त्यागी का प्रेम- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

lala gopinath ko yuvavastha men hi darshan se prem ho gaya tha. abhi vah intaramidiyat klas men the ki mil aur barkale ke vaigyanik vichar unako knthasth ho gaye the. unhen kisi prakar ke vinod-pramod se ruchi n thi. yahan tak ki kalej ke kriket-maichon men bhi unako utsah n hota tha. has-parihas se koson bhagate aur unase prem ki charcha karana to mano bachche ko joojoo se darana tha. pratahkal ghar se nikal jate aur shahar se bahar kisi saghan vriksh ki chhanh men baith kar darshan ka adhyayan karane men nirat ho jate. kavy alnkar upanyas sabhi ko tyajy samajhate the. shayad hi apane jivan men unhonne koee kisse-kahani ki kitab padhi ho. ise keval samay ka durupayog hi nahin varanh man aur buddhi-vikas ke lie ghatak khyal karate the. isake sath hi vah utsahahin n the. seva-samitiyon men bade utsah se bhag lete. svadeshavasiyon ki seva ke kisi avasar ko hath se n jane dete. bahudha muhalle ke chhote-chhote dookanadaron ki dookan par ja baithate aur unake ghate-tote mnde-teje ki ramakahani sunate.

shanaiah-shanaiah kalej se unhen ghrina ho gayi. unhen ab agar kisi vishay se prem tha to vah darshan tha. kalej ki bahuvishayak shiksha unake darshananurag men badhak hoti. atev unhonne kalej chhod diya aur ekagrachitt ho kar vigyanoparjan karane lage. kintu darshananurag ke sath hi sath unaka deshanurag bhi badhata gaya aur kalej chhodane ke thode hi dinon pashchath vah anivaryatah jati-sevakon ke dal men sammilit ho gaye. darshan men bhram tha avishvas tha andhakar tha jati-seva men samman tha yash tha aur donon ki sadichchhaen thin. unaka vah sadanurag jo barason se vaigyanik vadon ke niche daba hua tha vayu ke prachnd veg ke sath nikal pada. nagar ke sarvajanik kshetr men kood pade. dekha to maidan khali tha. jidhar ankh uthate sannata dikhaee deta. dhvajadhariyon ki kami n thi par sachche hriday kahin najar n ate the. charon or se unaki khinch hone lagi. kisi snstha ke mntri bane kisi ke pradhan kisi ke kuchh kisi ke kuchh. isake avesh men darshananurag bhi vida hua. pinjare men ganevali chidiya vistrit parvatarashiyon men a kar apana rag bhool gayi. ab bhi vah samay nikal kar darshanagrnthon ke panne ulat-palat liya karate the par vichar aur anushilan ka avakash kahan ! nity man men yah sngram hota rahata ki kidhar jaoon udhar ya idhar vigyan apani or khinchata desh apani or khinchata.

ek din vah isi ulajhan men nadi ke tat par baithe hue the. jaladhara tat ke drishyon aur vayu ke pratikool jhonkon ki parava n karate hue bade veg ke sath apane lakshy ki or badhi chali jati thi par lala gopinath ka dhyan is taraph n tha. vah apane smritibhndar se kisi aise tattvgyani purush ko khoj nikalana chahate the jisane jati-seva ke sath vigyan-sagar men gote lagaye hon. sahasa unake kalej ke ek adhyapak pndit amaranath agnihotri a kar samip baith gaye aur bole-kahie lala gopinath kya khabaren hain

gopinath ne anyamanask ho kar uttar diya-koee nayi bat to nahin huee. prithvi apani gati se chali ja rahi hai.

amaranath-myunisipal-vard nambar 21 ki jagah khali hai usake lie kise chunana nishchit kiya hai

gopi-dekhie kaun hota hai. ap bhi khade hue hain

amar-aji mujhe to logon ne jabaradasti ghasit liya. nahin to mujhe itani phursat kahan.

gopi-mera bhi yahi vichar hai. adhyapakon ka kriyatmak rajaniti men phnsana bahut achchhi bat nahin.

amaranath is vyngy se bahut lajjit hue. ek kshan ke bad pratikar ke bhav se bole-tum ajakal darshan ka abhyas karate ho ya nahin

gopi-bahut kam. isi duvidha men pada hua hoon ki rashtriy seva ka marg grahan karoon ya saty ki khoj men jivan vyatit karoon.

amar-rashtriy snsthanon men sammilit hone ka samay abhi tumhare lie nahin aya. abhi tumhari umr hi kya hai jab tak vicharon men gambhiry aur siddhanton par dridh vishvas n ho jay us samay tak keval kshanik aveshon ke vashavarti ho kar kisi kam men kood padana achchhi bat nahin. rashtriy seva bade uttaradayitv ka kam hai.

gopinath ne nishchay kar liya ki main jati-seva men jivanakshep karoonga. amaranath ne bhi yahi phaisala kiya ki main myunisipailiti men avashy jaoonga. donon ka paraspar virodh unhen karm-kshetr ki or khinch le gaya. gopinath ki sakh pahale hi se jam gayi thi. ghar ke dhani the. shakkar aur sone-chandi ki dalali hoti thi. vyapariyon men unake pita ka bada man tha. gopinath ke do bade bhaee the. vah bhi dalali karate the. paraspar mel tha dhan tha sntanen thin. agar n thi to shiksha aur shikshit samuday men ganana. vah bat gopinath ki badaulat prapt ho gayi. isalie unaki svachchhndata par kisi ne apatti nahin ki kisi ne unhen dhanoparjan ke lie majaboor nahin kiya. atev gopinath nishchint aur nirdvandv hokar rashtr-seva men kahin kisi anathalay ke lie chnde jama karate kahin kisi kanya-pathashala ke lie bhiksha mangate phirate. nagar ki kangres kameti ne unhen apana mntri niyukt kiya. us samay tak kangres ne karmakshetr men padarpan nahin kiya tha. unaki karyashilata ne is jirn snstha ka mano punaruddhar kar diya. vah pratah se sndhya aur bahudha pahar rat tak inhin kamon men lipt rahate the. chnde ka rajistar hath men liye unhen nityaprati sanjh-savere amiron aur reeson ke dvar par khade dekhana ek sadharan drishy tha. dhire-dhire kitane hi yuvak unake bhakt ho gaye. log kahate kitana niahsvarth kitana adarshavadi tyagi jati-sevak hai. kaun subah se sham tak niahsvarth bhav se keval janata ka upakar karane ke lie yon daud-dhoop karega unaka atmotsarg prayah dveshiyon ko bhi anurakt kar deta tha. unhen bahudha reeson ki abhadrata asajjanata yahan tak ki unake katu shabd bhi sahane padate the. unhen ab vidit ho gaya tha ki jati-seva bade anshon tak keval chnde mangana hai. isake lie dhanikon ki darabaradari ya doosare shabdon men khushamad bhi karani padati thi darshan ke us gauravayukt adhyayan aur is danalolupata men kitana antar tha kahan mil aur kent spensar aur kid ke sath ekant men baithe hue jiv aur prakriti ke gahan goodh vishay par vartalap aur kahan in abhimani asabhy moorkh vyapariyon ke samane sir jhukana ! vah antahkaran men unase ghrina karate the. ve dhani the aur keval dhan kamana chahate the. isake atirikt unamen aur koee vishesh gun n tha. unamen adhikansh aise the jinhonne kapat-vyavahar se dhanoparjan kiya tha. par gopinath ke lie ve sabhi poojy the kyonki unhin ki kripadrishti par unaki rashtr-seva avalambit thi.

is prakar kee varsh vyatit ho gaye. gopinath nagar ke many purushon men gine jane lage. vah dinajanon ke adhar aur dukhiyaron ke madadagar the. ab vah bahut kuchh nirbhik ho gaye the aur kabhi-kabhi reeson ko bhi kumarg par chalate dekh kar phatakar diya karate the. unaki tivr alochana bhi ab chnde jama karane men unaki sahayak ho jati thi.

abhi tak unaka vivah n hua tha. vah pahale hi se brahmachary vrat dharan kar chuke the. vivah karane se saf inakar kiya. magar jab pita aur any bndhujanon ne bahut agrah kiya aur unhonne svayn kee vigyan-grnthon men dekha ki indriy-daman svasthy ke lie hanikarak hai to asamnjas men pade. kee haphte sochate ho gaye aur vah man men koee bat pakki n kar sake. svarth aur paramarth men sngharsh ho raha tha. vivah ka arth tha apani udarata ki hatya karana apane vistrit hriday ko snkuchit karana n ki rashtr ke lie jina. vah ab itane oonche adarsh ka tyag karana nindy aur upahasajanak samajhate the. isake atirikt ab vah anek karanon se apane ko parivarik jivan ke ayogy pate the. jivika ke lie jis udyogashilata jis anavarat parishram aur jis manovritti ki avashyakata hai vah unamen n rahi thi. jati-seva men bhi udyogashilata aur adhyavasay ki kam zaroorat n thi lekin usamen atm-gaurav ka hanan n hota tha. paropakar ke lie bhiksha mangana dan hai apane lie pan ka ek bida bhi bhiksha hai. svabhav men ek prakar ki svachchhndata a gayi thi. in trutiyon par parada dalane ke lie jati-seva ka bahana bahut achchha tha.

ek din vah sair karane ja rahe the ki raste men adhyapak amaranath se mulakat ho gayi. yah mahashay ab myunisipal bord ke mntri ho gaye the aur ajakal is duvidha men pade hue the ki shahar men madak vastuon ke bechane ka thika loon ya n loon. labh bahut tha par badanami bhi kam n thi. abhi tak kuchh nishchay n kar sake the. inhen dekh kar bole-kahie lala ji mizaj achchha hai n ! apake vivah ke vishay men kya hua

gopinath ne dridhata se kaha-mera irada vivah karane ka nahin hai.

amaranath-aisi bhool n karana. tum abhi navayuvak ho tumhen snsar ka kuchh anubhav nahin hai. mainne aisi kitani misalen dekhi hain jahan avivahit rahane se labh ke badale hani hi huee hai. vivah manushy ko sumarg par rakhane ka sabase uttam sadhan hai jise ab tak manushy ne avishkrit kiya hai. us vrat se kya fayada jisaka parinam chhichhorapan ho.

gopinath ne pratyuttar diya-apane madak vastuon ke thike ke vishay men kya nishchay kiya

amar-abhi tak kuchh nahin. ji hichakata hai. kuchh n kuchh badanami to hogi hi.

gopi-ek adhyapak ke lie main is peshe ko apaman samajhata hoon.

amar-koee pesha kharab nahin hai agar eemanadari se kiya jay.

gopi-yahan mera apase matabhed hai. kitane hi aise vyavasay hain jinhen ek sushikshit vyakti kabhi svikar nahin kar sakata. madak vastuon ka thika unamen ek hai.

gopinath ne a kar apane pita se kaha-main kadapi vivah n karoonga. ap log mujhe vivash n karen varana pachhataiega.

amaranath ne usi din thike ke lie prarthanapatr bhej diya aur vah svikrit bhi ho gaya.

do sal ho gaye hain. lala gopinath ne ek kanya-pathashala kholi hai aur usake prabndhak hain. shiksha ki vibhinn paddhatiyon ka unhonne khoob adhyayan kiya hai aur is pathashala men vah unaka vyavahar kar rahe hain. shahar men yah pathashala bahut hi sarvapriy hai. usane bahut anshon men us udasinata ka parishodh kar diya hai jo mata-pita ko putriyon ki shiksha ki or hoti hai. shahar ke ganyamany purush apani ladakiyon ko saharsh padhane bhejate hain. vahan ki shiksha-shaili kuchh aisi manornjak hai ki balikaen ek bar ja kar mano mntramugdh ho jati hain. phir unhen ghar par chain nahin milata. aisi vyavastha ki gayi hai ki tin-char varshon men hi kanyaon ka grihasthi ke mukhy kamon se parichay ho jay. sabase badi bat yah hai ki yahan dharm-shiksha ka bhi samuchit prabndh kiya gaya hai. abaki sal se prabndhak mahoday ne angreji ki kakshaen bhi khol di hain. ek sushikshit gujarati mahila ko bambee se bula kar pathashala unake hath men de di hai. in mahila ka nam hai anndi baee. vidhava hain. hindi bhasha se bhali-bhanti parichit nahin hain kintu gujarati men kee pustaken likh chuki hain. kee kanya-pathashalaon men kam kar chuki hain. shiksha-sambandhi vishayon men achchhi gati hai. unake ane se madarase men aur bhi raunak a gayi hai. kee pratishthit sajjanon ne jo apani balikaon ko mnsoori aur nainital bhejana chahate the ab unhen yahin bharati kara diya hai. anndi reeson ke gharon men jati hain aur striyon men shiksha ka prachar karati hain. unake vastrabhooshanon se suruchi ka bodh hota hai. hain bhi uchchakul ki isalie shahar men unaka bada samman hota hai. ladakiyan un par jan deti hain unhen man kah kar pukarati hain. gopinath pathashala ki unnati dekh-dekh kar phoole nahin samate. jisase milate hain anndi baee ka hi gunagan karate hain. bahar se koee suvikhyat purush ata hai to usase pathashala ka nirikshan avashy karate hain. anndi ki prashnsa se unhen vahi annd prapt hota hai jo svayn apani prashnsa se hota. baee ji ko bhi darshan se prem hai aur sabase badi bat yah hai ki unhen gopinath par asim shraddha hai. vah hriday se unaka samman karati hain. unake tyag aur nishkam jati-bhakti ne unhen vashibhoot kar liya hai. vah munh par unaki badaee nahin karatin par reeson ke gharon men bade prem se unaka yashogan karati hain. aise sachche sevak ajakal kahan log kirti par jan dete hain. jo thodi-bahut seva karate hain dikhave ke lie. sachchi lagan kisi men nahin. main lala ji ko purush nahin devata samajhati hoon. kitana saral sntoshamay jivan hai. n koee vyasan n vilas. bhor se saynkal tak daudate rahate hain n khane ka koee samay n sone ka samay. us par koee aisa nahin jo unake aram ka dhyan rakhe. bechare ghar gaye jo kuchh kisi ne samane rakh diya chupake se kha liya phir chhadi uthayi aur kisi taraph chal diye. doosari aurat kadapi apani patni ki bhanti seva-satkar nahin kar sakati.

dashahare ke din the. kanya-pathashala men utsav manane ki taiyariyan ho rahi thin. ek natak khelane ka nishchay kiya gaya tha. bhavan khoob sajaya gaya tha. shahar ke reeson ko nimntran diye gaye the. yah kahana kathin hai ki kisaka utsah badha hua tha baee ji ka ya lala gopinath ka. gopinath samagriyan ekatr kar rahe the unhen achchhe dhng se sajane ka bhar anndi ne liya tha natak bhi inhin ne racha tha. nityaprati usaka abhyas karati thin aur svayn ek part le rakha tha.

vijayadashami a gayi. dopahar tak gopinath pharsh aur kursiyon ka intajam karate rahe. jab ek baj gaya aur ab bhi vah vahan se n tale to anndi ne kaha-lala ji apako bhojan karane ko der ho rahi hai. ab sab kam ho gaya hai. jo kuchh bach raha hai mujh par chhod dijie.

gopinath ne kaha-kha loonga. main thik samay par bhojan karane ka pabnd nahin hoon. phir ghar tak kaun jay. ghnton lag jayenge. bhojan ke uparant aram karane ka ji chahega. sham ho jayagi.

anndi-bhojan to mere yahan taiyar hai brahmani ne banaya hai chal kar kha lijie aur yahin jara der aram bhi kar lijie.

gopinath-yahan kya kha loon ! ek vakt n khaoonga to aisi kaun-si hani ho jayagi

anndi-jab bhojan taiyar hai to upavas kyon kijiega.

gopinath-ap jayen apako avashy der ho rahi hai. main kam men aisa bhoola ki apaki sudhi hi n rahi.

anndi-main bhi ek joon upavas kar loongi to kya hani hogi

gopinath-nahin-nahin isaki kya zaroorat hai main apase sach kahata hoon main bahudha ek hi joon khata hoon.

anndi-achchha main apake inakar ka mane samajh gayi. itani moti bat ab tak mujhe n soojhi.

gopinath-kya samajh gayin main chhootachhat nahin manata. yah to apako maloom hi hai.

anndi-itana janati hoon kintu jis karan se ap mere yahan bhojan karane se inakar kar rahe hain usake vishay men keval itana nivedan hai ki mujhe apase keval svami aur sevak ka sambandh nahin hai. mujhe apase atmiyata ka sambandh hai. apaka mere pan-phool ko asvikar karana apane ek sachche bhakt ke marm ko aghat pahunchana hai. main apako isi drishti se dekhati hoon.

gopinath ko ab koee apatti n ho saki. ja kar bhojan kar liya. vah jab tak asan par baithe rahe anndi baithi pnkha jhalati rahi.

is ghatana ki lala gopinath ke mitron ne yon alochana ki mahashay ji ab to vahin ( vahin par khoob zor de kar) bhojan bhi karate hain.

shanaiah-shanaiah parada hatane laga. lala gopinath ko ab paravashata ne sahity-sevi bana diya tha. ghar se unhen avashyak sahayata mil jati thi kintu patron aur patrikaon tatha any anek kamon ke lie unhen gharavalon se kuchh mangate hue bahut snkoch hota tha. unaka atm-samman jara-jara si baton ke lie bhaiyon ke samane hath phailana anuchit samajhata tha. vah apani zarooraten ap poori karana chahate the. ghar par bhaiyon ke ladake itana kolahal machate ki unaka ji kuchh likhane men n lagata. isalie jab unaki kuchh likhane ki ichchha hoti to bekhatake pathashala men chale jate. anndi baee vahin rahati thin. vahan n koee shor tha n gul. ekant men kam karane men ji lagata. bhojan ka samay a jata to vahin bhojan bhi kar lete. kuchh dinon ke bad unhen baith kar likhane men kuchh asuvidha hone lagi (ankhen kamazor ho gayi thin) to anndi ne likhane ka bhar apane sir le liya. lala sahab bolate the anndi likhati thin. gopinath ki prerana se unhonne hindi sikhi thi aur thode hi dinon men itani abhyast ho gayi thin ki likhane men jara bhi hichak n hoti. likhate samay kabhi-kabhi unhen aise shabd aur muhavare soojh jate ki gopinath phadak-phadak uthate unake lekh men jan-si pad jati. vah kahate yadi tum svayn kuchh likho to mujhase bahut achchha likhogi. main to begari karata hoon. tumhen paramatma ki or se yah shakti karata huee hai. nagar ke lal-bujhakkadon men is sahakarita par tika-tippaniyan hone lagi par vidvajjan apani atma ki shuchita ke samane eershya ke vyngy ki kab paravah karate hain. anndi kahatin-yah to snsar hai jisake man men aye kahe par main us purush ka niradar nahin kar sakati jis par meri shraddha hai. par gopinath itane nirbhik n the. unaki sukirti ka adhar lokamat tha. vah usaki bhartsana n kar sakate the. isalie vah din ke badale rat ko rachana karane lage. pathashala men is samay koee dekhanevala n hota tha. rat ki niravata men khoob ji lagata. aram-kurasi par let jate. anndi mej ke samane kalam hath men liye unaki or dekha karatin. jo kuchh unake mukh se nikalata turnt likh letin. unaki ankhon se vinay aur shil shraddha aur prem ki kiran-si nikalati huee jan padati. gopinath jab kisi bhav ko man men vyakt karane ke bad anndi ki or takate ki vah likhane ke lie taiyar hain ya nahin to donon vyaktiyon ki nigahen milatin aur ap hi jhuk jatin. gopinath ko is tarah kam karane ki aisi adat padati jati thi ki jab kisi karyavash yahan ane ka avasar n milata to vah vikal ho jate the.

anndi se milane ke pahale gopinath ko striyon ka kuchh jo gyan tha vah keval pustakon par avalambit tha. striyon ke vishay men prachin aur arvachin prachy aur pashchaty sabhi vidvanon ka ek hi mat tha-yah mayavi atmik unnati ki badhak paramarth ki virodhini vrittiyon ko kumarg ki or le janevali hriday ko snkirn bananevali hoti hai. inhin karanon se unhonne is mayavi jati se alag rahana hi shreyaskar samajha tha kintu ab anubhav batala raha tha ki striyan sanmarg ki or bhi le ja sakati hain unamen sadgun bhi ho sakate hain. ve karttavy aur seva ke bhavon ko jagrit bhi kar sakati hain. tab unake man men prashn uthata ki yadi anndi se mera vivah hota to mujhe kya apatti ho sakati thi. usake sath to mera jivan bade annd se kat jata. ek din vah anndi ke yahan gaye to sir men dard ho raha tha. kuchh likhane ki ichchha n huee. anndi ko isaka karan maloom hua to usane unake sir men dhire-dhire tel malana shuroo kiya. gopinath ko us samay alaukik sukh mil raha tha. man men prem ki tarngen uth rahi thin-netr mukh vani-sabhi prem men page jate the. usi din se unhonne anndi ke yahan ana chhod diya. ek saptah bit gaya aur n aye. anndi ne likha-apase pathashala sambandhi kee vishayon men ray leni hai. avashy aie. tab bhi n gaye. usane phir likha-maloom hota hai ap mujhase naraz hain ! mainne janaboojh kar to koee aisa kam nahin kiya lekin yadi vastav men ap naraz hain to main yahan rahana uchit nahin samajhati. agar ap ab bhi n ayenge to main dvitiy adhyapika ko charj de kar chali jaoongi. gopinath par is dhamaki ka bhi kuchh asar n hua. ab bhi n gaye. ant men do mahine tak khinche rahane ke bad unhen gyat hua ki anndi bimar hai aur do din se pathashala nahin a saki. tab vah kisi tark ya yukti se apane ko n rok sake. pathashala men aye aur kuchh jhijhakate sakuchate anndi ke kamare men qadam rakha. dekha to chupachap padi huee thi. mukh pila tha sharir ghul gaya tha. usane unaki or dayaprarthi netron se dekha. uthana chaha par ashakti ne uthane n diya. gopinath ne ardr knth se kaha-leti raho leti raho uthane ki zaroorat nahin main baith jata hoon. daktar sahab aye the

mishrain ne kaha-ji han do bar aye the. dava de gaye hain.

gopinath ne nusakha dekha. daktari ka sadharan gyan tha. nusakhe se gyat hua-hridayarog hai. aushadhiyan sabhi pushtikar aur balavarddhak thin. anndi ki or phir dekha. usaki ankhon se ashrudhara bah rahi thi. unaka gala bhi bhar aya. hriday masosane laga. gadgad ho kar bole-anndi tumane mujhe pahale isaki soochana n di nahin to rog itana n badhane pata.

anndi-koee bat nahin hai achchhi ho jaoongi jaldi hi achchhi ho jaoongi. mar bhi jaoongi to kaun ronevala baitha hua hai. yah kahate-kahate vah phoot-phoot kar rone lagi.

gopinath darshanik the par abhi tak unake man ke komal bhav shithil n hue the. kampit svar se bole-anndi snsar men kam-se-kam ek aisa adami hai jo tumhare lie apane pran tak de dega. yah kahate-kahate vah ruk gaye. unhen apane shabd aur bhav kuchh bhadde aur uchchhrinkhal se jan pade. apane manobhavon ko prakat karane ke lie vah in sarahin shabdon ki apeksha kahin adhik kavyamay rasapoorn anurakt shabdon ka vyavahar karana chahate the par vah is vakt yad n pade

anndi ne pulakit ho kar kaha-do mahine tak kis par chhod diya tha

gopinath-in do mahinon men meri jo dasha thi vah main hi janata hoon. yahi samajh lo ki mainne atmahatya nahin ki yahi bada ashchary hai. mainne n samajha tha ki apane vrat par sthir rahana mere lie itana kathin ho jayaga.

anndi ne gopinath ka hath dhire se apane hath men lekar kaha-ab to kabhi itani kathorata n kijiyega

gopinath-(sachint hokar) ant kya hai

anndi-kuchh bhi ho !

gopi.-kuchh bhi ho ! apaman ninda upahas atmavedana.

anndi-kuchh bhi ho main sab kuchh sah sakati hoon aur apako bhi mere hetu sahana padega.

gopi.-anndi main apane ko prem par balidan kar sakata hoon lekin apane nam ko nahin. is nam ko akalnkit rakhakar main samaj ki bahut kuchh seva kar sakata hoon.

anndi-n kijie. apane sab kuchh tyag kar yah kirti labh ki hai main apake yash ko nahin mitana chahati (gopinath ka hath hridayasthal par rakh kar) isako chahati hoon. isase adhik tyag ki akanksha nahin rakhati

gopi.-donon baten ek sath snbhav hain

anndi-snbhav hai. mere lie snbhav hai. main prem par apani atma ko bhi nyochhavar kar sakati hoon.

isake pashchath lala gopinath ne anndi ki buraee karani shuroo ki. mitron se kahate unaka ji ab kam men nahin lagata. pahale ki-si tanadehi nahin hai. kisi se kahate unaka ji ab yahan se uchat ho gaya hai apane ghar jana chahati hain unaki ichchha hai ki mujhe prativarsh taraqqi mila kare aur usaki yahan gunjaish nahin. pathashala ko kee bar dekha aur apani alochana men kam ko asntoshajanak likha. shiksha sngathan utsah suprabndh sabhi baton men nirashajanak kshati payi. varshik adhiveshan men jab kee sadasyon ne anndi ki vetan-vriddhi ka prastav upasthit kiya to lala gopinath ne usaka virodh kiya. udhar anndi baee bhi gopinath ke dukhade rone lagi. yah manushy nahin hai patthar ka devata hai. unhen prasann karana dustar hai achchha hi hua ki unhonne vivah nahin kiya nahin to dukhiya inake nakhare uthate-uthate sidhar jati. kahan tak koee saphaee aur suprabndh par dhyan de ! divar par ek dhabba bhi pad gaya kisi kone-khutare men ek jala bhi lag gaya baramadon men kagaz ka ek tukada bhi pada mil gaya to apake tivar badal jate hain. do sal mainne jyon-tyon karake nibaha lekin dekhati hoon to lala sahab ki nigah dinondin kadi hoti jati hai. aisi dasha men main yahan adhik nahin thahar sakati. mere lie naukari men kalyan nahin hai jab ji chahega uth khadi hoongi. yahan ap logon se mel-muhabbat ho gayi hai kanyaon se aisa pyar ho gaya hai ki chhod kar jane ko ji nahin chahata. ashchary tha ki aur kisi ko pathashala ki dasha men avanati n dikhati thi varanh halat pahale se achchhi thi.

ek din pndit amaranath ki lala ji se bhent ho gayi. unhonne poochha-kahie pathashala khoob chal rahi hai n

gopi-kuchh n poochhie. dinondin dasha girati jati hai.

amar-anndi baee ki or se dhil hai kya

gopi-ji han sarasar. ab kam karane men unaka ji nahin lagata. baithi huee yog aur gyan ke granth padha karati hain. kuchh kahata hoon to kahati hain main ab isase aur adhik kuchh nahin kar sakati. kuchh paralok ki bhi chinta karoon ki chaubison ghnte pet ke dhndhon men hi lagi rahoon pet ke lie panch ghnte bahut hain. pahale kuchh dinon tak barah ghante karati par vah dasha sthayi nahin rah sakati thi. yahan a kar mainne svasthy kho diya. ek bar kathin rogagrast ho gayi. kya kameti ne mere dava-darpan ka kharch de diya koee bat poochhane bhi aya phir apani jan kyon doon suna hai gharon men meri badagoee bhi kiya karati hain. amaranath marmik bhav se bole-ye baten mujhe pahale hi maloom thin.

do sal aur gujar gaye. rat ka samay tha. kanya-pathashala ke oopar vale kamare men lala gopinath mej ke samane kurasi par baithe hue the samane anndi koch par leti huee thi. mukh bahut mlan ho raha tha. kee minat tak donon vichar men magn the. ant men gopinath bole-mainne pahale hi mahine men tumase kaha tha ki mathura chali jao.

anndi-vahan das mahine kyonkar rahati. mere pas itane rupaye kahan the aur n tumhin ne koee prabandh karane ka ashvasan diya. mainne socha tin-char mahine yahan aur rahoon. tab tak kiphayat karake kuchh bacha loongi tumhari kitab se bhi kuchh mil jayenge. tab mathura chali jaoongi magar yah kya maloom tha ki bimari bhi isi avasar ki tak men baithi huee hai. meri dasha do-char din ke lie bhi snbhali aur main chali. is dasha men to mere lie yatr karana asambhav hai.

gopi-mujhe bhay hai ki kahin bimari tool n khinche. sngrahani asadhy rog hai. mahine-do mahine yahan aur rahane pad gaye to bat khul jayagi.

anndi-(chidh kar) khul jayagi khul jay. ab isase kahan tak daroon

gopi-main bhi n darata agar mere karan nagar ki kee snsthaon ka jivan snkat men n pad jata. isalie main badanami se darata hoon. samaj ke yah bandhan nire pakhnd hain. main unhen sampoornatah anyay samajhata hoon. is vishay men tum mere vicharon ko bhali-bhanti janati ho par karoon kya durbhagyavash mainne jati-seva ka bhar apane oopar le liya hai aur usi ka phal hai ki aj mujhe apane mane hue siddhanton ko todana pad raha hai aur jo vastu mujhe pranon se bhi priy hai use yon nirvasit karana pad raha hai.

kintu anndi ki dasha snbhalane ki jagah dinondin girati hi gayi. kamazori se uthana-baithana kathin ho gaya tha. kisi vaidy ya daktar ko usaki avastha n dikhayi jati thi. gopinath davaen late the anndi unaka sevan karati thi aur din-din nirbal hoti jati thi. pathashala se usane chhutti le li thi. kisi se milati-julati bhi n thi. bar-bar cheshta karati ki mathura chali jaoon kintu ek anajan nagar men akele kaise rahoongi n koee age n pichhe. koee ek ghoont pani denevala bhi nahin. yah sab sochakar usaki himmat toot jati thi. isi soch-vichar aur hais-bais men do mahine aur gujar gaye aur ant men vivash hokar anndi ne nishchay kiya ki ab chahe kuchh sir par bite yahan se chal hi doon. agar saphar men mar bhi jaoongi to kya chinta hai. unaki badanami to n hogi. unake yash ko kalnk to n lagega. mere pichhe tane to n sunane padenge. saphar ki taiyariyan karane lagi. rat ko jane ka muhoort tha ki sahasa sndhyakal se hi prasavapida hone lagi aur gyarah bajate-bajate ek nanha-sa durbal satavansa balak prasav hua. bachche ke hone ki avaz sunate hi lala gopinath betahasha oopar se utare aur girate-padate ghar bhage. anndi ne is bhed ko ant tak chhipaye rakha apani darun prasavapida ka hal kisi se n kaha. daee ko bhi soochana n di magar jab bachche ke rone ki dhvani madarase men goonji to kshanamatr men daee samane a kar khadi ho gayi. naukaraniyon ko pahale se shnkaen thin. unhen koee ashchary n hua. jab daee ne anndi ko pukara to vah sachet ho gayi. dekha to balak ro raha hai.

doosare din das bajate-bajate yah samachar sare shahar men phail gaya. ghar-ghar charcha hone lagi. koee ashchary karata tha koee ghrina karata koee hnsi udata tha. lala gopinath ke chhidranveshiyon ki snkhya kam n thi. pndit amaranath unake mukhiya the. un logon ne lala ji ki ninda karani shuroo ki. jahan dekhie vahin do-char sajjan baithe gopaniy bhav se isi ghatana ki alochana karate najar ate the. koee kahata tha is stri ke lakshan pahale hi se vidit ho rahe the. adhikansh adamiyon ki ray men gopinath ne yah bura kiya. yadi aisa hi prem ne zor mara tha to unhen nidar ho kar vivah kar lena chahie tha. yah kam gopinath ka hai isamen kisi ko bhram n tha. keval kushal-samachar poochhane ke bahane se log unake ghar jate aur do-char anyoktiyan suna kar chale ate the. isake viruddh anndi par logon ko daya ati thi. par lala ji ke aise bhakt bhi the jo lala ji ke mathe yah kalnk madhana pap samajhate the. gopinath ne svayn maun dharan kar liya tha. sabaki bhali-buri baten sunate the par munh n kholate the. itani himmat n thi ki sabase milana chhod den.

prashn tha ab kya ho anndi baee ke vishay men to janata ne phaisala kar diya. bahas yah thi ki gopinath ke sath kya vyavahar kiya jay. koee kahata tha unhonne jo kukarm kiya hai usaka phal bhogen. anndi baee ko niyamit roop se ghar men rakhen. koee kahata hamen isase kya matalab anndi janen aur vah janen. donon jaise ke taise hain jaise udee vaise bhan n unake choti n unake kan. lekin in mahashay ko pathashala ke andar ab qadam n rakhane dena chahie. janata ke phaisale sakshi nahin khojate. anuman hi unake lie sabase badi gavahi hai.

lekin pn. amaranath aur unaki goshthi ke log gopinath ko itane saste n chhodana chahate the. unhen gopinath se purana dvesh tha. yah kal ka launda darshan ki do-char pustaken ulat-palat kar rajaniti men kuchh shudabud karake lidar bana hua bichare sunahari ainak lagaye reshami chadar gale men dale yon garv se take mano saty aur prem ka putala hai. aise rnge siyar ki jitani kalee kholi jay utana hi achchha. jati ko aise dagabaj charitrahin durbalatma sevakon se sachet kar dena chahie. pndit amaranath pathashala ki adhyapikaon aur naukaron se tahakikat karate the. lala ji kab ate the kab jate the kitani der rahate the yahan kya kiya karate the tum log unaki upasthiti men vahan jane pate the ya rok thi lekin yah chhote-chhote adami jinhen gopinath se sntusht rahane ka koee karan n tha (unaki sakhti ki naukar log bahut shikayat kiya karate the) is duravastha men unake aibon par parada dalane lage. amaranath ne pralobhan diya daraya dhamakaya par kisi ne gopinath ke viruddh sakshi n di.

udhar lala gopinath ne usi din se anandi ke ghar ana-jana chhod diya. do haphte tak to vah abhagini kisi tarah kanya pathashala men rahi. pandrahaven din prabandhak samiti ne use makan khali kar dene ki notis de di. mahine bhar ki muhalat dena bhi uchit n samajha. ab vah dukhiya ek tng makan men rahati thi koee poochhanevala n tha. bachcha kamazor khud bimar koee age n pichhe n koee duahkh ka sngi n sathi. shishu ko god men liye din ke din bedana-pani padi rahati thi. ek budhiya mahari mil gayi thi jo bartan dho kar chali jati thi. kabhi-kabhi shishu ko chhati se lagaye rat ki rat rah jati par dhany hai usake dhairy aur sntosh ko ! lala gopinath se munh men shikayat thi n dil men. sochati in paristhitiyon men unhen mujhase paranmukh hi rahana chahie. isake atirikt aur upay nahin hai. unake badanam hone se nagar ki kitani badi hani hoti. sabhi un par sandeh karate hain par kisi ko yah sahas to nahin ho sakata ki unake vipaksh men koee praman de sake !

yah sochate hue usane svami abhedannd ki ek pustak uthayi aur usake ek adhyay ka anuvad karane lagi. ab usaki jivika ka ekamatr yahi adhar tha. sahasa dhire se kisi ne dvar khatakhataya. vah chaunk padi. lala gopinath ki avaz maloom huee. usane turnt dvar khol diya. gopinath akar khade ho gaye aur sote hue balak ko pyar se dekhakar bole-anndi main tumhen munh dikhane layaq nahin hoon. main apani bhiruta aur naitik durbalata par atynt lajjit hoon. yadyapi main janata hoon ki meri badanami jo kuchh honi thi vah ho chuki. mere nam se chalane vali snsthaon ko jo hani pahunchani thi pahunch chuki. ab asambhav hai ki main janata ko apana munh phir dikhaoon aur n vah mujh par vishvas hi kar sakati hai. itana janate hue bhi mujhamen itana sahas nahin hai ki apane kukrity ka bhar sir le loon. main pahale samajik shasan ki ratti bhar paravah n karata par ab pag-pag par usake bhay se mere pran tak kanpane lagate hain. dhikkar hai mujh par ki tumhare oopar aisi vipattiyan padin lokaninda rog shok nirdhanata sabhi ka samana karana pada aur main yon alag-alag raha mano mujhase koee prayojan nahin hai par mera hriday hi janata hai ki usako kitani pida hoti thi. kitani hi bar ane ka nishchay kiya aur phir himmat har gaya. ab mujhe vidit ho gaya ki meri sari darshanikata keval hathi ke dant thi. mujhamen kriya-shakti nahin hai lekin isake sath hi tumase alag rahana mere lie asahy hai. tumase door rah kar main zinda nahin rah sakata pyare bachche ko dekhane ke lie main kitani hi bar lalayit ho gaya hoon par yah asha kaise karoon ki meri charitrahinata ka aisa pratyaksh praman pane ke bad tumhen mujhase ghrina n ho gayi hogi.

anndi-svami apake man men aisi baton ka ana mujh par ghor anyay hai. main aisi buddhihin nahin hoon ki keval apane svarth ke lie apako kalnkit karoon. main apako apana ishtadev samajhati hoon aur sadaiv samajhoongi. main bhi ab apake viyog-duahkh ko nahin sah sakati. kabhi-kabhi apake darshan pati rahoon yahi jivan ki sabase badi abhilasha hai.

is ghatana ko pndrah varsh bit gaye hain. lala gopinath nity barah baje rat ko anndi ke sath baithe hue najar ate hain. vah nam par marate hain anndi prem par. badanam donon hain lekin anndi ke sath logon ki sahanubhooti hai gopinath sabaki nigah se gir gaye hain. han unake kuchh atmiyagan is ghatana ko keval manushiy samajh kar ab bhi unaka samman karate hain kintu janata itani sahishnu nahin hai.


tika tippani aur sndarbh


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah