प्रारब्ध -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

lala jivanadas ko mrityushayya par pade 6 mas ho gaye hain. avastha dinondin shochaniy hoti jati hai. chikitsa par unhen ab jara bhi vishvas nahin raha. keval prarabdh ka hi bharosa hai. koee hitaishi vaidy ya daauktar ka nam leta hai to munh pher lete hain. unhen jivan ki ab koee asha nahin hai. yahan tak ki ab unhen apani bimari ke zikr se bhi ghrina hoti hai. ek kshan ke lie bhool jana chahate hain ki main kal ke mukh men hoon. ek kshan ke lie is dussadhy chinta-bhar ko sir se phenk kar svadhinata se sans lene ke lie unaka chitt lalayit ho jata hai. unhen rajaniti se kabhi ruchi nahin rahi. apani vyaktigat chintaon hi men lin rahate. lekin ab unhen rajanitik vishayon se vishesh prem ho gaya hai. apani bimari ki charcha ke atirikt vah pratyek vishay ko shauq se sunate hain, kintu jyon hi kisi ne sahanubhooti se kisi aushadhi ka nam liya ki unaki tyori badal jati hai. andhakar men vilapadhvani itani ashajanak nahin hoti jitani prakash ki ek jhalak.

yah yatharthavadi purush the. dharm-adharm, svarg-narak ki vyavasthaen unaki vichar-paridhi se bahar thin. yahan tak ki agyat bhay se bhi ve shnkit n hote the. lekin usaka karan unaki manasik shithilata n thi, balki lok-chinta ne paralok-chinta ka sthan hi shesh n rakha tha. unaka parivar bahut chhota tha, patni thi aur ek balak. lekin svabhav udar tha, rin se badha rahata tha. us par yah asadhy aur chirakalin rog ne rin par kee darje ki vriddhi kar di thi. mere pichhe nissahayon ka kya hal hoga? ye kisake samane hath phailayenge? kaun inaki khabar lega? hay ! mainne vivah kyon kiya? parivarik bndhan men kyon phnsa? kya isalie ki ye snsar ke himatuly daya ke patra banen? kya apane kul ki pratishtha aur samman ko yon vinasht hone doon? jis jivanadas ne sare nagar ko apani anugrah-drishti se plavit kar diya tha usi ke pote aur bahoo dvar-dvar thokaren khate phiren? hay, kya hoga? koee apana nahin, charon or bhayavah van hai ! kahin marg ka pata nahin. yah saral ramani, yah abodh balak ! inhen kis par chhodoon?

ham apani an par jan dete the. hamane kisi ke samane sir nahin jhukaya. kisi ke rini nahin hue. sadaiv gardan utha kar chale; aur ab yah naubat hai ki kafan ka bhi thikana nahin !

adhi rat gujar chuki. jivanadas ki halat aj bahut najuk thi. bar-bar moorchchha a jati. bar-bar hriday ki gati ruk jati. unhen gyat hota tha ki ab ant nikat hai. kamare men ek laimp jal raha tha. unaki charapaee ke samip hi prabhavati aur usaka balak sath soe hue the. jivanadas ne kamare ki divaron ko nirashapoorn netron se dekha jaise koee bhataka hua pathik nivas-sthan ki khoj men ho ! charon or se ghoom kar unaki ankhen prabhavati ke chehare par jam gayin. ha ! yah sundari ek kshan men vidhava ho jayegi ! yah balak pitrihin ho jayega. yahi donon vyakti meri jivan-ashaon ke kendr the. mainne jo kuchh kiya, inhin ke lie kiya. mainne apana jivan inhin par samarpan kar diya tha aur ab inhen mnjhadhar men chhode jata hoon. isalie ki ve vipatti bhnvar ke kaur ban jayn. in vicharon ne unake hriday ko masos diya. ankhon se ansoo bahane lage.

achanak unake vichar-pravah men ek vichitr parivartan hua. nirasha ki jagah mukh par ek dridh snkalp ki abha dikhayi di, jaise kisi grihasvamini ki jhidakiyan sun kar ek din bhikshuk ke tevar badal jate hain. nahin, kadapi nahin ! main apane priy putr aur apani pran-priya patni par prarabdh ka atyachar n hone doonga. apane kul ki maryada ko bhrasht n hone doonga. abala ko jivan ki kathin pariksha men n daloonga. main mar raha hoon, lekin prarabdh ke samane sir n jhukaoonga. usaka das nahin, svami banoonga. apani nauka ko nirday tarngon ke ashrit n banane doonga.

‘‘niahsandeh snsar munh banayega. mujhe duratma, ghatak naradham kahega. isalie ki usake pashavik amod men, usaki paishachik kridaon men ek vyavastha kam ho jayagi. koee chinta nahin, mujhe santosh to rahega ki usaka atyachar mera bal bhi banka nahin kar sakata. usaki anarth lila se main surakshit hoon.’’

jivanadas ke mukh par varnahin snkalp ankit tha. vah snkalp jo atm-hatya ka soochak hai. vah bichhaune se uthe, magar hath-panv thar-thar kanp rahe the. kamare ki pratyek vastu unhen ankhen phad-phad kar dekhati huee jan padati thin. alamari ke shishe men apani parachhaeen dikhayi di. chaunk pade, vah kaun? khayal a gaya, yah to apani chhaya hai. unhonne alamari se ek chamacha aur ek pyala nikala. pyale men vah zaharili dava thi jo daauktar ne unaki chhati par malane ke lie di thi ! pyale ko hath men liye charon or sahami huee drishti se takate hue vah prabhavati ke sirahane a kar khade ho gaye. hriday par karuna ka aveg hua. ‘‘ah ! in pyaron ko kya mere hi hathon marana likha tha? main hi inaka yamadoot banoonga. yah apane hi karmon ka phal hai. main ankhen band karake vaivahik bandhan men phnsa. in bhavi apadaon ki or kyon mera dhyan n gaya? main us samay aisa harshit aur praphullit tha, mano jivan ek anadi sukh-svar hai, ek-ek sudhamay anand sarovar. yah isi adooradarshita ka parinam hai ki aj main yah durdin dekh raha hoon.’’

hathath unake pairon men kampan hua, ankhon men andhera chha gaya, nadi ki gati band hone lagi. ve karunamayi bhavanaen mit gayin. shnka huee, kaun jane yahi daura jivan ka ant n ho. vah snbhal kar uthe aur pyale se dava ka ek chammach nikal kar prabhavati ke munh men dal diya. usane nind men do-ek bar munh dula kar karavat badal li. tab unhonne lakhanadas ka munh khol kar usamen bhi ek chammach bhar dava dal di aur pyale ko zamin par patak diya. par ha ! manav-paravashata ! ha prabal bhavi ! bhagy ki visham krida ab bhi unase chal chal rahi thi. pyale men vish n tha. vah tanik tha jo daktar ne unaka bal badhane ke lie diya tha.

pyale ko rakhate hi unake kanpate hue pair sthir ho gaye, moorchchha ke sab lakshan jate rahe. chitt par bhay ka prakop hua. vah kamare men ek kshan bhi n thahar sake. hatya-prakash ka bhay hatya-karm se bhi kahin darun tha. unhen dnd ki chinta n thi; par ninda aur tiraskar se bachana chahate the. vah ghar se is tarah bahar nikale, jaise kisi ne unhen dhakel diya ho, unake angon men kabhi itani sphoorti n thi. ghar sadak par tha, dvar par ek tanga mila ! us par ja baithe. nadiyon men vidyut-shakti daud rahi thi.

tangevale ne poochha-kahan chaloon?

jivanadas-jahan chaho.

tangevala-steshan chaloon?

jivanadas-vahin sahi.

tangevala-chhoti lain chaloon ya badi lain?

jivanadas-jahan gadi jaldi mil jay.

tangevale ne unhen kautoohal se dekha. parichit tha, bola-apaki tabiyat achchhi nahin hai, kya aur koee sath n jayaga?

jivanadas ne javab diya-nahin, main akela hi jaoonga.

tangevala-ap kahan jana chahate hain?

jivanadas-bahut baten n karo. yahan se jaldi chalo.

tangevale ne ghode ko chabuk lagaya aur steshan ki or chala. jivanadas vahan pahunchate hi tange se kood pade aur steshan ke andar chale. tangevale ne kaha-paise?

jivanadas ko ab gyat hua ki main ghar se kuchh nahin le kar chala, yahan tak ki sharir par vastr bhi n the. bole-paise phir milenge.

tangevala-ap n jane kab lautenge.

jivanadas-mera joota naya hai, le lo.

tangevale ka ashchary aur bhi badha, samajha inhonne sharab pi hai, apane ape men nahin hain. chupake se joote liye aur chalata hua.

gadi ke ane men abhi ghnton ki der thi. jivanadas pletapharm par ja kar tahalane lage. dhire-dhire unaki gati tivr hone lagi, mano koee unaka pichha kar raha hai. unhen isaki bilakul chinta n thi ki main khali hath hoon. jade ke din the. log saradi ke mare akade jate the, kintu unhen odhane-bichhaune ki bhi sudhi n thi. unaki chaitanyashakti nasht ho gayi thi; keval apane dushkarm ka gyan jivit tha. aisi shnka hoti thi ki prabhavati mere pichhe daudi chali ati hai, kabhi bhram hota ki lakhanadas bhagata hua a raha hai, kabhi padosiyon ke dhar-pakad ki avaz kanon men ati thi, unaki kalpana pratikshan uttejit hoti jati thi, yahan tak ki vah pranabhay se mal ke boron ke bich men ja chhipe. ek-ek minat par chaunk padate the aur sashnk netron se idhar-udhar dekhakar phir chhip jate the. unhen ab yah bhi smaran n raha ki main yahan kya karane aya hoon, keval apani pranaraksha ka gyan shesh tha. ghntiyan bajin, musaphiron ke jhund ke jhund ane lage, kuliyon ki bak-jhak, musaphiron ki chikh aur pukar, ane-janevale injinon ki dhak-dhak se hahakar macha hua tha; kintu jivanadas un boron ke bich men is tarah paintare badal rahe the mano ve chaitany hokar unhen gherana chahate hain.

nidan gadi steshan par akar khadi ho gayi. jivanadas snbhal gaye. smriti jagrit ho gayi. lapak kar boron men se nikale aur ek kamare men ja baithe.

itane men gadi ke dvar par ‘khat-khat’ ki dhvani sunayi di. jivanadas ne chaunkakar dekha, tikat ka nirikshak khada tha. unaki achetavastha bhng ho gayi. vah kaun-sa nasha hai, jo mar ke age bhag n jay. vyadhi ki shnka sngya ko jagrit kar deti hai. unhonne shighrata se jal-grih khola aur usamen ghus gaye. nirikshak ne poochha-‘‘aur koee nahin?’’ musaphiron ne ek svar se kaha-‘‘ab koee nahin hai.’’ janata ko adhikari varg se ek naisargik dvesh hota hai. gadi chali to jivanadas bahar nikale. yatriyon ne ek prachnd hasyadhvani se unaka svagat kiya. yah deharadoon mel tha.

2

raste bhar jivanadas kalpanaon men magn rahe. haridvar pahunche to unaki manasik ashanti bahut kuchh kam ho gayi thi. ek kshetr se kambal laye, bhojan kiya aur vahin pad rahe. anugrah ke kachche dhage ko vah lohe ki bedi samajhate the; par duravastha ne atm-gaurav ka nash kar diya tha.

is bhanti kee din bit gaye, kintu maut ka to kahana hi kya, vah vyadhi bhi shant hone lagi, jisane jivan se nirash kar diya tha. unaki shakti dinondin badhane lagi. mukh ki kanti pradipt hone lagi, vayu ka prakop shant ho gaya, mano do priy praniyon ke balidan ne mrityu ko tript kar diya tha.

jivanadas ko yah rog-nivritti us darun rog se bhi adhik dukhadayi pratit hoti thi. ve ab mrityu-ahvan karate, eeshvar se prarthana karate ki phir usi jirnavastha ka duragam ho, nana prakar ke kupathy karate, kintu koee prayatn saphal n hota tha. un balidanon ne vastav men yamaraj ko sntusht kar diya tha.

ab unhen chinta hone lagi; kya main vastav men jinda rahoonga. lakshan aise hi dikh padate the. nityaprati yah shnka prabal hoti jati thi. unhonne prarabdh ko apane pairon par jhukana chaha tha, par ab svayn usake pairon ki raj chat rahe the. unhen bar-bar apane oopar krodh ata, kabhi vyagr hokar uthate ki jivan ka ant kar doon, takadir ko dikha doon ki main ab bhi use kuchal sakata hoon; kintu usake hathon vikat yntrana bhogane ke bad unhen bhay hota tha ki kahin isase bhi jatil samasya n upasthit ho jay, kyonki unhen usaki shakti ka kuchh-kuchh anuman ho gaya tha. in vicharon ne unake man men nastikata ke bhav utpann kiye. vartaman bhautik shiksha ne unhen pahale hi anatmavadi bana diya tha. ab unhen samast prakriti anarth aur adharm ke rng men doobi huee maloom hone lagi. yahan nyay nahin, daya nahin, saty nahin. asambhav hai ki yah srishti kisi kripalu shakti ke adhin ho aur usake gyan men nity aise vibhats, aise bhishan abhinay hote rahen. vah n dayalu hai, n vatsal hai. vah sarvgyani aur antaryami bhi nahin, nissndeh vah ek vinashini, vakr aur vikaramayi shakti hai. sansarik praniyon ne usaki anisht krida se bhayabhit hokar use saty ka sagar, daya aur dharm ka bhndar, prakash aur gyan ka srot bana diya hai. yah hamara din-vilap hai. apani durbalata ka ashrupat. isi shaktihinata ko, isi niahsahayata ko ham upasana aur aradhana kahate hain aur us par garv karate hain. darshanikon ka kathan hai ki yah prakriti atal niyamon ke adhin hai, yah bhi unaki shraddhaluta hai. niyam jad, achaitany hote hnh unamen kapat ke bhav kahan? in niyamon ka snchalak, is indrajal ka madari avashy hai, yah spasht hai; kintu vah prani devata nahin, pishach hai.

in bhavon ne shanaiah-shanaiah kriyatmak roop dharan kiya. sadbhakti hamen oopar le jati hai, asadbhakti hamen niche girati hai. jivanadas ki nauka ka lngar ukhad gaya. ab usaka n koee lakshy tha aur n koee adhar, tarngon men danvandol hoti rahati thi.

3

pndrah varsh bit gaye. jivanadas ka jivan annd aur vilas men katata tha. ramanik nivas-sthan tha, savariyan thin, naukar-chakar the. nity rag-rng hota rahata tha. ab indriyalipsa unaka dharm tha, vasana-tripti unaka jivanatattv. ve vichar aur vivek ke bandhanon se mukt ho gaye the. niti aur aniti ka gyan lupt ho gaya tha. sadhanon ki bhi kami nahin thi. bndhe bail aur khule sand men bada antar hai. ek ratib pakar bhi durbal hai, doosara ghas-pat hi khakar mast ho raha hai. svadhinata badi poshak vastu hai.

jivanadas ko ab apani stri aur balak ki yad n satati thi. bhoot aur bhavishy ka unake hriday par koee chihn n tha. unaki nigah keval vartaman par rahati thi. vah dharm ko adharm samajhate the aur adharm ko dharm. unhen srishti ka yah moolatattv pratit hota tha. unaka jivan svayn isi durniti ka ujjval praman tha. atmabndhan ko tod kar ve jitane utsit hue, vahan tak un bandhanon men pade hue unaki drishti bhi n pahunch sakati thi. jidhar ankh uthati, adharm ka samrajy dikh padata tha. yahi saphal jivan ka mntr tha. svechchhachari hava men udate hain, dharm ke sevak ediyan ragadate hain. vyapar aur rajaniti ke bhavan, gyan aur bhakti ke mndir, sahity aur kavy ki rngashala, prem aur anurag mndaliyan sab isi dipak se alokit ho rahi hain. aisi virath jyoti ki aradhana kyon n ki jay?

garami ke din the, sndhya ka samay. haridvar ke relave-steshan par yatriyon ki bhid thi. jivanadas ek gerue rng ki reshami chadar gale men dale, sunahara chashma lagaye, divy gyan ki moorti bane hue apane sahacharon ke sath pletapharm par tahal rahe the. unaki bhedak drishti yatriyon par lagi huee thi. achanak unhen doosare darje ke kamare men ek shikar dikhayi diya. yah ek roopavan yuvak tha. chehare se pratibha jhalak rahi thi. usaki ghadi ki jnjir sunahari thi, tanajeb ki achakan ke batan bhi sone ke the. jis prakar badhik ki drishti pashu ke mans aur charm par rahati hai, usi prakar jivanadas ki drishti men manushy ek bhogy padarth tha. unake anuman ne ashcharyajanak kushalata prapt kar li thi aur usase kabhi bhool n hoti thi. vah yuvak avashy koee rees hai. saral aur gauravashil bhi hai atev sugamata se jal men phns jayaga. us par apani siddhata ka sikka bithana chahie. usaki saral-hridayata par nishana marana chahie. main guru banoon, yah donon mere shishy ban jayn, chhal ki ghaten chalen, meri apar vidvatta, alaukik kirti aur agadh vairagy ka madhur gan ho, shabdadambaron ke dane bikher diye jayn aur mrig par phnda dal diya jay.

yah nishchay karake jivanadas kamare men dakhil hue. yuvak ne unaki or gaur se dekha, jaise apane bhoole hue mitr ko pahachanane ki cheshta kar raha ho. ab adhir ho kar bola-mahatma ji, apaka sthan kahan hai?

jivanadas prasann ho kar bola-bachcha, snton ka sthan kahan? samast snsar hamara sthan hai.

yuvak ne poochha-apaka shubh nam lala jivanadas to nahin hai?

jivanadas chaunk pade. chhati balliyon uchhalane lagi. chehare par havaiyan udane lagin. kahin yah khuphiya pulis ka karmachari to nahin hai? kuchh nishchay n kar sake, kya uttar doon. gum-sum ho gaye.

yuvak ne asamnjas men pade dekh kar kaha-meri yah dhrishtata kshama kijiega. mainne yah bat isalie poochhi ki apaka shrimukh mere pita ji se bahut milata hai. ve bahut dinon se gayab hain. log kahate hain, snnyasi ho gaye. barason se unhin ki talash men mara phir raha hoon.

jis prakar kshitij par megharashi chadhati hai aur kshanamatr men snpoorn vayumndal ko gher leti hai usi prakar jivanadas ko apane hriday men poorv-smritiyon ki ek lahar-si uthati huee maloom huee. gala phns gaya aur ankhon ke samane pratyek vastu tairati huee jan padane lagi. yuvak ki or sachesht netron se dekha, smriti sajag ho gayi. usake gale se lipat kar bole-lakkhoo?

lakhanadas unake pairon par gir pada.

‘mainne bilakul nahin pahachana.’

‘ek yug ho gaya.’

4

adhi rat gujar chuki thi. lakhanadas so raha tha aur jivanadas khidaki se sir nikale vicharon men magn the. prarabdh ka ek naya abhinay unake netron ke samane tha. vah dharana jo atit kal se unaki path-pradarshak bani huee thi, hil gayi. mujhe ahnkar ne kitana vivekahin bana diya tha ! samajhata tha, main hi srishti ka snchalak hoon, mere marane par parivar ka adhahpatan ho jayaga par meri yah dushchinta kitani mithya nikali. jinhen mainne vish diya, ve aj jivit hain, sukhi hain aur sampattishali hain. asambhav tha ki lakkhoo ko aisi uchch shiksha de sakata. mata ke putr-prem aur adhyavasay ne kathin marg kitana sugam kar diya. main use itana sachcharitr, itana dridh snkalp, itana kartavyashil kabhi n bana sakata. yah svavalamban ka phal hai. mera vish usake lie amrit ho gaya. kitana vinayashil, hnsamukh, niahsprih aur chatur yuvak hai. mujhe to ab usake sath baithate bhi snkoch hota hai. mera saubhagy kaise uday hua hai. main virat jagath ko kisi paishachik shakti ke adhin samajhata tha, jo din praniyon ke sath billi aur choohe ka khel khelati hai. ha moorkhata ! ha agyan ! aj mujh jaisa papi manushy itana sukhi hai ! isamen sndeh nahin ki is jagath ka svami daya aur kripa ka mahasagar hai. pratahkal mujhe us devi se sakshath hoga, jisake sath jivan ke kya-kya sukh nahin bhoge ! mere pote aur potiyan meri god men khelengi. mitragan mera svagat karenge. aise dayamay bhagavanh ko main amngal ka mool samajhata tha !

is vichar men pade hue jivanadas ko nind a gayi. jab ankhen khulin to lakhanoo ki priy aur parichit dhvani kanon men ayi. ve chaunk kar uth baithe. lakhanadas asabab utarava rahe the. steshan ke bahar unaki phitan khadi thi. donon adami us par baithe. jivanadas ka hriday ahvan se bhar raha tha. maun-roop baithe hue the, mano samadhi men hon.

phitan chali. jivanadas ko prayah sabhi chizen nayi maloom hoti thin. n ve bazar, n ve gali-kooche, n ve prani the. yugantar-sa ho gaya tha. nidan unhen ek ramanik bngala-sa dikhayi pada, jisake dvar par mote aksharon men ankit tha-

jivanadas-pathashala

jivanadas ne vismit ho kar poochha-kya hai?

lakhanadas ne kaha-mata ji ne apake smriti-roop yah pathashala kholi hai. kee ladake chhatravritti pate hain !

jivanadas ka dil aur bhi baith gaya. munh se ek thndi sans nikal ayi.

thodi der ke bad phitan ruki, lakhanadas utar pade. naukaron ne asabab utarana shuroo kiya. jivanadas ne dekha, ek pakka do-mnjila makan tha. unake purane khaparailavale ghar ka koee chihn n tha. keval ek nim ka vriksh baki tha. do komal balak ‘baboo ji’ kahate hue daude़ aur lakhanadas ke pairon se lipat gaye. ghar men ek halachal-si mach gayi. divanakhane ke pichhe ek sundar pushpavatika thi. jivanadas aise chakit ho rahe the mano koee tilism dekh rahe hon.

5

ratri ka samay tha. barah baj chuke the. jivanadas ko kisi karavat nind n ati thi. apane jivan ka chitr unake samane tha. in pndrah varshon men unhonne jo kante boye the ve is samay unake hriday men chubh rahe the. jo gadhe khode the ve unhen nigalane ke lie munh khole hue the. unaki dasha men ek hi din men ghor parivartan ho gaya tha. abhakti aur avishvas ki jagah vishvas ka abhyuday ho gaya tha, aur yah vishvas keval manasik n tha, varanh pratyaksh tha. eeshvariy nyay ka bhay ek bhaynkar moorti ke sadrish unake samane khada tha. usase bachane ki ab unhen koee yukti najar n ati thi. ab tak unaki sthiti us ag ki chinagari ke saman thi, jo kisi marubhoomi par padi huee ho. usase hani ki koee shnka n thi; lekin aj vah chinagari ek khalihan ke pas padi huee thi. maloom nahin, kab vah prajvalit hokar khalihan ko bhasmibhoot kar de.

jyon-jyon rat gujarati thi, yah bhay glani ka roop dharan karata jata tha. ‘‘ha shok ! main is yogy bhi nahin ki is sakshath kshama-daya ko apana kalushit munh dikhaoon. usane mujh par sadaiv karuna aur vatsaly ki drishti rakhi aur yah shubh din dikhaya. meri kalima usaki ujjval kirti par ek kala dag hai. meri kalushata kya is mngal chitr ko kalushit n kar degi. meri papagni ke sparsh se kya hara-bhara udyan matiyamet n ho jayaga? meri apakirti kabhi n kabhi prakat ho kar is kul ki maryada aur samman ko nasht n kar degi? mere jivan se ab kisako sukh hai? kadachith bhagavanh ne mujhe lajjit karane ke lie, mujhe apani tuchchhata se avagat karane ke lie, mere gale men anutap ki phansi dalane ke lie yah adbhut lila dikhayi hai. ha ! isi kul ki maryada-raksha ke lie bhishan hatyaen ki thin. kya ab jivit rah kar isaki vah durdasha kar doon jo mar kar bhi n kar saka? mere hath khoon se lal ho rahe hain. paramatmanh ! vah khoon rng n laye. yah hriday papon ke kitanuon se jarjar ho raha hai. bhagavanh, yah kul unake chhoot se bacha rahe.’’

in vicharon ne jivanadas men glani aur bhay ke bhavon ko itana uttejit kiya ki vah vikal ho gaye. jaise parati bhoomi men bij ka asadharan vikas aur prasar hota hai, usi prakar vishvasahin hriday men jab vishvas ka bij padata hai to usamen sajivata aur vikas ka pradurbhav hota hai. usamen vichar ke badale vyavahar ka pradhany hota hai. atm-samarpan usaka vishesh lakshy hota hai. jivanadas ko apane charon taraph ek sarvavyapi shakti, ek virat atma ka anubhav ho raha tha. pratikshan unaki kalpala sajag aur pradipt hoti jati thi. apane jivan ki ghatanaen jvala-shikha ban-ban kar us ghar ki or, use mngal aur annd ke nivas-bhavan ki or daudati huee jan padati thin, mano use nigal jayngi.

poorv ki or akash arun varn ho raha tha. jivanadas ki ankhen bhi arun thin. ve ghar se nikale. hath men keval dhoti thi. unhonne apane anishtamay astitv ko mita dene ka nishchay kar liya tha. apani papagni ki anch se apane parivar ko bachane ka snkalp kar chuke the. pranapan se apane atmashok aur hridayadah ko shant karane par udyat ho gaye the.

sooryoday ho raha tha. usi samay jivanadas gomati ki laharon men sama gaye.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah