ek dal par baithi chahak rahi thi. ab us sngit men karuna n thi, vilap n tha; usamen annd tha, chapaly tha, saraly tha; vah viyog ka karun-krandan nahin, milan ka madhur sngit tha. kunvar sochane lage , is svapn ka kya rahasy hai ? kunvar ne shayya se uthate hi ek jhadoo banayi aur jhopade ko saf karane lage. unake jite-ji isaki yah bhagn dasha nahin rah sakati. vah isaki divaren uthayenge, is par chhappar dalenge, ise lipenge. isamen unaki chnda ki smriti vas karati hai. jhopade ke ek kone men vah kanvar rakhi huee thi, jis par pani la-la kar vah is vriksh ko sinchate the. unhonne kanvar utha li aur pani lane chale. do din se kuchh bhojan n kiya tha. rat ko bhookh lagi huee thi; par is samay bhojan ki bilakul ichchha n thi. deh men ek adbhut sphoorti ka anubhav hota tha. unhonne nadi se pani la-la kar mitti bhigona shuroo kiya. daude jate the aur daude ate the. itani shakti unamen kabhi n thi. ek hi din men itani divar uth gayi, jitani char mazadoor bhi n utha sakate the. aur kitani sidhi, chikani divar thi ki karigar bhi dekh kar lajjit ho jata ! prem ki shakti apar hai ! sndhya ho gayi. chidiyon ne basera liya. vrikshon ne bhi ankhen bnd kin; magar kunvar ko aram kahan ? taron ke malin prakash men mitti ke radde rakhe ja rahe the. hay re kamana ! kya too is bechare ke pran hi lekar chhodegi ? vriksh par pakshi ka madhur svar sunayi diya. kunvar ke hath se ghada chhoot pada. hath aur pairon men mitti lapet kar vah vriksh ke niche jakar baith gaye. us svar men kitana lality tha, kitana ullas, kitani jyoti ! manav-sngit isake samane besura alap tha. usamen yah jagriti, yah amrit, yah jivan kahan ? sngit ke annd men vismriti hai; par vah vismriti kitani smritimay hoti hai, atit ko jivan aur prakash se rnjit karake pratyaksh kar dene ki shakti sngit ke siva aur kahan hai ! kunvar ke hriday-netron ke samane vah drishy khada hua jab chnda isi paudho ko nadi se jal la-la kar sinchati thi. hay, kya ve din phir a sakate hain ? sahasa ek batohi a kar khada ho gaya aur kunvar ko dekh kar vah prashn karane laga, jo sadharanat: do aparichit praniyon men hua karate hain , kaun ho, kahan se ate ho, kahan jaoge ? pahale vah bhi isi ganv men rahata tha; par jab ganv ujad gaya, to samip ke ek doosare ganv men ja basa tha. ab bhi usake khet yahan the. rat ko jngali pashu se apane kheton ki raksha karane ke lie vah a kar sota tha. kunvar ne poochha—tumhen maloom hai, is ganv men ek kuberasinh thakur rahate the ? kisan ne badi utsukata se kaha —han-han, bhaee, janata kyon nahin ! bechare yahin to mare gaye. tumase bhi kya jan-pahachan thi ? kunvar —han, un dinon kabhi-kabhi aya karata tha. main bhi raja ki seva men naukar tha. unake ghar men aur koee n tha ? kisan , are bhaee, kuchh n poochho; badi karun-katha hai. unaki stri to pahale hi mar chuki thi. keval ladaki bach rahi thi. ah ! kaisi sushila, kaisi sughad ladaki thi ! use dekh kar ankhon men jyoti a jati thi. bilakul svarg ki devi jan padati thi. jab kuberasinh jita tha, tabhi kunvar rajanath yahan bhag kar aye the aur usake yahan rahe the, us ladaki ki kunvar se kahin batachit ho gayi. jab kunvar ko shatruon ne pakad liya, to chnda ghar men akeli rah gayi. ganvavalon ne bahut chaha ki usaka vivah ho jae. usake lie varon ka toda n tha bhaee ! aisa kaun tha, jo use pa kar apane ko dhany n manata; par vah kisi se vivah karane par raji n huee. yah ped, jo tum dekh rahe ho, tab chhota-sa paudha tha. isake as-pas phoolon ki kee aur kyariyan thin. inhin ko godane, nirane, sinchane men usaka din katata tha. bas, yahi kahati thi ki hamare kunvar ate honge. kunvar ki ankhon se ansoo ki varsha hone lagi. musaphir ne jara dam lekar kaha —din-din ghulati jati thi. tumhen vishvas n ayega bhaee, usane das sal isi tarah kat diye. itani durbal ho gayi thi ki pahachani n jati thi; par ab bhi use kunvar sahab ke ane ki asha bani huee thi. akhir ek din isi vriksh ke niche usaki lash mili. aisa prem kaun karega, bhaee ! kunvar n-jane mare ki jiye, kabhi unhen is virahini ki yad bhi ati hai ki nahin; par isane to prem ko aisa nibhaya jaisa chahie. kunvar ko aisa jan pada, mano hriday phata ja raha hai. vah kaleja tham kar baith gaye. musaphir ke hath men ek sulagata hua upala tha. usane chilam bhari aur do-char dam laga kar bola —  usake marane ke bad yah ghar gir gaya. ganv pahale hi ujad tha. ab to aur bhi sunasan ho gaya. do-char adami yahan a baithate the. ab to chidiya ka poot bhi yahan nahin ata. usake marane ke kee mahine ke bad yahi chidiya is ped par bolati huee sunayi di. tab se barabar ise yahan bolate sunata hoon. rat ko sabhi chidiyan so jati hain; par yah rat bhar bolati rahati hai. isaka joda kabhi nahin dikhayi diya. bas, phuttail hai. din bhar usi jhopade men padi rahati hai. rat ko is ped par akar baithati hai; magar is samay isake gane men kuchh aur hi bat hai, nahin to sunakar rona ata hai. aisa jan padata hai, mano koee kaleje ko masos raha hai. main to kabhi-kabhi pade-pade ro diya karata hoon. sab log kahate hain ki yah vahi chnda hai. ab bhi kunvar ke viyog men vilap kar rahi hai. mujhe bhi aisa jan padata hai. aj n jane kyon magan hai ? kisan tambakoo pi kar so gaya. kunvar kuchh der tak khoye hue-se khade rahe. phir dhire se bole —  chnda, kya sachamuch tumhin ho, mere pas kyon nahin ati ? ek kshan men chidiya a kar unake hath par baith gayi. chndrama ke prakash men kunvar ne chidiya ko dekha. aisa jan pada; mano unaki ankhen khul gayi hon, mano ankhon ke samane se koee avaran hat gaya ho. pakshi ke roop men bhi chnda ki mukhakriti ankit thi. doosare din kisan so kar utha to kunvar ki lash padi huee thi. kunvar ab nahin hain, kintu unake jhopade ki divaren ban gayi hain, oopar phoos ka naya chhappar pad gaya hai, aur jhopade ke dvar par phoolon ki kee kyariyan lagi hain. ganv ke kisan isase adhik aur kya kar sakate the ? us jhopade men ab pakshiyon ke ek jode ne apana ghonsala banaya hai. donon sath-sath dane-chare ki khoj men jate hain, sath-sath ate hain, rat ko donon usi vriksh ki dal par baithe dikhaee dete hain. unaka suramy sngit rat ki niravata men door tak sunayi deta hai. van ke jiv-jantu vah svargiy gan sun kar mugdh ho jate hain. yah pakshiyon ka joda kunvar aur chnda ka joda hai, isamen kisi ko sandeh nahin hai. ek bar ek vyadh ne in pakshiyon ko phnsana chaha; par ganv valon ne use mar kar bhaga diya.

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah