खुचड़ -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

baboo kundanalal kachahari se laute, to dekha ki unaki patniji ek kunjadin se kuchh sag-bhaji le rahi hain. kunjadin palak take ser kahati hai, vah dedh paise de rahi hain. is par kee minat tak vivad hota raha. akhir kunjadin dedh hi paise par raji ho gee. ab tarajoo aur bat ka prashn chhida. donon palle barabar n the. ek men pasnga tha. bat bhi poore n utarate the. padosin ke ghar se ser aya. sag tul jane ke bad ab ghate ka prashn utha. patniji aur mangati thin, kunjadin kahati thi, 'ab kya ser-do-ser ghate men hi le logi bahooji.'

khair, adha ghnte men vah sauda poora hua, aur kunjadin phir kabhi n ane ki dhamaki dekar bida huee. kundanalal khade-khade yah tamasha dekhate rahe. kunjadin ke jane ke bad patniji lote ka pani laeen to apane kaha, 'aj to tumane jara-sa sag lene men poore adha ghnte laga diye. itani der men to hajar-panch ka sauda ho jata. jara-jara se sag ke lie itani thaauy-thaauy karane se tumhara sir bhi nahin dukhata ? '

rameshvari ne kuchh lajjit hokar kaha, 'paise muft men to nahin ate ! '

'yah thik hai; lekin samay ka bhi kuchh mooly hai. itani der men tumane badi mushkil se ek dhele ki bachat ki. kunjadin ne bhi dil men kaha, hoga kahan ki gnvarin hai. ab shayad bhoolakar bhi idhar n aye.'

'to, phir mujhase to yah nahin ho sakata ki paise ki jagah dhele ka sauda lekar baith jaoon.'

'itani der men to tumane kam-se-kam 10 panne padhe hote. kal mahari se ghnton sir mara. parason doodhavale ke sath ghnton shastrarth kiya. zindagi kya inhin baton men kharch karane ko di gee hai ?'

kundanalal pray: nity hi patni ko sadupadesh dete rahate the. yah unaka doosara vivah tha. rameshvari ko aye abhi do hi tin mahine hue the. ab tak to badi nanadaji oopar ke kam kiya karati thin. rameshvari ki unase

n pati. usako maloom hota tha, yah mera sarvasv hi lutaye deti hain. akhir vah chali geen. tab se rameshvari hi ghar ki svamini hai; vah bahut chahati hai ki pati ko prasann rakhe. unake isharon par chalati hai; ek bar jo bat sun leti hai, ganth bandh leti hai. par roj hi to koee nee bat ho jati hai, aur kundanalal ko use upadesh dene ka avasar mil jata hai. ek din billi doodh pi gee. rameshvari doodh garm karake laee aur svami ke sirahane rakhakar pan bana rahi thi ki billi ne doodh par apana eeshvarapradatt adhikar siddh kar diya. rameshvari yah apaharan svikar n kar saki. rool lekar billi ko itane zor se mara ki vah do-tin ludhakiyan kha gee. kundanalal lete-lete akhabar padh rahe the. bole 'aur jo mar jati ? '

rameshvari ne dhithaee ke sath kaha, 'to mera doodh kyon pi gee ? '

'use marane se doodh mil to nahin gaya ?'

'jab koee nukasan kar deta hai, to us par krodh ata hi hai.'

'n ana chahie. pashu ke sath adami bhi kyon pashu ho jay ? adami aur pashu men isake siva aur kya antar hai ?'

kundanalal kee minat tak daya, vivek aur shanti ki shiksha dete rahe. yahan tak ki bechari rameshvari mare glani ke ro padi. isi bhanti ek din rameshvari ne ek bhikshuk ko dutkar diya, to baboo sahab ne phir upadesh dena shuroo kiya. bole tumase n utha jata ho, to lao main de aoon. garib ko yon n dutkarana chahie.

rameshvari ne tyoriyan chadhate hue kaha, 'din bhar to tanta laga rahata hai. koee kahan tak daude. sara desh bhikhamngon hi se bhar gaya hai shayad.'

kundanalal ne upeksha ke bhav se muskarakar kaha, 'usi desh men to tum bhi basati ho ! '

'itane bhikhamnge a kahan se jate hain ? ye sab kam kyon nahin karate ?'

'koee adami itana nich nahin hota, jo kam milane par bhikh mange.'

han, apng ho, to doosari bat hai. apngon ka bhikh ke siva aur kya sahara ho sakata hai ?'

'sarakar inake lie anathalay kyon nahin khulavati ?'

'jab svarajy ho jayaga, tab shayad khul jayn; abhi to koee asha nahin hai magar svarajy bhi dharm hi se ayega.'

'lakhon sadhu-snnyasi, pnde-pujari muft ka mal udate hain, kya itanav dharm kafi nahin hai ? agar is dharm men se svarajy milata, to kab ka mil chuka hota.'

'isi dharm ka prasad hai ki hindoo-jati abhi tak jivit hai, nahin kab ki rasatal pahunch chuki hoti. rom, yoonan, eeran, siriya kisi ka ab nishan bhi nahin hai. yah hindoo-jati hai, jo abhi tak samay ke kroor aghaton ka samana karati chali jati hai.'

'ap samajhate honge; hindoo-jati jivit hai. main to use usi din se mara hua samajhati hoon, jis din se vah adhin ho gee. jivan svadhinata ka nam hai, gulami to maut hai.'

kundanalal ne yuvati ko chakit netron se dekha, aise vidrohi vichar usamen kahan se a gaye ? dekhane men to vah bilakul bholi thi. samajhe, kahin sun-suna liya hoga. kathor hokar bole --'kya vyarth ka vivad karati

ho. lajati to nahin, oopar se aur bak-bak karati ho.'

rameshvari yah phatakar pakar chup ho gee. ek kshan vahan khadi rahi, phir dhire-dhire kamare se chali gee.

ek din kundanalal ne kee mitron ki davat ki. rameshvari sabere se rasoee men ghusi to sham tak sir n utha saki. use yah begar buri maloom ho rahi thi. agar doston ki davat karani thi to khana banavane ka koee prabandh kyon nahin kiya ? sara bojh usi ke sir kyon dal diya ! usase ek bar poochh to liya hota ki davat karoon ya n karoon. hota tab bhi yahi; jo ab ho raha tha. vah davat ke prastav ka badi khushi se anumodan karati, tab vah samajhati, davat main kar rahi hoon. ab vah samajh rahi thi, mujhase begar li ja rahi hai. khair, bhojan taiyar hua, logon ne bhojan kiya aur chale gaye; magar munshiji munh phulaye baithe hue the. rameshvari ne kaha, 'tum kyon nahin kha lete, kya abhi sabera hai ? '

baboo sahab ne ankhen phadakar kaha, 'kya kha loon, yah khana hai, ya bailon ki sani ! '

rameshvari ke sir se panv tak ag lag gee. sara din choolhe ke samane jali; usaka yah puraskar ! boli, 'mujhase jaisa ho saka banaya. jo bat apane bas ki nahin hai, usake lie kya karati ? '

'poodiyan sab sevar hain !'

'hongi.'

'kachaudi men itana namak tha kisi ne chhua tak nahin.'

'hoga.'

'halua achchhi tarah bhuna nahin qachaiyan a rahi thin.'

'ati hongi.'

'shoraba itana patala tha, jaise chay.'

'hoga.'

'stri ka pahala dharm yah hai ki vah rasoee ke kam men chatur ho.'

phir upadeshon ka tar bndha; yahan tak ki rameshvari oob kar chali gee ! panch-chh: mahine gujar gaye. ek din kundanalal ke ek door ke snbndhi unase milane aye. rameshvari ko jyon hi unaki khabar mili, jalapan ke lie mithaee bheji; aur mahari se kahala bheja aj yahin bhojan kijiega. vah mahashay phoole n samaye. boriya-bndhana lekar pahunch gaye aur dera dal diya. ek haphta gujar gaya; ap talane ka nam bhi nahin lete. avabhagat men koee kami hoti, to shayad unhen kuchh chinta hoti; par rameshvari unake seva-satkar men

ji-jan se lagi huee thi. phir vah bhala kyon hatane lage. ek din kundanalal ne kaha, 'tumane yah bura rog pala.'

rameshvari ne chaunkakar poochha, 'qaisa rog ? '

'inhen tahala kyon nahin detin ?'

'mera kya bigad rahe hain ?'

'kam-se-kam 10 ki roj chapat de rahe hain. aur agar yahi khatiradari rahi, to shayad jite-ji talenge bhi nahin.'

'mujhase to yah nahin ho sakata ki koee do-char din ke lie a jay, to usake sir ho jaoon. jab tak unaki ichchha ho rahen.'

'aise muftakhoron ka satkar karana pap hai. agar tumane itana sir n chadhaya hota, to ab tak lnba hua hota. jab din men tin bar bhojan aur pachason bar pan milata hai, to use kutte ne kata hai, jo apane ghar

jay.'

'roti ka chor banana to achchha nahin !'

'kupatr aur supatr ka vichar to kar lena chahie. aise alasiyon ko khilana-pilana vastav men unhen zahar dena hai, zahar se to keval pran nikal jate hain; yah khatiradari to atma ka sarvanash kar deti hai. agar

yah hajarat mahine bhar bhi yahan rah gaye, to phir zindagi-bhar ke lie bekar ho jaynge. phir inase kuchh n hoga aur isaka sara dosh tumhare sir hoga.'

tark ka tanta bndh gaya. pramanon ki jhadi lag gee. rameshvari khisiyakar chali gee. kundanalal usase kabhi santusht bhi ho sakate hain, unake upadeshon ki varsha kabhi band bhi ho sakati hai, yah prashn usake man men bar-bar uthane laga.

ek din dehat se bhains ka taja ghi aya. idhar mahinon se bazar ka ghi khate-khate nak men dam ho raha tha. rameshvari ne use khaulaya, usamen laung dali aur kadah se nikalakar ek mataki men rakh diya. usaki sondhi-sondhi sugndh se sara ghar mahak raha tha. mahari chauka-bartan karane aee to usane chaha ki mataki chauke se uthakar chhinke ya ale par rakh de. par snyog ki bat, usane mataki uthaee, to vah usake hath se chhootakar gir padi. sara ghi bah gaya. dhamaka sunakar rameshvari daudi, to mahari khadi ro rahi thi aur mataki choor-choor ho gee thi. tadapakar boli, 'mataki kaise toot gee ? main teri talab se kat loongi. ram-ram, sara ghi mitti men mila diya ! teri ankhen phoot gee thin kya ? ya hathon men dam nahin tha ? itani door se mngaya, itani mihanat se garm kiya; magar ek boond bhi gale ke niche n gaya. ab khadi bisoor kya rahi hai, ja apana kam kar.'

mahari ne ansoo ponchhakar kaha, bahooji, ab to chook ho gee, chahe talab kato, chahe jan maro. mainne to socha uthakar ale par rakh doon, to chauka lagaoon. kya janati thi ki bhagy men yah likha hai. n-jane kisaka munh

dekhakar uthi thi.'

rameshvari —‘ main kuchh nahin janati, sab rupaye teri talab se vasool kar loongi. ek rupaya juramana n kiya to kahana.'

mahari—‘ mar jaoongi sarakar, kahin ek paise ka thikana nahin hai.'

rameshvari –‘mar ja ya ji ja, main kuchh nahin janati.'

mahari ne ek minat tak kuchh socha aur boli, ‘achchha, kat lijiega sarakar. apase sabar nahin hota; main sabar kar loongi. yahi n hoga, bhookhon mar jaoongi. jikar hi kaun-sa sukh bhog rahi hoon ki marane ko daroon. samajh

loongi; ek mahina koee kam nahin kiya. adami se bada-bada nukasan ho jata hai, yah to ghi hi tha.'

rameshvari ko ek hi kshan men mahari par daya a gee ! boli, 'too bhookhon mar jayagi, to mera kam kaun karega? '

mahari –‘qam karana hoga, khilaiega; n kam karana hoga, bhookhon mariega. aj se akar ap hi ke dvar par soya karoongi.'

rameshvari –‘sach kahati hoon, aj toone bada nukasan kar dala.‘

mahari –‘main to ap hi pachhata rahi hoon sarakar.‘

rameshvari –‘ja gobar se chauka lip de, mataki ke tukade door phenk de.aur bazar se ghi leti a.'

mahari ne khush hokar chauka gobar se lipa aur mataki ke tukade bator rahi thi ki kundanalal a ge, aur handi tooti dekhakar bole, 'yah handi kaise toot gee ? '

rameshvari ne kaha, mahari uthakar oopar rakh rahi thi, usake hath se chhoot padi.'

kundanalal ne chillakar kaha, 'to sab ghi bah gaya ? '

'aur kya kuchh bach bhi raha !'

'tumane mahari se kuchh kaha, nahin ?'

'kya kahati ? usane jan-boojhakar to gira nahin diya.'

'yah nukasan kaun uthayega ?'

'ham uthayenge, aur kaun uthayega. agar mere hi hath se chhoot padati to kya hath kat leti.'

kundanalal ne onth chabakar kaha, 'tumhari koee bat meri samajh men nahin ati. jisane nukasan kiya hai, usase vasool hona chahie. yahi eeshvariy niyam hai. ankh ki jagah ankh, pran ke badale pran yah eesamasih-jaise dayalu purush ka kathan hai. agar dand ka vidhan snsar se uth jay, to yahan rahe kaun ? sari prithvi rakt se lal ho jay, hatyare dinadahade logon ka gala katane lagen. dand hi se samaj ki maryada qayam hai. jis din dand n rahega, snsar n rahega. manu adi smritikar bevakooph nahin the ki dand-nyay ko itana mahattv de gaye. aur kisi vichar se nahin, to maryada ki raksha ke lie dand avashy dena chahie. ye rupaye mahari ko dene padenge. usaki mazadoori katani padegi. nahin to aj usane ghi ka ghada ludhaka diya hai, kal koee aur nukasan kar degi.'

rameshvari ne darate-darate kaha, 'mainne to use kshama kar diya hai.'

kundanalal ne ankhen nikalakar kaha, 'lekin main nahin kshama kar sakata.'

mahari dvar par khadi yah vivad sun rahi thi. jab usane dekha ki kundanalal ka krodh badhata jata hai aur mere karan rameshvari ko ghudakiyan sunani pad rahi hain, to vah samane jakar boli, 'babooji, ab to kasoor ho

gaya. ab sab rupaye meri talab se kat lijie. rupaye nahin hain, nahin to abhi lakar apake hath par rakh deti.'

rameshvari ne use ghudakakar kaha, 'za bhag yahan se, too kya karane aee. badi rupayevali bani hai ! '

kundanalal ne patni ki or kathor netron se dekhakar kaha, 'tum kyon usaki vakalat kar rahi ho. yah moti-si bat hai aur ise ek bachcha bhi samajhata hai ki jo nukasan karata hai, use usaka dand bhogana padata hai.

main kyon panch rupaye ka nukasan uthaoon ? bevajah ? kyon nahin isane matake ko snbhalakar pakada, kyon itani jaldabaji ki, kyon tumhen bulakar madad nahin li ? yah saf isaki laparavahi hai.'yah kahate hue kundanalal bahar chale gaye.

rameshvari is apaman se ahat ho uthi. daautana hi tha, to kamare men bulakar ekant men daautate. mahari ke samane use ruee ki tarah dhun dala. usaki samajh hi men n ata tha, yah kis svabhav ke adami hain. aj ek

bat kahate hain, kal usi ko katate hain, jaise koee jhakki adami ho. kahan to daya aur udarata ke avatar banate the, kahan aj panch rupaye ke lie pran dene lage. bada maja a jay, kal mahari baith rahe. kabhi to inake mukh se prasannata ka ek shabd nikala hota ! ab mujhe bhi apana svabhav badalana padega. yah sab mere sidhe hone ka phal hai. jyon-jyon main tarah deti hoon, ap jame se bahar hote hain. isaka ilaj yahi hai ki ek kahen, to do sunaoon. akhir kab tak aur kahan tak sahoon. koee had bhi hai ! jab dekho daaut rahe hain. jisake mizaj ka kuchh pata hi n ho, use kaun khush rakh sakata hai. us din jara-sa billi ko mar diya, to ap daya ka upadesh karane lage. aj vah daya kahan gee. unako thik karane ka upay yahi hai ki samajh loon, koee kutta bhoonk raha hai. nahin, aisa kyon karoon. apane man se koee kam hi n karoon; jo yah kahen, vahi karoon; n jau-bhar kam, n jau-bhar zyada. jab inhen mera koee kam pasand nahin ata, mujhe kya kutte ne kata hai, jo barabas

apani tang adaoon. bas, yahi thik hai. vah rat-bhar isi udhedabun men padi rahi. sabere kundanalal nadi snan

karane gaye. laute, to 9 baj gaye the. ghar men jakar dekha, to chauka-bartan n hua tha. pran sookh gaye. poochha, 'kya mahari nahin ayi ? '

rame.—‘ nahin.'

kundan. —‘ –‘to phir ? '

rame.—‘ –‘zo apaki agya.'

kundan. —‘ –‘yah to badi mushkil hai.'

rame.—‘ –‘han, hai to.'

kundan. —‘ –‘pados ki mahari ko kyon n bula liya ? '

rame.—‘ qisake hukm se bulati; ab hukm hua hai, bulaye leti hoon.'

kundan. —‘ ab bulaogi, to khana kab banega ? nau baj gaye aur itana to tumhen apani akl se kam lena chahie tha ki mahari nahin ayi to padosavali ko bula len.'

rame.—‘ agar us vakt sarakar poochhate, kyon doosari mahari bulaee, to kya javab deti ? apani akl se kam lena chhod diya. ab tumhari hi akl se kam loongi. main yah nahin chahati ki koee mujhe ankhen dikhaye.


kundan. —‘ achchha, to is vakt kya hoga ? '

rame.—‘ zo huzoor ka hukm ho.'

kundan. —‘ tum mujhe banati ho.'

rame.—‘ meri itani majal ki ap ko banaoon ! main to huzoor ki laundi hoon. jo kahie, vah karoon.'

kundan. —‘ main to jata hoon, tumhara jo ji chahe karo.'

rame.—‘ zaie, mera ji kuchh n chahega aur n kuchh karoongi.'

kundan. —‘ akhir tum kya khaogi ? '

rame.—‘ zo ap denge, vahi kha loongi.'

kundan. —‘ lao, bazar se poodiyan la doon.'

rameshvari rupaya nikal laee. kundanalal poodiyan laye. is vakt ka kam chala. daftar gaye. laute, to der ho gayi thi. ate-hi-ate poochha, 'mahari ayi ? '

rame.—‘ nahin.'

kundan. —‘ mainne to kaha, tha, padosavali ko bula lena.'

rame.—‘ bulaya tha. vah panch rupaye mangati hai.'

kundan. —‘ to ek hi rupaye ka farq tha, kyon nahin rakh liya ? '

rame.—‘ mujhe yah hukm n mila tha. mujhase javab-talab hota ki ekarupaya zyada kyon de diya, kharch ki kiphayat par upadesh diya jane lagata, to kya karati.'

kundan. —‘ tum bilakul moorkh ho.'

rame.—‘ bilakul.'

kundan. —‘ to is vakt bhi bhojan n banega ? '

rame.—‘ majaboori hai.'

kundanalal sir thamakar charapaee par baith gaye. yah to nayi vipatti gale padi. poodiyan unhen ruchati n thin. ji men bahut jhunjhalaye. rameshvari ko do-char ulti-sidhi sunayin, lekin usane mano suna hi nahin. kuchh bas n

chala, to mahari ki talash men nikale. jisake yahan gaye, maloom hua, mahari kam karane chali gayi. akhir ek kahar mila. use bula laye. kahar ne do ane liye aur bartan dhokar chalata bana.

rameshvari ne kaha, 'bhojan kya banega ? '

kundan. —‘ roti-tarakari bana lo, ya isamen kuchh apatti hai ? '

rame.—‘ tarakari ghar men nahin hai.'

kundan. —‘ din bhar baithi rahin, tarakari bhi n lete bani ? ab itani rat gaye tarakari kahan milegi ?

rame.—‘ mujhe tarakari le rakhane ka hukm n mila tha. main paisa-dhela zyada de deti to ? '

kundanalal ne vivashata se dant pisakar kaha, 'akhir tum kya chahati ho ? '

rameshvari ne shant bhav se javab diya 'quchh nahin, keval apaman nahin chahati.'

kundan. —‘ tumhara apaman kaun karata hai ?

rame.—‘ ap karate hain.'

kundan. —‘ to main ghar ke mamale men kuchh n boloon ? '

rame.—‘ ap n bolenge, to kaun bolega ? main to keval hukm ki tabedar hoon.'

rat roti-dal par kati. donon adami lete. rameshvari ko to turant nind a gayi. kundanalal badi der tak karavaten badalate rahe. agar rameshvari is tarah sahayog n karegi, to ek din bhi kam n chalega. aj hi badi

mushkil se bhojan mila. isaki samajh hi ulati hai. main to samajhata hoon, yah samajhati hai, daaut raha hoon. mujhase bina bole raha bhi to nahin jata. lekin agar bolane ka yah natija hai, to phir bolana phijool hai. nukasan hoga, bala se; yah to n hoga ki daftar se akar bazar bhagoon. mahari se rupaye vasool karane ki bat ise buri lagi aur thi bhi beja. rupaye to n mile, ulate mahari ne kam chhod diya.

rameshvari ko jagakar bole 'qitana soti ho tum ? '

rame.—‘ majooron ko achchhi nind ati hai.'

kundan. —‘ chidhao mat, mahari se rupaye n vasool karana.'

rame.—‘ vah to liye khadi hai shayad.'

kundan. —‘ use maloom ho jayaga, to kam karane ayegi.'

rame.—‘ achchhi bat hai kahala bhejoongi.'

kundan. —‘ aj se main kan pakadata hoon, tumhare bich men n boloonga.'

rame.—‘ aur jo main ghar luta doon to ? '

kundan. —‘ luta do, chahe mita do, magar rootho mat. agar tum kisi bat men meri salah poochhogi, to de doonga; varana munh n kholoonga.'

rame.—‘ main apaman nahin sah sakati.'

kundan. —‘ is bhool ko kshama karo.'

rame.—‘ sachche dil se kahate ho n ? '

kundan. —‘ sachche dil se.'

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah