शिकारी राजकुमार -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

mee ka mahina aur madhyahn ka samay tha. soory ki ankhen samane se hatakar sir par ja pahunchi thin, isalie unamen shil n tha. aisa vidit hota tha mano prithvi unake bhay se thar-thar kanp rahi thi. thik aisi hi samay ek manushy ek hiran ke pichhe unmatt chal se ghoda phenke chala ata tha. usaka munh lal ho raha tha aur ghoda pasine se lathapath. kintu mrig bhi aisa bhagata tha, mano vayu-veg se ja raha tha. aisa pratit hota tha ki usake pad bhoomi ko sparsh nahin karate ! is daud ki jit-har par usaka jivan-nirbhar tha.

pachhua hava bade zor se chal rahi thi. aisa jan padata tha, mano agni aur dhool ki varsha ho rahi ho. ghode ke netr raktavarn ho rahe the aur ashvarohi ke sare sharir ka rudhir ubal-sa raha tha. kintu mrig ka bhagana use is bat ka avasar n deta tha ki apani bndook ko samhale. kitane hi oonkh ke khet, dhak ke van aur pahad samane pade aur turant hi sapanon ki sampatti ki bhanti adrishy ho ge.

kramash: mrig aur ashvarohi ke bich adhik antar hota jata tha ki achanak mrig pichhe ki or muda. samane ek nadi ka bada ooncha kagar divar ki bhanti khada tha. age bhagane ki rah band thi aur us par se koondana mano mrityu ke mukh men koondana tha. hiran ka sharir shithil pad gaya. usane ek karuna bhari drishti charon or pheri. kintu use har taraph mrityu-hi-mrityu drishtigochar hoti thi. ashvarohi ke lie itana samay bahut tha. usaki bndook se goli kya chhooti, mano mrityu ke ek mahabhaynkar jay-dhvani ke sath agni ki ek prachnd jvala ugal di. hiran bhoomi par lot gaya.

2

mrig prithvi par pada tadap raha tha aur usane ashvarohi ki bhaynkar aur hinsapriy ankhon se prasannata ki jyoti nikal rahi thi. aisa jan padata tha ki usane asadhy sadhan kar liya. usane pashu ke shav ko napane ke bad usake singon ko bade dhyan se dekha aur man-hi-man prasann ho raha tha ki isase kamare ki sajavat dooni ho jaegi aur netr sarvada us sajavat ka anand sukh se bhogenge.

jab tak vah is dhyan men magn tha, usako soory ki prachnd kiranon ka lesh matr bhi dhyan n tha, kintu jyonhi usaka dhyan udhar phira, vah ushnata se vihval ho utha aur karunapoorn ankhen nadin ki or dalin, lekin vahan tak pahunchane ka koee marg n dikh pada aur n koee vriksh hi dikh pada, jisaki chhanh men vah jara vishram karata.

isi chintavastha men ek dirghakay purush niche se uchhalakar kagare ke oopar aya aur ashvarohi usako dekhakar bahut hi achambhit hua. navagntuk ek bahut hi sundar aur hrisht-pusht manushy tha. mukh ke bhav usake hriday ki svachchhata aur charitr ki nirmalata ka pata dete the. vah bahut hi dridh-pratigy, asha-nirasha tatha bhay se bilakul beparavah-sa jan padata tha. mrig ko dekhakar us snnyasi ne bade svadhin bhav se kaha- rajakumar, tumhen aj bahut hi achchha shikar hath laga. itana bada mrig is sima men kadachith hi dikhaee padata hai.

rajakumar ke achambhe ki sima n rahi, usane dekha ki sadhu use pahachanata hai.

rajakumar bola- ji han ! main bhi yahi khayal karata hoon. mainne bhi aj tak itana bada hiran nahin dekha. lekin isake pichhe mujhe aj bahut hairan hona pada.

snnyasi ne dayapoorvak kaha- ni:sndeh tumhen du:kh uthana pada hoga. tumhara mukh lal ho raha hai aur ghoda bhi bedam ho gaya hai. kya tumhare sngi bahut pichhe rah ge ?

isaka uttar rajakumar ne bilakul laparavahi se diya, mano use isaki kuchh chinta n thi !

snnyasi ne kaha- yahan aisi kadi dhoop aur andhi men khade tum kab tak unaki rah dekhoge ? meri kuti men chalakar jara vishram kar lo. tumhen paramatma ne aishvary diya hai, lekin kuchh der ke lie sannyasashram ka rng bhi dekho aur vanaspatiyon aur nadi ke shital jal ka svad lo.

yah kahakar snnyasi ne us mrig ke raktamay mrit sharir ko aisi sugamata se uthakar kndhe par dhar liya, mano vah ek ghas ka gattha tha aur rajakumar se kaha- main to pray: kagar se hi niche utar jaya karata hoon, kintu tumhara ghoda sambhav hai, n utar sake. atev ‘ek din ki rah chhodakar chh: mas ki rah’ chalenge. ghat yahan se thodi hi door hai aur vahin meri kuti hai.

rajakumar snnyasi ke pichhe chala. us snnyasi ke sharirik bal par achambha ho raha tha. adh ghnte tak donon chupachap chalate rahe. isake bad dhaloo bhoomi milani shuroo huee aur thodi der men ghat a pahuncha. vahin kadamb-kunj ki ghani chhaya men, jahan sarvada mrigon ki sabha sushobhit rahati, nadi ki tarngon ka madhur svar sarvada sunaee diya karata, jahan hariyali par mayoor thirakate, kapotadi pakshi mast hokar jhoomate, lata-drumadi se sushobhit snnyasi ki ek chhoti-si kuti thi.

3

snnyasi ki kuti hare-bhare vrikshon ke niche saralata aur sntosh ka chitr ban rahi thi. rajakumar ki avastha vahan pahunchate hi badal gee. vahan ki shital vayu ka prabhav us samay aisa pada, jaisa murajhate hue vriksh par varsha ka. use aj vidit hua ki tripti kuchh svadisht vynjanon hi par nirbhar nahin hai aur n nidra sunahare takiyon ki hi avashyakata rakhati hai.

shital, mnd, sugndh, vayu chal rahi thi. soory bhagavanh aspatal ko prayan karate hue is lok ko trishit netron se dekhate jate the aur snnyasi ek vriksh ke niche baitha hua ga raha tha-

‘oodho karman ki gati nyari.’

rajakumar ke kanon men svar ki bhanak padi, uth baitha aur sunane laga. usane bade-bade kalavnton ke gane sune the, kintu aj jaisa annd use kabhi prapt nahin hua tha. is pad ne usake oopar mano mohini mntr ka jal bichha diya. vah bilakul besudh ho gaya. snnyasi ki dhvani men koyal ki kook sarikhi madhurata thi.

sammukh nadi ka jal gulabi chadar ki bhanti pratit hota tha. kooladvay ki ret chndan ki chauki-si dikhati thi. rajakumar ko yah drishy svargiy-sa jan padane laga. us par tairane vale jal-jntu jyotirmay atma ke sadrish dikh padate the, jo gane ka anand uthakar matt-se ho ge the.

jab gana samapt samapt ho gaya, rajakumar snnyasi ke samane baith gaya aur bhaktipoorvak bola- mahatmanh, apaka prem aur vairagy sarahaniy hai. mere hriday par isaka jo prabhav pada hai, vah chirasthayi rahega. yadyapi sammukh prashnsa karana sarvatha anuchit hai, kintu itana main avashy kahoonga ki apake prem ki gnbhirata sarahaniy hai. yadi main grihasthi ke bndhan men n pada hota to, apake charanon se prithakh hone ka dhyan svapn men bhi n karata.

isi anuragavastha men rajakumar kitani hi baten kah gaya, jo ki spasht roop se usake antarik bhavon ka virodh karati thin. snnyasi muskarakar bola- tumhari baton se main bahut prasann hoon aur meri utkat ichchha hai ki tumako kuchh der thaharaoon, kintu yadi main jane bhi doon, to is sooryast ke samay tum ja nahin sakate. tumhara rivan pahunchana dushkar ho jaega. tum jaise akhet-priy ho, vaisa hi main bhi kadachith tum bhay se n rukate, kintu shikar ke lalach se avashy rahoge.

rajakumar ko turant hi maloom ho gaya ki jo baten unhonne abhi-abhi snnyasi se kahin thin, ve bilakul hi oopari aur dikhave ki thin aur hardik bhav unase prakat nahin hue the. ajanm snnyasi ke samip rahana to door, vahan ek rat bitana usako kathin jan padane laga. gharavale udvign ho jaenge aur maloom nahin kya sochenge. sathiyon ki jan snkat men hogi. ghoda bedam ho raha hai. us par 40 mil jana bahut hi kathin aur bade sahas ka kam hai. lekin yah mahatma shikar khelate hain, yah badi ajib bat hai. kadachith yah vedanti hain, aise vedanti jo jivan aur mrityu manushy ke hath nahin manate, inake sath shikar men bada annd aega.

yah sab soch-vicharakar unhonne snnyasi ka atithy svikar kiya aur apane bhagy ki prashnsa ki jisane unhen kuchh kal tak aur sadhu-sng se labh uthane ka avasar diya.

4

rat das baje ka samay tha. ghani andhiyari chhayi huee thi. snnyasi ne kaha- ab hamare sath chalane ka samay ho gaya hai.

rajakumar pahale se hi prastut tha. bndook kndhe par rakh, bola- is adhnkar men shookar adhikata se milenge. kintu ye pashu bade bhayanak hain.

snnyasi ne ek mota sota hath men liya aur kaha- kadachith isase bhi achchhe shikar hath aen. main jab akela jata hoon, kabhi khali nahin lautata. aj to ham do hain.

donon shikari nadi ke tat par nalon aur reton ke tilon ko par karate aur jhadiyon se atakate chupachap chale ja rahe the. ek or shyamavarn nadi thi, jisamen nakshatron ka pratibimb nachata dikhaee deta tha aur laharen gana ga rahi thin. doosari or ghanaghor andhakar, jisamen kabhi-kabhi keval khadyoton ke chamakane se ek kshanasthayi prakash phail jata tha. maloom hota tha ki ve bhi andhere men nikalane se darate hain.

aisi avastha men koee ek ghnta chalane ke bad vah ek aise sthan par pahunche, jahan ek oonche tile par ghane vrikshon ke niche ag jalati dikhaee padi. us samay in logon ko maloom hua ki snsar ke atirikt aur bhi vastue hain.

snnyasi ne thaharane ka snket kiya. donon ek ped ki ot men khade hokar dhyanapoorvak dekhane lage. rajakumar ne bndook bhar li. tile par ek bada chhayadar vat-vriksh bhi tha. usi ke niche andhakar men 10-12 manushy astr-shastron se susajjit mirjee pahane charas ka dam laga rahe the. inamen se pray: sabhi lambe the. sabhi ke sine chaude aur hrisht-pusht. maloom hota tha ki sainikon ka ek dal vishram kar raha hai.

rajakumar ne poochha- yah log shikari hai. ye rah chalate yatriyon ka shikar karate hain. ye bade bhayanak hinsak pashu hain. inake atyacharon se ganv ke ganv barabad ho ge aur jitanon ko inhonne mara hai, unaka hisab paramatma hi janata hai. yadi apakon shikar karana ho to inaka shikar kijie. aisa shikar ap bahut prayatn karane par bhi nahin pa sakate. yahi pashu hain, jin par apako shastron ka prahar karana uchit hai. rajaon aur adhikariyon ke shikar yahi hain. isase apaka nam aur yash phailega.

5

rajakumar ke ji men aya ki do-ek ko mar dalen. kintu snnyasi ne roka aur kaha- inhen chhedana thik nahin. agar yah kuchh upadrav n karen, to bhi bachakar nikal jaenge. age chalo, sambhav hai ki isase achchhe shikar hath aen.

tithi saptami thi. chndrama bhi uday ho aya. in logon ne nadi ka kinara chhod diya tha. jngal bhi pichhe rah gaya tha. samane ek kachchi sadak dikhaee padi aur thodi der men kuchh basti bhi dikh padane lagi. snnyasi ek vishal prasad ke samane akar ruk ge aur bole- ao, is maulasari ke vriksh par baithen. parantu dekho, bolana mat; nahin to donon ki jan ke lale pad jaenge. isamen ek bada bhayanak hinsak jiv rahata hai, jisane anaginat jivadhariyon ka vadh kiya. kadachith ham log aj isako snsar se mukt kar den.

rajakumar bahut prasann hua aur sochane laga- chalo, rat-bhar ki daud to saphal huee, donon maulasari par chadhakar baith ge. rajakumar ne apani bndook sambhal li aur shikar ki, jise vah tendua samajhe hue tha, vat dekhane laga.

rat adhi se adhik vyatit ho chuki thi. yakayak mahal ke samip kuchh halachal maloom huee aur baithak ke dvar khul ge. momabattiyon ke jalane se sara hata prakashaman ho gaya. kamare ke har kone men sukh ki samagri dikhaee de rahi thi. bich men ek hrisht-pusht manushy gale men reshami chadar dale, mathe par kesar ka ardh-lambakar tilak lagae, masanad ka sahare baitha sunahari munhanal se lachchhedar dhuna phenk raha tha. itane hi men unhonne dekha ki nartakiyon ke dal-ke-dal chale a rahe hain. unake hav-bhav v kataksh ke sher chalane lage. samajiyon ne sur milaya. gana arambh hua aur sath hi sath madyapan bhi chalane laga.

rajakumar ne achambhit hokar poochha- yah to bahut bada rees jan padata hai ?

snnyasi ne uttar diya- nahin, yah rees nahin hai, ek bade mndir ke mahnt hain, sadhu hain. snsar ka tyag kar chuke hain. sansarik vastuon ki or ankh nahin uthate, poorn brahm-gyan ki baten karate hain. yah sab saman inaki atma ki prasannata ke lie hai. indriyon ko vash kiye hue inhen bahut din hue. sahastron sidhe-sadhe manushy in par vishvas karate hain. inako apana devata samajhate hain. yadi ap shikar karana chahate hain, to inaka kijie. yahi rajaon aur adhikariyon ke shikar hain. aise rnge hue siyaron se snsar ko mukt karana apaka param dharm hai. isase apaki praja ka hit hoga tatha apaka nam aur yash phailega.

donon shikari niche utare ! snnyasi ne kaha- ab rat adhik bit chuki hai. tum bahut thak ge hoge. kintu rajakumaron ke sath akhet karane ka avasar mujhe bahut kam prapt hota hai. atev ek shikar ka pata aur lagakar tab lautenge.

rajakumar ko in shikaron men sachche upadesh ka sukh prapt ho raha tha. bola- svamiji, thakane ka nam n lijie. yadi main varshon apaki seva men rahata, to aur n jane kitane akhet karana sikh jata.

donon phir age badhe. ab rasta svachchh aur chauda tha. han, sadak kadachith kachchi hi thi. sadak ke donon or vrikshon ki pnktiyan thin. kisi-kisi amr vriksh ke niche rakhavale so rahe the. ghnte bhar bad donon shikariyon ne ek aisi basti men pravesh kiya, jahan ki sadakon, lalatenon aur attalikaon se maloom hota tha ki bada nagar hai. snnyasi ji ek vishal bhavan ke samane ek vriksh ke niche thahar ge aur rajakumar se bole- yah sarakari kachahari hai. yahan rajy ka bada karmachari rahata hai. use soobedar kahate hain. unaki kachahari din ko bhi lagati hai rat ko bhi. yahan nyay suvarn aur ratnadikon ke mol bikata hai. yahan ki nyayapriyata dravy par nirbhar hai. dhanavan daridron ko pairon tale kuchalate hain aur unaki gohar koee bhi nahin sunata.

yahin baten ho rahi thin ki yakayak kothe par do adami dikhalaee pade. donon shikari vriksh ki ot men chhip ge. snnyasi ne kaha- shayad soobedar sahab koee mamala tay kar rahe hain.

oopar se avaz ayi- tumane ek vidhava stri ki jayadad leli hai; main ise bhali-bhanti janata hoon. yah koee chhota mamala nahin hai. isamen ek sahasr se kam par main batachit karana nahin chahata.

rajakumar ne isase adhik sunane ki shakti n rahi. krodh ke mare netr lal ho ge. yahi ji chahata tha ki is nirdayi ka abhi vadh kar doon. kintu snnyasiji ne roka bole- aj is shikar ka samay nahin hai. yadi ap dhoondhenge to aise shikar bahut milenge. mainne inake kuchh thikane batala diye hain. ab prat: kal hone men adhik vilamb nahin hai. kuti yahan se abhi das mil door hogi. aie, shighr chalen.

6

donon shikari tin bajate-bajate phir kuti men laut aye. us samay badi suhavani rat thi, shital samir ne hila-hilakar vrikshon aur patton ki nidra bhng karana arambh kar diya tha.

adh ghnte men rajakumar taiyar ho ge. snnyasi men apani vishvas aur kritgyta prakat karate hue unake charanon par apana mastak navaya aur ghode par savar ho ge.

snnyasi ne unaki pith par kripapoorvak hath phera. ashirvad dekar bole- rajakumar, tumase bhent hone se mera chitt bahut prasann hua. paramatma ne tumhen apani srishti par raj karane ke hetu janm diya hai. tumhara dharm hai ki sada prajapalak bano. tumhen pashuon ka vadh karana uchit nahin. din pashuon ke vadh karane men koee bahaduri nahin, koee sahas nahin; sachcha sahas aur sachchi bahaduri dinon ki raksha aur unaki sahayata karane men hai; vishvas mano, jo manushy keval chittavinodarth jivahinsa karata hai, vah nirdayi ghatak se bhi kathor-hriday hai. vah ghatak ke lie jivika hai, kintu shikari ke lie keval dil bahalane ka ek saman. tumhare lie aise shikaron ki avashyakata hai, jisamen tumhari praja ko sukh pahunche. ni:shabd pashuon ka vadh n karake tumako un hinsakon ke pichhe daudana chahie, jo dhokha-dhadi se doosare ka vadh karate hain. aise akhet karo, jisase tumhari atma ko shanti mile. tumhari kirti snsar men phaile. tumhara kam vadh karana nahin, jivit rakhana hai. yadi vadh karo, to keval jivit rakhane ke lie. yahi tumhara dharm hai. jao, paramatma tumhara kalyan karen.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah