शराब की दुकान -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

kangres kameti men yah saval pesh tha-sharab aur tadi ki dookanon par kaun dharana dene jay? kameti ke pachchis membar sir jhukaye baithe the; par kisi ke munh se bat n nikalati thi. muamala bada najuk tha. pulis ke hathon giraphtar ho jana to zyada mushkil bat n thi. pulis ke karmachari apani zimmedariyon ko samajhate hain. choonki achchhe aur bure to sabhi jagah hote hain, lekin pulis ke aphasar, kuchh logon ko chhod kar, sabhyata se itane khali nahin hote ki jati aur desh par jan denevalon ke sath durvyavahar karen; lekin nashebajon men yah zimmedari kahan? unamen to adhikansh aise log hote hain, jinhen ghudaki-dhamaki ke siva aur kisi shakti ke samane jhukane ki adat nahin. marapit se nasha hiran ho sakata hai; par shantivadiyon ke lie to vah daravaza bnd hai. tab kaun is okhali men sir de, kaun piyakkadon ki galiyan khay? bahut sambhav hai ki ve hathapaee kar baithen. unake hathon pitana kise mnjoor ho sakata tha? phir pulisavale bhi baithe tamasha n dekhenge. unhen aur bhi bhadakate rahenge. pulis ki shah pa kar ye nashe ke bnde jo kuchh n kar dalen, vah thoda ! eent ka javab patthar se de nahin sakate aur is samuday par vinati ka koee asar nahin !

ek membar ne kaha-mere vichar men to in jaton men pnchayaton ko phir snbhalana chahie. idhar hamari laparavahi se unaki pnchayaten nirjiv ho gayi hain. isake siva mujhe to aur koee upay nahin soojhata.

sabhapati ne kaha-han, yah ek upay hai. main ise not kiye leta hoon, par dharana dena zaroori hai.

doosare mahashay bole-unake gharon par ja kar samajhaya jay, to achchha asar hoga.

sabhapati ne apani chikani khopadi sahalate hue kaha-yah bhi achchha upay hai; magar dharane ko ham log tyag nahin sakate.

phir sannata ho gaya.

pichhali katar men ek devi bhi maun baithi huee thin. jab koee membar bolata vah ek najar usaki taraph dal kar phir sir jhuka leti thin. yahi kangres ki ledi membar thin. unake pati mahashay ji. pi. saksena kangres ke achchhe kam karanevalon men the. unaka dehant hue tin sal ho gaye the. misej saksena ne idhar ek sal se kangres ke kamon men bhag lena shuroo kar diya tha aur kangres kameti ne unhen apana membar chun liya tha. vah sharif gharanon men ja kar svadeshi aur khaddar ka prachar karati thin. jab kabhi kangres ke pletapharm par bolane khadi hotin to unaka josh dekh kar aisa maloom hota tha mano akash men ud jana chahati hain. kundan ka-sa rng lal ho jata tha, badi-badi karun ankhen jinamen jal bhara hua maloom hota tha, chamakane lagati thin. badi khushamizaj aur isake sath bala ki nirbhik stri thin. dabi huee chinagari thi, jo hava pakar dahak uthati hai. unake mamooli shabdon men itana akarshan kahan se a jata tha, kah nahin sakate. kameti ke kee javan membar, jo pahale kangres men bahut kam ate the, ab bila naga ane lage the. misej saksena koee bhi prastav karen, unaka anumodan karanevalon ki kami n thi. unaki sadagi, unaka utsah, unaki vinay, unaki mridu-vani kangres par unaka sikka jamaye deti thi. har adami unaki khatir samman ki sima tay karata tha, par unaki svabhavik namrata unhen apane daivi sadhanon se poora-poora fayada n uthane deti thi. jab kamare men atin, log khade ho jate the; par vah pichhali saph se age n badhati thin.

misej saksena ne pradhan se poochha-sharab ki dookanon par auraten dharana de sakati hain?

sabaki ankhen unaki or uth gayin. is prashn ka ashay sab samajh gaye.

pradhan ne katar svar men kaha-mahatma ji ne to yah kam auraton hi ko supurd karane par zor diya hai par...

misej saksena ne unhen apana vaky poora n karane diya. bolin-to phir mujhe is kam par bhej dijie.

logon ne kutoohal ki ankhon se misej saksena ko dekha. yah sukumari jisake komal angon men shayad hava bhi chubhati ho, gndi galiyon men tadi aur sharab ki durgndh-bhari dookanon ke samane jane aur nashe se pagal adamiyon ki kalushit ankhon aur banhon ka samana karane ko kaise taiyar ho gayi.

ek mahashay ne apane samip ke adami ke kan men kaha-bala ki nidar aurat hai.

un mahashay ne jale hue shabdon men uttar diya-ham logon ko kanton men ghasitana chahati hain, aur kuchh nahin. vah bechari kya piketing karengi. dookan ke samane khada tak to hua n jayega.

pradhan ne sir jhuka kar kaha-main apake sahas aur utsarg ki prashnsa karata hoon, lekin mere vichar men abhi is shahar ki dasha aisi nahin hai ki deviyan piketing kar saken. apako khabar nahin, nashebaj kitane munhaphat hote hain. vinay to vah janate hi nahin !

misej saksena ne vyngy-bhav se kaha-to kya apaka vichar hai ki koee aisa jamana bhi ayega, jab sharabi log vinay aur shil ke putale ban jayenge? yah dasha to hamesha hi rahegi. akhir mahatma ji ne kuchh samajh kar hi to auraton ko yah kam saunpa hai. main nahin kah sakati ki mujhe kahan tak saphalata hogi; par is kartavy ko talane se kam n chalega.

pradhan ne pasopesh men pad kar kaha-main to apako is kam ke lie ghasitana uchit nahin samajhata, age apako akhtiyar hai.

misej saksena ne jaise vinay ka alingan karate hue kaha-main apake pas phariyad le kar n aoongi ki mujhe phalan adami ne mara ya gali di. itana janati hoon ki agar main saphal ho gayi, to aisi striyon ki kami n rahegi jo is kam ko solahon ane apane hath men n le len.

is par ek naujavan membar ne kaha-main sabhapati ji se nivedan karoonga ki misej saksena ko yah kam de kar ap hinsa ka samana kar rahe hain. isase yah kahin achchha hai ki ap mujhe yah kam saunpen.

misej saksena ne garm hokar kaha-apake hathon hinsa hone ka dar aur bhi zyada hai.

is naujavan membar ka nam tha jayaram. ek bar ek kada vyakhyan dene ke lie jel ho aye the, par us vakt unake sir grihasthi ka bhar n tha. qanoon padhate the. ab unaka vivah ho gaya tha, do-tin bachche bhi ho gaye the, dasha badal gayi thi. dil men vahi josh, vahi tadap, vahi dard tha, par apani halat se majaboor the.

misej saksena ki or namr agrah se dekh kar bole-ap meri khatir is gnde kam men hath n dalen. mujhe ek saptah ka avasar dijie. agar is bich men kahin dnga ho jaye, to apako mujhe nikal dene ka adhikar hoga.

misej saksena jayaram ko khoob janati thin. unhen maloom tha ki yah tyag aur sahas ka putala hai aur ab tak paristhitiyon ke karan pichhe dabaka hua tha. isake sath hi vah yah bhi janati thin ki isamen vah dhairy aur bardasht nahin hai, jo piketing ke lie lajami hai. jel men usane daroga ko apashabd kahane par chanta lagaya tha aur usaki saza tin mahine aur badh gayi thi. bolin-apake sir grihasthi ka bhar hai. main ghamnd nahin karati par jitane dhairy se main yah kam kar sakati hoon, ap nahin kar sakate.

jayaram ne usi namr agrah ke sath kaha-ap mere pichhale rekard par phaisala kar rahi hain. ap bhool jati hain ki adami ki avastha ke sath usaki uddndata ghatati jati hai.

pradhan ne kaha-main chahata hoon, mahashay jayaram is kam ko apane hathon men len.

jayaram ne prasann ho kar kaha-main sachche hriday se apako dhanyavad deta hoon.

misej saksena ne nirash ho kar kaha-mahashay, jayaram, apane mere sath bada anyay kiya hai aur main ise kabhi kshama n karoongi. ap logon ne is bat ka aj naya parichay de diya ki purushon ke adhin striyan apane desh ki seva bhi nahin kar sakatin.

2

doosare din, tisare pahar jayaram panch svaynsevakon ko le kar begamagnj ke sharabakhane ki piketing karane ja pahuncha. tadi aur sharab-donon ki dookanen mili huee thin. thikedar bhi ek hi tha. dookan ke samane, sadak ki patari par, andar ke angan men nashebajon ki toliyan vish men amrit ka annd loot rahi thin. koee vahan aphalatoon se kam n tha. kahin virata ki ding thi, kahin apane dan-dakshina ke pachade, kahin apane buddhi-kaushal ka alap. ahnkar nashe ka mukhy roop hai.

ek boodha sharabi kah raha tha-bhaiya, jindagani ka bharosa nahin. han, koee bharosa nahin. meri bat man lo, jindagani ka koee bharosa nahin. bas yahi khana-khilana yad rah jayega. dhan-daulat, jagah-jamin sab dhari rah jayegi !

do tadivalon men ek doosari bahas chhidi huee thi-

‘ham-tum riaya hain bhaee ! hamari majal hai ki sarakar ke samane sir utha saken?’

‘apane ghar men baithakar badashah ko galiyan de lo; lekin maidan men ana kathin hai.’

‘kahan ki bat bhaiya, sarakar to badi chiz hai, lal pagadi dekh kar to ghar bhag jate ho.’

‘chhota adami bhar-pet khake baithata hai, to samajhata hai, ab badashah hamin hain. lekin apani haisiyat ko bhoolana n chahie.’

‘bahut pakki bat kahate ho khan sahab. apani asaliyat par date raho. jo raja hai, vah raja hai, jo paraja hai, vah paraja hai. bhala paraja kahin raja ho sakata hai?’

itane men jayaram ne a kar kaha-ram ram bhaiyo, ram ram !

panch-chhah khaddaradari manushyon ko dekh kar sabhi log unaki or shnka aur kutoohal se takane lage. dookanadar ne chupake se apane ek naukar ke kan men kuchh kaha aur naukar dookan se utar kar chala gaya.

jayaram ne jhnde ko zamin par khada karake kaha-bhaiyo, mahatma gandhi ka hukm hai ki ap log tadi-sharab n piyen. jo rupaye ap yahan uda dete hain, vah agar apane bal-bachchon ko khilane-pilane men kharch karen, to kitani achchhi bat ho. jara der ke nashe ke lie ap apane bal-bachchon ko bhookhon marate hain. gnde gharon men rahate hain, mahajan ki galiyan khate hain. sochie, is rupaye se ap apane pyare bachchon ko kitane aram se rakh sakate hain !

ek boodhe sharabi ne apane sathi se kaha-bhaiya, hai to buri chij, ghar tabah karake chhod deti hai. muda itani umir pite kat gayi, to ab marate dam kya chhoden? usake sathi ne samarthan kiya-pakki bat kahate ho chaudhari ! jab itani umir pite kat gayi, to ab marate dam kya chhoden?

jayaram ne kaha-vah chaudhari, yahi to umir hai chhodane ki. javani to divani hoti hai, us vakt sab kuchh muaph hai.

chaudhari ne to koee javab n diya; lekin usake sathi ne jo kala, mota, badi-badi moonchhonvala adami tha, saral apatti ke bhav se kaha-agar pina bura hai, to angarez kyon pite hain?

jayaram vakil tha, usase bahas karana bhid ke chhatte ko chhedana tha. bola-yah tumane bahut achchha saval poochha bhaee. angarejon ke bap-dada abhi dedh-do sau sal pahale lutere the. hamare-tumhare bap-dada rishi-muni the. luteron ki sntan piye, to pine do. unake pas n koee dharm hai, n niti; lekin rishiyon ki sntan unaki nakal kyon kare. ham aur tum un mahatmaon ki sntan hain, jinhonne duniya ko sikhaya, jinhonne duniya ko adami banaya. ham apana dharm chhod baithe, usi ka phal hai ki aj ham gulam hain. lekin ab hamane gulami ki jnjiron ko todane ka phaisala kar liya hai aur...

ekaek thanedar aur char-panch kanstebal a khade hue.

thanedar ne chaudhari se poochha-yah log tumako dhamaka rahe hain?

chaudhari ne khade ho kar kaha-nahin huzoor, yah to hamen samajha rahe hain. kaise prem se samajha rahe hain ki vah !

thanedar ne jayaram se kaha-agar yahan phisad ho jaye, to ap zimmedar honge?

jayaram-main us vakt tak zimmedar hoon, jab tak ap n rahen.

‘apaka matalab hai ki main phisad karane aya hoon?’

‘main yah nahin kahata, lekin ap aye hain, to angareji samrajy ki atul shakti ka parichay zaroor hi dijiega. janata men uttejana phailegi. tab ap pil padenge aur das-bis adamiyon ko mar girayenge. vahi sab jagah hota hai aur yahan bhi hoga.’

sab inspektar ne onth chaba kar kaha-main apase kahata hoon, yahan se chale jaie, varana mujhe jabate ki karravaee karani padegi.

jayaram ne avichal bhav se kaha-aur main apase kahata hoon ki ap mujhe apana kam karane dijie. mere bahut-se bhaee yahan jama hain aur mujhe unase batachit karane ka utana hi hak hai jitana apako.

is vakt tak saikadon darshak jama ho gaye the. daroga ne aphasaron se poochhe bagair aur koee karravaee karana uchit n samajha. akadate hue dookan par gaye aur kursi par panv rakh kar bole-ye log to mananevale nahin hain !

dookanadar ne gidagidakar kaha-huzoor, meri to badhiya baith jayegi.

daroga-do-char gunde bula kar bhaga kyon nahin dete? main kuchh n boloonga. han, jara ek botal achchhi-si bhej dena. kal n jane kya bhej diya, kuchh maja hi nahin aya.

thanedar chala gaya, to chaudhari ne apane sathi se kaha-dekha kalloo, thanedar kitana bigad raha tha? sarakar chahati hai ki ham log khoob sharab piyen aur koee hamen samajhane n paye. sharab ka paisa bhi to sarakar hi men jata hai?

kalloo ne darshanik bhav se kaha-har ek bahane se paisa khinchate hain sab !

chaudhari-to phir kya salah hai? hai to buri chij.

kalloo-bahut buri chiz hai bhaiya, mahatma ji ka hukm hai, to chhod hi dena chahie.

chaudhari-achchha to yah lo, aj se agar piye to dogala.

yah kahate hue chaudhari ne botal zamin par patak di. adhi botal sharab zamin par bah kar sookh gayi.

jayaram ko shayad zindagi men kabhi itani khushi n huee thi. jor-jor se taliyan baja kar uchhal pade़.

usi vakt donon tadi pinevalon ne bhi ‘mahatma ji ki jay’ pukari aur apani handi zamin par patak di. ek svaynsevak ne lapak kar phoolon ki mala li aur charon adamiyon ke gale men dal di.

3

sadak ki patari par kee nashebaj baithe in charon adamiyon ki taraph us durbal bhakti se tak rahe the, jo purusharthahin manushyon ka lakshan hai. vahan ek bhi aisa vyakti n tha, jo angarejon ki mans-madira ya tadi ko zindagi ke lie anivary samajhata ho aur usake bagair zindagi ki kalpana bhi n kar sake. sabhi log nashe ko dooshit samajhate the, keval durbalendriy hone ke karan nity a kar pi jate the. chaudhari jaise ghagh piyakkad ko botal patakate dekh kar unaki ankhen khul gayin.

ek mariyal dadhivale adami ne akar chaudhari ki pith thonki. chaudhari ne use pichhe dhakel kar kaha-pith kya thonkate ho ji, jakar apani botal patak do.

dadhivale ne kaha-aj aur pi lene do chaudhari ! allah janata hai, kal se idhar bhool kar bhi n aoonga.

chaudhari-jitani bachi ho, usake paise hamase le lo. ghar ja kar bachchon ko mithaee khila dena.

dadhivale ne ja kar botal patak di aur bola-lo, tum bhi kya kahoge? ab to hue khush.

chaudhari-ab to n piyoge kabhi?

dadhivale ne kaha-agar tum n piyoge, to main bhi n pioonga. jis din tumane pi, usi din phir shuroo kar di.

chaudhari ki tatparata ne duragrah ki jaden hila din. bahar abhi panch-chhah adami aur the. ve sachet nirlajjata se baithe hue abhi tak pite jate the. jayaram ne unake samane ja kar kaha-bhaiyo, apake panch bhaiyon ne abhi apake samane apani-apani botal patak di. kya ap un logon ko bazi jit le jane denge?

ek thigane, kale adami ne jo kisi angarez ka khanasama maloom hota tha, lal-lal ankhen nikal kar kaha-ham pite hain tumase matalab? tumase bhikh mangane to nahin jate?

jayaram ne samajh liya, ab bazi mar li. gumarah adami jab vivad karane par utar aye, to samajh lo, vah raste par a jayega. chuppa aib vah chikana ghada hai, jis par kisi bat ka asar nahin hota.

jayaram ne kaha-agar main apane ghar men ag lagaoon to use dekh kar kya ap mera hath n pakad lenge? mujhe to isamen ratti bhar sndeh nahin hai ki ap mera hath hi n pakad lenge balki mujhe vahan se jabaradasti khinch le jayenge.

chaudhari ne khanasama ki taraph mugdh ankhon se dekha, mano kah raha hai-isaka tumhare pas kya javab hai? aur bola-jamadar, ab isi bat par botal patak do.

khanasama ne jaise kat khane ke lie dant tej kar liye aur bola-botal kyon patak doon, paise nahin diye hain?

chaudhari parast ho gaya. jayaram se bola-inhen chhodie baboo ji, yah log is tarah mananevale asami nahin hain. ap inake samane jan bhi de den to bhi sharab n chhodenge. han, pulis ki ek ghudaki pa jayen to phir kabhi idhar bhool kar bhi n ayen.

khanasama ne chaudhari ki or tiraskar ke bhav se dekha, jaise kah raha ho-kya tum samajhate ho ki main hi manushy hoon, yah sab pashu hain? phir bola-tumase kya matalab hai ji, kyon bich men koode padate ho? main to baboo ji se bat kar raha hoon. tum kaun hote ho bich men bolanevale? main tumhari tarah nahin hoon ki botal patak kar vah-vah karaoon. kal phir munh men kalikh lagaoon, ghar par mngava kar pioon? jab yahan chhodenge, to sachche dil se chhodenge. phir koee lakh rupaye bhi de to ankh utha kar n dekhen.

jayaram-mujhe ap logon se aisi hi asha hai.

chaudhari ne khanasama ki or kataksh karake kaha-kya samajhate ho, main kal phir pine aoonga?

khanasama ne uddndata se kaha-han-han, kahata hoon tum aoge aur bad kar aoge. kaho, pakke kagaz par likh doon.

chaudhari-achchha bhaee, tum bade dharamatma ho, main papi sahi. tum chhodoge to zindagi bhar ke lie chhodoge, main aj chhod kar kal phir pine lagoonga, yahi sahi. meri ek bat ganth bandh lo. tum us bakhat chhodoge, jab zindagi tumhara sath chhod degi. isake pahale tum nahin chhod sakate.

khanasama-tum mere dil ka hal kya janate ho?

chaudhari-janata hoon, tumhare jaise saikadon adami ko bhugat chuka hoon.

khanasama-to tumane aise-vaise besharmon ko dekha hoga. hayadar adamiyon ko n dekha hoga.

yah kahate hue usane ja kar botal patak di aur bola-ab agar tum is dookan par dekhana, to munh men kalikh laga dena.

charon taraph taliyan bajane lagin. mard aise hote hain.

thikedar ne dookan ke niche utar kar kaha-tum log apani-apani dookan par kyon nahin jate ji? main to kisi ki dookan par nahin jata?

ek darshak ne kaha-khade hain, to tumase matalab? sadak tumhari nahin hai? tum garibon ko loote jao. kisi ke bal-bachche bhookhon maren tumhara kya bigadata hai. (doosare sharabiyon se) kya yaro, ab bhi pite jaoge ! janate ho, yah kisaka hukm hai? are kuchh bhi to sharm karo?

jayaram ne darshakon se kaha-ap log yahan bhid n lagayen aur n kisi ko bhala-bura kahen !

magar darshakon ka samooh badhata jata tha. abhi tak char-panch adami be-gam baithe hue kulhad par kulhad chadha rahe the. ek manachale adami ne ja kar us botal ko utha liya, jo unake bich men rakhi huee thi aur use patakana chahata tha ki charon sharabi uth khade hue aur use pitane lage. jayaram aur usake svaynsevak turant vahan pahunch gaye aur use bachane ki cheshta karane lage ki charon use chhod kar jayaram ki taraph lapake. darshakon ne dekha ki jayaram par mar pada chahati hai, to kee adami jhalla kar un charon sharabiyon par toot pade. laten, ghoonse aur dnde chalane lage. jayaram ko isaka kuchh avasar n milata tha ki kisi ko samajhaye. donon hath phailaye un charon ke varon se bach raha tha; vah charon bhi ape se bahar ho kar darshakon par dnde chala rahe the. jayaram donon taraph se mar khata tha. sharabiyon ke var bhi us par padate the, tamashaiyon ke var bhi usi par padate the, par vah unake bich se hatata n tha. agar vah is vakt apani jan bacha kar hat jata, to sharabiyon ki khairiyat n thi. isaka dosh kangres par padata. vah kangres ko is akshep se bachane ke lie apane pran dene par taiyar tha. misej saksena ko apane oopar hnsane ka mauqa vah n dena chahata tha.

akhir usake sir par dnda is zor se pada ki vah sir pakad kar baith gaya. ankhon ke samane titaliyan udane lagin. phir use hosh n raha.

4

jayaram sari rat behosh pada raha. doosare din subah ko jab use hosh aya, to sari deh men pida ho rahi thi aur kamazori itani thi ki rah-rah kar ji doobata jata tha. ekaek sirahane ki taraph ankh uth gayi, to misej saksena baithi najऱ ayin. unhen dekhate hi svaynsevakon ke mana karane par bhi uth baitha. dard aur kamazori donon jaise gayab ho gayi. ek-ek ang men sphoorti daud gayi.

misej saksena ne usake sir par hath rakh kar kaha-apako badi chot ayi. isaka sara dosh mujh par hai.

jayaram ne bhaktimay kritgyta ke bhav se dekh kar kaha-chot to aisi zyada n thi, in logon ne barabas patti-satti bandh kar jakhmi bana diya.

misej saksena ne glanit hokar kaha-mujhe apako n jane dena chahie tha.

jayaram-apaka vahan jana uchit n tha. main apase ab bhi yahi anurodh karoonga ki us taraph n jaiega.

misej saksena ne jaise un badhaon par hns kar kaha-vah ! mujhe aj se vahan piket karane ki agya mil gayi hai.

‘ap meri itani vinay man jaiega. shohadon ke lie avaz kasana bilakul mamooli bat hai.’

‘main avajon ki paravah nahin karati !’

‘to phir main bhi apake sath chaloonga.’

‘ap is halat men?’-misej saksena ne ashchary se kaha.

‘main bilakul achchha hoon, sach !’

‘yah nahin ho sakata. jab tak daktar yah n kah dega ki ab ap vahan jane ke yogy hain, apako n jane doongi. kisi tarah nahin.’

‘to main bhi apako n jane doonga.’

misej saksena ne mridu-vyngy ke sath kaha-ap bhi any purushon hi ki bhanti svarth ke putale hain. sada yash khud lootana chahate hain, auraton ko koee mauqa nahin dena chahate. kam se kam yah to dekh lijie ki main bhi kuchh kar sakati hoon ya nahin.

jayaram ne vyathit knth se kaha-jaisi apaki ichchha.

5

tisare pahar misej saksena char svaynsevakon ke sath begamagnj chalin.

jayaram ankhen bnd kiye charapaee par pada tha. shor sun kar chaunka aur apani stri se poochha-yah kaisa shor hai?

stri ne khidaki se jhankakar dekha aur boli-vah aurat, jo kal ayi thi jhnda liye kee adamiyon ke sath ja rahi hai. ise sharm bhi nahin ati.

jayaram ne usake chehare par kshama ki drishti dali aur vichar men doob gaya. phir vah uth khada hua aur bola-main bhi vahin jata hoon.

stri ne usaka hath pakad kar kaha-abhi kal mar kha kar aye ho, aj phir jane ki soojhi !

jayaram ne hath chhuda kar kaha-tum use mar kahati ho, main use upahar samajhata hoon.

stri ne usaka rasta rok liya-kahati hoon, tumhara ji achchha nahin hai, mat jao, kyon meri jan ke grahak hue ho? usaki deh men hire nahin jade hain, jo vahan koee noch lega.

jayaram ne minnat karake kaha-meri tabiyat bilakul achchhi hai chammoo ! agar kuchh kasar hai to vah bhi mit jayegi. bhala socho, yah kaise mumakin hai ki ek devi un shohadon ke bich men piketing karane jay aur main baitha rahoon. mera vahan rahana zaroori hai. agar koee bat a padi, to kam se kam main logon ko samajha to sakoonga.

chammoo ne jal kar kaha-yah kyon nahin kahate ki koee aur hi chiz khinche liye jati hai !

jayaram ne muskara kar usaki or dekha, jaise kah raha ho-yah bat tumhare dil se nahin, knth se nikal rahi hai aur katara kar nikal gaya. phir dvar par khada ho kar bola-shahar men tin lakh se kuchh hi kam adami hain, kameti men bhi tis membar hain, magar sab ke sab ji chura rahe hain. logon ko achchha bahana mil gaya ki sharabakhanon par dharana dene ke lie striyon hi ki zaroorat hai? akhir kyon striyon hi ko is kam ke lie upayukt samajha jata hai? isilie ki maradon ke sir bhoot savar ho jata hai aur jahan namrata se kam lena chahie, vahan log ugrata se kam lene lagate hain. ve deviyan kya isi yogy hain ki shohadon ke phikare sunen aur unaki kudrishti ka nishana banen? kam se kam main yah nahin dekh sakata.

vah lngadata hua ghar se nikal pada. chammoo ne phir use rokane ka prayas nahin kiya. raste men ek svaynsevak mil gaya. jayaram ne use sath liya aur ek tange par baith kar chala. sharabakhane se kuchh door idhar ek lemaned-barf ki dookan thi. usane tange ko chhod diya aur valntiyar ko sharabakhane bhej kar khud usi dookan men ja baitha.

dookanadar ne lemaned ka ek gilas use dete hue kaha-baboo ji, kalavale charon badamash aj phir aye hue hain. apane n bachaya hota to aj sharab ya tadi ki jagah haldi-gud pite hote.

jayaram ne gilas lekar kaha-tum log bich men n kood padate, to mainne un sabon ko thik kar liya hota.

dookanadar ne prativad kiya-nahin baboo ji, vah sab chhnte hue gunde hain. main to unhen apani dookan ke samane khada bhi nahin hone deta. charon tin-tin sal kat aye hain.

abhi bis minat bhi n gujare honge ki ek svaynsevak akar khada ho gaya. jayaram ne sachint hokar poochha-kaho, vahan kya ho raha hai?

svaynsevak ne kuchh aisa munh bana liya, jaise vahan ki dasha kahana vah uchit nahin samajhata aur bola-kuchh nahin, devi ji adamiyon ko samajha rahi hain.

jayaram ne usaki or atript netron se taka, mano kah rahe hon-bas itana hi ! itana to main janata hi tha.

svaynsevak ne ek kshan bad phir kaha-deviyon ka aise shohadon ke samane jana achchha nahin.

jayaram ne adhir hokar poochha-saph-saph kyon nahin kahate, kya bat hai?

svaynsevak darate-darate bola-sab ke sab unase dillagi kar rahe hain. deviyon ka yahan ana achchha nahin.

jayaram ne aur kuchh n poochha. dnda uthaya aur lal-lal ankhen nikale bijali ki tarah kaundh kar sharabakhane ke samane ja pahuncha aur misej saksena ka hath pakad kar pichhe hatata hua sharabiyon se bola-agar tum logon ne deviyon ke sath jara bhi gustakhi ki, to tumhare hak men achchha n hoga. kal mainne tum logon ki jan bachayi thi aj isi dnde se tumhari khopadi tod kar rakh doonga.

usake badale hue tevar ko dekh kar sab ke sab nashebaj ghabada gaye. ve kuchh kahana chahate the ki misej saksena ne gambhir bhav se poochha-ap yahan kyon aye? mainne to apase kaha tha, apani jagah se n hiliega. mainne to apase madad n mangi thi?

jayaram ne lajjit hokar kaha-main is niyat se yahan nahin aya tha. ek zaroorat se idhar a nikala tha. yahan jamav dekh kar a gaya. mere khayal men ap ab yahan se chalen. main aj kangres kameti men yah saval pesh karoonga ki is kam ke lie purushon ko bhejen.

misej saksena ne tikhe svar men kaha-apake vichar men duniya ke sare kam maradon ke lie hain.

jayaram-mera yah matalab n tha.

misej saksena-to ap ja kar aram se leten aur mujhe apana kam karane den.

jayaram vahin sir jhukaye khada raha.

misej saksena ne poochha-ab ap kyon khade hain?

jayaram ne vinit svar men kaha-main bhi yahin ek kinare khada rahoonga.

misej saksena ne kathor svar men kaha-ji nahin, ap jayen.

jayaram dhire-dhire ladi huee gadi ki bhanti chala aur a kar phir usi lemaned ki dookan par baith gaya. use zor ki pyas lagi thi. usane ek gilas sharbat banavaya aur samane mej par rakh kar vichar men doob gaya; magar ankhen aur kan usi taraph lage hue the.

jab koee adami dookan par ata, vah chaunk kar usaki taraph takane lagata-vahan koee nayi bat to nahin ho gayi?

koee adh ghnte bad vahi svaynsevak phir dara hua-sa a kar khada ho gaya. jayaram ne udasin banane ki cheshta karake poochha-vahan kya ho raha hai ji?

svaynsevak ne kanon par hath rakh kar kaha-main kuchh nahin janata baboo ji, mujhase kuchh n poochhie.

jayaram ne ek sath hi namr aur kathor hokar poochha-phir koee chhedachhad huee?

svaynsevak-ji nahin, koee chhedachhad nahin huee. ek adami ne devi ji ko dhakka de diya, ve gir padin.

jayaram nispnd baitha raha; par usake antaral men bhookamp-sa macha hua tha. bola-unake sath ke svaynsevak kya kar rahe hain?

‘khade hain, deviji unhen bolane hi nahin detin.’

‘to kya bade zor se dhakka diya?’

‘ji han, gir padin. ghutanon men chot a gayi. ve adami sath pi rahe the. jab ek botal ud gayi, to unamen se ek adami doosari botal lene chala. devi ji ne rasta rok liya. bas, usane dhakka de diya. vahi jo kala-kala mota sa adami hai ! kalavale charon adamiyon ki shararat hai.’

jayaram unmad ki dasha men vahan se utha aur daudata hua sharabakhane ke samane aya. misej saksena sir pakade zamin par baithi huee thin aur vah kala mota adami dookan ke kathaghare ke samane khada tha. pachason adami jama the. jayaram ne use dekhate hi lapak kar usaki gardan pakad li aur itane zor se dabayi ki usaki ankhen bahar nikal ayin. maloom hota tha, usake hath faulad ke ho gaye hain.

sahasa misej saksena ne akar usaka fauladi hath pakad liya aur bhaven sikod kar bolin-chhod do isaki gardan ! kya isaki jan le loge?

jayaram ne aur zor se usaki gardan dabayi aur bola-han, le loonga. aise dusht ki yahi saza hai.

misej saksena ne adhikar-garv se gardan utha kar kaha-apako yahan ane ka koee adhikar nahin hai.

ek darshak ne kaha-aisa dabao baboo ji, ki sala thnda ho jaye. isane devi ji ko aisa dhakela ki bechari gir padin. hamen to bolane ka hukm nahin hai, nahin to haddi tod kar rakh dete.

jayaram ne sharabi ki gardan chhod di. vah kisi baj ke chngul se chhooti huee chidiya ki tarah sahama hua khada ho gaya. use ek dhakka dete hue usane misej saksena se kaha-ap yahan se chalatin kyon nahin? ap jayen, main baithata hoon; agar ek chhatank sharab bik jay, to mera kan pakad lijiyega.

usaka dam phoolane laga, ankhon ke samane andhera chha raha tha. vah khada n rah saka. zamin par baith kar roomal se mathe ka pasina ponchhane laga.

misej saksena ne parihas karake kaha-ap kangres nahin hain ki main apaka hukm manoon. agar ap yahan se n jayenge, to main satyagrah karoongi.

phir ekaek kathor ho kar bolin-jab tak kangres ne is kam ka bhar mujh par rakha hai, apako mere bich men bolane ka koee hak nahin hai. ap mera apaman kar rahe hain. kangres kameti ke samane apako isaka javab dena hoga.

jayaram tilamila utha. bina koee javab diye laut pada. aur veg se ghar ki taraph chala; par jyon-jyon age badhata tha usaki gati mnd hoti jati thi. yahan tak ki bazar ke doosare sire par akar vah ruk gaya. rassi yahan khatm ho gayi. usake age jana usake lie asadhy ho gaya. jis jhatake ne use yahan tak bheja tha, usaki shakti ab shesh ho gayi thi. un shabdon men jo katuta aur chot thi, usamen ab use sahanubhooti aur sneh ki sugndh a rahi thi.

use phir chinta huee n jane vahan kya ho raha hai. kahin un badamashon ne aur koee dushtata n ki ho, ya pulis n a jaye.

vah bazar ki taraph muda lekin ek qadam hi chal kar phir ruk gaya. aise pasopesh men vah kabhi n pada tha.

sahasa use vahi svaynsevak daudata ata dikhayi diya. vah badahavas hokar usase milane ke lie khud bhi usaki taraph dauda. bich men donon mil gaye.

jayaram ne hanphate hue poochha-kya hua? kyon bhage ja rahe ho?

svaynsevak ne dam le kar kaha-bada gajab ho gaya baboo ji ! apake ane ke bad vah kala sharabi botal le kar dookan se chala, to devi ji daravaze par baith gayin. vah bar-bar devi ji ko hata kar nikalana chahata hai; par vah phir a kar baith jati hain. dhakkam-dhakke men unake kuchh kapade phat gaye hain aur kuchh chot bhi...

abhi bat poori n huee thi ki jayaram sharabakhane ki taraph dauda.

6

jayaram sharabakhane ke samane pahuncha to dekha, misej saksena ke charon svaynsevak dookan ke samane lete hue hain aur misej saksena ek kinare sir jhukaye khadi hain. jayaram ne darate-darate unake chehare par nigah dali. anchal par rakt ki boonden dikhayi din. use phir kuchh sudh n rahi. khoon ki vah chinagariyan jaise usake rom-rom men sama gayin. usaka khoon khaulane laga, mano usake sir khoon savar ho gaya ho. vah un charon sharabiyon par toot pada aur poore zor ke sath lakadi chalane laga. ek-ek boond ki jagah vah ek-ek ghada khoon baha dena chahata tha. khoon use kabhi itana pyara n tha. khoon men itani uttejana hai, isaki use khabar n thi.

vah poore zor se lakadi chala raha tha. misej saksena kab akar usake samane khadi ho gayin use kuchh pata n chala. jab vah zamin par gir padin, tab use jaise hosh a gaya ho. usane lakadi phenk di aur vahin nishchal, nispnd khada ho gaya, mano usaka rakt pravah ruk gaya hai.

charon svaynsevakon ne daud kar misej saksena ko pnkha jhalana shuroo kiya. dookanadar thnda pani le kar dauda. ek darshak daktar ko bulane bhaga, par jayaram vahin bejan khada tha jaise svayn apane tiraskar-bhav ka putala ban gaya ho. agar is vakt koee usake donon hath kat dalata, koee usaki ankhen lal lohe se phod deta, tab bhi vah choon n karata.

phir vahin sadak par baith kar usane apane lajjit, tiraskrit, parajit mastak ko bhoomi par patak diya aur behosh ho gaya.

usi vakt us kale mote sharabi ne botal zamin par patak di aur usake sir par thnda pani dalane laga.

ek sharabi ne laisnsadar se kaha-tumhara rozagar any logon ki jan le kar rahega. ab to abhi doosara hi din hai.

laisnsadar ne kaha-kal se mera istipha hai. ab svadeshi kapade ka rozagar karoonga, jisamen jas bhi hai aur upakar bhi.

sharabi ne kaha-ghata to bahut rahega.

dookanadar ne kismat thonk kar kaha-ghata-napha to jindagani ke sath hai.


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah