कौशल -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

pndit balakaram shastri ki dharmapatni maya ko bahut dinon se ek har ki lalasa thi aur vah saikadon hi bar pnditaji se usake lie agrah kar chuki thi; kintu pnditaji hila-havala karate rahate the. yah to saph-saph n kahate the ki mere pas rupaye nahin hain- isase unake parakram men batta lagata tha- tarkanaon ki sharan liya karate the. gahanon se kuchh labh nahin, ek to dhatu achchhi nahin milati; us par sonar rupaye ke ath-ath ane kar deta hai aur sabase badi bat yah hai ki ghar men gahane rakhana choron ko nevata dena hai. ghadi-bhar shrringar ke lie itani vipatti sir par lena moorkhon ka kam hai. bechari maya tarkashastrn n padhi thi, in yuktiyon ke samane niruttar ho jati. padosinon ko dekh-dekhakar usaka ji lalacha karata tha, par du:kh kisase kahe. yadi pnditaji zyada mehanat karane ke yogy hote to yah mushkil asan ho jati. par ve alasi jiv the, adhikansh samay bhojan aur vishram men vyatit kiya karate the. patniji ki katooktiyan sunani mnjoor thin, lekin nidra ki matra men kami n kar sakate the.

ek din pnditaji pathashala se aye to dekha ki maya ke gale men sone ka har viraj raha hai. har ki chamak se usaki mukh-jyoti chamak uthi thi.

unhonne use kabhi itani sundar n samajha tha. poochha- yah har kisaka hai?

maya boli- pados men jo babooji rahate hain unaki stri ka hai. aj unase milane gayi thi, yah har dekha, bahut pasnd aya. tumhen dikhane ke lie pahanakar chali ayi. bas, aisa hi ek har mujhe banava do.

pndit- doosare ki chiz nahak mang layi. kahin chori ho jay to har to banavana hi pade, oopar se badanami bhi ho.

maya- main to aisa hi har loongi. 20 tole ka hai.

pndit- phir vahi jid.

maya- jab sabhi pahanati hain to main hi kyon n pahanoon?

pndit- sab kuen men gir paden to tum bhi kuen men gir padogi? socho to, is vakt is har ke banavane men 600 rupaye lagenge. agar 1 ru. prati saikada bhi byaj rakh liya jay to 5 varsh men 600 ru. ke lagabhag 1000 ru. ho jayenge. lekin 5 varsh men tumhara har mushkil se 300 ru. ka rah jayaga. itana bada nukasan uthakar har pahanane se kya sukh? yah har vapas kar do, bhojan karo aur aram se padi raho. yah kahate hue pnditaji bahar chale gaye.

rat ko ekaek maya ne shor machakar kaha- chor! chor! hay, ghar men chor! mujhe ghasite lie jate hain.

pnditaji hakabaka kar uthe aur bole- kahan, kahan? daudo, daudo.

maya- meri kothari men gaya hai. mainne usaki parachhaeen dekhi.

pndit- lalaten lao, jara meri lakadi utha lena.

maya- mujhase to mare dar ke utha nahin jata.

kee adami bahar se bole- kahan hain pnditaji, koee sendh padi hai kya?

maya- nahin, nahin, khaparail par se utare hain. meri nind khuli to koee mere oopar jhuka hua tha. hay ram! yah to har hi le gaya! pahane-pahane so gayi thi. muye ne gale se nikal liya. hay bhagavanh!

pndit- tumane har utar kyon n diya tha?

maya- main kya janati thi ki aj hi yah musibat gir padane vali hai, hay bhagavanh!

pndit- ab hay-hay karane se kya hoga? apane karmon ko roo! isilie kaha karata tha ki sab ghadi barabar nahin ati, n jane kab kya ho jay. ab ayi samajh men meri bat! dekho aur kuchh to nahin le gaya?

padosi lalaten liye a pahunche. ghar men kona-kona dekha. kariyan dekhin, chhat par chadhakar dekha, agavade-pichhavade dekha, shauch-grih men jhanka, kahin chor ka pata n tha.

ek padosi- kisi janakar adami ka kam hai.

doosara padosi- bina ghar ke bhediye ke kabhi chori hoti nahin. aur kuchh to nahin le gaya?

maya- aur to kuchh nahin le gaya. baratan sab pade hue hain. sndook bhi band pade hue hain. nigode ko le hi jana tha to meri chizen le jata. parayi chiz thahari. bhagavanh, unhen kaun munh dikhaoongi.

pndit- ab gahane ka maja mil gaya n?

maya- hay bhagavanh, yah apajas bada tha.

pndit- kitana samajha ke har gaya, tum n manin, n manin. bat ki bat men 600 ru. nikal gaye! ab dekhoon bhagavanh kaise laj rakhate hain.

maya- abhage mere ghar ka ek-ek tinaka chun le jate to mujhe itana du:kh n hota. abhi bechari ne naya hi banavaya tha.

pndit- khoob maloom hai, 20 tole ka tha?

maya- 20 hi tole ka to kahati thin.

pndit- badhiya baith gayi aur kya?

maya- kah doongi, ghar men chori ho gayi. kya jan lengi? ab unake lie koee chori thode hi karane jayaga!

pndit- tumhare ghar se chiz gayi, tumhen deni padegi. unhen isase kya prayojan ki chor le gaya ya tumane uthakar rakh liya. patiyayengi hi nahin.

maya- to itane rupaye kahan se ayenge?

pndit- kahin n kahin se to ayenge hi, nahin to laj kaise rahegi; magar ki tumane badi bhool.

maya bhagavanh se mngani ki chiz bhi n dekhi gayi. mujhe kal ne ghera tha, nahin to ghadi-bhar gale men dal lene se aisa kaun-sa bada sukh mil gaya? main hoon hi abhagini.

pndit- ab pachhatane aur apane ko kosane se kya fayada? chup ho ke baitho, padosin se kah dena, ghabarao nahin, tumhari chiz jab tak lauta n denge, tab tak hamen chain n ayega.

2

pndit balakaram ko ab nity hi chinta rahane lagi ki kisi tarah har bane. yon agar tat ulat dete to koee bat n thi. padosin ko sntosh hi karana padata, brrahman se dand kaun leta; kintu pnditaji brahmanatv ke gaurav ko itane saste damon n bechana chahate the. alasy chhodakar dhanoparjan men dattachitt ho gaye.

chh: mahine tak unhonne din-ko-din aur rat-ko-rat nahin jana. dopahar ko sona chhod diya, rat ko bhi bahut der tak jagate. pahale keval ek pathashala men padhaya karate the. isake siva vah brahman ke lie khule hue ek sau ek vyavasayon men vah sabhi ko nindaniy samajhate the. par ab pathashala se akar sndhya samay ek jagah 'bhagavat ki katha' kahane jate, vahan se laut kar 11-12 baje rat tak janm-kundaliyan, varsh-phal adi banaya karate. prat:kal mndir men 'durgaji ka path' karate. maya pnditaji ka adhyavasay dekh-dekhakar kabhi-kabhi pachhatati ki kahan se kahan mainne ye vipatti sir par li. kahin bimar pad jayen to lene ke dene paden. unaka sharir kshin hote dekh kar use ab yah chinta vyathit karane lagi. yahan tak ki panch mahine gujar gaye.

ek din sndhyak samay vah diya-batti karane ja rahi thi ki pnditaji aye, jeb se pudiya nikalakar usake samane phenk di aur bole- lo, aj tumhare rin se mukt ho gaya. maya ne pudiya kholi to usamen sone ka har tha, usaki chamak-damak, usaki sundar banavat dekhakar usake antastal men gudagudi-si hone lagi. mukh par annd ki abha daud gayi. usane katar netron se dekhakar poochha- khush ho kar de rahe ho ya naraz hokar?

pndit- isase kya matalab? rin to chukana hi padega, chahe khushi se ya nakhushi se.

maya- yah rin nahin hai.

pndit- aur kya hai! badala sahi.

maya- badala bhi nahin hai.

pndit- phir kya hai?

maya- tumhari...nishani.

pndit- to kya rin ke lie koee doosara har banavana padega?

maya- nahin-nahin, vah har chori nahin gaya tha. mainne jhooth-mooth shor machaya tha.

pndit- sach?

maya- han, sach kahati hoon.

pndit- meri kasam?

maya- tumhare charan chhookar kahati hoon.

pndit- to tumane mujhase kaushal kiya tha?

maya- han?

pndit- tumhen maloom hai, tumhare kaushal ka mujhe kya mooly dena pada.

maya- kya 600 ru. se oopar?

pndit- bahut oopar? isake lie mujhe apane atmasvatntry ko balidan karana pada.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah