विचित्र होली -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

holi ka din tha; mistar e.bi. kras shikar khelane gaye hue the. saees, ardali, mehatar, bhishti, gvala, dhobi sab holi mana rahe the. sabon ne sahab ke jate hi khoob gahari bhng chadhayi thi aur is samay bagiche men baithe hue holi, phag ga rahe the. par rah-rahakar bngale ke phatak ki taraph jhank lete the ki sahab a to nahin rahe hain. itane men shekh noorali akar samane khade ho gaye.

saees ne poochha- kaho khanasamaji, sahab kab ayenge?

noorali bola- usaka jab ji chahe aye, mera aj istipha hai. ab isaki naukari n karoonga.

ardali ne kaha- aisi naukari phir n paoge. char paise oopar ki amadani hai. nahak chhodate ho.

noorali- aji, lanat bhejo ! ab mujhase gulami n hogi. yah hamen jooton se thukarayen aur ham inaki gulami karen ! aj yahan se dera kooch hai. ao, tum logon ki davat karoon. chale ao kamare men aram se mej par dat jao, vah botalen pilaoon ki jigar thnda ho jay.

saees- aur jo kahin sahab a jayn?

noorali- vah abhi nahin ane ka. chale ao.

sahabon ke naukar prayah sharabi hote hain. jis din se sahab ke yahan gulami likhayi, usi din se yah bala unake sir pad jati hai. jab malik svayn botal-ki-botal undel jata ho, to bhala naukar kyon chookane lage. yah nimntran pakar sab-ke-sab khil uthe. bhng ka nasha chadha hi hua tha. dhol-mnjire chhod-chhadakar noorali ke sath chale aur sahab ke khane ke kamare men kursiyon par a baithe. noorali ne hviski ki botal kholakar glas bhare aur charon ne chadhana shuroo kar diya. tharra pinevalon ne jab yah majedar chizen payin to glas ludhakane lage. khanasama bhi uttejit karata jata tha. jara der men sabon ke sir phir gaye. bhay jata raha. ek ne holi chhedi, doosare ne sur milaya. gana hone laga. noorali ne dhol-majira lakar rakh diya. vahin majalis jam gayi. gate-gate ek uthakar nachane laga. doosara utha. yahan tak ki sab-ke-sab kamare men chaukadiyan bharane lage. hoo-hak machane laga. kabir, phag, chautal, gali-galauj, mar-pit bari-bari sabaka nambar aya. sab aise nidar ho gaye the, mano apane ghar men hain. kursiyan ulat gayin. divaron par ki tasaviren toot gayin. ek ne mej ulat di. doosare ne rikabiyon ko gend banakar uchhalana shuroo kiya.

yahan yahi hngama macha hua tha ki shahar ke rees lala ujagaramal ka agaman hua. unhonne yah kautuk dekha to chakaraye. khanasama se poochha- yah kya golamal hai shekhaji, sahab dekhenge to kya kahenge?

noorali- sahab ka hukm hi aisa hai to kya karen. aj unhonne apane naukaron ki davat ki hai, unase holi khelane ko bhi kaha hai. sunate hain, lat sahab ke yahan se hukm aya hai ki riaya ke sath khoob rabt-jabt rakho, unake tyoharon men sharik ho. tabhi to yah hukm diya hai, nahin to inake mizaj hi n milate the. aie, tashariph rakhie. nikaloon koee majedar chiz ! abhi hal men vilayat se parasal aya hai.

seth ujagaramal bade udar vicharon ke manushy the. angreji davaton men bedhadak sharik hote the, rahan-sahan bhi angreji hi tha aur yooniyan klab ke to vah ekamatr kartta hi the, angrejon se unaki khoob chhanati thi aur mistar kras to unake param mitr hi the. jiladhish se, chahe vah koee ho, sadaiv unaki ghanishthata rahati thi. noorali ki baten sunate hi ek kursi par baith gaye aur bole- achchha ! yah bat hai? han, to phir nikalo koee majedar chiz ! kuchh gajal bhi ho.

noorali- hajoor, apake lie sabakuchh hajir hai.

lala sahab kuchh to ghar hi se pikar chale the, yahan kee glas chadhaye to jaban ladakhadate hue bole- kyon noorali, aj sahab holi khelenge?

noorali- ji han.

ujagar- lekin main rng-vng to laya nahin. bhejo chatapat kisi ko meri kothi se rng-pichakari vagairah laye. (saees se) kyon ghasite, aj to badi bahar hai.

ghasite- badi bahar hai, bahar hai, holi hai !

ujagar- (gate hue) aj sahab ke sath meri holi machegi, aj sahab ke sath meri holi machegi, khoob pichakari chalaoonga.

ghasite- khoob abir lagaoonga.

gvala- khoob gulal udaoonga.

dhobi- botal-par-botal chadhaoonga.

aradali- khoob kabire sunaoonga.

ujagar- aj sahab ke sath meri holi machegi.

noorali- achchha, sab log snbhal jao. sahab ka motar a raha hai. sethaji, yah lijie, main daudakar rng-pichakari laya, bas ek chautal chhed dijie aur jaise hi sahab kamare men ayen, un par pichakari chhodie aur (doosare se) tum log bhi unake munh men gulal malo, sahab mare khushi ke phool jayenge. vah lo, motar hate men a gaya. hoshiyar!

2

mistar kras apani bndook hath men liye motar se utare aur lage adamiyon ko bulane; par vahan to joron se chautal ho raha tha, sunata kaun hai. chakaraye, yah mamala kya hai. kya sab mere bngale men ga rahe hain? krodh se bhare hue bngale men dakhil hue to dainingaroom (bhojan karane ke kamare men) se gane ki avaz a rahi thi. ab kya tha? jame se bahar ho gaye. chehara vikrit ho gaya. hntar utar liya aur dainingaroom ki or chale; lekin abhi tak ek qadam daravaze ke bahar hi tha ki seth ujagaramal ne pichakari chhodi. sare kapade tar ho gaye. ankhon men bhi rng ghus gaya. ankhen ponchh hi rahe the ki saees, gvala sab-ke-sab daude aur sahab ko pakadakar unake munh men rng malane lage. dhobi ne tel aur kalikh ka paudar laga diya ! sahab ke krodh ki sima n rahi, hntar lekar sabon ko andhadhundh pitane laga. bechare soche hue the ki sahab khush hokar inam denge. hntar pade to nasha hiran ho gaya. koee idhar bhaga, koee udhar. seth ujagaramal ne yah rng dekha to tad gaye ki noorali ne jhansa diya. ek kone men dabak rahe. jab kamara naukaron se khali ho gaya, to sahab unaki or badhe. lala sahab ke hosh ud gaye. teji se kamare ke bahar nikale aur sir par pair rakhakar betahasha bhage. sahab unake pichhe daude. sethaji ki phitan phatak par khadi thi. ghode ne dham-dham khatapat suni to chaunka. kanautiyan khadi kin aur phitan le bhaga. vichitr drishy tha. age-age phitan, usake pichhe seth ujagaramal, unake pichhe hntaradhari mistar kras. tinon bagatut daude chale jate the. sethaji ek bar thokar khakar gire, par sahab ke pahunchate-pahunchate snbhalakar uthe. hate ke bahar sadak tak ghudadaud rahi. ant men sahab ruk gaye. munh men kalikh lagaye ab aur age jana hasyajanak maloom hua. yah vichar bhi hua ki sethaji ko kafi saza mil chuki. apane naukaron ki khabar lena bhi zaroori tha. laut gaye. seth ujagaramal ke jan men jan ayi. baithakar hanphane lage. ghoda bhi thithak gaya. kochavan ne utarakar unhen snbhala aur god men uthakar gadi par baitha diya.

3

lala ujagaramal shahar sahayogi samaj ke neta the. unhen angrejon ki bhavi shubhakamanaon par poornavishvas tha. angreji rajy ki tamili, mali aur mulki taraqqi ke rag gate rahate the. apani vaktritaon men sahayogiyon ko khoob phatakara karate the. angrejon men idhar unaka adar-samman vishesh roop se hone laga tha. kee bade-bade theke, jo pahale angrej thekedaron hi ko mila karate the unhen diye gaye the. sahayog ne unake man aur dhan ko khoob badhaya tha, atev munh se chahe vah asahayog ki kitani hi ninda karen, par man men usaki unnati chahate the. unhen yakin tha ki asahayog ek hava hai, jab tak chalati rahe usamen apane gile kapade sukha len. vah asahayogiyon ke krityon ka khoob badha-badha kar bayan kiya karate the, aur adhikariyon ke krityon ko in gadhi huee baton par vishvas karate dekhakar dil men un par khoob hnsate the. jyon-jyon samman badhata tha, unaka atmabhiman bhi badhata tha. vah ab pahale ki bhanti bhiru n the. gadi par baithe aur jara sans phoolana bnd hua, to is ghatana ki vivechana karane lage. avashy noorali ne mujhe dhokha diya, usaki asahayogiyon se bhi milibhagat hai. yah log holi nahin khelate to inaka itana krodhonmatt hona isake sivay aur kya batalata hai ki hamen yah log kutton se behatar nahin samajhate. inako apane prabhutv ka kitana ghamnd hai ! yah mere pichhe hntar lekar daude ! ab vidit hua ki yah jo mera thoda-bahut samman karate the, vah keval dhokha tha. man men yah hamen ab nich aur kamina samajhate hain, lal rng koee ban nahin tha. ham bade dinon men giraje jate hain, inhen daliyan dete hain. vah hamara tyohar nahin hai. par, yah jara-sa rng chhod dene par itana bigad utha ! ha ! itana apaman ! mujhe usake samane tal thokakar khada ho jana chahie tha. bhagana kayarata thi. isi se yah sab sher ho jate hain. koee sndeh nahin ki yah sab hamen milakar asahayogiyon ko dabana chahate hain. inaki yah vinayashilata aur sajjanata keval apana matalab ganthane ke lie hai. inaki nirnkushata, itana garv vahi hai, jara bhi antar nahin.

sethaji ke hridgat bhavon ne ugr roop dharan kiya. meri yah adhogati ! apane apaman ki yad rah-rahakar unake chitt ko vihval kar rahi thi. yah mere sahayog ka phal hai. main isi yogy hoon. main unaki sauhardapoorn baten sun-sun phoola n samata tha. meri mndabuddhi ko itana bhi n soojhata tha ki svadhin aur paradhin men koee mel nahin ho sakata. main asahayogiyon ki udasinata par hnsata tha. ab maloom hua ki ve hasyaspad nahin hain, main svayn nindaniy hoon.

vah apane ghar n jakar sidhe kangres kameti ke karyalay ki or lapake. vahan pahunche to ek virat sabha dekhi. kameti ne shahar men chhoot-achhoot, chhote-bade, sabako holi ka annd manane ke lie nimntrit kiya. hindoo-musalaman sath-sath baithe hue prem se holi khel rahe the. phal-bhoj ka bhi prabndh kiya gaya tha. is samay vyakhyan ho raha tha. sethaji gadi se to utare, par sabha sthal men jate snkoch hota tha. thithakate hue dhire se jakar ek or khade ho gaye. unhen dekhakar log chaunk pade. sab-ke-sab vismit hokar unaki or takane lage. yah khushamadiyon ke achary aj yahan kaise bhool pade? inhen to kisi sahayogi sabha men raj-bhakti ka prastav pas karana chahie tha. shayad bhed lene aye hain ki ye log kya kar rahe hain. unhen chidhane ke lie logon ne kaha- kangres ki jay!

ujagaramal ne uchch svar se kaha- asahayog ki jay !

phir dhvani huee- khushamadiyon ki kshay !

sethaji ne uchch svar se kaha- ji huzooron ki kshay !

yah kahakar vah samast upasthit janon ko vismay men dalate hue mnch par ja pahunche aur gambhir bhav se bole- sajjano, mitro ! mainne ab tak apase asahayog kiya tha use kshama kijie. sachche dil se apase kshama mangata hoon. mujhe ghar ka bhedi, jasoos ya vibhishan n samajhie. aj meri ankhon ke samane se parada hat gaya. aj is pavitr premamayi holi ke din main apase premalingan karane aya hoon. apani vishal udarata ka acharan kijie. apase droh karane ka aj mujhe dnd mil gaya. jiladhish ne aj mera ghor apaman kiya. main vahan se hntaron ki mar khakar apaki sharan aya hoon. main desh ka drohi tha, jati ka shatru tha. mainne apane svarth ke vash, apane avishvas ke vash desh ka bada ahit kiya, khoob kante boye. unaka smaran karake aisa ji chahata hai ki hriday ke tukade-tukade kar doon. khh ek avaj- han, avashy kar dijiye, apase n bane to main taiyar hoon (pradhan ki avaj)- yah katu vakyon ka avasar nahin hai. , nahin, apako yah kasht uthane ki zaroorat nahin, main svayn yah kam bhali-bhanti kar sakata hoon; par abhi mujhe bahut kuchh prayashchitt karana hai, jane kitane papon ki poorti karani hai. asha karata hoon ki jivan ke bache hue din isi prayashchitt karane men, yahi munh ki kalima dhone men katoon. apase keval itani hi prarthana hai ki mujhe atmasudhar ka avasar dijie. mujh par vishvas kijie aur mujhe apana din sevak samajhie. main aj se apana tan, man, dhan sab ap par arpan karata hoon.


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah