बड़े घर की बेटी -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

benimadhav sinh gauripur ganv ke zamindar aur nambaradar the. unake pitamah kisi samay bade dhan-dhany snpann the. ganv ka pakka talab aur mndir jinaki ab marammat bhi mushkil thi, unhin ki kirti-stnbh the. kahate hain, is daravaze par hathi jhoomata tha, ab usaki jagah ek boodhi bhains thi, jisake sharir men asthi-pnjar ke siva aur kuchh shesh n raha tha; par doodh shayad bahut deti thi; kyonki ek n ek adami handi liye usake sir par savar hi rahata tha. benimadhav sinh apani adhi se adhik snpatti vakilon ko bhent kar chuke the. unaki vartaman ay ek hazar rupaye varshik se adhik n thi. thakur sahab ke do bete the. bade ka nam shriknth sinh tha. usane bahut dinon ke parishram aur udyog ke bad bi. e. ki digri prapt ki thi. ab ek daftar men naukar tha. chhota ladaka lalabihari sinh dohare badan ka, sajila javan tha. bhara hua mukhada, chaudi chhati. bhains ka do ser taja doodh vah uth kar sabere pi jata tha. shriknth sinh ki dasha bilakul viparit thi. in netrapriy gunon ko unhonne bi. e.-inhin do aksharon par nyochhavar kar diya tha. in do aksharon ne unake sharir ko nirbal aur chehare ko kantihin bana diya tha. isi se vaidyak grnthon par unaka vishesh prem tha. ayurvaidik aushadhiyon par unaka adhik vishvas tha. sham-sabere se unake kamare se prayah kharal ki surili karnamadhur dhvani sunayi diya karati thi. lahaur aur kalakatte ke vaidyon se badi likha-padhi rahati thi.

shriknth is angareji digri ke adhipati hone par bhi angareji samajik prathaon ke vishesh premi n the. balki vah bahudha bade zor se usaki ninda aur tiraskar kiya karate the. isi se ganv men unaka bada samman tha. dashahare ke dinon men vah bade utsah se ramalila men sammilit hote aur svayn kisi n kisi patra ka part lete the. gauripur men ramalila ke vahi janmadata the. prachin hindoo sabhyata ka gunagan unaki dharmikata ka pradhan ang tha. sammilit kutumb ke to vah ekamatr upasak the. ajakal striyon ko kutumb men mil-jul kar rahane ki jo aruchi hoti hai, use vah jati aur desh donon ke lie hanikarak samajhate the. yahi karan tha ki ganv ki lalanaen unaki nindak thin. koee-koee to unhen apana shatru samajhane men bhi snkoch n karati thin. svayn unaki patni ko hi is vishay men unase virodh tha. yah isalie nahin ki use apane sas-sasur, devar ya jeth adi se ghrina thi, balki usaka vichar tha ki yadi bahut kuchh sahane aur tarah dene par bhi parivar ke sath nirvah n ho sake, to aye-din ki kalah se jivan ko nasht karane ki apeksha yahi uttam hai ki apani khichadi alag pakayi jaye.

anndi ek bade uchch kul ki ladaki thi. usake bap ek chhoti-si riyasat ke tallukedar the. vishal bhavan, ek hathi, tin kutte, baj, bahari-shikare, jhad-phanoos, anareri majistreti, aur rin, jo ek pratishthit tallukedar ke bhogy padarth hain, sabhi yahan vidyaman the. nam tha bhoopasinh. bade udar-chitt aur pratibhashali purush the, par durbhagy se ladaka ek bhi n tha. sat ladakiyan hueen aur daivayog se sab-ki-sab jivit rahin. pahali umng men to unhonne tin byah dil khol kar kiye; par pndrah-bis hazar rupayon ka karz sir par ho gaya, to ankhen khulin, hath samet liya. anndi chauthi ladaki thi. vah apani sab bahanon se adhik roopavati aur gunavati thi. isase thakur bhoopasinh use bahut pyar karate the. sundar sntan ko kadachith usake mata-pita bhi adhik chahate hain. thakur sahab bade dharm-snkat men the ki isaka vivah kahan karen ? n to yahi chahate the ki rin ka bojh badhe aur n yahi svikar tha ki use apane ko bhagyahin samajhana pade. ek din shriknth unake pas kisi chnde ka rupaya mangane aya. shayad nagari-prachar ka chnda tha. bhoopasinh unake svabhav par rijh gaye aur dhoomadham se shriknth sinh ka anndi ke sath byah ho gaya.

anndi apane naye ghar men ayi, to yahan ka rng-dhng kuchh aur hi dekha. jis tim-tam ki use bachapan se hi adat padi huee thi, vah yahan nam-matr ko bhi n thi. hathi-ghodon ka to kahana hi kya, koee saji huee sundar bahali tak n thi. reshami slipar sath layi thi, par yahan bag kahan. makan men khidakiyan tak n thin. n zamin par pharsh, n divar par tasviren. yah ek sidha-sada dehati grihasth ka makan tha, kintu anndi ne thode hi dinon men apane ko is nayi avastha ke aisa anukool bana liya, mano usane vilas ke saman kabhi dekhe hi n the.

2

ek din dopahar ke samay lalabihari sinh do chidiya liye hue aya aur bhavaj se bola-jaldi se paka do, mujhe bhookh lagi hai. anndi bhojan banakar usaki rah dekh rahi thi. ab vah naya vynjan banane baithi. handi men dekha, to ghi pav-bhar se adhik n tha. bade ghar ki beti, kiphayat kya jane. usane sab ghi mans men dal diya. lalabihari khane baitha, to dal men ghi n tha, bola-dal men ghi kyon nahin chhoda ?

anndi ne kaha-ghi sab mans men pad gaya. lalabihari zor se bola-abhi parason ghi aya hai. itana jald uth gaya ?

anndi ne uttar diya-aj to kul pav-bhar raha hoga. vah sab mainne mans men dal diya.

jis tarah sookhi lakadi jaldi se jal uthati hai-usi tarah kshudha se bavala manushy jara-jara si bat par tinak jata hai. lalabihari ko bhavaj ki yah dhithaee bahut buri maloom huee, tinak kar bola-maike men to chahe ghi ki nadi bahati ho !

stri galiyan sah leti hai, mar bhi sah leti hai; par maike ki ninda usase nahin sahi jati. anndi munh pher kar boli-hathi mara bhi, to nau lakh ka. vahan itana ghi nity naee-kahar kha jate hain.

lalabihari jal gaya, thali uthakar palat di, aur bola-ji chahata hai, jibh pakad kar khinch loon.

anndi ko bhi krodh a gaya. munh lal ho gaya, boli-vah hote to aj isaka maja chakhate.

ab apadh, ujadd thakur se n raha gaya. usaki stri ek sadharan zamindar ki beti thi. jab ji chahata, us par hath saf kar liya karata tha. khadaoon uthakar anndi ki or zor se phenki, aur bola-jisake guman par bhooli huee ho, use bhi dekhoonga aur tumhen bhi.

anndi ne hath se khadaoon roki, sir bach gaya. par ungali men badi chot ayi. krodh ke mare hava se hilate patte ki bhanti kanpati huee apane kamare men a kar khadi ho gayi. stri ka bal aur sahas, man aur maryada pati tak hai. use apane pati ke hi bal aur purushatv ka ghnmad hota hai. anndi khoon ka ghoont pi kar rah gayi.

3

shriknth sinh shanivar ko ghar aya karate the. brihaspati ko yah ghatana huee thi. do din tak anndi kop-bhavan men rahi. n kuchh khaya n piya, unaki bat dekhati rahi. ant men shanivar ko vah niyamanukool sndhya samay ghar aye aur bahar baith kar kuchh idhar-udhar ki baten, kuchh desh-kal snbndhi samachar tatha kuchh naye mukadamon adi ki charcha karane lage. yah vartalap das baje rat tak hota raha. ganv ke bhadr purushon ko in baton men aisa annd milata tha ki khane-pine ki bhi sudhi n rahati thi. shriknth ko pind chhudana mushkil ho jata tha. ye do-tin ghnte anndi ne bade kasht se kate! kisi tarah bhojan ka samay aya. pnchayat uthi. ekant hua, to lalabihari ne kaha-bhaiya, ap jara bhabhi ko samajha dijiega ki munh snbhal kar batachit kiya karen, nahin to ek din anarth ho jayega.

benimadhav sinh ne bete ki or se sakshi di-han, bahoo-betiyon ka yah svabhav achchha nahin ki mardon ke munh lagen.

lalabihari-vah bade ghar ki beti hain, to ham bhi koee kurmi-kahar nahin hain. shriknth ne chintit svar se poochha-akhir bat kya huee ?

lalabihari ne kaha-kuchh bhi nahin; yon hi ap hi ap ulajh padin. maike ke samane ham logon ko kuchh samajhatin hi nahin.

shriknth kha-pi kar anndi ke pas gaye. vah bhari baithi thi. yah hajarat bhi kuchh tikhe the. anndi ne poochha-chitt to prasann hai.

shriknth bole-bahut prasann hai. par tumane ajakal ghar men yah kya upadrav macha rakha hai ?

anndi ki tyoriyon par bal pad gaye, jhunjhalahat ke mare badan men jvala-si dahak uthi. boli-jisane tumase yah ag lagayi hai, use paoon, to munh jhulas doon.

shriknth-itani garam kyon hoti ho, bat to kaho.

anndi-kya kahoon, yah mere bhagy ka pher hai ! nahin to gnvar chhokara, jisako chaparasagiri karane ka bhi shoor nahin, mujhe khadaoon se mar kar yon n akadata.

shriknth-sab hal saph-saph kaho, to maloom ho. mujhe to kuchh pata nahin.

anndi-parason tumhare ladale bhaee ne mujhase mans pakane ko kaha. ghi handi men pav-bhar se adhik n tha. vah sab mainne mans men dal diya. jab khane baitha to kahane laga-dal men ghi kyon nahin hai. bas, isi par mere maike ko bura-bhala kahane laga-mujhase n raha gaya. mainne kaha ki vahan itana ghi to naee-kahar kha jate hain, aur kisi ko jan bhi nahin padata. bas itani si bat par is anyayi ne mujh par khadaoon phenk mari. yadi hath se n rok loon, to sir phat jaye. usi se poochho, mainne jo kuchh kaha hai, vah sach hai ya jhooth.

shriknth ki ankhen lal ho gayin. bole-yahan tak ho gaya, is chhokare ka yah sahas !

anndi striyon ke svabhavanusar rone lagi kyonki ansoo unaki palakon par rahate hain. shriknth bade dhairyavan aur shnat purush the. unhen kadachith hi kabhi krodh ata tha; striyon ke ansoo purushon ki krodhagni bhadakane men tel ka kam dete hain. rat bhar karavaten badalate rahe. udvignata ke karan palak tak nahin jhapaki. pratahkal apane bap ke pas jakar bole-dada, ab is ghar men mera nibah n hoga.

is tarah ki vidrohapoorn baten kahane par shriknth ne kitani hi bar apane kee mitron ko ade hathon liya tha; parantu durbhagy, aj unhen svayn ve hi baten apane munh se kahani padin; doosaron ko upadesh dena bhi kitana sahaj hai.

benimadhav sinh ghabara uthe aur bole-kyon ?

shriknth-isalie ki mujhe bhi apani man-pratishtha ka kuchh vichar hai. apake ghar men ab anyay aur hath ka prakop ho raha hai. jinako badon ka adar-samman karana chahie, ve unake sir chadhate hain. main doosare ka naukar thahara, ghar par rahata nahin. yahan mere pichhe striyon par khadaoon aur jooton ki bauchharen hoti hain. kadi bat tak chinta nahin. koee ek ki do kah le, vahan tak main sah sakata hoon kintu yah kadapi nahin ho sakata ki mere oopar lat-ghoonse paden aur main dam n maroon.

benimadhav sinh kuchh javab n de sake. shriknth sadaiv unaka adar karate the. unake aise tevar dekh kar boodha thakur avakh rah gaya. keval itana hi bola-beta, tum buddhiman ho kar aisi baten karate ho ? striyan is tarah ghar ka nash kar deti hain. unako bahut sir chadhana achchha nahin.

shriknth-itana main janata hoon, apake ashirvad se aisa moorkh nahin hoon. ap svayn janate hain ki mere hi samajhane-bujhane se, isi ganv men kee ghar snbhal gaye, par jis stri ki man-pratishtha ka eeshvar ke darabar men uttaradata hoon, usake prati aisa ghor anyay aur pashuvath vyavahar mujhe asahy hai. ap sach manie, mere lie yahi kuchh kam nahin hai ki lalabihari ko kuchh dnd nahin deta.

ab benimadhav sinh bhi garamaye. aisi baten aur n sun sake. bole-lalabihari tumhara bhaee hai. usase jab kabhi bhool-chook ho, usake kan pakado lekin ...

shriknth-lalabihari ko main ab apana bhaee nahin samajhata.

benimadhav sinh-stri ke pichhe ?

shriknth-ji nahin, usaki kroorata aur avivek ke karan.

donon kuchh der chup rahe. thakur sahab ladake ka krodh shant karana chahate the. lekin yah nahin svikar karana chahate the ki lalabihari ne koee anuchit kam kiya hai. isi bich men ganv ke aur kee sajjan hukke-chilam ke bahane vahan a baithe. kee striyon ne jab yah suna ki shriknth patni ke pichhe pita se ladane ko taiyar hai, to unhen bada harsh hua. donon pakshon ki madhur vaniyan sunane ke lie unaki atmaen tilamilane lagin. ganv men kuchh aise kutil manushy bhi the, jo is kul ki nitipoorn gati par man hi man jalate the. ve kaha karate the-shriknth apane bap se dabata hai, isilie vah dabboo hai. usane vidya padhi, isalie vah kitabon ka kida hai. benimadhav sinh usaki salah ke bina koee kam nahin karate, yah unaki moorkhata hai. in mahanubhavon ki shubhakamanaen aj poori hoti dikhayi din. koee huqqa pine ke bahane aur koee lagan ki rasid dikhane a kar baith gaya. benimadhav sinh purane adami the. in bhavon ko tad gaye. unhonne nishchay kiya chahe kuchh hi kyon n ho, in drohiyon ko tali bajane ka avasar n doonga. turnt komal shabdon men bole-beta, main tumase bahar nahin hoon. tumhara jo ji chahe karo, ab to ladake se aparadh ho gaya.

ilahabad ka anubhav-rahit jhallaya hua grejuet is bat ko n samajh saka. use dibeting-klab men apani bat par adane ki adat thi, in hathakndon ki use kya khabar ? bap ne jis matalab se bat palati thi, vah usaki samajh men n ayi. bola-lalabihari ke sath ab is ghar men nahin rah sakata.

benimadhav-beta, buddhiman log moorkhon ki bat par dhyan nahin dete. vah besamajh ladaka hai. usase jo kuchh bhool huee, use tum bade ho kar kshama karo.

shriknth-usaki is dushtata ko main kadapi nahin sah sakata. ya to vahi ghar men rahega, ya main hi. apako yadi vah adhik pyara hai, to mujhe vida kijie, main apana bhar ap snbhal loonga. yadi mujhe rakhana chahate hain to usase kahie, jahan chahe chala jaye. bas yah mera antim nishchay hai.

lalabihari sinh daravaze ki chaukhat par chupachap khada bade bhaee ki baten sun raha tha. vah unaka bahut adar karata tha. use kabhi itana sahas n hua tha ki shriknth ke samane charapaee par baith jay, huqqa pi le ya pan kha le. bap ka bhi vah itana man n karata tha. shriknth ka bhi us par hardik sneh tha. apane hosh men unhonne kabhi use ghudaka tak n tha. jab vah ilahabad se ate, to usake lie koee n koee vastu avashy late. mugadar ki jodi unhonne hi banava di thi. pichhale sal jab usane apane se dyodhe javan ko nagapnchami ke din dngal men pachhad diya, to unhonne pulakit ho kar akhade men hi jakar use gale se laga liya tha, panch rupaye ke paise lutaye the. aise bhaee ke munh se aj aisi hriday-vidarak bat sun kar lalabihari ko badi glani huee. vah phoot-phoot kar roene laga. isamen sndeh nahin ki apane kiye par pachhata raha tha. bhaee ke ane se ek din pahale se usaki chhati dhadakati thi ki dekhoon bhaiya kya kahate hain. main unake sammukh kaise jaoonga, unase kaise boloonga, meri ankhen unake samane kaise uthengi. usane samajha tha ki bhaiya mujhe bula kar samajha denge. is asha ke viparit aj usane unhen nirdayata ki moorti bane hue paya. vah moorkh tha. parntu usaka man kahata tha ki bhaiya mere sath anyay kar rahe hain. yadi shriknth use akele men bula kar do-char baten kah dete; itana hi nahin do-char tamache bhi laga dete to kadachith use itana duahkh n hota; par bhaee ka yah kahana ki ab main isaki soorat nahin dekhana chahata, lalabihari se saha n gaya. vah rota hua ghar aya. kothari men jakar kapade pahane, ankhen ponchhin, jisase koee yah n samajhe ki rota tha. tab anndi ke dvar par akar bola-bhabhi, bhaiya ne nishchay kiya hai ki vah mere sath is ghar men n rahenge. ab vah mera munh nahin dekhana chahate, isalie ab main jata hoon. unhen phir munh n dikhaoonga. mujhase jo kuchh aparadh hua, use kshama karana.

yah kahate-kahate lalabihari ka gala bhar aya.

4

jis samay lalabihari sinh sir jhukaye anndi ke dvar par khada tha, usi samay shriknth sinh bhi ankhen lal kiye bahar se aye. bhaee ko khada dekha, to ghrina se ankhen pher lin, aur katara kar nikal gaye. mano usaki parachhaeen se door bhagate hon.

anndi ne lalabihari ki shikayat to ki thi, lekin ab man men pachhata rahi thi. vah svabhav se hi dayavati thi. use isaka tanik bhi dhyan n tha ki bat itani badh jayagi. vah man men apane pati par jhunjhala rahi thi ki yah itane garam kyon hote hain. us par yah bhay bhi laga hua tha ki kahin mujhase ilahabad chalane ko kahen, to kaise kya karoongi. is bich men jab usane lalabihari ko daravaze par khade yah kahate suna ki ab main jata hoon, mujhase jo kuchh aparadh hua, kshama karana, to usaka raha-saha krodh bhi pani ho gaya. vah rone lagi. man ka mail dhone ke lie nayan-jal se upayukt aur koee vastu nahin hai.

shriknth ko dekh kar anndi ne kaha-lala bahar khade bahut ro rahe hain.

shriknth-to main kya karoon ?

anndi-bhitar bula lo. meri jibh men ag lage. mainne kahan se yah jhagada uthaya.

shriknth-main n bulaoonga.

anndi-pachhataoge. unhen bahut glani ho gayi hai, aisa n ho, kahin chal den.

shriknth n uthe. itane men lalabihari ne phir kaha-bhabhi, bhaiya se mera pranam kah do. vah mera munh nahin dekhana chahate. isalie main bhi apana munh unhen n dikhaoonga.

lalabihari itana kah kar laut pada. aur shighrata se daravaze ki or badha. ant men anndi kamare se nikali aur usaka hath pakad liya. lalabihari ne pichhe phir kar dekha aur ankhon men ansoo bhare bola-mujhe jane do.

anndi-kahan jate ho ?

lalabihari-jahan koee mera munh n dekhe.

anndi-main n jane doongi ?

lalabihari-main tum logon ke sath rahane yogy nahin hoon.

anndi-tumhen meri saugndh, ab ek pag bhi age n badhana.

lalabihari-jab tak mujhe yah n maloom ho jay ki bhaiya ka man meri taraph se saf ho gaya, tab tak main is ghar men kadapi n rahoonga.

anndi-main ishvar ko sakshi de kar kahati hoon ki tumhari or se mere man men tanik bhi mail nahin hai.

ab shriknth ka hriday bhi pighala. unhonne bahar a kar lalabihari ko gale laga liya. donon bhaee khoob phoot-phootakar roye. lalabihari ne sisakate hue kaha-bhaiya, ab kabhi mat kahana ki tumhara munh n dekhoonga. isake siva ap jo dnd denge, main saharsh svikar karoonga.

shriknth ne kanpate hue svar se kaha-lalloo ! in baton ko bilakul bhool jao. eeshvar chahega, to phir aisa avasar n avega.

benimadhav sinh bahar se a rahe the. donon bhaiyon ko gale milate dekh kar annd se pulakit ho gaye. bol uthe-bade ghar ki betiyan aisi hi hoti hain. bigadata hua kam bana leti hain.

ganv men jisane yah vrittant suna, usi ne in shabdon men anndi ki udarata ko saraha-‘bade ghar ki betiyan aisi hi hoti hain.’


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah