तगादा -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

seth chetaram ne snan kiya, shivaji ko jal chadhaya, do dane mirch chabaye, do lote pani piya aur sota lekar tagade par chale. sethaji ki umr koee pachas ki thi. sir ke bal jhad gaye the aur khopadi aisi saph-suthari nikal aee thi, jaise oosar khet. apaki ankhen thin to chhoti lekin bilakul gol. chehare ke niche pet tha aur pet ke niche tangen, mano kisi pipe men do mekhen gad di gee hon. lekin, yah khali pipa n tha. isamen sajivata aur karmashilata koot-kootakar bhari huee thi. kisi bakidar asami ke samane is pipe ka uchhalana-koodana aur paintare badalana dekhakar kisi nat ka chigiya bhi lajjit ho jata. aisi ankhen lal-pili karate, aise garajate ki darshakon ki bhid lag jati thi. unhen knjoos to nahin kaha, ja sakata, kyonki jab vah dookan par hote, to harek bhikhamnge ke samane ek kaudi phenk dete. han, us samay unake mathe par kuchh aisa bal pad jata, ankhen kuchh aisi prachnd ho jatin, nak kuchh aisi sikud jati ki bhikhari phir unaki dookan par n ata. lahane ka bap tagada hai, is siddhant ke vah anany bhakt the. jalapan karane ke bad sndhya tak vah barabar tagada karate rahate the. isamen ek to ghar ka bhojan bachata tha, doosare asamiyon ke mathe doodh, poori, mithaee adi padarth khane ko mil jate the. ek vakt ka bhojan bach jana koee sadharan bat nahin hai ! ek bhojan ka ek ana bhi rakh len, to keval isi mad men unhonne apane tis varshon ke mahajani jivan men koee ath sau rupaye bacha liye the. phir lautate samay doosari bela ke lie bhi doodh, dahi, tel, tarakari, upale, eendhan mil jate the. bahudha sndhya ka bhojan bhi n karana padata tha. isalie tagade se n chookate the. asaman phata padata ho, ag baras rahi ho, andhi ati ho; par sethaji prakriti ke atal niyam ki bhanti tagade par zaroor nikal jate.

sethani ne poochha, ‘bhojan ?’

sethaji ne garajakar kaha, ‘nahin.‘

'sanjh ka ?'

'ane par dekhi jayagi.'

sethaji ke ek kisan par panch rupaye ate the. chh: mahine se dusht ne sood-byaj kuchh n diya tha aur n kabhi koee saugat lekar hajir hua tha. usaka ghar tin kos se kam n tha, isaliye sethaji talate ate the. aj unhonne usi ganv chalane ka nishchay kar liya. aj bina dusht se rupaye liye n manoonga, chahe kitana hi roye, ghighiyaye. magar itani lambi yatra paidal karana nindaspad tha. log kahenge nam bade darshan thode. kahalate seth, chalate hain paidal isalie mnthar gati se idhar-udhar takate, rahagiron se baten karate chale jate the ki log samajhen vayu-sevan karane ja rahe hain. sahasa ek khali ikka unaki taraph jata hua mil gaya. ikkevan ne poochha, ‘qahan lala, kahan jana hai ?

sethaji ne kaha, ‘zana to kahin nahin hai, do parag to aur hai; lekin lao baith jayn.‘

ikkevale ne chubhati huee ankhon se sethaji ko dekha, sethaji ne bhi apani lal ankhon se use ghoora. donon samajh gaye, ‘aj lohe ke chane chabane padenge.‘

ikka chala. sethaji ne pahala var kiya, ‘qahan ghar hai miyan sahab ?’

'ghar kahan hai huzoor, jahan pad rahoon, vahin ghar hai. jab ghar tha tab tha. ab to beghar, bedar hoon aur sabase badi bat yah hai ki bepar hoon. takadir ne par kat liye. ladoora banakar chhod diya. mere dada navabi men chakaledar the huzoor, sat zile ke malik, jise chahen top-dam kar den, phansi par lataka den. nikalane ke pahale lakhon ki thailiyan najar chadh jati thin huzoor. navab sahab bhaee ki tarah manate the. ek din vah the, ek din yah hai ki ham ap logon ki gulami kar rahe hain. dinon ka pher hai.'

sethaji ko hath milate hi maloom ho gaya, pakka phikait hai, akhadebaj, isase pesh pana mushkil hai, par ab to kushti bad gee thi, akhade men utar pade the .

bole –‘to yah kaho ki badashahi gharane ke ho. yah soorat hi gavahi de rahi hai. dinon ka pher hai bhaee, sab din barabar nahin jate. hamare yahan lakshmi ko chnchala kahate hain, barabar chalati rahati hain, aj mere ghar, kal tumhare ghar. tumhare dada ne rupaye to khoob chhode honge ?’

ikkevala –‘are seth, us daulat ka koee hisab n tha. n jane kitane tahakhane bhare hue the ! boron men sone-chandi ke dale rakhe hue the. javaharat tokariyon men bhare pade the. ek-ek patthar pachas-pachas lakh ka. chamak-damak aisi thi, ki chirag mat. magar takadir bhi to koee chiz hai. idhar dada ka chalisavan hua; udhar navabi burd huee. sara khazana lut gaya. chhakadon par lad-ladakar log javaharat le gaye phir bhi ghar men itana bach raha tha ki abbajan ne zindagi bhar aish kiya aisa aish kiya, ki kya koee bhakuva karega. solah kaharon ke sukhapal par nikalate the. age-pichhe chobadar daudate chalate the. phir bhi mere gujar bhar ko unhonne bahut chhoda. agar hisab-kitab se rahata to aj bhala adami hota; lekin rees ka beta rees hi to hoga. ek botal chadhakar bistar se uthata tha. rat-rat bhar mujare hote rahate the. kya janata tha, ek din yah thokaren khani padengi.‘

seth –‘alla miyan ka sukur karo bhaee ki eemanadari se apane bal-bachchon ki paravarish to karate ho. nahin to hamare-tumhare kitane hi bhaee rat-din kukarm karate rahate hain, phir bhi dane-dane ko muhataj rahate hain. eeman ki salamati chahie, nahin din to sabhi ke kat jate hain, doodh-roti khakar kate to kya, sookhe chane chabakar kate to kya. badi bat to eeman hai. mujhe to tumhari soorat dekhate hi maloom ho gaya tha, ki niyat ke saf sachche adami ho. beeemanon ki to soorat hi se phatakar barasati hai.‘

ikkevala –‘sethaji, apane thik kaha, ki eeman salamat rahe, to sab kuchh hai. ap logon se char paise mil jate hain, vahi bal-bachchon ko khila-pilakar pad rahata hoon. huzoor, aur ikkevalon ko dekhie, to koee kisi marj men mubtila hai, koee kisi marj men. mainne toba bola, ! aisa kam hi kyon karen, ki musibat men phasen. bada kunaba hai huzoor, man hai, bachche hain, kee bevaen hain, aur kamaee yahi ikka hai. phir bhi allah miyan kisi tarah nibahe jate hain.‘

seth –‘vah bada karasaj hai khan sahab, tumhari kamaee men hamesha barakat hogi.‘

ikkevala—‘ ap logon ki meharabani chahie.‘

seth –‘bhagavan ki meharabani chahie. tumase khoob bhent ho gee. main ikkevalon se bahut ghabarata hoon; lekin ab maloom hua, achchhe-bure sabhi jagah hote hain. tumhare jaisa sachcha, dinadar adami mainne nahin dekha. kaisi saf tabiyat paee hai tumane ki vah !’

sethaji ki ye lachchhedar baten sunakar ikkevala samajh gaya ki yah mahashay parale sire ke baithakabaj hain. yah sirph meri tariph karake mujhe chakama diya chahate hain. ab aur kisi pahaloo se apana matalab nikalana chahie. inaki daya se to kuchh le marana mushkil hai, shayad inase bhay se kuchh le maroon.

bola, ‘magar lala, yah n samajhie ki main jitana sidha aur nek najar ata hoon, utana sidha aur nek hoon bhi. nekon ke sath nek hoon lekin buron ke sath pakka badamash hoon. yon kahie apaki jootiyan sidhi kar doon; lekin kiraye ke mamale men kisi ke sath riayat nahin karata. riayat karoon to khaoon kya ?’

sethaji ne samajha tha, ikkevale ko hatthe par chadha liya, ab yatra nirvighn aur ni:shulk samapt ho jayagi ! lekin yah alap suna, to kan khade hue.

bole –‘bhaee, rupaye-paise ke mamale men main bhi kisi se riayat nahin karata; lekin kabhi-kabhi jab yar-doston ka mamala a padata hai to jhak marakar dabana hi padata hai. tumhen bhi kabhi-kabhi bal khana hi padata hoga.

doston se bemurauvati to nahin ki jati.‘

ikkevale ne rookhepan se kaha, ‘main kisi ke sath murauvat nahin karata. murauvat ka sabak to ustad ne padhaya hi nahin. ek hi chnchool hoon. majal kya ki koee ek paisa daba le. gharavali tak ko to main ek paisa deta nahin, doosaron ki bat hi kya hai. aur ikkevale apane mahajan ki khushamad karate hain. usake daravaze par khade rahate hain. yahan mahajanon ko bhi dhata batata hoon. sab mere nam ko rote hain. rupaye liye aur saf dakar gaya. dekhen, ab kaise vasool karate ho bachcha, nalish karo, ghar men kya dhara hai, jo le loge.‘

sethaji ko mano joodi chadh aee. samajh gaye, yah shaitan bina paise liye n manega. janate ki yah vipatti gale padegi, to bhoolakar bhi ikke par panv n rakhate. itani door paidal chalane men kaun pair toote jate the. agar is tarah roj paise dene pade, to phir len-den kar chuka. sethaji bhakt jiv the. shivaji ko jal chadhane men, jab se hosh snbhala, ek naga bhi n kiya. kya bhaktavatsal shnkar bhagavanh is avasar par meri sahayata n karenge. ishtadev ka sumiran karake bole, ‘khaau sahab aur kisi se chahe n dabo; par pulis se to dabana hi padata hoga. vah to kisi ke sage nahin hote.‘

ikkevale ne kahakaha, ‘mara qabhi nahin, unase ulte aur kuchh-n-kuchh vasool karata hoon. jahan koee shikar mila, jhat saste bhade baithata hoon aur thane par pahuncha deta hoon. kiraya bhi mil jata hai aur inam bhi. kya majal ki koee bol sake. laisan nahin liya aj tak, laisan ! maje men sadar men ikka daudata phirata hoon. koee sala choon nahin kar sakata. mele-thelon men apani khoob ban ati hai. achchhe-achchhe mal chunakar kotavali pahunchata hoon. vahan kaun kisi ki dal galati hai. jise chahen rok len, ek din, do din, tin din. bis bahane hain. kah diya, shak tha ki yah aurat ko bhagaye liye jata tha. phir kaun bol sakata hai. sahab bhi chhodana chahen; to nahin chhod sakate. mujhe sidha n samajhiega. ek hi harami hoon. savariyon se pahale kiraya tay nahin karata, thikane par pahunchakar ek ke do leta hoon. jara bhi chin-chapad kiya, to astin chadha, paintare badalakar khada ho jata hoon. phir kaun hai jo samane thahar sake.‘

sethaji ko romanch ho aya. hath men ek sota to tha, par usaka vyavahar karane ki shakti ka unamen abhav tha. aj bure phase, n jane kis manahoos ka munh dekhakar ghar se chale the. kahin yah dusht ulajh pade, to das-panch din haldi-sonth pina pade. ab se bhi kushal hai, yahan utar jaoon, jo bach jay vahi sahi. bhigi billi banakar bole, ‘achchha, ab rok lo khan sahab, mera ganv a gaya. bolo, tumhen kya de doon ?’

ikkevale ne ghodi ko ek chabuk aur lagaya aur nirdayata se bola, ‘majoori soch lo bhaee. tumako n baithaya hota to tin savariyan baitha leta. tinon char-char ane bhi dete, to barah ane ho jate. tum ath hi ane de do.‘

sethaji ki badhiya baith gee. itani badi rakam unhonne umr bhar is mad men nahin kharch ki thi. itani-si door ke lie itana kiraya, vah kisi tarah n de sakate the. manushy ke jivan men ek aisa avasar bhi ata hai, jab parinam ki use chinta nahin rahati. sethaji ke jivan men yah aisa hi avasar tha. agar ane-do-ane ki bat hoti, to khoon ka ghoont pikar de dete, lekin ath ane ke lie ki jisaka dvigun ek kaladar hota hai, agar too-too main-main hi nahin hathapaee ki bhi naubat aye, to vah karane ko taiyar the. yah nishchay karake vah dridhata ke sath baithe rahe. sahasa sadak ke kinare ek jhonpada najar aya. ikka ruk gaya, seth ji utar pade aur kamar se ek duanni nikalakar ikkevan ki or badhaee.

ikkevan ne sethaji ke tevar dekhe, to samajh gaya, tav bigad gaya. chashani kadi hokar kathor ho gee. ab yah danton se ladegi. ise chubal kar hi mithas ka anand liya ja sakata hai. namrata se bola, ‘meri or se isaki revadiyan lekar bal-bachchon ko khila dijiega. allah apako salamat rakhe.‘

sethaji ne ek ana aur nikala aur bole –‘bas, ab jaban n hilana, ek kaudi bhi besi n doonga.‘ ikkevala –‘nahin malik, ap hi aisa kahenge, to ham garibon ke bal-bachche kahan se palenge. ham log bhi adami pahachanate hain huzoor.‘ itane men jhonpadi men se ek stri gulabi sadi pahane, pan chabati huee nikal aee aur boli, aj badi der lagaee (yakayak sethaji ko dekhakar), ‘achchha aj lalaji tumhare ikke par the. phir aj tumhara mizaj kahe ko milega. ek chehareshahi to mili hi hogi. idhar badha do sidhe se.‘

yah kahakar vah sethaji ke samip akar boli, ‘aram se charapaiya par baitho lala ! bade bhag the ki aj sabere-sabere apake darshan hue.‘

usake vastr mand-mand mahak rahe the. sethaji ka dimag taja ho gaya. usaki or kanakhiyon se dekha. aurat chnchal, banki-katili, tej-tarrar thi. sethaniji ki moorti ankhon ke samane a gee bhaddi, thal-thal, pil-pil, pairon men bevay phati huee, kapadon se durgandh udati huee. sethaji namamatr ko bhi rasik n the, par is samay ankhon se har gaye. ankhon ko udhar se hatane ki cheshta karake charapaee par baith gaye. abhi kos bhar ki mnzil baki hai, isaka khyal hi n raha. stri ek chhoti-si pnkhiya utha laee aur sethaji ko jhalane lagi. hath ki pratyek gati ke sath sugandha ka ek jhonka akar sethaji ko unmatt karane laga.

sethaji ne jivan men aisa ullas kabhi anubhav n kiya tha. unhen pray: sabhi ghrina ki drishti se dekhate the. chola mast ho gaya. usake hath se pnkhiya chhin leni chahi.

'tumhen kasht ho raha hai, lao main jhal loon.'

'yah kaisi bat hai lalaji ! ap hamare daravaze par aye hain. kya itani khatir bhi n karane dijiyega. aur ham kis layaq hain. idhar kahin door jana hai ? ab to bahut der ho gee. kahan jaiega.'

sethaji ne papi ankhon ko pher kar aur papi man ko daba kar kaha, ‘yahan se thodi door par ek ganv hai, vahin jana hai. sanjh ko idhar hi se lautoonga.‘

sundari ne prasann hokar kaha, ‘to phir aj yahin rahiega. sanjh ko phir kahan jaiega. ek din ghar ke bahar ki hava bhi khaie. phir n jane kab mulakat hogi.‘

ikkevale ne akar sethaji ke kan men kaha, ‘paise nikalie to dane-chare ka intazam karoon.‘

sethaji ne chupake se athanni nikalakar de di.

ikkevale ne phir poochha, ‘apake lie kuchh mithaee leta aoon ? yahan apake layaq mithaee to kya milegi, han munh mitha ho jayaga.‘

sethaji bole, ‘mere liye koee zaroorat nahin, han bachchon ke lie yah char ane ki mithaee livate ana.

chavanni nikalakar sethaji ne usake samane aise garv se phenki mano isaki unake samane koee hakikat nahin hai. sundari ke munh ka bhav to dekhana chahate the; par darate the ki kahin vah yah n samajhe, lala chavanni kya de rahe hain, mano kisi ko mol le rahe hain.

ikkevala chavanni uthakar ja hi raha tha ki sundari ne kaha, ‘sethaji ki chavanni lauta do. lapakakar utha li, sharm nahin ati. yah mujhase rupaya le lo. ath ane ki taji mithaee banavakar lao.' usane rupaya nikalakar phenka ! sethaji mare laj ke gad gaye. ek ikkevan ki bhathiyarin jisaki take ki bhi aukat nahin, itani khatiradari kare ki unake lie poora rupaya nikalakar de de, yah bhala vah kaise sah sakate the. bole –‘nahin-nahin, yah nahin ho sakata. tum apana rupaya rakh lo. (rasik ankhon ko tript karake) main rupaya diye deta hoon. yah lo, ath ane ki le lena.‘

ikkevan to udhar mithaee aur dana-chare ki fikr men chala, ‘idhar sundari ne seth se kaha, vah to abhi der men ayega lala, tab tak pan to khao.‘

sethaji ne idhar-udhar takakar kaha, ‘yahan to koee tamboli nahin hai.‘

sundari unaki or katakshapoorn netron se dekhakar boli, ‘kya mere lagaye pan tamboli ke panon se bhi kharab honge ?’

sethaji ne lajjit hokar kaha, ‘nahin-nahin, yah bat nahin, tum musalaman ho n ?’

sundari ne vinodamay agrah se kaha, ‘khuda ki kasam, isi bat par main tumhen pan khilakar chhodoongi !

yah kahakar usane panadan se ek bida nikala aur sethaji ki taraph chali. sethaji ne ek minit tak to han ! han ! kiya, phir donon hath badhakar use hatane ki cheshta ki, phir zor se donon onth band kar lie par jab sundari kisi tarah n mani, to sethaji apana dharm lekar betahasha bhage. sonta vahin charapaee par rah gaya. bis qadam par jakar ap ruk gaye aur hanphakar bole –‘dekho, is tarah kisi ka dharm nahin liya jata. ham log tumhara chhua pani pi len to dharm bhrasht ho jay.‘

sundari ne phir daudaya. sethaji phir bhage. idhar pachas varsh se unhen is tarah bhagane ka avasar n pada tha. dhoti khisakakar girane lagi magar itana avakash n tha ki dhoti bandh len. bechare dharm ko kndho par rakhe daude chale jate the. n maloom kab kamar se rupayon ka batua khisak pada. jab ek pachas qadam par phir ruke aur dhoti oopar uthaee, to batua nadarad. pichhe phirakar dekha. sundari hath men batua liye unhen dikha rahi thi aur ishare se bula rahi thi. magar sethaji ko dharm rupaye se kahin pyara tha. do-char qadam chale phir ruk gaye.

yakayak dharm-buddhi ne daaut bataee. thode rupaye ke lie dharm chhode dete ho. rupaye bahut milenge. dharm kahan milega.

yah sochate hue vah apani rah chale, jaise koee kutta jhagadaloo kutton ke bich se ahat, dum dabaye bhaga jata ho aur bar-bar pichhe phirakar dekh leta ho ki kahin ve dusht a to nahin rahe hain.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah