कफ़न- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

jhopade ke dvar par bap aur beta donon ek bujhe hue alav ke samane chupachap baithe hue hain aur andar bete ki javan bibi budhiya prasav-vedana men pachhad kha rahi thi. rah-rahakar usake munh se aisi dil hila dene vali avaz nikalati thi, ki donon kaleja tham lete the. jadon ki rat thi, prakriti sannate men doobi huee, sara ganv andhakar men lay ho gaya tha.

ghisoo ne kaha-maloom hota hai, bachegi nahin. sara din daudate ho gaya, ja dekh to a.

madhav chidhaqar bola-marana hi to hai jaldi mar kyon nahin jati? dekhakar kya karoon?

‘too bada bedard hai be! sal-bhar jisake sath sukh-chain se raha, usi ke sath itani bevaphaee!’

‘to mujhase to usaka tadapana aur hath-panv patakana nahin dekha jata.’

chamaron ka kunaba tha aur sare ganv men badanam. ghisoo ek din kam karata to tin din aram karata. madhav itana kam-chor tha ki adh ghante kam karata to ghante bhar chilam pita. isalie unhen kahin mazadoori nahin milati thi. ghar men muththi-bhar bhi anaj maujood ho, to unake lie kam karane ki kasam thi. jab do-char phake ho jate to ghisoo ped par chadhaqar lakadiy़an tod lata aur madhav bazar se bech lata aur jab tak vah paise rahate, donon idhar-udhar mare-mare phirate. ganv men kam ki kami n thi. kisanon ka ganv tha, mehanati adami ke lie pachas kam the. magar in donon ko usi vakt bulate, jab do adamiyon se ek ka kam pakar bhi santosh kar lene ke siva aur koee chara n hota. agar dono sadhu hote, to unhen santosh aur dhairy ke lie, snyam aur niyam ki bilakul zaroorat n hoti. yah to inaki prakriti thi. vichitr jivan tha inaka! ghar men mitti ke do-char bartan ke siva koee sampatti nahin. phate chithadon se apani nagnata ko dhanke hue jiye jate the. snsar ki chintaon se mukt karz se lade hue. galiyan bhi khate, mar bhi khate, magar koee gam nahin. din itane ki vasooli ki bilakul asha n rahane par bhi log inhen kuchh-n-kuchh karz de dete the. matar, aloo ki phasal men doosaron ke kheton se matar ya aloo ukhad late aur bhoon-bhanakar kha lete ya das-panch ookh ukhad late aur rat ko choosate. ghisoo ne isi akash-vritti se sath sal ki umr kat di aur madhav bhi sapoot bete ki tarah bap hi ke pad-chihnon par chal raha tha, balki usaka nam aur bhi ujagar kar raha tha. is vakt bhi donon alav ke samane baithakar aloo bhoon rahe the, jo ki kisi khet se khod laye the. ghisoo ki stri ka to bahut din hue, dehant ho gaya tha. madhav ka byah pichhale sal hua tha. jab se yah aurat ayi thi, usane is khanadan men vyavastha ki ninv dali thi aur in donon be-gairaton ka dojakh bharati rahati thi. jab se vah ayi, yah donon aur bhi aramatalab ho gaye the. balki kuchh akadऩe bhi lage the. koee kary karane ko bulata, to nibryaj bhav se duguni mazadoori mangate. vahi aurat aj prasav-vedana se mar rahi thi aur yah donon isi intajar men the ki vah mar jae, to aram se soyen.

ghisoo ne aloo nikalakar chhilate hue kaha-jakar dekh to, kya dasha hai usaki? chudail ka phisad hoga, aur kya? yahan to ojha bhi ek rupaya mangata hai!

madhav ko bhay tha, ki vah kothari men gaya, to ghisoo aluon ka bada bhag saf kar dega. bola-mujhe vahan jate dar lagata hai.

‘dar kis bat ka hai, main to yahan hoon hi.’

‘to tumhin jakar dekho n?’

‘meri aurat jab mari thi, to main tin din tak usake pas se hila tak nahin; aur phir mujhase lajaegi ki nahin? jisaka kabhi munh nahin dekha, aj usaka ughada hua badan dekhoon! use tan ki sudh bhi to n hogi? mujhe dekh legi to khulakar hath-panv bhi n patak sakegi!’

‘main sochata hoon koee bal-bachcha hua, to kya hoga? sonth, gud, tel, kuchh bhi to nahin hai ghar men!’

‘sab kuchh a jaega. bhagavanh den to! jo log abhi ek paisa nahin de rahe hain, ve hi kal bulakar rupaye denge. mere nau ladake hue, ghar men kabhi kuchh n tha; magar bhagavanh ne kisi-n-kisi tarah beda par hi lagaya.’

jis samaj men rat-din mehanat karane valon ki halat unaki halat se kuchh bahut achchhi n thi, aur kisanon ke mukabale men ve log, jo kisanon ki durbalataon se labh uthana janate the, kahin zyada sampann the, vahan is tarah ki manovritti ka paida ho jana koee acharaj ki bat n thi. ham to kahenge, ghisoo kisanon se kahin zyada vicharavanh tha aur kisanon ke vichar-shoony samooh men shamil hone ke badale baithakabajon ki kutsit mandali men ja mila tha. han, usamen yah shakti n thi, ki baithakabajon ke niyam aur niti ka palan karata. isalie jahan usaki mandali ke aur log ganv ke saragana aur mukhiya bane hue the, us par sara ganv ungali uthata tha. phir bhi use yah tasakin to thi hi ki agar vah phatehal hai to kam-se-kam use kisanon ki-si ji-tod mehanat to nahin karani padati, aur usaki saralata aur nirihata se doosare log beja fayada to nahin uthate! donon aloo nikal-nikalakar jalate-jalate khane lage. kal se kuchh nahin khaya tha. itana sabr n tha ki thanda ho jane den. kee bar donon ki jabanen jal gayin. chhil jane par aloo ka bahari hissa jaban, halak aur taloo ko jala deta tha aur us angare ko munh men rakhane se zyada khairiyat isi men thi ki vah andar pahunch jae. vahan use thanda karane ke lie kafi saman the. isalie donon jald-jald nigal jate. halanki is koshish men unaki ankhon se ansoo nikal ate.

ghisoo ko us vakt thakur ki barat yad ayi, jisamen bis sal pahale vah gaya tha. us davat men use jo tripti mili thi, vah usake jivan men ek yad rakhane layaq bat thi, aur aj bhi usaki yad taji thi, bola-vah bhoj nahin bhoolata. tab se phir us tarah ka khana aur bharapet nahin mila. ladaqi valon ne sabako bhar pet poodiy़an khilaee thin, sabako! chhote-bade sabane poodiy़an khayin aur asali ghi ki! chatani, rayata, tin tarah ke sookhe sag, ek rasedar tarakari, dahi, chatani, mithaee, ab kya bataoon ki us bhoj men kya svad mila, koee rok-tok nahin thi, jo chiz chaho, mango, jitana chaho, khao. logon ne aisa khaya, aisa khaya, ki kisi se pani n piya gaya. magar parosane vale hain ki pattal men garm-garm, gol-gol suvasit kachaudiy़an dal dete hain. mana karate hain ki nahin chahie, pattal par hath roke hue hain, magar vah hain ki diye jate hain. aur jab sabane munh dho liya, to pan-ilayachi bhi mili. magar mujhe pan lene ki kahan sudh thi? khada hua n jata tha. chatapat jakar apane kambal par let gaya. aisa dil-dariyav tha vah thakur!

madhav ne in padarthon ka man-hi-man maja lete hue kaha-ab hamen koee aisa bhoj nahin khilata.

‘ab koee kya khilaega? vah jamana doosara tha. ab to sabako kiphayat soojhati hai. sadi-byah men mat kharch karo, kriya-karm men mat kharch karo. poochho, garibon ka mal bator-batorakar kahan rakhoge? batorane men to kami nahin hai. han, kharch men kiphayat soojhati hai!’

‘tumane ek bis pooriyan khayi hongi?’

‘bis se zyada khayi thin!’

‘main pachas kha jata!’

‘pachas se kam mainne n khayi hongi. achchha paka tha. too to mera adha bhi nahin hai.’

aloo khakar donon ne pani piya aur vahin alav ke samane apani dhotiyan odhakar panv pet men dale so rahe. jaise do bade-bade ajagar genduliya mare pade hon.

aur budhiya abhi tak karah rahi thi.

2

sabere madhav ne kothari men jakar dekha, to usaki stri thandi ho gayi thi. usake munh par makkhiyan bhinak rahi thin. patharaee huee ankhen oopar tngi huee thin. sari deh dhool se lathapath ho rahi thi. usake pet men bachcha mar gaya tha.

madhav bhaga hua ghisoo ke pas aya. phir donon jor-jor se hay-hay karane aur chhati pitane lage. pados valon ne yah rona-dhona suna, to daude hue aye aur purani maryada ke anusar in abhagon ko samajhane lage.

magar zyada rone-pitane ka avasar n tha. kafan ki aur lakadi ki fikr karani thi. ghar men to paisa is tarah gayab tha, jaise chil ke ghonsale men mans?

bap-bete rote hue ganv ke zamindar ke pas gaye. vah in donon ki soorat se nafarat karate the. kee bar inhen apane hathon se pit chuke the. chori karane ke lie, vade par kam par n ane ke lie. poochha-kya hai be ghisua, rota kyon hai? ab to too kahin dikhalaee bhi nahin deta! maloom hota hai, is ganv men rahana nahin chahata.

ghisoo ne zamin par sir rakhakar ankhon men ansoo bhare hue kaha-sarakar! badi vipatti men hoon. madhav ki gharavali rat ko gujar gayi. rat-bhar tadapati rahi sarakar! ham donon usake sirahane baithe rahe. dava-daroo jo kuchh ho saka, sab kuchh kiya, muda vah hamen daga de gayi. ab koee ek roti dene vala bhi n raha malik! tabah ho gaye. ghar ujad gaya. apaka gulam hoon, ab apake siva kaun usaki mitti par lagaega. hamare hath men to jo kuchh tha, vah sab to dava-daroo men uth gaya. sarakar hi ki daya hogi, to usaki mitti uthegi. apake siva kisake dvar par jaoon.

zamindar sahab dayalu the. magar ghisoo par daya karana kale kambal par rng chadhana tha. ji men to aya, kah den, chal, door ho yahan se. yon to bulane se bhi nahin ata, aj jab garaj padi to akar khushamad kar raha hai. haramakhor kahin ka, badamash! lekin yah krodh ya dand dene ka avasar n tha. ji men kudhate hue do rupaye nikalakar phenk die. magar santvana ka ek shabd bhi munh se n nikala. usaki taraph taka tak nahin. jaise sir ka bojh utara ho.

jab zamindar sahab ne do rupaye diye, to ganv ke baniye-mahajanon ko inakar ka sahas kaise hota? ghisoo zamindar ke nam ka dhindhora bhi pitana janata tha. kisi ne do ane diye, kisi ne chare ane. ek ghante men ghisoo ke pas panch rupaye ki achchhi rakam jama ho gayi. kahin se anaj mil gaya, kahin se lakadi. aur dopahar ko ghisoo aur madhav bazar se kafan lane chale. idhar log bans-vans katane lage.

ganv ki narmadil striyan a-akar lash dekhati thin aur usaki bekasi par do boond ansoo girakar chali jati thin.

3

bazar men pahunchakar ghisoo bola-lakadi to use jalane-bhar ko mil gayi hai, kyon madhav!

madhav bola-han, lakadi to bahut hai, ab kafan chahie.

‘to chalo, koee halaka-sa kafan le len.’

‘han, aur kya! lash uthate-uthate rat ho jaegi. rat ko kafan kaun dekhata hai?’

‘kaisa bura rivaj hai ki jise jite ji tan dhankane ko chithada bhi n mile, use marane par naya kafan chahie.’

‘kafan lash ke sath jal hi to jata hai.’

‘aur kya rakha rahata hai? yahi panch rupaye pahale milate, to kuchh dava-daroo kar lete.’

donon ek-doosare ke man ki bat tad rahe the. bazar men idhar-udhar ghoomate rahe. kabhi is bajaj ki dookan par gaye, kabhi usaki dookan par! tarah-tarah ke kapade, reshami aur sooti dekhe, magar kuchh jncha nahin. yahan tak ki sham ho gayi. tab donon n jane kis daivi prerana se ek madhushala ke samane ja pahunche. aur jaise kisi poorv nishchit vyavastha se andar chale gaye. vahan jara der tak donon asamnjas men khade rahe. phir ghisoo ne gaddi ke samane jakar kaha-sahooji, ek botal hamen bhi dena.

usake bad kuchh chikhauna aya, tali huee machhali ayi aur donon baramade men baithakar shantipoorvak pine lage.

kee kujjiyan tabadatod pine ke bad donon saroor men a gaye.

ghisoo bola-kafan lagane se kya milata? akhir jal hi to jata. kuchh bahoo ke sath to n jata.

madhav asaman ki taraph dekhakar bola, manon devataon ko apani nishpapata ka sakshi bana raha ho-duniya ka dastoor hai, nahin log banbhanon ko hajaron rupaye kyon de dete hain? kaun dekhata hai, paralok men milata hai ya nahin!

‘bade adamiyon ke pas dhan hai, foonke. hamare pas phoonkane ko kya hai?’

‘lekin logon ko javab kya doge? log poochhenge nahin, kafan kahan hai?’

ghisoo hnsa-abe, kah denge ki rupaye kamar se khisak gaye. bahut dhoondha, mile nahin. logon ko vishvas n aega, lekin phir vahi rupaye denge.

madhav bhi hnsa-is anapekshit saubhagy par. bola-badi achchhi thi bechari! mari to khoob khila-pilakar!

adhi botal se zyada ud gayi. ghisoo ne do ser poodiy़an mngaee. chatani, achar, kalejiyan. sharabakhane ke samane hi dookan thi. madhav lapakakar do pattalon men sare saman le aya. poora dedh rupaya kharch ho gaya. sirph thode se paise bach rahe.

donon is vakt is shan men baithe poodiy़an kha rahe the jaise jngal men koee sher apana shikar uda raha ho. n javabadehi ka khauph tha, n badanami ki fikr. in sab bhavanaon ko unhonne bahut pahale hi jit liya tha.

ghisoo darshanik bhav se bola-hamari atma prasann ho rahi hai to kya use punn n hoga?

madhav ne shraddha se sir jhukakar tasadiq ki-zaroor-se-zaroor hoga. bhagavanh, tum antaryami ho. use baikunth le jana. ham donon hriday se ashirvad de rahe hain. aj jo bhojan mila vah kabhi umr-bhar n mila tha.

ek kshan ke bad madhav ke man men ek shnka jagi. bola-kyon dada, ham log bhi ek-n-ek din vahan jaenge hi?

ghisoo ne is bhole-bhale saval ka kuchh uttar n diya. vah paralok ki baten sochakar is anand men badha n dalana chahata tha.

‘jo vahan ham logon se poochhe ki tumane hamen kafan kyon nahin diya to kya kahoge?’

‘kahenge tumhara sir!’

‘poochhegi to zaroor!’

‘too kaise janata hai ki use kafan n milega? too mujhe aisa gadha samajhata hai? sath sal kya duniya men ghas khodata raha hoon? usako kafan milega aur bahut achchha milega!’

madhav ko vishvas n aya. bola-kaun dega? rupaye to tumane chat kar diye. vah to mujhase poochhegi. usaki mang men to sendur mainne dala tha.

‘kaun dega, batate kyon nahin?’

‘vahi log denge, jinhonne abaki diya. han, abaki rupaye hamare hath n aenge.’

‘jyon-jyon andhera badhata tha aur sitaron ki chamak tej hoti thi, madhushala ki raunak bhi badhati jati thi. koee gata tha, koee ding marata tha, koee apane sngi ke gale lipata jata tha. koee apane dost ke munh men kulhad lagaye deta tha.

vahan ke vatavaran men saroor tha, hava men nasha. kitane to yahan akar ek chulloo men mast ho jate the. sharab se zyada yahan ki hava un par nasha karati thi. jivan ki badhaen yahan khinch lati thin aur kuchh der ke lie yah bhool jate the ki ve jite hain ya marate hain. ya n jite hain, n marate hain.

aur yah donon bap-bete ab bhi maje le-lekar chusakiyan le rahe the. sabaki nigahen inaki or jami huee thin. donon kitane bhagy ke bali hain! poori botal bich men hai.

bharapet khakar madhav ne bachi huee poodiy़on ka pattal uthakar ek bhikhari ko de diya, jo khada inaki or bhookhi ankhon se dekh raha tha. aur dene ke gaurav, anand aur ullas ka apane jivan men pahali bar anubhav kiya.

ghisoo ne kaha-le ja, khoob kha aur ashirvad de! jisaki kamaee hai, vah to mar gayi. magar tera ashirvad use zaroor pahunchega. royen-royen se ashirvad do, badi gadhi kamaee ke paise hain!

madhav ne phir asaman ki taraph dekhakar kaha-vah baikunth men jaegi dada, baikunth ki rani banegi.

ghisoo khada ho gaya aur jaise ullas ki laharon men tairata hua bola-han, beta baikunth men jaegi. kisi ko sataya nahin, kisi ko dabaya nahin. marate-marate hamari zindagi ki sabase badi lalasa poori kar gayi. vah n baikunth jaegi to kya ye mote-mote log jaenge, jo garibon ko donon hathon se lootate hain, aur apane pap ko dhone ke lie gnga men nahate hain aur mandiron men jal chadhate hain?

shraddhaluta ka yah rng turant hi badal gaya. asthirata nashe ki khasiyat hai. du:kh aur nirasha ka daura hua.

madhav bola-magar dada, bechari ne zindagi men bada du:kh bhoga. kitana du:kh jhelakar mari!

vah ankhon par hath rakhakar rone laga. chikhen mar-marakar.

ghisoo ne samajhaya-kyon rota hai beta, khush ho ki vah maya-jal se mukt ho gayi, jnjal se chhoot gayi. badi bhagyavan thi, jo itani jald maya-moh ke bandhan tod diye.

aur donon khade hokar gane lage-

‘thagini kyon naina jhamakave! thagini.

piyakkadon ki ankhen inaki or lagi huee thin aur yah donon apane dil men mast gaye jate the. phir donon nachane lage. uchhale bhi, koode bhi. gire bhi, matake bhi. bhav bhi bataye, abhinay bhi kiye. aur akhir nashe men madamast hokar vahin gir pade.

tika tippani aur sndarbh


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah