नैराश्य -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

baj adami apani stri se isalie naraz rahate hain ki usake ladakiyan hi kyon hoti hain, ladake kyon nahin hote. janate hain ki inamen stri ka dosh nahin hai, ya hai to utana hi jitana mera, phir bhi jab dekhie stri se roothe rahate hain, use abhagini kahate hain aur sadaiv usaka dil dukhaya karate hain. nirupama unhin abhagini striyon men thi aur ghamndilal tripathi unhin atyachari purushon men. nirupama ke tin betiyan lagatar huee thin aur vah sare ghar ki nigahon se gir gayi thi. sas-sasur ki aprasannata ki to use vishesh chinta n thi, ve purane jamane ke log the, jab ladakiyan garadan ka bojh aur poorvajanmon ka pap samajhi jati thin. han, use duahkh apane patidev ki aprasannata ka tha jo padhe-likhe adami hokar bhi use jali-kati sunate rahate the. pyar karana to door raha, nirupama se sidhe munh bat n karate, kee-kee dinon tak ghar hi men n ate aur ate bhi to kuchh is tarah khinche-tane hue rahate ki nirupama thar-thar kanpati rahati thi, kahin garaj n uthen. ghar men dhan ka abhav n tha; par nirupama ko kabhi yah sahas n hota tha ki kisi samany vastu ki ichchha bhi prakat kar sake. vah samajhati thi, main yatharth men abhagin hoon, nahin to kya bhagavanh meri kokh men ladakiyan hi rachate. pati ki ek mridu muskan ke lie, ek mithi bat ke lie usaka hriday tadapakar rah jata tha. yahan tak ki vah apani ladakiyon ko pyar karate hue sakuchati thi ki log kahenge, pital ki nath par itana guman karati hai. jab tripathiji ke ghar men ane ka samay hota to kisi-n-kisi bahane se vah ladakiyon ko unaki ankhon se door kar deti thi. sabase badi vipatti yah thi ki tripathiji ne dhamaki di thi ki abaki kanya huee to ghar chhodakar nikal jaoonga, is narak men kshan-bhar bhi n thaharoonga. nirupama ko vah chinta aur bhi khaye jati thi.

vah mngal ka vrat rakhati thi, ravivar, nirjala ekadasi aur n jane kitane vrat karati thi. snan-pooja to nity ka niyam tha; par kisi anushthan se manokamana n poori hoti thi. nity avahelana, tiraskar, upeksha, apaman sahate-sahate usaka chitt snsar se virakt ho jata tha. jahan kan ek mithi bat ke lie, ankhen ek prem-drishti ke lie, hriday ek alingan ke lie taras kar rah jaye, ghar men apani koee bat n poochhe, vahan jivan se kyon n aruchi ho jay ?

ek din ghor nirasha ki dasha men usane apani badi bhavaj ko ek patr likha. ek-ek akshar se asahy vedana tapak rahi thi. bhavaj ne uttar diya- tumhare bhaiya jald tumhen vida karane jaynge. yahan ajakal ek sachche mahatma aye hue hain jinaka ashirvad kabhi nishphal nahin jata. yahan kee sntanahin striyan unake ashirvad se putravati ho gayin. poorn asha hai ki tumhen bhi unaka ashirvad kalyanakari hoga.

nirupama ne yah patr pati ko dikhaya. tripathiji udasin bhav se bole- srishti-rachana mahatmaon ke hath ka kam nahin, eeshvar ka kam hai.

nirupama- han, lekin mahatmaon men bhi to kuchh siddhi hoti hai.

ghamndilal- han hoti hai, par aise mahatmaon ke darshan durlabh hain.

nirupama- main to is mahatma ke darshan karoongi.

ghamndilal- chali jana.

nirupama- jab banjhinon ke ladake hue to main kya unase bhi gayi-gujari hoon ?

ghamndilal- kah to diya bhaee chali jana. yah karake bhi dekh lo. mujhe to aisa maloom hota hai, putr ka mukh dekhana hamare bhagy men hi nahin hai.

2

kee din bad nirupama apane bhaee ke sath maike gayi. tinon putriyan bhi sath thin. bhabhi ne unhen prem se gale lagakar kaha, tumhare ghar ke adami bade nirdayi hain. aisi gulab ke phoolon ki-si ladakiyan pakar bhi takadir ko rote hain. ye tumhen bhari hon to mujhe de do. jab nanad aur bhavaj bhojan karake letin to nirupama ne poochha- vah mahatma kahan rahate hain ?

bhavaj- aisi jaldi kya hai, bata doongi.

nirupama- hai nagich hi n ?

bhavaj- bahut nagich. jab kahogi, unhen bula doongi.

nirupama- to kya tum logon par bahut prasann hain kya ?

bhavaj- donon vakt yahin bhojan karate hain. yahin rahate hain.

nirupama- jab ghar hi men vaidy to mariye kyon ? aj mujhe unake darshan kara dena.

bhavaj- bhent kya dogi ?

nirupama- main kis layaq hoon ?

bhavaj- apani sabase chhoti ladaki de dena.

nirupama- chalo, gali deti ho.

bhavaj- achchha yah n sahi, ek bar unhen premalingan karane dena.

nirupama- bhabhi, mujhase aisi hnsi karogi to main chali jaoongi.

bhavaj- vah mahatma bade rasiya hain.

nirupama- to choolhe men jayn. koee dusht hoga.

bhavaj- unaka ashirvad to isi shart par milega. vah aur koee bhent svikar hi nahin karate.

nirupama- tum to yon baten kar rahi ho mano unaki pratinidhi ho.

bhavaj- han, vah yah sab vishay mere hi dvara tay kiya karate hain. main bhent leti hoon. main hi ashirvad deti hoon, main hi unake hitarth bhojan kar leti hoon.

nirupama- to yah kaho ki tumane mujhe bulane ke lie yah hila nikala hai.

bhavaj- nahin, unake sath hi tumhen kuchh aise gur bata doongi jisase tum apane ghar aram se raho.

isake bad donon sakhiyon men kanaphoosi hone lagi. jab bhavaj chup huee to nirupama boli- aur jo kahin phir kanya huee to ?

bhavaj- to kya ? kuchh din to shanti aur sukh se jivan katega. yah din to koee lauta n lega. putr hua to kahana hi kya, putri huee to phir koee nayi yukti nikali jayagi. tumhare ghar ke jaise akl ke dushmanon ke sath aisi hi chalen chalane men gujara hai.

nirupama- mujhe to snkoch maloom hota hai.

bhavaj- tripathiji ko do-char din men patr likh dena ki mahatma ji ke darshan hue aur unhonne mujhe varadan diya hai. eeshvar ne chaha to usi din se tumhari man-pratishtha hone lagegi. ghamndi daude hue ayenge aur tumhare oopar pran nichhavar karenge. kam-se-kam sal-bhar to chain ki vnshi bajana. isake bad dekhi jayagi.

nirupama- pati se kapat karoon to pap n lagega ?

bhavaj- aise svarthiyon se kapat karana puny hai.

3

tin-char mahine ke bad nirupama apane ghar ayi. ghamndilal use vida karane gaye the. sarahaj ne mahatmaji ka rng aur bhi chokha kar diya. boli- aisa to kisi ko dekha nahin ki in mahatmaji ne varadan diya ho aur vah poora n ho gaya ho. han, jisaka bhagy hi phoot jay use koee kya kar sakata hai.

ghamndilal pratyaksh to varadan aur ashirvad ki upeksha hi karate rahe, in baton par vishvas karana ajakal snkochajanak maloom hota hai; par unake dil par asar zaroor hua.

nirupama ki khatiradariyan honi shuroo hueen. jab vah garbhavati huee to sabake dilon men nayi-nayi ashaen hiloren lene lagin. sas jo uthate gali aur baithate vyngy se baten karati thi ab use pan ki tarah pherati- beti, tum rahane do, main hi rasoee bana loongi, tumhara sir dukhane lagega. kabhi nirupama kalase ka pani ya koee charapaee uthane lagati to sas daudati- bahoo, rahane do, main ati hoon, tum koee bhari chiz mat uthaya karo. ladakiyon ki bat aur hoti hai, un par kisi bat ka asar nahin hota, ladake to garbh hi men man karane lagate hain. ab nirupama ke lie doodh ka uthauna kiya gaya, jisase balak pusht aur gora ho. ghamndilal vastrabhooshanon par utaroo ho gaye. har mahine ek-n-ek nayi chiz late. nirupama ka jivan itana sukhamay kabhi n tha. us samay bhi nahin jab naveli vadhoo thi.

mahine gujarane lage. nirupama ko anubhoot lakshanon se vidit hone laga ki yah kanya hi hai; par vah is bhed ko gupt rakhati thi. sochati, savan ki dhoop hai, isaka kya bharosa jitani chiz dhoop men sukhani ho sukha lo, phir to ghata chhayegi hi. bat-bat par bigadati. vah kabhi itani manashila n thi. par ghar men koee choon tak n karata ki kahin bahoo ka dil n dukhe, nahin balak ko kasht hoga. kabhi-kabhi nirupama keval gharavalon ko jalane ke lie anushthan karati, use unhen jalane men maja ata tha. vah sochati, tum svarthiyon ko jitana jalaoon utana achchha ! tum mera adar isalie karate ho n ki main bachcha janoongi jo tumhare kul ka nam chalayega. main kuchh nahin hoon, balak hi sab-kuchh hai. mera apana koee mahattv nahin, jo kuchh hai vah balak ke nate. yah mere pati hain ! pahale inhen mujhase kitana prem tha, tab itane snsar-lolup n hue the. ab inaka prem keval svarth ka svang hai. main bhi pashu hoon jise doodh ke lie chara-pani diya jata hai. khair, yahi sahi, is vakt to tum mere kaboo men aye ho ! jitane gahane ban saken banava loon, inhen to chhin n loge.

is tarah das mahine poore ho gaye. nirupama ki donon nanaden sasural se bulayi gayin. bachche ke lie pahale hi se sone ke gahane banava liye gaye, doodh ke lie ek sundar dudhar gay mol le li gayi, ghamndilal use hava khilane ko ek chhoti-si sejagadi laye. jis din nirupama ko prasav-vedana hone lagi, dvar par pnditaji muhoort dekhane ke lie bulaye gaye. ek mirashikar bndook chhodane ko bulaya gaya, gayanen mngal-gan ke lie bator li gayin. ghar men til-til par khabar mngayi jati thi, kya hua ? ledi daauktar bhi bulayi gayi. bajevale hukm ke intazar men baithe the. pamar bhi apani sarngi liye ‘jachcha man kare nndalal son’ ki tan sunane ko taiyar baitha tha. sari taiyariyan, sari ashaen, sara utsah, sara samaroh ek hi shabd par avalambit tha. jyon-jyon der hoti thi logon men utsukata badhati jati thi. ghamndilal apane manobhavon ko chhipane ke lie ek samachar-patr dekh rahe the, mano unhen ladaka ya ladaki donon hi barabar hain. magar unake boodhe pitaji itane savadhan n the. unaki bachhen khili jati thin, hns-hnsakar sabase bat kar rahe the aur paison ki ek thaili ko bar-bar uchhalate the.

mirashikar ne kaha- malik se abaki pagadi dupatta loonga.

pitaji ne khilakar kaha- abe kitani pagadiyan lega ? itani bebhav ki doonga ki sar ke bal gnje ho jaynge.

pamar bola- sarakar se abaki kuchh jivika loon.

pitaji khilakar bole- abe kitani khayega; khila-khilakar pet phad doonga.

sahasa mahari ghar men se nikali. kuchh ghabarayi-si thi. vah abhi kuchh bolane bhi n payi thi ki mirashikar ne bandook phair kar hi to di. bandook chhootani thi ki roshanachauki ki tan bhi chhid gayi, pamar bhi kamar kasakar nachane ko khada ho gaya.

mahari- are tum sab-ke-sab bhng kha gaye ho kya ?

mirashikar- kya hua kya ?

mahari- hua kya, ladaki hi to phir huee hai.

pitaji- ladaki huee hai ?

yah kahate-kahate vah kamar thamakar baith gaye mano vajr gir pada. ghamndilal kamare se nikal aye aur bole- jakar ledi daauktar se to poochh. achchhi tarah dekh le. dekha n suna, chal khadi huee.

mahari- babooji, mainne to ankhon dekha hai !

ghamndilal- kanya hi hai ?

pita- hamari takadir hi aisi hai beta ! jao re sab-ke-sab ! tum sabhi ke bhagy men kuchh pana n likha tha to kahan se pate. bhag jao. saikadon rupaye par pani phir gaya, sari taiyari mitti men mil gayi.

ghamndilal- is mahatma se poochhana chahie. main aj dak se jara bacha kar khabar leta hoon.

pita- dhoort hai, dhoort !

ghamndilal- main usaki sari dhoortata nikal doonga. mare dndon ke khopadi n tod doon to kahiega. chandal kahin ka ! usake karan mere saikadon rupaye par pani phir gaya. yah sejagadi, yah gay, yah palana, yah sone ke gahane kisake sir patakoon. aise hi usane kitanon hi ko thaga hoga. ek dapha bacha ki marammat ho jati to thik ho jate.

pitaji- beta, usaka dosh nahin, apane bhagy ka dosh hai.

ghamndilal- usane kyon kaha aisa nahin hoga. auraton se is pakhnd ke lie kitane hi rupaye ainthe honge. vah sab unhen ugalana padega, nahin to pulis men rapat kar doonga. qanoon men pakhnd ka bhi to dnd hai. main pahale hi chaunka tha ki ho n ho pakhndi hai; lekin meri sarahaj ne dhokha diya, nahin to main aise pajiyon ke pnje men kab anevala tha. ek hi suar hai.

pitaji- beta, sabr karo. eeshvar ko jo kuchh mnjoor tha, vah hua. ladaka-ladaki donon hi eeshvar ki den hain, jahan tin hain vahan ek aur sahi.

pita aur putr men to yah baten hoti rahin. pamar, mirashikar adi ne apane-apane dnde snbhale aur apani rah chale. ghar men matam-sa chha gaya, ledi daauktar bhi vida kar di gayi, saur men jachcha aur daee ke siva koee n raha. vriddha mata to itani hatash huee ki usi vakt atavas-khatavas lekar pad rahi.

jab bachche ki barahi ho gayi to ghamndilal stri ke pas gaye aur sarosh bhav se bole- phir ladaki ho gayi !

nirupama- kya karoon, mera kya bas ?

ghamndilal- us papi dhoort ne bada chakama diya.

nirupama- ab kya kahoon, mere bhagy hi men n hoga, nahin to vahan kitani hi auraten babaji ko rat-din ghere rahati thin. vah kisi se kuchh lete to kahati ki dhoort hain, kasam le lo jo mainne ek kaudi bhi unhen di ho.

ghamndilal- usane liya ya n liya, yahan to divala nikal gaya. maloom ho gaya takadir men putr nahin likha hai. kul ka nam doobana hi hai to kya aj dooba, kya das sal bad dooba. ab kahin chala jaoonga, grihasthi men kaun-sa sukh rakha hai.

vah bahut der tak khade-khade apane bhagy ko rote rahe; par nirupama ne sir tak n uthaya.

nirupama ke sir phir vahi vipatti a padi, phir vahi tane, vahi apaman, vahi anadar, vahi chhichhaledar, kisi ko chinta n rahati ki khati-piti hai ya nahin, achchhi hai ya bimar hai, dukhi hai ya sukhi. ghamndilal yadyapi kahin n gaye, par nirupama ko yah dhamaki prayah nity hi milati rahati thi. kee mahine yon hi gujar gaye to nirupama ne phir bhavaj ko likha ki tumane aur bhi mujhe vipatti men dal diya. isase to pahale hi bhali thi. ab to koee bat bhi nahin poochhata ki marati hai ya jiti hai. agar yahi dasha rahi to svami ji chahe sannyas len ya n len, lekin main snsar ko avashy tyag doongi.

bhabhi yah patr pakar paristhiti samajh gayi. abaki usane nirupama ko bulaya nahin, janati thi ki log vida hi n karenge, pati ko lekar svayn a pahunchi. usaka nam sukeshi tha. badi milanasar, chatur, vinodashil stri thi. ate hi ate nirupama ki god men kanya dekhi to boli- are yah kya ?

sas- bhagy hai aur kya !

sukeshi- bhagy kaisa ? isane mahatmaji ki baten bhula di hongi. aisa to ho hi nahin sakata ki vah munh se jo kuchh kah den, vah n ho. kyon ji, tumane mngal ka vrat rakha ?

nirupama- barabar, ek vrat bhi n chhoda.

sukeshi- panch brahmanon ko mngal ke din bhojan karati rahin ?

nirupama- yah to unhonne nahin kaha tha.

sukeshi- tumhara sir, mujhe khoob yad hai, mere samane unhonne bahut zor dekar kaha tha. tumane socha hoga, brahmanon ko bhojan karane se kya hota hai. yah n samajha ki koee anushthan saphal nahin hota jab tak vidhivath usaka palan n kiya jay.

sas- isane kabhi isaki charcha hi nahin ki; nahin, panch kya das brahmanon ko jima deti. tumhare dharm se kuchh kami nahin hai.

sukeshi- kuchh nahin, bhool ho gayi aur kya. rani, bete ka munh yon dekhana nasib nahin hota. bade-bade jap-tap karane padate hain, tum mngal ke ek vrat hi se ghabara gayin ?

sas- abhagini hai aur kya ?

ghamndilal- aisi kaun-si badi baten thin, jo yad n rahin ? vah khud ham logon ko jalana chahati hai.

sas- vahi to kahoon ki mahatma ki bat kaise nishphal huee. yahan sat barason tak ‘tulasi maee’ ko diya chadhaya, jab ja ke bachche ka janm hua.

ghamndilal- inhonne samajha tha dal-bhat ka kaur hai !

sukeshi- khair, ab jo hua, so hua kal mngal hai, phir vrat rakho aur abaki sat brahmanon ko jimao. dekhen, kaise mahatmaji ki bat nahin poori hoti.

ghamndilal- vyarth hai, inake kiye kuchh n hoga.

sukeshi- babooji, ap vidvanh samajhadar hokar itana dil chhota karate hain. abhi apaki umr hi kya hai. kitane putr lijiega ? nakon dam n ho jay to kahiega.

sas- beti, doodh-poot se bhi kisi ka man bhara hai ?

sukeshi- eeshvar ne chaha to ap logon ka man bhar jayaga. mera to bhar gaya.

ghamndilal- sunati ho maharani, abaki koee golamal mat karana. apani bhabhi se sab byora achchhi tarah poochh lena.

sukeshi- ap nishchint rahen, main yad kara doongi; kya bhojan karana hoga, kaise rahana hoga, kaise snan karana hoga, yah sab likha doongi aur ammanji, aj ke atharah mas bad apase koee bhari inam loongi.

sukeshi ek saptah yahan rahi aur nirupama ko khoob likha-padhakar chali gayi.

4

nirupama ka iqabal phir chamaka, ghamndilal abaki itane ashvasit hue ki bhavishy ne bhoot ko bhula diya. nirupama phir bandi se rani huee, sas phir use pan ki bhanti pherane lagi, log usaka munh johane lage.

din gujarane lage, nirupama kabhi kahati ammanji, aj mainne svapn dekha ki ek vriddha stri ne akar mujhe pukara aur ek nariyal dekar boli- yah tumhen diye jati hoon; kabhi kahati, ammanji, abaki n jane kyon mere dil men badi-badi umngen paida ho rahi hain, ji chahata hai khoob gana sunoon, nadi men khoob snan karoon, haradam nasha-sa chhaya rahata hai. sas sunakar muskurati aur kahati- bahoo, ye shubh lakshan hain.

nirupama chupake-chupake majoon mngakar khati aur apane asal netron se takati huee ghamndilal se poochhati- meri ankhen lal hain kya ?

ghamndilal khush hokar kahate- maloom hota hai, nasha chadha hua hai. ye shubh lakshan hai.

nirupama ko sugndhon se kabhi itana prem n tha, phoolon ke gajaron par ab vah jan deti thi.

ghamndilal ab nity sote samay use mahabharat ki vir kathaen padh kar sunate, kabhi guru govindasinh ki kirti ka varnan karate. abhimanyu ki katha se nirupama ko bada prem tha. pita apane anevale putr ko vir-snskaron se paripoorit kar dena chahata tha.

ek din nirupama ne pati se kaha- nam kya rakhoge ?

ghamndilal- yah to tumane khoob socha. mujhe to isaka dhyan hi n raha tha. aisa nam hona chahie jisase shaury aur tej tapake. socho koee nam.

donon prani namon ki vyakhya karane lage. joravaralal se lekar harishchandr tak sabhi nam ginaye gaye, par us asamany balak ke lie koee nam n mila. ant men pati ne kaha- tegabahadur kaisa nam hai.

nirupama- bas-bas, yahi nam mujhe pasand hai ?

ghamndilal- nam to badhiya hai. tegabahadur ki kirti sun hi chuki ho. nam ka adami par bada asar hota hai.

nirupama- nam hi to sabakuchh hai. damadi, chhakaudi, ghurahoo, katavaroo, jisake nam dekhe use bhi ‘yatha nam tatha gun’ hi paya. hamare bachche ka nam hoga tegabahadur.

5

prasav-kal a pahuncha. nirupama ko maloom tha ki kya hone vala hai; lekin bahar mngalacharan ka poora saman tha. abaki kisi ko leshamatr bhi sndeh n tha. nach, gane ka prabndh bhi kiya gaya tha. ek shamiyana khada kiya gaya tha aur mitragan usamen baithe khush-gappiyan kar rahe the. halavaee kadah se pooriyan aur mithaiyan nikal raha tha. kee bore anaj ke rakhe hue the ki shubh samachar pate hi bhikshuon ko bante jayen. ek kshan ka bhi vilamb n ho, isalie boron ke munh khol diye gaye the.

lekin nirupama ka dil pratikshan baitha jata tha. ab kya hoga ? tin sal kisi tarah kaushal se kat gaye aur maje men kat gaye, lekin ab vipatti sir par mndara rahi hai. hay ! kitani paravashata hai ! niraparadh hone par bhi yah dnd ! agar bhagavanh ki ichchha hai ki mere garbh se koee putr n janm le to mera kya dosh ! lekin kaun sunata hai. main hi abhagini hoon, main hi tyajy hoon, main hi kalamunhi hoon, isilie n ki paravash hoon ! kya hoga ? abhi ek kshan men yah sara anndotsav shok men doob jayaga, mujh par bauchharen padane lagengi, bhitar se bahar tak mujhi ko kosenge, sas-sasur ka bhay nahin, lekin svami ji shayad phir mera munh n dekhen, shayad nirash hokar ghar-bar tyag den. charon taraph amngal hi amngal hai. main apane ghar ki, apani sntan ki durdasha dekhane ke lie kyon jivit hoon. kaushal bahut ho chuka, ab usase koee asha nahin. mere dil men kaise-kaise araman the. apani pyari bachchiyon ka lalan-palan karati, unhen byahati, unake bachchon ko dekhakar sukhi hoti. par ah ! yah sab araman khak men mile jate hain. bhagavanh ! tumhin ab inake pita ho, tumhin inake rakshak ho. main to ab jati hoon.

ledi daauktar ne kaha- vel ! phir ladaki hai.

bhitar-bahar kuharam mach gaya, pittas pad gayi. ghamndilal ne kaha- jahannum men jay aisi zindagi, maut bhi nahin a jati !

unake pita bhi bole- abhagini hai, vajr abhagini !

bhikshuon ne kaha- roo apani takadir ko, ham koee doosara dvar dekhate hain.

abhi yah shokodgar n hone paya tha ki ledi daauktar ne kaha- man ka hal achchha nahin hai. vah ab nahin bach sakati. usaka dil bnd ho gaya hai.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah