सेवामार्ग -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

tara ne barah varsh durga ki tapasya ki. n palng par soyi, n kesho ko snvara aur n netron men surma lagaya. prithvi par soti, gerua vastr pahanati aur rookhi rotiyan khati. usaka mukh murajhaee huee kali ki bhanti tha, netr jyoti hin aur hriday ek shoony bihad maidan. use keval yahi lau lagi thi ki durga ke darshan paoon. sharir momabatti ki tarah ghulata tha, par yah lau dil se nahin jati yahi usaki ichchha thi, yahi usaka jivanoddeshy. kya too sara jivan ro-rokar kategi ? is samay ke devata patthar ke hote hain. patthar ko bhi kabhi kisi ne pighalate dekha hai ? dekh, teri sakhiyan pushp ki bhanti vikasit ho rahi hain, nadi ki tarah badh rahi hain; kya tujhe mujh par daya nahin ati ?’ tara kahati-‘mata, ab to jo lagan lagi, vah lagi. ya to devi ke darshan paoongi ya yahi ichchha liye snsar se prayan kar jaoongi. tum samajh lo, main mar gee.’

is prakar poore barah varsh vyatit ho gaye aur tab devi prasann huee. ratri ka samay tha. charon or sannata chhaya hua tha. mndir men ek dhundhala-sa ghi ka dipak jal raha tha. tara durga ke pairon par matha navae sachchi bhakti ka parichay de rahi thi. yakayak us pashan moorti devi ke tan men sphoorti prakat huee. tara ke rongate khade ho ge. vah dhundhala dipak dedipyaman ho gaya. mndir men chittakarshak sugndh phail gee aur vayu men sajivata pratit hone lagi. devi ka ujjval roop chandrama ki bhanti chamakane laga. jyotimay netr jagamaga uthe. honth khul ge. avaz ayi-tara; main tumase bahut prasann hoon. mang, kya var mangati hai?

tara khadi ho gee. usaka sharir is bhanti kanp raha tha, jaise pratahkal ke samay knpit svar men kisi krishak ke gane ka dhvani. use maloom ho raha tha, mano vah vayu men udi ja rahi hai. use apane hriday men uchch vichar aur poorn prakash ka abhas pratit ho raha tha. usane donon hath jodakar bhakti-bhav se kaha-bhagavati tumane meri barah varsh ki tapasya poori ki, kis mukh se tumhara gunanuvad gaoon. mujhe snsar ki ve alabhy vastuen pradan ho, jo ichchhaon ki sima aur meri abhilashaon ka ant hai. main vah aishvary chahati hoon, jo soory ko bhi mat kar de.

devi ne muskarakar kaha-svikrit hai.

tara-vah dhan, jo kal-chakr ko bhi lajjit kare.

devi ne muskarakar kaha-svikrit hai.

tara-vah saundary, jo advitiy ho.

devi ne muskarakar kaha-yah bhi svikrit hai.

tara kunvari ne shesh ratri jagakar vyatit ki. prabhat kal ke samay usaki ankhen kshan-bhar ke lie jhapak gee. jagi to dekha ki main sir se panv tak hire v javahiron se ladi hoon. usake vishal bhavan ke kalash akash se baten kar rahe the. sara bhavan sngamaramar se bana hua, amooly pattharon se jada hua tha. dvar par milon tak hariyali chhayi huee thi. dasiyan svarnabhooshanon se ladi huee sunahare kapade pahane hue charon or daudati thin. tara ko dekhate hi ve svarn ke lote aur katore lekar daudi. tara ne dekha ki mera palng hathidant ka hai. bhoomi par bade komal bichhaune bichhe hue hain. sirahane ki or ek bada sundar ooncha shisha rakha hua hai. tara ne usamen apana roop dekha, chakit rah gee. usaka roop chndrama ko bhi lajjit karata tha. divar par anekanek suprasiddh chitrakaron ke manamohak chitr tnge the. par ye sab-ke sab tara ki sundarata ke age tuchchh the. tara ko apani sundarata ka garv hua. vah kee dasiyon ko lekar vatika men gayi. vahan ki chhata dekhakar vah mugdh ho gayi. vayu men gulab aur kesar ghule hue the. rng-virng ke pushp, vayu ke mnd-mnd jhonkon se matavalon ki tarah jhoom rahe the. tara ne ek gulab ka phool tod liya aur usake rng aur komalata ki apane adhar-pallav se samanata karane lagi. gulab men vah komalata n thi. vatika ke madhy men ek billaur jadit hauz tha.

isamen hns aur batakh kilolen kar rahe the. yakayak tara ko dhyan aya, mere ghar ke log kahan hain ? dasiyon se poochha. unhonne kaha—‘ve log purane ghar men hain.’ tara ne apani atari par jakar dekha. use apana pahala ghar ek sadharan jhonpade ki tarah drishtigochar hua, usaki bahinen usaki sadharan dasiyon ke saman bhi n thin. man ko dekha, vah angan men baithi charakha kat rahi thi. tara pahale socha karati thi, ki jab mere din chamakenge, tab main in logon ko bhi apane sath rakhoongi aur unaki bhali-bhanti seva karoongi. par is samay dhan ke garv ne usaki pavitr hardik ichchha ko nirbal bana diya tha. usane ghar valon ko sneharahit drishti se dekha aur tab vah us manohar gan ko sunane chali gayi, jisaki pratidhvani usake kanon men a rahi thi.

ekabaragi zor se ek kadaka hua, bijali chamaki aur bijali ki chhataon se ek jyotisvaroop navayuvak nikalakar tara ke samane namrata se khada ho gaya. tara ne poochha—tum kaun ho ?

navayuvak ne kaha— shrimati, mujhe vidyutasinh kahate hain. main shrimati ka agyakari hoon.

usake vida hote hi vayu ke ushn jhonke chalane lage. akash men ek prakash drishtigochar hua. yah kshan-matr men utarakar tara kunvari ke samip thahar gaya usamen se ek jvalamukhi manushy ne nikalakar tara ke padon ko chooma. tara ne poochha—tum kaun ho ?

us manushy ne uttar diya— shrimati, mera nam agnisinh hai ! main shrimati ka agyakari sevak hoon.

vah abhi jane bhi n paya tha ki ekabaragi sara mahal jyoti se prakashaman ho gaya. jan padata tha, saikadon bijaliyan milakar chamak rahi hain. vayu saveg ho gee. ek jagamagata hua sinhasan akash par dikh pada. vah shighrata se prithvi ki or chala aur tara kunvari ke pas akar thahar gaya. usase ek prakashaman roop ka balak, jisake roop se gambhirata prakat hoti thi, nikalakar tara ke samane nishthabhav se khada ho gaya. tara ne poochha— tum kaun ho ?

balak ne uttar diya— shrimati ! mujhe mistar rediyam kahate hain. main shrimati ka agyapalak hoon.

3

dhani log tara ke bhay se tharrane lage. usake ashcharyajanak saundary ne snsar ko chakit kar diya. bade-bade mahipati usaki chaukhat par matha ragadane lage. jisaki or usaki kripa-drishti ho jati, vah apana ahaubhagy samajhata, sadaiv ke lie usaka bedam ka gulam ban jata.

ek din tara apani annd-vatika men tahal rahi thi. achanak kisi ke gane ka manohar shabd sunaee diya. tara vikshipt ho gee. usake darabar men snsar ke achchhe-achchhe gavaiye maujood the; par vah chittakarshakata, jo in suron men thi, kabhi avagat n huee thi. tara ne gayak ko bula bheja.

ek kshan ke anntar men vatika men ek sadhu aya, sir par jataen, sharir men bhasm ramae. usake sath ek toota hua bin tha. usi se vah prabhavashali svar nikalata tha, jo hriday ke anurakt svaron se kahin priy tha. sadhu akar hauz ke kinare baith gaya. usane tara ke samane shishtabhav nahin dikhaya. ashchary se idhar-udhar drishti nahin dali. us ramaniy sthan men vah apana sur alapane laga. tara ka chitt vichalit ho utha. dil men anurag ka snchar hua. madamatt hokar tahalane lagi. sadhu ke sumanohar madhur alap se pakshi magn ho ge. pani men laharen uthane lagin. vriksh jhoomane lage. tara ne un chittakarshak suron se ek chitr khinchate hue dekha. dhire-dhire chitr prakat hone laga. usamen sphoorti ayi. aur tab vah khadi nrity karane lagi. tara chaunk padi. usane dekha ki yah mera hi chitr hai, nahin, main hi hoon. main hi bin ki tan par nrity kar rahi hoon. use ashchary hua ki main snsar ki alabhy vastuon ki rani hoon athava ek svar-chitr. vah sir dhunane lagi aur matavali hokar sadhu ke pairon se ja lagi.. usaki drishti men ashcharyajanak parivartan ho gaya samane ke phale-phoole vriksh aur tarnge marata hua hauz aur manohar kunj sab lop ho ge. keval vahi sadhu baitha bin baja raha tha, aur vah svayn usaki tanon par thirak rahi thi. vah sadhu ab prakash may tara aur alaukik saundary ki moorti ban gaya tha. jab madhur alap bnd hua tab tara hosh men ayi. usaka chitt hath se ja chuka tha. vah us vilakshan sadhu ke hathon bik chuki thi.

tara boli— svamiji ! yah mahal, yah dhan, yah sukh aur saundary, sab apake charan-kamal par nichhavar hain. is andhere mahal ko apane komal charanon se prakashaman kijie.

sadhu-sadhuon ko mahal aur dhan ka kya kam ? main is ghar men nahin thahar sakata.

tara— snsar ke sare sukh apake lie upasthit hain.

sadhu— mujhe sukhon ki kamana nahin.

tara— main ajivan apaki dasi rahoongi. yah kahakar tara ne aine men apane alaukik saundary ki chhata dekhi or usake netron men chnchalata a gee.

sadhu— tara kunvari, main is yogy nahin hoon. yah kahakar sadhu ne bin uthayi aur dvar ki or chala. tara ka garv took-took ho gaya lajja se sir jhuk gaya. vah moorchchhit hokar bhoomipar gir padi. man men socha—main dhan men, aishvary men, saundary men jo apani samata nahin rakhati, ek sadhu ki drishti men itani tuchchh!

tara ko ab kisi prakar chain nahin tha. use apana bhavan aur aishvary bhayanak maloom hone laga. bas, sadhu ka ek chndrasvaroop usaki ankhon men nach raha tha aur usaka svargiy gan kanon men goonj raha tha. usane apane guptacharon ko bulaya aur sadhu ka pata lagane ki agya di. bahut chhanabin ke pashchath usi kuti ka pata laga. tara nityaprati vayuyan par baithakar sadhu ke pas jati; kabhi us par lal, javahar lutati; kabhi ratn aur abhooshan ki chhata dikhati. par sadhoo isase tanik vichalit n hua. tara ke maya jal ka us par kuchh bhi asar n hua.

tab tara kunvari phir durga ke mndir men gayi aur devi ke charanon par sir rakhakar boli—mata, tumane mujhe snsar ke sare durlabh padarth pradan kie. mainne samajha tha ki aishvary men snsar ko das bana lene ki shakti hai, par mujhe ab gyat hua ki prem par aishvary ,saundary aur vaibhav ka kuchh bhi adhikar nahin. ab ek bar mujh par vahi kripa-drishti ho. kuchh aisa kijie ki jis nishthur ke prem men main mari ja rahi hoon use bhi mujhe dekhe bina chain n ae. usaki ankhon men bhi nind haram ho jae, vah bhi mere prem-mad men choor ho jae.

devi ke honth khule, muskarayi. usake adhar-pallav vikasit hue boli sunaee di—tara, main snsar ke padarth pradan kar sakati hoon, par svarg-sukh meri shakti se bahar hai. ‘prem’ svarg-sukh ka mool hai.

tara— mata, snsar ke sare aishvary mujhe jnjal jan padate hain. bataie, main apane prem ko kaise paoongi ?

devi— usaka ek hi marg hai, par hi vah bahut kathin. bhala, tum us par chal sakogi ?

tara— vah kitana kathin ho, main us marg ka avalamban avashy karoongi.

devi— achchha, to suno; vah seva-marg hai. seva karo, prem seva hi se mil sakata hai.

tara ne apane bahumooly jadaoo abhooshanon aur rngin vastron ko utar diya. dasiyon se bida huee. rajabhavan ko tyag diya. akele nnge pair sadhu ki kuti men chali ayi aur seva-marg ka avalamban kiya.

vah kuchh rat rahe uthati. kuti men jhadoo deti. sadhu ke lie gnga se jal lati. jngalon se pushp chunati. sadhu nind men hote to vah unhen pnkha jhalati. jngali phal tod lati aur kele ke pattal banakar sadhu ke sammukh rakhati. sadhu nadi men snan karane jaya karate the. tara raste se knkar chunati. usane kuti ke charon or pushp lagae. gnga se pani lakar sinchati, unhen hara-bhara dekhakar prasann hoti. usane madar ki ruee batori, sadhu ke lie narm gadde taiyar kie. ab aur koee kamana n thi ! seva svayn apana puraskar aur phal thi.

tara ko kee-kee din upavas karana padata. hathon men gatte pad ge. pair kanton se chalani ho ge. dhoop se komal gat murajha gaya. gulab-sa badan sookh gaya, par usake hriday men ab svarth aur garv ka shasan n tha. vahan ab prem ka raj tha; vahan ab us seva ki lagan thi, jisase kalushata ki jagah anand ka srot bahata aur kante pushp ban jate hain jahan ashru-dhara ki jagah netron se amritrijal ki varsha hoti aur duahkh-vilap ki jagah annd ke rag nikalate hain, jahan ke patthar ruee se zyada komal hain aur shital vayu se bhi manohar. tara bhool gee ki main saundary men advitiy hoon. dhan vilasini tara ab keval prem ki dasi thi.

sadhu ko van ke khagon aur mrigon se prem tha. ve kuti ke pas ekatrit ho jate ! tara unhen pani pilati, dane chugati, god men lekar unaka dular karati. vishadhar sanp aur bhayanak jntu usake prem ke prabhav se usake sevak ho ge.

bahudha rogi manushy sadhu ke ashirvad lene ate the. tara rogiyon ki seva-sushroosha karati, jngal se jadi-bootiyan dhoondh lati, unake lie aushadhi banati, unake ghav dhoti, ghavon par maraham rakhati, rat-rat bhar baithi unhen pnkha jhalati. sadhu ke ashirvad ko usaki seva prabhavayukt bana deti thi.

is prakar kitane hi varsh bit ge. garmi ke din the, prithvi tave ki tarah jal rahi thi. hare-bhare vriksh sookhe jate the. gnga garmi se simat gee thi. tara ko pani ke lie bahut door ret men chalana padata. usaka. komal ang choor-choor ho jata. jalati huee ret men talave bhun jate. isi dasha men ek din vah hatash hokar ek vriksh ke niche kshan-bhar dam lene ke lie baith gee. usake netr bnd ho ge. usane dekha, devi mere sammukh khadi, kripadrishti se mujhe dekh rahi hai. tara ne daud kar unake padon ko chooma.

devi ne poochha— tara, teri abhilasha poori huee ?

tara— han mata, meri abhilasha poori huee.

devi— tujhe prem mil gaya ?

tara— nahin mata, mujhe usase bhi uttam padarth mil gaya. mujhe prem ke hire ke badale seva ka paras mil gaya. mujhe gyat hua hai ki prem seva ka chakar hai. seva ke samane sir jhukakar ab main prem-bhiksha nahin chahati. ab mujhe kisi doosare sukh ki abhilasha nahin. seva ne mujhe, adar, sukh sabasenivritt kar diya.

devi is bar muskarayi nahin. usane tara ko hriday se lagaya aur drishti se ojhal ho gee.

sndhya ka samay tha. akash men tare chamakate the, jaise kamal par pani ki boonden. vayu men chittakarshak shitalata a gee thi. tara ek vriksh ke niche khadi chidiyon ko dana chugati thi, ki yakayak sadhu ne akar usake charanon par sir jhukaya aur bola- tara, tumane mujhe jit liya. tumhara aishvary, dhan aur saundary jo kuchh n kar saka, vah tumhari seva ne kar dikhaya. tumane mujhe apane prem men asakt kar liya. ab main tumhara das hoon. bolo, tum mujhase kya chahati ho ? tumhare snket par ab main apana yog aur vairagy sab kuchh nyochhavar kar dene ke lie prastut hoon.

tara- svamiji ! mujhe ab koee ichchha nahin. main keval seva ki agya chahati hoon.

sadhu- main dikha doonga ki aise yog sadhakar manushy ka hriday bhi nirjiv bhi nahin hota. main bhnvare ke sadrish tumhare saundary par mndaraoonga. papihe ki tarah tumhare prem ki rat lagaoonga. ham donon prem ki nauka par aishvary aur vaibhav ki nadi ki sair karenge, prem kunjon men baithakar prem-charcha karenge aur annd ke manohar rag gaenge.

tara ne kaha- svamiji, seva-marg par chalakar main sab abhilashaon se pare ho gee. ab hriday men aur koee ichchha shesh nahin hai.

sadhu ne in shabdon ko suna, tara ke charanon par matha navaya aur gnga ki or chal diya


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah