नया विवाह -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

hamari deh purani hai, lekin isamen sadaiv naya rakt daudata rahata hai. naye rakt ke pravah par hi hamare jivan ka adhar hai. prithvi ki is chirantan vyavastha men yah nayapan usake ek-ek anu men, ek-ek kan men, tar men base hue svaron ki bhanti, goonjata rahata hai aur yah sau sal ki budhiya aj bhi naveli dulhan bani huee hai. jab se lala dngamal ne naya vivah kiya hai, unaka yauvan naye sire se jag utha hai. jab pahali stri jivit thi, tab ve ghar men bahut kam rahate the. prat: se das gyarah baje tak to pooja-path hi karate rahate the. phir bhojan karake dookan chale jate. vahan se ek baje rat lautate aur thake-mande so jate. yadi lila kabhi kahati, jara aur sabere a jaya karo, to bigad jate aur kahate tumhare lie kya dookan chhod doon, ya rozagar band kar doon ? yah vah jamana nahin hai ki ek lota jal chadhakar lakshmi prasann kar li jayn. aj unaki chaukhat par matha ragadana padata hai; tab bhi unaka munh sidha nahin hota. lila bechari chup ho jati.  abhi chh: mahine ki bat hai. lila ko jvar chadha hua tha. lalaji dookan jane lage, tab usane darate-darate kaha, tha dekho, mera ji achchha nahin hai. jara sabere a jana. dngamal ne pagadi utarakar khoonti par lataka di aur bole agar mere baithe rahane se tumhara ji achchha ho jay, to main dookan n jaoonga. lila hatash hokar boli, main dookan jane ko to nahin mana karati. keval jara sabere ane ko kahati hoon. 'to kya dookan par baitha mauj kiya karata hoon. ?' lila isaka kya javab deti ? pati ka yah snehahin vyavahar usake lie koee nayi bat n thi. idhar kee sal se use isaka kathor anubhav ho raha tha ki usaki is ghar men kadr nahin hai. vah aksar is samasya par vichar bhi kiya karati, par vah apana koee aparadh n pati. vah pati ki seva ab pahale se kahin zyada karati, unake kary-bhar ko halaka karane ki barabar cheshta karati rahati, barabar prasannachitt rahati; kabhi unaki ichchha ke viruddh koee kam nahin karati. agar usaki javani dhal chuki thi, to isamen usaka kya aparadh tha ? kisaki javani sadaiv sthir rahati hai ? agar ab usaka svasthy utana achchha n tha, to isamen usaka kya dosh ? use bekasoor kyon dand diya jata hai ? uchit to yah tha ki 25 sal ka sahachary ab ek gahari manasik aur atmik anuroopata ka roop dharan kar leta, jo dosh ko bhi gun bana leta hai, jo pake phal ki tarah zyada rasila, zyada mitha, zyada sundar ho jata hai. lekin lalaji ka vanik-hriday har ek padarth ko vanijy ki tarajoo se taulata tha. boodhi gay jab n doodh de sakati hai n bachche, tab usake lie goshala hi sabase achchhi jagah hai. unake vichar men lila ke lie itana hi kafi tha ki ghar ki malakin bani rahe; aram se khay aur padi rahe. use akhtiyar hai chahe jitane jevar banavaye, chahe jitana snan v pooja kare, keval unase door rahe.   manav-prakriti ki jatilata ka ek rahasy yah tha ki dngamal jis anand se lila ko vnchit rakhana chahate the, jisaki usake lie koee zaroorat hi n samajhate the, khud usi ke lie sadaiv prayatn karate rahate the. lila 40 varsh ki hokar boodhi samajh li gayi thi, kintu ve taintalis ke hokar abhi javan hi the, javani ke unmad aur ullas se bhare hue. lila se ab unhen ek tarah ki aruchi hoti thi aur vah dukhiya jab apani trutiyon ka anubhav karake prakriti ke nirday aghaton se bachane ke lie rng v rogan ki ad leti, tab lalaji usake boodhe nakharon se aur bhi ghrina karane lagate. ve kahate vah ri trishna ! sat ladakon ki to man ho gayi, bal khichadi ho gaye, chehara dhule hue phalalain ki tarah sikud gaya, magar apako abhi mahavar, sendur, mehndi aur ubatan ki havas baki hi hai. auraton ka svabhav bhi kitana vichitr hai ! n-jane kyon banav-singar par itana jan deti hain ? poochho, ab tumhen aur kya chahie. kyon nahin man ko samajha letin ki javani vida ho gayi aur in upadanon se vah vapas nahin bulayi ja sakati ! lekin ve khud javani ka svapn dekhate rahate the. unaki javani ki trishna abhi shant n huee thi. jadon men rason aur pakon ka sevan karate rahate the. haphte men do bar khijab lagate aur ek daktar se mnkiglaind ke vishay men patr-vyavahar kar rahe the.   lila ne unhen asamnjas men dekhakar katar-svar men poochha, ‘quchh batala sakate ho, kai baje aoge ?’ lalaji ne shant bhav se poochha, ‘tumhara ji aj kaisa hai ?’ lila kya javab de ? agar kahati hai ki bahut kharab hai, to shayad ve mahashay vahin baith jayn aur use jali-kati sunakar apane dil ka bukhar nikalen. agar kahati hai ki achchhi hoon, to shayad nishchint hokar do baje tak kahin khabar len. is duvidha men darate-darate boli, ‘ab tak to halaki thi, lekin ab kuchh bhari ho rahi hai. tum jao, dookan par log tumhari rah dekhate honge. han, eeshvar ke lie ek-do n baja dena. ladake so jate hain, mujhe jara bhi achchha nahin lagata, ji ghabarata hai !’ sethaji ne apane svar men sneh ki chashani dekar kaha, ‘barah baje tak a zaroor jaoonga !’ lila ka mukh dhoomil ho gaya. usane kaha, das baje tak nahin a sakate ?’ 'sadhe gyarah se pahale kisi tarah nahin.' 'nahin, sadhe das.' 'achchha, gyarah baje.'   lala vada karake chale gaye, lekin das baje rat ko ek mitr ne mujara sunane ke lie bula bheja. is nimantran ko kaise inakar kar dete. jab ek adami apako khatir se bulata hai, tab yah kahan ki bhalamanasahat hai ki ap usaka nimantran asvikar kar den ? lalaji mujara sunane chale gaye, do baje laute. chupake se akar naukar ko jagaya aur apane kamare men akar let rahe. lila unaki rah dekhati, pratikshan vikal-vedana ka anubhav karati huee n-jane kab so gayi thi. ant ko is bimari ne abhagini lila ki jan hi lekar chhoda. lalaji ko usake marane ka bada du:kh hua. mitron ne samavedana ke tar bheje. ek dainik patr ne shok prakat karate hue lila ke manasik aur dharmik sadgunon ko khoob badhakar varnan kiya. lalaji ne in sabhi mitron ko hardik dhanyavad diya aur lila ke nam se balika-vidyalay men panch vajiphe pradan kiye tatha mritak-bhoj to jitane samaroh se kiya gaya, vah nagar ke itihas men bahut dinon tak yad rahega. lekin ek mahina bhi n gujarane paya tha ki lalaji ke mitron ne chara dalana shuroo kar diya aur usaka yah asar hua ki chh: mahine ki vidhurata ke tap ke bad unhonne doosara vivah kar liya. akhir bechare kya karate ? jivan men ek sahachari ki avashyakata to thi hi aur is umr men to ek tarah se vah anivary ho gayi thi.   jab se nayi patni ayi, lalaji ke jivan men ashcharyajanak parivartan ho gaya. dookan se ab utana prem nahin tha. lagatar haphton n jane men bhi unake karabar men koee harj nahin hota tha. jivan ke upabhog ki jo shakti din-din kshin hoti jati thi, ab vah chhinte pakar sajiv ho gayi thi, sookha ped hara ho gaya tha, usamen nayi-nayi kopalen phootane lagi thin. motar nayi a gayi thi, kamare naye pharnichar se saja diye gaye the, naukaron ki bhi snkhya badh gayi thi, rediyo a pahuncha tha aur pratidin naye-naye upahar ate rahate the. lalaji ki boodhi javani javanon ki javani se bhi prakhar ho gayi thi, usi tarah jaise bijali ka prakash chandrama ke prakash se zyada svachchh aur manornjak hota hai. lalaji ko unake mitr is roopantar par badhaiyan dete, jab ve garv ke sath kahate bhaee, ham to hamesha javan rahe aur hamesha javan rahenge. budhapa yahan aye to usake munh men kalikh lagakar gadho par ulata savar karake shahar se nikal den. javani aur budhape ko n jane kyon log avastha se sambaddh kar dete hain. javani ka umr se utana hi sambandh hai; jitana dharm ka achar se, rupaye ka eemanadari se, roop ka shrringar se. ajakal ke javanon ko ap javan kahate hain ? unaki ek hazar javaniyon ko apane ek ghnte se bhi n badaloonga. maloom hota hai unaki zindagi men koee utsah hi nahin, koee shauq nahin. jivan kya hai, gale men pada hua ek dhol hai. yahi shabd ghata-badhakar ve asha ke hriday-patal par ankit karate rahe the. usase barabar sinema, thiyetar aur dariya ki sair ke lie agrah karate rahate. lekin asha ko n-jane kyon in baton men jara bhi ruchi n thi. vah jati to thi, magar bahut tal-toot karane ke bad. ek din lalaji ne akar kaha, chalo, ‘aj bajare par dariya ki sair karen.‘   varsha ke din the, dariya chadha hua tha, megh-malaen antararashtriy senaon ki bhanti rng-birngi vardiyan pahane akash men kavayad kar rahi thin. sadak par log malar aur barahamasa gate chalate the. bagon men jhoole pad gaye the. asha ne bedili se kaha, ‘mera ji to nahin chahata.‘ lalaji ne mridu prerana ke sath kaha, ‘tumhara man kaisa hai jo amod-pramod ki or akarshit nahin hota ? chalo, jara dariya ki sair dekho. sach kahata hoon, bajare par badi bahar rahegi.‘ 'ap jayn. mujhe aur kee kam karane hain.' 'kam karane ko adami hain. tum kyon kam karogi ?' 'maharaj achchhe salan nahin pakata. ap khane baithenge to yon hi uth jaynge.'   asha apane avakash ka bada bhag lalaji ke lie tarah-tarah ka bhojan pakane men hi lagati thi. usane kisi se sun rakha tha ki ek vishesh avastha ke bad purush ke jivan ka sabase bada sukh, rasana ka svad hi rah jata hai. lalaji ki atma khil uthi. unhonne socha ki asha ko unase kitana prem hai ki vah dariya ki sair ko unaki seva ke lie chhod rahi hai.  ek lila thi ki 'man-n-man' chalane ko taiyar rahati thi. pichha chhudana padata tha, khvamakhvah sir par savar ho jati thi aur sara maja kirakira kar deti thi. sneh-bhare ulahane se bole, ‘tumhara man bhi vichitr hai. agar ek din salan phika hi raha, aisa kya toofan a jayaga ? tum to mujhe bilakul nikamma banaye deti ho. agar tum n chalogi, to main bhi n jaoonga. asha ne jaise gale se phanda chhudate hue kaha, ‘ap bhi to mujhe idhar-udhar ghuma-ghumakar mera mizaj bigad dete hain. yah adat pad jayagi, to ghar ka dhandha kaun karega ? 'mujhe ghar ke dhandhon ki ratti-bhar bhi parava nahin bal ki nok barabar bhi nahin. main chahata hoon ki tumhara mizaj bigade aur tum grihasthi ki chakki se door raho aur tum mujhe bar-bar ap kyon kahati ho ? main chahata hoon, tum mujhe tum kaho, too kaho, galiyan do, dhaul jamao. tum to mujhe ap kahake jaise devata ke sinhasan par baitha deti ho ! main apane ghar men devata nahin, chnchal balak banana chahata hoon.' asha ne muskarane ki cheshta karake kaha, ‘bhala, main apako 'tum' kahoongi. tum barabar vale ko kaha, jata hai ki badon ko ?‘   munim ne ek lakh ke ghate ki khabar sunayi hoti, to bhi shayad lalaji ko itana du:kh n hota, jitana asha ke in kathor shabdon se hua. unaka sara utsah, sara ullas jaise thnda pad gaya. sir par banki rakhi huee phooladar topi, gale men padi huee jogiye rng ki chuni huee reshami chadar, vah tnjeb ka beladararh kutta, jisamen sone ke batan lage hue the yah sara thath kaise unhen hasyajanak jan padane laga, jaise vah sara nasha kisi mantr se utar gaya ho. nirash hokar bole, ‘to tumhen chalana hai ya nahin.‘ 'mera ji nahin chahata.' 'to main bhi n jaoon ?' 'main apako kab mana karati hoon ?' 'phir 'ap' kaha, ?' asha ne jaise bhitar se zor lagakar kaha, 'tum' aur usaka mukhamandal lajja se arakt ho gaya. 'han, isi tarah 'tum' kaha, karo. to tum nahin chal rahi ho ? agar main kahoon, tumhen chalana padega ?' 'tab chaloongi. apaki agya manana mera dharm hai.' lalaji agya n de sake. agya aur dharm jaise shabd unake kanon men chubhane-se lage. khisiyaye hue bahar ko chal pade; us vakt asha ko un par daya a gayi. boli, ‘to kab tak lautoge ?’ 'main nahin ja raha hoon.' 'achchha, to main bhi chalati hoon.' jaise koee jiddi ladaka rone ke bad apani ichchhit vastu pakar use pairon se thukara deta hai, usi tarah lalaji ne munh banakar kaha, ‘tumhara ji nahin karata, to n chalo. main agrah nahin karata.‘ 'ap nahin, tum bura man jaoge.'   asha gayi, lekin umng se nahin. jis mamooli vesh men thi, usi tarah chal khadi huee. n koee sajili sadi, n jadaoo gahane, n koee singar, jaise koee vidhava ho. aisi hi baton par lalaji man men jhunjhala uthate the. byah kiya tha, jivan ka anand uthane ke lie, jhilamilate hue dipak men tel dalakar use aur chatak karane ke lie. agar dipak ka prakash tej n hua, to tel dalane se labh ? n-jane isaka man kyon itana shushk aur niras hai, jaise koee oosar ka ped ho, kitana hi pani dalo, usamen hari pattiyon ke darshan n honge. jadaoo gahanon se bhari petariyan khuli huee hain, kahan-kahan se mngavaye dilli se, kalakatte se. kaisi-kaisi bahumooly sadiyan rakhi huee hain. ek nahin, saikadon. par keval sandook men kidon ka bhojan banane ke lie. daridr ghar ki ladakiyon men yahi aib hota hai. unaki drishti sadaiv snkirn rahi hai. n kha saken, n pahan saken, n de saken. unhen to khazana bhi mil jay, to yahi sochati rahengi ki kharch kaise karen. dariya ki sair to huee, par vishesh anand n aya.   kee mahine tak asha ki manovrittiyon ko jagane ka asaphal prayatn karake lalaji ne samajh liya ki isaki paidaish hi muharrami hai. lekin phir bhi nirash n hue. aise vyapar men ek badi rakam lagane ke bad ve usamen adhik-se-adhik labh uthane ki vanik-pravritti ko kaise tyag dete ? vinod ki nayi-nayi yojanaen paida ki jatin gramophon agar bigad gaya hai, gata nahin, ya saf avaz nahin nikalati, to usaki marammat karani padegi. use uthakar rakh dena, to moorkhata hai. idhar boodha maharaj ekaek bimar hokar ghar chala gaya tha aur usaki jagah usaka satrah-atharah sal ka javan ladaka a gaya tha quchh ajib gnvar tha, bilakul jhngad, ujadd. koee bat hi n samajhata tha. jitane phulake banata, utani tarah ke. han, ek bat saman hoti. sab bich men mote hote, kinare patale. dal kabhi to itani patali jaise chay, kabhi itani gadhi jaise dahi. namak kabhi itana kam ki bilakul phiki, kabhi itana tej ki ninboo ka shaukin. asha munh-hath dhokar chauke men pahunch jati aur is daporashnkh ko bhojan pakana sikhati. ek din usane kaha, ‘tum kitane nalayaq adami ho jugal. akhir itani umr tak tum ghas khodate rahe ya bhad jhonkate rahe ki phulake tak nahin bana sakate ?’ jugal ankhon men ansoo bhar-kar kahata bahooji, ‘abhi meri umr hi kya hai ? satrahavan hi to poora hua hai !’ asha ko usaki bat par hnsi a gayi. usane kaha, ‘to rotiyan pakana kya das-panch sal men ata hai ? 'ap ek mahina sikha den bahooji, phir dekhie, main apako kaise phulake khilata hoon ki ji khush ho jay. jis din mujhe phulake banane a jaynge, main apase koee inam loonga. salan to ab main kuchh-kuchh banane laga hoon, kyon ?' asha ne hausala badhane vali muskarahat ke sath kaha, ‘salan nahin, vo banana ata hai. abhi kal hi namak itana tej tha ki khaya n gaya. masale men kachandha a rahi thi.‘ 'main jab salan bana raha tha, tab ap yahan kab thin ?' 'achchha, to main jab yahan baithi rahoon tab tumhara salan badhiya pakega ?' 'ap baithi rahati hain, tab meri akl thikane rahati hai.'   asha ko jugal ki in bholi baton par khoob hnsi a rahi thi. hnsi ko rokana chahati thi, par vah is tarah nikali padati thi jaise bhari botal undel di gayi ho. 'aur main nahin rahati tab ?' 'tab to apake kamare ke dvar par ja baithata hoon. vahan baithakar apani takadir ko rota hoon.' asha ne hnsi ko rokakar poochha, kyon, rote kyon ho ? 'yah n poochhie bahooji, ap in baton ko nahin samajhengi.' asha ne usake munh ki or prashn ki ankhon se dekha. usaka ashay kuchh to samajh gayi, par n samajhane ka bahana kiya. 'tumhare dada a jaynge; tab tum chale jaoge ?' 'aur kya karoonga bahooji. yahan koee kam dilava dijiega, to pada rahoonga. mujhe motar chalana sikhava dijie. apako khoob sair karaya karoonga.‘ nahin, nahin bahooji, ap hat jaie, main patili utar loonga. aisi achchhi sadi hai apaki, kahin koee dag pad jay, to kya ho ?' asha patili utar rahi thi. jugal ne usake hath se sndasi le leni chahi. 'door raho. phoohad to tum ho hi. kahin patili panv par gira li, to mahinon jhinkoge.' jugal ke mukh par udasi chha gayi. asha ne muskarakar poochha, ‘kyon, munh kyon latak gaya sarakar ka ?’ jugal ruansa hokar bola, ‘ap mujhe dant deti hain, bahooji, tab mera dil toot jata hai. sarakar kitana hi ghudaken, mujhe bilakul hi du:kh nahin hota. apaki najar kadi dekhakar mera khoon sard ho jata hai.‘ asha ne dilasa diya, ‘mainne tumhen danta to nahin, keval yahi to kaha, ki kahin patili tumhare panv par gir pade to kya ho ?’ 'hath hi to apaka bhi hai. kahin apake hi hath se chhoot pade to ?' lala dngamal ne rasoee-ghar ke dvar par akar kaha, ‘asha, jara yahan ana. dekho, tumhare lie kitane sundar gamale laya hoon. tumhare kamare ke samane rakhe jaynge. tum yahan dhuen-dhakkad men kyon halakan hoti ho ? is ladake se kah do ki jaldi maharaj ko bulaye. nahin to main koee doosara adami rakh loonga. maharajon ki kami nahin hai. akhir kab tak koee riayat kare, gadho ko jara bhi tamij nahin ayi. sunata hai jugal, likh de aj apane bap ko. choolhe par tava rakha hua tha. asha rotiyan belane men lagi thi. jugal tave ke lie rotiyon ka intajar kar raha tha. aisi halat men bhala asha kaise gamale dekhane jati ? usane kaha, ‘zugal rotiyan tedhi-medhi bel dalega.‘ lalaji ne kuchh chidhakar kaha, ‘agar rotiyan tedhi-medhi belega, to nikal diya jayaga !’ asha anasuni karake boli, ‘das-panch din men sikh jayaga, nikalane ki kya zaroorat hai ?’ 'tum akar batala do, gamale kahan rakhe jayn.' 'kahati to hoon, rotiyan belakar ayi jati hoon.' 'nahin, main kahata hoon tum rotiyan mat belo.' 'ap to khvamakhvah zid karate hain.'   lalaji sannate men a gaye. asha ne kabhi itani rukhaee se unhen javab n diya tha. aur yah keval rukhaee n thi, isamen katuta bhi thi. lajjit hokar chale gaye. unhen aisa krodh a raha tha ki in gamalon ko todakar phenk den aur sare paudhon ko choolhe men dal den. jugal ne sahame hue svar men kaha, ‘ap chali jayn bahooji, sarakar bigad jaynge.‘ 'bako mat, jaldi-jaldi phulake senko, nahin to nikal diye jaoge. aur aj mujhase rupaye lekar apane lie kapade banava lo. bhikhamngon ki-si soorat banaye ghoomate ho. aur bal kyon itane badha rakhe hain ? tumhen naee bhi nahin judata ?' jugal ne door ki bat sochi. bola, ‘qapade banava loon, to dada ko hisab kya doonga ?’ 'are pagal ! main hisab men nahin dene kahati. mujhase le jana.' jugal kahilapan ki hnsi hnsa. 'ap banavayengi, to achchhe kapade loonga. khaddar ke malamal ka kurtta, khaddar ki dhoti, reshami chadar, achchha-sa chappal.' asha ne mithi muskan se kaha, ‘aur agar apane dam se banavane pade. ‘ 'tab kapade hi kyon banavaoonga ?' 'bade chalak ho tum.'   jugal ne apani buddhimatta ka pradarshan kiya adami apane ghar men sookhi rotiyan khakar so rahata hai, lekin davat men to achchhe-achchhe pakavan hi khata hai. vahan bhi yadi rookhi rotiyan milen, to vah davat men jay hi nahin. 'yah sab main nahin janati. ek gadhe ka kurtta banava lo aur ek topi le lo, hajamat ke lie do ane paise oopar se le lo.' jugal ne man karake kaha, ‘rahane dijie. main nahin leta. achchhe kapade pahanakar nikaloonga, tab to apaki yad avegi. sadiyal kapade pahanakar to aur ji jalega.‘ 'tum svarthi ho, muft ke kapade loge aur sath hi badhiya bhi.' 'jab yahan se jane lagoon, tab ap mujhe apana ek chitr dijiega.' 'mera chitr lekar kya karoge ?' 'apani kothari men lagaoonga aur nity dekha karoonga. bas, vahi sadi pahanakar khinchavana, jo kal pahani thi aur vahi motiyon ki mala bhi ho. mujhe nngi-nngi soorat achchhi nahin lagati. apake pas to bahut gahane honge. ap pahanati kyon nahin !' 'to tumhen gahane achchhe lagate hain ?' 'bahut.'   lalaji ne phir akar jalate hue man se kaha, ‘abhi tak tumhari rotiyan nahin pakin jugal ? agar kal se toone apane-ap achchhi rotiyan n pakayin to main tujhe nikal doonga.‘ asha ne turant hath-munh dhoya aur bade prasann man se lalaji ke sath gamale dekhane chali. is samay usaki chhavi men praphullata ki raunak thi, baton men bhi jaise shakkar ghuli huee thi. lalaji ka sara khisiyanapan mit gaya tha. usane gamalon ko mugdha ankhon se dekha. usane kaha, main inamen se koee gamala n jane doongi. sab mere kamare ke samane rakhavana, sab ! kitane sundar paudhe hain, vah ! inake hindi nam bhi mujhe batala dena.‘ lalaji ne chheda, ‘sab gamale kya karogi ? das-panch pasand kar lo. shesh main bahar rakhava doonga.‘ 'ji nahin. main ek bhi n chhonoongi. sab yahin rakhe jaynge.' 'badi lalachin ho tum.' 'lalachin hi sahi. main apako ek bhi n doongi.' 'do-char to de do ? itani mehanat se laya hoon.' 'ji nahin, inamen se ek bhi n milega.'   doosare din asha ne apane ko abhooshan se khoob sajaya aur phiroji sadi pahanakar nikali, tab lalaji ki ankhon men jyoti a gayi. samajhe, avashy hi ab unake prem ka jadoo 'kuchh-kuchh' chal raha hai. nahin to unake bar-bar ke agrah karane par bhi, bar-bar yachana karane par bhi, usane koee abhooshan n pahana tha. kabhi-kabhi motiyon ka har gale men dal leti thi, vah bhi oopari man se. aj vah abhooshanon se alnkrit hokar phooli nahin samati, itarayi jati hai, mano kahati ho, dekho, main kitani sundar hoon ! pahale jo band kali thi, vah aj khil gayi thi. lalaji par ghadon nasha chadha hua tha. ve chahate the, unake mitr aur bandhu-varg akar is sone ki rani ke darshanon se apani ankhen thndi karen. dekhen ki vah kitani sukhi, sntusht aur prasann hai. jin vidrohiyon ne vivah ke samay tarah-tarah ki shnkaen ki thin, ve ankhen kholakar dekhen ki dngamal kitana sukhi hai. vishvas, anurag aur anubhav ne chamatkar kiya hai ! unhonne prastav kiya chalo, kahin ghoom ayen. badi majedar hava chal rahi hai. asha is vakt kaise ja sakati thi ? abhi use rasoee men jana tha, vahan se kahin barah-ek baje phursat milegi. phir ghar ke doosare dhandhon sir par 'savar' ho jaynge. sair-sapate ke pichhe kya ghar chaupat kar den ? sethaji ne usaka hath pakad liya aur kaha, ‘nahin, aj main tumhen rasoee men n jane doonga.‘ 'maharaj ke kiye kuchh n hoga.' 'to aj usaki shamat bhi a jayagi.'   asha ke mukh par se vah praphullata jati rahi. man bhi udas ho gaya. ek sofa par letakar boli, aj n-jane kyon kaleje men mitha-mitha dard ho raha hai. aisa dard kabhi nahin hota tha. sethaji ghabara uthe. 'yah dard kab se ho raha hai ?' 'ho to raha hai rat se hi, lekin abhi kuchh kam ho gaya tha. ab phir hone laga hai. rah-rahakar jaise chubhan ho jati hai.' sethaji ek bat sochakar dil-hi-dil men phool uthe. ab ve goliyan rng la rahi hain. rajavaidyaji ne kaha, bhi tha ki jara soch-samajhakar inaka sevan kijiega. kyon n ho ! khanadani vaidy hain. inake bap banaras ke maharaj ke chikitsak the. purane aur parikshit nuskhe hain inake pas ! unhonne kaha, to rat se hi yah dard ho raha hai ? tumane mujhase kaha, ‘nahin, nahin to vaidyaji se koee dava mngavata.‘ 'mainne samajha tha, ap-hi-ap achchha ho jayaga, magar ab badh raha hai.' 'kahan dard ho raha hai ? jara dekhoon ! kuchh soojan to nahin hai ?' sethaji ne asha ke anchal ki taraph hath badhaya. asha ne sharmakar sir jhuka liya. usane kaha, ‘yah tumhari shararat mujhe achchhi nahin lagati. main apani jan se marati hoon tumhen hnsi soojhati hai. jakar koee dava la do.‘   sethaji apane punsatv ka yah diploma pakar usase kahin zyada prasann hue, jitana rayabahaduri pakar hote. is vijay ka dnka pite bina unhen kaise chain a sakata tha ? jo log unake vivah ke vishay men dveshamay tippaniyan kar rahe the, unhen nicha dikhane ka kitana achchha avasar hath aya hai aur itani jaldi. pahale pndit bholanath ke pas gaye aur bhagy thonkakar bole, ‘bhee, main to badi vipatti men phns gaya. kal se unake kaleje men dard ho raha hai. kuchh buddhi kam nahin karati. kahati hai, aisa dard pahale kabhi nahin hua tha.‘

bholanath ne kuchh bahut hamadardi n dikhayi. sethaji yahan se uthakar apane doosare mitr lala phagamal ke pas pahunche, aur unase bhi lagabhag inhin shabdon men yah shok-samvad kaha. phagamal bada shohada tha. muskarakar bola, mujhe to apaki shararat maloom hoti hai. sethaji ki banchhen khil gayin. unhonne kaha, ‘main apana du:kh suna raha hoon aur tumhen dillagi soojhati hai, jara bhi adamiyat tumamen nahin hai.‘ 'main dillagi nahin kar raha hoon. isamen dillagi ki kya bat hai ? ve hain kamasin, komalangi, ap thahare purane lathait, dngal ke pahalavan ! bas ! agar yah bat n nikale, to moonchhen muda loon.' seth ki ankhen jagamaga uthin. man men yauvan ki bhavana prabal ho uthi aur usake sath hi mukh par bhi yauvan ki jhalak a gayi. chhati jaise kuchh phail gayi. chalate samay unake pag kuchh adhik mazabooti se zamin par padane lage aur sir ki topi bhi n jane kaise banki ho gayi. akriti se bankapan ki shan barasane lagi.   jugal ne asha ko sir se panv tak jagamagate dekhakar kaha, ‘bas bahooji,ap isi tarah pahane-odhe raha karen. aj main apako choolhe ke pas n ane doonga.‘ asha ne nayan-ban chalakar kaha, ‘kyon, aj yah naya hukm kyon ? pahale to tumane kabhi mana nahin kiya.‘ 'aj ki bat doosari hai.' 'jara sunoon, kya bat hai ?' 'main darata hoon, ap kahin naraz n ho jayn ?' 'nahin-nahin, kaho, main naraz n hooongi.' 'aj ap bahut sundar lag rahi hain.' lala dngamal ne asnkhy bar asha ke roop aur yauvan ki prashnsa ki thi; magar unaki prashnsa men use banavat ki gandh ati thi. vah shabd unake mukh se nikalakar kuchh aise lagate the, jaise koee pngu daudane ki cheshta kar raha ho. jugal ke in sidhe shabdon men ek unmad tha, nasha tha, ek chot thi ? asha ki sari deh prakampit ho gayi. 'tum mujhe najar laga doge jugal, is tarah kyon ghoorate ho ?' 'jab yahan se chala jaoonga, tab apaki bahut yad ayegi.' 'rasoee pakakar tum sare din kya kiya karate ho ? dikhayi nahin dete !' 'sarakar rahate hain, isilie, nahin ata. phir ab to mujhe javab mil raha hai. dekhie, bhagavanh kahan le jate hain.' asha ki mukh-mudra kathor ho gayi. usane kaha, ‘qaun tumhen javab deta hai ?’ 'sarakar hi to kahate hain, tujhe nikal doonga.' 'apana kam kiye jao, koee nahin nikalega. ab to tum phulakebhi achchhe banane lage.' 'sarakar hain bade gussevar.' 'do-char din men unaka mizaj thik kiye deti hoon.' 'apake sath chalate hain to apake bap-se lagate hain.' 'tum bade munhaphat ho. khabaradar, jaban snbhalakar baten kiya karo.' kintu aprasannata ka yah jhina avaran unake manorahasy ko n chhipa saka. vah prakash ki bhanti usake andar se nikala padata tha. jugal ne phir usi nirbhikata se kaha, ‘mera munh koee band kar le, yahan yon sabhi yahi kahate hain. mera byah koee 50 sal ki budhiya se kar de, to main ghar chhodakar bhag jaoon. ya to khud zahar kha loon ya use zahar dekar mar daloon. phansi hi to hogi ?’ asha us kritrim krodh ko qayam n rakh saki. jugal ne usaki hridayavina ke taron par mizarab ki aisi chot mari thi ki usake bahut zabt karane par bhi man ki vyatha bahar nikal ayi. usane kaha, ‘bhagy bhi to koee vastu hai.‘ 'aisa bhagy jay bhad men.' 'tumhara byah kisi budhiya se hi karoongi, dekh lena !' 'to main bhi zahar kha loonga. dekh lijiega.' 'kyon budhiya tumhen javan stri se zyada pyar karegi, zyada seva karegi. tumhen sidhe raste par rakhegi.' 'yah sab man ka kam hai. bivi jis kam ke lie hai, usi kam ke lie hai.' 'akhir bivi kis kam ke lie hai ?'   motar ki avaz ayi. n-jane kaise asha ke sir ka anchal khisakakar kndho par a gaya. usane jaldi se anchal khinchakar sir par kar liya aur yah kahati huee apane kamare ki or lapaki ki ‘lala bhojan karake chale jayn, tab ana.‘

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah