नागपूजा -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

pratahkal tha. ashadh ka pahala daungada nikal gaya tha. kit-patng charon taraph rengate dikhayi dete the. tilottama ne vatika ki or dekha to vriksh aur paudhe aise nikhar gaye the jaise sabun se maile kapade nikhar jate hain. un par ek vichitr adhyatmik shobha chhayi huee thi mano yogivar annd men magn pade hon. chidiyon men asadharan chnchalata thi. dal-dal, pat-pat chahakati phirati thin. tilottama bag men nikal ayi. vah bhi inhin pakshiyon ki bhanti chnchal ho gayi thi. kabhi kisi paudhe ko dekhati, kabhi kisi phool par padi huee jal ki boondon ko hilakar apane munh par unake shital chhinte dalati. lal birabahootiyan reng rahi thin. vah unhen chunakar hatheli par rakhane lagi. sahasa use ek kala brihatkay sanp rengata dikhayi diya. usane chilla kar kaha-amman, nag ji ja rahe hain. lao thoda-sa doodh unake lie katore men rakh doon.

amman ne kaha-jane do beti, hava khane nikale honge.

tilottama-garmiyon men kahan chale jate hain? dikhayi nahin dete.

man-kahin jate nahin beti, apani banbi men pade rahate hain.

tilottama-aur kahin nahin jate?

man-beti hamare devata hain, aur kahin kyon jaynge? tumhare janm ke sal se ye barabar yahin dikhayi dete hain? kisi se nahin bolate. bachcha pas se nikal jay, par jara bhi nahin takate. aj tak koee chuhiya bhi nahin pakadi.

tilottama-to khate kya honge?

man-beti, yah log hava par rahate hain. isi se inaki atma divy ho jati hai. apane poovarjanm ki baten inhen yad rahati hain. anevali baton ko bhi janate hain. koee bada yogi jab ahnkar karane lagata hai to use dndasvaroop is yoni men janm lena padata hai. jab tak prayashchitt poora nahin hota, tab tak vah is yoni men rahata hai. koee-koee to sau-sau, do-do sau varsh tak jite rahate hain.

tilottama-inaki pooja n karo, to kya karen.

man-beti kaisi bachchon ki-si baten karati ho. naraz jo jayn to sir par n jane kya vipatti a pade. tere janm ke sal pahale-pahal dikhayi diye the. tab se sal men das-panch bar avashy darshan de jate hain. inaka aisa prabhav hai ki aj tak kisi ke sir men dard tak nahin hua.

2

kee varsh ho gaye. tilottama balika se yuvati huee. vivah ka shubh avasar a pahuncha. barat ayi, vivah hua, tilottama ke pati-grih jane ka muhoortt a pahuncha.

nayi vadhoo ka shrringar ho raha tha. bhitar-bahar halachal machi huee thi, aisa jan padata tha bhagadad padi huee hai. tilottama ke hriday men viyog-duahkh ki tarngen uth rahi hain. vah ekant men baith kar rona chahati hai. aj mata-pita, bhaeebnd, sakhiyan-saheliyan sab chhoot jayengi. phir maloom nahin kab milane ka snyog ho. n jane ab kaise adamiyon se pala padega. n jane unaka svabhav kaisa hoga. n jane kaisa bartav karenge. amman ki ankhen ek kshan bhi n thamengi. main ek din ke lie kahin chali jati thi to ve ro-rokar vyathit ho jati thin. ab yah jivanaparyant ka viyog kaise sahengi? unake sir men dard hota tha to jab tak main dhire-dhire n maloon, unhen kisi tarah kal-chain hi n padati thi. baboo ji ko pan banakar kaun dega? main jab tak unaka bhojan n banaoon, unhen koee chiz ruchati hi n thi? ab unaka bhojan kaun banayega? mujhase inako dekhe bina kaise raha jayega? yahan jara sir men dard bhi hota tha to amman aur baboo ji ghabara jate the. turnt vaidy-hakim a jate the. vahan n jane kya hal hoga. bhagavanh bnd ghar men kaise raha jayega? n jane vahan khuli chhat hai ya nahin. hogi bhi to mujhe kaun sone dega? bhitar ghut-ghut kar maroongi. jagane men jara der ho jayegi to tane milenge. yahan subah ko koee jagata tha, to amman kahati thin sone do. kachchi nind jag jayegi to sir men pida hone lagegi. vahan vyngy sunane padenge, bahoo alasi hai, din bhar khat par padi rahati hai. ve (pati) to bahut sushil maloom hote hain. han, kuchh abhimani avashy hain. kahin unaka svabhav nithur hua to ...?

sahasa usaki mata ne a kar kaha-beti, tumase ek bat kahane ki yad n rahi. vahan nag-pooja avashy karati rahana. ghar ke aur log chahe mana karen; par tum ise apana kartavy samajhana. abhi meri ankhen jara-jara jhapak gayi thin. nag baba ne svapn men darshan diye.

tilottama-amman, mujhe bhi unake darshan hue hain, par mujhe to unhonne bada vikaral roop dikhaya. bada bhaynkar svapn tha.

man-dekhana, tumhare ghar men koee sanp n marane paye. yah mntr nity apane pas rakhana.

tilottama abhi kuchh javab n dene payi thi ki achanak barat ki or se rone ke shabd sunayi diye, ek kshan men hahakar mach gaya. bhaynkar shok-ghatana ho gayi. var ko sanp ne kat liya. vah bahoo ko vida karane a raha tha. palaki men masanad ke niche ek kala sanp chhipa hua tha. var jyon hi palaki men baitha, sanp ne kat liya.

charon or kuharam mach gaya. tilottama par to mano vajrapat ho gaya. usaki man sir pit-pit kar rone lagi. usake pita baboo jagadishachndr moorchhit ho kar gir pade. hridrog se pahale hi se grast the. jhad-phoonk karane vale aye, daauktar bulaye gaye, par vish ghatak tha. jara der men var ke honth nile pad gaye, nakh kale ho gaye, moorchchha ane lagi. dekhate-dekhate sharir thnda pad gaya. idhar usha ki lalima ne prakriti ko alokit kiya, udhar timatimata hua dipak bujh gaya.

jaise koee manushy boron se ladi huee nav par baitha hua man men jhunjhalata hai ki yah aur tej kyonh nahin chalati, kahin aram se baithane ki jagah nahin, yah itani hil kyon rahi hai, main vyarth hi isamen baitha; par akasmath nav ko bhnvar men padate dekh kar usake mastool se chipat jata hai, vahi dasha tilottama ki huee. abhi tak vah viyog-duahkh men hi magn thi, sasural ke kashton aur durvyavasthaon ki chintaon men padi huee thi. par, ab use hosh aya ki is nav ke sath main bhi doob rahi hoon. ek kshan pahale vah kadachith jis purush par jhunjhala rahi thi, jise lutera aur dakoo samajh rahi thi, vah ab kitana pyara tha. usake bina ab jivan ek dipak tha, bujha hua. ek vriksh tha, phal-phool vihin. abhi ek kshan pahale vah doosaron ki eershya ka karan thi, ab daya aur karuna ki.

thode hi dinon men use gyat ho gaya ki main pati-vihin ho kar snsar ke sab sukhon se vnchit ho gayi !

3

ek varsh bit gaya. jagadishachndr pakke dharmavalambi adami the, par tilottama ka vaidhavy unase n saha gaya. unhonne tilottama ke punarvivah ka nishchay kar liya. hnsanevalon ne taliyan bajayin par jagadish baboo ne hriday se kam liya. tilottama par sara ghar jan deta tha. usaki ichchha ke viruddh koee bat n hone pati, yahan tak ki vah ghar ki malakin bana di gayi thi. sabhi dhyan rakhate ki usaka rnj taja n hone paye. lekin usake chehare par udasi chhayi rahati thi, jise dekhakar logon ko duahkh hota tha. pahale to man bhi is samajik atyachar par sahamat n huee, lekin biradarivalon ka virodh jyon-jyon badhata gaya usaka virodh dhila padata gaya. siddhant roop se to prayah kisi ko apatti n thi kintu use vyavahar men lane ka sahas kisi men n tha. kee mahinon ke lagatar prayas ke bad ek kulin siddhantavadi, sushikshit var mila. usake gharavale bhi raji ho gaye. tilottama ko samaj men apana nam bikate dekh kar duahkh hota tha. vah man men kudhati thi ki pita ji nahak mere lie samaj men nakkoo ban rahe hain. agar mere bhagy men suhag likha hota to yah vajr hi kyon girata. use kabhi-kabhi aisi shnka hoti thi ki main phir vidhava ho jaoongi. jab vivah nishchit ho gaya aur var ki tasvir usake samane ayi to usaki ankhon men ansoo bhar aye. chehare se kitani sajjanata, kitani dridhata, kitani vicharashilata tapakati thi. vah chitr ko liye hue mata ke pas gayi aur sharm se sir jhukakar boli-amman, mujhe munh to n kholana chahie, par avastha aisi a padi hai ki bina munh khole raha nahin jata. ap baboo ji ko mana kar den. main jis dasha men hoon sntusht hoon. mujhe aisa bhay ho raha hai ki abaki phir vahi shok ghatana ...

man ne sahami huee ankhon se dekh kar kaha-beti kaisi ashakun ki bat munh se nikal rahi ho. tumhare man men bhay sama gaya hai. isi se yah bhram hota hai. jo honi thi, vah ho chuki. ab kya eeshvar tumhare pichhe pade hi rahenge?

tilottama-han, mujhe to aisa maloom hota hai.

man-kyon, tumhen aisi shnka kyon hoti hai?

tilottama-n jane kyon? koee mere man men baitha hua kah raha hai ki phir anisht hoga. main prayah nity daravane svapn dekha karati hoon. rat ko mujhe aisa jan padata hai ki koee prani jisaki soorat sanp se bahut milati-julati hai meri charapaee ke charon or ghoomata hai. main bhay ke mare chuppi sadh leti hoon. kisi se kuchh kahati nahin.

man ne samajha yah sab bhram hai. vivah ki tithi niyat ho gayi. yah keval tilottama ka punassnskar n tha, balki samaj-sudhar ka ek kriyatmak udaharan tha. samaj-sudharakon ke dal door se vivah men sammilit hone ke lie ane lage, vivah vaidik riti se hua. mehamanon ne khoob vyakhyan diye. patron ne khoob alochanaen kin. baboo jagadishachndr ke naitik sahas ki sarahana hone lagi. tisare din bahoo ke vida hone ka muhoortt tha.

janavase men yathasadhy raksha ke sabhi sadhanon se kam liya gaya tha. bijali ki roshani se sara janavasa din-sa ho gaya tha. bhoomi par rengati huee chinti bhi dikhayi deti thi. keshon men n kahin shikan thi, n silavat aur n jhol. shamiyane ke charon taraph kanaten khadi kar di gayi thin. kisi taraph se kidon-makodon ke ane ki sambhavana n thi; par bhavi prabal hoti hai. pratahkal ke char baje the. taraganon ki barat vida ho rahi thi. bahoo ki vidaee ki taiyari ho rahi thi. ek taraph shahanaiyan baj rahi thin. doosari taraph se vilap ki arttadhvani uth rahi thi. par tilottama ki ankhon men ansoo n the, samay najuk tha. vah kisi tarah ghar se bahar nikal jana chahati thi. usake sir par talavar latak rahi thi. rone aur saheliyon se gale milane men koee annd n tha. jis prani ka phoda chilak raha ho use jarrah ka ghar bag men sair karane se zyada achchha lage, to kya ashchary hai.

var ko logon ne jagaya. baja bajane laga. vah palaki men baithane ko chala ki vadhoo ko vida kara laye. par joote men pair dala hi tha ki chikh mar kar pair khinch liya. maloom hua, panv chinagariyon par pad gaya. dekha to ek kala sanp joote men se nikal kar rengata chala jata tha. dekhate-dekhate gayab ho gaya. var ne ek sard ah bhari aur baith gaya. ankhon men andhera chha gaya.

ek kshan men sare janavase men khabar phail gayi, log daud pade. aushadhiyan pahale hi rakh li gayi thin. sanp ka mntr jananevale kee adami bula liye gaye the. sabhi ne davaiyan din. jhad-phoonk shuroo huee. aushadhiyan bhi di gayin, par kal ke samane kisi ka vash n chala. shayad maut sanp ka vesh dhar kar ayi thi. tilottama ne suna to sir pit liya. vah vikal hokar janavase ki taraph daudi. chadar odhane ki bhi sudhi n rahi. vah apane pati ke charanon ko mathe se laga kar apana janm saphal karana chahati thi. ghar ki striyon ne roka. mata bhi ro-rokar samajhane lagin. lekin baboo jagadishachndr ne kaha-koee haraj nahin, jane do. pati ka darshan to kar le. yah abhilasha kyon rah jay. usi shokanvit dasha men tilottama janavase men pahunchi, par vahan usaki taskin ke lie maranevale ki ulti sansen thin. un adhakhule netron men asahy atmavedana aur darun nairashy.

is adbhut ghatana ka samachar door-door tak phail gaya. jadavadigan chakit the, yah kya majara hai. atmavad ke bhakt gyatabhav se sir hilate the mano ve trikaladarshi hain. jagadishachndr ne nasib thonk liya. nishchay ho gaya ki kanya ke bhagy men vidhava rahana hi likha hai. nag ki pooja sal men do bar hone lagi. tilottama ke charitr men bhi ek vishesh antar dikhane laga. bhog aur vihar ke din bhakti aur devaradhana men katane lage. nirash praniyon ka yahi avalamb hai.

tin sal bite the ki dhaka vishvavidyalay ke adhyapak dayaram ne is kisse ko phir taja kiya. ve pashu-shastr ke gyata the. unhonne sanpon ke achar-vyavahar ka vishesh riti se adhyayan kiya. ve is rahasy ko kholana chahate the. jagadishachndr ko vivah ka sndesha bheja. unhonne tal-matol kiya. dayaram ne aur bhi agrah kiya. likha, mainne vaigyanik anveshan ke lie yah nishchay kiya hai. main is vishadhar nag se ladana chahata hoon. vah agar sau dant lekar aye to bhi mujhe koee hani nahin pahuncha sakata, vah mujhe kat kar ap hi mar jayega. agar vah mujhe kat bhi le to mere pas aise mntr aur aushadhiyan hain ki main ek kshan men usake vish ko utar sakata hoon. ap is vishay men kuchh chinta n kijie. main vish ke lie ajey hoon. jagadishachndr ko ab koee ujr n soojha. han, unhonne ek vishesh prayatn yah kiya ki dhake men hi vivah ho. atev ve apane kutumbiyon ko sath lekar vivah ke ek saptah pahale gaye. chalate samay apane sndook, bistar adi khoob dekhabhal kar rakhe ki sanp kahin unamen chhip kar n baith jaye. shubh lagn men vivah-snskar ho gaya. tilottama vikal ho rahi thi. mukh par ek rng ata tha, ek rng jata tha, par snskar men koee vighn-badha n padi. tilottama ro-dhokar sasural gayi. jagadishachndr ghar laut aye, par aise chintit the jaise koee adami saray men khula hua sndook chhod kar bazar chala jay.

tilottama ke svabhav men ab ek vichitr roopantar hua. vah auron se hnsati-bolati, aram se khati-piti, sair karane jati, thiyetaron aur any samajik sammelanon men sharik hoti. in avasaron par prophesar dayaram se bhi bade prem ka vyavahar karati, unake aram ka bahut dhyan rakhati. koee kam unaki ichchha ke viruddh n karati. koee ajanabi adami use dekh kar kah sakata tha, grihini ho to aisi ho. doosaron ki drishti men is dampati ka jivan adarsh tha, kintu antarik dasha kuchh aur hi thi. unake sath shayanagar men jate hi usaka mukh vikrit ho jata, bhaunhen tan jatin, mathe par bal pad jate, sharir agni ki bhanti jalane lagata, palaken khuli rah jatin, netron se jvala-si nikalane lagati aur usamen se jhulasati huee lapaten nikalatin, mukh par kalima chha jati aur yadyapi svaroop men koee vishesh antar n dikhayi deta; par n jane kyon bhram hone lagata, yah koee nagin hai. kabhi-kabhi vah phunkarane bhi lagati. is sthiti men dayaram ko usake samip jane ya usase kuchh bolane ki himmat n padati. ve usake roop-lavany par mugdh the, kintu is avastha men unhen usase ghrina hoti. use isi unmad ke aveg men chhod kar bahar nikal ate. daauktaron se salah li, svayn is vishay ki kitani hi kitabon ka adhyayan kiya, par rahasy kuchh samajh men n aya, unhen bhautik vigyan men apani alpgyta svikar karani padi.

unhen ab apana jivan asahy jan padata. apane dussahas par pachhatate. nahak is vipatti men apani jan phnsayi. unhen shnka hone lagi ki avashy koee pret-lila hai. mithyavadi n the, par jahan buddhi aur tark ka kuchh vash nahin chalata, vahan manushy vivash ho kar mithyavadi ho jata hai.

shanaiah-shanaiah unaki yah halat ho gayi ki sadaiv tilottama se sashnk rahate. usaka unmad, vikrit mukhakriti unake dhyan se n utarate. dar lagata ki kahin yah mujhe mar n dale. n jane kab unmad ka aveg ho. yah chinta hriday ko vyathit kiya karati. hipnatijm, vidyutashakti, aur kee naye arogy-vidhanon ki pariksha ki gayi. unhen hipnatijm par bahut bharosa tha; lekin jab yah yog bhi nishphal ho gaya to ve nirash ho gaye.

4

ek din prophesar dayaram kisi vaigyanik sammelan men ge hue the. laute to barah baj gaye the. varsha ke din the. naukar-chakar so rahe the. ve tilottama ke shayanagrih men yah poochhane gaye ki mera bhojan kahan rakha hai. andar qadam rakha hi tha ki tilottama ke sirahane ki or unhen ek ati bhimakay kala sanp baitha hua dikhayi diya. pro. sahab chupake se laut aye. apane kamare men ja kar kisi aushadhi ki ek khurak pi aur pistaul tatha sanga lekar phir tilottama ke kamare men pahunche. vishvas ho gaya ki yah vahi mera purana shatru hai. itane dinon men toh lagata hua yahan a pahuncha. par ise tilottama se kyon itana sneh hai. usake sirahane yon baitha hua hai mano koee rassi ka tukada hai. yah kya rahasy hai. unhonne sanpon ke vishay men badi adbhut kathaen padhi aur suni thin, par aisi kutoohalajanak ghatana ka ullekh kahin n dekha tha. ve is bhanti sashastr ho kar phir kamare men pahunche to sanp ka pata n tha. han, tilottama ke sir par bhoot savar ho gaya tha. vah baithi huee agney netron se dvar ki or tak rahi thi. usake nayanon se jvala nikal rahi thi. jisaki anch do gaj tak lagati. is samay unmad atishay prachnd tha. dayaram ko dekhate hi bijali ki tarah un par toot padi aur hathon se aghat karane ke badale unhen danton se katane ki cheshta karane lagi. isake sath hi apane donon hath unaki garadan men dal diye. dayaram ne bahutera chaha; edi-choti tak ka zor lagaya ki apana gala chhuda len, lekin tilottama ka bahupash pratikshan sanp ki kedali ki bhanti kathor evn snkuchit hota jata tha. udhar yah sndeh tha ki isane mujhe kata to kadachith ise jan se hath dhona pade़. unhonne abhi jo aushadhi pi thi, vah sarp vish se adhik ghatak thi. is dasha men unhen yah shokamay vichar utpann hua. yah bhi koee jivan hai ki dampati ka uttaradayitv to sab sir par savar, par usaka sukh nam ka nahin, ulate rat-din jan ka khataka. yah kya maya hai. vah sanp koee pret to nahin hai jo isake sir akar yah dasha kar diya karata hai. kahate hain aisi avastha men rogi par jo chot ki jati hai, vah pret par hi padati hai. nichi jatiyon men isake udaharan bhi dekhe hain. ve isi hais-bais men pade hue the ki unaka dam ghutane laga. tilottama ke hath rassi ke phndon ki bhanti unaki garadan ko kas rahe the. ve din asahay bhav se idhar-udhar takane lage. kyonkar jan bache, koee upay n soojh padata tha. sans lena dustar ho gaya, deh shithil pad gayi, pair tharatharane lage. sahasa tilottama ne unake banhon ki or munh badhaya. dayaram kanp uthe. mrityu ankhon ke samane nachane lagi. man men kaha-yah is samay meri stri nahin, vishaili bhaynkar nagin hai. isake vish se jan bachani mushkil hai. apani aushadhi par jo bharosa tha, vah jata raha. chooha unmatt dasha men kat leta hai to jan ke lale pad jate hain. bhagavanh ! kitana vikaral svaroop hai ! pratyaksh nagin maloom ho rahi hai. ab ulati pade ya sidhi is dasha ka ant karana hi padega. unhen aisa jan pada ki ab gira hi chahata hoon. tilottama bar-bar sanpon ki bhanti phunkar mar kar jibh nikale hue unaki or jhapatati thi. ekaek vah bade karkash svar se boli-‘moorkh? tera itana sahas ki too is snudari se premalingan kare.’ yah kah kar vah bade veg se katane ko daudi. dayaram ka dhairy jata raha. unhonne dahina hath sidha kiya aur tilottama ki chhati par pistaul chala diya. tilottama par kuchh asar n hua. usaki banhen aur bhi kadi ho gayin. ankhon se chinagariyan nikalane lagin. dayaram ne doosari goli dag di. yah chot poori padi. tilottama ka bahu-bndhan dhila pad gaya. ek kshan men usake hath niche ko latak gaye, sir jhuk gaya aur vah bhoomi par gir padi.

tab vah drishy dekhane men aya jisaka udaharan kadachith aliphalaila aur chndrakanta men bhi n mile. vahin palng ke pas, zamin par ek kala, dirghakay sarp pada tadap raha tha. usaki chhati aur munh se khoon ki dhara bah rahi thi.

dayaram ko apani ankhon par vishvas n ata tha. yah kaisi adbhut pret-lila thi ! samasya kya hai. kisase poochhoon? is tilasm ko todane ka prayatn karana mere jivan ka ek kartavy ho gaya. unhonne sange se sanp ki deh men ek kocha mara aur phir ve use latakaye hue angan men laye. bilakul bedam ho gaya tha. unhonne use apane kamare men le jakar ek khali sndook men bnd kar diya. usamen bhus bharava kar baramade men latakana chahate the. itana bada gehunvan sanp kisi ne n dekha hoga.

tab ve tilottama ke pas gaye. dar ke mare kamare men qadam rakhane ki himmat n padati thi. han, is vichar se kuchh taskin hoti thi ki sarp pret mar gaya hai to usaki jan bach gayi hogi. is asha aur bhay ki dasha men ve andar gaye to tilottama aine ke samane khadi kesh snvar rahi thi.

dayaram ko mano charon padarth mil gaye. tilottama ka mukh-kamal khila hua tha. unhonne kabhi use itana praphullit n dekha tha. unhen dekhate hi vah unaki or prem se chali aur boli-aj itani rat tak kahan rahe?

dayaram premonmatt ho kar bole-ek jalase men chala gaya tha. tumhari tabiyat kaisi hai? kahin dard nahin hai?

tilottama ne unako ashchary se dekh kar poochha-tumhen kaise maloom hua? meri chhati men aisa dard ho raha hai, jaise chilak pad gayi ho.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah