बाबाजी का भोग -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

ramadhan ahir ke dvar par ek sadhu akar bola- bachcha tera kalyan ho, kuchh sadhu par shraddha kar.

ramadhan ne jakar stri se kaha- sadhu dvar par aye hain, unhen kuchh de de.

stri- baratan manj rahi thi, aur is ghor chinta men magn thi ki aj bhojan kya banega, ghar men anaj ka ek dana bhi n tha. chait ka mahina tha. kintu yahan dopahar hi ko andhakar chha gaya tha. upaj sari-ki-sari khalihan se uth gayi. adhi mahajan ne le li, adhi zamindar ke pyadon ne vasool ki. bhoosa becha to bail ke vyapari se gala chhoota, bas thodi-si ganth apane hisse men ayi. usi ko pit-pitakar ek man-bhar dana nikala tha. kisi tarah chait ka mahina par hua. ab age kya hoga. kya bail khayenge, kya ghar ke prani khayenge, yah eeshvar hi jane ! par dvar par sadhu a gaya hai, use nirash kaise lautayen, apane dil men kya kahega.

stri ne kaha- kya de doon, kuchh to raha nahin ?

ramadhan- ja, dekh to matake men, kuchh ata-vata mil jay to le a.

stri ne kaha- matake jhad-ponchhakar to kal hi choolha jala tha. kya usamen barakkat hogi ?

ramadhan- to mujhase to yah n kaha jayaga ki baba ghar men kuchh nahin hai. kisi ke ghar se mang la.

stri- jisase liya use dene ki naubat nahin ayi, ab aur kis munh se mangoon ?

ramadhan- devataon ke lie kuchh angauva nikala hai n, vahi la, de aoon !

stri- devataon ki pooja kahan se hogi ?

ramadhan- devata mangane to nahin ate ? samaee hogi karana, n samaee ho n karana.

stri- are to kuchh angauva bhi pnseri do pnseri hai ? bahut hoga to adh ser. isake bad kya phir koee sadhu n ayega. use to javab dena hi padega.

ramadhan- yah bala to talegi, phir dekhi jayagi.

stri jhunjhalakar uthi aur ek chhoti-si handi utha layi, jisamen mushkil se adh ser ata tha. vah gehoon ka ata bade yatn se devataon ke lie rakha hua tha. ramadhan kuchh der khada sochata raha, tab ata ek katore men rakhakar bahar aya aur sadhu ki jholi men dal diya.

mahatma ne ata lekar kaha- bachcha, ab to sadhu aj yahin ramenge. kuchh thodi-si dal de, to sadhu ka bhog lag jay.

ramadhan ne phir akar stri se kaha. snyog se dal ghar men thi. ramadhan ne dal, namak, upale juta diye. phir kuen se pani khinch laya. sadhu ne badi vidhi se batiyan banayin, dal pakayi aur aloo jholi men se nikalakar bhurata banaya. jab sab samagri taiyar ho gayi, to ramadhan se bole- bachcha, bhagavan ke bhog ke lie kaudi-bhar ghi chahie. rasoee pavitr n hogi, to bhog kaise lagega ?

ramadhan- babaji, ghi to ghar men n hoga.

sadhu- bachcha, bhagavanh ka diya tere pas bahut hai. aisi baten n kah.

ramadhan- maharaj, mere gay-bhains kuchh nahin hai, ghi kahan se hoga ?

sadhu- bachcha, bhagavanh ke bhndar men sabakuchh hai, jakar malakin se kaho to ?

ramadhan ne jakar stri se kaha- ghi mangate hain, mangane ko bhikh, par ghi bina kaur nahin dhnsata !

stri- to isi dal men se thodi lekar baniye ke yahan se la do. jab sab kiya hai to itane ke lie unhen kyon naraz karate ho ?

ghi a gaya. sadhuji ne thakuraji ki pindi nikali, ghnti bajayi aur bhog lagane baithe. khoob tan kar khaya, phir pet par hath pherate hue dvar par let gaye. thali, batali aur kalachhuli ramadhan ghar men manjane ke lie utha le gaya.

us rat ramadhan ke ghar choolha nahin jala. khali dal pakakar hi pi li.

ramadhan leta, to soch raha tha- mujhase to yahi achchhe !


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah