बौड़म -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

mujhe devipur gaye panch din ho chuke the, par aisa ek din bhi n hoga ki baudam ki charcha n huee ho. mere pas subah se sham tak ganv ke log baithe rahate the. mujhe apani bahugyta ko pradarshit karane ka n kabhi aisa avasar hi mila tha aur n pralobhan hi. main baitha-baitha idhar-udhar ki gappen udaya karata. bade lat ne gandhi baba se yah kaha aur gandhi baba ne yah javab diya. abhi ap log kya dekhate hain, age dekhiega kya-kya gul khilate hain. poore 50 hazar javan jel jane ko taiyar baithe hue hain. gandhi ji ne agya di hai ki hinduon men chhoot-chhat ka bhed n rahe, nahin to desh ko aur bhi adin dekhane padenge. astu! log meri baton ko tanmay ho kar sunate. unake mukh phool ki tarah khil jate. atmabhiman ki abha mukh par dikhayi deti. gadh‍gad knth se kahate, ab to mahatma ji hi ka bharosa hai. n hua baudam nahin apaka gala n chhodata. apako khana-pina kathin ho jata. koee usase aisi baten kiya kare to rat ki rat baitha rahe. mainne ek din poochha, akhir yah baudam hai kaun ? koee pagal hai kya ? ek sajjan ne kaha, ‘mahashay, pagal kya hai, bas baudam hai. ghar men lakhon ki sampatti hai, shakkar ki ek mil sivan men hai, do karakhane chhapare men hain, tin-tin, char-char sau ke talabavale adami naukar hain, par ise dekhie, phatehal ghooma karata hai. gharavalon ne sivan bhej diya tha ki ja kar vahan nigarani kare. do hi mahine men mainejar se lad baitha, usane yahan likha, mera istipha lijie. apaka ladaka mazadooron ko sir chadhaye rahata hai, ve man se kam nahin karate. akhir gharavalon ne bula liya. naukar-chakar lootate khate hain usaki to jara bhi chinta nahin, par jo samane am ka bag hai usaki rat-din rakhavali kiya karata hai, kya majal ki koee ek patthar bhi phenk sake.’ ek miyan ji bole, ‘baboo ji, ghar men tarah-tarah ke khane pakate hain, magar isaki takadir men vahi roti aur dal likhi hai aur kuchh nahin. bap achchhe-achchhe kapade kharidate hain, lekin vah unaki taraph nigah bhi nahin uthata. bas, vahi mota kurata, gadhe ki tahamat bandhe mara-mara phirata hai. apase usaki siphat kahan tak kahen, bas poora baudam hai.’

ye baten sun kar bhi is vichitr vyakti se milane ki utkntha huee. sahasa ek adami ne kaha ‘vah dekhiye, baudam a raha hai.’ maine kutoohal se usaki or dekha. ek 20-21 varsh ka hrisht-pusht yuvak tha. nnge sir, ek gadhe ka kurata pahane, gadhe ka dhila pajama pahane chala ata tha! pairon men joote the. pahale meri hi or aya. mainne kaha, ‘aie baithie.’ usane mndali ki or avahelana ki drishti se dekha aur bola, ‘abhi nahin, phir aoonga.’ yah kahakar chala gaya.

jab sndhya ho gayi aur sabha visarjit huee to vah am ke bag ki or se dhire-dhire akar mere pas baith gaya aur bola- in logon ne to meri khoob buraiyan ki hongi. mujhe yah baudam ka lakab mila hai.

mainne sukachate hue kaha- han, apaki charcha log roj karate the. meri apase milane ki badi ichchha thi. apaka nam kya hai?

baudam ne kaha- nam to mera muhammad khalil hai, par as-pas ke das-panch ganvon men mujhe log urph ke nam se zyada janate hain. mera urph baudam hai.

main- akhir log apako baudam kyon kahate hain?

khalil- unaki khushi aur kya kahoon? main zindagi ko kuchh aur samajhata hoon, par mujhe ijajat nahin hai ki panchon vakt ki namaz padh sakoon. mere valid hain, chacha hain. donon sahab pahar rat se pahar rat tak kam men masarooph rahate hain. rat-din hisab-kitab, napha-nukasan, mndi-teji ke sivay aur koee zikr hi nahin hota, goya khuda ke bande n hue is daulat ke bande hue. chacha sahab hain, vah pahar rat tak shire ke pipon ke pas khade ho kar unhen gadi par ladavate hain. valid sahab aksar apane hathon se shakkar ka vajan karate hain. dopahar ka khana sham ko aur sham ka khana adhi rat ko khate hain. kisi ko namaz padhane ki phursat nahin. main kahata hoon, ap log itana sir-magajan kyon karate hain. bade karabar men sara kam etabar par hota hai. malik ko kuchh n kuchh bal khana hi padata hai. apane balaboote par chhote karobar hi chal sakate hain. mera usool kisi ko pasand nahin, isalie main baudam hoon.

main- mere khayal men to apaka usool thik hai.

khalil- aisa bhool kar bhi n kahiega, varana ek hi jagah do baudam ho jayenge. logon ko karobar ke siva n din se garaj hai n duniya se. n mulk se, n kaum se. main akhabar mngata hoon, smarna phnd men kuchh rupaye bhejana chahata hoon. khilaphat-phnd ko madad karana bhi apana pharj samajhata hoon. sabase bada sitam hai ki khilaphat ka razakar bhi hoon. kyon sahab, jab kaum par, mulk par aur din par charon taraph se dushmanon ka hamala ho raha hai to kya mera pharj nahin hai ki jati ke phayade ko kaum par kurban kar doon. isilie ghar aur bahar mujhe baudam ka lakab diya gaya hai.

main- ap to vah kar rahe hain jisaki is vakt kaum ko zaroorat hai.

khalil- mujhe khauph hai ki is chaupat nagari se ap badanam ho kar jayenge. jab mere hajaron bhaee jel men pade hue hain, unhen gaji ka gadha tak pahanane ko mayassar nahin to meri gairat gavara nahin karati ki main mithe lukamen udaoon aur chikan ke kurtte pahanoon, jinaki kalaiyon aur muddhon par sijanakari ki gayi ho.

main- ap yah bahut hi munasib kahate hain. afasos hai ki aur log apaka-sa tyag karane ke kabil nahin.

khalil- main ise tyag nahin samajhata, n duniya ko dikhane ke lie yah bhesh bana ke ghoomata hoon. mera ji hi lajjat aur shauq se phir gaya hai. thode din hote hain valid ne mujhe sivan ke mil men nigarani ke lie bheja, mainne vahan ja kar dekha to injiniyar sahab ke khanasame, baire, mehatar, dhobi, mali, chaukidar, sabhi mazadooron ki jel men likhe hue the. kam sahab ka karate the, mazadoori karakhane se pate the. sahab bahadur khud to beusool hain, par mazadooron par itani sakhti thi ki agar panch minat ki der ho jae to unaki adhe din ki mazadoori kat jati thi. mainne sahab ki mijajapurasi karani chahi. mazadooron ke sath riyayat karani shuroo ki. phir kya tha ? sahab bigad gaye, istiphe ki dhamaki di. gharavalon ko unake sab halat maloom hain. palle daraje ka haramakhor adami hai. lekin usaki dhamaki pate hi sabake hosh ud gaye. main tar se vapas bula liya gaya aur ghar par meri khoob le-de huee. pahale baudam hone men kuchh kor-kasar thi, vah poori ho gayi. n jane sahab se log kyon itana darate hain?

main- apane vahi kiya jo is halat men main bhi karata balki main to pahale sahab par gaban ka mukadama dayar karata, badamashon se pitavata, tab bat karata. aise haramakhoron ki yahi sajaen hain.

khalil- phir to ek aur, do ho gaye. afasos yahi hai ki apaka yahan kayam n rahega. mera ji chahata hai, ki chnd roj apake sath rahoon. muddat ke bad ap aise adami mile hain jisase main apane dil ki baten kah sakata hoon. in gnvaron se main bolata bhi nahin. mere chacha sahab ko javani men ek chamarin se talluk ho gaya tha. usase do bachche, ek ladaka aur ek ladaki paida hue. chamarin ladaki ko god men chhodakar mar gayi. tab se in donon bachchon ki mere yahan vahi halat thi jo yatimon ki hoti hai. koee bat n poochhata tha. unako khane-pahanane ko bhi n milata. bechare naukaron ke sath khate aur bahar jhopade men pade rahate the. janab, mujhase yah n dekha gaya. mainne unhen apane dastarakhan par khilaya aur ab bhi khilata hoon. ghar men kuharam mach gaya. jise dekhie mujh par tyoriyan badal raha hai, magar mainne paravah n ki. akhir hai vah bhi to hamara hi khoon. isalie main baudam kahalata hoon.

main- jo log apako baudam kahate hain, ve khud baudam hain.

khalil- janab, inake sath rahana ajib hai. shah kabul ne kurbani ki mumaniyat kar di hai. hindustan ke ulama ne bhi yahi phatava diya, par yahan khas mere ghar kurbani huee. mainne harachnd bavaila machaya, par meri kaun sunata hai ? usaka kaphara (prayashchitt) mainne yah ada kiya ki apani savari ka ghoda bech kar 300 fakiron ko khana khilaya aur tab se kasaiyon ko gayen liye jate dekhata hoon to kimat de kar kharid leta hoon. is vakt tak das gayon ki jan bacha chuka hoon. ve sab yahan hinduon ke gharon men hain, par maja yah hai ki jinhen mainne gayen di hain, ve bhi mujhe baudam kahate hain. main bhi is nam ka itana adi ho gaya hoon ki ab mujhe isase muhabbat ho gayi hai.

main- ap aise baudam kash mulk men aur zyada hote.

khalil- lijie apane bhi banana shuroo kar diya. yah dekhie am ka bag hai. main usaki rakhavali karata hoon. log kahate hain jahan hajaron ka nukasan ho raha hai vahan to dekhabhal karata nahin, jara-si bagiya ki rakhavali men itana mustaid. janab, yahan ladakon ka yah hal hai ki ek am to khate hain aur pachis am girate hain. kitane hi ped chot kha jate hain aur phir kisi kam ke nahin rahate. main chahata hoon ki am pak jayen, tapakane lagen tab jisaka ji chahe chun le jae. kachche am kharab karane se kya fayada ? yah bhi mere baudamapan men dakhil hai.

ye baten ho hi rahi thin ki sahasa tin-char adami ek baniye ko pakade, ghasitate hue ate dikhayi diye. poochha to un charon adamiyon men se ek ne, jo soorat se maulavi maloom hote the, kaha- yah bada beeeman hai, isake bant kam hain. abhi isake yahan se ser bhar ghi le gaya hoon. ghar par taulata hoon to adh pav gayab. ab jo lautane aya hoon to kahata hai mainne to poora taula tha. poochho agar toone poora taula tha to kya main raste men kha gaya. ab le chalata hoon thane par, vahin isaki marammat hogi.

doosare mahashay, jo vahan dakakhane ke munshi the bole isaki hamesha ki yahi adat hai, kabhi poora nahin taulata. aj hi do ane ki shakkar mngavayi. ladaka ghar le kar gaya to mushkil se ek ane ki thi. lautane aya to ankhen dikhane laga. isake banton ki aj janch karani chahie.

tisara adami ahir tha. apane sir par se khali ki gathari utar kar bola- sahab, yah 11 ru. ki khali hai. 6 ser ke bhav se di thi. ghar par taula to 2 ser huee. laya ki lauta doonga, par yah leta hi nahin ! ab isaka nibatara thane hi men hoga. is par kee adamiyon ne kaha yah sachamuch beeeman adami hai.

baniye ne kaha- agar mere bant ratti bhar kam nikalen to hazar rupaye dand doon.

maulavi sahab ne kaha- to kamabakht, tanki marata hoga.

munshi ji bole- tanki mar deta hai, yahi bat hai.

ahir ne kaha- dohare bant rakhe hain. dikhane ke aur, bechane ke aur. isake ghar ki pulis talashi le.

baniye ne phir prativad kiya, pakadanevalon ne phir akraman kiya, isi tarah koee adh ghnta tak takarar hoti rahi. meri samajh men n ata tha ki kya karoon. baniye ko chhudane ke lie zor doon ya jane doon. baniye se sabhi jale hue maloom hote the. khalil ko dekha to gayab ? n jane kab uthakar chala gaya ? baniya kisi tarah n dabata tha, yahan tak ki thane jane se bhi n darata tha.

ye log thane jana hi chahate the ki baudam samane ata dikhayi diya. usake ek hath men ek tokara tha, doosare hath men ek katora aur pichhe ek 7-8 baras ka ladaka . usane ate hi maulavi sahab se kaha- yah katora ap hi ka hai qaziji ?

maulavi- (chaunkakar) han hai to, phir ? tum mere ghar se ise kyon laye?

baudam- isalie ki katore men vahi adha pav ghi hai jisake vishay men ap kahate hain ki baniye ne kam taula. ghi vahi hai. vajan vahi hai. beeemani garib baniye ki nahin hai, balki qazihaji maulavi jahoor ahamad ki.

maulavi- tum apana baudamapana yahan n dikhana nahin to main kisi se darane vala nahin hoon. tum lakhapati hoge to apane ghar ke hoge. tumhen kya majal tha mere ghar men jane ka !

baudam- vahi jo apako baniye ko thane men le jane ka hai. ab yah ghi bhi thane jayega.

maulavi- (sitapita kar) sabake ghar men thodi-bahut chiz rakhi hi rahati hai. kasam quran sharif ki, main abhi tumhare valid ke pas jata hoon, aj tak ganv bhar men kisi ne mujh par aisa ilajam nahin lagaya tha.

baniya- maulavi sahab, ap jate kahan hain ? chalie hamara-apaka phaisala thane men hoga. main ek n manoonga. kahalane ko maulavi, dinadar, aise banate hain ki devata hi hain. par ghar men chiz rakh kar doosaron ko beeeman banate hain. yah lambi dadhi dhokha dene ke lie badhayi hai?

magar maulavi sahab n ruke. baniye ko chhod kar khalil ke bap ke pas chale gaye, jo is vakt sharm se bachane ka sahaj bahana tha.

tab khalil ne ahir se kaha- kyon be, too bhi thane ja raha hai ? chal main bhi chalata hoon. tere ghar se yah ser bhar khali leta aya hoon.

ahir ne maulavi sahab ki durgati dekhi to chehare par havaiyan udane lagin, bola- bhaiya javani ki kasam hai, mujhe maulavi sahab ne sikha diya tha.

khalil- doosare ke sikhane se tum kisi ke ghar men ag laga doge ? khud to bachcha doodh men adha pani mila-mila kar bechate ho, magar aj tumako itani mutamaradi savar ho gayi ki ek bhale adami ko tabah karane par amada ho gaye. khali utha kar ghar men rakh li, us par baniye se kahate ho ki kam taula.

baniya- bhaiya, meri lakh rupaye ki ijjat bigad gayi. main thane men rapat kiye bina n manoonga.

ahir- sahoo ji, abaki maph karo, nahin to kahin ka n rahoonga.

tab khalil ne munshi ji se kaha- kahie janab, apaki kalee kholoon ya chupake se ghar ki rah lijiega.

munshi- tum bechare meri kalee kya khologe. mujhe bhi ahir samajh liya hai ki tumhari bhapakiyon men aoonga ?

khalil- (ladake se) kyon beta, tum shakkar le kar sidhe ghar chale gaye the?

ladaka- (munshi ji ko sashnk netron se dekh kar) bataoonga.

munshi- ladakon ko jaisa sikha doge vaisa kahenge.

khalil- beta, abhi tumane mujhase jo kaha tha, vahi phir kah do.

ladaka- dada marenge.

munshi- kya toone raste men shakkar phank li thi.

ladaka- rone laga.

khalil- ji han, isane mujhase khud kaha, par apane usase to poochha nahin baniye ke sir ho gaye. yahi sharaphat hai.

munshi- mujhe kya maloom tha ki usane raste men yah shararat ki?

khalil- to aise kamazor saboot par ap thane kyonkar chale the ? ap gnvaron ko maniardar ke rupaye dete hain to us rupaye par do ane apani dastoori kat lete hain. take ke postakard ane men bechate hain, jab kahie tab sabit kar doon. use kya ap beeemani nahin samajhate hain?

munshi ji ne baudam ke munh lagana munasib n samajha. ladake ko marate hue ghar le gaye. baniye ne baudam ko khoob ashirvad diya. darshak log bhi dhire-dhire chale gaye. tab mainne khalil se kaha apane is baniye ki jan bacha li nahin to bechara begunah pulis ke pnje men phns jata.

khalil- ap janate hain ki mujhe kya sila (inam) milega. thanedar mere dushman ho jayenge. kahenge yah mere shikaron ko bhaga diya karata hai. valid sahab pulis se thar-thar kanpate hain. mujhe hathon lenge ki too doosaron ke bich men kyon dakhal deta hai ? yahan yah bhi baudamapan men dakhil hai. ek baniye ke pichhe mujhe bhale adamiyon ki kalee kholani munasib n thi. aisi harakat baudam log kiya karate hain.

mainne shraddhapoorn shabdon men kaha- ab main apako isi nam se pukaroonga. aj mujhe maloom hua ki baudam devataon ko kaha jata hai! jo svarth par atma ki bhent kar deta hai vah chatur hai, buddhiman hai. jo atma ke samane, sachche siddhant ke samane, saty ke samane, svarth ki, ninda ki paravah nahin karata vah baudam hai, nirbuddhi hai.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah