राज्य भक्त- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

sndhya ka samay tha. lakhanoo ke badashah nasiruddin apane musahabon aur darabariyon ke sath bag ki sair kar rahe the. unake sir par ratnajatit mukut ki jagah angreji topi thi. vastr bhi angreji hi the. musahabon men panch angrej the. unamen se ek ke kandhe par sir rakh kar badashah chal rahe the. tin-char hindustani bhi the. unamen se ek raja bakhtavarasinh the. vah badashahi sena ke adhyaksh the. unhen sab log jenaral kaha karate the. vah adhed adami the. sharir khoob gatha hua tha. lakhanavi pahanava un par bahut sajata tha. mukh se vicharashilata jhalak rahi thi. doosare mahashay ka nam roshanuddaula tha. yah rajy ke pradhanamntri the. badi-badi moonchhen aur nata dil tha jise ooncha karane ke lie vah tan kar chalate the. netron se garv tapak raha tha. shesh logon men ek kotaval tha aur do badashah ke rakshak. yadyapi abhi 19vin shatabdi ka arnbh hi tha par badashah ne angreji rahan-sahan akhtiyar kar li thi. bhojan bhi prayah angreji hi karate the. angrejon par unaka asim vishvas tha. vah sadaiv unaka paksh liya karate the. majal n thi ki koee bade-se-bada raja ya rajakarmachari kisi angrej se barabari karane ka sahas kar sake.

agar kisi men yah himmat thi to vah raja bakhtavarasinh the. unase knpani ka badhata hua adhikar n dekha jata tha knpani ki us sena ki snkhya jo usane avadh ke rajy ki raksha ke lie lakhanoo men niyukt ki thi din-din badhati jati thi. usi parinam se sena ka vyay bhi badh raha tha. rajadarabar use chuka n sakane ke karan knpani ka rini hota jata tha. badashahi sena ki dasha hin se hinatar hoti jati thi. usamen n sngathan tha n bal. barason tak sipahiyon ka vetan n milata tha. shastr sabhi purane the. vardi phati huee. kavayad ka nam nahin. koee unaka poochhanevala n tha. agar raja bakhtavarasinh vetan-vriddhi ya naye shastron ke sambandh men koee prayatn karate to kampani ka rejident usaka ghor virodh aur rajy par vidrohatmak shakti-snchar ka dosharopan karata tha. udhar se dant padati to badashah apana gussa raja sahab par utarate. badashah ke sabhi angrej musahab rajasahab se shnkit rahate aur unaki jad khodane ka prayas kiya karate the. par vah rajy ka sevak ek or avahelana aur doosari or se ghor virodh sahate hue bhi apane karttavy ka palan karata jata tha. maja yah ki sena bhi unase sntusht n thi. sena men adhikansh lakhanoo ke shohade aur gunde bhare hue the. rajasahab jab unhen hata kar achchhe-achchhe javanon ki bharati karane ki cheshta karate to sari sena men hahakar mach jata. logon ko shnka hoti ki yah rajapooton ki sena bana kar kahin rajy hi par to hath nahin badhana chahate isalie musalaman bhi unase badaguman rahate the. raja sahab ke man men bar-bar prerana hoti ki is pad ko tyag kar chale jayn par yah bhay unhen rokata tha ki mere hatate hi angrejon ki ban ayegi aur badashah unake hathon men kathaputali ban jaynge rahi-sahi sena ke sath avadh-rajy ka astitv bhi mit jayaga. atev itani kathinaiyon ke hote hue bhi charon or se vair-virodh se ghire hone par bhi vah apane pad se hatane ka nishchay n kar sakate the. sabase kathin samasya yah thi ki roshanuddaula bhi raja sahab se khar khata tha. use sadaiv shnka rahati ki yah marathon se maitri karake avadh-rajy ko mitana chahate hain. isalie vah raja sahab ke pratyek kary men badha dalata rahata tha. use ab bhi asha thi ki avadh ka musalamani rajy agar jivit rah sakata hai to angrejon ke snrakshan men anyatha vah avashy hinduon ki badhati huee shakti ka gras ban jayaga.

vastav men bakhtavarasinh ki dasha atynt karun thi. vah apani chaturaee se jihva ki bhanti danton ke bich men pade hue apana kam kiye jate the. yon to vah svabhav ke akkhad the apana kam nikalane ke lie madhurata aur mridulata shil aur vinay ka avahan karate rahate the. isase unake vyavahar men kritrimata a jati thi aur vah shatruon ko unaki or se aur bhi sashnk bana deti thi.

badashah ne ek angrej musahab se poochha-tumako maloom hai main tumhari kitani khatir karata hoon meri saltanat men kisi ki majal nahin ki vah kisi angrej ko kadi nigahon se dekh sake.

angrej musahab ne sir jhuka kar kaha-ham huzoor ki is miharabani ko kabhi nahin bhool sakate.

ba.-imamahusain ki kasam agar yahan koee adami tumhen takaliph de to main use phauran jinda divar men chunava doon.

badashah ki adat thi ki vah bahudha apani angreji topi hath men le kar use ungali par nachane lagate the. roj-roj nachate-nachate topi men ungali ka ghar ho gaya tha. is samay jo unhonne topi utha kar ungali par rakhi to topi men chhed ho gaya. badashah ka dhyan angrejon ki taraph tha. bakhtavarasinh badashah ke munh se aisi bat sun kar kabab hue jate the. ukt kathan men kitani khushamad kitani nichata aur avadh ki praja tatha rajon ka kitana apaman tha ! aur log to topi ka chhidr dekh kar hnsane lage par raja bakhtavarasinh ke munh se anayas nikal gaya-huzoor taj men surakh ho gaya.

raja sahab ke shatruon ne turnt kanon par ungaliyan rakh lin. badashah ko bhi aisa maloom hua ki raja ne mujh par vyngy kiya. unake tevar badal gaye. angrejon aur any sabhasadon ne is prakar kanaphoosi shuroo ki jaise koee mahanh anarth ho gaya. raja sahab ke munh se anargal shabd avashy nikale. isamen koee sndeh nahin tha. snbhav hai unhonne jan-boojh kar vyngy n kiya ho unake duahkhi hriday ne sadharan chetavani ko yah tivr roop de diya par bat bigad zaroor gayi thi. ab unake shatru unhen kuchalane ke aise sundar avasar ko hath se kyon jane dete

raja sahab ne sabha ka yah rng dekha to khoon sard ho gaya. samajh gaye aj shatruon ke pnje men phns gaya aur aisa bura phnsa ki bhagavanh hi nikalen to nikal sakata hoon.

badashah ne kotaval se lal ankhen karake kaha-is namakaharam ko kaid kar lo aur isi vakt isaka sir uda do. ise maloom ho jay ki badashahon se beadabi karane ka kya natija hota hai.

kotaval ko sahasa jenaral par hath badhane ki himmat n padi. roshanuddaula ne usase ishare se kaha-khade sochate kya ho pakad lo nahin to tum bhi isi ag men jal jaoge.

tab kotaval ne age badh kar bakhtavarasinh ko giraphtar kar liya. ek kshan men unaki mushken kas di gayin. log unhen charon or se gher kar katl karane le chale.

badashah ne musahabon se kaha-main bhi vahin chalata hoon. jara dekhoonga ki namakaharamon ki lash kyonkar tadapati hai.

kitani ghor pashuta thi ! yahi pran jara der pahale badashah ka vishvasapatr tha !

ekaek badashah ne kaha-pahale is namakaharam ki khilat utar lo. main nahin chahata ki meri khilat ki beijjati ho.

kisaki majal thi jo jara bhi jaban hila sake. sipahiyon ne raja sahab ke vastr utarane shuroo kiye. durbhagyavash unake ek jeb se pistaul nikal ayi. usaki donon naliyan bhari huee thin. pistaul dekhate hi badashah ki ankhon se chinagariyan nikalane lagin. bole-kasam hai hajarat imamahusain ki ab isaki janbakhshi nahin karoonga. mere sath bhari huee pistaul ki kya zaroorat ! zaroor isaki niyat men phitoor tha. ab main ise kutton se nuchavaoonga. (musahabon ki taraph dekh kar) dekha tum logon ne isaki niyat ! main apani astin men sanp pale hue tha. ap logon ke khayal men isake pas bhari huee pistaul ka nikalana kya mane rakhata hai

angrejon ko keval raja sahab ko nicha dikhana mnjoor tha. ve unhen apana mitr bana kar jitana kam nikal sakate the utana unake mare jane se nahin. isi se ek angrej musahab ne kaha-mujhe to isamen koee gairamunasib bat nahin maloom hoti. jenaral apaka badigard (rakshak) hai. use hamesha hathiyaraband rahana chahie. khasakar jab apaki khidamat men ho. nahin maloom kis vakt isaki zaroorat a pade.

doosare angrez musahabon ne bhi is vichar ki pushti ki. badashah ke krodh ki jvala kuchh shant huee. agar ye hi baten kisi hindustani musahab ki jaban se nikali hotin to usaki jan ki khairiyat n thi. kadachith angrejon ko apani nyayaparakata ka namoona dikhane hi ke lie unhonne yah prashn kiya tha. bole-kasam hajarat imam ki tum sabake sab sher ke munh se usaka shikar chhinana chahate ho ! par main ek n manoonga bulao kaptan sahab ko. main unase yahi saval karata hoon. agar unhonne bhi tum logon ke khayal ki taeed ki to isaki jan n loonga. aur agar unaki ray isake khilaf huee to is makkar ko isi vakt jahannum bhej doonga. magar khabaradar koee unaki taraph kisi tarah ka ishara n kare. varana main jara bhi roo-riayat n karoonga. sabake sab sir jhukaye baithe rahen.

kaptan sahab the to raja sahab ke aurade par in dinon badashahon ki un par vishesh kripa thi. vah un sachche rajabhakton men the jo apane ko raja ka nahin rajy ka sevak samajhate hain. vah darabar se alag rahate the. badashah unake kamon se bahut sntusht the. ek adami turant kaptan sahab ko bula laya. raja sahab ki jan unaki mutthi men thi. roshanuddaula ko chhod kar aisa shayad ek vyakti bhi n tha jisaka hriday asha aur nirasha se n dhadak raha ho. sab man men bhagavanh se yahi prarthana kar rahe the ki kaptan sahab kisi tarah se is samasya ko samajh jayn. kaptan sahab aye aur udati huee drishti se sabha ki or dekha. sabhi ki ankhen niche jhuki huee thin. vah kuchh anishchit bhav se sir jhuka kar khade ho gaye.

badashah ne poochha-mere musahabon ko apani jeb men bhari huee pistaul rakhana munasib hai ya nahin

darabariyon ki niravata unake ashnkit chehare aur unaki chintayukt adhirata dekh kar kaptan sahab ko vartaman samasya ki kuchh toh mil gayi. vah nirbhik bhav se bole-huzoor mere khayal men to yah unaka pharj hai. badashah ke dost-dushman sabhi hote hain. agar musahab log unaki raksha ka bhar n lenge to kaun lega unhen sarph pistaul hi nahin aur bhi chhipe hue hathiyaron se lais rahana chahie. n jane kab hathiyaron ki zaroorat a pade to vah ain vakt par kahan daudate phirenge

raja sahab ke jivan ke din baki the. badashah ne nirash hokar kaha-roshan ise katl mat karana kal kothari men kaid kar do. mujhase poochhe bagair ise dana-pani kuchh n diya jay. ja kar isake ghar ka sara mal-asabab jabt kar lo aur sare khanadan ko jel men bnd kar do. isake makan ki divaren jamindoj kara dena. ghar men ek phooti handi bhi n rahane paye.

isase to yahi kahin achchha tha ki raja sahab hi ki jan jati. khanadan ki beijjati to n hoti mahilaon ka apaman to n hota daridrata ki choten to n sahani padatin ! vikar ko nikalane ka marg nahin milata to vah sare sharir men phail jata hai. raja ke pran to bache par sare khanadan ko vipatti men dal kar !

roshanuddaula ko munhamangi murad mili. usaki eershya kabhi itani sntusht n huee thi. vah magan tha ki aj vah kanta nikal gaya jo barason se hriday men chubha hua tha. aj hindoo-rajy ka ant hua. ab mera sikka chalega. ab main samast rajy ka vidhata hoonga. sndhya se pahale hi raja sahab ki sari sthavar aur jngam snpatti kurk ho gayi. vriddh mata-pita sukomal ramaniyan chhote-chhote balak sabake sab jel men kaid kar diye gaye. kitani karun dasha thi. ve mahilaen jin par kabhi devataon ki bhi nigah n padi thi khule munh nnge pair panv ghasitati shahar ki bhari huee sadakon aur galiyon se hoti huee sir jhukaye shok-chitron ki bhanti jel ki taraph chali jati thin. sashastr sipahiyon ka ek bada dal sath tha. jis purush ke ek ishare par kee ghnte pahale sare shahar men halachal mach jati usi ke khanadan ki yah durdasha !

raja bakhtavarasinh ko bndi-grih men rahate hue ek mas bit gaya. vahan unhen sabhi prakar ke kasht diye jate the. yahan tak ki bhojan bhi yathasamay n milata tha. unake parivar ko bhi asahy yatanaen di jati thin. lekin raja sahab ko bndi-grih men ek prakar ki shanti ka anubhav hota tha. vahan prati-kshan yah khataka to n rahata tha ki badashah meri kisi bat se naraz n ho jayn musahab log kahin meri shikayat to nahin kar rahe hain. sharirik kashton ka sahana utana kathin nahin jitana ki manasik kashton ka. yahan sab takaliphen thin par sir par talavar to nahin latak rahi thi. unhonne man men nishchay kiya ki ab chahe badashah mujhe mukt bhi kar den magar main raj-kaj se alag hi rahoonga. is rajy ka soory ast hone vala hai koee manavi shakti use vinash-disha men lin hone se nahin rok sakati. ye usi patan ke lakshan hain. nahin to kya meri raj-bhakti ka yahi puraskar milana chahie tha mainne ab tak kitani kathinaiyon se rajy ki raksha ki hai yah bhagavanh hi janate hain. ek or to badashah ki nirnkushata doosari or balavanh aur yukti- snpann shatruon ki kootaniti-is shila aur bhnvar ke bich men rajy ki nauka ko chalate rahana kitana kashtasadhy tha ! shayad hi aisa koee din gujara hoga jis din mera chitt pran-shnka se andolit n hua ho. is seva bhakti aur tallinata ka yah puraskar hai ! mere mukh se vyngy-shabd avashy nikale lekin unake lie itana kathor dnd isase to yah kahin achchha tha ki main katl kar diya gaya hota apani ankhon se apane parivar ki yah durgati to n dekhata sunata hoon pita ji ko sone ke lie chataee nahin di gayi hai ! n jane striyon par kaise-kaise atyachar ho rahe honge. lekin itana janata hoon ki pyari sukhada ant tak apane satitv ki raksha karegi anyatha pran tyag degi. mujhe bediyon ki paravah nahin. par sunata hoon ladakon ke pairon men bhi bediyan dali gayi hain. yah sab isi kutil roshanuddaula ki shararat hai. jisaka ji chahe is samay sata le kuchal le mujhe kisi se koee shikayat nahin. bhagavanh se yahi prarthana hai ki ab snsar se utha le. mujhe apane jivan men jo kuchh karana tha kar chuka aur usaka khoob phal pa chuka. mere-jaise adami ke lie snsar men sthan nahin hai.

raja inhin vicharon men doobe the. sahasa unhen apani kal kothari ki or kisi ke ane ki ahat mili. rat bahut ja chuki thi. charon or sannata chhaya tha aur us andhakaramay sannate men kisi ke pairon ki chap spasht sunayi deti thi. koee bahut panv daba-daba kar chala a raha tha. raja sahab ka kaleja dhakh-dhakh karane laga. vah uth kar khade ho gaye. ham niahshastr aur pratikar ke lie asamarth hone par bhi baithe-baithe varon ka nishana nahin banana chahate. khade ho jana atmaraksha ka antim prayatn hai. kothari men aisi koee vastu n thi jisase vah apani raksha kar sakate. samajh gaye antim samay a gaya. shatruon ne is tarah mere pran lene ki thani hai. achchha hai jivan ke sath is vipatti ka bhi ant ho jayaga.

ek kshan men unake sammukh ek adami a kar khada ho gaya. raja sahab ne poochha-kaun hai

uttar mila-main hoon apaka sevak.

raja-o ho tum ho kaptan ! main shnka men pada hua tha ki kahin shatruon ne mera vadh karane ke lie koee doot n bheja ho !

kaptan-shatruon ne kuchh aur hi thani hai. aj badashah-salamat ki jan bachati nahin najar ati.

raja-are ! yah kyonkar !

kaptan-jab se apako yahan najarabnd kiya gaya hai sare rajy men hahakar macha hua hai. svarthi karmachariyon ne loot macha rakhi hai. angrejon ki khudaee phir rahi hai. jo ji men ata hai karate hain kisi ki majal nahin ki choon kar sake. is ek mahine men shahar ke saikadon bade-bade rees mit gaye. roshanuddaula ki badashahi hai. bazaron ka bhav chadhata jata hai. bahar se vyapari log dar ke mare koee chiz hi nahin late. dookanadaron se manamani rakamen mahasool ke nam par vasool ki ja rahi hain. galle ka bhav itana chadh gaya hai ki kitane hi gharon men choolha jalane ki naubat nahin ati. sipahiyon ko abhi tak tanakhvah nahin mili. ve ja kar dookanadaron ko lootate hain. sare rajy men badamani ho rahi hai. mainne kee bar yah kaiphiyat badashah-salamat ke kanon tak pahunchane ki koshish ki magar vah yah to kah dete hain ki main isaki tahakikat karoonga aur phir bekhabar ho jate hain. aj shahar ke bahut-se dookanadar phariyad le kar aye the ki hamare hal par nigah n ki gayi to ham shahar chhod kar kahin aur chale jaynge. kristanon ne unako sakht kaha dhamakaya lekin unhonne jab tak apani sari musibat n bayan kar li vahan se n hate. akhir badashah-salamat ne unako dilasa diya to chale gaye.

raja-badashah par itana asar hua mujhe to yahi tajjub hai !

kaptan-asar-vasar kuchh nahin hua. yah bhi unaki ek dillagi hai. sham ko khas musahabon ko bula kar hukm diya hai ki aj main bhesh badal kar shahar ka gasht karoonga tum log bhi bhesh badale hue mere sath rahana. main dekhana chahata hoon ki riaya kyon itani ghabarayi huee hai. sab log mujhase door rahen kisi ko n maloom ho ki main kaun hoon. roshanuddaula aur panchon angrej musahib sath rahenge.

raja-tumhen kyonkar yah bat maloom ho gayi

kaptan-mainne usi angrej hajjam ko mila rakha hai. darabar men jo kuchh hota hai usaka pata mujhe mil jata hai. usi ki sipharish se apaki khidamat men hajir hone ka mauqa mila. (ghadiyal men 10 bajate hain) gyarah baje chalane ki taiyari hai. barah bajate-bajate lakhanoo ka takht khali ho jayaga.

raja (ghabara kar)-kya in sabon ne unhen katl karane ki sajish kar rakhi hai

kaptan-ji nahin katl karane se unaka mnsha poora n hoga. badashah ko bazar ki sair karate hue gomati ki taraph le jayenge. vahan angrej sipahiyon ka ek dasta taiyar rahega. vah badashah ko phauran ek gadi men bitha kar rejidensi men le jayaga. vahan rejident sahab badashah-salamat ko saltanat se istipha dene par majaboor karenge. usi vakt unase istipha likha liya jayaga aur isake bad raton-rat unhen kalakatte bhej diya jayaga.

raja-bada gajab ho gaya. ab to vakt bahut kam hai badashah-salamat nikal pade honge

kaptan-gajab kya ho gaya inaki jat se kise aram tha. doosari hukoomat chahe kitani hi kharab ho isase achchhi hi hogi.

raja-angrejon ki hukoomat hogi

kaptan-angrej inase kahin behatar intajam karenge.

raja-(karun svar se)-kaptan ! eeshvar ke lie aisi baten n karo. tumane mujhase jara der pahale kyon n yah kaiphiyat bayan ki

kaptan (ashchary se)-apake sath to badashah ne koee achchha salook nahin kiya !

raja-mere sath kitana hi bura salook kiya ho lekin ek rajy ki kimat ek adami ya ek khanadan ki jan se kahin zyada hoti hai. tum mere pairon ki bediyan khulava sakate ho

kaptan-sare avadh-rajy men ek bhi aisa adami n nikalega jo badashah ko sachche dil se dua deta ho. duniya unake julm se tng a gayi hai.

raja-main apanon ke julm ko gairon ki bndagi se kahin behatar khayal karata hoon. badashah ki yah halat gairon hi ke bharose par huee hai. vah isilie kisi ki paravah nahin karate ki angrejon ki madad ka yakin hai. main in phirngiyon ki chalon ko gaur se dekhata aya hoon. badashah ke mizaj ko unhonne bigada hai. unaka mnsha yahi tha jo hua. riaya ke dil se badashah ki ijjat aur muhabbat uth gayi. aj sara mulk bagavat karane par amada hai. ye log isi mauke ka intazar kar rahe the. vah janate hain ki badashah ki majooli (gaddi se hataye jane) par ek adami bhi ansoo n bahavega. lekin main jataye deta hoon ki agar is vakt tumane badashah ko dushmanon ke hathon se n bachaya to tum hamesha ke lie apane hi vatan men gulami ki jnjiron men bndh jaoge. kisi gair kaum ke chakar ban kar agar tumhen aphiyat (shanti) bhi mili to vah aphiyat n hogi maut hogi. gairon ke beraham pairon ke niche pad kar tum hath bhi n hila sakoge aur yah ummid ki kabhi hamare mulk men aeeni saltanat (vaidh shasan) qayam hogi hasarat ka dag ban kar rah jayagi. nahin mujhamen abhi mulk ki muhabbat baki hai. main abhi itana bejan nahin hua hoon. main itani asani se saltanat ko hath se n jane doonga apane ko itane saste damon gair ke hathon n bechoonga mulk ki ijjat ko n mitane doonga chahe is koshish men meri jan hi kyon n jay. kuchh aur nahin kar sakata to apani jan to de hi sakata hoon. meri bediyan khol do.

kaptan-main apaka khadim hoon magar mujhe yah majaj nahin hai.

raja-(josh men a kar) jalim yah in baton ka vakt nahin hai. ek-ek pal hamen tabahi ki taraph liye ja raha hai. khol de ye bediyan. jis ghar men ag lagi hai usake adami khuda ko nahin yad karate kuen ki taraph daudate hain.

kaptan-ap mere muhasin hain. apake hukm se munh nahin mod sakata. lekin-

raja-jaldi karo jaldi karo. apani talavar mujhe de do. ab in takalluph ki baton ka mauqa nahin hai.

kaptan sahab niruttar ho gaye. sajiv utsah men badi snkramak shakti hoti hai. yadyapi raja sahab ke nitipoorn vartalap ne unhen maqool nahin kiya tathapi vah anivary roop se unaki bediyan kholane par tatpar ho gaye. usi vakt jel ke daroga ko bula kar kaha-sahab ne hukm diya hai ki raja sahab ko phauran azad kar diya jay. isamen ek pal ki bhi takhir (vilnb) huee to tumhare hak men achchha n hoga.

daroga ko maloom tha ki kaptan sahab aur mi...men gadhi maitri hai. agar sahab naraz ho jayenge to roshanuddaula ki koee sipharish meri raksha n kar sakegi. usane raja sahab ki bediyan khol din.

raja sahab jab talavar hath men le kar jel se nikale to unaka hriday rajy-bhakti ki tarngon se andolit ho raha tha. usi vakt ghadiyal ne 11 bajaye. 2

adhi rat ka samay tha. magar lakhanoo ki tng galiyon men khoob chahal-pahal thi. aisa maloom hota tha ki abhi 9 baje honge. saraphe men sabase zyada raunak thi. magar ashchary yah tha ki kisi dookan par javaharat ya gahane nahin dikhayi dete the. keval adamiyon ke ane-jane ki bhid thi. jise dekho panchon shastron se susajjit moonchhen khadi kiye ainthata hua chala jata tha. bazar ke mamooli dookanadar bhi niahshastr n the.

sahasa ek adami bhari safa bandhe pair ki ghutaniyon tak nichi kaba pahane kamar men pataka bandhe a kar ek saraph ki dookan par khada ho gaya. jan padata tha koee eerani saudagar hai. un dinon eeran ke vyapari lakhanoo men bahut ate-jate the. is samay aise adami ka a jana asadharan bat n thi.

saraph ka nam madhodas tha. bola-kahie mir sahab kuchh dikhaoon

saudagar-sone ka kya nirkh hai

madho-(saudagar ke kan ke pas munh le jakar) nirkh ki kuchh n poochhie. aj qarib ek mahina se bazar ka nirkh bigada hua hai. mal bazar men ata hi nahin. log dabaye hue hain. bazar men khauph ke mare nahin late. agar apako zyada mal ki darakar ho to mere sath garibakhane tak takaliph kijie. jaisa mal chahie lijie. nirkh munasib hi hoga. isaka itaminan rakhie.

saudagar-ajakal bazar ka nirkh kyon bigada hua hai

madho-kya ap hal hi men varid hue hain

saudagar-han main aj hi aya hoon. kahin pahale ki-si raunak nahin najar ati. kapade ka bazar bhi sust tha. dhake ka ek kimati than bahut talash karane par bhi n mila.

madho-isake bade kisse hain kuchh aisa hi muamala hai.

saudagar-dakuon ka zor to nahin hai pahale to yahan is kism ki varadaten n hoti thin.

madho-ab vah kaiphiyat nahin hai. dinadahade dake padate hain. unhen kotaval kya badashah-salamat bhi giraphtar nahin kar sakate. ab aur kya kahoon. divar ke bhi kan hote hain. kahin koee sun le to lene ke dene pad jayn.

saudagar-seth ji ap to paheliyan bujhavane lage. main paradesi adami hoon yahan kisase kahane jaoonga. akhir bat kya hai bazar kyon itana bigada hua hai naj ki mndi ki taraph gaya tha. sannata chhaya hua hai. moti jins bhi doone damon par bik rahi thi.

madho (idhar-udhar chaukanni ankhon se dekh kar)-ek mahina hua roshanuddaula ke hath men siyah-saphed ka akhtiyar a gaya hai. yah sab unhin ki badintajami ka phal hai. unake pahale raja bakhtavarasinh hamare malik the. unake vakt men kisi ki majal n thi ki vyapariyon ko tedhi ankh se dekh sake. unaka rob sabhi par chhaya hua tha. phirngiyon par unaki kadi nigah rahati thi. hukm tha ki koee phirngi bazar men ave to thane ka sipahi usaki dekhabhal karata rahe. isi vajah se phirngi unase jala karate the. akhir sabon ne roshanuddaula ko mila kar bakhtavarasinh ko bekasoor kaid kara diya. bas tab se bazar men loot machi huee hai. sarakari amale alag lootate hain. phirngi alag nochate-khasotate hain. jo chiz chahate hain utha le jate hain. dam mango to dhamakiyan dete hain. shahi darabar men phariyad karo to ulate saza hoti hai. abhi hal hi men ham-sab mil kar badashah-salamat ki khidamat men hajir hue the. pahale to vah bahut naraz hue par akhir raham a gaya. badashahon ka mizaj hi to hai. hamari sab shikayaten sunin aur tasakin di ki ham tahakikat karenge. magar abhi tak vahi loot-khasot jari hai.

itane men tin adami rajapooti dhng ki mirjee pahane a kar dookan ke samane khade ho gaye. madhodas unaka rng-dhng dekh kar chaunka. shahi fauj ke sipahi bahudha isi saj-dhaj se nikalate the. tinon adami saudagar ko dekh kar thithake par usane unhen kuchh aisi nigahon se dekha ki tinon age chale gaye. tab saudagar ne madhodas se poochha-inhen dekh kar tum kyon chaunke

madhodas ne kaha-ye fauj ke sipahi hain. jab se raja bakhtavarasinh najarabnd hue hain in par kisi ki dab hi nahin rahi. khule sand ki tarah bazaron men chakkar lagaya karate hain. sarakar se talab milane ka kuchh thik to nahin hai. bas noch-khasot karake gujar karate hain. -han to phir agar maraji ho to mere sath ghar tak chalie apako mal dikhaoon.

saudagar-nahin bhaee is vakt nahin. subah aoonga. der ho gayi hai aur mujhe bhi yahan ki halat dekh kar khauph maloom hone laga hai.

yah kah kar saudagar usi taraph chala gaya jidhar ve tinon rajapoot gaye the. thodi der men tin adami aur saraphe men aye. ek to pnditon ki tarah nichi chapakan pahane hue tha sir par gol pagiya thi aur kndhe par jari ke kam ka shal. usake donon sathi khidamatagaron ke-se kapade pahane hue the. tinon is tarah idhar-udhar tak rahe the mano kisi ko khoj rahe hon. yon takate hue tinon age chale gaye. eerani saudagar tivr netron se idhar-udhar dekhata hua ek mil chala gaya. vahan ek chhota-sa bag tha. ek purani masajid bhi thi. saudagar vahan thahar gaya. ekaek tinon rajapoot masajid se bahar nikal aye aur bole-huzoor to bahut der tak saraph ki dookan par baithe rahe. kya baten hueen.

saudagar ne abhi kuchh javab n diya tha ki pichhe se pndit aur unake donon khidamatagar bhi a pahunche. saudagar ne pndit ko dekhate hi bhartsanapoorn shabdon men kaha-miyan roshanuddaula mujhe is vakt tumhare oopar itana gussa a raha hai ki tumhen kutton se nuchava doon. namakaharam kahin ka ! dagabaj ! toone meri saltanat ko tabah kar diya ! sara shahar tere julm ka rona ro raha hai ! mujhe aj maloom hua ki toone kyon raja bakhtavarasinh ko kaid karaya. meri akal par n jane kyon patthar pad gaye the ki main teri chikani-chupadi baton men a gaya. is namakaharami ki tujhe vah saza doonga ki dekhanevalon ko bhi ibarat (shiksha) ho.

roshanuddaula ne nirbhikata se uttar diya-ap mere badashah hain isalie apaka adab karata hoon varana isi vakt badajabani ka maja chakha deta. khud ap to mahal men hasinon ke sath aish kiya karate hain doosaron ko kya garaj padi hai ki saltanat ki fikr se dubale hon khoob ham apana khoon jalayen aur ap jashan manayen ! aise ahamak kahin aur rahate honge.

badashah (krodh se kanpate hue)-mi...main tumhen hukm deta hoon ki is namakaharam ko abhi goli mar do. main isaki soorat nahin dekhana chahata. aur isi vakt ja kar isaki sari jayadad jabt kar lo. isake khanadan ka ek bachcha bhi jinda n rahane paye.

roshan-mi...main tumako hukm deta hoon ki is mulk aur kaum ke dushman raiyat ke katil aur badakar adami ko phauran giraphtar kar lo. yah is kabil nahin ki taj aur takht ka malik bane.

itana sunate hi panchon angrej musahabon ne jo bhesh badale hue sath the badashah ke donon hath pakad liye aur khinchate hue gomati nadi ki taraph le chale. tab badashah ki ankhen khulin. samajh gaye ki pahale hi se yah shadyntr racha gaya tha. idhar-udhar dekha koee adami nahin. shor machana vyarth tha. badashahi ka nasha utar gaya. duravastha hi vah parikshagni hai jo mulamme aur rogan ko utar kar manushy ka yatharth roop dikha deti hai. aise hi avasaron par vidit hota hai ki manav-hriday par kritrim bhavon ka kitana gahara rng chadha hota hai. ek kshan men badashah ki uddndata aur ghamnd ne dinata aur vinayashilata ka ashray liya. bole-mainne to ap logon ki maraji ke khilaf aisa koee kam nahin kiya jisaki yah saza mile. mainne ap logon ko hamesha apana dost samajha hai.

roshan-to ham log jo kuchh kar rahe hain vah bhi apake phayade hi ke lie kar rahe hain. ham apake sir se saltanat ka bojh utar kar apako azad kar denge. tab apake aish men khalal n padega. ap bephikr ho kar hasinon ke sath zindagi ki bahar lootiega.

badashah-to kya ap log mujhe takht se utarana chahate hain

roshan-nahin apako badashahi ki zimmedariyon se azad kar dena chahate hain.

badashah-hajarat imam ki kasam main yah jillat n bardasht karoonga. main apane bujurgon ka nam n dubaoonga.

roshan-apake bujurgon ke nam ki fikr hamen apase zyada hai. apaki aish parasti bujurgon ka nam roshan nahin kar rahi hai.

badashah (dinata se)-vada karata hoon ki ainda se ap logon ko shikayat ka koee mauqa n doonga.

roshan-nashebajon ke vadon par koee divana hi yakin kar sakata hai.

badashah-tum mujhe jabaradasti takht se nahin utar sakate.

roshan-in dhamakiyon ki zaroorat nahin. chupachap chale chalie age apako sejagadi mil jayagi. ham apako ijjat ke sath rukhsat karenge.

badashah-ap janate hain riaya par isaka kya asar hoga

roshan-khoob janata hoon ! apaki himayat men ek ungali bhi n uthegi. kal sari saltanat men ghi ke chirag jalenge.

itani der men sab log us sthan par a pahunche jahan badashah ko le jane ke lie savari taiyar khadi thi. lagabhag 25 sashastr gore sipahi bhi khade the. badashah sejagadi ko dekhakar machal gaye. unake rudhir ki gati tivr ho gayi bhog aur vilas ke niche dabi huee maryada sajag ho gayi. unhonne zor se jhataka de kar apana hath chhuda liya aur nairashyapoorn dussahas ke sath parinam-bhay ko tyag kar uchch svar se bole-ai lakhanoo ke basanevalo ! tumhara badashah yahan dushmanon ke hathon katl kiya ja raha hai. use inake hath se bachao daudo varana pachhataoge !

yah art pukar akash ki niravata ko chirati huee gomati ki laharon men vilin nahin huee balki lakhanoovalon ke hridayon men ja pahunchi. raja bakhtavarasinh bndi-grih se nikal kar nagar-nivasiyon ko uttejit karate aur pratikshan rakshakariyon ke dal ko badhate bade veg se daude chale a rahe the. ek pal ka vilamb bhi shadyntrakariyon ke ghatak virodh ko saphal kar sakata tha. dekhate-dekhate unake sath do-tin hazar sashastr manushyon ka dal ho gaya tha. yah samoohik shakti badashah ka aur lakhanoo rajy ka uddhar kar sakati thi. samay sab kuchh tha. badashah gori sena ke pnje men phns gaye to phir samast lakhanoo bhi unhen mukt n kar sakata tha. raja sahab jyon-jyon age badhate jate the nairashy se dil baitha jata tha. viphal manorath hone ki shnka se utsah bhng hua jata tha. ab tak kahin un logon ka pata nahin ! avashy ham der men pahunche. vidrohiyon ne apana kam poora kar liya. lakhanoo rajy ki svadhinata sada ke lie visarjit ho gayi !

ye log nirash ho kar lautana hi chahate the ki achanak badashah ka artanad sunayi diya. kee hazar knthon se akash-bhedi dhvani nikali-huzoor ko khuda salamat rakhe. ham phida hone ko a pahunche!

samast dal ek hi prabal ichchha se prerit ho kar vegavati jaladhara ki bhanti ghatanasthal ki or dauda. ashakt log bhi sashakt ho gaye. pichhade hue log age nikal jana chahate the. age ke log chahate the ki ud kar ja pahunchen !

in adamiyon ki ahat pate hi goron ne bndooken bharin aur 25 bndookon ki badh sar ho gayi. rakshakariyon men kitane hi log gir pade magar qadam pichhe n hate. vir mad ne aur bhi matavala kar diya. ek kshan men doosari badh ayi kuchh log phir vir-gati ko prapt hue lekin qadam age badhate hi gaye. tisari badh chhootane hi vali thi ki logon ne vidrohiyon ko pa liya. gore bhage.

jab log badashah ke pas pahunche to adbhut drishy dekha. badashah roshanuddaula ki chhati par savar the. jab gore jan le kar bhage to badashah ne is narapishach ko pakad liya aur use balapoorvak bhoomi par gira kar usaki chhati par baith gaye. agar unake hathon men hathiyar hota to is vakt roshan ki lash tadaphati huee dikhayi deti.

raja bakhtavarasinh age badh kar badashah ko adab baja laye. logon ki jay-dhvani se akash hil utha. koee badashah ke pairon ko choomata tha. koee unhen ashirvad deta tha aur roshanuddaula ka sharir to laton aur ghooson ka lakshy bana hua tha. kuchh bigade dil aise bhi the jo usake munh par thookane men bhi snkoch n karate the.

pratahkal tha. lakhanoo men anandotsav manaya ja raha tha. badashahi mahal ke samane lakhon adami jama the. sab log badashah ko yathayogy najar dene aye the. jagah-jagah garibon ko bhojan karaya ja raha tha. shahi naubatakhane men naubat baj rahi thi.

darabar saja. badashah hire aur javahar se jagamagate ratnajatit abhooshanon se saje hue sinhasan par biraje. reeson aur amiron se najaren gujarin. kavijanon ne kaside padhe. ekaek badashah ne poochha-raja bakhtavarasinh kahan hain kaptan ne javab diya-kaidakhane men.

badashah ne usi vakt kee karmachariyon ko bheja ki raja sahab ko jelakhane se ijjat ke sath layen. jab thodi der ke bad raja ne a kar badashah ko salam kiya to ve takht se utar kar unase gale mile aur unhen apani dahini or sinhasan par baithaya. phir darabar men khade hokar unaki sukirti aur raj-bhakti ki prashnsa karane ke uparant apane hi hathon se unhen khilat pahanayi. raja sahab ke kutumb ke prani adar aur samman ke sath bida kiye gaye.

ant ko jab dopahar ke samay darabar barkhast hone laga to badashah ne raja sahab se kaha-apane mujh par aur meri saltanat par jo ehasan kiya hai usaka sila (puraskar) dena mere imakan se bahar hai. meri apase yahi iltija (anurodh) hai ki ap vajarat ka kalamadan apane hath men lijie aur saltanat ka jis tarah munasib samajhie intazam kijie. main apake kisi kam men dakhal n doonga. mujhe ek goshe men pada rahane dijie. namakaharam roshan ko bhi main apake supurd kiye deta hoon. ap ise jo saza chahen den. main ise kab ka jahannum bhej chuka hota par yah samajh kar ki yah apaka shikar hai ise chhode hue hoon.

lekin bakhtavarasinh badashah ke uchchhrinkhal svabhav se bhali-bhanti parichit the vah janate the badashah ki ye sadichchhaen thode hi dinon ki mehaman hain ! manavacharitr men akasmik parivartan bahut kam hua karate hain. do-char mahine men darabar ka phir vahi rng ho jayaga isalie mera tatasth rahana hi achchha hai. rajy ke prati mera jo kuchh karttavy tha vah mainne poora kar diya. main darabar men rah kar kadapi nahin kar sakata. hitaishi mitr ka jitana samman hota hai svamibhakt sevak ka utana nahin ho sakata.

vah vinit bhav se bole-huzoor mujhe is ohade se muaph rakhen. main yon hi apaka khadim hoon. is manasab par kisi layaq adami ko mashoor pharamaie (niyukt kijie). main akkhad rajapoot hoon. mulki intazam karana kya janoon.

badashah-mujhe to apase zyada layaq aur vafadar adami najar nahin ata.

magar raja sahab unaki baton men n aye. akhir majaboor hokar badashah ne unhen zyada n dabaya. kshan bhar bad jab roshanuddaula ko saza dene ka prashn utha tab donon adamiyon men itana matabhed hua ki vad-vivad ki naubat a gayi. badashah agrah karate the ki ise kutton se nuchava diya jay. raja sahab is bat par ade hue the ki ise jan se n mara jay keval najaraband kar diya jay. ant men badashah ne kruddh hokar kaha-yah ek din apako zaroor daga dega !

raja-is khauph se main isaki jan n loonga.

badashah-to janab ap chahen ise muaph kar den main kabhi muaph nahin kar sakata.

raja-apane to ise mere supurd kar diya tha. di huee chiz ko ap vapas kaise lenge

badashah ne kaha-tumane mere nikalane ka kahin rasta hi nahin rakha.

roshanuddaula ki jan bach gayi. vajarat ka pad kaptan sahab ko mila. magar sabase vichitr bat yah thi ki rejident ne is shadyantr se poorn anabhigyta prakat ki aur saf likh diya ki badashah-salamat apane angrej musahabon ko jo saza chahen den koee apatti n hogi. main unhen pata to svayn badashah ki khidamat men bhej deta lekin panchon mahanubhavon men se ek ka bhi pata n chala. shayad ve sabake sab raton-rat kalakatte bhag gaye.

itihas men ukt ghatana ka kahin ullekh nahin kiya gaya lekin kinvadntiyan jo itihas se adhik vishvasaniy hain usaki satyata ki sakshi hain.

tika tippani aur sndarbh


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah