आपबीती- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

prayah adhikansh sahity-seviyon ke jivan men ek aisa samay ata hai jab pathakagan unake pas shraddha-poorn patr bhejane lagate hain. koee unaki rachana-shaili ki prashnsa karata hai koee unake sadvicharon par mugdh ho jata hai. lekhak ko bhi kuchh dinon se yah saubhagy prapt hai. aise patron ko padh kar usaka hriday kitana gadgad ho jata hai ise kisi sahity-sevi hi se poochhana chahie. apane phate knbal par baitha hua vah garv aur atmagaurav ki laharon men doob jata hai. bhool jata hai ki rat ko gili lakadi se bhojan pakane ke karan sir men kitana dard ho raha tha khatamalon aur machchharon ne rat bhar kaise nind haram kar di thi. main bhi kuchh hoon yah ahnkar use ek kshan ke lie unmatt bana deta hai. pichhale sal savan ke mahine men mujhe ek aisa hi patr mila. usamen meri kshudr rachanaon ki dil khol kar dad di gayi thi.

patr-preshak mahoday svayn ek achchhe kavi the. main unaki kavitaen patrikaon men aksar dekha karata tha. yah patr padh kar phoola n samaya. usi vakt javab likhane baitha. us tarng men jo kuchh likh gaya is samay yad nahin. itana zaroor yad hai ki patr adi se ant tak prem ke udgaron se bhara hua tha. mainne kabhi kavita nahin ki aur n koee gady-kavy hi likha par bhasha ko jitana snvar sakata tha utana snvara. yahan tak ki jab patr samapt karake dubara padha to kavita ka annd aya. sara patr bhav-lality se paripoorn tha. panchaven din kavi mahoday ka doosara patr a pahuncha. vah pahale patr se bhi kahin adhik marmasparshi tha. pyare bhaiya ! kah kar mujhe sambodhit kiya gaya tha meri rachanaon ki soochi aur prakashakon ke nam-thikane poochhe gaye the. ant men yah shubh samachar hai ki meri patni ji ko apake oopar badi shraddha hai. vah bade prem se apaki rachanaon ko padhati hain. vahi poochh rahi hain ki apaka vivah kahan hua hai. apaki sntanen kitani hain tatha apaka koee photo bhi hai ho to kripaya bhej dijie. meri janm-bhoomi aur vnshavali ka pata bhi poochha gaya tha. is patr visheshatah usake antim samachar ne mujhe pulakit kar diya.

yah pahala hi avasar tha ki mujhe kisi mahila ke mukh se chahe vah pratinidhi dvara hi kyon n ho apani prashnsa sunane ka saubhagy prapt hua. garoor ka nasha chha gaya. dhany hai bhagavanh ! ab ramaniyan bhi mere krity ki sarahana karane lagin ! mainne turnt uttar likha. jitane karnapriy shabd meri smriti ke kosh men the sab kharch kar diye. maitri aur bndhutv se sara patr bhara hua tha. apani vnshavali ka varnan kiya. kadachith mere poorvajon ka aisa kirti-gan kisi bhat ne bhi n kiya hoga. mere dada ek zamindar ke karinde the mainne unhen ek badi riyasat ka mainejar batalaya. apane pita ko jo ek daftar men klark the us daftar ka pradhanadhyaksh bana diya. aur kashtakari ko jamindari bana dena to sadharan bat thi. apani rachanaon ki snkhya to n badha saka par unake mahattv adar aur prachar ka ullekh aise shabdon men kiya jo namrata ki ot men apane garv ko chhipate hain. kaun nahin janata ki bahudha tuchchh ka arth usase viparit hota hai aur din ke mane kuchh aur hi samajhe jate hain. spasht se apani badaee karana uchchhrinkhalata hai magar sanketik shabdon se ap isi kam ko badi asani se poora kar sakate hain. khair mera patr samapt ho gaya aur tatkshan letarabaks ke pet men pahunch gaya.

isake bad do saptah tak koee patr n aya. mainne us patr men apani grihini ki or se bhi do-char samayochit baten likh di thin. asha thi ghanishthata aur bhi ghanishth hogi. kahin kavita men meri prashnsa ho jay to kya poochhana ! phir to sahity-snsar men main hi najar aoon ! is chuppi se kuchh nirasha hone lagi lekin is dar se ki kahin kavi ji mujhe matalabi athava sentimaintal n samajh len koee patr n likh saka.

ashvin ka mahina tha aur tisara pahar. ramalila ki dhoom machi huee thi. main apane ek mitr ke ghar chala gaya tha. tash ki bazi ho rahi thi. sahasa ek mahashay mera nam poochhate hue aye aur mere pas ki kurasi par baith gaye. mera unase kabhi ka parichay n tha. soch raha tha yah kaun adami hai aur yahan kaise aya yar log un mahashay ki or dekh kar apas men isharebajiyan kar rahe the. unake akar-prakar men kuchh navinata avashy thi. shyamavarn nata dil mukh par chechak ke dag nnga sir bal snvare hue sirph sadi kamij gale men phoolon ki ek mala pair men phul-boot aur hath men ek moti-si pustak !

mainne vismit ho kar nam poochha.

uttar mila-mujhe umapatinarayan kahate hain.

main uth kar unake gale se lipat gaya. yah vahi kavi mahoday the jinake kee prem-patr mujhe mil chuke the. kushal-samachar poochha. pan-ilayachi se khatir ki. phir poochha-apaka ana kaise hua

unhonne kaha-makan par chalie to sab vrittant kahoonga. main apake ghar gaya tha. vahan maloom hua ap yahan hain. poochhata hua chala aya.

main umapati ji ke sath ghar chalane ko uth khada hua ! jab vah kamare ke bahar nikal gaye to mere mitr ne poochha-yah kaun sahab hain

main-mere ek naye dost hain.

mitr-jara inase hoshiyar rahiega. mujhe to uchakke-se maloom hote hain.

main-apaka anuman galat hai. ap hamesha adami ko usaki sajadhaj se parakha karate hain. par manushy kapadon men nahin hriday men rahata hai.

mitr-khair ye rahasy ki baten to ap janen main apako agah kiye deta hoon.

mainne isaka kuchh javab nahin diya. umapati ji ke sath ghar par aya. bazar se bhojan mngavaya. phir baten hone lagin. unhonne mujhe apani kee kavitaen sunayin. svar bahut saras aur madhur tha.

kavitaen to meri samajh men khak n ayin par mainne tariphon ke pul bandh diye. jhoom-jhoom kar vah vah karane laga jaise mujhase badh kar koee kavy rasik snsar men n hoga. sndhya ko ham ramalila dekhane gaye. lautakar unhen phir bhojan karaya. ab unhonne apana vrittant sunana shuroo kiya. is samay vah apani patni ko lene ke lie kanapur ja rahe hain. usaka makan kanapur hi men hai. unaka vichar hai ki ek masik patrika nikalen. unaki kavitaon ke lie ek prakashak 1 000 ru. deta hai par unaki ichchha to yah hai ki unhen pahale patrika men kramashah nikal kar phir apani hi lagat se pustakakar chhapavayen. kanapur men unaki jamindari bhi hai par vah sahityik jivan vyatit karana chahate hain. jamindari se unhen ghrina hai. unaki stri ek kanya-vidyalay men pradhanadhyapika hai. adhi rat tak baten hoti rahin. ab unamen se adhikansh yad nahin hain. han ! itana yad hai ki ham donon ne mil kar apane bhavi jivan ka ek karyakram taiyar kar liya tha. main apane bhagy ko sarahata tha ki bhagavanh ne baithe-baithaye aisa sachcha mitr bhej diya. adhi rat bit gayi to soye. unhen doosare din 8 baje ki gadi se jana tha. main jab so kar utha tab 7 baj chuke the. umapati ji hath-munh dhoye taiyar baithe the. bole-ab agya dijie lautate samay idhar hi se jaoonga. is samay apako kuchh kasht de raha hoon. kshama kijiega. main kal chala to pratahkal ke 4 baje the. do baje rat se pada jag raha tha ki kahin nind n a jaye. balki yon samajhie ki sari rat jagana pada kyonki chalane ki chinta lagi huee thi. gadi men baitha to jhapakiyan ane lagin. kot utar kar rakh diya aur let gaya turnt nind a gayi. mugalasaray men nind khuli. kot gayab ! niche-oopar charon taraph dekha kahin pata nahin. samajh gaya kisi mahashay ne uda diya. sone ki saza mil gayi. kot men 50 ru. kharch ke lie rakhe the ve bhi usake sath ud gaye. ap mujhe 50 ru. den. patni ko maike se lana hai kuchh kapade vagairah le jane padenge. phir sasural men saikadon tarah ke neg-jog lagane hain. kadam-kadam par rupaye kharch hote hain. n kharch kijie to hnsi ho. main idhar se lautoonga to deta jaoonga.

main bade snkoch men pad gaya. ek bar pahale bhi dhokha kha chuka tha. turnt bhram hua kahin abaki phir vahi dasha n ho. lekin shighr hi man ke is avishvas par lajjit hua. snsar men sabhi manushy ek-se nahin hote. yah bechare itane sajjan hain. is samay snkat men pad gaye hain. aur mithya sndeh men pada hua hoon. ghar men akar patni se kaha-tumhare pas kuchh rupaye to nahin hain

stri-kya karoge.

main-mere mitr jo kal aye hain unake rupaye kisi ne gadi men chura liye. unhen bivi ko bida karane sasural jana hai. lautati bar dete jaynge.

patni ne vyngy karake kaha-tumhare yan jitane mitr ate hain sab tumhen thagane hi ate hain sabhi snkat men pade rahate hain. mere pas rupaye nahin hain.

mainne khushamad karate hue kaha-lao de do bechare taiyar khade hain. gadi chhoot jayagi.

stri-kah do is samay ghar men rupaye nahin hain.

main-yah kah dena asan nahin hai. isaka arth to yah hai ki main daridr hi nahin mitr-hin bhi hoon nahin to kya mere lie 50 ru. ka intajam n ho sakata. umapati ko kabhi vishvas n ayega ki mere pas rupaye nahin hain. isase to kahin achchha ho ki saph-saph yah kah diya jay ki hamako ap par bharosa nahin hai ham apako rupaye nahin de sakate. kam se kam apana parda to dhaka rah jayaga.

shrimati ne jhunjhala kar sndook ki kunji mere age phenk di aur kaha-tumhen jitana bahas karana ata hai utana kahin adamiyon ko parakhana ata to ab tak adami ho gaye hote ! le jao de do. kisi tarah tumhari marajad to bani rahe. lekin udhar samajh kar mat do yah samajh lo ki pani men phenke dete hain.

mujhe am khane se kam tha ped ginane se nahin. chupake se rupaye nikale aur la kar umapati ko de diye. phir lautati bar akar rupaye de jane ka ashvasan de kar vah chal diye.

sataven din sham ko vah ghar se laut aye. unaki patni aur putri bhi sath thin. meri patni ne shakkar aur dahi khila kar unaka svagat kiya. munh-dikhayi ke 20 ru. diye. unaki putri ko bhi mithaee khane ko 2 ru. diye. mainne samajha tha umapati ate hi ate mere rupaye ginane lagenge lekin unhonne pahar rat gaye tak rupayon ka nam bhi nahin liya. jab main ghar men sone gaya to bivi se kaha-inhonne to rupaye nahin diye ji !

patni ne vyngy se hns kar kaha-to kya sachamuch tumhen asha thi ki vah ate hi ate tumhare hath men rupaye rakh denge mainne to tumase pahale hi kah diya tha ki phir pane ki asha se rupaye mat do yahi samajh lo ki kisi mitr ko sahayatarth de diye. lekin tum bhi vichitr adami ho.

main lajjit aur chup ho raha. umapati ji do din rahe. meri patni unaka yathochit adar-satkar karati rahi. lekin mujhe utana sntosh n tha. main samajhata tha inhonne mujhe dhokha diya.

tisare din pratahkal vah chalane ko taiyar hue. mujhe ab bhi asha thi ki vah rupaye de kar jayenge. lekin jab unaki nayi ramakahani suni to sannate men a gaya. vah apana bistar bandhate hue bole-bada hi khed hai ki main abaki bar apake rupaye n de saka. bat yah hai ki makan par pita ji se bhent hi nahin huee. vah tahasil-vasool karane ganv chale gaye the. aur mujhe itana avakash n tha ki ganv tak jata. rel ka rasta nahin hai. bailagadiyon par jana padata hai. isilie main ek din makan par rahakar sasural chala gaya. vahan sab rupaye kharch ho gaye. bidaee ke rupaye n mil jate to yahan tak ana kathin tha. ab mere pas rel ka kiraya tak nahin hai. ap mujhe 25 ru. aur de den. main vahan jate hi bhej doonga. mere pas ikke tak ka kiraya nahin hai.

ji men to aya ki taka-sa javab de doon par itani ashishtata n ho saki. phir patni ke pas gaya aur rupaye mange. abaki unhonne bina kuchh kahe-sune rupaye nikal kar mere havale kar diye. mainne udasin bhav se rupaye umapati ji ko diye. jab unaki putri aur ardhangini jine se utar gayin to unhonne bistar uthaya aur mujhe pranam kiya. mainne baithe-baithe sar hila kar javab diya. unhen sadak tak pahunchane bhi n gaya.

ek saptah ke bad umapati ji ne likha-main karyavash barar ja raha hoon. laut kar rupaye bhejoonga.

15 din ke bad ek patr likh kar kushal-samachar poochhe. koee uttar n aya. 15 din ke bad phir rupayon ka takaja kiya. usaka bhi kuchh javab n mila. ek mahine ke bad phir takaja kiya. usaka bhi yahi hal ! ek rajistari patr bheja. vah pahunch gaya isamen sndeh nahin lekin javab usaka bhi n aya. samajh gaya samajhadar joroo ne jo kuchh kaha tha vah aksharashah saty tha ! nirash ho kar chup ho raha.

in patron ki mainne patni se charcha bhi nahin ki aur n usi ne kuchh is bare men poochha.

2

is kapat-vyavahar ka mujh par vahi asar pada jo sadharanatah svabhavik roop se padana chahie. koee oonchi aur pavitr atma is chhal par bhi atal rah sakati thi. use yah samajh kar sntosh ho sakata tha ki mainne apane karttavy ko poora kar diya. yadi rini ne rin nahin chukaya to mera kya aparadh. par main itana udar nahin hoon. yahan to mahinon sir khapata hoon kalam ghisata hoon tab ja kar nagad-narayan ke darshan hote hain.

isi mahine ki bat hai. mere yntralay men ek naya knpojitar bihar-prant se aya. kam men chatur jan padata tha. mainne use 15 ru. masik par naukar rakh liya. pahale kisi angreji skool men padhata tha. asahayog ke karan padhana chhod baitha tha. gharavalon ne kisi prakar ki sahayata dene se inakar kiya. vivash hokar usane jivika ke lie yah pesha akhtiyar kar liya. koee 17-18 varsh ki umr thi. svabhav men gnbhirata thi. batachit bahut salike se karata tha. yahan ane ke tisare din bukhar ane laga. do-char din to jyon-tyon karake kate lekin jab bukhar n chhoota to ghabara gaya. ghar ki yad ayi. aur kuchh n sahi gharavale kya dava-darapan bhi n karenge. mere pas akar bola-mahashay main bimar ho gaya hoon. ap kuchh rupaye de den to ghar chala jaoon. vahan jate hi rupayon ka prabndh karake bhej doonga. vah vastav men bimar tha. main usase bhali-bhanti parichit tha. yah bhi janata tha ki yahan rahakar vah kabhi svasthy-labh nahin kar sakata. use sachamuch sahayata ki zaroorat thi. par mujhe shnka huee ki kahin yah bhi rupaye hajam n kar jay. jab ek vicharashil suyogy vidvanh purush dhokha de sakata hai to aise arddhashikshit navayuvak se kaise yah asha ki jay ki vah apane bachan ka palan karega

main kee minat tak ghor snkat men pada raha. ant men bola-bhee mujhe tumhari dasha par bahut duahkh hai. magar main is samay kuchh n kar sakoonga. bilakul khali hath hoon. khed hai.

yah kora javab sun kar usaki ankhon se ansoo girane lage. vah bola-ap chahen to kuchh n kuchh prabndh avashy kar sakate hain. main jate hi apake rupaye bhej doonga.

mainne dil men kaha-yahan tumhari niyat saf hai lekin ghar pahunch kar bhi yahi niyat rahegi isaka kya praman hai niyat saf rahane par bhi mere rupaye de sakoge ya nahin yah kaun jane kam se kam tumase vasool karane ka mere pas koee sadhan nahin hai. prakat men kaha-isamen mujhe koee sndeh nahin hai lekin khed hai ki mere pas rupaye nahin hain. han tumhari jitani tanakhvah nikalati ho vah le sakate ho.

usane kuchh javab nahin diya kinkartavyavimoodh ki tarah ek bar akash ki or dekha aur chala gaya. mere hriday men kathin vedana huee. apani svarthaparata par glani huee. par ant ko mainne jo nishchay kiya tha usi par sthir raha. is vichar se man ko sntosh ho gaya ki main aisa kahan ka dhani hoon jo yon rupaye pani men phenkata phiroon.

yah hai us kapat ka parinam jo mere kavi mitr ne mere sath kiya.

maloom nahin age chal kar is nirbalata ka kya kuphal nikalata par saubhagy se usaki naubat n ayi. eeshvar ko mujhe is apayash se bachana mnjoor tha. jab vah ankhon men ansoo-bhare mere pas se chala to karyalay ke ek klark pn. prithvinath se usaki bhent ho gayi. pndit ji ne usase hal poochha. poora vrittant sun lene par bina kisi aga-pichha ke unhonne 15 ru. nikal kar use de diye. ye rupaye unhen karyalay ke munim se udhar lene pade. mujhe yah hal maloom hua to hriday ke oopar se ek bojh-sa utar gaya. ab vah bechara maje se apane ghar pahunch jayaga. yah sntosh muft hi men prapt ho gaya. kuchh apani nichata par lajja bhi ayi. main lnbe-lnbe lekhon men daya manushyata aur sadvyavahar ka upadesh kiya karata tha par avasar padane par saf jan bacha kar nikal gaya ! aur yah bechara klark jo mere lekhon ka bhakt tha itana udar aur dayashil nikala ! guru gud hi rahe chela shakkar ho gaye. khair usamen bhi ek vyngy-poorn sntosh tha ki mere upadeshon ka asar mujh par n hua n sahi doosaron par to hua! chirag ke tale andhera raha to kya hua usaka prakash to phail raha hai ! par kahin bechare ko rupaye n mile (aur shayad hi milen isaki bahut kam asha hai) to khoob chhakenge. hajarat ko ade hathon loonga. kintu meri yah abhilasha n poori huee. panchaven din rupaye a gaye. aisi aur ankhen khol denevali yatana mujhe aur kabhi nahin mili thi. khairiyat yahi thi ki mainne is ghatana ki charcha stri se nahin ki thi nahin to mujhe ghar men rahana bhi mushkil ho jata.

3

uparyukt vrittant likh kar mainne ek patrika men bhej diya. mera uddeshy keval yah tha ki janata ke samane kapat-vyavahar ke kuparinam ka ek drishy rakhoon. mujhe svapn men bhi asha n thi koee pratyaksh phal nikalega. isi se jab chauthe din anayas mere pas 75 ru. ka maniardar pahuncha to mere annd ki sima n rahi. preshak vahi mahashay the-umapati. koopan par keval kshama likha hua tha. mainne rupaye le jakar patni ke hathon men rakh diye aur koopan dikhalaya.

usane anamane bhav se kaha-inhen le ja kar yatn se apane sndook men rakho. tum aise lobhi prakriti ke manushy ho yah mujhe aj gyat hua. thode-se rupayon ke lie kisi ke pichhe pnje jhad kar pad jana sajjanata nahin hai. jab koee shikshit aur vinayashil manushy apane vachan ka palan n kare to yahi samajhana chahie ki vah vivash hai. vivash manushy ko bar-bar takajon se lajjit karana bhalamanasi nahin hai. koee manushy jisaka sarvatha naitik patan nahin ho gaya hai yathashakti kisi ko dhokha nahin deta. in rupayon ko main tab tak apane pas nahin rakhoongi jab tak umapati ka koee patr nahin a jayaga ki kyon rupaye bhejane men itana vilnb hua.

par is samay main aisi udar baten sunane ko taiyar n tha. dooba hua dhan mil gaya isaki khushi se phoola nahin samata tha.


tika tippani aur sndarbh


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah