खुदाई फौजदार -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

seth nanakachand ko aj phir vahi liphapha mila aur vahi likhavat samane ayi to unaka chehara pila pad gaya. liphapha kholate hue hath aur hriday donon kanpane lage. khat men kya hai, yah unhen khoob maloom tha. isi tarah ke do khat pahale pa chuke the. is tisare khat men bhi vahi dhamakiyan hain, isamen unhen sandeh n tha. patr hath men liye hue akash ki or takane lage. vah dil ke mazaboot adami the, dhamakiyon  se darana unhonne n sikha tha, murdon se bhi apani rakam vasool kar lete the. daya ya upakar jaisi manaviy durbalataen unhen chhoo bhi n gayi thin, nahin to mahajan hi kaise banate ! us par dharmanishth bhi the. har poornamasi ko satyanarayan ki katha sunate the. har mngal ko mahabiraji ko laddoo chadhate the, nity-prati jamuna men snan karate the aur har ekadashi ko vrat rakhate aur brahmanon ko bhojan karate the aur idhar jab se ghi men karara napha hone laga tha, ek dharmashala banavane ki fikr men the. jamin thik kar li thi. unake asamiyon men saikadon hi thavee aur beladar the, jo keval sood men kam ko taiyar the. intajar yahi tha ki koee eent aur choone vala phns jay aur das-bis hazar ka dastavej likha le, to sood men eent aur choona bhi mil jay. is dharmanishtha ne unaki atma ko aur bhi shakti pradan kar di thi. devataon ke ashirvad aur pratap se unhen kabhi kisi saude men ghata nahin hua aur bhishan paristhitiyon men bhi vah sthirachitt rahane ke adi the; kintu jab se yah dhamakiyon  se bhare hue patr milane lage the, unhen barabas tarah-tarah ki shnkaen vyathit karane lagi thin. kahin sachamuch dakuon ne chhapa mara, to kaun unaki sahayata karega ? daivi badhaon men to devataon ki sahayata par vah takiya kar sakate the, par sir par latakati huee is talavar ke samane vah shraddha kuchh kam n deti thi. rat ko unake dvar par keval ek chaukidar rahata hai. agar das-bis hathiyaraband adami a jaya, to vah akela kya kar sakata hai ? shayad unaki ahat pate hi bhag khada ho. padosiyon men aisa koee nazar n ata tha, jo is snkat men kam ave. yadyapi sabhi unake asami the ya rah chuke the. lekin yah ehasan-pharamoshon ka sampraday hai, jis pattal men khata hai, usi men chhed karata hai; jisake dvar par avasar padane par nak ragadata hai, usi ka dushman ho jata hai. inase koee asha nahin. han, kivaden sudridh hain; unhen todana asan nahin, phir andar ka daravaza bhi to hai. sau adami lag jaya to hilaye n hile. aur kisi or se hamale ka khataka nahin. itani oonchi sapat divar par koee kya kha ke chadhega ? phir unake pas rayaphalen bhi to hain. ek rayaphal se vah darjanon adamiyon ko bhoonakar rakh denge. magar itane pratibandhon ke hote hue bhi unake man men ek hook-si samayi rahati thi. kaun jane chaukidar bhi unhin men mil gaya ho, khidamatagar bhi astin ke sanp ho gaye hon ! isalie vah ab bahudha andar hi rahate the. aur jab tak milanevalon ka pata-thikana n poochh len, unase milate n the. phir bhi do-char ghnte to chaupal men baithane hi padate the; nahin to sara karobar mitti men n mil jata ! jitani der bahar rahate the, unake pran jaise sooli par tnge rahate the. udhar unake mizaj men badi tabdili ho gayi thi. itane vinamr aur mishtabhashi vah kabhi n the. galiyan to kya, kisi se too-takar bhi n karate. sood ki dar bhi kuchh ghata di thi; lekin phir bhi chitt ko shanti n milati thi. akhir kee minat tak dil ko mazaboot karane ke bad unhonne patr khola, aur jaise goli lag gayi. sir men chakkar a gaya aur sari chizen nachati huee maloom hueen. sans phoolane lagi, ankhen phail gayin. likha tha, tumane hamare donon patron par kuchh bhi dhyan n diya. shayad tum samajhate hoge ki pulis tumhari raksha karegi; lekin yah tumhara bhram hai. pulis us vakt ayegi, jab ham apana kam karake sau kos nikal gaye honge. tumhari akl par patthar pad gaya hai, isamen 348 hamara koee dosh nahin. ham tumase sirf 25 hazar rupaye mangate hain. itane rupaye de dena tumhare lie kuchh bhi mushkil nahin. hamen pata hai ki tumhare pas ek lakh ki moharen rakhi huee hain; lekin vinashakale viparit buddhi; ab ham tumhen aur zyada n samajhayenge. tumako samajhane ki cheshta karana hi vyarth hai. aj sham tak agar rupaye n a gaye, to rat ko tumhare oopar dhava hoga. apani hiphajat ke lie jise bulana chaho, bula lo, jitane adami aur hathiyar jama karana chaho, jama kar lo. ham lalakar kar ayenge aur dinadahade ayenge. ham chor nahin hain, ham vir hain aur hamara vishvas bahubal men hai. ham janate hain ki lakshmi usi ke gale men jayamal dalati hai, jo dhanush tod sakata hai, machhali ko vedha sakata hai. yadi... seth ne turant bahi-khate band kar diye aur rokad snbhalakar tijori men rakh diya aur samane ka dvar bhitar se band karake mare hue se kesar ke pas akar bole aj phir vahi khat aya, kesar ! ab aj hi a rahe hain. kesar dohare badan ki stri thi, yauvan bit jane par bhi yuvati, shauk-singar men lipt rahane vali, us phalahin vriksh ki tarah, jo patajhad men bhi hari-bhari pattiyon se lada rahata hai. santan ki viphal kamana men jivan ka bada bhag bita chukane ke bad, ab use apani snchit maya ko bhogane ki dhun savar rahati thi. maloom nahin, kab ankhen band ho jaya, phir yah thati kisake hath lagegi, kaun jane ? isalie use sabase adhik bhay bimari ka tha, jise vah maut ka paigam samajhati thi aur nity hi koee-n-koee dava khati rahati thi. kaya ke is vastr ko us samay tak utarana n chahati thi, jab tak usamen ek tar bhi baki rahe. bal-bachche hote to vah mrityu ka svagat karati, lekin ab to usake jivan hi ke sath ant tha, phir kyon n vah adhik-se-adhik samay tak jiye. han, vah jivan niranand avashy tha, us madhur gras ki bhanti, jise ham isalie kha jate hain ki rakhe-rakhe sad jayaga. usane ghabadakar kaha main tumase kab se kah rahi hoon ki do-char mahinon ke lie yahan se kahin bhag chalo, lekin tum sunate hi nahin. akhir kya karane par tule hue ho ? sethaji sashnk to the aur yah svabhavik tha aisi dasha men kaun shant rah sakata tha lekin vah kayar nahin the. unhen ab bhi vishvas tha ki agar koee snkat a pade to vah pichhe qadam n hatayenge. jo kuchh kamazori a gayi thi, vah snkat ko sir par mndarate dekhakar bhag gayi thi. hiran bhi to bhagane ki rah n pakar shikari par chot kar baithata hai. kabhi-kabhi nahin, aksar snkat padane par hi adami ke jauhar khulate hain. itani der men sethaji ne ek tarah se bhavi vipatti ka samana karane ka pakka irada kar liya tha. dar kyon, jo kuchh hona hai, vah hokar rahega. apani raksha karana hamara kartavy hai, marana-jina vidhi ke hath men hai. sethaniji ko dilasa dete hue bole, tum nahak itana darati ho kesar, akhir ve sab bhi to adami hain, apani jan ka moh unhen bhi hai, nahin to yah kukarm hi kyon karate ? main khidaki ki ad se das-bis adamiyon ko gira sakata hoon. pulis ko ittala dene bhi ja raha hoon. pulis ka kartavy hai ki hamari raksha kare. ham das hazar salana taiks dete hain, kisalie ? main abhi darogaji ke pas jata hoon. jab sarakar hamase taiks leti hai, to hamari madad karana usaka dharm ho jata hai. rajaniti ka yah tattv usaki samajh men nahin aya. vah to kisi tarah us bhay se mukt hona chahati thi, jo usake dil men sanp ki bhanti baitha phuphakar raha tha. pulis ka use jo anubhav tha, usase chitt ko santosh n hota tha. boli pulisavalon ko bahut dekh chuki. varadat ke samay to unaki soorat nahin dikhaee deti. jab varadat ho chukati hai, tab alabatta shan ke sath akar rob jamane lagate hain. 'pulis to sarakar ka raj chala rahi hai. tum kya jano ?' 'main to kahati hoon, yon agar kal varadat hone vali hogi, to pulis ko khabar dene se aj hi ho jayagi. loot ke mal men inaka bhi sajha hota hai.' 'janata hoon, dekh chuka hoon, aur roj dekhata hoon; lekin main sarakar ko das hazar ka salana taiks deta hoon. pulisavalon ka adar-satkar bhi karata rahata hoon. abhi jadon men suparintendent sahab aye the, to mainne kitani rasad pahunchayi thi. ek poora kanastar ghi aur ek shakkar ki poori bori bhej di thi. yah sab khilana-pilana kis din kam ayega. han, adami ko solaho ane doosaron ke bharose n baithana chahie; isalie mainne socha hai, tumhen bhi bandook chalana sikha doon ? ham donon bandooken chhodana shuroo karenge, to dakuon ki kya majal hai ki andar qadam rakh saken ?' prastav hasyajanak tha. kesar ne musakarakar kaha han aur kya, ab aj main bandook chalana sikhoongi ! tumako jab dekho, hnsi hi soojhati hai. 'isamen hnsi ki kya bat hai ? ajakal to auraton ki faujen ban rahi hain. sipahiyon ki tarah auraten bhi kavayad karati hain, bandook chalati hain, maidanon men khelati hain. auraton ke ghar men baithane ka jamana ab nahin hai.' 'vilayat ki auraten bandook chalati hongi, yahan ki auraten kya chalayengi. han, hath bhar ki jaban chahe chala len.' 'yahan ki auraton ne bahaduri ke jo-jo kam kiye hain, unase itihas ke panne bhare pade hain. aj duniya un vrittanton ko padhakar chakit ho jati hai.' 'purane jamane ki baten chhodo. tab auraten bahadur rahi hongi. aj kaun bahaduri kar rahi hain ?' 'vah ! abhi hajaron auraten ghar-bar chhodakar hnsate-hnsate jel chali gayin. yah bahaduri nahin thi ? abhi pnjab men haranad kunvar ne akele char sashastr dakuon ko giraphtar kiya aur lat sahab tak ne usaki prashnsa ki.' 'kya jane ve kaisi auraten hain. main to dakuon ko dekhate hi chakkar khakar gir panoongi.' usi vakt naukar ne akar kaha sarakar, thane se char kanistibil aye hain. apako bula rahe hain. sethaji prasann hokar bole thanedar bhi hain ? 'nahin sarakar, akele kanistibil hain.' 'thanedar kyon nahin aya ?' yah kahate hue sethaji ne pan khaya aur bahar nikale. sethaji ko dekhate hi charon kanistibilon ne jhukakar salam kiya, bilakul angareji kayade se, mano apane kisi afasar ko sailyoot kar rahe hon. sethaji ne unhen benchon par baithaya aur bole darogaji ka mizaj to achchha hai ? main to unake pas anevala tha. charon men jo sabase praudh tha, jisaki astin par kee bille lage hue the, bola ap kyon takaliph karate hain, vah to khud hi a rahe the; par ek badi zaroori tahakikat a gayi, isase ruk gaye. kal apase milenge. jabase yahan dakuon ki khabaren ayi hain, bechare bahut ghabaraye hue hain. apaki taraph hamesha unaka dhyan rahata hai. kee bar kah chuke hain ki mujhe sabase zyada phikar sethaji ki hai. gumanam khat to apake pas bhi aye honge ? sethaji ne laparavahi dikhakar kaha aji, aisi chitthiyan ati hi rahati hain, inaki kaun paravah karata hai. mere pas to tin khat a chuke hain, mainne kisi se zikr bhi nahin kiya. kanistibil hnsa darogaji ko khabar mili thi. 'sach !' 'han, sahab ? ratti-ratti khabar milati rahati hai. yahan tak maloom hua hai ki kal apake makan par unaka dhava hone vala hai. jabhi to aj daroga ji ne mujhe apaki khidamat men bheja.' 'magar vahan kaise khabar pahunchi ? mainne to kisi se kaha hi nahin.' kanistibil ne rahasyamay bhav se kaha huzoor, yah n poochhen. ilake ke sabase bade seth ke pas aise khat ayen aur pulis ko khabar n ho ! bhala, koee bat hai. phir oopar se barabar takid ati rahati hai ki sethaji ko shikayat ka koee mauqa n diya jay. suparintendent sahab ki khas takid hai apake lie. aur huzoor, sarakar bhi to ap hi ke boote par chalati hai. seth-sahookaron ke jan-mal ki hiphajat n kare, to rahe kahan ? hamare hote majal hai ki koee apaki taraph tirachhi ankhon se dekh sake; magar yah kambakht dakoo itane diler aur tadad men itane zyada hain ki thane ke bahar unase mukabila karana mushkil hai. darogaji garad mngane ki bat soch rahe the; magar ye hatyare kahin ek jagah to rahate nahin, aj yahan hain, to kal yahan se do sau kos par. garad mngakar hi kya kiya jay ? ilake ki riaya ki to hamen zyada fikr nahin, huzoor malik hain, apase kya chhipayen, kisake pas rakha hai itana mal-asabab ! aur agar kisi ke pas do-char sau ki poonji nikal hi ayi to usake lie pulis dakuon ke pichhe apani jan hatheli par liye n phiregi. unhen kya, vah to chhootate hi goli chalate hain aur aksar chhipakar. hamare lie to hazar bandishen hain. koee bat bigad jay to ulate apani hi jan aphat men phns jay. hamen to aise raste chalana hai ki sanp mare aur lathi n toote, isalie darogaji ne apase yah arj karane ko kaha hai ki apake pas jokhim ki jo chizen hon, unhen lakar sarakari khazane men jama kar dijie. apako usaki rasid de di jayagi. tala aur muhar ap hi ki rahegi. jab yah hngama thanda ho jay to mngava lijiega. isase apako bhi bephikri ho jayagi aur ham bhi zimmedari se bach jayage. nahin khuda n kare, koee varadat ho jay, to huzoor ko to jo nukasan ho vah to ho hi hamare oopar bhi javabadehi a jay. aur yah jalim sirph mal-asabab lekar hi to jan nahin chhodate khoon karate hain, ghar men ag laga dete hain, yahan tak ki auraton ki beijjati bhi karate hain. huzoor to janate hain, hota hai vahi jo takadir men likha hai. ap iqabalavale adami hain, dakoo apaka kuchh nahin bigad sakate. sara qasba apake lie jan dene ko taiyar hai. apaka pooja-path, dharm-karm khuda khud dekh raha hai. yah usi ki barakat hai ki ap mitti bhi chhoo len, to sona ho jay; lekin adami bharasak apani hiphajat karata hai. huzoor ke pas motar hai hi, jo kuchh rakhana ho, us par rakh dijie. ham char adami apake sath hain, koee khataka nahin. vahan ek minat men apako phurasat ho jayagi. pata chala hai ki is gol men bis javan hain. do to bairagi bane hue hain, do pnjabiyon ke bhes men dhusse aur alavan bechate phirate hain. in donon ke sath do bahngivale bhi hain. do adami baloochiyon ke bhes men chhooriyan aur tale bechate hain. kahan tak ginaoon, huzoor ! hamare thane men to har ek ka huliya rakha hua hai. khatare men adami ka dil kamazor ho jata hai aur vah aisi baton par vishvas kar leta hai, jin par shayad hosh-havas men n karata. jab kisi dava se rogi ko labh nahin hota, to ham dua, tabij, ojhon aur sayanon ki sharan lete hain aur vahan to sandeh karane ka koee karan hi n tha. sambhav hai, darogaji ka kuchh svarth ho, magar sethaji isake lie taiyar the. agar do-char sau bal khane paden, to koee badi bat nahin. aise avasar to jivan men ate hi rahate hain aur is paristhiti men isase achchha doosara kya intazam ho sakata tha; balki ise to eeshvariy prerana samajhana chahie. mana, unake pas do-do bandooken hain, kuchh log madad karane ke lie nikal hi ayenge, lekin hai jan jokhim. unhonne nishchay kiya, darogaji ki is kripa se labh uthana chahie. inhin adamiyon ko kuchh de-dilakar sari chizen nikalava lenge. doosaron ka kya bharosa ? kahin koee chiz uda den to bas ? unhonne is bhav se kaha, mano darogaji ne un par koee vishesh kripa nahin ki hai; vah to unaka kartavy hi tha mainne yahan aisa prabandh kiya tha ki yahan vah sab ate to unake daaut khatte kar diye jate. sara qasba madad ke lie taiyar tha. sabhi se to apana mitr-bhav hai, lekin darogaji ki tajavij mujhe pasand hai. isase vah bhi apani zimmedari se bari ho jate hain aur mere sir se bhi fikr ka bojh utar jata hai, lekin bhitar se chijen bahar nikal-nikalakar lana mere boote ki bat nahin. ap logon ki dua se naukar-chakaron ki to kami nahin hai, magar kisaki niyat kaisi hai, kaun jan sakata hai ? ap log kuchh madad karen to kam asan ho jay. hed kanistibil ne badi khushi se yah seva svikar kar li aur bola, ‘ham sab huzoor ke tabedar hain, isamen madad ki kaun-si bat hai ? talab sarakar se pate hain, yah thik hai; magar denevale to ap hi hain. ap keval saman hamen dikhaye jaya, ham bat-ki-bat men sari chizen nikal layenge. huzoor ki khidamat karenge to kuchh inam-ikaram milega hi. tanakhvah men gujar nahin hota sethaji, ap logon ki raham ki nigah n ho, to ek din bhi nibah n ho. bal-bachche bhookhon mar jaya pandrah-bis rupaye men kya hota hai huzoor, itana to hamare lie hi poora nahin padata.‘ sethaji ne andar jakar kesar se yah samachar kaha to use jaise ankhen mil gayin. boli, bhagavanh ne sahayata ki, nahin mere pran snkat men pade hue the. sethaji ne sarvgyta ke bhav se pharamaya isi ko kahate hain sarakar ka intajam ! isi mustaidi ke bal par sarakar ka raj thama hua hai. kaisi 354 suvyavastha hai ki jara-si koee bat ho, vahan tak khabar pahunch jati hai aur turant usaki rokatham ka hukm ho jata hai. aur yahan vale aise budhdoo hain ki svarajy-svarajy chilla rahe hain. inake hath men akhtiyar a jay to din-dopahar loot mach jay, koee kisi ki n sune. oopar se takid ayi hai. hakimon ka adar-satkar kabhi nishphal nahin jata. main to sochata hoon, koee bahumooly vastu ghar men n chhonoon. sale ayen to apana-sa munh lekar rah jaya. kesar ne man-hi-man prasann hokar kaha qunji unake samane phenk dena ki jo chiz chaho nikal le jao. 'sale jhenp jayenge.' 'munh men kalikh lag jayegi.' 'ghamand to dekho ki tithi tak bata di. yah nahin samajhe ki angreji sarakar ka raj hai. tum dal-dal chalo, to vah pat-pat chalate hain.' 'samajhe honge ki dhamaki men a jayenge.' tin kanistibilon ne akar sandookache aur seph nikalane shuroo kiye. ek bahar saman ko motar par lad raha tha aur ek harek chiz ko notabuk par taaukata jata tha. abhooshan, muharen, not, rupaye, kimati kapade, sadiyan; lahnge, shal-dushale, sab kar men rakh diye. mamooli baratan, lohe-lakadi ke saman, pharsh adi ke siva ghar men aur kuchh n bacha. aur dakuon ke lie ye chizen kaudi ki bhi nahin. kesar ka singaradan khud sethaji laye aur hed ke hath men dekar bole ise badi hiphajat se rakhana bhaee ! hed ne singaradan lekar kaha mere lie ek-ek tinaka itana hi kimati hai. sethaji ke man men ek sandeh utha. poochha, khajane ki kunji to mere hi pas rahegi ? 'aur kya, yah to main pahale hi arj kar chuka; magar yah saval apake dil se kyon paida hua ?' 'yonhi, poochha tha' sethaji lajjit ho gaye. 'nahin, agar apake dil men kuchh shubaha ho, to ham log yahan bhi ap ki khidamat ke lie hajir hain. han, ham zimmedar n honge.' 'aji nahin hed sahab, mainne yonhi poochh liya tha. yah phiharist to mujhe de doge n ?' 'phiharist apako thane men darogaji ke dastakhat se milegi. isaka kya etabar ?' kar par sara saman rakh diya gaya. kasbe ke saikadon adami tamasha dekh rahe the. kar badi thi, par thasathas bhari huee thi. badi mushkil se sethaji ke lie jagah nikali. charon kanistibil age ki sit par simatakar baithe. kar chali. kesar dvar par is tarah khadi thi, mano usaki beti bida ho rahi ho. beti sasural ja rahi hai, jahan vah malakin banegi; lekin usaka ghar soona kiye ja rahi hai. thana yahan se panch mil par tha. kasbe se bahar nikalate hi pahadon ka patharila sannata tha, jisake daman men hara-bhara maidan tha aur isi maidan ke bich men lal moram ki sadak chakkar khati huee lal sanp-jaisi nikal gayi thi. hed ne sethaji se poochha yah kahan tak sahi hai sethaji, ki aj se pachchis sal pahale apake bap keval lota-dor lekar yahan khali hath aye the ? sethaji ne garv karate hue kaha 'bilakul sahi hai. mere pas kul tin rupaye the. usi se ate-dal ki dookan kholi thi. takadir ka khel hai, bhagavanh ki daya chahie, adami ke banate-bigadate der nahin lagati. lekin mainne kabhi paise ko daauton se nahin pakada. yathashakti dharm ka palan karata gaya. dhan ki shobha dharm hi se hai, nahin to dhan se koee fayada nahin.' 'ap bilakul thik kahate hain sethaji. apako moorat banakar poojana chahie. tin rupaye se lakh kama lena mamooli kam nahin hai !' 'adhi rat tak sir uthane ki phurasat nahin milati, khan sahab !' 'apako to yah sab karobar jnjal-sa lagata hoga.' 'jnjal to hai hi, magar bhagavanh ki aisi maya hai ki adami sabakuchh samajhakar bhi isamen phns jata hai aur sari umr phnsa rahata hai. maut a jati hai, tabhi chhutti milati hai. bas, yahi abhilasha hai ki kuchh yadagar chhod jaoon.' 'apake koee aulad huee hi nahin ?' 'bhagy men n thi khan sahab, aur kya kahoon ! jinake ghar men bhooni bhang nahin hai, unake yahan ghas-phoos ki tarah bachche-hi-bachche dekh lo, jinhen bhagavanh ne khane ko diya hai, ve santan ka munh dekhane ko tarasate hain.' 'ap bilakul thik kahate hain, sethaji ! zindagi ka maja santan se hai. jisake age andhera hai, usake lie dhan-daulat kis kam ki ?' 'eeshvar ki yahi ichchha hai to adami kya kare. mera bas chalata, to mayajal se nikal bhagata khan sahab, ek kshan bhi yahan n rahata, kahin tirthasthan men baithakar bhagavanh ka bhajan karata. magar karoon kya ? mayajal tode nahin tootata.' 'ek bar dil mazaboot karake tod kyon nahin dete ? sab uthakar garibon ko baaut dijie. sadhu-santon ko nahin, n mote brahmanon ko balki unako, jinake lie yah zindagi bojh ho rahi hai, jisaki yahi ek arajoo hai ki maut akar unaki vipatti ka ant kar de.' 'is mayajal ko todana adami ka kam nahin hai, khan sahab ! bhagavanh ki ichchha hoti hai, tabhi man men vairagy ata hai.' 'aj bhagavanh ne apake oopar daya ki hai. ham is mayajal ko makadi ke jale ki tarah todakar apako azad karane ke lie bheje gaye hain. bhagavanh apaki bhakti se prasann ho gaye hain aur apako is bandhan men nahin rakhana chahate, jivan-mukt kar dena chahate hain.' 'aisi bhagavanh ki daya ho jati, to kya poochhana khan sahab !' 'bhagavanh ki aisi hi daya hai sethaji, vishvas manie. hamen isilie unhonne mrityulok men tainat kiya hai. ham kitane hi mayajal ke kaidiyon ki bediyan kat chuke hain. aj apaki bari hai.' sethaji ki nadiyon men jaise rakt ka pravah band ho gaya. sahami huee ankhon se sipahiyon ko dekha. phir bole, ap bade hnsod ho, khan sahab ? 'hamare jivan ka siddhant hai ki kisi ko kasht mat do; lekin ye rupaye vale kuchh aisi aundhi khopadi ke log hain ki jo unaka uddhar karane ata hai, usi ke dushman ho jate hain. ham apaki bediyan katane aye hain; lekin agar apase kahen ki yah sab jama-jatha aur lata-pata chhodakar ghar ki rah lijie, to ap chikhana-chillana shuroo kar denge. ham log vahi khudaee faujadar hain, jinake ittalaee khat apake pas pahunch chuke hain.' sethaji mano akash se patal men gir pade. sari gyanendriyon ne javab de diya aur isi moorchchha ki dasha men vah motarakar se niche dhakel diye gaye aur gadi chal padi. sethaji ki cheshta jag padi. badahavas gadi ke pichhe daude huzoor, sarakar, tabah ho jayage, daya kijie, ghar men ek kaudi bhi nahin hai... hed sahab ne khidaki se bahar hath nikala aur tin rupaye zamin par phenk diye. motar ki chal tej ho gayi. sethaji sir pakadakar baith gaye aur vikshipt netron se motarakar ko dekha, jaise koee shav svargarohi pran ko dekhe. unake jivan ka svapn uda chala ja raha tha.

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah