मोटर की छींटे -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

kya nam ki... prat:kal snan-pooja se nipat, tilak laga, pitambar pahan, khadaoon panv men dal, bagal men patra daba, hath men mota-sa shatru-mastak-bhnjan le ek jajaman ke ghar chala. vivah ki sait vicharani thi. kam-se-kam ek kaladar ka daul tha. jalapan oopar se. aur mera jalapan mamooli jalapan nahin hai. babuon ko to mujhe nimantrit karane ki himmat hi nahin padati. unaka mahine-bhar ka nashta mera ek din ka jalapan hai. is vishay men to ham apane sethon-sahookaron ke kayal hain, aisa khilate hain, aisa khilate hain, aur itane khule man se ki chola anandit ho uthata hai. jajaman ka dil dekhakar hi main unaka nimantran svikar karata hoon. khilate samay kisi ne roni soorat banayi aur meri kshudha gayab huee. rokar kisi ne khilaya to kya ? aisa bhojan kam-se-kam mujhe nahin pachata. jajaman aisa chahie ki lalakarata jay lo shastriji, ek balooshahi aur, main kahata jaoon ... nahin jajaman ab nahin !

rat khoob varsha huee thi, sadak par jagah-jagah pani jama tha. main apane vicharon men magan chala jata tha ki ek motar chhap-chhap karati huee nikal gayi. munh par chhinte pade. jo dekhata hoon, to dhoti par mano kisi ne kichad gholakar dal diya ho. kapade bhrasht hue, vah alag, deh bhrasht huee, vah alag, arthik kshati jo huee, vah alag. agar motaravalon ko pakad pata, to aisi marammat karata ki ve bhi yad karate. man masosakar rah gaya. is vesh men jajaman ke ghar to ja nahin sakata tha, apana ghar bhi mil-bhar se kam n tha. phir ane-jane vale sab meri or dekh-dekhakar taliyan baja rahe the. aisi durgati meri kabhi nahin huee thi. ab kya karoge man ? ghar jaoge, to panditain kya kahengi ?

mainne chatapat apane kartavy ka nishchay kar liya. idhar-udhar se das-barah patthar ke tukade bator liye aur doosari motar ki rah dekhane laga. brahmatej sir par chadh baitha ! abhi das minat bhi n gujare honge ki ek motar ati huee dikhayi di ! oho vahi motar thi. shayad svami ko steshan se lekar laut rahi thi. jyon hi samip ayi, mainne ek patthar chalaya, bharapoor zor lagakar chalaya. sahab ki topi udakar sadak ke us bajoo par giri. motar ki chal dhimi huee. mainne doosara phair kiya. khidaki ke shishe choor-choor ho gaye aur ek tukada sahab bahadur ke gal men bhi laga. khoon bahane laga. motar ruki aur sahab utarakar meri taraph aye aur ghoonsa tanakar bole ‘sooar, ham tumako pulis men dega.‘  itana sunana tha ki mainne pothi-patra zamin par phenka aur sahab ki kamar pakadakar adngi lagayi, to kichad men bhad-se gire. mainne chat savari ganthi aur garadan par ek pachis radde tabadatod jamaye ki sahab chaundhiya gaye. itane men unaki patniji utar ayin. oonchi edi ka joota, reshami sadi, galon par paudar, othon par rng, bhavon par syahi, mujhe chhate se godane lagin. mainne sahab ko chhod diya aur dnda sambhalata hua bola, ‘deviji, ap maradon ke bich men n paden, kahin chot-chapet a jay, to mujhe du:kh hoga.‘   sahab ne avasar paya, to samhalakar uthe aur apane bootadar pairon se mujhe ek thokar jamayi. mere ghutane men badi chot lagi. mainne baukhalakar dnda utha liya. aur sahab ke panv men jama diya. vah kate ped ki tarah gire. mem sahab chhatari tanakar daudin. mainne dhire se unaki chhatari chhinakar phenk di. draivar abhi tak baitha tha. ab vah bhi utara aur chhadi lekar mujh par pil pada. mainne ek dnda usake bhi jamaya, lot gaya. pachason adami tamasha dekhane jama ho ge. sahab bhoomi par pade-pade bole, ‘raiskel, ham tumako pulis men dega.‘ mainne phir dnda snbhala aur chahata tha ki khopadi par jamaoon ki sahab ne hath jodakar kaha, ‘nahin-nahin, baba, ham pulis men nahin jayaga, maphi do.‘ mainne kaha, ‘han, pulis ka nam n lena, nahin to yahin khopadi rng doonga. bahut hoga chh: mahine ki saza ho jayagi, magar tumhari adat chhuda doonga. motar chalate ho, to chhinte udate chalate ho, mare ghamand ke andhe ho jate ho. samane ya bagal men kaun ja raha hai, isaka kuchh dhyan hi nahin rakhate. ek darshak ne alochana ki ‘are maharaj, motaravale jan-boojhakar chhinte udate hain aur jab adami lathapath ho jata hai, to sab usaka tamasha dekhate hain. aur khoob hnsate hain. apane bada achchha kiya, ki ek ko thik kar diya.‘ mainne sahab ko lalakarakar kaha, ‘sunata hai kuchh, janata kya kahati hai. sahab ne us adami ki or lal-lal ankhon se dekhakar kaha, ‘tum jhooth bolata hai, bilakul jhooth bolata hai.‘ mainne danta –‘abhi tumhari hekadi kam nahin huee, aoon phir aur doon ek sonta kasake ?’ sahab ne ghighiyakar kaha, ‘are nahin baba, sach bolata hai, sach bolata hai. ab to khush hua.‘ doosara darshak bola, ‘abhi jo chahen kah den, lekin jyon hi gadi par baithe, phir vahi harakat shuroo kar denge. gadi par baithate hi sab apane ko navab ka nati samajhane lagate hain.‘ doosare mahashay bole, ‘isase kahie thookakar chate.‘ tisare sajjan ne kaha, ‘nahin, kan pakadakar uthaie-baithaie.‘ chautha bola, ‘are draivar ko bhi. ye sab aur badamash hote hain. maladar adami ghamand kare, to ek bat hai, tum kis bat par akadate ho. chakkar hath men liya aur ankhon par parada pada.‘ mainne yah prastav svikar kiya. ‘draivar aur malik donon hi ko kan pakadakar uthana-baithana chahie aur mem sahab ginen. suno mem sahab, tumako ginana hoga. poori sau baithaken. ek bhi kam nahin, zyada jitani chahen, ho jayn. do adamiyon ne sahab ka hath pakadakar uthaya, do ne draivar mahoday ka. draivar bechare ki tang men chot thi, phir bhi vah baithaken lagane laga. sahab ki akad abhi kafi thi. ap let gaye aur ool-jalool bakane lage. main us samay rudr bana hua tha. dil men than liya tha ki isase bina sau baithaken lagavaye n chhonoonga. char adamiyon ko hukm diya ki gadi ko dhakelakar sadak ke niche gira do.

hukm ki der thi. char ki jagah pachas adami lipat gaye aur gadi ko dhakelane lage. vah sadak bahut oonchi thi. donon taraph ki zamin nichi. gadi niche girati aur toot-tatakar dher ho jati. gadi sadak ke kinare tak pahunch chuki thi, ki sahab kankhakar uth khade hue aur bole baba, gadi ko mat todo, ham uthe-baithega. mainne adamiyon ko alag hat jane ka hukm diya; magar sabon ko ek dillagi mil gayi thi. kisi ne meri or dhyan n diya. lekin jab main dnda lekar unaki or dauda tab sab gadi chhodakar bhage aur sahab ne ankhen band karake baithaken lagani shuroo kin. mainne das baithakon ke bad mem sahab se poochha, ‘qitani baithaken hueen ?’ mem sahab ne rob se javab diya, ‘ham nahin ginata.‘ 'to is tarah sahab din-bhar kankhate rahenge aur main n chhonoonga. agar unako kushal se ghar le jana chahati ho, to baithaken gin do. main unako riha kar doonga.' sahab ne dekha ki bina dnd bhoge jan n bachegi, to baithaken lagane lage. ek, do, tin, char, panch. sahasa ek doosari motar ati dikhayi di. sahab ne dekha aur nak ragadakar bole, ‘pnditaji, ap mera bap hai ! mujh par daya karo, ab ham kabhi motar par n baithega. mujhe bhi daya a gaya. bola, ‘nahin, motar par baithane se main nahin rokata, itana hi kahata hoon ki motar par baithakar bhi adamiyon ko adami samajho.‘ doosari gadi tej chali ati thi. mainne ishara kiya. sab adamiyon ne do-do patthar utha liye. us gadi ka malik svayn draiv kar raha tha. gadi dhimi karake dhire se sarak jana chahata tha ki mainne badhakar usake donon kan pakade aur khoob zor se hilakar aur donon galon par ek-ek padaka dekar bola, ‘gadi se chhinta n udaya karo, samajhe. chupake se chale jao.‘ yah mahoday bak-jhak to karate rahe; magar ek sau adamiyon ko patthar liye khada dekha, to bina kan-poonchh dulaye chalate hue. unake jane ke ek hi minat bad doosari gadi ayi. mainne 50 adamiyon ko rah rok lene ka hukm diya. gadi ruk gayi. mainne unhen bhi char padake dekar vida kiya; magar yah bechare bhale adami the. maje se chanten khakar chalate hue. sahasa ek adami ne kaha, ‘pulis a rahi hai.‘ aur sab-ke-sab hurr ho gaye ! main bhi sadak ke niche utar gaya aur ek gali men ghusakar gayab ho gaya.

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah