पूर्व संस्कार -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

sajjanon ke hisse men bhautik unnati kabhi bhool kar hi ati hai. ramatahal vilasi, durvyasani, charitrahin adami the, par sansarik vyavaharon men chatur, sood-byaj ke mamale men daksh aur mukadame-adalat men kushal the. unaka dhan badhata tha. sabhi unake asami the. udhar unhin ke chhote bhaee shivatahal sadhu-bhakt, dharm-parayan aur paropakari jiv the. unaka dhan ghatata jata tha. unake dvar par do-char atithi bane rahate the. bade bhaee ka sare muhalle par dabav tha. jitane nich shreni ke adami the, unaka hukm pate hi phauran unaka kam karate the. unake ghar ki marammat begar men ho jati. rini kunjade sag-bhaji bhent men de jate. rini gvala unhen bazar-bhav se dyodha doodh deta. chhote bhaee ka kisi par rob n tha. sadhu-snt ate aur ichchhapoorn bhojan karake apani rah lete. do-char adamiyon ko rupaye udhar diye bhi to sood ke lalach se nahin, balki snkat se chhudane ke lie. kabhi zor de kar tagada n karate ki kahin unhen duahkh n ho.

is tarah kee sal gujar gaye. yahan tak ki shivatahal ki sari sampatti paramarth men ud gayi. rupaye bhi bahut doob gaye ! udhar ramatahal ne naya makan banava liya. sone-chandi ki dookan khol li. thodi zamin bhi kharid li aur kheti-bari bhi karane lage.

shivatahal ko ab chinta huee. nirvah kaise hoga ? dhan n tha ki koee rozagar karate. vah vyavahar-buddhi bhi n thi, jo bina dhan ke bhi apani rah nikal leti hai. kisi se rin lene ki himmat n padati thi. rozagar men ghata hua to denge kahan se ? kisi doosare adami ki naukari bhi n kar sakate the. kul-maryada bhng hoti thi. do-char mahine to jyon-tyon karake kate, ant men charon or se nirash ho kar bade bhaee ke pas gaye aur kaha- bhaiya, ab mere aur mere parivar ke palan ka bhar apake oopar hai. apake siva ab kisaki sharan loon ?

ramatahal ne kaha- isaki koee chinta nahin. tumane kukarm men to dhan udaya nahin. jo kuchh kiya, usase kul-kirti hi phaili hai. main dhoort hoon; snsar ko thagana janata hoon. tum sidhe-sade adami ho. doosaron ne tumhen thag liya. yah tumhara hi ghar hai. mainne jo zamin li hai, usaki tahasil vasool karo, kheti-bari ka kam snbhalo. mahine men tumhen jitana kharch pade, mujhase le jao. han, ek bat mujhase n hogi. main sadhu-snton ka satkar karane ko ek paisa bhi n doonga aur n tumhare munh se apani ninda sunoonga.

shivatahal ne gadh‌gad knth se kaha- bhaiya, mujhase itani bhool avashy huee ki main sabase apaki ninda karata raha hoon, use kshama karo. ab se mujhe apani ninda karate sunana to jo chahe dnd dena. han, apase meri ek vinay hai. mainne ab tak achchha kiya ya bura, par bhabhi ji ko mana kar dena ki usake lie mera tiraskar n karen.

ramatahal- agar vah kabhi tumhen tana dengi, to main unaki jibh khinch loonga.

ramatahal ki zamin shahar se das-barah kos par thi. vahan ek kachcha makan bhi tha. bail, gadi, kheti ki any samagriyan vahin rahati thin. shivatahal ne apana ghar bhaee ko saunpa aur apane bal-bachchon ko le kar ganv chale gaye. vahan utsah ke sath kam karane lage. naukaron ne kam men chaukasi ki. parishram ka phal mila. pahale hi sal upaj dyodhi ho gayi aur kheti ka kharch adha rah gaya.

par svabhav ko kaise badalen ? pahale ki tarah to nahin, par ab bhi do-char moortiyan shivatahal ki kirti sunakar a hi jati thin. aur shivatahal ko vivash ho kar unaki seva aur satkar karana hi padata tha. han, apane bhaee se yah bat chhipate the ki kahin vah aprasann ho kar jivika ka yah adhar bhi n chhin len. phal yah hota ki unhen bhaee se chhipa kar anaj, bhoosa, khali adi bechana padata. is kami ko poori karane ke lie vah mazadooron se aur bhi kadi mehanat lete the aur khud bhi kadi mehanat karate. dhoop-thnd, pani-boondi ki bilakul paravah n karate the. magar kabhi itana parishram to kiya n tha. sharir shaktihin hone laga. bhojan bhi rookha-sookha milata tha. us par koee thik samay nahin. kabhi dopahar ko khaya, kabhi tisare pahar. kabhi pyas lagi, to talab ka pani pi liya. durbalata rog ka poorv roop hai. bimar pad gaye. dehat men dava-daroo ka subhita n tha. bhojan men bhi kupathy karana padata tha. rog ne jad pakad li. jvar ne pliha ka roop dharan kiya aur pliha ne chhah mahine men kam tamam kar diya.

ramatahal ne yah shok-samachar suna, to unhen bada duahkh hua. in tin varshon men unhen ek paise ka naj nahin lena pada. gud, ghi, bhoosa-chara, upale-eendhan sab ganv se chala ata tha. bahut roye, pachhatava hua ki mainne bhaee ki dava-darapan ki koee fikr nahin ki; apane svarth ki chinta men use bhool gaya. lekin main kya janata tha ki maleriya ka jvar pranaghatak hi hoga ! nahin to yathashakti avashy ilaj karata. bhagavanh ki yahi ichchha thi, phir mera kya vash !

ab koee kheti ko snbhalane vala n tha. idhar ramatahal ko kheti ka maja mil gaya tha ! us par vilasita ne unaka svasthy bhi nasht kar dala tha. ab vah dehat ke svachchh jalavayu men rahana chahate the. nishchay kiya ki khud hi ganv men jakar kheti-bari karoon. ladaka javan ho gaya tha. shahar ka len-den use saunpa aur dehat chale aye.

yahan unaka samay aur chitt vishesh kar gauon ki dekhabhal men lagata tha. unake pas ek jamunapari badi ras ki gay thi. use kee sal hue bade shauq se kharida tha. doodh khoob deti thi, aur sidhi vah itani ki bachcha bhi sing pakad le, to n bolati. vah in dinon gabhin thi. use bahut pyar karate the. sham-sabere usaki pith suhalate, apane hathon se naj khilate. kee adami usake dyodhe़ dam dete the, par ramatahal ne n bechi. jab samay par goo ne bachcha diya, to ramatahal ne dhoomadham se usaka janmotsav manaya, kitane hi brahmanon ko bhojan karaya. kee din tak gana-bajana hota raha. is bachhade ka nam rakha gaya ‘javahir’. ek jyotishi se usaka janm-patra bhi banavaya gaya. usake anusar bachhada bada honahar, bada bhagyashali, svamibhakt nikala. keval chhathe varsh us par ek snkat ki shnka thi. usase bach gaya to phir jivan-paryant sukh se rahega.

bachhada shvet-varn tha. usake mathe par ek lal tilak tha. ankhen kajari thin. svaroop ka atyant manohar aur hath-panv ka sudaul tha. din bhar kalolen kiya karata. ramatahal ka chitt use chhalangen bharate dekh kar praphullit ho jata tha. vah unase itana hil-mil gaya ki unake pichhe-pichhe kutte ki bhanti dauda karata tha. jab vah sham aur subah ko apani khat par baith kar asamiyon se batachit karane lagate, to javahir unake pas khada ho kar unake hath ya panv ko chatata tha. vah pyar se usaki pith par hath pherane lagate, to usaki poonchh khadi ho jati aur ankhen hriday ke ullas se chamakane lagatin. ramatahal ko bhi usase itana sneh tha ki jab tak vah unake samane chauke men n baitha ho, bhojan men svad n milata. vah use bahudha god men chipata liya karate. usake lie chandi ka har, reshami phool, chandi ki jhanjhen banavayin. ek adami use nity nahalata aur jhadata-ponchhata rahata tha. jab kabhi vah kisi kam se doosare ganv men chale jate to unhen ghode par ate dekh kar javahir kulelen marata hua usake pas pahunch jata aur unake pairon ko chatane lagata. pashu aur manushy men yah pita-putra-sa prem dekh kar log chakit ho jate.

javahir ki avastha dhaee varsh ki huee. ramatahal ne use apani savari ki bahali ke lie nikalane ka nishchay kiya. vah ab bachhade se bail ho gaya tha. usaka ooncha dil, gathe hue ang, sudridh mansapeshiyan, gardan ke oopar ooncha dil, chaudi chhati aur mastani chal thi. aisa darshaniy bail sare ilake men n tha. badi mushkil se usaka bandha mila. par dekhane vale saf kahate the ki jod nahin mila. rupaye apane bahut kharch kiye hain, par kahan javahir aur kahan yah ! kahan lainp aur kahan dipak !

par kautoohal ki bat yah thi ki javahir ko koee gadivan hankata to vah age pair n uthata. gardan hila-hila kar rah jata. magar jab ramatahal ap pagaha hath men le lete aur ek bar chumakar kar kahate chalo beta, to javahir unmatt hokar gadi ko le udata. do-do kos tak bina ruke, ek hi sans men daudata chala jata. ghode bhi usaka mukabala n kar sakate.

ek din sndhya samay jab javahir nand men khali aur bhoosa kha raha tha aur ramatahal usake pas khade usaki makkhiyan uda rahe the, ek sadhu mahatma a kar dvar par khade ho gaye. ramatahal ne avinayapoorn bhav se kaha- yahan kyon khade ho maharaj, age jao.

sadhu- kuchh nahin baba, isi bail ko dekh raha hoon. mainne aisa sundar bail nahin dekha.

ramatahal- (dhyan de kar) ghar hi ka bachhada hai.

sadhu- sakshath devaroop hai.

yah kah kar mahatma ji javahir ke nikat gaye aur usake khur choomane lage.

ramatahal- apaka shubhagaman kahan se hua ? aj yahin vishram kijie to badi daya ho.

sadhu- nahin baba, kshama karo. mujhe avashyak kary se relagadi par savar hona hai. rato-rat chala jaoonga ! thaharane se vilamb hoga.

ramatahal- to phir aur kabhi darshan honge ?

sadhu- han, tirth-yatra se tin varsh men laut kar idhar se phir jana hoga. tab apaki ichchha hogi to thahar jaoonga ! ap bade bhagyashali purush hain ki apako aise devaroop nndi ki seva ka avasar mil raha hai. inhen pashu n samajhie, yah koee mahanh atma hain. inhen kasht n dijiega. inhen kabhi phool se bhi n mariega.

yah kah kar sadhu ne phir javahir ke charanon par sis navaya aur chale gaye.

us din se javahir ki aur bhi khatir hone lagi. vah pashu se devata ho gaya. ramatahal use pahale rasoee ke sab padarth khilakar tab ap bhojan karate. pratahkal uth kar usake darshan karate. yahan tak ki vah use apani bahali men bhi n jotana chahate. lekin jab unako kahin jana hota aur bahali bahar nikali jati, to javahir usamen jutane ke lie itana adhir aur utknthit ho jata, sir hila-hila kar is tarah apani utsukata prakat karata ki ramatahal ko vivash ho kar use jotana padata. do-ek bar vah doosari jodi jot kar chale to javahir ko itana duahkh hua ki usane din bhar nand men munh nahin dala. isalie vah ab bina kisi vishesh kary ke kahin jate hi n the.

unaki shraddha dekh kar ganv ke any logon ne bhi javahir ko ann gras dena shuroo kiya. subah usake darshan karane to prayah sabhi a jate the.

is prakar tin sal aur bite. javahir ko chhatha varsh laga.

ramatahal ko jyotishi ki bat yad thi. bhay hua, kahin usaki bhavishyavani saty n ho. pashu-chikitsa ki pustaken mnga kar padhin. pashu-chikitsak se mile aur kee aushadhiyan la kar rakhin. javahir ko tika lagava diya. kahin naukar use kharab chara ya gnda pani n khila-pila den, is ashnka se vah apane hathon se use kholane-bandhane lage. pashushala ka pharsh pakka kara diya jisamen koee kida-makoda n chhip sake. use nityaprati khoob dhulavate bhi the.

sndhya ho gayi thi. ramatahal nand ke pas khade javahir ko khila rahe the ki itane men sahasa vahi sadhu mahatma a nikale jinhonne aj se tin varsh pahale darshan diye the. ramatahal unhen dekhate hi pahachan gaye. jakar dndavath ki, kushal-samachar poochhe aur unake bhojan ka prabandh karane lage. itane men akasmath javahir ne zor se dakar li aur dham-se bhoomi par gir pada. ramatahal daude hue usake pas aye. usaki ankhen pathara rahi thin. pahale ek snehapoorn drishti un par dali aur chit ho gaya.

ramatahal ghabaraye hue ghar se davaen lane daude. kuchh samajh men n aya ki khade-khade ise ho kya gaya. jab vah ghar men se davaiyan le kar nikale tab javahir ka ant ho chuka tha.

ramatahal shayad apane chhote bhaee ki mrityu par bhi itane shokatur n hue the. vah bar-bar logon ke rokane par bhi daud-daud kar javahir ke shav ke pas jate aur usase lipat kar rote.

rat unhonne ro-ro kar kati. usaki soorat ankhon se n utarati thi. rah-rah kar hriday men ek vedana-si hoti aur shok se vihval ho jate.

pratahkal lash uthayi gayi, kintu ramatahal ne ganv ki pratha ke anusar use chamaron ke havale nahin kiya. yathavidhi usaki dah-kriya ki, svayn ag di. shastranusar sab snskar kiye. terahaven din ganv ke brahmanon ko bhojan karaya gaya. ukt sadhu mahatma ko unhonne ab tak nahin jane diya tha. unaki shanti dene vali baton se ramatahal ko badi santvana milati thi.

ek din ramatahal ne sadhu se poochha mahatma ji, kuchh samajh men nahin ata ki javahir ko kaun-sa rog hua tha. jyotishi ji ne usake janmapatra men likha tha ki usaka chhatha sal achchha n hoga. lekin mainne is tarah kisi janavar ko marate nahin dekha. ap to yogi hain, yah rahasy kuchh apaki samajh men ata hai ?

sadhu han, kuchh thoda-thoda samajhata hoon.

ramatahal kuchh mujhe bhi bataie. chitt ko dhairy nahin ata.

sadhu vah us janm ka koee sachcharitr, sadhu-bhakt, paropakari jiv tha. usane apaki sari sampatti dharm-karyon men uda di thi. apake sambandhiyon men aisa koee sajjan tha ?

ramatahal han maharaj, tha.

sadhu usane tumhen dhokha diya tumase vishvasaghat kiya. tumane use apana koee kam saunpa tha. vah tumhari ankh bacha kar tumhare dhan se sadhujanon ki seva-satkar kiya karata tha.

ramatahal mujhe us par itana sndeh nahin hota. vah itana saral prakriti, itana sachcharitr manushy tha ki beeemani karane ka use kabhi dhyan bhi nahin a sakata tha.

sadhu lekin usane vishvasaghat avashy kiya. apane svarth ke lie nahin, atithi-satkar ke lie sahi, par tha vah vishvasaghati.

ramatahal- snbhav hai duravastha ne use dharm-path se vichalit kar diya ho.

sadhu- han, yahi bat hai. us prani ko svarg men sthan dene ka nishchay kiya gaya. par use vishvasaghat ka prayashchitt karana avashyak tha. usane beeemani se tumhara jitana dhan har liya tha, usaki poorti karane ke lie use tumhare yahan pashu ka janm diya gaya. yah nishchay kar liya gaya ki chhah varsh men prayashchitt poora ho jayaga. itani avadhi tak vah tumhare yahan raha. jyon hi avadhi poori ho gayi tyon hi usaki atma nishpap aur nirlipt ho kar nirvanapad ko prapt ho gayi.

mahatma ji to doosare din vida ho gaye, lekin ramatahal ke jivan men usi din se ek bada parivartan dekh padane laga. unaki chitt-vritti badal gayi. daya aur vivek se hriday paripoorn ho gaya. vah man men sochate, jab aise dharmatma prani ko jara se vishvasaghat ke lie itana kathor dnd mila to mujh jaise kukarmi ki kya durgati hogi ! yah bat unake dhyan se kabhi n utarati thi.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah