एक्ट्रेस -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

rngamnch ka parada gir gaya. tara devi ne shakuntala ka part khelakar darshakon ko mugdh kar diya tha. jis vakt vah shakuntala ke rup men raja dushynt ke sammukh khadi glani, vedana, aur tiraskar se uttejit bhavon ko agney shabdon men prakat kar rahi thi, darshak-vrind shishtata ke niyamon ki upeksha karake mnch ki or unmatton ki bhaaunti daud pade the aur taradevi ka yashogan karane lage the. kitane hi to stej par chadh gaye aur taradevi ke charanon par gir pade. sara stej phoolon se pat gaya, abhooshanen ki varsha hone lagi. yadi usi kshan menaka ka viman niche a kar use uda n le jata, to kadachit us dhakkam-dhakke men das-paaunch adamiyon ki jan par ban jati. mainejar ne turant akar darshakon ko gun-grahakata ka dhanyavad diya aur vada bhi kiya ki doosare din phir vahi tamasha hoga. tab logon ka mohanmad shant hua. magar ek yuvak us vakt bhi mnch par khada raha. lambe qad ka tha, tejasvi mudra, kundan ka-sa devataon ka-sa svaroop, gathi huee deh, mukh se ek jyoti-si prasphutit ho rahi thi. koee rajakumar maloom hota tha.

jab sare darshakagan bahar nikal gaye, usane mainejar se poochha—kya taradevi se ek kshan ke lie mil sakata hoon? mainejar ne upeksha ke bhav se kaha—hamare yahan aisa niyam nahin hai. yuvak ne phir poochha—kya ap mera koee patr usake pas bhej sakate hain? mainejar ne usi upeksha ke bhav se kaha—ji nahin. kshama kijiega. yah hamare niyamon ke viruddh hai. yuvak ne aur kuchh n kaha, nirash hokar stej ke niche utar pada aur bahar jana hi chahata tha ki mainejar ne poochha—jara thahar jaiye, apaka kard? yuvak ne jeb se kagaz ka ek tukada nikal kar kuchh likha aur de diya. mainejar ne purje ko udati huee nigah se dekha—kunvar nirmalakant chaudhari o. bi. ee.. mainejar ki kathor mudra komal ho gayi. kunvar nirmalakant—shahar ke sabase bade rees aur tallukedar, sahity ke ujjval ratn, sngit ke siddhahast achary, uchch-koti ke vidvan, ath-das lakh salana ke naphedar, jinake dan se desh ki kitani hi snsthaऍn chalati thin—is samay ek kshudr prarthi ke rup men khade the. mainejar apane upeksha-bhav par lajjit ho gaya. vinamr shabdon men bola—kshama kijiega, mujhase bada aparadh hua. main abhi taradevi ke pas huzoor ka kard lie jata hoon.

kunvar sahab ne usase rukane ka ishara karake kaha—nahin, ab rahane hi dijie, main kal paaunch baje aoonga. is vakt taradevi ko kasht hoga. yah unake vishram ka samay hai. mainejar—mujhe vishvas hai ki vah apaki khatir itana kasht saharsh sah lengi, main ek minat men ata hoon. kintu kunvar sahab apana parichay dene ke bad apani aturata par snyam ka parada dalane ke lie vivash the. mainejar ko sajjanata ka dhanyavad diya. aur kal ane ka vada karake chale gaye.

2

tara ek saph-suthare aur saje hue kamare men mej ke samane kisi vichar men magn baithi thi. rat ka vah drishy usaki ankhon ke samane nach raha tha. aise din jivan men kya bar-bar ate hain? kitane manushy usake darshanon ke lie vikal ho rahe hain? bas, ek-doosare par phat padate the. kitanon ko usane pairon se thukara diya tha—han, thukara diya tha. magar us samooh men keval ek divyamoorti avichalit rup se khadi thi. usaki ankhon men kitana gambhir anurag tha, kitana dridh snkalp ! aisa jan padata tha manon donon netr usake hriday men chubhe ja rahe hon. aj phir us purush ke darshan honge ya nahin, kaun janata hai. lekin yadi aj unake darshan hue, to tara unase ek bar batachit kiye bina n jane degi. yah sochate hue usane aine ki or dekha, kamal ka phool-sa khila tha, kaun kah sakata tha ki vah nav-vikasit pushp taintis basnton ki bahar dekh chuka hai. vah kanti, vah komalata, vah chapalata, vah madhury kisi navayauvana ko lajjit kar sakata tha. tara ek bar phir hriday men prem dipak jala baithi. aj se bis sal pahale ek bar usako prem ka katu anubhav hua tha. tab se vah ek prakar ka vaidhavy-jivan vyatit karati rahi. kitane premiyon ne apana hriday usako bhent karana chaha tha; par usane kisi ki or ankh uthakar bhi n dekha tha. use unake prem men kapat ki gandh ati thi. magar ah! aj usaka snyam usake hath se nikal gaya. ek bar phir aj use hriday men usi madhur vedana ka anubhav hua, jo bis sal pahale hua tha. ek purush ka saumy svaroop usaki ankhen men bas gaya, hriday pat par khinch gaya. use vah kisi tarah bhool n sakati thi. usi purush ko usane motar par jate dekha hota, to kadachit udhar dhyan bhi n karati. par use apane sammukh prem ka upahar hath men lie dekhakar vah sthir n rah saki. sahasa daee ne akar kaha—baee ji, rat ki sab chizen rakhi huee hain, kahie to laoon? tara ne kaha—nahin, mere pas chizen lane ki jarurat nahin; magar thaharo, kya-kya chizen hain. ‘ek dher ka dher to laga hai baee ji, kahan tak ginaoon—asharphiyaaun hain, broochej bal ke pin, batan, laket, angoothiyaaun sabhi to hain. ek chhote-se dibbe men ek sundar har hai. mainne aj tak vaisa har nahin dekha. sab sndook men rakh diya hai.’ ‘achchha, vah sndook mere pas la.’ daee ne sandook lakar mej rakh diya. udhar ek ladake ne ek patr lakar tara ko diya. tara ne patr ko utsuk netron se dekha—kunvar nirmalakant o. bi. ee.. ladake se poochha—yah patr kisane diya. vah to nahin, jo reshami safa baaundhe hue the? ladake ne keval itana kaha—mainejar sahab ne diya hai. aur lapaka hua bahar chala gaya. sndook men sabase pahale dibba najar aya. tara ne use khola to sachche motiyon ka sundar har tha. dibbe men ek taraph ek kard bhi tha. tara ne lapak kar use nikal liya aur padha—kunvar nirmalakant.... kard usake hath se chhoot kar gir pada. vah jhapat kar kurasi se uthi aur bade veg se kee kamaron aur baramadon ko par karati mainejar ke samane akar khadi ho gayin. mainejar ne khade hokar usaka svagat kiya aur bola—main rat ki saphalata par apako badhaee deta hoon. tara ne khade-khade poochha—kunvar nirmalakant kya bahar hain? ladaka patr de kar bhag gaya. main usase kuchh poochh n saki. ‘kunvar sahab ka rukka to rat hi tumhare chale ane ke bad mila tha.’ ‘to apane usi vakt mere pas kyon n bhej diya?’ mainejar ne dabi jaban se kaha—mainne samajha, tum aram kar rahi hogi, kasht dena uchit n samajha. aur bhaee, saf bat yah hai ki main dar raha tha, kahin kunvar sahab ko tumase mila kar tumhen kho n baithoon. agar main aurat hota, to usi vakt unake pichhe ho leta. aisa devarup purush mainne aj tak nahin dekha. vahi jo reshami safa baaundhe khade the tumhare samane. tumane bhi to dekha tha. tara ne mano ardhanidra ki dasha men kaha—han, dekha to tha—kya yah phir ayenge? han, aj paaunch baje sham ko. bade vidvanh adami hain, aur is shahar ke sabase bade rees.’ ‘aj main riharsal men n aoongi.’


3


kunvar sahab a rahe honge. tara aine ke samane baithi hai aur daee usaka shrringar kar rahi hai. shrringar bhi is jamane men ek vidya hai. pahale paripati ke anusar hi shrringar kiya jata tha. kaviyon, chitrakaron aur rasikon ne shrringar ki maryada-si baaundh di thi. ankhon ke lie kajal lajami tha, hathon ke lie menhadi, panv ke lie mahavar. ek-ek ang ek-ek abhooshan ke lie nirdisht tha. aj vah paripati nahin rahi. aj pratyek ramani apani suruchi subuddhi aur tulanatmak bhav se shrringar karati hai. usaka saundary kis upay se akarshakata ki sima par pahunch sakata hai, yahi usaka adarsh hota hain tara is kala men nipun thi. vah pandrah sal se is kampani men thi aur yah samast jivan usane purushon ke hriday se khelane hi men vyatit kiya tha. kis chivatan se, kis muskan se, kis angadaee se, kis tarah keshon ke bikher dene se dilon ka katleam ho jata hai; is kala men kaun usase badh kar ho sakata tha! aj usane chun-chun kar ajamaye hue tir tarakas se nikale, aur jab apane astron se saj kar vah divanakhane men ayi, to jan pada manon snsar ka sara madhury usaki balaऍn le raha hai. vah mej ke pas khadi hokar kunvar sahab ka kard dekh rahi thi, usake kan motar ki avaz ki or lage hue the. vah chahati thi ki kunvar sahab isi vakt a jaऍn aur use isi andaj se khade dekhen. isi andaj se vah usake ang pratyngon ki poorn chhavi dekh sakate the. usane apani shrringar kala se kal par vijay pa li thi. kaun kah sakata tha ki yah chnchal navayauvan us avastha ko pahunch chuki hai, jab hriday ko shanti ki ichchha hoti hai, vah kisi ashram ke lie atur ho uthata hai, aur usaka abhiman namrata ke age sir jhuka deta hai. tara devi ko bahut intajar n karana pada. kunvar sahab shayad milane ke lie usase bhi utsuk the. das hi minat ke bad unaki motar ki avaz ayi. tara snbhal gayi. ek kshan men kunvar sahab ne kamare men pravesh kiya. tara shishtachar ke lie hath milana bhi bhool gayi, praudhavastha men bhi premi ki udvignata aur asavadhani kuchh kam nahin hoti. vah kisi salajja yuvati ki bhaaunti sir jhukae khadi rahi. kunvar sahab ki nigah ate hi usaki gardan par padi. vah motiyon ka har, jo unhonne rat ko bhent kiya tha, chamak raha tha. kunvar sahab ko itana anand aur kabhi n hua. unhen ek kshan ke lie aisa jan pada manon usake jivan ki sari abhilasha poori ho gayi. bole—mainne apako aj itane sabere kasht diya, kshama kijiega. yah to apake aram ka samay hoga? tara ne sir se khisakati huee sadi ko snbhal kar kaha—isase zyada aram aur kya ho sakata ki apake darshan hue. main is upahar ke lie aur kya apako manon dhanyavad deti hoon. ab to kabhi-kabhi mulakat hoti rahegi? nirmalakant ne muskarakar kaha—kabhi-kabhi nahin, roj. ap chahe mujhase milana pasand n karen, par ek bar is dayodhi par sir ko jhuka hi jaoonga. tara ne bhi muskara kar uttar diya—usi vakt tak jab tak ki manornjan ki koee nayi vastu najar n a jae! kyon? ‘mere lie yah manornjan ka vishay nahin, zindagi aur maut ka saval hai. han, tum ise vinod samajh sakati ho, magar koee pahavah nahin. tumhare manornjan ke lie mere pran bhi nikal jaeen, to main apana jivan saphal samajhoonga. donnon taraph se is priti ko nibhane ke vade hue, phir donon ne nashta kiya aur kal bhoj ka nyota de kar kunvar sahab vida hue.


4


ek mahina gujar gaya, kunvar sahab din men kee-kee bar ate. unhen ek kshan ka viyog bhi asahy tha. kabhi donon bajare par dariya ki sair karate, kabhi hari-hari ghas par parkon men baithe baten karate, kabhi gana-bajana hota, nity naye program banate the. sare shahar men mashahoor tha ki tarabaee ne kunvar sahab ko phaauns liya aur donon hathon se sampatti loot rahi hai. par tara ke lie kunvar sahab ka prem hi ek aisi sampatti thi, jisake samane duniya-bhar ki daulat dey thi. unhen apane samane dekhakar use kisi vastu ki ichchha n hoti thi. magar ek mahine tak is prem ke bazar men ghoomane par bhi tara ko vah vastu n mili, jisake lie usaki atma lolup ho rahi thi. vah kunvar sahab se prem ki, apar aur atul prem ki, sachche aur nishkapat prem ki baten roj sunati thi, par usamen ‘vivah’ ka shabd n ane pata tha, mano pyase ko bazar men pani chhodakar aur sab kuchh milata ho. aise pyase ko pani ke siva aur kis chiz se tripti ho sakati hai? pyas bujhane ke bad, sambhav hai, aur chijon ki taraph usaki ruchi ho, par pyase ke lie to pani sabase moolyavan padarth hai. vah janati thi ki kunvar sahab usake ishare par pran tak de denge, lekin vivah ki bat kyon unaki jaban se nahin milati? kya is vishy ka koee patr likh kar apana ashay kah dena sambhav tha? phir kya vah usako keval vinod ki vastu bana kar rakhana chahate hain? yah apaman usase n saha jaega. kunvar ke ek ishare par vah ag men kood sakati thi, par yah apaman usake lie asahy tha. kisi shaukin rees ke sath vah isase kuchh din pahale shayad ek-do mahine rah jati aur use noch-khasot kar apani rah leti. kintu prem ka badala prem hai, kunvar sahab ke sath vah yah nirlajj jivan n vyatit kar sakati thi. udhar kunvar sahab ke bhaee band bhi gaphil n the, ve kisi bhaaunti unhen tarabaee ke pnje se chhudana chahate the. kahin kunvar sahab ka vivah thik kar dena hi ek aisa upay tha, jisase saphal hone ki asha thi aur yahi un logon ne kiya. unhen yah bhay to n tha ki kunvar sahab is aiktres se vivah karenge. han, yah bhay avashy tha ki kahi riyasat ka koee hissa usake nam kar den, ya usake ane vale bachchon ko riyasat ka malik bana den. kunvar sahab par charon or se dabav padane lage. yahan tak ki yoropiyan adhikariyon ne bhi unhen vivah kar lene ki salah di. us din sndhya samay kunvar sahab ne tarabaee ke pas jakar kaha—tara, dekho, tumase ek bat kahata hoon, inakar n karana. tara ka hriday uchhalane laga. boli—kahie, kya bat hai? aisi kaun vastu hai, jise apaki bhent karake main apane ko dhany samajhoon? bat munh se nikalane ki der thi. tara ne svikar kar liya aur harshonmad ki dasha men roti huee kunvar sahab ke pairon par gir padi.


5


ek kshan ke bad tara ne kaha—main to nirash ho chali thi. apane badhi lambi pariksha li. kunvar sahab ne jaban daaunton-tale dabaee, mano koee anuchit bat sun li ho! ‘yah bat nahin hai tara! agar mujhe vishvas hota ki tum meri yachana svikar kar logi, to kadachit pahale hi din mainne bhiksha ke lie hath phailaya hota, par main apane ko tumhare yogy nahin pata tha. tum sadagunon ki khan ho, aur main...main jo kuchh hoon, vah tum janati hi ho. mainne nishchay kar liya tha ki umr bhar tumhari upasana karata rahoonga. shayad kabhi prasann ho kar tum mujhe bina maaunge hi varadan de do. bas, yahi meri abhilasha thi! mujhamen agar koee gun hai, to yahi ki main tumase prem karata hoon. jab tum sahity ya sngit ya dharm par apane vichar prakat karane lagati ho, to main dng rah jata hoon aur apani kshudrata par lajjit ho jata hoon. tum mere lie sansarik nahin, svargiy ho. mujhe ashchary yahi hai ki is samay main mare khushi ke pagal kyon nahin ho jata.’ kunvar sahab der tak apane dil ki baten kahate rahe. unaki vani kabhi itani pragalbh n huee thi! tara sir jhukaye sunati thi, par annd ki jagah usake mukh par ek prakar ka kshobh—lajja se mila hua—ankit ho raha tha. yah purush itana saral hriday, itana nishkapat hai? itana vinit, itana udar! sahasa kunvar sahab ne poochha—to mere bhagy kis kis din uday honge, tara? daya karake bahut dinon ke lie n talana. tara ne kunvar sahab ki saralata se parast hokar chintit svar men kaha—kanoon ka kya kijiega? kunvar sahab ne tatparata se uttar diya—is vishay men tum nishchnt raho tara, mainne vakilon se poochh liya hai. ek qanoon aisa hai jisake anusar ham aur tum ek prem-sootr men bndh sakate hain. use sivil-mairij kahate hain. bas, aj hi ke din vah shubh muhoort ayega, kyon? tara sir jhukaye rahi. bol n saki. ‘main prat:kal a jaoonga. taiyar rahana.’ tara sir jhukaye rahi. munh se ek shabd n nikala. kunvar sahab chale gaye, par tara vahin moorti ki bhaaunti baithi rahi. purushon ke hriday se krida karane vali chatur nari kyon itani vimoodh ho gayi hai!


6


vivah ka ek din aur baki hai. tara ko charon or se badhaiyaaun mil rahi hain. thietar ke sabhi stri-purushon ne apani samarthy ke anusar use achchhe-achchhe upahar diye hain, kunvar sahab ne bhi abhooshanon se saja hua ek singaradan bhent kiya hain, unake do-char antarng mitron ne bhaaunti-bhaaunti ke saugat bheje hain; par tara ke sundar mukh par harsh ki rekha bhi nahin najar ati. vah kshubdh aur udas hai. usake man men char dinon se nirntar yahi prashn uth raha hai—kya kunvar ke sath vishvasaghat karen? jis prem ke devata ne usake lie apane kul-maryada ko tilanjali de di, apane bndhujanon se nata toda, jisaka hriday himakan ke saman nishkalnk hai, parvat ke saman vishal, usi se kapat kare! nahin, vah itani nichata nahin kar sakati , apane jivan men usane kitane hi yuvakon se prem ka abhinay kiya tha, kitane hi prem ke matavalon ko vah sabj bag dikha chuki thi, par kabhi usake man men aisi duvidha n huee thi, kabhi usake hriday ne usaka tiraskar n kiya tha. kya isaka karan isake siva kuchh aur tha ki aisa anurag use aur kahin n mila tha. kya vah kunvar sahab ka jivan sukhi bana sakati hai? han, avashy. is vishay men use leshamatr bhi sndeh nahin tha. bhakti ke lie aisi kaun-si vastu hai, jo asadhy ho; par kya vah prakriti ko dhokha de sakati hai. dhalate hue soory men madhyahn ka-sa prakash ho sakata hai? asambhav. vah sphoorti, vah chapalata, vah vinod, vah saral chhavi, vah tallinata, vah tyag, vah atmavishvas vah kahan se layegi, jisake sammishran ko yauvan kahate hain? nahin, vah kitana hi chahe, par kunvar sahab ke jivan ko sukhi nahin bana sakatin boodha bail kabhi javan bachhadon ke sath nahin chal sakata. ah! usane yah naubat hi kyon ane di? usane kyon kritrim sadhanon se, banavati singar se kunvar ko dhokhen men dala? ab itana sab kuchh ho jane par vah kis munh se kahegi ki main rngi huee gudiya hoon, jabani mujhase kab ki vida ho chuki, ab keval usaka pad-chihn rah gaya hai. rat ke barah baj gaye the. tara mej ke samane inhin chintaon men magn baithi huee thi. mej par upaharon ke dher lage hue the; par vah kisi chiz ki or ankh utha kar bhi n dekhati thi. abhi char din pahale vah inhin chijon par pran deti thi, use hamesha aisi chijon ki talash rahati thi, jo kal ke chihnon ko mita saken, par ab unhin chijon se use ghrina ho rahi hai. prem saty hai— aur saty aur mithya, donon ek sath nahin rah sakate. tara ne socha—kyon n yahan se kahin bhag jae? kisi aisi jagah chali jae, jahan koee use janata bhi n ho. kuchh dinon ke bad jab kunvar ka vivah ho jae, to vah phir akar unase mile aur yah sara vrittant unase kah sunae. is samay kunvar par vajrapat-sa hoga—hay n-jane unaki dasha hogi; par usake lie isake siva aur koee marg nahin hai. ab unake din ro-rokar katenge, lekin use kitana hi du:kh kyon n ho, vah apane priyatam ke sath chhal nahin kar sakati. usake lie is svargiy prem ki smriti, isaki vedana hi bahut hai. isase adhik usaka adhikar nahin. daee ne akar kaha—baee ji, chalie kuchh thoda-sa bhojan kar lijie ab to barah baj ge. tara ne kaha—nahin, jara bhi bhookh nahin. tum jakar kha lo. daee—dekhie, mujhe bhool n jaiega. main bhi apake sath chaloongi. tara—achchhe-achchhe kapade banava rakhe hain n? daee—are baee ji, mujhe achchhe kapade lekar kya karana hai? ap apana koee utara de dijiega. daee chali gee. tara ne ghadi ki or dekha. sachamuch barah baj ge the. keval chhah ghnte aur hain. prat:kal kunvar sahab use vivah-mndir men le-jane ke lie a jaeenge. hay! bhagavan, jis padarth se tumane itane dinon tak use vnchit rakha, vah aj kyon samane laye? yah bhi tumhari krida hain tara ne ek saphad sadi pahan li. sare abhooshan utar kar rakh diye. garm pani maujood tha. sabun aur pani se munh dhoya aur aine ke sammukh ja kar khadi ho gayi—kahan thi vah chhavi, vah jyoti, jo ankhon ko lubha leti thi! rup vahi tha, par kranti kahan? ab bhi vah yauvan ka svaaung bhar sakati hai? tara ko ab vahan ek kshan bhi aur rahana kathin ho gaya. mej par phaile hue abhooshan aur vilas ki samagriyaaun manon use katane lagi. yah kritrim jivan asahy ho utha, khas ki tatitayon aur bijali ke pnkhon se saja hua shital bhavan use bhatti ke saman tapane laga. usane socha—kahan bhag kar jaoon. rel se bhagati hoon, to bhagane na paoongi. sabere hi kunvar sahab ke adami chhootenge aur charon taraph meri talash hone lagegi. vah aise raste se jayagi, jidhar kisi ka khyal bhi n jae. tara ka hriday is samay garv se chhalaka padata tha. vah du:khi n thi, nirash n thi. phir kunvar sahab se milegi, kintu vah nisvarth snyog hoga. prem ke banaye hue karttavy marg par chal rahi hai, phir du:kh kyon ho aur nirash kyon ho? sahasa use khyal aya—aisa n ho, kunvar sahab use vahan n pa kar shek-vihvalata ki dasha men anarth kar baithen. is kalpana se usake rongate khade ho gaye. ek kshan ke ke lie usaka man katar ho utha. phir vah mej par ja baithi, aur yah patr likhane lagi— priyatam, mujhe kshama karana. main apane ko tumhari dasi banane ke yogy nahin pati. tumane mujhe prem ka vah svaroop dikha diya, jisaki is jivan men main asha n kar sakati thi. mere lie itana hi bahut hai. main jab jioongi, tumhare prem men magn rahoongi. mujhe aisa jan pad raha hai ki prem ki smriti men prem ke bhog se kahi adhik madhury aur anand hai. main phir aoongi, phir tumhare darshan karungi; lekin usi dashamen jab tum vivah kar loge. yahi mere lautane ki shart hai. mere pranen ke pran, mujhase naraz n hona. ye abhooshan jo tumane mere lie bheje the, apani or se navavadhoo ke lie chhode jati hoon. keval vah motiyon ko har, jo tumhare prem ka pahala upahar hai, apane sath liye jati hoon. tumase hath jodakar kahati hoon, meri talash n karana. main tumhari hoon aur sada tumhari rahoonga...... tumhari, tara

yah patr likhakar tara ne mej par rakh diya, motiyon ka har gale men dala aur bahar nikal ayi. thietar hal se sngit ki dhvani a rahi thi. ek kshan ke lie usake pair bndh gaye. pandrah varsho ka purana sambandh aj toot raha tha. sahasa usane mainejar ko ate dekha. usaka kaleja dhak se ho gaya. vah badi teji se lapakakar divar ki ad men khadi ho gayi. jyon hi mainejar nikal gaya, vah hate ke bahar ayi aur kuchh door galiyon men chalane ke bad usane gnga ka rasta pakada. gnga-tat par sannata chhaya hua tha. das-paaunch sadhu-bairagi dhooniyon ke samane lete the. das-paaunch yatri kambal zamin par bichhaye so rahe the. gnga kisi vishal sarp ki bhaaunti rengati chali jati thi. ek chhoti-si nauka kinare par lagi huee thi. mallaha nauka men baitha hua tha. tara ne mallaha ko pukara—o maaunjhi, us par nav le chalega? maaunjhi ne javab diya—itani rat gaye nav n jaee. magar dooni mazadoori ki bat sunakar use daaund uthaya aur nav ko kholata hua bola—sarakar, us par kahan jaihain? ‘us par ek gaaunv men jana hai.’ ‘muda itani rat gaye kaunon savari-sikari n mili.’ ‘koee harj nahin, tum majhe us par pahuncha do.’ maaunjhi ne nav khol di. tara us par ja baithi aur nauka mnd gati se chalane lagi, manon jiv svapn-samrajy men vichar raha ho. isi samay ekadashi ka chaaund, prithvi se us par, apani ujjval nauka kheta hua nikala aur vyom-sagar ko par karane laga.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah