चमत्कार -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

bi.e. pas karane ke bad chandraprakash ko ek tayooshan karane ke siva aur kuchh n soojha. usaki mata pahale hi mar chuki thi, isi sal pita ka bhi dehant ho gaya aur prakash jivan ke jo madhur svapn dekha karata tha, ve sab dhool men mil gaye. pita oonche ohade par the, unaki koshish se chandraprakash ko koee achchhi jagah milane ki poori asha thi; par ve sab manasoobe dhare rah gaye aur ab gujar-basar ke lie vahi 30) mahine ki tayooshan rah gee. pita ne kuchh sampatti bhi n chhodi, ulate vadhoo ka bojh aur sir par lad diya aur stri bhi mili, to padhi-likhi, shaukin, jaban ki tej jise mota khane aur mota pahanane se mar jana kabool tha. chandraprakash ko 30) ki naukari karate sharm to ayi; lekin thakur sahab ne rahane ka sthan dekar usake ansoo ponchh diye. yah makan thakur sahab ke makan se bilakul mila hua tha pakka, havadar, saph-suthara aur zaroori saman se lais. aisa makan 20) se kam par n milata, kam keval do ghnte ka. ladaka tha to lagabhag unhin ki umr ka; par bada kundajehan, kamachor. abhi naven daraje men padhata tha. sabase badi bat yah ki thakur aur thakurain donon prakash ka bahut adar karate the, balki use ladaka hi samajhate the. vah naukar nahin, ghar ka adami tha aur ghar ke har ek mamale men usaki salah li jati thi. thakur sahab angareji nahin janate the. unaki samajh men angarejidan launda bhi unase zyada buddhiman, chatur aur tajarabekar tha. 2 sandhya ka samay tha. prakash ne apane shishy virendr ko padhakar chhadi uthayi, to thakurain ne akar kaha, abhi n jao beta, jara mere sath ao, tumase kuchh salah karani hai. prakash ne man men socha aj kaisi salah hai, virendr ke samane kyon nahin kaha ? use bhitar le jakar rama devi ne kaha- tumhari kya salah hai, biroo ko byah doon ? ek bahut achchhe ghar se sandesha aya hai. prakash ne muskarakar kaha- yah to biroo baboo hi se poochhie. 'nahin, main tumase poochhati hoon.' prakash ne asamnjas men padakar kaha- main is vishay men kya salah de sakata hoon ? unaka bisavan sal to hai; lekin yah samajh lijie ki padhana ho chuka. 'to abhi n karoon, yahi salah hai ?' 'jaisa ap uchit samajhen. mainne to donon baten kah din.' 'to kar daloon ? mujhe yahi dar lagata hai ki ladaka kahin bahak n jay.' 'mere rahate isaki to ap chinta n karen. han, ichchha ho, to kar dalie. koee haraj bhi nahin hai.' 'sab taiyariyan tumhin ko karani padengi, yah samajh lo.' 'to main inakar kab karata hoon.' roti ki khair manonavale shikshit yuvakon men ek prakar ki duvidha hoti hai, jo unhen apriy saty kahane se rokati hai. prakash men bhi yahi kamazori thi. bat pakki ho gayi aur vivah ka saman hone laga. thakur sahab un manushyon men the, jinhen apane oopar vishvas nahin hota. unaki nigah men prakash ki digri, unake sath sal ke anubhav se kahin moolyavanh thi. vivah ka sara ayojan prakash ke hathon men tha. das-barah hazar rupaye kharch karane ka adhikar kuchh kam gaurav ki bat n thi. dekhate-dekhate hi phatehal yuvak zimmedar mainejar ban baitha. kahin kapadevala use salam karane aya hai; kahin muhalle ka baniya ghere hue hai; kahin gais aur shamiyanevala khushamad kar raha hai. vah chahata, to do-char sau rupaye badi asani se bana leta, lekin itana nich n tha. phir usake sath kya daga karata, jisane sabakuchh usi par chhod diya tha. par jis din usane panch hazar ke jevar kharide, us din usaka man chnchal ho utha. ghar akar champa se bola, ham to yahan rotiyon ke muhataj hain aur duniya men aise adami pade hue hain jo hajaron-lakhon rupaye ke jevar banava dalate hain. thakur sahab ne aj bahoo ke chadhave ke lie panch hazar ke jevar kharide. aisi-aisi chizen ki dekhakar ankhen thandi ho jayn. sach kahata hoon, baj chijon par to ankh nahin thaharati thi. champa eershya-janit virag se boli- oonh, hamen kya karana hai ? jinhen eeshvar ne diya hai, ve pahanen. yahan to rokar marane hi ke lie paida hue hain. chandraprakash - inhin logon ki mauz hai. n kamana, n dhamana. bap-dada chhod gaye hain, maje se khate aur chain karate hain. isi se kahata hoon, eeshvar bada anyayi hai. champa- apana-apana purusharth hai, eeshvar ka kya dosh ? tumhare bap-dada chhod gaye hote, to tum bhi mauj karate. yahan to rotiyan chalana mushkil hain, gahane-kapade ko kaun roye. aur n is zindagi men koee aisi asha hi hai. koee gat ki sadi bhi nahin rahi ki kisi bhale adami ke ghar jaoon, to pahan loon. main to isi soch men hoon ki thakurain ke yahan byah men kaise jaoongi. sochati hoon, bimar pad jati to jan bachati. yah kahate-kahate champa ki ankhen bhar ayin. prakash ne tasalli di- sadi tumhare lie laoon. ab kya itana bhi n kar sakoonga ? musibat ke ye din kya sada bane rahenge ? zinda raha, to ek din tum sir se panv tak jevaron se ladi rahogi. champa muskarakar boli- chalo, aisi man ki mithaee main nahin khati. nibah hota jay, yahi bahut hai. gahanon ki sadh nahin hai. prakash ne champa ki baten sunakar lajja aur du:kh se sir jhuka liya. champa use itana purusharthahin samajhati hai. 3 rat ko donon bhojan karake lete, to prakash ne phir gahanon ki bat chhedi. gahane usaki ankhon men base hue the- is shahar men aise badhiya gahane banate hain, mujhe isaki asha n thi. champa ne kaha- qoee aur bat karo. gahanon ki bat sunakar ji jalata hai. 'vaisi chizen tum pahano, to rani maloom hone lago.' 'gahanon se kya sundarata badh jati hai ? to aisi bahut-si auraten dekhi hain, jo gahane pahanakar bhaddi dikhane lagati hain.' 'thakur sahab bhi matalab ke yar hain. yah n hua ki kahate, isamen se koee chiz champa ke lie bhi lete jao.' 'tum bhi kaisi bachchon ki-si baten karate ho ?' 'isamen bachapane ki kya bat hai ? koee udar adami kabhi itani kripanata n karata.' 'mainne to koee aisa udar adami nahin dekha, jo apani bahoo ke gahane kisi gair ko de de.' 'main gair nahin hoon. ham donon ek hi makan men rahate hain. main unake ladake ko padhata hoon aur shadi ka sara intazam kar raha hoon. agar sau-do sau ki koee chiz de dete, to vah nishphal n jati. magar dhanavanon ka hriday dhan ke bhar se dabakar sikud jata hai. unamen udarata ke lie sthan hi nahin rahata.' rat ke barah baj gaye hain, phir bhi prakash ko nind nahin ati. bar-bar hi chamakile gahane ankhon ke samane a jate hain. kuchh badal ho aye hain aur bar-bar bijali chamak uthati hai. sahasa prakash charapaee se uth khada hua. use champa ka abhooshanahin ang dekhakar daya ayi. yahi to khane-pahanane ki umr hai aur isi umr men is bechari ko har ek chiz ke lie tarasana pad raha hai. vah dabe panv kamare se bahar nikalakar chhat par aya. thakur sahab ki chhat is chhat se mili huee thi. bich men ek panch phit oonchi divar thi. vah divar par chadhakar thakur sahab ki chhat par ahista se utar gaya. ghar men bilakul sannata tha. usane socha pahale jine se utarakar thakur sahab ke kamare men chaloon. agar vah jag gaye, to zor se hnsoonga aur kahoonga- qaisa charaka diya, ya kah doonga- mere ghar ki chhat se koee adami idhar ata dikhayi diya, isalie main bhi usake pichhe-pichhe aya ki dekhoon, yah kya karata hai. agar sandook ki kunji mil gayi to phir fatah hai. kisi ko mujh par sandeh hi n hoga. sab log naukaron par sandeh karenge, main bhi kahoonga- sahab ! naukaron ki harakat hai, inhen chhodakar aur kaun le ja sakata hai ? main bedag bach jaoonga ! shadi ke bad koee doosara ghar loonga. phir dhire-dhire ek-ek chiz champa ko doonga,jisamen use koee sandeh n ho. phir bhi vah jine se utarane laga to usaki chhati dhadak rahi thi. dhoop nikal ayi thi. prakash abhi so raha tha ki champa ne use jagakar kaha- bada gajab ho gaya. rat ko thakur sahab ke ghar men chori ho gayi. chor gahane ki sandookachi utha le gaya. prakash ne pade-pade poochha- qisi ne pakada nahin chor ko ? 'kisi ko khabar bhi ho ! vah sandookachi le gaya, jisamen byah ke gahane rakhe the. n-jane kaise kunji uda li aur n-jane kaise use maloom hua ki is sandook men sandookachi rakhi hai !' 'naukaron ki karravaee hogi. bahari chor ka yah kam nahin hai.' 'naukar to unake tinon purane hain.' 'niyat badalate kya der lagati hai ! aj mauqa dekha, utha le gaye !' 'tum jakar jara un logon ko tasalli to do. thakurain bechari ro rahi thin. tumhara nam le-lekar kahati thin ki bechara mahinon in gahanon ke lie dauda, ek-ek chiz apane samane jnchavayi aur chor dadhijaron ne usaki sari mehanat par pani pher diya.' prakash chatapat uth baitha aur ghabadata hua-sa jakar thakurain se bola- yah to bada anarth ho gaya mataji, mujhase to abhi-abhi champa ne kaha. thakur sahab sir par hath rakhe baithe hue the. bole- qahin sendh nahin, koee tala nahin toota, kisi daravaze ki chool nahin utari. samajh men nahin ata, chor aya kidhar se ! thakurain ne rokar kaha- main to lut gayi bhaiya, byah sir par khada hai, kaise kya hoga, bhagavanh ! tumane daud-dhoop ki thi, tab kahin jake chizen ayi thin. n-jane kis manahoos sayat se lagn ayi thi. prakash ne thakur sahab ke kan men kaha- mujhe to kisi naukar ki shararat maloom hoti hai. thakurain ne virodh kiya- are nahin bhaiya, naukaron men aisa koee nahin. das-das hazar rupaye yon hi oopar rakhe rahate the, kabhi ek paee bhi nahin gayi. thakur sahab ne nak sikodakar kaha- tum kya jano, adami ka man kitana jald badal jaya karata hai. jisane ab tak chori nahin ki, vah kabhi chori n karega, yah koee nahin kah sakata. main pulis men riport karoonga aur ek-ek naukar ki talashi karaoonga. kahin mal uda diya hoga. jab pulis ke joote padenge to ap hi kaboolenge. prakash ne pulis ka ghar men ana khataranak samajha. kahin unhin ke ghar men talashi le, to anarth hi ho jay. bole- pulis men riport karana aur tahakikat karana vyarth hai. pulis mal to n baramad kar sakegi. han, naukaron ko mar-pit bhale hi legi. kuchh najar bhi use chahie, nahin to koee doosara hi svang khada kar degi. meri to salah hai ki ek-ek naukar ko ekant men bulakar poochha jay. thakur sahab ne munh banakar kaha- tum bhi kya bachchon ki-si bat karate ho, prakash baboo ! bhala chori karane vala apane ap kaboolega? tum marapit bhi to nahin karate. han, pulis men riport karana mujhe bhi phajool maloom hota hai. mal baramad hone se raha, ulate mahinon ki pareshani ho jayegi. prakash – lekin kuchh-n-kuchh to karana hi padega. thakur – qoee labh nahin. han, agar koee khuphiya pulis ho, jo chupake-chupake pata lagave, to alabatta mal nikal aye; lekin yahan aisi pulis kahan ? takadir thonkakar baith raho aur kya.‘ prakash – ‘ap baith rahie; lekin main baithane vala nahin. main inhin naukaron ke samane chor ka nam nikalavaoonga ! thakurain – naukaron par mujhe poora vishvas hai. kisi ka nam nikal bhi aye, to mujhe sandeh hi rahega. kisi bahar ke adami ka kam hai. chahe jidhar se aya ho; par chor aya bahar se. tumhare kothe se bhi to a sakata hai! thakur- han, jara apane kothe par to dekho, shayad kuchh nishan mile. kal daravaza to khula nahin rah gaya ? prakash ka dil dhadakane laga. bola- main to das baje dvar band kar leta hoon. han, koee pahale se mauqa pakar kothe par chala gaya ho aur vahan chhipa baitha raha ho, to bat doosari hai. tinon adami chhat par gaye to bich ki munder par kisi ke panv ki ragad ke nishan dikhaee diye. jahan par prakash ka panv pada tha vahan ka choona lag jane ke karan chhat par panv ka nishan pad gaya tha. prakash ki chhat par jakar munder ki doosari taraph dekha to vaise hi nishan vahan bhi dikhaee diye. thakur sahab sir jhukaye khade the, snkoch ke mare kuchh kah n sakate the. prakash ne unake man ki bat khol di- isase to spasht hota hai ki chor mere hi ghar men se aya. ab to koee sandeh hi nahin raha. thakur sahab ne kaha- han, main bhi yahi samajhata hoon; lekin itana pata lag jane se hi kya hua. mal to jana tha, so gaya. ab chalo, aram se baithen ! aj rupaye ki koee fikr karani hogi. prakash – main aj hi vah ghar chhod doonga. thakur- kyon, isamen tumhara koee dosh nahin. prakash – ap kahen; lekin main samajhata hoon mere sir bada bhari aparadh lag gaya. mera daravaza nau-das baje tak khula hi rahata hai. chor ne rasta dekh liya. snbhav hai, do-char din men phir a ghuse. ghar men akeli ek aurat sare ghar ki nigarani nahin kar sakati. idhar vah to rasoee men baithi hai, udhar koee adami chupake se oopar chadh jay, to jara bhi ahat nahin mil sakati. main ghoom-ghamakar kabhi nau baje aya, kabhi das baje. aur shadi ke dinon men to der hoti hi rahegi. udhar ka rasta band ho jana chahie. main to samajhata hoon, is chori ki sari zimmedari mere sir hai. thakurain darin – tum chale jaoge bhaiya, tab to ghar aur phad khayaga. prakash – quchh bhi ho mataji, mujhe bahut jald ghar chhodana hi padega. meri gafalat se chori huee, usaka mujhe prayashchitt karana hi padega. prakash chala gaya, to thakur ne stri se kaha- bada layaq adami hai. thakurain – kya bat hai. chor udhar se aya, yahi bat use lag gayi. 'kahin yah chor ko pakad pave, to kachcha kha jay.' 'mar hi dale !' 'dekh lena, kabhi-n-kabhi mal baramad karega.' 'ab is ghar men kadapi n rahega, kitana hi samajhao.' 'kiraye ke 20) aur de doonga.' 'ham kiraya kyon den ? vah ap hi ghar chhod rahe hain. ham to kuchh kahate nahin.' 'kiraya to dena hi padega. aise adami ke sath kuchh bal bhi khana pade, to bura nahin lagata.' 'main to samajhati hoon, vah kiraya lenge hi nahin.' 'tis rupaye men gujar bhi to n hota hoga.' 5 prakash ne usi din vah ghar chhod diya. us ghar men rahane se jokhim tha. lekin jab tak shadi ki dhoomadham rahi, pray: sare din yahin rahate the. champa se kaha- ek sethaji ke yahan 50) mahine ka kam aur mil gaya hai; magar vah rupaye main unhin ke pas jama karata jaoonga. vah amadani keval jevaron men kharch hogi. usamen se ek paee bhi ghar ke kharch men n ane doonga. champa phadak uthi. pati-prem ka yah parichay pakar usane apane bhagy ko saraha, devataon men usaki shraddha aur bhi badh gayi. ab tak prakash aur champa ke bich men koee parada n tha. prakash ke pas jo kuchh tha, vah champa ka tha. champa hi ke pas usake bakse, sndook, alamari ki kunjiyan rahati thin; magar ab prakash ka ek sndook hamesha band rahata. usaki kunji kahan hai, isaka champa ko pata nahin. vah poochhati hai, is sandook men kya hai, to vah kah dete hain- quchh nahin, purani kitaben mari-mari phirati thin, utha ke sandook men band kar di hain. champa ko sandeh ka koee karan n tha. ek din champa pati ko pan dene gayi to dekha, vah us sandook ko khole hue dekh rahe hain. use dekhate hi unhonne sandook jaldi se band kar diya. unaka chehara jaise phak ho gaya. sandeh ka ankur jama; magar pani n pakar sookh gaya. champa kisi aise karan ki kalpana hi n kar saki, jisase sandeh ko ashray milata. lekin panch hazar ki sampatti ko is tarah chhod dena ki usaka dhyan hi n ave, prakash ke lie asambhav tha. vah kahin bahar se ata to ek bar sandook avashy kholata. ek din pados men chori ho gayi. us din se prakash apane kamare hi men sone laga. asadh ke din the. umas ke mare dam ghutata tha. oopar ek saph-suthara baramada tha, jo barasat men sone ke lie hi shayad banaya gaya tha. champa ne kee bar oopar sone ke lie kaha,par prakash ne n mana. akela ghar kaise chhod de ? champa ne kaha- chori aison ke yahan nahin hoti. chor ghar men kuchh dekhakar hi jan khatare men dalata hai. yahan kya rakha hai ? prakash ne kruddh hokar kaha- quchh nahin hai, baratan-bhande to hain hi. garib ke lie apani handi hi bahut hai. ek din champa ne kamare men jhadoo lagayi to sandook ko khisakakar doosari taraph rakh diya. prakash ne sandook ka sthan badala hua paya to sashnk hokar bola- sandook tumane hataya ? yah poochhane ki koee bat n thi. jhadoo lagate vakt pray: chizen idhar-udhar khisak hi jati hain. boli- main kyon hatane lagi? 'phir kisane hataya ?' 'main nahin janati.' 'ghar men tum rahati ho, janega kaun ?' 'achchha, agar mainne hi hata diya, to isamen poochhane ki kya bat hai ?' 'kuchh nahin, yon hi poochhata tha.' magar jab tak sandook kholakar sab chizen dekh n le, prakash ko chain kahan ? champa jyon hi bhojan pakane lagi, usane sandook khola aur abhooshanon ko dekhane laga. aj champa ne pakaudiyan banayi thin. pakaudiyan garam-garam hi maja deti hain. prakash ko pakaudiyan pasand bhi thin. usane thodi-si pakaudiyan ek tashtari men rakhin aur prakash ko dene gayi. prakash ne usako dekhate hi sandook dhamake se band kar diya aur tala lagakar use bahalane ke irade se bola, ‘tashtari men kya layin ? achchha, pakaudiyan hain !’ aj champa ko sandeh ho gaya. sandook men kya hai, yah dekhane ki utsukata huee. prakash usaki kunji kahin chhipakar rakhata tha. champa kisi tarah vah kunji uda dene ki chal sochane lagi. ek din ek bisati kunjiyon ka guchchha bechane a nikala. champa ne us tale ki kunji le li aur sandook khol dali. are ! ye to abhooshan hain. usane ek-ek abhooshan ko nikalakar dekha. ye gahane kahan se aye ! mujhase kabhi inaki charcha nahin ki. sahasa usake man men bhav utha qahin ye thakur sahab ke gahane to nahin hain. chizen vahi thin, jinaka vah bakhan karate rahate the. use ab koee sandeh n raha; lekin itana ghor patan ! lajja aur khed se usaka sir jhuk gaya. usane turant sandook band kar diya aur charapaee par letakar sochane lagi. inaki itani himmat padi kaise ? yah durbhavana inake man men ayi hi kyon ? mainne to kabhi abhooshanon ke lie agrah nahin kiya. agar agrah bhi karati, to kya usaka ashay yah hota ki vah chori karake laven ? chori abhooshanon ke lie ! inaka man kyon itana durbal ho gaya ? usake ji men aya, in gahanon ko utha le aur thakurain ke charanon par dal de . unase kahe – ‘yah mat poochhie, ye gahane mere pas kaise aye. apaki chiz apake pas a gayi, isi se santosh kar lijie.‘ lekin parinam kitana bhaynkar hoga ! 6 us din se champa kuchh udas rahane lagi. prakash se use vah prem n raha, n vah samman-bhav. bat-bat par takarar hoti. abhav men jo paraspar sadh‌bhav tha, vah gayab ho gaya. tab ek doosare se dil ki bat kahata tha, bhavishy ke manasoobe bandhe jate the, apas men sahanubhooti thi. ab donon hi dilagir rahate. kee-kee dinon tak apas men ek bat bhi n hoti. kee mahine gujar gaye. shahar ke ek baink men asistent mainejar ki jagah khali huee. prakash ne arthashastr padha tha; lekin shart yah thi ki nakad das hazar ki jamanat dakhil ki jay. itani badi rakam kahan se ave. prakash tadap-tadapakar rah jata tha. ek din thakur sahab se is vishay men bat chal padi. thakur sahab ne kaha- tum kyon nahin darakhvast bhejate ? prakash ne sir jhukakar kaha, das hazar ki nakad jamanat mangate hain. mere pas rupaye kahan rakhe hain ! 'aji, tum darakhvast to do. agar sari baten tay ho jaya, to jamanat bhi de di jayagi. isaki chinta n karo.' prakash ne stambhit hokar kaha- ap jamanat de denge ? 'han-han, yah kaun-si badi bat hai.' prakash ghar chala to bahut rnjida tha ! usako yah jagah ab avashy milegi; lekin phir bhi vah prasann nahin hai. thakur sahab ki saralata, unaka us par itana atal vishvas, use ahat kar raha hai. unaki sharaphat usake kaminepan ko kuchale dalati hai. usane ghar akar champa ko yah khushakhabari sunayi. champa ne sunakar munh pher liya. ek kshan ke bad boli, ‘thakur sahab se tumane kyon jamanat dilavayi ? prakash ne chidhakar kaha, ‘fir aur kisase dilavata ?’ 'yahi n hota ki jagah n milati. rotiyan to mil hi jatin. rupaye-paise ki bat hai. kahin bhool-chook ho jay, to tumhare sath unake rupaye bhi jaya ?' 'yah tum kaise samajhati ho ki bhool-chook hogi ? kya main anadi hoon ?' champa ne virakt man se kaha, ‘adami ki niyat bhi to hamesha ek-si nahin rahati !’ prakash thak-se rah gaya. usane champa ko chubhati huee ankhon se dekha; par champa ne munh pher liya tha. vah usake bhavon ke vishay men kuchh nishchay n kar saka, lekin aisi khushakhabari sunakar bhi champa ka udasin rahana use vikal karane laga. usake man men prashn utha is vaky men kahin akshep to nahin chhipa hua hai. champa ne sandook kholakar dekh to nahin liya ? is prashn ka uttar pane ke lie is samay vah apani ek ankh bhi bhent kar sakata tha. bhojan karate samay prakash ne champa se poochha- tumane kya sochakar kaha tha ki adami ki niyat to hamesha ek-si nahin rahati ? jaise yah usake jivan ya mrityu ka prashn ho. champa ne snkat men padakar kaha- quchh nahin, mainne duniya ki bat kahi thi.  prakash ko sntosh n hua. 'kya jitane adami bainkon men naukar hain, unaki niyat badalati rahati hai ?' vah bola. champa ne gala chhudana chaha- tum jaban pakadate ho. thakur sahab ke yahan is shadi hi men tum apani niyat thik nahin rakh sake. sau-do sau rupaye ki chizen ghar rakh hi lin. prakash ke dil se bojh utar gaya. muskarakar bola- achchha, tumhara snket us taraph tha, lekin mainne kamishan ke siva unaki ek paee bhi nahin chhuee. aur kamishan lena to koee pap nahin ! bade-bade hukkam khule-khazane kamishan liya karate hain. champa ne tiraskar ke bhav se kaha- zo adami apane oopar itana vishvas rakhe, usaki ankh bachakar ek paee bhi lena main pap samajhati hoon. tumhari sajjanata to main jab janati ki tum kamishan ke rupaye le jakar unake havale kar dete. in chh: mahinon men unhonne tumhare sath kya-kya salook kiye, kuchh yad hai ? makan tumane khud chhoda; lekin vah 20) mahine dete jate hain. ilake se koee saugat ati hai, to tumhare yahan zaroor bhejate hain. tumhare pas ghadi n thi, apani ghadi tumhen de di. tumhari mahari jab naga karati hai, khabar pate hi apana naukar bhej dete hain. meri bimari hi men daktar sahab ki phis unhonne di, aur din men do bar hal-chal bhi poochhane aya karate the. yah jamanat hi kya chhoti bat hai ? apane sambandhiyon tak ki jamanat to jaldi koee karata hi nahin, tumhari jamanat ke lie das hazar rupaye nakad nikal kar de diye. ise tum chhoti bat samajhate ho ? aj tumase koee bhool-chook ho jay, to unake rupaye to jabt ho hi jayenge ! jo adami apane oopar itani daya rakhe, usake lie hamen bhi pran dene ko taiyar rahana chahie. prakash bhojan karake leta; to usaki atma use dhikkar rahi thi. dukhate hue phode men kitana mavad bhara hua hai, yah us vakt maloom hota hai, jab nashtar lagaya jata hai. man ka vikar us vakt maloom hota hai, jab koee use hamare samane kholakar rakh deta hai. kisi samajik ya rajanitik anyay ka vyngy-chitr dekhakar kyon hamare man ko chot lagati hai ? isilie ki vah chitr hamari pashuta ko kholakar hamare samane rakh deta hai. vah, jo mano-sagar men bikhara hua pada tha, jaise kendribhoot hokar vrihadakar ho jata hai. tab hamare munh se nikal padata hai uphphoh ! champa ke in tiraskar-bhare shabdon ne prakash ke man men glani utpann kar di. vah sandook kee guna bhari hokar shila ki bhanti use dabane laga. man men phaila hua vikar ek bindu par ekatr hokar tisane laga. 7 kee din bit gaye. prakash ko baink men jagah mil gayi. isi utsav men usake yahan mehamanon ki davat hai. thakur sahab, unaki stri, biroo aur usaki naveli bahoo sabhi aye hue hain. champa seva-satkar men lagi huee hai. bahar do-char mitr ga-baja rahe hain. bhojan karane ke bad thakur sahab chalane ko taiyar hue. prakash ne kaha- aj apako yahin rahana hoga, dada ! main is vakt n jane doonga. champa ko usaka yah agrah bura laga. charapaiyan nahin hain, bichhavan nahin hai aur n kafi jagah hi hai. rat-bhar unhen takaliph dene aur ap takaliph uthane ki koee zaroorat usaki samajh men n ayi; lekin prakash agrah karata hi raha, yahan tak ki thakur sahab raji ho gaye. barah baj gaye the. thakur sahab oopar so rahe the. biroo aur prakash bahar baramade men the. tin striyan andar kamare men thin, prakash jag raha tha. biroo ke sirahane usaki kunjiyon ka guchchha pada hua tha. prakash ne guchchha utha liya. phir kamara kholakar usamen se gahanon ki sandookachi nikali aur thakur sahab ke ghar ki taraph chala. kee mahine pahale vah isi bhanti knpit hriday ke sath thakur sahab ke ghar men ghusa tha. usake panv tab bhi isi tarah tharathara rahe the; lekin tab kanta chubhane ki vedana thi, aj kanta nikalane ki. tab jvar ka chadhav tha unmad, tap aur vikalata se bhara hua; ab jvar ka utar tha shant aur shital. tab qadam pichhe hatata tha, aj age badh raha tha. thakur sahab ke ghar pahunchakar usane dhire se biroo ka kamara khola aur andar jakar thakur sahab ki khat ke niche sndookachi rakh di, phir turant bahar akar dhire se dvar band kiya aur ghar ko laut pada. hanuman snjivani bootivala dhavalagir uthaye jis garvile anand ka anubhav kar rahe the, kuchh vaisa hi anand prakash ko bhi ho raha tha. gahanon ko apane ghar le jate samay usake pran sookhe hue the, mano kisi gahari athah khaee men gira ja raha ho. aj sandookachi ko lautakar use maloom ho raha tha, jaise vah kisi viman par baitha hua akash ki or uda ja raha hai oopar, oopar aur oopar ! vah ghar pahuncha, to biroo soya hua tha. kunji usane sirahane rakh di. 8 thakur sahab prat:kal chale gaye. prakash sandhya-samay padhane jaya karata tha. aj vah adhir hokar tisare hi pahar ja pahuncha. dekhana chahata tha, vahan aj kya gul khil rahe hain. virendr ne use dekhate hi khush hokar kaha- bapooji, kal apake yahan ki davat badi mubarak thi. jo gahane chori gaye the, sab mil gaye. thakur sahab bhi a gaye aur bole, ‘badi mubarak davat thi tumhari ! poora sandook-ka-sandook mil gaya. ek chiz bhi nahin chhuee. jaise keval rakhane hi ke lie le gaya ho.‘ prakash ko in baton par kaise vishvas aye, jab tak vah apani ankhon se sandook n dekh le. kahin aisa bhi ho sakata hai ki chori gaya hua mal chh: mahine ke bad mil jay aur jyon-ka-tyon ! sandook ko dekhakar usane gambhir bhav se kaha- bade ashchary ki bat hai. meri buddhi to kuchh kam nahin karati. thakur – qisi ki buddhi kam nahin karati bhee, tumhari hi kyon. biroo ki man kahati hai, koee daivi ghatana hai. aj mujhe bhi devataon men shraddha ho gayi. prakash—agar ankhon-dekhi bat n hoti, to mujhe to kabhi vishvas hi n ata. thakur— aj isi khushi men hamare yahan davat hogi. prakash – apane koee anushthan to nahin karaya tha ? thakur –anushthan to bison hi karaye. prakash –bas, to yah anushthan hi ki karamat hai. ghar lautakar prakash ne champa ko yah khabar sunayi; to vah daudakar usake gale se chipat gee aur n-jane kyon rone lagi, jaise usaka bichhuda hua pati bahut dinon ke bad ghar a gaya ho. prakash ne kaha- aj unake yahan hamari davat hai. 'main kal ek hazar kagalon ko bhojan karaoongi.' 'tum to saikadon ka kharch batala rahi ho.' 'mujhe itana anand ho raha hai ki lakhon kharch karane par bhi araman poora n hoga.' prakash ki ankhon se bhi ansoo nikal aye.

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah