जुरमाना- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

aisa shayad hi koee mahina jata ki alarakkhi ke vetan se kuchh juramana n kat jata. kabhi-kabhi to use 6) ke 5) hi milate, lekin vah sab kuchh sahakar bhi saphaee ke daroga mu0 khairat ali khan ke chngul men kabhi n ati. khan sahab ki matahati men saikadon mehataraniyan thin. kisi ki bhi talab n katati, kisi par jurmana n hota, n dant hi padati. khan sahab nekanam the, dayalu the. magar alarakkhi unake hathon barabar tadऩa pati rahati thi. vah kamachor nahin thi, beadab nahin thi, phoohad nahin thi, badasoorat bhi nahin thi; pahar rat ko is thand ke dinon men vah jhadoo lekar nikal jati aur nau baje tak ek-chitt hokar sadaq par jhadoo lagati rahati. phir bhi us par jurmana ho jata. usaka pati huseni bhi avasar pakar usaka kam kar deta, lekin alarakkhi ki qismat men jurmana dena tha. talab ka din auron ke lie hnsane ka din tha alarakkhi ke lie rone ka. us din usaka man jaise sooli par tnga rahata. n jane kitane paise kat jaenge? vah pariksha vale chhatron ki tarah bar-bar jurmana ki rakam ka takhamina karati.

us din vah thakakar jara dam lene ke lie baith gayi thi. usi vakt darogaji apane ikke par a rahe the. vah kitana kahati rahi hajoorali, main phir kam karoongi, lekin unhonne ek n suni thi, apani kitab men usaka nam not kar liya tha. usake kee din bad phir aisa hi hua. vah halavaee se ek paise ke sevade lekar kha rahi thi. usi vakt daroga n jane kidhar se nikal pada tha aur phir usaka nam likh liya gaya tha. n jane kahan chhipa rahata hai? jara bhi sustane lage ki bhoot ki tarah akar khada ho jata hai. nam to usane do hi din likha tha, par jurmana kitana karata hai-alla jane! ath ane se badhaqar ek rupaya n ho jae. vah sir jhukaye vetan lene jati aur takhamine se kuchh zyada hi kata hua pati. kanpate hue hathon se rupaye lekar ankhon men ansoo bhare laut ati. kisase phariyad kare, daroga ke samane usaki sunega kaun?

aj phir vahi talab ka din tha. is mahine men usaki doodh piti bachchi ko khansi aur jvar ane laga tha. thand bhi khoob padi thi. kuchh to thand ke mare aur kuchh ladaqi ke rone-chillane ke karan use rat-rat-bhar jagana padata tha. kee din kam par jane men der ho gayi. daroga ne usaka nam likh liya tha. abaki adhe rupaye kat jaenge. adhe bhi mil jaen to ganimat hai. kaun jane kitana kata hai? usane tadaqe bachchi ko god men uthaya aur jhadoo lekar sadaq par ja pahunchi. magar vah dusht god se utarati hi n thi. usane bar-bar daroga ke ane ki dhamaki di-abhi ata hoga, mujhe bhi marega, tere bhi nak-kan kat lega. lekin ladaqi ko apane nak-kan katavana mnjoor tha, god se utarana mnjoor n tha; akhir jab vah darane-dhamakane, pyarane-puchakarane, kisi upay se n utari to alarakkhi ne use god se utar diya aur use roti-chillati chhodaqar jhadoo lagane lagi. magar vah abhagini ek jagah baithakar man-bhar roti bhi n thi. alarakkhi ke pichhe lagi huee bar-bar usaki sadi pakadaqar khinchati, usaki tang se lipat jati, phir zamin par lot jati aur ek kshan men uthakar phir rone lagati.

usane jhadoo tanakar kaha-chup ho ja, nahin to jhadoo se maroongi, jan nikal jaegi; abhi daroga dadhijar ata hoga...

poori dhamaki munh se nikal bhi n paee thi ki daroga khairatali khan samane akar saikil se utar pada. alarakkhi ka rng ud gaya, kaleja dhakh-dhakh karane laga! ya mere allah, kahin isane sun n liya ho! meri ankhen phoot jaen. samane se aya aur mainne dekha nahin. kaun janata tha, aj pairagadi par a raha hai? roj to ikke par ata tha. nadiy़on men rakt ka daudऩa band ho gaya. jhadoo hath men lie ni:stabdh khadi rah gayi.

daroga ne dantakar kaha-kam karane chalati hai to ek puchchhilla sath le leti hai. ise ghar par kyon nahin chhod ayi?

alarakkhi ne katar svar men kaha-isaka ji achchha nahin hai huzoor, ghar par kisake pas chhod ati.

‘kya hua hai isako!’

‘bukhar ata hai huzoor!’

‘aur too ise yon chhodaqar rula rahi hai. maregi ki jiyegi?’

‘god men liye-liye kam kaise karoon huzoor!

‘chhutti kyon nahin le leti!’

‘talab kat jati huzoor, gujara kaise hota?’

‘ise utha le aur ghar ja. huseni lautakar aye to idhar jhadoo lagane ke lie bhej dena.’

alarakkhi ne ladaqi ko utha liya aur chalane ko huee, tab darogaji ne poochha-mujhe gali kyon de rahi thi?

alarakkhi ki rahi-sahi jan bhi nikal gayi. kato to lahoo nahin. thar-thar kanpati boli-nahin huzoor, meri ankhen phoot jaen jo tumako gali di ho.

aur vah phoot-phootakar rone lagi.

2

sandhya samay huseni aur alarakkhi donon talab lene chale. alarakkhi bahut udas thi.

huseni ne santvana di-too itani udas kyon hai? talab hi n kategi-katane de abaki se teri jan ki kasam khata hoon, ek ghoont daroo ya tadi nahin pioonga.

‘main darati hoon, barakhast n kar de meri jibh jal jay! kahan se kahan ...

‘barakhast kar dega, kar de, usaka alla bhala kare! kahan tak royen!’

‘tum mujhe nahak liye chalate ho. sab-ki-sab hnsengi.’

‘barakhast karega to poochhoonga nahin kis ilajam par barakhast karate ho, gali dete kisane suna? koee andher hai, jise chahe, barakhast kar de aur kahin sunavaee n huee to pnchon se phariyad karoonga. chaudhari ke daravaze par sar patak doonga.’

‘aisi hi ekata hoti to daroga itana jarimana karane pata?’

‘jitana bada rog hota hai, utani dava hoti hai, pagali!’

phir bhi alarakkhi ka man shant n hua. mukh par vishad ka dhuan-sa chhaya hua tha. daroga kyon gali sunakar bhi bigada nahin, usi vakt use kyon nahin barakhast kar diya, yah usaki samajh men n ata tha. vah kuchh dayalu bhi maloom hota tha. usaka rahasy vah n samajh pati thi, aur jo chiz hamari samajh men nahin ati usi se ham darate hain. keval juramana karana hota to usane kitab par usaka nam likha hota. usako nikal bahar karane ka nishchay kar chuka hai, tabhi dayalu ho gaya tha. usane suna tha ki jinhen phansi di jati hai, unhen ant samay khoob poori mithaee khilayi jati hai, jisase milana chahen usase milane diya jata hai. nishchay barakhast karega.

myunisipailiti ka daftar a gaya. hajaron mehataraniyan jama thin, rng-birng ke kapade pahane, banav-singar kiye. pan-sigaret vale bhi a gaye the, khonche vale bhi. pathanon ka ek dal bhi apane asamiyon se rupaye vasooli karane a pahuncha tha. vah donon bhi jakar khade ho gaye.

vetan bntane laga. pahale mehataraniyon ka nambar tha. jisaka nam pukara jata vah lapakakar jati aur apane rupaye lekar darogaji ko muft ki duaen deti huee chali jati. champa ke bad alarakkhi ka nam barabar pukara jata tha. aj alarakkhi ka nam ud gaya tha. champa ke bad jahooran ka nam pukara gaya jo alarakkhi ke niche tha.

alarakkhi ne hatash ankhon se huseni ko dekha. mehataraniyan use dekh-dekhakar kanaphoosi karane lagin. usake ji men aya, ghar chali jae. yah upahas nahin saha jata. zamin phat jati ki usamen sama jati.

ek ke bad doosara nam ata gaya aur alarakkhi samane ke vrikshon ki or dekhati rahi. use ab isaki parava n thi ki kisaka nam ata hai, kaun jata hai, kaun usaki or takata hai, kaun us par hnsata hai.

sahasa apana nam sunakar vah chaunk padi! dhire se uthi aur naveli bahoo ki bhanti pag uthati huee chali. khajanchi ne poore 6) usake hath par rakh diye.

use ashchary hua. khajanchi ne bhool to nahin ki? in tin barason men poora vetan to kabhi mila nahin. aur abaki to adha bhi mile to bahut hai. vah ek sekand vahan khadi rahi ki shayad khajanchi usase rupaya vapas mange. jab khajanchi ne poochha, ab kyon khadi hai. jati kyon nahin? tab vah dhire se boli-yah to poore rupaye hain.

khajanchi ne chakit hokar usaki or dekha!

‘to aur kya chahati hai, kam milen?’

‘kuchh jarimana nahin hai?’

‘nahin, abaki kuchh jarimana nahin hai.’

alarakkhi chali, par usaka man prasann n tha. vah pachhata rahi thi ki darogaji ko gali kyon di.

tika tippani aur sndarbh


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah