बलिदान -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

manushy ki arthik avastha ka sabase zyada asar usake nam par padata hai. mauje bela ke mngaroo thakur jab se kansatebal ho ge hain, inaka nam mngalasinh ho gaya hai. ab unhen koee mngaroo kahane ka sahas nahin kar sakata. kalloo ahir ne jab se halake ke thanedar sahab se mitrata kar li hai aur ganv ka mukhiya ho gaya hai, usaka nam kalikadin ho gaya hai. ab use kalloo kahen to ankhen lal-pili karata hai. isi prakar harakhachandr kurami ab harakhoo ho gaya hai. aj se bis sal pahale usake yahan shakkar banati thi, kee hal ki kheti hoti thi aur karobar khoob phaila hua tha. lekin videshi shakkar ki amadani ne use matiyamet kar diya. dhir-dhire karakhana toot gaya, zamin toot gee, gahak toot ge aur vah bhi toot gaya. sattar varsh ka boodha, jo takiyedar mache par baitha hua nariyal piya karata, ab sir par tokari liye khad phenkane jata hai. parantu usake mukh par ab bhi ek prakar ki gnbhirata, batachit men ab bhi ek prakar ki akad, chal-dhal se ab bhi ek prakar ka svabhiman bhara hua hai. is par kal ki gati ka prabhav nahin pada. rassi jal gee, par bal nahin toota. bhale din manushy ke charitr par sadaiv ke lie apana chihn chhod jate hain. harakhoo ke pas ab keval panch bigha zamin hai, keval do bail hain. ek hi hal ki kheti hoti hai.

lekin pnchayaton men, apas ki kalah men, usaki sammati ab bhi samman ki drishti se dekhi jati hai. vah jo bat kahata hai, belag kahata hai aur ganv ke anapadhe unake samane munh nahin khol sakate.

harakhoo ne apane jivan men kabhi dava nahin khayi thi. vah bimar zaroor padata, kuanr mas men maleriya se kabhi n bachata tha. lekin das-panch din men vah bina dava khae hi chnga ho jata tha. is varsh kartik men bimar pada aur yah samajhakar ki achchha to hi jaoonga, usane kuchh paravah n ki. parantu ab ki jvar maut ka paravana lekar chala tha. ek saptah bita, doosara saptah bita, poora mahina bit gaya, par harakhoo charapaee se n utha. ab use dava ki zaroorat maloom huee. usaka ladaka giradhari kabhi nim ki sikhe pilata, kabhi gurch ka sat, kabhi gadapoorana ki jad. par in aushadhiyon se koee fayada n hota tha. harakhoo ko vishvas ho gaya ki ab snsar se chalane ke din a ge.

ek din mngalasinh use dekhane ge. bechara tooti khat par pada ram nam jap raha tha. mngalasinh ne kaha- baba, bina dava khae achchhe n honge; kunain kyon nahin khate ? harakhoo ne udasin bhav se kaha- to lete ana.

doosare din kalikadin ne akar kaha- baba, do-char din koee dava kha lo. ab tumhari javani ki deh thode hai ki bina dava-darpan ke achchhe ho jaoge.

harakhoo ne usi mnd bhav se kaha- to lete ana. lekin rogi ko dekh ana ek bat hai, dava lakar dena use doosari bat hai. pahali bat shishtachar se hoti hai, doosari sachchi samavedana se. n mngalasinh ne khabar li, n kalikadin ne, n kisi tisare hi ne. harakhoo dalan men khat par pada rahata. mngal sinh kabhi najar a jate to kahata-bhaiya, vah dava nahin lae ?

mngalasinh katarakar nikal jate. kalikadin dikhaee dete, to unase bhi yahi prashn karata. lekin vah bhi najar bacha jate. ya to use soojhata hi nahin tha ki dava paison ke bina nahin ati, ya vah paison ko bhi jan se priy samajhata tha, athava jivan se nirash ho gaya tha. usane kabhi dava ke dam ki bat nahin ki. dava n ayi. usaki dasha dinondin bigadati gee. yahan tak ki panch mahine kasht bhogane ke bad usane thik holi ke din sharir tyag diya. giradhari ne usaka shav badi dhoomadham ke sath nikala ! kriyakarm bade hausale se kiya. kee ganv ke brahmanon ko nimntrit kiya.

bela men holi n manayi gee, n abir n gulal udi, n daphali baji, n bhng ki naliyan bahin. kuchh log man men harakhoo ko kosate zaroor the ki is buddhe ko aj hi marana tha; do-char din bad marata.

lekin itana nirlajj koee n tha ki shok men annd manata. vah sharir nahin tha, jahan koee kisi ke kam men sharik nahin hota, jahan padosi ko rone-pitane ki avaz hamare kanon tak nahin pahunchati.

harakhoo ke khet ganvavalon ki najar par chadhe hue the. panchon bigha zamin kuen ke nikat, khad-pans se ladi huee mend-bandh se thik thi. unamen tin-tin phasalen paida hoti thin. harakhoo ke marate hi un par charon or se dhave hone lage. giradhari to kriya-karm men phnsa hua tha. udhar ganv ke manachale kisan lala onkaranath ko chain n lene dete the, najarane ki badi-badi rakamen pesh ho rahi thin. koee sal-bhar ka lagan dene par taiyar tha, koee najarane ki dooni rakam ka dastavej likhane par tula hua tha. lekin onkaranath sabako talate rahate the. unaka vichar tha ki giradhari ke bap ne kheton ko bis varsh tak jota hai, isalie giradhari ka hak sabase zyada hai. vah agar doosaron se kam bhi najarana de, to khet usi ko dene chahie. astu, jab giradhari kriya-karm se nivritt ho gaya aur usase poochha- kheti ke bare men kya kahate ho ?

giradhari ne rokar kaha- sarakar, inhin kheton hi ka to asara hai, jotoonga nahin to kya karoonga.

onkaranath- nahin, zaroor joto khet tumhare hain. main tumase chhodane ko nahin kahata. harakhoo ne use bis sal tak jota. un par tumhara hak hai. lekin tum dekhate ho, ab zamin ki dar kitani badh gee hai. tum ath rupaye bighe par jotate the, mujhe das rupaye mil rahe hain aur najarane ke sau alag. tumhare sath riyasat karake lagan vahi rakhata hoon, par najarane ke rupaye tumhen dene padenge.

giradhari- sarakar, mere ghar men to is samay rotiyon ka bhi thikana nahin hai. itane rupaye kahan se laoonga ? jo kuchh jama-jatha thi, dada ke kam men uth gee. anaj khalihan men hai. lekin dada ke bimar ho jane se upaj bhi achchhi nahin huee. rupaye kahan se laoon ?

onkaranath- yah sach hai, lekin main isase zyada riayat nahin kar sakata.

giradhari-nahin sarakar ! aisa n kahie. nahin to ham bina mare mar jaenge. ap bade hokar kahate hain, to main bail-bachhiya bechakar pachas rupaya la sakata hoon. isase beshi ki himmat meri nahin padati.

onkaranath chidhakar bole- tum samajhate hoge ki ham ye rupaye lekar apane ghar men rakh lete hain aur chain ki bnshi bajate hain. lekin hamare oopar jo kuchh gujarati hai, ham bhi janate hain. kahin yah chnda, kahin vah chnda; kahin yah najar, kahin vah najar, kahin yah inam, kahin vah inam. inake mare kachoomar nikal jata hai. bade din men saikadon rupaye daliyon men ud jate hain. jise dali n do, vahi munh phulata hai. jin chijon ke lie ladake tarasakar rah jate hain, unhen bahar se mngavakar daliyan sajata hoon. us par kabhi qanoonagon a ge, kabhi tahasiladar, kabhi dipti sahab ka lashkar a gaya. sab mere mehaman hote hain. agar n karoon to nakkoo banoon aur sabaki ankhon men kanta ban jaoon. sal men hazar barah sau modi ko isi rasad-khurak ke mad men dene padate hain. yah sab kahan se aen ? bas, yahi ji chahata hai ki chhodakar chala jaoon. lekin hamen paramatma ne isalie banaya hai ki ek se rupaya satakar len aur doosare ko ro-rokar den, yahi hamara kam hai. tumhare sath itani riyasat kar raha hoon. magar tum itani riyasat par bhi khush nahin hote to hari ichchha. nazarane men ek paise ki bhi riayat n hogi. agar ek haphte ke andar rupe dakhil karoge to khet jotane paoge, nahin to nahin. main koee doosara prabndh kar doonga.

lekin subhagi yon chupachap baithanevali stri n thi. vah krodh se bhari huee kalikadin ke ghar gayi. aur usaki stri ko khoob latheda- kal ka bani aj ka seth, khet jotane chale hain. dekhen, kaun mere khet men hal le jata hai ? apana aur usaka lohoo ek kar doon. padosin ne usaka paksh liya, to kya garibon ko kuchalate phirenge ? subhagi ne samajha, mainne maidan mar liya. usaka chitt bahut shant ho gaya. kintu vahi vayu, jo pani men lahare paida karati hain, vrikshon ki jad se ukhad dalati hai. subhagi to padosiyon ki pnchayat men apane dukhade roti aur kalikadin ki stri se chhed-chhed ladati.

idhar giradhari apane dvar par baitha hua sochata, ab mera kya hal hoga ? ab yah jivan kaise katega ? ye ladake kisake dvar par jaenge ? mazadoori ka vichar karate hi usaka hriday vyakul ho jata. itane dinon tak svadhinata aur samman ko sukh bhogane ke bad adham chakari ki sharan lene ke badale vah mar jana achchha samajhata tha. vah ab tak grihasth tha, usaki ganana ganv ke bhale adamiyon men thi, use ganv ke mamale men bolane ka adhikar tha. usake ghar men dhan n tha, par man tha. naee, kumhar, purohit, bhat, chaukidar ye sab usaka munh takate the. ab yah maryada kahan ? ab kaun usaki bat poochhega ? kaun usake dvar aega ? ab use kisi ke barabar baithane ka, kisi ke bich men bolane ka hak nahin raha. ab use pet ke lie doosaron ki gulami karani padegi. ab pahar rat rahe, kaun bailon ko nand men lagaega. vah din ab kahan, jab git gakar hal chalata tha. choti ka pasina edi tak ata tha, par jara bhi thakavat n ati thi. apane lahalahate hue khet ko dekhakar phoola n samata tha. khalihan men anaj ka dher samane rakhe hue apane ko raja samajhata tha. ab anaj ko tokare bhar-bharakar kaun laega ? ab kheti kahan ? bakhar kahan ?

yahi sochate-sochate giradhari ki ankhon se ansoo ki jhadi lag jati thi. ganv ke do-char sajjan, jo kalikadin se jalate the, kabhi-kabhi giradhari ko tasalli dene aya karate the, par vah unase bhi khulakar n bolata. use maloom hota tha ki main sabaki najaron men gir gaya hoon.

agar koee samajhata tha ki tumane kriya-karm men vyarth itane rupaye uda diye, to use bahut du:kh hota. vah apane us kam par jara bhi n pachhatata. mere bhagy men jo kuchh likha hai vah hoga, par dada ke rin se to urin ho gaya; unhonne apani zindagi men char ko khilakar khaya. kya marane ke pichhe unhen pinde-pani ko tarasata ?

is prakar tin mas bit ge aur ashadh a pahuncha. akash men ghataen ayin, pani gira, kisan hal-jue thik karane lage. badhee halon ki marammat karane laga. giradhari pagal ki tarah kabhi ghar ke bhitar jata, kabhi bahar jata, apane halon ko nikal dekhata, isaki muthiya toot gee hai, isaki phal dhili ho gee hai, jue men saila nahin hai. dekhate-dekhate vah ek kshan apane ko bhool gaya. dauda huee badhee ke yahan gaya aur bola- rajjoo, mere hal bhi bigade hue hai, chalo bana do. rajjoo ne usaki or karun-bhav se dekha aur apana kam karane laga. giradhari ko hosh a gaya, nind se chauk pada, glani se usaka sir jhuk gaya, ankhen bhar ayin. chupachap ghar chala aya.

ganv men charon or halachal machi huee thi. koee sanh ke bij khojata phirata tha, koee zamindar ke chaupal se dhan ke bij liye ata tha, kahin salah hoti, kis khet men kya bona chahie. giradhari ye baten sunata aur jalahin machhali ki tarah tadapata tha.

ek din sndhya samay giradhari khada apane bailon ko khujala raha tha ki mngalasinh aye aur idhar-udhar ki baten karake bole- goee ko bandhakar kab tak khilaoge ? nikal kyon nahin dete?

giradhari ne malin bhav se kaha-han, koee gahak aye to nikal doon.

mngalasinh- ek gahak to hamin hain, hamin ko de do.

giradhari abhi kuchh uttar n dene paya tha ki tulasi baniya aya aur garajakar bola- giradhari ! tumhen rupaye dene hain ki nahin, vaisa kaho. tin mahine se hil-havala karate chale ate ho. ab kaun kheti karate ho ki tumhari phasal ko agore baith rahen ?

giradhari ne dinata se kaha-sah, jaise itane dinon mane ho, aj aur man jao. kal tumhari ek-ek kaudi chuka doonga.

mngal aur tulasi ke isharon se baten ki aur tulasi bhunabhunata hua chala gaya. tab giradhari mngalasinh se bola- tum inhen le lo, to ghar-ke-ghar hi men rah jaoon. kabhi-kabhi ankh se dekh to liya karoonga.

mngalasinh- mujhe abhi to koee aisa kam nahin, lekin ghar par salah karoonga.

giradhari- mujhe tulasi ke rupaye dene hai, nahin to khilane ko to bhoosa hai.

mngalasinh- yah bada badamash hai, kahin nalish n kar de.

saral hriday giradhari dhamaki men a gaya. karyakushal mngalasinh ko sasta sauda karane ka achchha suavasar mila. 80 rupaye ki jodi 60 rupaye men thik kar li.

giradhari ne ab tak bailon ko n jane kis asha se bandhakar khilaya tha. aj asha ka vah kalpit sootr bhi toot gaya. mngalasinh giradhari ki khat par baithe rupaye gin rahe the aur giradhari bailon ke pas vishadamay netron se unake munh ki or tak raha tha. ah ! ye mere kheton ke kamane vale, mere jivan ke adhar, mere annadata, meri man-maryada ki raksha karane vale, jinake lie pahar rat se uthakar chhanti katata tha, jinake khali-dane ki chinta apane khane se zyada rahati thi, jinake lie sara din-bhar hariyali ukhada karata tha, ye meri asha ki do ankhen, mere irade ke do tare, mere achchhe dinon ke do chihn, mere do hath, ab mujhase vida ho rahe hain.

jab mngalasinh ne rupaye ginakar rakh die aur bailon ko le chale, tab giradhari unake kndhon par sir rakhakar khoob phoot-phootakar roya. jaisa kanya mayake se vida hote samay man-bap ke pairon ko nahin chhodati, usi tarah giradhari in bailon ko n chhodata tha. subhagi bhi dalan men padi ro rahi thi aur chhota ladaka mngalasinh ko ek bans ki chhadi se mar raha tha !

rat ko giradhari ne kuchh nahin khaya. charapaee par pada raha. prat:kal subhagi chilam bharakar le gayi, to vah charapaee par n tha. usane samajha, kahin gaye honge. lekin jab do-tin ghadi din chadh aya aur vah n lauta, to usane rona-dhona shuroo kiya. ganv ke log jama ho ge, charon or khoj hone lagi, par giradhari ka pata n chala.

giradhari udas aur nirash hokar ghar aya. 100 rupaye ka prabndh karana usake kaboo ke bahar tha. sochane laga, agar donon bail bech doon to khet hi lekar kya karoonga ? ghar bechoon to yahan lene vala hi kaun hai ? aur phir bap dadon ka nam doobata hai. char-panch ped hain, lekin unhen bechakar 25 rupaye ya 30 rupaye se adhik n milenge. udhar loon to deta kaun hai ? abhi baniye ke 50 rupaye sir par chadh hain. vah ek paisa bhi n dega. ghar men gahane bhi to nahin hain, nahin unhin ko bechata. le dekar ek hnsali banavayi thi, vah bhi baniye ke ghar padi huee hai. sal-bhar ho gaya, chhudane ki naubat n ayi. giradhari aur usaki stri subhagi donon hi isi chinta men pade rahate, lekin koee upay n soojhata tha. giradhari ko khana-pina achchha n lagata, rat ko nind n ati. kheton ke nikalane ka dhyan ate hi usake hriday men hook-si uthane lagati. hay ! vah bhoomi jise hamane varshon jota, jise khad se pata, jisamen meden rakhin, jisaki meden banayi, usaka maja ab doosara uthaega.

ve khet giradhari ke jivan ka ansh ho ge the. unaki ek-ek angul bhoomi usake rakt men rngi huee thi. unake ek-ek paramanu usake pasine se tar ho raha tha.

unake nam usaki jihva par usi tarah ate the, jis tarah apane tinon bachchon ke. koee chaubiso tha, koee baeeso tha, koee nalabela, koee talaiyavala. in namon ke smaran hote hi kheton ka chitr usaki ankhon ke samane khinch jata tha. vah in kheton ki charcha is, tarah karata, mano ve sajiv hain. mano usake bhale-bure ke sathi hain. usake jivan ki sari ashaen, sari ichchhaen, sare manasoobe, sari mithaiyan, sare havaee kile, inhin kheton par avalambit the.

inake bina vah jivan ki kalpana hi nahin kar sakata tha. aur ve hi sab hath se nikale jate hain. vah ghabarakar ghar se nikal jata aur ghnton kheton ki medon par baitha hua rota, mano unase vida ho raha hai. is tarah ek saptah bit gaya aur giradhari rupaye ka koee bndobast n kar saka. athaven din use maloom hua ki kalikadin ne 100 rupaye najarane dekar 10 rupaye bighe par khet le liye. giradhari ne ek thndi sans li. ek kshan ke bad vah apane dada ka nam lekar bilakh-bilakhakar rone laga. us din ghar men choolha nahin jala. aisa maloom hota tha, mano harakhoo aj hi mara hai.

sndhya ho gee thi. andhera chha raha tha. subhagi ne diya jalakar giradhari ne sirahane rakh diya tha aur baithi dvar ki or tar rahi thi ki sahasa use pairon ki ahat maloom huee. subhagi ka hriday dhadak utha. vah daudakar bahar ayi idhar-udhar takane lagi. usane dekha ki giradhari bailon ki nand ke pas sir jhukaen khada hai.

subhagi bol uthi- ghar ao, vahan khade kya kar rahe ho, aj sare din kahan rahe ?

yah kahate hue vah giradhari ki or chali. giradhari ne kuchh uttar n diya. vah pichhe hatane laga aur thodi door jakar gayab ho gaya. subhagi chillayi aur moorchchhit hokar gir padi.

doosare din kalikadin hal lekar apane ne khet par pahunche, abhi kuchh andhera tha. vah bailon ko hal men laga rahe the ki yakayak unhonne dekha ki giradhari khet ki med par khada hai. vahi, mirjee, vahi pagadi, vahi sonta.

kalikadin ne kaha- are giradhari ! marade adami, tum yahan khade ho, aur bechari subhagi hairan ho rahi hai. kahan se a rahe ho ?

yah kahate hue bailon ko chhodakar giradhari ki or chale. giradhari pichhe hatane laga aur pichhevale kuen men koond pada. kalikadin ne chikhamari aur hal-bail vahin chhodakar bhaga. sare ganv men shor mach gaya, log nana prakar ki kalpanaen karane lage ! kalikadin ko giradhari vale kheton men jane ki himmat n padi.

giradhari ko gayab hue chh: mahine bit chuke hain. usaka bada ladaka ab ek eent ke bhatte par kam karata hai aur 20 rupaye mahina ghar ata hai. ab vah kamij aur angareji joota pahanata hai, ghar men donon joon tarakari pakati hai aur jau ke badale gehoon khaya jata hai, lekin ganv men usaka kuchh bhi adar nahin. ab vah majoor hai. subhagi ab paraye ganv men aye kutte ki bhanti dabakati phirati hai. vah ab pnchayat men bhi nahin baithati, vah ab mazadoor ki man hai.

kalikadin ne giradhari ke kheton se istipha de diya hai, kyonki giradhari abhi tak apane kheton ke charon taraph mndaraya karata hai. andhera hote hi vah mend par akar baith jata hai aur kabhi-kabhi rat ko udhar se usake rone ki avaz sunaee deti hai. vah kisi se bolata nahin, kisi ko chhedata nahin. use keval apane kheton ko dekhakar sntosh hota hai. diya jalane ke bad udhar ka rasta bnd ho jata hai.

lala onkaranath bahut chahate hain ki ye khet uth jaen, lekin ganv ke log un kheton ka nam lete darate hain.


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah