दरोगाजी -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

kal sham ko ek zaroorat se tange par baitha hua ja raha tha ki raste men ek aur mahashay tange par a baithe. tangevala unhen baithana to n chahata tha, par inakar bhi n kar sakata tha. pulis ke adami se jhagada kaunamol le. yah sahab kisi thane ke daroga the. ek mukadame ki pairavi karane sadar aye the ! meri adat hai ki pulisavalon se bahut kam bolata hoon. sach poochhie, to mujhe unaki soorat se napharat hai. unake hathon praja ko kitane kasht uthane padate hain, isaka anubhav is jivan men kee bar kar chuka hoon. main jara ek taraph khisak gaya aur munh pherakar doosari or dekhane laga ki darogaji bole, ‘zanab, yah am shikayat hai ki pulisavale bahut rishvat lete hain; lekin yah koee nahin dekhata ki pulisavale rishvat lene ke lie kitane majaboor kiye jate hain. agar pulisavale rishvat lena band kar den to main halaph se kahata hoon, ye jo bade-bade oonchi pagadiyonvale rees najar ate hain, sab-ke-sab jelakhane ke andar baithe dikhaee den. agar har ek mamale ka chalan karane lagen, to duniya pulisavalon ko aur bhi badanam kare. apako yakin n ayega janab, rupaye ki thailiyan gale lagaee jati hain. ham hazar inakar karen, par charon taraph se aise dabav padate hain ki lachar hokar lena hi padata hai.

mainne upahas ke bhav se kaha, ‘zo kam rupaye lekar kiya jata hai, vahi kam bina rupaye liye bhi to kiya ja sakata hai.‘

darogaji hnsakar bole, ‘vah to gunah belajjat hoga, bndaparavar. pulis ka adami itana kattar devata nahin hota, aur mera khayal hai ki shayad koee insan bhi itana belaus nahin ho sakata. aur singon ke logon ko bhi dekhata hoon, mujhe to koee devata n mila ...’

main abhi isaka kuchh javab de hi raha tha ki ek miyan sahab lambi achakan pahane, turki topi lagaye, tange ke samane se nikale. darogaji ne unhen dekhate hi jhukakar salam kiya aur shayad mizaj sharif poochhana chahate the ki us bhale adami ne salam ka javab galiyon se dena shuroo kiya. jab tanga kee qadam age nikal aya, to vah ek patthar lekar tange ke pichhe dauda. tangevale ne ghode ko tej kiya. us bhalemanus ne bhi qadam tej kiye aur patthar phenka. mera sir bal-bal bach gaya. usane doosara patthar uthaya, vah hamare samane akar gira. tisara patthar itani zor se aya ki darogaji ke ghutane men badi chot ayi; par itani der men tanga itani door nikal aya tha ki ham pattharon ki mar se door ho gaye the. han, galiyon ki mar abhi tak jari thi. jab tak vah adami ankhon se ojhal n ho gaya, ham use ek hath men patthar uthaye, galiyan bakate hue dekhate rahe.

jab jara chitt shant hua, mainne darogaji se poochha, ‘yah kaun adami hai, sahab ? koee pagal to nahin hai ?’

darogaji ne ghutane ko sahalate hue kaha, ‘pagal nahin hai sahab, mera purana dushman hai. mainne samajha tha, jalim pichhali baten bhool gaya hoga. varana mujhe kya padi thi ki salam karane jata.‘

mainne poochha, ‘apane ise kisi mukadame men saza dilaee hogi ?’

'badi lambi dastan hai janab ! bas itana hi samajh lijie ki isaka bas chale, to mujhe zinda hi nigal jay.'

'ap to shok ki ag ko aur bhadaka rahe hain. ab to vah dastan sune bagair taskin n hogi.'

darogaji ne pahaloo badalakar kaha, ‘achchhi bat hai, sunie. kee sal hue, main sadar men hi tainat tha. bephikri ke din the, taja khoon, ek mashook se ankh lad gee. amadarapht shuroo huee. ab bhi jab us hasina ki yad ati hai, to ankhon se ansoo nikal ate hain. bazaroo auraton men itani haya, itani vapha, itani muravvat mainne nahin dekhi. do sal usake sath itane lutph se gujare ki aj bhi usaki yad karake rota hoon. magar kisse ko badhaoonga nahin, varana adhoora hi rah jayaga. mukhtasar yah ki do sal ke bad mere tabadale ka hukm a gaya. us vakt dil ko jitana sadama pahuncha, usaka ftkr karane ke lie daftar chahie. bas, yahi ji chahata tha ki istipha de doon. us hasina ne yah khabar suni, to usaki jan-si nikal gee. saphar ki taiyari ke lie mujhe tin din mile the. ye tin din hamane mnsoobe bandhane men kate. us vakt mujhe anubhav hua ki auraton ko akl se khali samajhane men hamane kitani badi galati ki hai. mere mnsoobe shekhachilli ke-se hote the. kalakatte bhag chalen, vahan koee dookan khol den, ya isi tarah koee doosari tajavij karata. lekin vah yahi javab deti ki abhi vahan jakar apana kam karo. jab makan ka bandobast ho jay, to mujhe bula lena. main daudi chali aoongi. akhir judaee ki ghadi aee. mujhe maloom hota tha ki ab jan n bachegi. gadi ka vakt nikala jata tha aur main usake pas se uthane ka nam n leta tha. magar main phir kisse ko tool dene laga. khulasa yah ki main use do-tin din men bulane ka vada karake rukhsat hua. par afasos ! ve do-tin din kabhi n aye. pahale das-panch din to aphasaron se milane aur ilake ki dekhabhal men gujare. isake bad ghar se khat a gaya ki tumhari shadi tay ho gee; rukhsat lekar chale ao. shadi ki khushi men us vapha ki devi ki mujhe fikr n rahi. shadi karake mahine-bhar bad lauta, to bivi sath thi. rahi-sahi yad bhi jati rahi. usane ek mahine ke bad ek khat bheja; par mainne usaka javab n diya. darata rahata tha ki kahin ek din vah akar sir par savar n ho jay; phir bivi ko munh dikhane layaq bhi n rah jaoon.

sal bhar ke bad mujhe ek kam se sadar ana pada. us vakt mujhe us aurat ki yad aee; socha, jara chalakar dekhana chahie, kis halat men hai. phauran apane khat n bhejane aur itane dinon tak n ane ka javab soch liya aur usake dvar par ja pahuncha. daravaza saph-suthara tha, makan ki halat bhi pahale se achchhi thi. dil ki khushi huee ki isaki halat utani kharab nahin hai, jitani mainne samajhi thi. aur, kyon kharab hone lagi. mujh jaise duniya men kya aur adami hi nahin hain. mainne daravaza khatakhataya. andar se vah bnd tha. avaz aee, ‘qaun hai ?’

mainne kaha, ;vah ! itani jald bhool geen, main hoon, bashir ...’

koee javab n mila, avaz usi ki thi, isamen shak nahin, phir daravaza kyon nahin kholati ? zaroor mujhase naraz hai. mainne phir kivad khatakhataye aur laga apani musibaton ka kissa sunane. koee pandrah minat ke bad daravaza khula. hasina ne mujhe ishare se andar bulaya aur chat kivad band kar liye. mainne kaha, ‘main tumase muaphi mangane aya hoon. yahan se jakar main badi mushkil men phas gaya. ilaka itana kharab hai ki dam marane ki muhalat nahin milati.‘

hasina ne meri taraph n dekhakar zamin ki taraph takate hue kaha,’muaphi kis bat ki ? tumase mera nikah to hua n tha. dil kahin aur lag gaya, to meri yad kyon ati. mujhe tumase koee shikayat nahin. jaisa aur log karate hain, vaisa hi tumane kiya. yahi kya kam hai ki itane dinon ke bad idhar a to gaye. rahe to khairiyat se ?’

'kisi tarah jinda hoon.'

'shayad judaee men ghulate-ghulate yah tond nikal aee hai. khuda jhooth n bulavaye, tab se doone ho gaye.'

mainne jhenpate hue kaha, yah sara balagam ka phisad hai. bhala mota main kya hota. udhar ka pani nihayat balagami hai. tumane to meri yad hi bhula di.‘

usane abaki meri or tej nigahon se dekha aur boli, ‘khat ka javab tak n diya, ulate mujhi ko ilajam dete ho. main tumhen shuroo se bevapha samajhati thi aur tum vaise hi nikale. bivi laye aur mujhe khat tak n likha ?’

mainne tajjub se poochha, ‘tumhen kaise maloom hua ki meri shadi ho gee ?’

usane rukhaee se kaha, ‘yah poochhakar kya karoge ? jhooth to nahin kahati. bevapha bahut dekhe, lekin tum sabase badhakar nikale. tumhari avaz sunakar ji men to aya ki dutkar doon; lekin yah sochakar daravaza khol diya ki apane daravaze par kisi ko kya jalil karoon.‘

mainne kot utarakar khoonti par lataka diya, joote bhi utar dale aur charapaee par letakar bola, ‘laili, dekho, itani berahami se n pesh ao. main to apani khataon ko khud taslim karata hoon aur isilie ab tumase muaphi mangane aya hoon. jara apane najuk hathon se ek pan to khila do. sach kahana, tumhen meri yad kahe ko ati hogi. koee aur yar mil gaya hoga.‘ laili panadan kholakar pan banane lagi ki ekaek kisi ne kivad khatakhataye. mainne ghabarakar poochha, ‘yah kaun shaitan a pahuncha ?’

hasina ne honthon par ungali rakhate hue kaha, ‘yah mere shauhar hain. tumhari taraph se jab nirash ho gee, to mainne inake sath nikah kar liya.‘

mainne tyoriyan chadhakar kaha, ‘to tumane mujhase pahale hi kyon n bata diya, main ulate panv laut n jata, yah naubat kyon ati. n jane kab ki yah kasar nikali.‘

'mujhe kya maloom ki yah itane jald a pahunchenge. roj to pahar rat gaye ate the. phir tum itani door se aye the, tumhari kuchh khatir bhi to karani thi.'

'yah achchhi khatir ki. batao; ab main jaoon kahan ?'

'meri samajh men khud kuchh nahin a raha hai. ya allah ! kis ajab men phasi.'

itane men un sahab ne daravaza khatakhataya. aisa maloom hota tha ki kivad tod dalega. hasina ke chehare par ek rng ata tha, ek rng jata tha. bechari khadi kanp rahi thi. bas, jaban se yahi nikalata tha, ‘ya allah, raham kar.‘

bahar se avaz aee--‘are, tum kya saresham se so geen ? abhi to ath bhi nahin baje. kahin sanp to nahin soongh gaya. allah janata hai, ab aur der ki, to kivad chidava daloonga.‘

mainne gidagidakar kaha, ‘khuda ke lie mere chhipane ki koee jagah batao. pichhavade koee daravaza nahin ?’

'na !'

'sndas to hai ?'

'sabase pahale vah vahin jayenge.'

'achchha, vah samane kothari kaisi hai ?'

'han, hai to, lekin kahin kothari kholakar dekha to ?

'kya bahut dabal adami hai ?'

'tum jaise do ko bagal men daba le.'

'to khol do kothari. vah jyon hi andar ayega, main daravaza kholakar nikal bhagoonga.'

hasina ne kothari khol di. main andar ja ghusa. daravaza phir band ho gaya.

mujhe kothari men band karake hasina ne jakar sadar daravaza khola aur boli, kyon kivad tode dalate ho ? a to rahi hoon.‘

mainne kothari ke kivadon ke darajon se dekha. adami kya poora dev tha. andar ate hi bola, ‘tum saresham se so gee thin !’

'han, jara ankh lag gee thi.'

'mujhe to aisa maloom ho raha tha ki tum kisi se baten kar rahi ho.'

'vaham ki dava to lukaman ke pas bhi nahin.'

'mainne saf suna. koee-n-koee tha zaroor. tumane use kahin chhipa rakha hai.'

'inhin baton par tumase mera ji jalata hai. sara ghar to pada hai, dekh kyon nahin lete.'

'dekhoonga to main zaroor hi, lekin tumase sidhe-sidhe poochhata hoon, batala do, kaun tha ?'

hasina ne kunjiyon ka guchchha phenkate hue kaha, ‘aur koee tha to ghar hi men n hoga. lo, sab jagah dekh ao. suee to hai nahin ki mainne kahin chhipa di ho.‘

vah shaitan in chakamon men n aya. shayad pahale bhi aisa hi charaka kha chuka tha. kunjiyon ka guchchha uthakar sabase pahale meri kothari ke dvar par aya aur usake tale ko kholane ki koshish karane laga ! guchchhe men

us tale ki kunji n thi. bola, is kothari ki kunji kahan hai ? hasina ne banavati tajjub se kaha, ‘are, to kya usamen koee chhipa baitha hai ? vah to lakadiyon se bhari padi hai.‘

'tum kunji de do n.'

'tum bhi kabhi-kabhi pagalon ke-se kam karane lagate ho. andhere men koee sanp-bichchhoo nikal aye to. na bhaiya, main usaki kunji n doongi.'

'bala se sanp nikal ayega. achchha hi ho, nikal aye. is behayaee ki zindagi se to maut hi achchhi !'

hasina ne idhar-udhar talash karake kaha, 'n jane usaki kunji kahan rakh di. khayal nahin ata.'

'is kothari men to mainne aur kabhi tala nahin dekha.'

'main to roj lagati hoon. shayad kabhi lagana bhool gee hoon, to nahin kah sakati.'

'to tum kunji n dogi ?'

'kahati to hoon is vakt nahin mil rahi hai.'

'kahe deta hoon, kachcha hi kha jaoonga.'

ab tak to main kisi tarah jabt kiye khada raha. bar-bar apane oopar gussa a raha tha ki yahan kyon aya. n-jane yah shaitan kaise pesh aye. kahin taish men akar mar hi n dale. mere hathon men to koee chhuri bhi nahin.

ya khuda ! ab too hi malik hai. dam roke hue khada tha ki ek pal ka bhi mauqa mile, to nikal bhagoon; lekin jab us maradood ne kivadon ko zor se dhamadhamana shuroo kiya, tab to rooh hi phana ho gee. idhar-udhar nigah dali ki kisi kone men chhipane ki jagah hai, ya nahin. kivad ke darajon se kuchh roshani a rahi thi ! oopar jo nigah uthaee, to ek machan-sa dikhaee diya. doobate ko tinake ka sahara mil gaya. uchakakar chahata tha ki oopar chadh jaoon ki machan par ek adami ko baithe dekhakar us halat men mere munh se chikh nikal gee. yah hajarat achakan pahane, ghadi lagaye, ek khoobasoorat safa bandh, ukadoon baithe hue the. ab mujhe maloom hua ki mere lie daravaza kholane men hasina ne itani der kyon ki thi. abhi inako dekh hi raha tha

ki daravaze par moosal ki choten padane lagin. mamooli kivad to the hi, tin-char choton men donon kivade niche a rahe aur vah maradood lalaten lie kamare men ghusa. us vakt meri kya halat thi, isaka andaj ap khud kar sakate hain. usane mujhe dekhate hi lalaten rakh di aur meri gardan pakadakar bola, ‘achchha, ap yahan tashariph rakhate hain. aie, apaki kuchh khatir karoon. aise mehaman roj kahan milate hain.‘

yah kahate hue usane mera ek hath pakadakar itane zor se bahar ki taraph dhakela ki main angan men aundha ja gira. us shaitan ki ankhon se angare nikal rahe the. maloom hota tha, usake honth mera khoon choosane ke lie

badhe a rahe hain. main abhi zamin se uthane bhi n paya tha ki vah kasaee ek bada-sa tej chhura lie meri garadan par a pahuncha; magar janab, hoon pulis ka adami. us vakt mujhe ek chal soojh gee. usane meri jan bacha li, varana aj apake sath tange par n baitha hota. mainne hath jodakar kaha, ‘huzoor, main bilakul bekasoor hoon. main to mir sahab ke sath aya tha. usane garajakar poochha, qaun mir sahab ?’

mainne ji kada karake kaha, ‘vahi, jo machan par baithe hue hain. main to huzoor ka gulam thahara, jahan hukm paoonga,

unake sath jaoonga. meri isamen kya khata hai ?’

'achchha, to koee mir sahab machan par bhi tashariph rakhate hain ?'

usane mera hath pakad liya aur kothari men jakar machan par dekha. vah hajarat simate-simataye, bhigi billi bane baithe the. chehara aisa pila pad gaya tha, goya badan men jan hi nahin. usane unaka hath pakadakar ek jhataka diya, to ap dham-se niche a rahe. unaka thath dekhakar ab isamen koee shubaha n raha ki vah mere malik

hain. unaki soorat dekhakar us vakt taras ke sath hnsi ati thi.

'too kaun hai be ?'

'ji, main ... mera makan, yah adami jhootha hai, yah mera naukar nahin hai.'

'too yahan kya karane aya tha ?'

'mujhe yahi badamash (meri taraph dekhakar) dhokha dekar laya tha.'

'yah kyon nahin kahata ki maje udane aya tha. doosaron par iljam rakhakar apani jan bachana chahata hai, suar ? le, too bhi kya samajhega ki kisake pale pada tha.'

yah kahakar usane usi tej chhure se un sahab ki nak kat li. main mauqa pakar betahasha bhaga, lekin hay-hay ki avaz mere kanon men a rahi thi. isake bad un donon men kaisi chhani, hasina ke sir par kya

aphat aee, isaki mujhe kuchh khabar nahin. main tab se bison bar sadar a chuka hoon, par udhar bhoolakar bhi nahin gaya. yah patthar phenkanevale hajarat vahi hain, jinaki nak kati thi. aj n-jane kahan se dikhaee pad gaye aur meri shamat aee ki unhen salam kar baitha. apane unaki nak ki taraph shayad khayal nahin kiya.‘

mujhe ab khayal aya ki us adami ki nak kuchh chipati thi.bola, ‘han, nak kuchh chipati to thi. magar apane us garib ko bura charaka diya.‘

'aur karata hi kya ?'

'zaroor daba lete; magar chor ka dil adha hota hai. us vakt apani-apani padi thi ki mukabala karane ki soojhati. kahin us ramajhalle men dhar liya jata, to abaroo alag jati aur naukari se alag hath dhota.

magar ab is adami se hoshiyar rahana padega.'

itane men chauk a gaya aur ham donon ne apani-apani rah li.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah